سجينة ابو غريب

البارت ١٥

#سجينة_أبو_غريب

#البارت_الخامس_عشر

قـسور:ولجججججج هيلييييين

_واگفه بالباب مااحس إلا صرخ صرخه متت بـدمي شـويه چان انسحب من أيـدي قوي وأشوف نفسي واگفه بـنص الگراج  ويحجي ومعصب ويضرب على كلبة بثنين أدية

قسور : هـيلين بـس گليلي ولچ بس فهمينيي ليش ليش ماخليت احد بـ بغداد ماجبته واجيت مـن صغيرهـم لچبيـرهم جبتهم الج وچ بس وافقي ليش هجي تعذبيني هااا هااا بية شي احجي؟؟؟؟

_ أباوعله ومستغربه وضليت صافنة على وجهة شلون صار احمر من العصبية استغربت من يلي احنا بي إلا شويه ينفجر بوجهي وصدك أخذ سكوتي حافز وانطلق بالحچي:

قـسور:بعصبية مو جاي احجي هيـلين ليش هچي تسوين بيةة ليش موهـاي ثالـث مره اجيي واكول اتحمل اتحمللل ياقسور على مودها كلشي سوي اتحملللل مدام رايدهااوتالي هجي تسوين بية هااا" هچي تجازيـن گلـبي وتعـبي؟؟؟؟؟

أحجي وچ بويه احجي لاتضلين صافنه؟؟؟

_عصبت من كلامة وماتحملت وانفجرت بوجه: كافي كافي مليت افهموا افهموا كافي جاي اگلكم زواج مااريد اتزوج حسوا بية فهموني تدرون أنـي سَجـينه فهموا تعرف شنو سَجيـنه تعرف؟؟؟؟؟؟؟

أنـي عشت حياة بذاك المكان مـحد يگدر يتحملها عشت أيـام مثل السم وتنهش بجسمييي قسور افهم لوافهمك تفهم شنو يعني سَجينه يعني اني مو بنت افهم افهم وعايشهه بمستنقع قذر جنت، افهههمم الله يخليك لا اتعبني اكثر من الي اني بي

قـسور: گبال وجهي ومنفعله تحجي بكل حرگة قلب واني صافن على "عيونها الردت روحـي

عشت بمكان مستنقع من القذر شايف من انت شخص برئ ماتفهم شي چان كل حياتك مستقبلك ورضاء والديك والاشخاص التحبهم ودراستك وفجأه تروح لمكان ماتعرفه شنو وليش اخذوكك ويضلون ينهشون بجسمك وينتهكوون برائتك وانت ماتكدر تسوي شييي لان المثلهم مامحسوبين على البشر تفهم لولاا ما احس غير أنفجـــرت بالبچي من تذكرت اللحضات يلي عشتها هناك

قـسور:اييي هيلين فهمي اني اقبل بيج اني رايدج والله رايدج مااريد غيرج بويه فهمي

روحج بلسـم الروحي ورايدج ام بيتي هيلين

_تخبلت من گال هجي دفعته وتقدمت: لا قسور لاا اني ماافيدك ولاا انفعك شوف غيري ترى لاعبالكم اني بخير لاا اني جسد بلا روح عايشه مااعرف الشنوو بعد كل يلي صار لا لااا حرفياً كمت احجي بدون وعي مااحس على روحي غير انسحبت قويي

قـسور:كافي هيلين ولچ يا بلسم جروحي كافي كافي اهدي اهدي اشش أهدي

تعرفين شصاير بية بسببج خلي اكلج شصار

انـه الحـــركولي گلبـي

بـدون جــداحة و نـار

سيرين: صافنه على المشهد الگبالي وهذا گله امه واخته وبنت عمه واگفين بالباب وفاگين حلوگهم مصدومين وأني صافنه حرفياً ماستوعبت يلي اختي عايشته مانحس غير اندفع باب الگراج ويدخـل رحمان من شافف الموقف عيونه صارن بكصته

رحمٰن:بصياح لا يا ساقط اليوم اموتك اليوم ما خلي بيك عظم صاحي ابن الكلب تلعب على عرض الناس .

سيرين : قسور لازم رحـمان من ياخته ودگ بوكسات وين اليوجعاا كلت بكلبي بعد ايدي ريح كلبي بي شويا مرمر كلبي

رحـمن_هااا لك ساقط عاجبك الوضعع واگفين ومتحاضنين بنص الگراج ولااا ست الحسن مكيفه وحاضنتك يلي بلاا شرف تف عليج وعلى العارات الي خلفوج يا ك...... ياس..... ما يلامون الفلاحين من يكولن راح تنزل راسكم

سيرين : نطق رحمٰن هل كلمتين وقسور رأساً ضربة على وجه بالراجديات رفسه طيحه بالارض ودگ دفرات لك كلب ،اربيك وعلي هجي تحجي عليهاا هاااا گوا*بسيطة لك اربيك وعلي اهلك ما عرفو يبروك اني اربيك يا كو.. اد

هيلين :ضليت بحالة ذهول وصدمة ما مستوعبه يلي جاي يصير أباوع راضية ماما عبير سيرين واكفات يبجن وأهله قسور باب الگراج وقسور ورحمان گبالي يتصارعون صرخت لان بعد مااتحمل احد: كااااافييي شبيكممم كاااافي اكتل روحي واخلص منكم شلون فهموني وين اروح واخلص كااافي تعبت تعبتت

قـسور_هسة راح اروح هسه والله وبالله مااعوفك على هذا حچيك خسيس

_بعد هاي الهوسة الي صارت عفت قسور مشيت بخطوات مسرعة اريد ادخل جوة أضم روحي عن الكل بس استوقفني صوت قسور

قسور : استودعتج الله هيلين استودعتج الله.

لا اتخافين من شي اني بضهرج وراح أضل مصر على قراري وما اعوفج

سيرين: بعد الملحمه يلي صارت عود هيلين تريد تدخل راحوا اهل قسور ورحمان خوش اتزورگ يا راحتي النفسية بوجها مليان كدمات هيلين دخلت جوه ركض وتبچي گام رحمان يمسح بالدم يلي بوجه ودخل للبيت وكل يلي بالبيت مصدومين بالصار
صعدوا فوك وصعدت وراهم ماما كاعده وترزل بهيلين وياسين صافن على الحايط .

ام هيلين:الله اليستر انتِ شايفه لو هسه اجا عمج شنو يسوي هااا عبالج راح يسكت لا والله ولا يسكت وانتي راح توكعين بيها

هيلين:يوم والخلقج ما اخاف شبيج هلكد قلقه شنو راح يصير يعني بس لو اعرف شلون مخوفينج هيج من عدهم جان ارتاحيت

أم هيلين:انتِ الي شبيج ما جاي تحسبين حساب لاحد تدرين اكثر شي يخوف، الانسان اذا ما خاف
يضل ما خايف لحد ما تجيله ركعه يصحى على وكته
ويشوف نفسه شكد ضعيف ساعتها ما يقوة

_باوعتلها باستنكار على كلامها يوم خليها ببالج الضعيف اذا صار قوي محد يكدرله محدد وداعتج

أم هيلين:مااعرف نشوف نهايتها وين تصفى وياج
وياهم

سيرين:كل واحد كعد بصفحه وباله فكره ما يشاركنا بيها اشوف هيلين تمشي صبعها على حنجها وصافنه
على الحايط بحقد كلش بالفترة الأخير تغيرت شالت قاموس العاطفه من كلبها حنيتها بس علينا

مستحيل تحن على احد غيرنا صارت اللبوه التحمي عائلتها فرحانه بهذا الشي بس بنفس الوكت مقهوره
عليها لو احنا بغير ضروف جان قبلت بقسور بس اعرفها ما فكرت بس بروحها تريد تطلعنا كل احنا
بالليل سمعت صوت رحمان يصيحلي خير شكو شيريد ما ارتاح منه هل فكر

سيرين:ها شكو

رحمٰن:روحي صيحي اختج ابوي يريدها

هزيت راسي معاجبني وصحت لماما وهيلين نزلنا يم عمي نعرف راح تصير عركه على الصار اليوم وهيلين اكيد ما راح تسكت

هيلين:ها عمو خير صحتني

ابو رحمٰن:خراا بيج وبعمج ، شنوو شكد كالوا على بنات بغداد سكط بس هسه شفت بعيني وصدكت شنوو ولج الله اكبر بيت متروس ناس ما خفتي ما كلتي

هيلين:رفعت حاجبي شعلية الصوج صوجكم انتوا الي دخلتوا رجال غريب علية ما صايحتله اني

ابو رحمٰن: احنا دخلنا لأن راد يخطبج ما مدخلينه حتى يجي يتحاضن ويه حضرة جنابج الكسيف

هيلين:بعصبيه رديت عليه لاا تلومني ما علية انا ما صايحتله حجيتها وطلعت شكد اكره اكعد يمهم

سيرين:طلعت وراها وانا اسمع عمي يحجي

ابو رحمٰن:بعد لو يصبوا ذهب ما انطي مرا وخلي اشوف يوصل باب بيتنا أسويها دم للرجاب وهسة اخابرة واكله انطيتها لابن عمها
هيي هيي والله قسور بي بخت لو هيج مسوي ويه غيرنا جان ما خلوا يطلع من باب البيت بس احنا اصحاب ديوان وما أريد الناس تطعن بشرفها أكثر من لازم

هيلين:صعدت فوك لكيت ياسين نايم ما يددري بالدنيا شكو ماكو بسته من راسه ، داخلي نار علية
دائماً ملتزم الصمت وساكت هاذا الاقصد عليه يصير گلبه ضعيف هش ، جنا متعودين عليه وكح هسه تعودنا عليه هادئ قليل الكلام مو هينه علية هيج اشوفه ، بس لا محال اهلي حتى ما معترفين شنو يعني مرض نفسي حتى يودوا شوي يطلع من الهوَ بي
رحت لفراشي غطيت راسي وما نمت احس بيهم سوو عشا وغسلوا المواعين وفرشوا وناموا وبعدني كاعده .

دموعي تصب عشره عشره على اخوي وعلى مرارة الي ضكته لو يمر مية سنه على عذابي ما راح انسى ولا شي لو على سيرين الطفله الصغيره ، محد اعترف بيها صغيره .

انطوها الواحد شايل خباثه الكون وما يقبل يحررها منه لو على ماما الي خسرت وكبرت أكثر من عمرها بأضعاف وبقت بائسه لا سند ولا ضهر .

شلون بينا شنو الحل، شلون اطلع ، كعدت افكر شلون نطلع مناصار عندي ارق صوت الساعه بدا يوترني ويه كل صوت تك تك عيوني تروح يمين ويسار ، لحد ما رحت سحبت البطاريات ونمت.

مرت أيام وعمو ابو رحمٰن يوميا يحجي ويزن براسي يوصل مرحلة مرات ما يطلع من البيت حتى يكعدلي ركبه ونص لو يكعد يحجي ويه أمي الصراحه مكيفه على الوضع العصر اجت سوزان يمنا وتحمد بأخوها .

سوزان :والله صح يعني عقلة متأذي من وره التعذيب بس هوَ كلشي يفهم وحنون ما عدنا مشاكل ويا احد وهوَ اخوي من نوع الي يدلل المرا ويحترمها

اطباعه نفس اطباع عمج ، وبحسبه أبن عمج يستر عليج ويحاميج شمالج يحضي فكري بالموضوع

-ماادري عمة الله كريم اشوف

سوزان:والله ما تلكين احسن منه

-والله تفكيري مو صافي خليني افكر

سوزان:يلا لعد اروح ارجع للبيت عمج على جيه والله اذا رفضتي اموتج هههههه

-اوي خفت هههههه سلمت عليها وطلعت

سيرين :شكو شبيج كاعده صافنه وتفكرين سوزان شعدها وياج

هيلين:تريد تقنعني بأخوها

سيرين:خيولي

هيلين:أمشي وياي للمطبخ يم ماما عندي سالفه وياكم

سيرين:شكو

هيلين:يوم اني لكيت فكرة تطلعنا منا بس يحتاج لمسات اديج و نطلع منا

ام هيلين:اي امشي نطلع ونعوف سيرين شعدنا

هيلين:ومنو كلج ما نطلع بدونها تؤ تؤؤ تطلع ويانا ومطلكه هذا البومه هم

أم هيلين :شلون بلا

هيلين:انتِ الي راح تطلعينا

سيرين:دكافي احجي شلون شنو راح نبقى نجر منج كلمة كلمةفضيهاا عادد

هيلين :دشوفي يمه انتِ مو هذا عمي عينه عليج
اريد تستغلين الفرصه

ام هيلين:شنو تخبلتي اخو رجلي هذا شبيج

هيلين:ما كلتلج روحي تزوجي اني

ام هيلين:لا هذا الناقص اتزوجه

هيلين:شوفي يوم خلي نطلع من العراق ترى ضلتنا ما الها داعي لا سمعتنا زينه ولا اخوي يكدر يعيش هنا

سيرين: نطلع من العراق وين نولي وشنعرف واعية على نفسج شنو تحجين. ليش الطلعه من العراق سهله لو هينه عبالي تكولين نرجع لبغداد

_ ليش أهل بغداد ما يعرفون شصار بينا حتى نرجع هناك لا يروحي نولي بغير دولة ونبدي من جديد انعالج ارواحنا الي تعبت وبعدين شعدنا هنا خوالي وهاجين وعمام وطمعانين بأملاكنا

ام هيلين: شلون بالله يا حظرت المفكرة

ماماتي قلبي انتي بس استغلي عمو نقشمره وياخذنا بيده لبغداد نروح نبيع بيتنا ونسوي جوازات
ونرجع هنا نخلي ينطينا حصة من الكيعان ونفلت

ام هيلين :هو هي الشغله بس حجي

هيلين:اي مو هي من الحجي تصير الشغله يا امي

ام هيلين:هيلين كعدي وسكتي

-انتوا الكعدوا وسكتوا اذا تردون
انا اذا كعدتوا الصبح ما تلكوني هنا ترى

-لا تجلطيني وين تولين

هيلين:اسويلي جواز وطلع بره العراق

ام هيلين:حتى احش رجلجج

هيلين: تمام لعد ساعديني وخلي ايدج بيدي وخلينا نخلص من هل العذاب والذل

باوعت الها صفح وانا احجي

:هه عودك اذا شفتي رجلي حشيها

ام هيلين:وشلوننن تاليتها وياجج

هيلين:يوم فدوه والله تعبنا خلي نطلع سوي الكتلج عليه والله نرتاح ونريح راسنا هنا كعدتنا مذله تعرفين شنو مذله وراح تخسرين ابنج وتالي تذبي بمصح عقلي

سيرين:اي ماما والله كلامها صح ترى اليوم عدنا يمر بسنه

ام هيلين:انطوني وكت افكرر

هيلين:استعجلي ما عندي وكت

سيرين:شلون هيلين اخاف تسافرون وتعوفيني

هيلين:كلتلج والله اطلكج وما اطلع منا اذا مو انتِ وياي شبيج انتِ تخبلتي اعوفج

ثاني يوم نزلت جوا لكيتهم كاعدين يتريكون_ صباح الخير

جاوبني عمي من وره خشمه :صباح النور ما تريدين ريووك

هيلين:لا عمو بالعافيه ما اشتهي بس ردت الحك
عليك قبل لا تطلع واكلك قبلت اتزوج هشام

بس كلتله هيج السما ما ساعته فك حلكه من الاذان للاذان

ابو رحمان:اييي يا عمو هسه تفكيرج صار عدل محد يفيدج غير ابن عمج

هزيت راسي وصعدت شفت سيرين بالدرج شكلها مصدومه

سيرين:شنو هيلين مو على اساس نطلع

هيلين:اششش لا يسمعون اي نطلع بس هذه جزء من خطتي.

سيرين:على هاي خطتج غسلت ايدي من الطلعه

هيلين:تعالي امسحها

سيرين:شنية

هيلين:ايدج الغسلتيها مني ، دمشي نصعد لحد يجي يكول شبيهم كاعدين هنا

صعدت كفكفت البيت وسويت ريوك كعدنا نتريك
خلصنا بلشت امي تطبخ الغدا كعدنا انا وسيرين
نسولف يمها
اذن الظهر بين ما امي تصلي صبينا الغدا
خلصت وكعدنا نتغدا
كملنا غدا سيرين غسلت المواعين وامي دخلت نامت
انا خليتلي ورقه وقلم ارسم تصاميم ملابس حتى اقتل الملل
البيت هادى شوي ودخل ياسين طفرت عليه

_شنو اتأخرت اليوم كل مره ويه الأذان تجي

ياسين:رحت كعدت على الشط

هيلين: صدك اكو هنا شط

ياسين:يعني شوي يبعد مساف

هيلين:خلي اروح حباب اخذني

ياسين:اشوف يوم

هيلين:صددك يلا لعد اروح اصبلك غدا تستاهل
ابتسم مجامله ، رحت حميت الأكل وخليته كدامه
اكل شوي خلص وراح ونام سوده عليه يطلع من الصبح

العصر كعدت امي باوعت بوجها وغمزتلها
صح نوم يا حلو حضري نفسج عمي
معزوم على ستكان جاي وگليجه يمنا

أم هيلين: يبوو على هل بنيه تردين تموتيني انتي
ولج يمه تخبلتي عليه

هيلين: اي تخلبت واريد أخبل مازن وياي
صبري وشوفي هينه أن شاء الله
سيرين كومي ولج جيبي حمره من
مكياجج عشتو

سيرين: ما سمحلج تحجين على مكياجي

هيلين: لا فدوه سمحيلي كومي بسرعه ركض
جيبي مكياج وتعاي خمس دقايق الكاج هنا

سيرين: طگيته ركضه للغرفه جبت مكياج ورجعت يطريق لاكتني رضيه

رضيه: خير أن شاء الله شبيج تركضين
وين ماخذه المكياج

سيرين: ضايجين وحبينا نغير من
نفسنا شويه منو لازمج حطي مكياج
بلكي الله شوي تتعدل چهرتج
ولو ماكو فايده

رضيه: بنات أنعام بس الله يستر منجن وعلى
شنو ناويات خليت المكياج الجن
بنات بغداد
سيرين: همست بهدوء والله لو تعرفين على
شنو ناويات جان مابقى عقل براسج
رضيه: شبيج تتهامسين وي روحج
سيرين : ماكو شي سلامتج بس جاي اكول
عمتي حبيبتي شكد حلوه

رضيه: اي صدكت

سيرين : هزيت ايدي ومشيت شلون شكول
بس يلا أن شاء الله أخلص من خلقتج وارتاح

هيلين: جيبي ولج شنو نمتي
سيرين : رضيه شافتني وفتحت تحقيق

هيلين: ديري بالج منها ماريدها تحس على شي
وتخرب الخطه
نسرين: ما تحس ماعليج بيها

أم هيلين: الله يستر منج ومن خططج
وين راح توصلنا

هيلين: خططي تخلصنا من هذا جحيم
بديت اخلي مكياج شوي بودره وخطيت حواجبها
وكحله خفيفه وشوي حمره
اي هسه هيج تمام
نسرين: والله ورجعتي بنت العشرين سنه
من يشوفج عمي عقل ما يبقى براسه

هيلين: واحتمال يسجل هذه البيت
بإسمها ويمكن اذا يشوفها ما يتحمل ويطلب يعقد عليها حجيت هيج وغمزتلها
ام هيلين: كافي بسجن والله خوش تالي عمري اكعد تمكيج وعمجن ينعجب بية والله يا ربي

سيرين: بعدج شباب والمكياج ماعليه بالعمر

هيلين: رتبت ملابسها وحجابها خليت عطر خفيف
وبقيت عيني عل باب منتضره الافندي دقايق وندك سمعت تحنحن مالتة طفرت بسرعة

هلا عمو تفضل تفضل
ابو رحمان: هلا بيج عمي زاد فضلج
شلونج أم ياسين أن شاء الله بخير

أم هيلين: هلا أبو رحمٰن تفضل اكعد

بقت عيون عمي على أمي لو بيدي أخنكه
واطلع بروحه بس مجبوره أتحمل واسايره

قدمت الجاي والگليجه وندست سيرين
أمشي للغرفه دخلنا الغرفه وبقينا نباوع بحذر

سيرين: ولج عمج مو أمان خاف يحجيله
حجايه مع أمي وشوفي راح ياكلها بعيونه

هيلين: انتي ارتاحي معليج خليها وراي نبقى
نباوع شلون عيونة على أمي الحيوان يباوع على كل جزء بيها فصلها تفصل

أبو رحمٰن: ماشاء الله أنعام طالعه كمر 14

أم هيلين: وين أبو رحمان كبرنا والعمر عده

أبو رحمٰن: أفا عليج نعومه بعدج شباب والروح خضره كل شي تريد وانتي ما ناقصج شي
جمال واخلاق كامله مكمله احسن من العندي
كلشي ماكو بس لسان.

أم هيلين: لا مازن لا تحجي عليها أم رحمان
خوش مره مابيها قصور

أبو رحمٰن: عوفج من سيرتها لي تسد
النفس خليني مكحل عيوني بهذه جمال محروم وين شايف هيج گمر مكابل وجوه أربعة وعشرين ساعه أتسد النفس واحس هسا يله نفسيتي انفتحت

هيلين:الحقير يحجي ويمسح على شورابة ويباوع لأمي اااخ لو بيدي هسه اخنكه بديا واطلع بروحه شوف شلون يتغزل الحيوان عينك عينك

سيرين: والله لو رضيه هنا وتسمع كلام
عمي وشلون يتغزل بأمي احتمال تنجلط وتموت لا لا شنو تنجلط تموت ما نلحك نوصل المستشفى اي ويبقى البيت لعبورة هلا والله ضل البيت لام طيرة وطارت بي فرد طيرة .

هيلين: انتي باقية بس تفكرين بعبير لي يشوفج يكول تموت على رحمٰن اسكتي خل نستمتع بالمنظر

سيرين : خطية ماما متوتره وخجلانه وهو تقرب يمها خلة وجهة بوجها وحاول يلزم ايدها بسرعه طفرنا اني وهيلي من الغرفه.

ألف عافيه عمي شلون الگليجه عجبتك
أن شاء الله هاي ماما سوتها

أبو رحمٰن: كلش طيبه عاشت الايادي
هسه انه أرفع الزحمه من رخصتكم

أم هيلين: وين بعد وكت ما شربت جايك

أبو رحمٰن: غير مره أن شاء الله

طلع عمي ونفجرنا بالضحك على الغزل وكلامه وماما تسب بينا وكع بيها والله بعدنا ما بدينا جاي الحل بأسرع وقت أن شاء الله.

مرات الايام والحمرة السحرية وعطر ابو السودان جاب نتيجه وعمو استوى على نار هادئة بيوم من كعدت الصبح بنشاط وقوه طلعت للصاله
اشوف نبع الحنان تحضر الريوك صبحت عليه فعلاً ماما نبع الحنان واعتقد احن ام بالعالم .

أم هيلين: هلا يمه هلا بهل صباح غسلي وجهج وتعاي تريكي.

_صار يمه غسلت وجهي وجيت اتريك اكول يوم
ماشاء الله ماشاء الله الوجه منور اليوم.

أم هيلين: منور بوجودج بنيتي خير أن شاء الله نضراتج ما عاجبتني

أفا يمه جاي تغزل بيج وامدح بجمالج لو ما يعجبج غزلنا غمزت الها بس هذاك الغزل يعجب من ذاك الرجال يعجبج وغمزتلها

أم هيلين: ياا دب سز صايره كلش لازم أرجع اربيج من جديد

اي ربيني بس مو هنا لا من نفتك من هذه السجن.

خلصنا ريوك شلت المواعين غسلتها ورتبت البيت يلا عيني نعومة حضريلي روحج.

أم هيلين: خير شنو وراج اليوم من مصيبه

هيلين: خير خير أن شاء الله بس تعالي وياي

طلعت كلبيه مخصرة وحجاب اسود وبي ورد ناعم جوزي كعدتها كبالي طلعت الديرم

هيلين:هاج فركي سنونج على مود شفتج يصير بيها لون .

ام هيلين:يمه والله استحي من روحي

هيلين:يمه فضيني

ام هيلين:لاا لاا مااكدر

هيلين :شو جيبي خلي اخلي انا وانزل لرحيم بلكت العب بعقله

ام هيلين:صدك صايره ادب سزز ، شو جيبي بس لا عبالج مااكدر عليج

هيلين:يوم فدوة فضيني خلي نطلع ترى والله روحي راحت

ام هيلين:وين نروح نتغرب خلينا هنا معززين مكرمين بالعراق

هيلين:يمهه جاي تستوعبين التحجي احنا مذلولين ما مكرمين ، يوم مو مهم نكعد بوطنا لا المهم نكعد بمكان بي حريه نرتاح بي ، تررى ما الي كعده هنا لو انتحر لو انهزم

ام هيلين:ولج يمه لا تحجين هيج كلبي ينكمش مسحي دموعج وانطيني الديرم امري لله

ابتسمت وانطيتها خلصت وخليتلها حمره سحريه لفيت حجابهة حلو

هيلين:يلا هسه راح ننزل كعدي يم عمو بس دربالج تصيحيله ابو نعال ، كله بأسمه خوش

هزت راسها بدون ما تعارض، ابتسمت ونزلنا

هيلين:مو تنسين ما تكليله على روحة بغداد

ام هيلين:لا شلون
دخلنا بالهول لكينا كاعد يشرب جاي وحده
ابو رحمان:هاا الله بالخير
ام هيلين:الله بالخير والصحه والعافيه

ابو رحمٰن:شنو ما شفناج الصبح

ام هيلين:راسي يأذيني تأخرت بالكعده

ابو رحمان:اوديج للدكتور

ام هيلين :لا شسالفه هاي كلشي ما بيه

باوعتها موسعه عيوني بمعنى اذكرها شنو اتفقنا

ام هيلين:أكلك مازن عفيه ما تودينا نبيع البيت نستفاد من فلوسة واريد اودي
ياسين للطبيب
ونجيب الغراض الضاله هناك

ابو رحمٰن :
صار تأمرين امرر يمتى ما تردين انا حاضر

ام هيلين: علواه هاي اليومين

ابو رحمٰن: الفجر حضروا نفسكم نطلع

ام هيلين:صدك والله تسلم ما تقصر والله

ابو رحمٰن:تددللون عيوني

حجيت بكلبي تدللون لو تدللين بس اصبرلي اذا ما اعلمك الا اخليك تشوف الغشيم على أصله

اجوو رضيه وعبير استغربوا من كعدتنا جوا وهمه ما موجودين بس دخلوا سلمنا من وره خشمنا وصعدنا
هي صارن عيونها بكصتها ، والله لخلي عيونج براسج مو بس بكصتج

صدك حظرنا غراضنا كوة قنعت ياسين يروح ويانا اعرف ليش ما يريد يروح لان حب الطفولة هيام مستحيل يخليها تشوفه بهل حال

الفجر نزلنا وجان نلكه راضيه كبالنا مخنزره وشعرها معطب ، طلع ورها عمو

ابو رحمٰن:ايي والله زين مو تتعبوني بسرعه مخلصين

_ما عاش الي يتعبك عمو

ام هيلين:لا شعدنا نأخرك مشينا صعدنا بالسياره ننتظر عمي شوي وصعد يدردم

:استغفر الله شكد تلح

ام هيلين:شنو مازن شصاير

ابو رحمٰن:مااكو شي بس هاي العوبه لحت الا تروح ادري وين اكعدها بالصندوق لو فوك القماره
جاوبته امي مُجاملة

:ياا خطيه لو اكوو مكان جان نزلت صحتها

ابو رحمٰن:لا ختولي شعدها رايحه خلي تنطمر بالبيت

_باوعت صفح هذول همه الزلم اذا رسموا على وحده لأزم يطيحون حظ كرامه زوجاتهم، كبور تلفكم أي والله؛بس حركت شوي السياره نامو ياسين وسيرين انا مثلت النوم بس مغمضه عيوني واسمع لواكه عمي
الساعة ٨ وصلنا صار البيت مقابيلنا بدي اروح اركض ادخل بي اشوف جدرانه اصعد لغرفتي لسريري لكنتوري كل شي بي اشوف أدق التفاصيل شعور يموت من تمرين يم شي قديم يخصج.

بس بقيت واكفه اتأمله درت شفت سيرين تبجي
لزمت ايدها اواسيها بس هدأت شوي رحت لماما اكلها هسه شنو تسوي هزت راسها مشوا قبلي دكوا باب بيت ابو مصطفى بس شفته عمو لاهي بالسلام
رحت للسيارة جريت شهادة الوفاة مال ابوي خاف نحتاجها ورجعت الهم دخلت

لكيت ابو مصطفى دخلهم بسلام حارر

ابو مصطفى:لج وينج أم مصطفى تعالي شوفي منو اجانا اليوم

اجت تمشي و تعدل حجابها :شنو من اجا
ياا ما اصدك عيوني ام هيلين زارتنا البركه

أم هيلين: هلا بيج أم مصطفى شلونكم والله مشتاقيلكم

أم مصطفى: عاش من شافكم والله ما ناسينكم
دوم نذكركم بالخير

باوعت علية وعلى سيرين وكامت تصلي على النبي
كبرانات وحليانات عين البارده عليجن يمه

دخلنا الصاله كعدنا رحبوا بينا رجعت
ذاكرتي أول يوم طلعنا من سجن وجينه
لهنا غمضت عيوني بحزن شدي حيلج
هيلين مابقه شي ويخلص هذه الكابوس.

ام هيلين:والله احنا بخير انتِ شلونج شنو اخبارج

ام مصطفى:والله بخير على حطة ايدج

ام هيلين:عساج سالمه شلون الجوارين والله
مشتاقتلهم بيت بيت انتوا ما تتعوضون

_الحمدلله زينين كلهم يسولفون بيكم بالزينه ، الي يمر من بيتكم يتذكركم وينقهر

_الحمدلله على كل حال

سيرين:كعدوا ساعه يسولفون عن المنطقه والحياة
بالشواع وعن الطائفيه والقتل الصار برخص التراب
اسمع كلامهم وكلبي ينقمت شنو ذنبنا شعب يحب يعيش بأمان وما شفنا كضينا كل عمرنا بتعب
كل عمرنا قلق وخطف وجرائم واغتصاب وتفجير
العراق الى اين ، يمتى نعيش بخير

نسمع بالأخبار بالتفزيون بغداد حالتها يرثى لها
الاستقرار بهاذا البلد يمتى ؟

الوعود الاكاذيب الي يوميا واحد يطلع بالتلفزون والاذاعه يمتى نشوفه ،كلامهم المزيف يمتى يصير واقع راح نبقى ننتظر و نكول يمتى .

كل كلامهم نوع ابرة لتهدأة المواطن ، حتى لو نعرف كذب بس نبقى لا حول ولا قوة احنا من العوائل الي تضررنا وهاي حالنا ندور على الاستقرار .

بين افكار وقهرتي ندستني هيلين

شنو راح نبات هنا يمتى نلحك نسويهم

سيرين:اندري هاي امي كليلها

هيلين:اففف استغفر الله امي كاعده بعيده عني
اريدها بس تباوعلي حتى آشر الها وين ووين يلا باوعتلي اشرتلها حجت

ام هيلين:ابو رحمان ما دام اجينا هنا خلي نزور الأمام الكاظم متعوده جنت ازوره بين فترة وفترة

ابو رحمٰن:يلا كوموا شعدنا حتى نزور ونطلع

هيلين:انا ما اروح راح انام على ما تجون

سيرين :انا اريد اشبع من منطقتي هم مااروح

ابو رحمٰن:لا شلون اخليكم ببحدكم

ام هيلين:يا ابو رحمٰن هذول اهلنا مو بس جوارينا
عشرة عمر وياسين باقي يمهم صدك جذب لو سمعك ابو مصطفى يزعل على حجايتك

ابو رحمٰن:ها يلا لعد خليهم انا طالع اشغل السيارة
طلع عمو ماما راحت لأبو مصطفى سولفتله المختصر وطلعت طلعت وراها

هيلين : اخذيلج غفوه بالامام عود اكلي شامية على كيف مو تنسين.

ام هيلين:اي ايي بس يلا استعجلولي صدك طلعوا ومباشر بوراهم طلعنا وصلنا ألدائرة الجوازات دوخه لأن اول مره نسويهم كصوا صور جيبوا منا وودوا منا ابو مصطفى تكفل بكلشي ولد اقربائهم وصاهم يجيبون مستمسكاتنا والوثائق من المدرس والجامعة  وصدك فره احنا ومحامي ويانا ولد يخابرون مدري شنو يجهزون
بس سيرين ما طلعلها لأن قاصر عمرها ١٧ سنه ولا ولي امرها وياها واحتارينا بس ما تضيج الا تفرج بلكي باجر من تجي ماما اجيبها وياها لو من نجي نستلمهم رجعنا لكيناهم واصلين كلبي طاح هسه شراح يفكنه من لسانه

بس دخلنا حجت ام مصطفى

:ها هذول همه شنو شعجب ما اتأخرتوا كلتلهم هسه يفرهم بالفرع ويرجعهم ماكو بالهم يمكم عبالك جهال

ام هيلين:بعد تعرفيني كلب والده

ابو رحمٰن: ام ياسين باجر حاولي تكملين اجرات نقلج من التربية

ام هيلين: أن شاء اللّه

سيرين : ماما خلي اروح وياج اشوف صديقاتي والمدرسات.

ابو رحمٰن: لا وين رايحه انتو اليوم تعبانين ما رحتو باجر اخذكم

لا لا عمو الله يخليك يجوز اجي للزيارة ويا رحمن بس مثل ما تعرف انت مستحيل رحمن يخليني اشوف صديقاتي

ام هيلين: لا روحي للزيارة افضل هم من تشوفينهم تنقهرين

هيلين: عضيت شفة لماما بمعنى اخذيها وياج ما تدري بجوازها صارت عرقلة ، فهمت أمي الوضع بس حجت كلمتين ويا عمو وافق تبقى ثاني يوم كل أحد راح لمكان ماما وسيرين اخذاهم ابو مصطفى للجوازات واني وياسين رحنا لزيارة الامام (ع)

وصلنا دخلت الروضة من رياض الجنة الريحة بالمكانات المقدسة تزيح شكو هم من بعد ما تركت الصلاة سنتين اول مرة امسك التربة واصلي اندعيت من كل كلبي تكون استمر بصلاتي ما يقوى علية الشيطان وتسهل طلعتنا من العراق يشافي ياسين وربي يفك سيرين من رحمان بسهولة بحق محمد وال محمد، طلعت لكيت عمو وياسين منتظرين.

اشترينا حلويات الجهال بيت ابو مصطفى ورجعنا لكينا ماما وسيرين جايات الحمد لله

ابورحمن: ها نمشي تأخرنا

ابومصطفى:والله ما تتحركون الا تتغدون

ابو رحمٰن:لا خوية ورانا طريق طويل وتعرف الوضع

ابو مصطفى:هاي ام مصطفى راح تصب
سكت عمي كمنا صبينا ويا ام مصطفى وكعدنا تغدينا بسرعه وطلعنا امي اتفقت ويا ابو مصطفى بس يكملن الجوازات يتصل بحجه البيت حتى نجي نستلمهم كل شي بالواسطات يمشي ابوم مصطفى يمكن شمر علينا خمسمية ألف بغشيش للمواضفين وسطات علمود يمشونا بسرعة ....

طلعت قبلهم رجعت شهادة الوفاة بسرعه ركبنا بالسيارة

ابو رحمٰن:لو ادري جان خابرته وجايين من يجي شراي .

ام هيلين:لا هم شفناهم وهم حصلنا زيارة

ابو رحمٰن:اي

سكت شوي ورجع حجه :ياا هاي كبالي جا مساع ادور عليها ما لكيتها والله دايخ

حجيت بكلبي عزاا بعينج هيلين جان رحتي بيها
وصلنا للبيت بالليل استقبلتنا راضيه عيونها تريد تطلع ورافعه حاجبها مااعرف يمتى تباوع طبيعي
احنا صعدنا كبل نسمع صوت انقلابهم جوا ضحكت بشماته

سيرين:والله احس روحنا خبيثين

هيلين:ختولي اعلمها درس قبل لا نطلع
جاي نحجي ونضحك عليهم اندك الباب

سيرين:منو

رحمٰن:انا ست سيرين شو حلت لج الكعده يم اهلج

هيلين :شفتها فتحت الباب مبوزه حجت ويا وراحت

سيرين:شتريد

رحمٰن:شنو شريد تردين تنخمدين هنا

سيرين:اي خليني يمهم شعندي جايه وياك

رحمٰن:دمشي امشي كدامي يلا

تأفأفت ورحت كدامه فرشتلي مندر ونمت
ما احب انام يمه يضيق صدري والله

هيلين :مر ١٥يوم على رجعتنا من بغداد لا راضيه هدت ولا انا هديت الكلمة اردها الها بعشره
كاعده العصر بالهول اجا عمي

ابو رحمان:اكلج كلي الأمج العصر الفجر نطلع البغداد
لأن اجا شراي على البيت

صدك كلتلها وصعدت فوك حظرت جنطنا وطلعنا الفجر مثل ذيج المره

من وصلنا الهم

كعدنا اجت ام مصطفى حجت:هيلين تعالي ساعديني

-اي خاله جيتج ، رحت الها

لكيتها جاي تصب عصير

ام مصطفى:اكلج خاله ترى ابو مصطفى جذب ما اجاله شراي للبيت بس حجه انطاها لأبو رحمان على مود يجيبكم لان ورثه بالبيت هيج فهمى بس جوزاتكم كملت .

بس ابو مصطفى سوة خطة وجاب صديقه بحجت يشوف البيت و يتفقون على السعر أما انتو راح ياخذكم ابو ريام بين ماتستلمون الجوازات

هزيت راسي ورحنا للهول قدمت العصير
رحت يم امي سولفتلها

مصطفى:هذا صارلي ساعه اتصل علية ماكو

ابو رحمان:بلا جيب رقمه عندي انا اتصل عليه

ابو مصطفى:ها لا ما حاجه اذا انا يعرفني ما جاي يجاوب علية تريده يجاوب عليك

ابو رحمٰن:هسه شلون خاف جذاب هذا

ابو مصطفى:والله ماادري

خلينا نروح علية للبيت نشوفه

ابو رحمٰن: نتوكل بالله

أم هيلين: ابو رحمٰن تسمح لنا نروح البيت ابو ريام عازمينا على الغدا

ابو رحمٰن: ليش لا همة اهلكم واجب عليكم تزورونهم راح عمو واحنا رحنا استلمنا الجوازات وأخيراً خلص

الشوط الأول من بعد هل يوم يحتاج مجهود قوي علمود اربح بهل العب وبدأت الشوط الثاني

ودعناهم وتشكرنا منهم هواي راجعين للبيت ابو رحمٰن وصلنا للبيت متكسربين من الطريق وعقلي مصدع من التفكير وبطني موتتني من طلعت من السجن لليوم احسن بطني وجع مو طبيعي و اللأم فضيعه ، بس خصوصاً هاي الايام ما ينجرع الألم واستحي اكول الاحد باقية ساكته مرات الايام واني احاول اخلص سيرين وعلمتها كذا طريقة تضوج رحمان بس ما يفيد بي لزكة علج لازك

مرت الايام اجو اهل هشام وهوَ اجا وياهم
شوي وكالو خلي يشوفها الشوفه الشرعيه ويتعرفون على بعض وشرطت بس خطبة مدة سنة على مود افهمه ويفهمني وعمو وما يعرف شنو براسي دخلنا القديمة وبدأت الحوارات السخيفة

_شلونج بنت عمي

-الحمدلله بخير

-أن شاء الله مرتاحه هنا محد مأذيج

-لا اتطمن محد يكدرلي

-حلو عاشت بنت عمي سباعيه ، يحجي ويهز براسه
شوي وكعد يسب بصدام

-شنو شجاب صدام بالنص

بقى يردد كله من ورا والله من ورا ، هنا بين مو طبيعي يهز براسة ويكرر غلط ومسبه على صدام
خمس دقايق ودخلوا علينا وراحوا ، بقيت بحيرة
هذا جاي يمثل علية لو هوَ صدك هيج
شكلة مابي شي فجأة يبقى يهز براسة لو يحول الموضوع لصدام

بقوا شوية وراحوا اتفقنا الصبح نروح للسوك
نجهز للعقد صار الصبح ورحنا انا وماما وسوزان
دخلنا محل ذهب اخذت حلقة وتراجي

ام هيلين:تعالي يمه شوفي هاي الكلادة حلوه

-بلا وينها هاي

-اي

-جايبتلي ذهب ناعم تعرفين احب لفخفخة ماما احب الناعم والنازك بس بعقلي يفيد الثقيل وكت العازة .

سوزان كامت تدلل مرت اخوي ويحق الها الدلال

-لعد تعاي شوفي هاي الكلادة كرسي جابر تجننن

وزنها الصائغ طلعت سبع مثاقيل خلها بعلبة النا وبقيت اختار محابس اخذيت ثنين بس شنو وحد بي شذرة زركة والثاني صب صارو ٣ مثاقيل

بطني بقت تأذيني كلش بس تجاهلتها كلت هسه يخف مثل كل مرة دفعنا الفلوس وطلعنا للبدلات

امي تدور وتختار وفرحانه عبالها تراجعت عن السفر سألتني عن البدلة

-جاوبت بألم عاصره على شفتي حلوة بس كافي خل نرجع للبيت

-شبيج ايدج على بطنج وتعصرين بروحج

-ها ماادري بطني توجعني

-يمه شبيج من يمتى

-صار الها فترة هسه تصير احسن بس خلي ارتاح شوي

-جابتلي كرسي من ابو المحل وكعدت ، راحت اشترت بطل مي واجت غسلت بي وجهي وشربتني منه

-ها هسه صرتي احسن

-لا يومم الالم ماجاي اكدر اتحمله ولج يمه راحت روحي شكد جانت تأذيني بطني بس اليوم لا اللام زاد شلون من ضربوني بالتعذيب وسقط الجنين
مثلها بالضبط

سوزان:اكو هنا عيادة قريبه على السوك ترحولها

-اي علواه امشي يمه اوديج الها

مااكدر بعد اتحمل الالم مشيت وياهم

-خلي انأجر تكسي

-لا كلش قريبه هنا

-صدك مشينا شوي ووصلنا يم العيادة روحي رايحه
النسوان من شافوا حالتي دخلوني رأساً

-رحبت بينا الدكتوره وفحصتني وسوتلي سونار بقت تباوع بدقة بعدين حولتني على سونار ثاني سويته جبته الها تباوع بي وترفع رأسها النا

-ها دكتورة شبيها بنتي

-لحضه بس خلي نتأكد تعالي ماما صعدي على السونار خلي افحصج زين

-دكتورة الله يخليج لا تخليني ايدي على كلبي كولي شي طمنيني عنها فدوة الكلبج

-هسه خاله فدوه الكلبج بس خلي اتاكد

بقت تباوع علية بتمعن سألتني

الدكتوره: شكد عندج اطفال

_ جاوبتها وبودي اموت بعدني مااا متزوجة
باوعت على امي وجه صار اصفر ومثل الخايفة

حاولت تلزك السالفة وردت

_خالة هي هي يعني منفصلة

باوعت النا وهزات براسها كالت

_ما اعرف شلون اخبرج وربي يصبرج على بلاكم بس بنتج طلع بالسونار .......

لا تنسون التصويت+ متابعة الحساب بالانستا فراشاتي

تحياتي لكم #مروة_السراي