#سجينة_ابو_غريب
#البارت_الثامن
تعليقاتكم الحلوة على الفقرات + متابعة للحساب
موكلمن نزف يتسمى مجروح
الجرح مو بكثر دم قياسه
اليلكه بجرحه دم صدكني يرتاح
والمايلكه دم جرحه باحساسه
أقبل اي جرح بس جرح الاحساس
يظل ينزف عمر لوبشر جاسه
مايضوج الورد لوداسته ناس
بس يظوج اذا فلاحه داسه
شفت وحده ما اعرفها منو ساحبة ماما من حجابها وتعيط بشكل يخوف وأمي تريد تخلص روحها متكدر تخبلت خاف جانت عايز هسة التمت انوب ايضربون ماما ،لا حول ولاقوة إلا بالله العلي العظيم.
عطت بصوت عالي ، هييييي هيييي عيفي ماما
دفعتها بكل قوتي وكعت بالكاع دوخري جنج مصارع اعرفي الادب و اتادبي ،جريت ماما منها .
جانت مصدومه والدمعة مغرغرة بعيونها حقها مرة بهالعمر تنضرب! على اي اسااس .
انتشرت الفوضى بالمكان والوجوه اصفرت رديت على هاي الحيوانة
_بالنبي محمد اموتج وَ ما اخليج تلزمين شعرة من أمي شنو منو انتِ وتمدين ايدج على ماما ما تستحين مرة كبيرة هيج تسوين وياها هاااااا؟
طلعت راضيه تركض وجه ملي بالمكياج عبالك قوس قزح منظرها يضحك.
راضيه: لا لاعبير شدسوين عوفيهن ذني ما يفيد وياهن الضرب ترى
باوعت عليها باستنكار من كالت ما يفيد الضرب بيهم احس نجنيت عليها .
لازمتها من زندها بقسوة ، شوفي راضية ما عندي شي اخسره هسه هنا اعيط عيطه افضحكم فضيحه لا الها اول ولا تالي وخلي لما يشتري يتفرج عليكم .
وانتو جبتونا هنا تحترمونا غصبا عليكم وانتِ اذا ماعجبج كولي لرجلج خلي يرجعنا لبغداد ماميتين عليكم احنا بعدني نقاش شديد بيني وبين راضية.
عبير: شوف شوف الصلافة شنو تسوين مثلا
لا لا شوفي جاي ارجف اني يمممممه متتت
قبضت ايدي بقوة وسألتها ،انتِ منو اصلاً ؟
اني مرت رحمن الي راح تاخذي ياغبرة يعني شكلتي لروحج من تاخذين واحد متزوج هااا؟
متكولين اكو وحدة ينحرك كلبها، الله لاينطيج يا حقيرة كلبة.
نظرت الها بذهول عظيم وفقدان الشعور والإدراك.
_ اجه عمو من برا مصدوم بالهوسة ورحمن واكف عبالك الصنم هبل .
ابو رحمن: شني هاااي صوتكم واصل الراس الشارع
مو عيب عدنا ناس شتكول
_ خليتت ايد على خصري والثانيه اهز بيها بينت نفسي قوية رغم انكساري من داخل ، ورديت علية
_والله يا عمو يا ولي أمري ما كو شي بس مرت ابنك جاي تحاسبني لان راح اتزوج ابنك غصب ترا بالله ضلمتوني واني بعدني بكد البيضة، وبعدين اني ما ضربت رجلج على ايده وكتلة حبني وتعال اخطبني .
رادفت علية بعصبية والحزن مالي عيونها .
عبير : بكد البيضة وهيج لسانج من تكبرين شنو تسوين .
ابو رحمن: عبيير! اني شكلت هااا الشرع محلل اربعة بوية واني من أجيت كبل جم يوم شكتلج
عبير : ما اكدر عمي اغار شلون اشوفة ويا غيري افهمني .
رحمن : بس حقي هم اريدلي خلفة .
سيرين: حيل نكسر خاطري عليها نزلت راسها وتمسح بدموعها ، رديت عليهم بنبرة كره
_تحجون صدك انتو؟
اني ما جاي اشكيلك عنها عمو ابنك متزوج وعندة مرة ويجوز مرتاحين سوى ليش تخرب بيتهم ومستقبلي على اساس شنو؟
رحمن: ومنو كالج مرتاحين؟ مو كتلج راح اطلكها
انا شفتج وعجبتيني وهي لا شي عندي وفوك كل هذا ما تخلف بس خل يكمل العقد مالنا من الصبح بالمحكمة اطلكها
سيرين: حسيت بكره اتجاهم واتجاه نفسي زفرت انفاسي، وباوعت على ماما .
احس هاهي انتهى كلشي عفتهم ورحت للغرفة كعدت ادك والطم دخلت ماما اول مرة بحياتي
اعصب عليها وَ حجيت وياها بحده.
_ها مو كتلج خلينا نبقى بيتنا هناك لمن جبتيني ؟
شوفي شصار ماما لبنية تحبة و خاف تطلع حوبتها بية اني اقرف من رحمن صح شكلة مقبول بس والله ما طايقته كرهت نفسي بسببه
رفعت ايدي امسح بدموعي الي ما تتوقف تقربت علية ورفعت أيدها مسحت تحت عيني بأصابعها مجرد ما لمستني نزلت دموعي بجت
ام هيلين: اني اسفه يمه ماكدرت احافظ عليج
بس انتِ الي قبلتي بهل زواج أنتِ حطمتي شبابج شسويليج وأنت لردتي رحمن .
رديت عليها بإصرار
_ نكدر نشرد؟
بعدني ما مكملة كلامي واندفعت الباب كمزت
ماما ضربت الكاع وكالت قل اعوذ برب الفلق.
_ طلع رحمن زفرت انفاسي وكلت بكلبي الله يطيح حضك اي والله فززني الهمجي عبالك سطل واكع من السطح. سألتة، شكو خو ماكو شي؟
ام هيلين : ها عمه شبيك!
رحمن: وين تشردين؟
سيرين : جنت احجي ويا ماما ترى ميصير هيج يعني تتسمعون علينا لو!!
رحمن: اشش ولا كلمة سألت سؤال جاوبي علي
سيرين : ماحجيت شي
ام هيلين : عمة البنية متريدك وبعدها صغيرة شتريدها تكول يعني؟ عندك مرة شعدك جاي على بنتي .
رحمان: مرتي صارلي اشهر هاجرها واصلاً جنت ادور على مرة هاي وبعد كم يوم اطلكها أولاً ..
ثانياً بلا زحمة خلينا الحالنا شويه
ام هيلين: شلون شلون يا كوة عينك ؟
رحمن: شوفي عيني بنتج اني متزوجها متزوجها وهسة هي مرتي بشرع الله ، خلينا نتفاهم احسن ما اخذها غصب و ما اسويلها شي ترى بت عمي هي .
سيرين : ماما صفنت عليه ذبت حسرة وطلعت انصدمت لا اكدر اصيحلها وهذا وااكف ادري وين رايحة وعايفتنيي سدت الباب بس شفت خيالها ورا الباب واكفتلي اطمنت
رحمن: تعالي اكعدي
سيرين : اكرهك
رحمان : احبج
سيرين : حبتك حية وكرصتك عكرب
رحمن : اذا انتي الحية تكرصين قابل اموت على ايدج
طلعت شفتي الجوه كتلة
_عابتلك
رحمن : فديت البرطم مال بوس
سيرين : احترم نفسك وكلي شتريد بسرعة
رحمن: شوفي اني اول ما عاينتلج حبيتج
وانتِ بت عمي والله العضيم راح ادللج دلال ماكو بت مرة حاصلة مثلة وشتريدين يصير وهنا امج تضل يمج .
واذا على مرتي اني من اول ما اخذتها ما رايدها وهم صارت طلابة وانطونياها وصدكيني ما احبها مرة ماتسمع وحتى شكد صبرت اريد جاهل منها ماكو
اعرف تشوفين الي جاي اسوي ظلم الها وتكولين هم راح يسوي هيج وياي بس لا انتِ غلطانة لان اولاً حبيتج وثانيًا ابوي مايقبل واحد يحاجيكم اطمني .
سيرين : هزيت ايدي وشنو فايدت الحجي هذا كلة هسه؟ تنهد وجاوبني .
رحمن: اريدج تحبيني تتأقلمين وياي راح تعيشين بسعادة ما اريدج مغصوبة طيعيني وشوفي شيصير.
سيرين : على اساس اذا ما طاوعتك راح تعوفني؟
انتو استغليتو ضعفنا ولان ماعدنا احد سويتو هييج.
رحمن: يعني اذا عجبتيني وجيت اتقدمتلج اصير استغليتج؟
سيرين : ايي واذا عجبتك؟ بس انت ما عجبتني شلون هسه؟!
رحمن: ايييي صدك ما يفيد وياج الحجي ، واذا بقيتي تعاندين هيج بعلي ارجع عبير واخذج غصب عنج .
كال هيج و طلع اجتي ماما صفنت عليها اريد اسويي شي ، بس ما اعرف شنو.
الوم ماما الي عاجزة ما تكدر تسوي شي
لو الوم الدنيا الي راح تخليني لعبة بإيد رحمان .
رفعت راسي للسماء بقيت أعاتب ربي ،ليش ربي ليش مو حتى صلاتي كمت اصليها بوقتها وحجاب لبست كلشي سويت بس مافااد ادري شنو اسوي بعدد .
ام هيلين : اششش شنو هذا الحجيي لا اعتراض على حكم الله ، الله سبحانة وتعالى مايسوي شي يضر عبدة ماما اصبري اعرف بعدج صغيرة بس هذا قدرج
ومتعرفين يجوز هاي مو قسمتج صبري .
اريدج تعرفين انه اني احبج صحيح ما كدرت احميج بس حكم القوي على الضعيف والله يا ماما حتى فكرت اذا نشرد هنا كل الاراضي الهم يعني يلكونا بلا منازع واذا لكونا يذبحووون اميي تعرفين شنو يعني يذبحون خلي نصبر والله كريم
سحبت انفاسي وصبت دموعي .
بس ماما اني اخاف مرتة حوبتها راح تطلع بينا ويجوز حتى من وراها الله يعاقبنا و ما يطلعون بابا واخواني شفتيها شلون دعت انتِ مو تكولين دعوة المظلوم مستجابة وهي مظلومة شلووون.
ام هيلين : صح تطلع برجلها مو بيج انتِ مغصوبة على هالشي والله يدري شنو نيتج .
سيرين : اخخخ اخخخ الله كريم
طلعت أمي نزعت ملابسي اباوع على وجهي بالمرايا الكحلة سايلة صاير عبارة عن صخام بقيت لوحدي بالغرفة تقريباً ساعتين وطشت الناس طلعت برة اشو ماما وين راحت . لكاني عمو لازم ايدي واخذني كعدني بصفه على الكرويته، لتفت عليه وهو يطمئني بكلامه.
ابو رحمن: بويه انه اعرف انتِ تشوفين روحج صغيرة ومو كد هالشي وحقج يعني انتِ ما تربيتي هنا وعرفتي عاداتنا المهم أنا راح اجي وياج وانطيج مجال.
تتعودين على رحمن تقبلي و اي شي يسوي يكدر خاطرج تعاي ليه أنه بنفسي أعلمه الج شوفي بنيتي اليوم بس عقد لان انتم كاعدين بنفس البيت مايجوز تضلين كبالة وهو هاويج وعود الزواج انتِ من ترتاحين حددي موعد اله .
سيرين : احس كلام عمو مي بارد نرش علية مثل الطمني شوية لان اكدر اسوي كل شيء وخلي رحمن يطلكني واخلص راساً كلت تمام عمو .
ابو رحمن: عفية بنيتي هيج اريدج تسمعين الكلمة.
طلعت بره اشم هوا لان احس اختنكت اجت ماما لتفت عليها حضنتني
ام هيلين :
(اللهم اني حصنتها بالحصن الحصين لا اله الا الله
محمد رسول الله عليُ ولي الله)
ضليت اقرالها ايات لان هي من صغيرة ترتاح من اسويلها هيج .
سيرين : من ماما تدعي الي غمضت عيني ورجعت الذاك اليوم .
( فلاش باك ) قبل سنه الساعه السادسة مساءاً.
جنت طالعة حتى اذب الزبل شوية جان المكان بعيد عن بيتنا يعني هيج عشر خطوات مديت ايدي حتى احط العلاكة بس .
اكو شي عض ايدي بقوة فزيت اخخخ شنو هاااذاا
جريت ايدي طلعت بزونة كمت اركض وهي تركض وراي اتهسترت وين ما اروح تجي وراي صوتها وهي تركض والدنيا مغرب طفرت للبيت بسرعة دخلت اعيط كلهم اجوي ركض علية ،بابا حضني واني بعدني ابجي واعيط اجتي ماما فتحت القرآن على سورة ياسين وقرتها وطبكت القرآن بوجهي كررت هالشي اكثر من مرة .
حسيت بشعور غريب اخذتني بحضنها كامت تمسح على شعري وتقره المعوذات لحد ماهديت
القرآن شي غريب وكانو منوم يخليك تنسى انت وين ومنو وشنو جاي تسوي بس ترتاح
اباوع على اهلي كلهم متجمعين يمي وخايفين
علية دمعت عيني من اذكرت انو هاي العائلة ما بقى منها غير بس ثنين.
تحسرت بقهر وتعب ونزلت دموعي مشتاقه لحضن ابوي وحنان اختي وضحكت ياسين وين جنا وين صرنا
هم يجي يوم نرجع ننجمع بيت واحد مثل قبل
و اشوف ابوي واخواني بعد شنو حالهم هسه عايشين ميتين الله يكون بعونهم ويصبرهم على ظلمهم .
فزيت من صفنتي عل ايد ماما تمسح دموعي.
ام هيلين : يمه كافي من البجي هذا الكاتبه ربج كومي بنيتي اكلي شي على مود تأخذين علاج الربو .
بست راس ماما رحت على المطبخ شفت رحمن بي يسولف ويا عمة سوزان خليت ورجعت الغرفة سألت نفسي ليش اتهرب منه مو خطيبي وين جان تفكيري وين صار حلمي بأكمل دراستي واتزوج بين اهلي وناسي اختي وياي تحضر وابوي وياسين وياي كلشي تدمر صرنا عائله مشتته.
وماحاسه بأي فرحه أتمنى اصرخ وابجي بعدني اريد ادرس أريد ماريد اتزوج وفوك كل هذا
شخص متزوج وماعرفه و مجبوره أتقبل الوضع واتزوجه.
مرت الايام ورحمن كل ما يشوفني يشمر علية كلام غزل
وبدأت تجهيزات العرس بس الموعد بعد ما مامتحدد واضحك عليهم لويش يجهزون يجوز بعد سنة واني ما أطيق رحمن
ما جاي استوعب الي يصير تفكيري جان اصير مثل هيلين واخلي شخص مثل قسور ينتظرني بالباب مالت الجامعة بس على مود يشوف طولي ويدز بنات يخلون رسائل من عنده بالجنطة مالتي وأشلع كلبة يسمونه صديقاتي العاشق الولهان تاليتي هيج! اتزوج وبعدني حتى متوسطة ما مكملة
احيانا نرسم حياة النا حياة دافئه او حياة هادئه تشبه انفسنا ولكن.تأتي الأيام فتمحي مارسمنا وتأخذنا الى حيث لانعلم
فزيت من شرود ذهني على صوت راضية تصيح ..
_كلي لبنتج النوم ما يفيد خل تكعد نروح للسوك نشتريلها هدوم .
يشترون لعرسي أبتسمت عرسي الي هو دفني !
_اسمع صوت ماما وهي تصيحلي
ام هيلين : يلا كومي ينتضرونا بره ما النه خلك
هزيت راسي وطلعت صعدنا بالسيارة عمو يسوق راضيه بالصدر بس تفف.
ابو رحمن: وصلنا بويه كل شيء بنفسج أخذي
انه اروح ساعتين واجيجن تكفيكم؟
راضيه: اي اي هي شني نطب المحل واحد نشتري ونطلع قابل اول مرة يتزوج.
ابو رحمان: راضيييه
راضيه: ها هاا
سيرين: احس راسي رااح ينفجرر يا ربي
شوكت تخلص مشاكل عمو وياها لازم تشغل كاسيت كل مرة ما ترهم راضيه بدون نكره ، خليت راسي على الجامة الحد ما عاط عمو بصوت عالي ورفع ايده راد يضربها يلا نزلت عافنا وراح مشى بكل سرعته اشوف بس الترابة خلف السيارة كبرت .
_ ضحكت من كل كلبي الله يساعدك عليها ، وصدك دخلتنا محل واحد بي كافت الملابس والمكياج مال عروس راحت ماما تشوفلي ملابس وراضيه وراها واني واكفه اباوعلهم صاحولي اشرولي على شكم كلبية بس اهزيت راسي بالقبول اجت ماما سحبتني على مود اختار فساتين
ام هيلين: هذا فستان للحنه حلو شتكولين
_ بكيفج
ام هيلين : شبيج سيرين جنج رايحة بجنازة
_ اي ماما فعلاً بجنازة هاي اجنازتي .
ام هيلين: اسم الله عليج بنيتي ليش هيج تحجين وتضوجيني
_ غيرت الموضوع ، اختاريت فستان اصفر للحنة ورجعت لمكاني.
اباوع بالمحل وحدة هم جاي تقيس فساتين مالتها وطالعة تجنن وياها بنات ثنين اعتقد اخواتها
يعني شيصير لو هسة اختي وياي؟
اخذت نفس وتوجهت الهم جاي يحاسبون اجت هاي الي تشتغل بالمحل
_ عيوني ماتردون مكياج
سيرين : لا ما اريد يلا يوم خل نطلع
-اوكفي خلي نشوف
سيرين : ماما امشي الله يخليج مالي خلك
- يلا امشي
ام هيلين:صح انتِ اتزوجتي بهاي الطريقة بس متعرفين يجوز ربج كاتبلج خير يطلع خوش رجال وما يأذيج وتكومين تحبينا هذا العرس بعد ما ينعاد ما اريدج بعدين تتندمين
غرغرت عيوني بالدموع، و زفرت انفاسي شافت الكلام ما يفيد وياي ردت علية بضجر
ام هيلين : بس خلي اخذلج شكم حاجة ، وما أكول غير الله يهدي بالج .
اتصل عمو على راضيه وخبرها ينتظرنا يم محل لذهب .
طلعنا من المحل شايلين علاليك لملابس بيدنا حتى جنطة نجمع بيها النيشان راضية ما قبلت نشتري تمشي أمامنا لان مانندل
وصلنا يم عمو
ابو رحمن : هااا الله يساعدجن
ام هيلين: هلا بيك خوية
ابو رحمن: بس كون أخذت سيرين الي يعجبها
ام هيلين: الف الحمدلله والشكر على كل شي
اباع الأنواع والذهب تجننن بس كارها كل شيء راضية باوعت علية بنظرة ما اعرف افسرها
راضية: مو فكيتي عيونج حدج بس محبس وتراجي.
ابو رحمان: بخزره، راضية .
هي كالت هيج واني ما اعرف شصار بيه حسيت الشياطين انجمعت بعقلي اني اعلمج يالعجوز شوفي اعرف شلون اجلطج مدري كبل رحت لابو المحل
_ عمو طلعلي تشكيلة مال عروسة بلا زحمه
طلعلي كومه اطقم ضليت حايرة شختار احب الناعم ونازك بس اذا ما اجلطج يا راضية ما اتسمى بت ابوي اختاريت واحد ثكيل مبين غاالي رحت على عمو
_ عمو تعال شوف هذا حلو احب أخذ رأيك، توجه وياي للميز يشوفه .
ابو رحمن: اي. عمي كلش حلو، بلا زحمة عليك خوية غلف لنا هذا الطقم .
راضية: هوووب هووب شنو فكور ما شايفة
كتلج حدج تراجي ومحبس متاخذين هذا
انفضحنا كبال ابو المحل ،باوعت لماما وجهه كركم
سحبتني على جهه
ام هيلين: سيرين ماما اخذي بس محبس وتراجي شجاج؟
سيرين : لا مو على اساس يدللني يلا اريد هذا.
راضية: تقصدين منو رحمن لو عمج
باستفزاز ، ثنينهم
ابو رحمن: تدللين واخليج على روسنا همين
راضيه: خل اشوف رحمن يقبل بتصرفاتج هو كريم ويدللج بس تدللين من تعرسين مو هسة .
سيرين : اي خابري خلي نشوف كرم زوجي إذا خايفه على فلوس عمو ، صدك طلعت تليفونها واتصلت.
راضية: تعال شوف هاي البغدادية الخبصتنا بيها طلعت داخله على طمع مختارتلي اغلى طقم واثكل منها تعال شوفلي حلل.
رحمن: اي حقها بنيه وعرسها بعد كم يوم غير تختار شي يلوك الها بعدين اني مو انطيتج فلوس وكتلج شتريد جيبيلها يعني معقولة الي اختارته يتجاوز المبلغ الي انطيتجيا!
يمه الله يخليج لا تسوين مشاكل.
سدتة بوجه واني مصدومة عبالي ما راح يقبل يلا اهم شي خسرتهم اشتريتة بقت بس تنافخ من طلعنا وهم عادة السناريو مالتها هي وعمو وصلنا للبيت.
استقبلنا رحمن باوع عليه وكال
رحمن: ها بوية اشتريتي الي عجبج؟
سيرين : هزيت راسي بأي دخلت للغرفة .
توني جاي انزع بالقميص اجه فتح الباب كمزتت وتفاجأة بجرائته وهو يباوع على جسمي صرخت بصوت عالي ،
_هيي وين فاايت؟
رحمن :والله مشتاقلج وريني شجبتي يحجي وهو يتقرب علية
رفعت ايدي علية رحمن دير بالك تتقرب مني
ليش غير مرتي
رحمان اني كوة متقبلة كلامك وياي لا تخليني اكرهك وابتعد عني .
باوعلي بعصبية وقبض ايده حيل وضرب الحائط شراين جبينه بينت تنهد وفرك وجهه بيدة وطلع .
_____________________
هيلين: مرت علينا تقريب أكثر من سنة مثل الموت تفكير دمرني وعذاب وتعب واعتدا متكرر ، سانده ضهري على حايط أتلمس بوجهي مليان اثار ضرب وجروح تذكرت شكد جنت اعتني بي من صار بيه حب الشباب ما خليت ماسك يعتب علية و بذر الحلبة صار روتين يومي بحياتي هسه مليان جروح جسمي عباره عن بقع زرك وبنفسجيه كدمات دم جاف ملابسي مزقه حالتي تبچي الحجر ياسين مو احسن مني.
شعره ولحيته غطت وجهه وأيضاً جسمة عباره عن اثار ضرب قليل الكلام وما يباوع بوجهي اعرف خجلان مِڼـّي بس كلشي صار ماله ذنب بي الحيوانات دنسو برائتنا.
كلشي اخذو من عدنا دائماً اسال نفسي اذا طلعنا منا اكدر ارجع اعيش طبيعي؟
كمت اتمنى الموت بس حتى اخلص من هالتعذيب
يجوز ماما وسيرين عبالهم متنا زين هسه همه شنو صار بيهم ومنو يصرف عليهم؟
ماما اخخخ يا ماما ياترى من تعرف حبيبها وزوجها مات شلون تتقبل الصدمة وشنو تسوي ؟
وبنتها الجبيرة اخذو شرفها وسلبو منها اعز ماتملك؟
لو ابنها الوحيد الطفل المدلل خلو يعتدي على اخته
واعتدوو علي منين ما تجيبها توجع اكثر!
فجاه ندفر الباب بقوه دخلو الجنود وياهم چلب
عيونه حمر ولونه اسود شكله يخوف ويقزز
ركضت حضنت ياسين بقوه لا تخاف ياسين اني يمك لا تخاف.
ما رد عليه وسلم نفسة الهم كأن يكلهم موتوني اقتلوني .
قربو الكلب يمنا واني وياسين واحد حاضن ثاني بقوه ردد آيات والخوف مسيطر على گلبي.
تقرب الكلب يحاول يهجم علينا وصوت صرخاتنا ملت المكان الكلب متوحش يحاول يخلص نفسه
من الجندي على مود يهجم علينا لكن أرادة ربي اقوى من كل قوة وبسرعة غير متوقعة لكلب تهجم على الجندي الي لازمه وعظه برحلة .
حسيت صوتي نقطع من الصراخ وحاضنه ياسين بقوه يضحكون علينآ يردون الكلب يتقرب منا ماكو .
تمنيت بابا موجود ويلمنى بحضنا ويحمينا سحبوا كلبهم وطلعو الرعب والخوف مسيطر بداخلنا
رفعت راس ياسين من حضني ورادفت بهدوء .
_ياسين طلعوا لا تخاف طلعوا
_الله لا ينطيكم مجرمين قتله الله ينتقم منكم ياسين مرعوب ويرجف رجعت نيمته عل رجلي ومسد على رأسة غمضت عيوني بقهر وحزن.
يارب تعبنا واحنا نطلب منك خلصنا من هل مكان وكعنا بأدين كفره ماعدها ضمير يضحكون على صوت عذاب الناس يستلذون بصرخاتهم.
غفيت واني كلي الم وفقدان امل انو اخلص من هالعذاب والخوف كل يوم انام واني ادعي ربي
لو نطلع منا لو ياخذنا يم ابوي
شفت ماما بالحلم تركض و اكو شي مانعها ما اعرف شنو جانت اتسوي بس صوت صريخها وركضها فززني من نومتي كعدت مرعوبة فز ياسين
ياسين: اسم الله شبييج
حلم حلم هذا اصحي
هيلين: ياسين ماما مو بخير ياسيين والله ديصير بيهم شييي والله.
ياسين: اهدي اهدي ماكو شي ان شاء الله
هذا كله حلم لان تفكرين بيهم هواي تعالي.
جرني لحضنة حسيتة مثل ابوية كبر ياسين كبر بكد عمرة اضعاف مضاعفة شويه شوية كمت اغفي لحد ما اشتغل صوت الانذار صوت مزعج يخليك متشوف دربك سديت اذني واني خايفة لان يشغلو من تجي المجندة صديت على ياسين مبتسم .
شبيك؟
ياسين: تدرين احس تعودت يعني سمعت الانذار وكلت يله راح نبدي بالضرب ويين اني لجنت محد يكدر يمد ايده عليه وهمي بطني هسه صار همي اشوفج طالعة منا وصرت اتمنى الموت ولا تنضربين كدامي؟
احنا شنو مسوين بالدنيا وهيج صار بينا!
يعني بسبب بابا صح بس شكد ما افكر احس الله جاي يعاقبنا احنا ، لان بابا توفى بس عقابنه مستمر
هيلين: اسمع كلامة وما اعرف بشنو ارد لان اني افكر مثلة ما جان عندي غير دموعي .
دخلت المجندة (ليندي انغلاند) بداو يطلعون السجناء من الزنزانات كمت بدون ما احد يجرني كمت اسوي كلشي بس حتى ما يلمسوني .
جمعونا بالممر كلنا لابسين نفس الزي بجامة برتقالية وقميص برتقالي يحتوي على ثنين جيوب بالصدر بس من كد القذارة الي على ملابسنا تحول الونهم أسود من الدم طلبو نتجرد من ملابسنة احقر شعور ممكن يمر بي الانسان.
نزعنا كلشي اجتي المجندة شايلة بيدها
عودة وكفت يمي باوعت من فوك ليجوة ضحكت مستهزئة بية صفنت شوية وضربتني على بطني بكل قوتها حسيت الجلد مال بطني وكع على كد ما توجعت
صرخت بعلو صوتي ضربتي مره ثانية كمت اصيح باسم بابا ياااسين بس اريد اخلص من الضرب جانت تضربني على كل مكان بجسمي واصلا اكو جروح قديمة اباوع على جسمي صار عبارة عن دم
اسمع صوت عياط ياسين الي ما يكدر يسوي شي
دخلت العوده الي بيدها بعضاء جسمي وأيدها بالعضو الثاني احس تكطعت من الألم .
سحبت سجينة وخلتها تلزم صدري تفرك بي وتجر بي وترضع وبعدها راحت على غيرنا ونفس الحركات الحد ما جمعت كل السجناء على شكل سرب .
ساعة وكل خمس دقائق تبدل الوضع القرف الاشمئزاز لعبان النفس سجينة تلزم بالسجينة الأخرى وسجين يفعل بسجين ثاني ولكل يصرخ بصوت عالي هي تفتر وتضرب بينا .
كل شخص يموت الف موتة بالضربة الوحدة
جانت متعمدة تضرب على الجروح القديمة
اجتي هاي الكلبة يمي وشايلة بيدها شي مثل العصى
توقعتة شي حامي وحتجويني بي غمضت عيوني منتضرة الي يصير لحد ما كمزت من النتله!
اي اي هاي كهرباء كامت تنتل بكل جزء من جسمي
احس جسمي رخه ما اكدر حتى اوكف....
بعدها صاحت الجنود الحقراء الي وياها مدري شنو حجت وياهم
نزع الجندي القميص عرفت شنو راح يسوي وبعدها نزع البنطىون وتقدم علية أمام خلق الله كلهم الي بالسجن وبقيت اغطي بجسمي بس ما نسترت عورتي. مدني بالكاع واجت هاي المجمدة المدعو الحقيرة (ليندي انغلاند)
بقت تلزم بصدري حيل وتفرك والجندي يفرك بين افخاذي بكل قوتهم غمضت عيوني واستسلام الهم وسبلت ادية على الكاع اسمع صرخات ياسين ضجت السجن حسيت الحقير وخر من عندي نهضت نفسي. بس المجندة ضحكت تستهزئ وحجت وياهم وما حس غير رجع الجندي الثاني علية وهذا الي وخر مني ابتعد. وبدأت بالمجندة بالعنف على جسدي والجندي مارس رغباته القذرة خلص وابتعد مني وبقيت ممدودة من التعب وهم راحوا يجربون وحشيتهم على غيري من السجينات والسجناء...
ومرت الايام والأشهر بهذا عذابي وياسين اعتزل عن الكل وصوته راح وما سمعت من حرف بالايام الأخيرة.
زاد خوفي على ياسين اشوفه يذبل كدامي
ساند ضهره عل حايط وبس نفس يصعد وينزل ما يحچي نومه كلش قليل.
نفتح الباب جاب الجندي الاكل عباره عن جبن مثلثات وصمومن شمره علينا وراح أخذت الاكل وتقربت من ياسين لزمت ايده.
_حجيت بهدوء، ياسين حبيبي أختك وسندها أكلك لكمه قوي جسمك بيها انه مالي غيرك مــاڪو اي رد من ياسين.
خويه سكوتك يكسر ضهري انه مابيه حيل بدونك يابعد حيلي أحجي وياك بس گلمه گلبي مثل لنار عليك
حضنته بقوه وانه اشهك وأبچي ياسينو
ياتچايتي وسند ضهري انه خلافك اضيع
خلي أملك بالله چبير يجي يوم ونطلع منا ونرجع لحضن أمي عندي أمل راح نطلع
ونحلص من هذول المجرمين الكفره
خويه يحزام ضهري شد حيلك لا تنسى ابونا شنو وصاك انت زلمة البيت أخلاف
غمض عيونه بقوه ونزلت دموعه مثل الجمر
أحجي وياي لا تخوفني عليك انت قوي
لا تضعف وتنكسر يحزام ضهري
فتحت الجبن خليه بصمونه قربته من حلگه يلا خويه أكل الخاطري أكل
حسيت ياسين مثل جماد مــاڪو رد منه
يارب دخليك احميلي ياسين يارب
مرت الايام وياسين على حالته وشكد ما حاجيه مــاڪو نتيجه.
أجو جنود فتحو الباب وسحبونا انه وياسين وطلعونا القاعه چبيره بيها سجناء هواي ومختلف الاعمار ومن ضمنهم بنات وحال السجناء يگطع الگلب
ياسين كعد مكان منعزل بعيد عن الكل رحت يمه ياسين شوف شكد حلو الجو برا
شوف هاي شمس مثلك منوره يلا شوف جاي أمدح بيك بعد شتريد مــاڪو جواب من ياسين اتنهدت بحيره وحزن ماعرف شنو راح يكون مصيرنا
لمحت واحد من السجناء رجال متوسط العمر يباوعلنا بنضرات ستغراب
اجه يمشي يتجاهنا تقرب يمنا وسالني
انتو شنو تهمتكم وجابوكم هنا
_سبب بابا جابونا هنا دائماً ضد الاحتلال ومن كثر التعذيب توفى بقينا انه وأخوي ياسين
انت شنو سبب جابوك هنا...
بدون سبب هذول مايعرفون متهم لو بريئ
انه ستاذ جامعي وخبير علم نفس ممكن سؤال
تفضل عمو جواب
هذه الشاب شنو بيه راقبته صار فتره حجيتي ويا هواي بس ما جاوب
هيلين:حسيت گلبي نعصر ودمعت عيوني
هذه أخوي ياسين سبب التعذيب النفسي والجسدي ماعرف شنو صار بي ما يحجي ولا ياكل حاولت ويا هواي بس بدون فايده
امممم ياسين يا بطل شلونك لازم تكون قوي وتخلي عينك على اختك مالها غيرك وهي بنص حيوانات ماترحم
ياسين: لارد
سبب الضغط النفسي وجسدي والضروف صارت ويا اخر فتره يصعب على الجسد والعقل تحمل كل هاي تراكمات يدخل الشخص بحاله اكتئاب وتوحد ينعزل عن العالم الخارجي يحب ويميل للسكوت يبعد كلياً عن الناس يحب الجلوس لوحده لا تضغطين عليه وتركيه براحته بس ابقي حاجي وحسسي انت يمه ويا وسمعي كلام أيجابي ونطيه دفعه من أمل والقوه بس ديري بالچ تغطين عليه هواي لان
أغلب مرضه التوحد والاكتئاب يكون تفكيرهم بالانتحار....
جاي احجي وي الدكتور بخصوص حالة ياسين وانه عيوني عليه ومابيدي حل ياناس ياعالم اخوي هذا اخوي جاي يموت كدام عيني ومابيدي شي.
اخترق اذني صوت صفارة الانذار تجمعت السجناء وبين على ملامحهم الخوف والرعب لزمت ياسين من ايده واني اردد
دخيلك يارب دخيلك يا أمير المؤمنين احظرنا
دخلو الجنود عددهم هواي ويحملون أكياس وشكلهم يخوف
صرخ المترجم بصوت عالي صطفو بالسره بدون كلام وماريد نفس بسسسرعة
وكفو الجنود بدأوا يگلبچون بأيادي السجناء ويخلون الأكياس بروسهم
وصلوا لي ولياسين حجيت بهمس ياسين لا تخاف انه يمك وتذكر كلام بابا شنو وصانا ما نبين خوفنا واحد يحمي الثاني
خلو براسة كيس وكلبجو ايدي صار دوري بقيت ادعي لبست لكيس وصار ضلام .
بالبداية نسمع اصوات السجناء صراخ وكلام وبعدها صار هدوء يجرون بينا وما نعرف وين رايحين حتى اصوات الجنود اختفت بقينا نمشي و الخوف تملك گلبي وخايفه على ياسين اكثر من روحي
بعدها نزلو رأسي. وكأن صعدونه بسيارة مشو بينا لمصير مجهول ماتعرف وين شنو راح يصير.
_ همست بخوف ياسين ياسينو حبيبي تسمعني احجي بس طمني عليك ياسين.
ياسين: يمج هياتني ذول وين ماخذينا؟
_ علمي علمك والله يا حبيبي ما اعرف
ياسين: هيلي مو غريبة هل مرة لا مترجم يصرخ علينا ولا جندي
_ حالي من حالك ومستغربة أكثر منك .
بقت تمشي بينا السياره مسافه طويله فجاه وكفت نزلونا رفعو الچيس عنه وجوهنا.
ونصدمت صدمة عمري اي هاي هي هيلين اليوم نهاية عمرج انتهيتي هيلين انتهيتي .
تتوقعون شنو صار ويا هيلين وياسين ؟
هل يدوم الكره بين رحمان وسيرين أو يذوب الجليد؟
لا تنسون التصويت فراشاتي ومتابعة حسابي انستا
تحياتي لكم #مروة_السراي