#سجينة_أبو_غريب
#بارت_سبعة_وعشرون
ملاحظة :
خلي احجي بموضوع بما أنو الواتباد يحتوي على جميع الفئات العمرية ومن ضمنهم مراهقين فأ أني ما راح اكتب عن النادي بكثرة فلا تكولون أحداث مختصرة اعرف لو غير كاتبات يوصلون عشر بارتات اني تقريباً يصيرون لو خمسة لو اربعه وننتقل إلى محطة جديد فلا تكولون اختصرتي الأحداث لا فقط نراعي الأعمار
تعليقاتكم على الفقرات تسعدني +متابعة للحساب .
مِجرب انتَ
الوجَع مِن توصِل لمِرحلة
تِتفكد بـ روحَك
وتِضحك وتَبين قوّي
ويَرجع شريّط العُمر
وتفضحِك جرُوحك
مِجرب لخَسارة شِنو !
مِن تَخسِر انتَ بَشر
عَايش وسّط رُوحِك .
انا لست شخصاً سيئاً انا شخص طيب جداً حدثت له أمور سيئه فجلعت منه شخصا مضطراً
نعم مضطرة هذهِ الكلمه الي من نحجيها لشخص ما يعرف شنو الحروب الي بداخلنا ماراح يقتنع بيها اصعب واحقر احساس على وجه الارض هوَ انك تكون مضطر تعيش وتتأقلم ويا جو مو جوك
هاي اني اليوم مضطرة ادخل مكان من كنت اسمع أسمة تشمئز نفسي مضطرة اتقمص شخصية مو شخصيتي
واضحك غصب عني
حتى اكدر اعيش امي واختي الي ما بقالي بالدنيا غيرهن مو حتى اني اعيش لا لأن اني اصلا ماعايشة
اني من لحضة دخولي لذاك المكان الي سلب مني هيلين البريئة ماعدت عايشة
هيلين ماتت من زمان .
من سحبوها ونسجنت بدون ذنب
من قتلو ابوها كدام عينها
من خلو اخوها يعتدي عليها
من شالت باحشاها طفل ما تعرف منين
من شافت ياسين منتحر ماضل من هيلين غير جسد يتحرك بس حتى يوفر العيشة لأمها واختها
امشي متوجهه للكابوس الي مضطرة اتعايش وياه (للبار)
حتى أنزع اخر قطرة نظافة بقت بداخلي
وادخل اتلوث بقذارة هل مكان
موعدنا هوة الساعة الثامنة مساءًا وجيت عالوقت مضبوط ليش اكدر اتاخر بعد ما صورني واني متجردة من ملابسي
يعني اقل تقصير مني انفضح وصلت باب العهر والحراس دخلوني فوراً يعرفوني اللي اتردد صار لي ايام أتردد عليهم علمود أأجل الموعد بين ما وضع امي شوية يتحسن
حان الوقت ندخل بمكان ينقلك من الفقر إلى العهر
بعد ما جنت ادخل من باب كليتي واني كلي فخر وفرح حتى اتخرج وافرح أمي هسه ادخل من باب البار حتى اركص وابيع لحمي بفلوس طبيت بوسط هذي الضجه والصوت العالي
ناس عايشة ماتدري بالدنيا طشت لو رشت كلمن عايش لمزاجة ولكيفة
أعصر بدية واباوع للمكان صوت الطرب ممزوج بصوت ضحكات البنات العالية وكل ضحكة منهن توصل لرأس الشارع كلهن لبسهن مابي نص متر
باوعت لنفسي واني كلي وصخ احس روحي ادية ورجلية مال زلم من الشعر وشعر راسي هاملة نفسي لآخر درجة رحت لعجرج ما اعرف ليش سميحه تسمي بهل اسم
__: مرحبا اني جيت رفع رأسة
عجرج : اها هاي انتِ ام الحلفان عارفه مواعيدج مضبوطة
__: واني اكدر اتاخر بعد ما لزموتوني من ايدي التوجعني
عجرج: ايدج التوجعك ما جريناج منها وجبناج لهون انتِ جيتي بمزاجج واحنا كرماء مانرد أحد
شال تلفون حجة وسدة شوي واجت هاي الي اخذت الي صور سميحة
سميحة- اهلين فيكي يحلوة
ابتسمت مجاملة بوجهه
__: وبيج
سميحة:عرائيه
__: اي
سميحة : شوو يا أمورة شرفتي تقريباً نص بنات البار عرائيات
عجرج: سمحية اخذيها نظفي قذارتها طلعيها بالباكيت
سميحة : ايي تؤمر هلا بدي خليا ائمر يلا ائدامي يا سنيورة.
__: وين
هزت راسها وضحكت بضحكة رنانه وجرتني من ايدي اخذتني بممر بي غرف دخلتني على وحدة منهم يمكن هل غرفة صالون اي واضح صالون
سميحة : لوين يعني للكوافير بدي زبطك اكيد ماراح تطلعي هيك بهل منظر كأنك زلمة بدي شغل شي اسبوع منشان تنظفي
شفت هواي بنات يتمكيجن ويسون بشعرهن باوعت الي سمحية
سميحة: هلا اسمحيلي بئلك انو حجابك راح بتخلعي
هزيت راسي واستسلمت للامر الواقع المر ماعندي حل ثاني لان وقعت على اعدامي نزعت حجابي
سميحة : وهلأ من وين بدنا نبلش اول شي لازم تزيلي شعر جسمك بديا هيك يصير يبرء برء شوفي ادخلي الحمام
راح تلائي منضفات للجسم وزيلي اي شعرة بجسمك وطلعي راح انطرك هون بس لاتطولي كتير يلا
تنفست للصعداء يبدو حياتي راح تتحول إلى الأسوء
دخلت الحمام جان كبير وصدك مليان اشياء منظفات مقشرات جسم فتحت الدوش نزل لمي على جسمي وامتزجت دموعي وياه لمن تغسلين هيلي حتى تستعرضين أمام السكارة جريت حسرة بآه وطلعت
سميحة:اي نعيماً ياحلوه تعي هون على الكرسي
قبل لا اكعد نزعت الجبة مني والتراك سوه اللي لابسته جوه بدت تمد الحلاوة على جسمي سألتني بأستغراب
سميحة: لكي انتِ شو عاملة جسمك في آثار بشعة وتخوف
تنهدت واني اباوع لجسمي مليان اثار من جنت بالسجن رفعت عيني الهه وجاوبته بكذب
__: هاي الاثار من بابا جاوبت هيج لان احسن من لا اكول باقية الاثار بسبب دخلت السجن
سميحة: يا ئلبي شو عامل فيكي
نزلت راسي وتنهدت رديت ما اريد اضيع شغلي بس اكلهم جنت بسجن يطردوني جاوبت بصيغه جمع
ظالمين شو هو بريئ وغيروني من فتاة بريئة لفتاة قلبها من حجر عذبوني ضوقوني المر عشت ايام ما اتمناها لعدوي ناس ماعدهم رحمة الله كفار حشرات
سميحة: مبين كتير مأذينك هو ومين وانتِ هون شو بتعملي بسوريا
رديت واني اتغافل بالجواب
__: اخذت امي واختي الي بقولي وشردت بيهم لهنا الحياة بأكملها ما نصفتني
سميحة: يا ئلبي كتير مأذينك الله لايعطيهم العافية
نسيت نفسي واني احجي عنهم مسحت دموعي وهي بدت سكتت وبعد ساعات خلصت بس حتركت روحي من الالم باوعتلي كلش تاذيت بس اكيد ماراح يطلع قطرة من وجع روحي
كملت شغل ونظرات الاشمئزاز من جسمي وهي تباوعلي محتله ملامحها
هزت راسه بتفهم وحجت
سمحيه:اي خلاص تعي مع الاعطيكِ شي يغطي هادي لاثار
هزيت راسي واني فرحانه عاد مستورة مشخلع
مشت ومشيت وراها واحس نفسي مجرد آلة
سمحية:خدي هي لاشوفها عليكِ
هيلين: ماشي
دخلت غرفة التبديل لبست فستان طويل ضيق مفتوح من الكتف بس الردن لحد كف الايد
رفعت عيونه من أظافره
سميحة: منيح هلا تمام
اخذت نضره على لبسي
ملابس تستر تشويه جسمي لكن تبرز مفاتني بطريقة مغريه
حجيت بضيق
هيلين: ما كو غير هذول ضي....
رمقتني بنظرة قبل لا أكمل دارت وجهها وكالت
سميحه: خليني منيحة معك و امشي ئدامي لاشوف نكمل باقي ترتيب شعرك ليش هيك
_هو هيج ذبتة كيرلي
سميحة: بدي ائصو شوي وسرحو
تأفأفت ساكتة سلمتها نفسي بدون اعتراض ماعاد يهمني شي بعد حتى روحي شتسوي خل اسوي
هاي تاليتج هيلين بالعافيه عليج الراح تأكلي وبعد وبعد الله يعلم شراح اشوف
شكد صعبة من العز إلى الذل بعد ماچنت معززة بنص اهلي وزود ابوي أصعب وأشد الأحزان هو أن تتذكر أيام السعادة والهناء عندما تكون في أشد حالات التعاسة والشقاء والألم
كعدت على ميز اجت ماكير بلشت تنزل بي بالشسوار وكصته وبعدها بدات بالمكياج غير عن مكياجي اللي جنت اخلي بعقل طفولي ساذج ونبع الحنان تبقى تحجي مكياج ومكياج عبالك علب هنا كلهن قلم حمرة سحريه وباودر ابو التاج ومسكارة تعالي يوم شوفي بنتج شلعبو بيها ضل كريم بودرة روج احمر صارخ
كملت باوعت على نفسي تغيرت جذرياً كأنو انسانة ثانية
سميحة: كتير كتير طلعتي حلوة رح تكسري على البنات
لبست الحذاء وطلعت وياسمحية
سميحة :سمعي منيح يا قلبي لا تفكري انو كل وحدة تشتغل هون هيه سعيدة وجايا برضاها
اكتر البنات هون الظروف جبرتهم على هل شغل بس لما يصعدو هل مسرح يرمو كل شي ورة ضهرهم ويلبسو شخصية السعادة منشان تمشي أمورهم وبدياكي تعملي هيك منشان تمشي أمورك
__: تمام
دخلنا القاعة كعدت على الكراسي هي بجانبي شوية تغيرت الأغنية،جرتني صعدتني عالمسرح بنص الي يركصن وكفت مثل الدمية ماعرف شسوي
سميحة كاعدة على طاولة يم وأحد تاشر لي بجتافها بقصد انو ركصي لتضلين واكفة
صرت احاول احرك نفسي ماعرف ارد اسوي مثلهم ماكدر ولا وحدة منهم همها الناس اجناس وسيماههم في وجوههم فعلاً هذا مكان العهرات همهم بس الفلوس
ما تمالكت نفسي نزلت دموعي انطيت العالم ضهري وحطيت ايدي على وجهي وابجي بحرقة حسيت قلبي راح يوكف ويعلن استسلامه
أجى عجرج جرني من شعري حيل ويسحب بيه بالممر فتح باب احد الغرف وشمرني وعاط بية كاز على اسنانه
عجرج : ممثله ممتازة عبالج صدكتج من كلتي ما مشتغله قبل بنادي
__: والله ما مشتغل والسيدة زينب الله يشهد كل كلمة حجيتها صحيحة ماكذبت بحرف
عجرج : ما تقنعيني ارتاحي وبعد شوي ترجعين تصعدين على المسرح ترقصين وبوقت الاستراحة تنزلي للطاو...
قاطعته بحدية وبتحدي ورديت تحلم عجرج تحلم انزل يم السكارة
عجرج : اتصال واحد وبدقائق الصور توصل لمامتك واختك .
__: أعلى ما بخيلك اركبه
ابتسم نصف ابتسامة وطلع تلفون من جيبة واتصل بواحد كالة نص ساعة أريدك توصل يمي بقيت انتظر مستغربة يمه منو هوَ يوصل لمن كاعد مقابيلي على الكرسي و ورث جكارته سحب نفس منها وزفره ليفوك وكال ختج مطلقه مو باوعت بصدمة وانذهال رديت
__: منين دريت؟
عجرج : وَتحب مراد
__:شنو قصدك
عجرج : بتليفون واحد مراد ما عاد يطلع بسيرين
__:من وين جبت اسم اختي
عجرج : مانو شي صعب عليه بنت أنعام
بعدني ما ناطقة كلمة طبك الباب بكل قوة وطلع
بقيت صافنه على المستنقع الي دخلت نفسي لازم اتنازل علمود ماما كلشي اتحمل حتى لو اوكع بالغلط
قطعت صفنتي دخول احد الراقصات دخلت للغرفة
__:مرحبا ممكن اكعد وياج
بقيت متردده انو اجاوبها حجت هي
__:لاتخافين مراح اكلج تره بس شفتج شلون سحبج عجرج واجيت اطمئن عليج شنو خايفه مني ؟
جاوبت واسوي نفسي ما مهتمه
هيلين: وليش اخاف منج تفضلي اكعدي
__:امممم انتي جديده هنا؟
هيلين :اي جديده
__: شنو الجبرج تدخلين لهل نادي؟
هيلين: اضن هذا الشي ما يخصج انتي شنو دخلج لهذا المستنقع ؟
__: منين ابدي اني سالفتي طويله يلا اسولفها الج مادام بعد وكت
اني طالبه خامس ادبي التقيت صدفه بأبن جيرانه بوقتها اوزع ثواب فتح الباب الي ومن هل يوم صارت بينا نظرات وهل نظرات صارت اعجاب وكل يوم من اطلع للمدرسة يمشي وراي ومن ارجع هم نفس الحالة يوصلني للبيت مرت الايام واحنا نتبادل النضرات بينا إلى يوم اجى زياد بتجاهي
زياد:شلونج حياة
جاوبت بتوتر
__:هلا هلوو
زياد: اريد اسولف وياج اذا ممكن
__: ها تتم تمام تفضل
زياد: حياة اني احبج من اول ما وكعت عيني عليج وحاب اطلب ايدج من اهلج
جاوبته واني احس راح يغمه عليه من التوتر
__:هذاك بيت اهلي وتفضل
عفته ورحت واني متوتره حسيت شي يكلي التفتي شوفي حاولت امنع نفسي من أن التفت بس ما كدرت
انداريت واني اشوفه بعده بمكانه والضحكة مالية وجهه بطريقه تجنن
رجعت للبيت واني الدنيا ما سايعتني من الفرح
ثاني يوم جانت عطلة اجه اخوي
__: يوم نسوان بالباب يردنج
ام حياة: منو ما عرفتهن
__: اي بيت ام زياد
راحت امي للباب وما اشوف الا امي مدخله النسوان للصالة واجت وهي الحيرة على وجهها
__: كومي حياة عدلي نفسج خطابه عليج
حياة:شنووو شنوووو المن ؟
__: لزياد تعرفي حياة هل ايام ساكنة السطح ؟
جان سؤال امي بشك حاولت إتلافه الموضوع
حياة :هاا لالا ما اعرفه
__: خوش يا حياة احاول اصدك هسه روحي عدلي نفسج وادخلي ومن ائشر الج تطلعين خووش؟
حياة: خوش يمه خوش
عدلت نفسي على السريع وأخذت الصينيه ودخلت
حياة: السلام عليكم
__: وعليكم السلام
كعدت يمهن شوي وماما أشرت اليه اطلع جانن حيل حبابات ولطيفات والضحكه ما فاركت وجههن طول ما هنا كاعدات
__: حياة اخر مره اسئلج عندج علاقه بالولد؟
حياة: لا ماما ما اعرفه
__: خوش يجي ابوج ونشوف شيكول
بليل انفتح الموضوع وامي سولفت اله عن زياد وأهله بس الي فاجئني رفض بابا القطعي والسبب احنا سادة وما ننطي بس للسيد .
ثاني يوم امي ردت الجواب واني ميته قهر وحسيت نفسي خسرت زياد للأبد
صار موعد الدوام واني مالي خلك اروح وادوام لبست آي شي وطلعت للمدرسة وكالعادة منتظرني بركن الشارع بقي يمشي وراي وسألني بعصبية
زياد:اكدر اعرف اذا جنتي راح ترفضين ليش كلتي اجي اخطبج
حياة: زياد اعتذر بس والله الرفض اجه من اهلي مو مني
__:شلون من اهلج وهمه بلغو الوالده انتِ الرفضتي
حياة: والله اهلي رفضو
__: حياة راح اسألج سؤال واتمنى تجاوبيني بصدق
انتي تحبيني ترديني حتى إذا ما عندج مشاعر اتجاهي اني انسحب وما
قاطعت كلامه والتفت عليه ورديت
حياة: احبك
حسيته جمد ما مستوعب السمعه واني صحيت على نفسي شنو سويت يا ربي شلون حجيت هيج
زياد: يعني انتِ حياة يعني انتي تحبيني
عفته وشردت واني مصخنه من الكلام الكلته
بعد فتره صارت بينه علاقه حب جان حبنه صافي وحاول مره ثانيه ودز ناس لخطبتي وابوي رفض وهم رجع دز وهم ما خلة سادة وعوام اذا اكلج نكل شيوخ البصرة كلها لكن رفض ابوي مستمر إلى يوم اجة وكال
ابو حياة: اني حالف لخوي بنتي لابنه
حسيت عقلي وكف زين وحبنه اني وزياد حاولت أرفض وحتى انضربت في سبيل ما ازوج ابن عمو اللي صار سنتين ما يحجون ويانا بس ابوي سواني صفقة صلح وتصالح ويا أخوة تحدد موعد موتي اي موتي مو عقدي جنت فاصله عن الدنيا بس اريد اصير ملك زياد
ثاني يوم داومت ووجهي شاحب وامشي جسد بدون روح وهاي اصعب سنة دراسية سادس ضغط الدراسة وضغط ابوي انسليت صرت هيكل عظمي قبل لا ادخل المدرسة سمعت صوت ملهمي يناديني
زياد: تحدد موعد زواجج حياة وماكو غير طريقه وحده حتى ننجمع بيها
حجيت بأمل
__: شنو هيه؟
رفعت راسي مصدومة باوعت عليه واني موسعة عيوني
زياد: نشرد اي لا تباوعين عليه هيج نشرد ونزوج هذا الحل الوحيد
__: بس زياد وأهلي شلون بيهم ما أكدر
زياد: بس ما ضل النه وكت ولا خيار ثاني
__: مستحيل ما أكدر
عفته واني منهاره ما كدرت اكمل دوام رجعت للبيت بحجه اريد احضر شغلات للعقد صعدت واني منهاره لغرفتي بجيت لطمت تعبت من البجي ونمت بمكاني على الأرض
قبل يوم من العقد ما كدرت بعد خابرت زياد واني اكوله
__ اني موافقه اشرد وياك
زياد: جايج حضري نفسج
طلعت من بيت اهلي بليله ضلمه قبل عقدي بيوم واني عايفه حياتي وأهلي ومدرستي
هاجرنا لبغداد وعفنها البصرة وعمامي واهل زياد صارت ثارات وقاتل ومقتول وانكتل اخو زياد لان جان المطلوب دمنا بس ما رجعنا فصار الضحية ازوجنا اني وزياد وجانن احلى أيام حياتنا وكل شي حلو بيت بسيط وزوج محب وحملت ثمرة حبنا باحشائي.
مرت الايام وزياد بقى يشتغل عمالة يطلع الساعة اربعه الصبح للمسطر بلكي يلكه احد يشغلة بعد ما جان طالب جامعة أدراة واقتصاد بيوم طالع وتأخر يوم يومين طلعت واني اطلب المساعده من جيرانه رجال جبير بالعمر وطلعنا ندور عليه بكل مكان لحد نص الليل والناس مخبوصه كلمن يدور على عزيز اله وما كنا كادرين نشوف لان بغداد كآبة بالانفجارات ندور بين ثلاجات الموته
واشوف حبيبي وكل اهلي مغطينه بجرجف ابيض بقيت اصرخ والطم وفقدت الوعي
كعدت واني اكول هذا حلم وهسه اني بغرفتي منتضره زياد يرجع من الشغل بس خابت ضنوني واني اشوف نفسي على السديه وبيدي مغذي شلعت المغذي واني اصرخ
__: زياددد حبيبييي وين اروح بعدك ما الي اهل انت كل اهليي ابنك ما تهنيت بي وين عايفنييي
بقيت بالمستشفى يومين وطفلي مهدد بالاسقاط
وتم دفن زياد من قبل كم جار النا
بعد فتره طلعت اتمشى واني الحزن محتل ملامحي واشوف ابوي واكف يم باب بيتي
ردت اروح واحضنه بس وكفت عن الحركة واني اشوفه راح للسيارة طلع مسدس يعني جاي يكتلني طلعت من المنطقه اركض كلها واني حايره وين اروح صفيت وحيدة مالي سند بعد زياد رحت لبيت جيرانه طرقت الباب بتعب
حياة:عمو أكدر ادخل بس شوي الله يخليك
__: اي بويه تعاي تعاي شبيج وين جنتي
__: عمو انت تدري بيه هربانه من أهلي وزوجي مات واليوم شفت ابوي يم المحل فدوة دلني على حل
ابو عدنان: عمي بيت اختي راح يطلعون لسوريا شنو رايج اسويلج جواز وتسافرين وياهم لان ما ضلت الج عيشه هنا بعد أول وتالي يلكونج واشوفج مقربة ولادتج ليش تيتمين الطفل
وافقت اخذت كلشي وياي وسافرت واني تاركه العراق ومحبوبي لمن وصلنا هنا رجل أخت الحجي خلة عينة عليه والمرأه بقت تغار تركتهم وأجرت الي شقة بوحدي
دخلت بشهري واجه اليوم الي طلكت بي وجبت ابني سند ومنا بدت معاناه جديدة ويا ابني المريض
اي مريض فريت الدنيا وما لكيت شغلة الي
الرجوع للحاضر
حياة: وهاي اني كدامج حتى اعيش ابني صرت اشتغل رقاصة
هيلين: فزيت على صوتها واني دموعي تنزل صدك لو كالو من تشوف مصايب الناس تهون عليك مصيبتك
ومن بعد الحديث الطويل صار الفجر ورجعت للبيت نمت ساعة كسرت النعاس ورحت للمستشفى ابدل سيرين
__: صباح الخير
سيرين:صباح قاطعت كلامي من شفت شكل هيلي يااااا شمسوية بنفسج؟
__: شمسوية نظفت جسمي من الشعر هذول ما يقبلون وحدة منظر مجعج تشتغل وياهم
سيرين: لعد ليش بسوبر ماركت مالت جنان ما سويتي هيج
__: يا قلبي هذا مو بس سوبر ماركت هذا شبة مطعم خوب ما اقدم للزبائن اكل ويشوفون ادية كأنهم ادين طنطل هسه كافي حجي راح تتأخرين على دوامج هاج هاي فلوس اجري تكسي مو تبقين تنتظرين الباص
سيرين: تمام بس اكلج هاي انتي مو ما متزوجة وحفيتي الله عليج خليني احف
_سيرييييين اطلعي من وجهي لا اكلب خلقتج براشدي
سيرين : اوف اوف عليج حلال وعليه حرام
_كلتلج اطلعي
سيرين : طالعه طالعه بس اسكتي لا تكعدين أمي
واستمر هذا الوضع اسبوعين اروح بالليل للنادي والصبح بالمستشفى حياة صارت صديقتي الجديدة وهي موقعة عقد بس رقص مسرح وبلشت اصعد وياها على المسرح واشمر بدية ويا صوت الموسيقى ورفضي المستمر انزل يم الزبائن
بيوم من الأيام كاعدة بالصالون ميسم مكعدتني على الكرسي
بقيت صافنة شنو اسوي مثل كل مرة بعد ما نزلن شعري بالشسوار وجهي وجسمي ملنهم طحين وحلكي خلتلة الوان الاحمر عبالك مطي ماكل رمان توجهت لغرفه الملابس اخذت فستان اصفر وكعدت لبسته بكد ما ضيك احس روحي راح تطلع
وكفت كدام المراية باوعت النفسي حلوة اي صدك اني
فتاة قويه حتى بذبولها تُزهر
طلعت كملت وطلعت لكاني عجرج
عجرج: هاااا ست الحسن هم اليوم ما تنزلين للطاولات
_تنهدت وجاوبت بقلة صبر اوي شو دوخر عني
عجرج : لكي يا سافلة انطيتك مصاري لو تبقي طول عمرك تعملي ما تجيبي أدهم مو من شان توقفي على المسرح تهزي اكتافك وخصرك لا تنزلي على الطاولة تهزين أدام الزبائن احنا نعرف بالعقد وقعنا ما تتطلعي تنامي معهم بس تنزلين تراضينهم بالمساتك وإلا
_ قاطعته عجرج انتبة وإلا شو شو فهمني
عجرج تصويرك يوصل للكل يا ست الحسن هلأ قولي تنزلي على الطولات وتستقبلين كل شي بوس لمس لو بكره اروح لأمك واختك افرجيهم التصوير
_ما أكدر جاي تتطلب مني شي مستحيل اسوي
عجرج:لكن بكيفك اقلك شي يخليك تنسي حالك حتى مع الوحش
_ شنو ؟
عجرج : اخذيك حب لكي كل البنات ياخذو حبة وينزلون ينسو حالهم ويطلعو مصاري أضعاف اللي اعطيتك ياهن بالعقد يجوز بيومين تطلعينهم وتخلصين من هل مكان
__يحجي وياي وانا مصدومة بالشخص الواكف وراءه
لا تنسون التصويت 🌟 فراشاتي
تحياتي لكم #مروة_السراي