سجينة ابو غريب

بارت ١٦

#سجينة_أبو_غريب

#البارت_السادس_عشر

أوقعتنا الحياة على طيور لاتشبهنا ...وأسكنا أعشاشا لاننتمي لها ...
ودفعنا الثمن ..خيبات متلاحقة كشيء اعتيادي
ورافقتنا أحزاننا العميقة كتؤام لنبض قلوبنا .
.والآن كل مااتمني قوله ...حين أسمح لاحدهم بالاقتراب من حدود قلبي .
جملة واحدة فقط هي ..أرجو الأ تجعلني أندم
ذلك الندم القاتل .  الذي يجعلني  اقف أمام نفسي ..
قائلا .. لقد خدعت مجددا ..أيها الساذجه.

الدكتوره: شكد  عندج  اطفال

_ جاوبتها  واني ميتة خجل    بعدني  مااا  متزوجة
باوعت  على ماما  وجه  صار  اصفر  ومثل  الخايفة
غمضت عيوني بنفاذ صبر  ودرت وجهي خجلانة .

ام هيلين: تنهدت بحيرة وحاولت الزك  السالفة  هاا  خالة  هي هي يعني منفصلة .

باوعت لنا الدكتورة بحزن وردت

الدكتوره:  ما  اعرف شلون اخبرج بس طلع بالسونار عدها غدد

_باوعت إلها  بصدمة واني موسعة عيوني ،كملت كلامها لنا بدون انقطاع.

الدكتورة:مع  لاسف  فورا  احنه  لآزٍمٍ  نستأصل  المبيض  مال ست  هيلين لان  حينفجر  رحمها  بسبب كثرة للغد وكذلك عدها تكيسات مبايض لازم  احنا  باسرع وقت نستأصل المبيض ونشوف الغدد  حميده  أو  سرطانيه.

واذا حميدية زين علئ زين. و اذا سرطانيه فراح أنطر نحولها الئ المستشفئ ولازم تضرب كيمياويه علمود المرض لٱ ينتشر في جسمها.

_نصدمت ونقهرت كلش مـن كلام الدكتوره فوك ضيمي نوب المرض جانت عايزة والتمت .

صدمتني بالخبر بس شنو اسوي اووف لا اعتراض على حكمك بس ليش هيج جاي يصير وياي انسجنت واتعذبت وانتهك شرفي خلوني جسد بلا روح سقط مني طفل بالحرام بلا ذنب ابويا مات كبال عيني شنو اشوف بعد شنو مكتوبلي اعيش يا ربي الحمد لله على كل حال .

رجعنه للبيت وخبرناهم عن الي كالته الدكتوره والكل نصدم وانقهر ونقلب البيت  حزن وبجي

وماما وسيرين كاعدين يلوم   حضي  وياسين يصبر علية واني اكو شي يهون.

بس خوف العملية وهو الي قلقني،  ومرتاحة وانو بعد ما تصير عندي اطفال وراح اخلص من نك امي وكل الناس الي تكول اتزوجي  راح  ارفع المبيض وخلص  اني اصلا بعد الصارلي ما بقى بداخلي احساس ولارغبة لابزواج ولا بالأمومة  خسرت نفسي بعد الي شفتة بذاك السجن والي مر عليه  صرت ما أهم الشيء   عفتهم  يحجون وصعدت  الغرفة بدلت ملابسي وكعدت صافنة بالفراغ .

افكر بلا شي معين   شنو الي بقالي كأنثى  بهذا عمري   نسجنت تعرضت للاغتصاب من اسفل البشر  ،ابوي تعذب ومات كدام عيني مشيت عريانة كدام القاضي والداني .