سبحان الله وبحمده سبحان الله العظيم ♡
(ام عبدالرحمن)
ام عبدالرحمن :شلونك ياأم سعاد
ام سعاد:الحمدلله
ام عبدالرحمن :ياام سعاد عندي لك علوم
ام سعاد بحماس: لحضه بروح اجيب فصفص
ام عبدالرحمن :تخيلي ان نوره بنت ام سحاب تهاوشت مع ام هيام!
وقالت لها السالفه مع شويه بهارات
ام عبدالرحمن :ها ماوصيك تعلمين كل الي حولك انا الحين بتصل على ام مساعد اعلمها الخبر
ام سعاد:لاتوصين حريص
وفعلا انتشر الخبر بسرعه البرق لدرجه انه وصل لبهاج
__________________________________
(الديره) الصبح
صحت نوره من النوم وصحت جدتها وافطرو ونوره ضايقه فيها الوسيعه
ام سحاب:نوره يابنيتي اتصلي على خالك زيد تطلعين معه تغيرين جو
نوره :ابشري
وجاء زيد وافطر معهم وخذا نوره تغير جو
نوره:خالي اتصلت على صيته قلت لها تجي معي
زيد :ايه حياه الله
وجت صيته ،وراحو كوفي
(نوره بعالمها الخاص)
(صيته وزيد يبنهم نضرات )
والصمت سيد الموقف ،ورجعو صيته ل اهلها وزيد ونوره راحو ل ام سحاب يتعللون عندها
________________________________
مر اسبوع طبيعي على الجميع
_______________________________
(الرياض)
ام عبدالله:غدير شرايك ناخذ لنا شاليه نجلس فيه يومين ثلاث
غدير :والله فكره حلوه
ام عبدالله:اجل يلا دقي على اخوك بهاج يدور لنا شاليه
غدير:تمام
ولقو شاليه صنع ل اجلهم
ام عبدالله:يلا اليوم بعزم وبكرا نروح له
غدير:يمه تعزمين خالتي ام سحاب؟
ام عبدالله بثقه:اول من يجي ام سحاب
غدير بتردد:طيب لاتعزمين زوجه عمي ام هيام
(بهاج بينهم مثل الاطرش ب الزفه)
ام عبدالله: ليش ماتجيي يابنت عزيمه كبيره رجال ونساء وش قومك ماتبينها تجي
غدير:يمه مسرع نسيتي نوره وهيام يتهاوشون
ام عبدالله :لامعليك ماسمح لهم يتهاوشون
___________________________________
(الديره)
ام سحاب:نوري روحي جهزي شنطتك بكرى في شاليه
نوره:لاياجدتي مابغى اقابل احد ،وبعدين من يجي ياخذنا وخالي زيد مسافر سياحه ؟
ام سحاب :مو مشكله الروحه المشكله انتي ليش ماتبين تروحين؟
نوره :جدتي ماني مستعده للمشاكل الي بتسويها هيام
ام سحاب :تعقب تلمس شعره منك
نوره :مو مشكله انها تمد يدها لان اذا مدتها اكسرها لها
ام سحاب :طيب ليش ماتبين تروحين لازم تروحين
نوره :جدتي لاتضغطين علي تكفين
ام سحاب :كيفك
_________________________________
(الرياض)
ام عبدالله : بهيج ياولدي بالله عليك بكرى تروح تجيب ام سحاب
بهاج بضحكه : خالتي ام سحاب بس ولا في احد ثاني؟
ام عبدالله بضحكه :لابس ام سحاب النوري ماتبي تجي شكلها زعلانه هههههه
بهاج هز راسه بحزن بمعنى ايه لان نوره ماتبغى تجي
__________________________________
(من بكرى الصبح )
ام عبدالله :يلا يابنات غدير ووئام روحو مع اخوكم عبدالله وزوجته سهام
وانتي ياوداد و الهنوف (بنات عم بهاج )روحو مع عمكم ابو عبدالله
وانتي يا نجلاء (بنت عمه بهاج )وهيام مع عمكم ابو هيام وانت يا نايف ورائد واحمد روحو بسياراتكم يلا مشينا وانت يابهاج رح جب خالتك ام سحاب
بهاج :ابشري ،وراح يجيب ام سحاب وفي باله فكره
__________________________________
(الديره)
ام سحاب :يانوري بالله عليك تروحين معي
نوره : تكفين مابغى اروح
ام سحاب :كيفك بس ترى بهاج بيجي ياخذني واكيد مايخليك
نوره :معليك ياجديده مايقدر ياخذني وانا رافضه
ام سحاب :الله يستر
_______________________________
(الشاليه)
نجلاء بحماس:بناتتت متحمسه اشوف نوره زوجه بهاج
وداد:ايه بعد يقولون صاروخخخ
غدير :الصدق انها صاروخخ ومطنوخهه زين
وداد بضحكه :غميضه لو ماتزوجت بهاج كان زوجتها اخوي رائد
الهنوف :لا ل اخوي نايف
غدير :اهجدو نوره ل اخوي بهاج
البنات يضحكون
هيام بغرور :بنات عاد بدون مبالغه ترها اقل من عاديه
غدير:ليه انتي متى شفتها
هيام :لا ماشفتها
غدير :اجل اسكتي
هيام سكتت من الفشيله
__________________________________
(خط الديره)
بهاج وفي باله فكره جنونيه ويفكر كيف ينفذهاا ووصل مدخل الديره
وقال بهمس :بشوف اذا ماجت بجيبها غصب عنها
بهاج اتصل على خالته انه برى ،ام سحاب طلعت من البيت وركبت مع بهاج
التفت بهاج ل ام سحاب :وين نوره؟
ام سحاب :ماتبي تجي تبي صيته
بهاج بتنهيده:ياهالصيته الي ناشبه بحلقي
ام سحاب تضحك وفجاءه نزل بهاج من السياره ودخل ويدور نوره بعيونه
بهاج فتح غرفه نوره
نوره خافت راحت تدور الطرحه تتغطى عنه
بهاج شاف انها تدور الطرحه الي بجمبه وخذاها
بهاج:نوره تدورين هاذا ؟
نوره:ايه جيبها خلني اتغطى عنك
بهاج بتنهيده:اففففف متى تتركين الطرحه انا زوجكككك
نوره :بهاج بلا حركات اطفال جيبها
بهاج رفع يده الي فيها الطرحه:اتحداك توصلينها
نوره بطفش من حركاته :افف طيب انت الحين شتبغى مني؟
بهاج:ابيك تروحين الشاليه ليش ماتروحين
نوره:مالك دخل
بهاج:امشي امشي بس
نوره :اصلا ماتقدر تاخذني لاني ماجهزت شي ههههههههههههه
بهاج وهو غرقان بالضحكه:عادي تجهزينها الان
نوره :خلاص مابغى هي غصب الدعوى؟
بهاج :ايه غصب
نوره جلست :مابغى ما ب غ ى مابغى افهم ياخي!!!
بهاج بدون لايناقشها طلع شنطه كبيره وحط فيها ملابس لنوره عشوائيه وميكب وإلخ
نوره بصدمه من تصرفه:يامجنون وش تسوي
بهاج ساكت وخذا الشنطه وطلع وحطها بصندوق السياره ورجع لنوره
بهاج :البسي عبايتك بسرعه بسرعهههه
نوره :مابغى
بهاج :الا تبغين
وخذا شرشف وحطه عليها وشال نوره على كتفه وام سحاب تصور ل قروب ام عبدالله وبنات عم وعمه بهاج وامهات بنات عم بهاج ونوره واتس
نوره وهي تضرب على ظهر بهاج :بهاج فكني ياخي شتبغى مني
بهاج ساكت وفتح باب السياره الي ورا السواق ونزلها ودخل البيت وجاب عبايه نوره ونقابها واعطاها وسكر الباب ومشى وام سحاب لازالت تصور وارسلته للقروب
ترتيب السياره
بهاج يسوق وجنبه خالته ووراه نوره
نوره وهي تلبس عبايتها بالسياره وزعلانه :جديده ليش تصوريني وترسلينه
ام سحاب:فعاليه فعاليه وش عرفك انتي
بهاج يضحك بصمت
نوره:مافي شي يضحك
بهاج انفجر ضحك عليها وهي زعلت وصارت تحط ميكب
بهاج كل شوي يسحب بريك يخرب عليها الميكب
نوره :بهاج وجعع ماتشوفني احط الميكب
بهاج وام سحاب يضحكون
__________________________________
(الشاليه)
الهنوف بضحكه:بناتت امانه شوفو وش مرسله الخاله ام سحاب
وفتحو الفديو لقو نوره وبهاج ومناقرهم
وداد وهي ميته ضحك :بنات تكفون شوفو شلون شالها
سهام بضحكه :بنات نوره تقل ريشهه شالها بخفه
نجلاء:اوهه يابنات متى يجي فارس احلامي
هيام ذبحها الفضول ايش الفديو الي يتكلمون عنه فتحت القروب ولقت الفديو
وماتتتت غيرره
اما وئام ساكته
غدير بضحكه :بنات ماشفتو شي من مناقراتهم
نجلاء:لازم نسوي لهم مسلسل كامل
البنات يضحكون
__________________________________
(بمجلس الحريم)
ام عبدالله وهي تضحك على الفديو حق نوره وبهاج:ماتتوب نوره عن عنادها
ام رائد وهي تشوف الفديو:يحليلها تهبل
ام نايف :صادقه مره شفتها من بعد تهبل مانزينها
ام احمد بضحكهه:يتهنى فيها بهاج
ام هيام بعصبيه مكتومه:اييه ماشاء الله
__________________________________
(خط الرياض)
نوره :بهاج
بهاج رافع صوت سماعه السياره ولايسمع نوره
نوره :بهاجججج
بهاج حس بيد صغيره على كتفه :لبيهه
نوره:بهاج وقف عند اقرب محطه ببدل ملابسي
بهاج يحارش نوره:لالا روحي بلبسك هاذا
نوره:وينن لا مستحيل اروح ببجامه !
بهاج بضحكه:ابشري
ووقف عند محطه وقال لنوره:شوفي هناك دوره مياه نساء (يكرم القارى)
نوره وهي تنزل من السياره وتاخد ملابسها الي تبيها:تمام
راحت نوره ل دوره المياه(يكرم القارى)وبهاج نزل للبقاله
نوره لبست فستان كت خفيف ل الشاليه وعدلت الميكب ورجعت لسياره
نوره :جديده وين الاخ ماجاء
ام سحاب:راح للبقاله
نوره :اوههه صح لازم اروح البقاله غدير موصيتني على اشياء ناقصتها
ام سحاب :لا يانوره اجلسي الحين يجي بهاج ويفضح بنا اجلسي
راحت نوره ماخلت ام سحاب تكمل كلامها
ام سحاب بيأس:الله المستعان عنيده هالبنت
__________________________________
(البقاله)
دخلت نوره البقاله متصله على غدير تعلمها الاشياء الناقصه
غدير :و اكواب كرتون وقولي ل بهاج يجيب ماء
نوره :لاتكفين انتي قوليله
غدير بشك وضحكه:انتي وش مهببه
نوره:انا بالبقاله وهو مايدري وجدتي تقول انه لو عرف انك بالبقاله بيقوم ويقعد الدنيا فوق راسي
غدير بخوف على نوره :نوره تكفين ارجعي الان ترى يسوي المستحيل اذا عرف انك بالبقاله
نوره بثقه عيمياء:يعقب ويهبى يضرني
غدير :نورهه اتركي العناد وارجعي السيارهه
نوره:غدير قلتت مستحيل
البنات من ورى غدير :شفيك تصارخين على نوره !
غدير بتجاهل للبنات:نوره تراك بتروحين ورى الشمس
نوره بضحكه:من هو عشان يوديني ورى الشمس
غدير:اففف يانوره من هالعناد تريه اخوي واعرفه ارجعي بسرعه
نوره :غدير اعطيني الطلبات وبخلص وبمشي ماراح يعرف واذا عرف وش اسويله مرده بيعرف
غدير:الله يستر عليك والطلبات خلاص ارسلها لبهاج ماتقدرين لها
نوره:لاخيرر انتي قلتي لي الحين لوعرف اني موجوده هنا وش عذري ؟
غدير:خلاص ارسلك الطلبات الخفيفه وبهاج الثقيله
نوره بفرحه:ايههه كفوو يلا سلام
وقفلت الخط
وراحت تشتري طلبات غدير فجاءه شافت بهاج قدامها
نوره بهمس:بسوي نفسي ماعرفه وبخلص واطلع
ومشت من عنده وبهاج مسك نوره عرفها من عيونها من تحت النقاب:نوره وش قاعده تسوين هنا
نوره :اءء يعني وش تشوف ؟قاعد اخلص طلبات اختك
بهاج بعصبيه خفيفه وهمس:نوره ارجعي احسن لك !
نوره فكت يدها عنه :اقول ابعد بس
بهاج مايبي ينفضح اكثر من كذا سحبها بقوه وطلعها برى البقاله
نوره تحاول تفك يدها :بهاج بعد عنيي
بهاج بعصبيه :اسكتي يرحم والديك لاتخليني ارتكب جريمه
نوره باستفزاز لبهاج:الله اكبر عاد
بهاج :لاتخليني اقتلك هنا وارتاح منك
نوره:لالا يمه خفت تصدق اني خفت
بهاج بتعب من عنادها وسحبها :ثاني مره اقص رجولك (يكرم القارى)اذا عدتيها
نوره :بعديدها مليون مرههه
بهاج :نشوف اذا عدتيها وش يصير
وسحبها وركبها السياره وقفل السياره
نوره :يحسبني صغيره ماعرف افتح الباب
ام سحاب مسكتها:نوره يابنتي تريه متهور انتبهي لاتعاندينه
نوره :ياجدتي يضغطني كثيرررر خليني انزل بشوف وش يصير
ام سحاب وهي تعرف بهاج زين :نوره قلت اجلسي انتي ماتعرفينه زين
نوره :يمهه يخوف يخوف خفت بموت جدتي تره مرده انسان ماراح يسوي لي شي
جاء بهاج وحط الاغراض بصندوق السياره
نوره:ياجدتي مستفزززز شوفيه
بهاج ركب السياره ووجهه مايطمن والتفت على نوره :انتي متى تفهمين!
نوره:ترى ماسويت شي بس انت تعطي الشي اكبر من حجمه !
بهاج بعصبيه:نوره اسكتي احسن لك
نوره بتسليك :ايه ايه وبهمس :بعطيه على جوه
ومشى
__________________________________
(الشاليه )
سهام:غدير ايش فيك تدورين؟
غدير :من الخبله نوره وعنادها لبهاج
وداد: ليش عادي خليها تعانده وش فيها
غدير :لايابنات انتم ماتعرفون بهيج
الهنوف:معليش يعني ليش واذا مانعرف بهاج
غديرقالت لهم السالفه
الهنوف:الله يستر عليها
سهام:بنات انتم دراماااا نوره يقال عنها ام لسان لاتخافون عليها هاذهي قبل كم يوم متهاوشه مع ام هيام
نجلاء:صادقه صادقه
_________________________________
(عند باب الشاليه ) المغرب
بهاج:يلا انزلو
ام سحاب :ماقصرت الله يجزاك خير
بهاج:ماسويت شي
نوره نزلت بكل صمت وراحت لجدتها
نوره:يلا جديده ندخل نسلم عليهم
بهاج دخل عند الرجال يسولف معهم
دخلت ام سحاب وجدتها وكل الانظار عليهم
ام سحاب تسلم ونوره وراها وجلست نوره شوي عند الحريم وجت غدير وخذتها عند البنات
__________________________________
(البنات)
نجلاء فوق الطاوله و بصراخ:ارحبييييييي تراحيببب المطر
نوره بحماسس وصراخ: البقىىىىى
وداد بضحكه :يابنات ماتوقعتها كذا فله وصاروخ
نوره:ياروحييي انتي
وسلمت عليهم الا وئام وهيام رفضو يسلمون على نوره
نجلاء بضحكه:نورهه اقسم بالله شكلك بالمقطع يقتللل ههههههههه
نوره ببتسامه:نجلوهه ترى بالغصب تخطيت تصوير جدتي تذكريني ليشش
الهنوف:الله يقطع بليسكم بنات ذبحتوني
ضحكو
غدير وهي تصفق :يلا يلا بنات جت نوره يلا على المسبح
نوره بخوف:لا بنات
سهام :ليش
نوره :اخاف ماعرف اسبح
نجلاء:معليك عندي وانا ابو هندي انا اعلمك
نوره ضحكت وكانت متردده تدخل المسبح لكن نجلاء المحزم دخلتها
وسبحو ونوره كانها ورق شاهي بالمسبح تطلع وتدخل وهاكذا
والبنات يضحكون على شكل نوره الخايفه
__________________________________
(مجلس الرجال)
كلعاده يلعبون بلوت
_________________________________
(البنات)
طلعو من المسبح يبغون يبدلون ملابسهم الا نوره الي استوعبت ان شنطتها بسياره بهاج
نوره وهي تدور تفكر كيف تواصل معه وهي ماعندها رقمه
نوره:غديرر اتصلي على بهاج قوليله يجيب الشنطه
غدير :تمام
غدير :الو بهاج
بهاج:هلا
غدير:بهاج النوري تبيك
بهاج باستغراب:تبيني؟
غدير :ايه
نوره بهمس لغدير:لالا انتي قوليله
بهاج بفرحه:عطيني ياه
غدير اعطت الجوال لنوره وراحت
نوره بوهقه:بهاج
بهاج:لبيه
نوره: بهاج الشنطه
بهاج:اي شفيها؟
نوره :ببدل ملابسي والشنطه بصندوق السياره
بهاج :ايه تعالي عند الباب اعطيك الشنطه
نوره:تمام
وراحت عند الباب تنتظر بهاج
بهاج طلع من عند عمامه وراح لصندوق السياره خذا الشنطه وطق الباب
ونوره فتحته ودخل بهاج
نوره :بهاج!ليش تدخل
بهاج بينه وبين نفسه:اشتقت
نوره:هيه بهاج وين رحت
بهاج :لبيه موجود مارحت بعدين يلا خوذي الشنطه لاتبردين
نوره :تمام ودخلت وبدلت ملابسها
_________________________________
(مجلس الحريم )
ام عبدالله :يلا بنات الحين وقت الرقص
نجلاء:جويييييي
غدير :يلا بجيب السماعه واجي
وجت غدير مع السماعه ورقصو البنات ماعدا نوره متردده ترقص
وقومتها ام عبدالله ترقص ورقصت نوره
__________________________________
واستانسو وخلص اليوم الجميل ♡
سبحان الله وبحمده سبحان الله العظيم ♡
انتهى البارت ♡
النجمه تدعم الروايه✨