سبحان الله وبحمده سبحان الله العظيم ♡
بعد ثلاث ايام عاديه على الجميع قررو عجايز الديره يسوون عزيمه بسيطه لزواج نوره او بالاحرى يقيمون جمال نوره
_________________________________________
(الديره) الصبح
ام سحاب بحزن على حال نوره الي يكسرالخاطر من بعد زواجها من بهاج وهي ماهي على بعضها :نوري يابنيتي لاتضايقين اعتبريه اخوك
نوره بغصه:مستحيل ياجدتي يصير اخوي وهو مكتوب جنب اسمي
ام سحاب :خلاص يابنتي اخوك هاذا ماأسمح له يعتبرك زوجه له معليك
نوره ساكته
ام سحاب :اليوم في عزيمه لك بالبيت
نوره هزت راسها بمعنى تمام
___________________________________
(الرياض)
بهاج ماقدر يحدد شعوره اتجاه نوره وقاعد يهوجس فيها
ام عبدالله :بهاج بهيج ياوليدي وشفيك منت على بعضك
بهاج :لالا مافيني شي
ام عبدالله :اي ترى اليوم بالديره عزيمه لزواج نوره ابيك توديني ل اختي
بهاج بيأس وهو وده يوديهم يشوف نوره :يايمه اليوم عندي اشغال كثيره
ام عبدالله :اي عادي اروح مع عبدالله وزوجته بيسلم على خالته
____________________________________
(الديره) العصر
نوره وصيته وام صيته وام سحاب ينظفون المجالس ويبخرون وخلصو
نوره وصيته بالمطبخ يسوون حلا
نوره بضحكه :صيته وجع لاتخربين احترافي
صيته مابغت تسمع ضحكه نوره الي فقدتها : اخيرررآ مابغينا نسمع الضحكه بروح ابشرهم
صيته وهي تركض ل ام سحاب وامها ونوره تركض ورى صيته تحاول تمسكها
صيته :خالتي يمه
ام سحاب وام صيته:جت صيته الحين تقوم وتقعد البيت من الخبر
صيته بضحكه:تخيلو
ام صيته:وش نتخيل
صيته :سمعت نوره تضحك
ام سحاب بضحكه:غميضهههه ماسمعتها ليش ماسجلتي ضحكتها اسمعها
نوره ابتسمت
ام سحاب :خلصتور الحلا والمفطح؟
صيته ونوره بنفس الوقت:مفطح!
ام صيته :ايه ليش مستغربات ؟
نوره:جدتي خالتي مدري شلون نصارحكم مانعرف نطبخ مفطح
صيته وفي بالها فكره سحبت نوره:ايه ايه نعرف نسوي مفطح امشي نوره نسويه
نوره وصيته راحو للمطبخ
نوره بورطه:تستهبلين وش قاعده تسوين ماعرف اطبخه
صيته غمزت لها:نطلبه
نوره وهي تبي تنجلط :صيته انتي بالديره افهمي مافي توصيل اففف
صيته تحك راسها بورطه :امممممم
نوره وهي تهبدها :ثاني مره لاتسوين كذا ،لحضه عندي فكره !!
صيته :ايش؟
نوره :اسكتي خلني انفذ الخطه
صيته بضحكه من عصبيه نوره :ابشري
نوره وهي تتصل على خالها زيد:الوو خالي سلام عليكم
زيد وهو من زمان ماسمع صوتها :وعليكم السلام،لبيهه
نوره :خالي يالفزعه
زيد :ابشري بي
نوره قالتله سالفه المفطح
زيد :بس كذا البسي عبايتك وتعالي انتي وصيته
نوره ببتسامه:تسلم ياخالي ،وقفلت الخط
صيته :بشري حل المصيبه
نوره بفرحه:ايه روحي البسي عبايتك بسرعه نروح معه
وراحو يلبسون عباياتهم ونقاباتهم بدون احد يدري ،زيد دق على نوره انه عند الباب
نوره بهمس :يلا ياصيته بسرعه
صيته:يلايلا
نوره وهي تركب قدام وصيته ورى :ارحب يالخال البطل
(نوره تمون على خالها عشانه قريب من عمر نوره عمر زيد٢٨)
زيد :هلا تراحيب المطرر ،يلا مشينا المطعم نشتري مفطح على انه انتم سويته
صيته بحماس وماحست بنفسها :كفوووو اشهد بالله انك كفووو
زيد بضحكه :مصلحه
صيته حست بنفسها وسكتت بفشله
وفعلا راحو جابو المفطح وحطوه بالمطبخ وراح زيد يسلم على اخته ام سحاب
_________________________________
(الرياض )
ام عبدالله:يلا يابنات مشينا
غدير مشتاقه لنوره من زمان عنها:جايه جايه
وئام وهي تتصل على هيام تعلمها ب كل شي
ام عبدالله:عبدالله ياولدي ام هيام بتجي
وئام :تجي هيام؟
ام عبدالله:لا
وركبو السياره مع عبدالله وزوجته
__________________________________
(غرفه نوره)
نوره وهي تحط بلشر:صيتوه سمعت ان ام زكي تبي تجي للعزيمه
صيته:ايهه تقصدين ام عبدالرحمن ؟
نوره بضحكه:يعني من نقاله علوم غيرها علومها تاصل الرياض
صيته:عاد ام عبدالرحمن تجي بدون عزيمه عشان تنقل علوم
نوره :الله يكفينا شرها
صيته من قلبب:اميننننن
وخلصو البنات ولبسو
____________________________________
(المغرب )
جت ام عبدالله وبناتها
نوره بفرحه :غديررررر
غدير:نورههه
حضنوبعض تحت نظرات وئام الي تكره نوره بدون سبب
غدير :شلونك نوره
نوره بزعل:بخير،ليش هالقطعه ؟
غدير بضحكه :لاتسالين هالسؤال لاني انا ماني عارفه جوابه
نوره ابتسمت وتقدمت ل وئام ومدت يدها تبي تسلم عليها
وئام طالعت نوره من فوق لتحه ومشت وخلت نوره
صيته بأنفعال:هيههه خير وش هالحركات !
وئام تجاهلتها وكملت مشيتها
غدير :معليش نوره
نوره :لاعادي
صيته وهي تدور وتفكر كيف تكفخ وئام
نوره فهمت ان صيته ماراح تعدي هاليله على خيررر :صيته خلاص
غدير مو فاهمه شي :ليش وشو الخلاص؟
نوره بتصريف:لابس الميكب حقها انكسر وزعلانه
__________________________________
بعد ماتجمعو حريم الديره ونوره تقهوي الحريم ومد الفنجان لوحده ماتعرفها
نوره ببتسامه :تفضلي
ام هيام طالعت نوره من فوق لتحه وقالت بصوت عالي :هاذي انتي نوره الي ميت عليها بهاج عشان ياخذك على بنتي ياسراقه الرجاجيل
نوره بعصبيه :هي هي خير جايه بيتي وتسمعيني كلام !
ام هيام :وانا ماكذبت انتي سرقتي رجل بنتي
نوره بعصبيه وصوت عالي:لو يحب بنتك ماعلقها سنه بدون زواج حتى للحين ماملك عليها وسمعت انه مجبور عليها
ام هيام انلجمت
وئام بتدخل :خير ترفعين صوتك على زوجه عمي
نوره دفت وئام:من تدخل في ما لا يعنيه لقي ما لايرضيه
ومش وخلتهم ودخلت على صيته بالمطبخ
نوره بدموع:صيته وينك عني
صيته بخوف :ليش وش فيك
نوره قالتلها السالفه ،صيته طلعت من المطبخ تبي تكفخ ام هيام ووئام
نوره سحبت صيته :خلاص صيته بس يروحون الضيوف شوفي شغلك مو الحين
صيته :اففف والله لااسطرها سوى الحين ولا بعدين !
نوره بفخروتعزيز:خوذي راحتك
وقلطو العشاء وكلهم يمدحون طبخ صيته ونوره للمفطح (مفطح المطعم)وخلصو وراحو المعازيم وراحت ام عبدالرحمن تنقل علوم
___________________________________
ام هيام بتصنع الحزن:ياأم سحاب معليش بنتك يبيلها تربيه
ام سحاب:لا والله الظاهر انتي الي يبيلك تربيه
ام عبدالله :خلاص عينو من الله خير
وئام:ياخالتي معليش يعني نوره ضربتني قدام المعازيم
ام سحاب وهي تصوت لنوره:يانورره يانورييي
نوره جت تركض:لبيه
ام سحاب :نوره ماودك تكملين عليهن ؟
صيته :بكل سرور
ام عبدالله وهي تحاول تمسك صيته :وقفي ياصيته وقفي
صيته :عشانك والله
ام عبدالله ابتسمت
ام سحاب :يلا كل وحده لها غرفه تنام فيها
صيته: بنام عند نوره اليوم (المحامي حقها)
ام سحاب وانا برقد بالحوش الجو حلو اليوم تصبحون على خير
ام عبدالله: وانتي من اهله
ام هيام :يلا حتى انا بنام
نوره بهمس مسموع:نومة اهل الكهف
ام هيام :وش قلتي
نوره:الي سمعتيه
وراحو ينامون
(نوره وصيته وغدير بغرفه نوره )
(ام عبدالله وام هيام ووئام بغرفه)
(ام سحاب حبت انها تنام بالحوش)
__________________________________
(الرياض)
بهاج وعبدالله اخوه وسعود ومحمد اخو صيته وعيال عم بهاج متكين بالستراحه بهاج وعبدالله وسعود ومحمد يلعبون بلوت
والباقي الي يغني والي يسوي شاهي وإلخ
__________________________________
(الديره)الصبح
نوره وهي تصحي صيته :صيتهه قومي يلا مسويه جدول مع غدير
غدير:ياصيته وش هالنوم قومييي
صيته بنوم:اصلا قايمه من زمان
نوره وغدير ضحكو على صيته
نوره :يلا بنات نسوي الفطور
غدير :تمام
وراحو البنات يسوون فطور وخلصو الفطور ونوره راحت تقوم جدتها
وغدير تقوم امها وزوجه عمها واختها
وقامو وافطرو
نوره وهي تقترح عليهم اقتراحات :بنات العصر بنروح بيت جدي كعابي
ام عبدالله :سامحينا يانوره غدير ماتروح لان بنمشي العصر
نوره بيأس:تكفين لاتقولينها اجلسو لين العشاء
ام عبدالله :ودي نجلس بس الضروف
نوره هزت راسها بتفهم
نوره:طيب الحين نروح المزرعه الي ورى البيت تمام
صيته وهي تبلع :روحو لحالكم انا همي بطني
نوره:اي اذا خلصنا فطور
وخلصو ولبسو البنات شراشف وراحو ماعاد وئام ماتبغى
نوره:بنات هناك توت طعمه يجنن
غدير:الله يلا نروح له
وراحو ياكلون توت واستانسو وصورو ولعبو بالماء ورجعو البيت بعز الظهر
صيته وهي تهف على نفسها:الله يسامحكم ضربه الشمس جت عاموديه على راسي
نوره وغدير يضحكون
نوره :انا باخذ شور واجيكم
صيته :وانا بروح للبيت اخذ شور واجيكم العصر
وغدير :وانا بعد
__________________________________
(المجلس)
ام سحاب :ياربي وين راحن البنات
ام عبدالله:لا عادي مايبعدن
ام سحاب بضحكه :ياحبيبتي والله انتي ماتعرفين نوره كانت تبي تروح لبيت ام مساعد تودي عشاء لكن رجعها بهاج
ام عبدالله بضحكه : ايه عاد بهاج مايحب البنت تبعد عن بيت اهلها كليوم هاذهو مرجع غدير من عند صديقاتها
ام سحاب ببتسامه :ايه
جتهم صيته تقولهم انهم جو وانها تبي تروح لبيت اهلها
__________________________________
(العصر )
صيته ونوره راحو كعابي لبيت ابو ام سحاب (معروف البيت بعيد)
ام عبدالله وهي متصله على بهاج:متى تجي
بهاج :قريب عند مدخل الديره
ام عبدالله :ايه زين
قفلت الاتصال
بهاج دخل البيت بدون لايطق ولا شي (الاخ معتبر البيت بيته)
بهاج وهو يسلم على الموجودين:لكن لاحظ ماهو موجود الشخص الي جاء عشانه
قال بتردد : خالتي نوره وينها بقولها شي
ام سحاب :راحت لبيت جدك
بهاج بصدمه :من وداها ؟
ام سحاب:راحت هي وصيته مشي
بهاج بعصبيه خفيفه :ياراسيييي ليش ماقلتولي اوديهم مايمشون على رجليهم بعيد البيت بعيدد
ام سحاب:ياوليدي وراك معصب ترها كل شهر تروح ماضرها شي الحمدلله
بهاج :بروح اجيبهم واجي
ام عبدالله:ياوليدي خلهم على راحتهم
بهاج بعصبيه :مستحيل نوره تخطي خطوه برى البيت بدوني علميها ياخالتي !
وراح ركب سيارته
__________________________________
(الشارع)
نوره:صيته احسني مشتاقه لجدي شوق طاغي (ابو ام سحاب لكن تعتبره جدها)
صيته:وانا مشتاقه لغنمهم
فجاء جت سياره مسرعه وقفت عندهم
نوره بخوف :من هاذا الله يستر
صيته ميزت وجهه بسرعه عرفت انه بهاج وخافت على نوره قالت بصراخ :نوره اركضي بسرعهع حرامييي
نوره بخوف وهي تسحب صيته وتركض :يمهه حرامييي
صيته ساكته
نوره تبكي :صيته وش يبي الحرامي هاذا
بهاج استغرب ليش يركضون وراح وراهم
نوره حست بجسم وراها وقامت تبكي بقوه وتصارخ: حرامي حرامييي
بهاج جاء من ورى نوره وحط يده على فم نوره لاتفضحهم
نوره حست ان نهايتها جت عضت يده بقوه والتفتت لقته بهاج
ضربت صدره:وجعع هاذا انت ليش ماتقول انه انت !
بهاج :طيب ليش هالبكي والدموع والدراما؟
نوره : مادري
بهاج بهدوء :يلا انتي وصيته امشو قدامي
نوره:مستحيل بروح لجدي
بهاج بعصبيه :اليوم مافيه روحه
نوره:وان قلتلك غصبآ عنك بروح
بهاج تنهد مايبي يصارخ عليها بس هي عنيده:نوره امشي بالطيب
نوره :خلاص قلتلك بروح لجدي بعدين اروح معك
بهاج مسك معصم نوره بقوه وراص على اسنانه:نوره امشي قدامي!
نوره تتألم من مسكته لها:بهاج قلتلك مابغى ارجع
بهاج بعصبيه :صيته روحي لسياره بتفاهم مع نوره
صيته :لا وش تبي تسوي فيها!
بهاج بصراخ:وش بسوي لها مثلا انا زوجهااا ماسويلها شي
صيته:زوجها وماتسوي لها شي!!طيب يدها الي ماسكها وش تبريرها
بهاج بعصبيه :صيته روحي لسياره بسرعه لاتحديني اعلمم اخوك!!
صيته بيأس:نوره سامحيني
نوره هزت راسها برضى وراحت صيته لسياره
بهاج فك يده من معصمها الي تكه وينكسر :نوره امشي
نوره بدموع تمسح معصمها وساكته
بهاج قلبه تقطع عليها :طيب بوديك بس مو اليوم
نوره بدموع وهمس:خلاص خلني لحالي
بهاج بعصبيه من عنادها:نوره اقسم بالله ان مامشيتي قدامي لأمشيك غصب
نوره ساكته وتبكي بصمت
بهاج نفذ صبره ومسك عضدها وسحبها لسياره وهي تحاول تفك يدها منه
بهاج جلسها جنب كرسي السواق وركب ومشى ونوره تبكي بصمت وهو ساكت يهوجس وقلبه يتقطع ميه قطعه وصيته خايفه على نفسية نوره الي بتدمر
وصلهم يبت ام سحاب ونزل ونزل نوره معه ودخل ورها
ام عبدالله بخوف على نوره :نوري شفيك من مبكيك
نوره تبكي بصمت
ام سحاب خافت على نوره:بهاج شسويت لها !!
بهاج :جبتها غصبا عنها
ام عبدالله منجلطه من ولدها الي بيذبح البنت:ولد افهم البنت حساسه تهاوشها ليش ليش تخليها تكرهك
ام سحاب :البنت توها تزين نفسيتها تروح تخربها ليش
بهاج بعصبيه :انا زوجها واعرف لها وطلع
(وئام وام هيام بأسعد لحضات حياتهم)
ام عبدالله وهي تعتذر لنوره عن ولدها:اسفه يانوره سامحيه تره مايفهم بالحب
نوره ببتسامه:لاتعتذرين عن خطا غيرك
واتصل بهاج على امه تطلع بيمشي لرياض وطلعو من البيت بعد ماسلمو على بعض
__________________________________
(خط الرياض )
ترتيب السياره
بهاج يسوق وجنبه امه ووراه ام هيام وجنبها وئام وجنب وئام غدير
ام عبدالله وهي زعلانه على ولدها:بهاج وش هالحركات الي تسوي ل نوره
بهاج ساكت
ام هيام:زين ماسويت يابهاج شد عليها
بهاج رفع نظره لمرايه يناظر ام هيام بنظرت كره وحقد
قعد بهاج يهوجس وام عبدالله تفكر وام هيام ووئام سعيداتتت وغدير تراسل نوره تتطمن عليها ورجعو البيت على العشاء
جو تعبانين ونامو
__________________________________
(الديره )
ام سحاب وصيته يواسون نوره ونوره تسوي نفسها مابها شي
ونامو ورجعت صيته لاهلها
وخلص اليوم المتعب على الجميع
__________________________________
سبحان الله وبحمده سبحان الله العظيم ♡
طولت لكم البارت
انتهى البارت ♡
النجمه تدعم الروايه✨