سبية مستباحة "بقلم الكاتبة ميامين الدليم
"
عبير: اخذت علبة بيهة سوالف ناعمة للاكسسوارات والادوات وصعدت بلسطح كل ماا اضوج اصعد للسطح اشتغل بيهن احب اعمال الفن حطيت فراش بلكاع وكعدت فرشت الغراض وبلشت اسوي
:- جنت شاردة واشتغل بيهن دائما يكون اكو عصافير تسوي اصوات لو توكع شي كل ما اصعد اسمع هيج شي بس هلمرة سمعت شخص وراية يكول
جبل: - عبير ماا انطاني كلبي
عبير:- بس انطاك كلبك تعوفني انطاك كلبك تتزوج بس مانطاك تخليني اكمل حياتي
جبل:- غلطة مني وسكتة منج هيج قصتنة كضَت
عبير:- روح جبل انزل لا تسويلي مشاكل احترم الشخص الراح اصير على ذمتة واحترم وجود زوجتك وياك بهذا البيت
:- تقدم علية بعصبية ولزكني بلحايط رفع اصبعة الية بتهديد
- اذا سمعتج جايبة طاري على لسانج اشك راسج عبير ماا تصيرين على ذمة شخص غيري وخشمي يشتم الهوة
:- ضليت اباوعلة ودموعي تنزل رجع وجع كلبي علية كأنو هسة بهلحضة سمعت خبر زواجة صار يمسح بدموعي واني تخبلت وادفع بي
عبير:- وخر عني حرام حرام انتَ مالك حق علية لا تلمسني اني موو بنت شوارع لاا تتصرف وياي هيج لاا تلمسني جبل
جبل:- اهدي اهدي عبير ماراح المسح بس اهدي خليني احاجيج خليني ابرد كلبي انطيني فرصة ع الاقل احجي وياج لا تضيعيني وتضيعين نفسج
عبير:- نفسي ضاعَت وياك بس سنيني واحلامي وكلبي كلشي ضاع وياك انتَ ضيعتة وبسببك اني انتهيت ادمرت شفت ايام سودة لهاي اللحضة وياي
جبل:- فاهمج عبير فاهمج وربج عبير من يومها واني كلبي ماشاف الفرح لاا تضلميني افهمي مني واسمعيني اسمعي شنو الصار واحكمي
عبير:- ماريد اسمع اعذار وتبريرات ماريد اسمع منك شي عوفني اعيش حياتي مثل ما انتَ عشت ليش ابقة معلقة روحي بيك وانتَ مو الي ليش اسوي بروحي هيج منو اليستاهل
جبل:- تذكرين شنو جنت اكلج
:- غمضت عيوني ورجعت فتحتهة شهكت بحسرة وكلت ، جنت تكول مُهجة كلبي
جبل:- لاا تنهين كلشي وتسدين كلشي بوجهنة عبير عنادج هذا ماراح يفيدج بعد عدنة فرصة نصلح كلشي لاا تحاولين تزوجين علمود تنسيني راح ادمرين نفسج هذا مو تصرف صحيح
عبير:- ماراح تحرك اي مشاعر بكلبي جبل روح الله يسعدك
:- باوعلي وابتسم ابتسامة استهزاء
- انتي واثقة يعني كل عقلج اخليج تزوجين هذا الخنثة
عبير:- اذا انتَ صدك ارجل منة اثبتلي شهامتك استاذ مسترجل
-رحت لميت الغراض وردت انزل سمعتة يكول
:- نتواجه عبير
بقيت منطيتة ضهري وكلت، منتضرة بفارغ الصبر للمواجهة وياك
:- نزلت ضميت غراضي وطلعت شفت خالتي وامي يتهامسن وكفت يمهم وكلت، شكو؟ باوعتلي خالة ام مهڤ وكالت
:- يمة مصيبة ووكعت على راسنة
- كل الاجة ابالي جبل سوالة شي وية باقر انتضرتهة تحجي واخيرا نطقَت
ام مهڤ: - يمة اهل المرحوم رجل تهاني جايين علينة
عبير:- بقيت اباوعلهة مفهية احاول استوعب السمعتة، حرير شلون شراح يكللهم
ام مهڤ:- مادري ييمة مادري اذا عرفو ياخذون لبنية من امهة واحنة منطيهم وعد ماا يمسهة شي وهية ابيت خالهة وبنص اهلهة
عبير:- بس خالة مو جبر شنو ينضلم ابنج طول عمرة وية وحدة ما رايدهة نور عدهة اهل ولدنيا كلهة وياها اختهة وامهة وعمامهة كلهم يردوهة بس حرير بقَت بخلك روحها ومهڤ وبنية صغيرة متعرف لدنيا شنو وشلون تعيش اساسا ،وشافت ابوهة بمهڤ وتعلقَت بي ومهڤ هم تعلق بيهة وهية زوجتة محد يكدر يوكف بوجهم لاا عمامهة ولاا ابوهة لو يطلع من الكبر
:- حسيت احد سحب ايدي وعتهة باوعت نور واكفة ومجتفة اديهة
نور:- اول شي ياا سيادة المحامي عبير سوالف عائلية انتي لا تدخلين بيهة ثاني شي قبل لا تجين انتي وتجي هيَ اني ومهڤ مقررين لهلزواج وعوائلنة ولكبار همة القررو انتي ماا تفتهمين احسن منهم ولا تعرفين مصلحتنة اكثر منهم
عبير:- شوفي لج زقجة اذا الزمج املص راسج ولا تخليني ادوس عليج وعلى عاداتكم وتقاليدكم يخافون عليج من مهڤ لان عايشة ويا وانتي بنية وهمة ما يدرون انتي تكومين لعشيرة وتكعديهة ع تك رجل بعقلج وسوالفج ترة عاجنتج وخابزتج لتخليني اطلع سوالفج
نور:- هين يعبير اذا ماخليتج تبجين دم على حجيج هذا واردلجياهاا وافضحج فضيحة كدام العالم اخليج بس تريدين شي تغطين وجهج بي من الناس
عبير:- هذا الحجي المفروض ينكال الج اما اني فـ بشعراية ما تكدرين تمسيني اذا وصلتي لربع تربيتي تعاي حاجيني هيج وهسة يلاا فاركي عن وجهي
الحجية:- عبيرر لسانج طولان انتِ ما ماعدة ابيتج يمة عييب روحي يم اختج ماريد اسمع نفس ولا تنعاد هاي السوالف
عبير:- يمة هاي الكاعدين بيهة كاع الله ولميحترم نفسة ينداس علي لو حسافتة وين ماكاعد ماهتم
نور:- لانج وحدة قليلة ادب وما تستحين بواكات الزلم لج جان استحيتي تتمعشكين ابيتنة ولج عبير الة اخليج طول عمرج ما تنسين سوايتي وياج
عبير:- عود انتضرج لا طولين يلمكناسة
- نزلو مهڤ وحرير واجة جبل حاولو يسكتونة ويفازعون بقينة وحدة تعد للثانية لحد ماا سحبو نور واني ماقبلت اتحرك من مكاني اباوعلهم وانفخ الدنيا طالعة من عيني
مهڤ:- ليش خوية هيج تحطين عقلج وياها
عبير:- ردت بس احد يكلي ليش علمود انفجر وابجي بجيت كدام الكل لاول مرة ماعرف شنو تحرك بداخلي وخلاني اسوي هيج بمجرد كلمة ليش
- لاول مرة انهار كدام شخص لا واشخاص هم الكل بقة مصدوم ويباوع ومن ضمنهم جبل السد ادينة حييل وعصرهن حسيتة يريد يجي علية وشي مانعة وجودهم جان الوحيد المانعة
- تقدم علية محمد حضني كدامهم كلهم وامي اجَت وياا هم
محمد: بوية انتِ عزيزة كلبي لا تبجين اكسر راسة ليزعلج
-من كال هيج نهاريت اكثر حاولت اهدي نفسي واروح للغرفة سديت باب الغرفة وكعدت ابجي بدون ماانطي مجال لنفسي شكو كاعدة اسوي روحي قوية واكابر واني جبل هموم على كلبي
- ليش كاعد ترجعين تضعفين عبير ليش موكلتي اندمهم ليش بجيتي ليش ضعفتيي.صرت اضرب براسي حيل واكرر، ليش ضعفتي ليش بجيتي
-طبت علية حرير وتخبلت من شافتني هيج اجتي تركض لزمت ادية وخرتهن
حرير: خبال خبال انوب موتي روحج لج ثولة شكاعد تسوين منو اليسوة منو منو كليلي لج هااي نفسج مايعلها عليهة بشر كائن من يكون
عبير:- تعبت حرير دخيلكم طلعوني منا رجعوني البيتنة اني راضية اموت ع ايد داعش ولاا على ايد جبل طلعوني منا ولله اكتل روحي اذا بقيت هنا
حرير:- اشش عبير اهدي لتسوين هيج بنفسج قوي روحج محد يستاهل تسوين بنفسج هيج علمودة الله يخليج اهدي شوية
عبير:- لج حرير كلبي كلبي قبط علية مداكدر اتحمل اكثرر روحي احسهاا واكفة بزردومي تفتهميني احس راح اموت طلعوني منااا طلعوني
حرير:- بقت تصيح طلعوني منا وتضرب براسهة طب محمد للغرفة شافهة هيج وكال
- لبسيهة شي وجيبيهة
حرير:- لبستهة صاية وشال وطلعت محمد ينتضرها احسها مو بوعيهة لازمة راسهة وتمشي سندها محمد واخذها والحجية كاعدة بلكاع وتلوب على حال بنتهة رحت كعدت يمهة اربت على ضهرها اطمنها
- لا تخافين محمد وياها اكيد راح تتحسن وترجع احسن من قبل هية بس نفسيتهة تعبانة يحتاجلهة شوية وقت عبير قوية
- نزلت راسهة وغطتة بشيلتهة وصارت تبجي حسيت الكل بلبيت متوتر مهڤ يفتر واحسة يريد يسوي شي او يكول شي اخذتة فوك احاجي
حرير:- صاير شي لو ضايج على عبير
- باوعلي بحيرة ورجع يفتر بلغرفة
حرير:- مهڤ كاعد تقلقني شصاير احجي
مهڤ:- كعدي حرير احجيلج اكعدي
حرير:- ترة خوفتني مهڤ احجي لتفت كلبي
مهڤ:- راح احجي اذا خليتيني
-كعدت وهوة كعد على ركبة كبالي وحط راسة على رجلية فزيت من سوة هيج بس ماا منعتة ولا تحركت من مكاني. حسيتة مهموم بكلبة هواي حجي
- احجي مهڤ اسمعك
مهڤ:- عمتي اجتي عدنة من توفة رجلهة بقو عمامهة يروحون ويجون يريدون بناتهم عدهم وخاصتا احنة جنة ما متزوجين ولا جنة نريد نتزوج
- امهن ضلت وياهم مشاكل وعراك وكعدات ماا انطت لاا نور ولاا اية سالفة اية سالفة وية زواجهة هية وجبل بعدين اكلج عليهة خلينة بموضوعنة
- بعد ما اتزوجت اية من جبل ومو برضاة جبل عافوهة اجوي ياخذون نور وجايبين وياهم شيوخ وهادين بقت عمتي تشيل بروحها وتلطخ ونور حاضنة امهة متريد تروح وياهم بقينة حايرين وياهم منكدر نحجي حقهم
- اجتي عمتي وكالت 'يمة مهڤ ابوس رجلك كوللهم اني اعقد عليهة بس حجي حتة يعوفوهة يمة اموت وراهاا اذا راحت بنيتي بروح غاليك ييمة
مهڤ:- ماكدرت اشوف حالتهة هيج الكل نهار بلبيت، وافقت وكلتلهم راح اعقد عليهة عقدنة كدامهم بس هية تصرفاتهة ما عجبتني تعاندني بلبسهة بتصرفاتهة اطب وتطلع بمزاجهة اجاوزت وياي بلكلام وكالت انتَ متدخل بية انتَ عاقد علية كدام عمامي بس
- كلتلها متبقين على ذمتي وصارت مشاكل بلنهاية فسخنة الخطوبة بس بدون علم عمامهة يعني هسة همة يعرفون اني بعدني عاقد عليهة
حرير:- بقيت استمعلة واحاول اجمع الحجي واستوعب مانطقت بقيت صافنة بس رفع راسة باوعلي
- حرير شبيج ماراح تحجين شي
حرير:- يعني هسة شنو
مهڤ:- اليوم جايين عمامهة يمكن شكو بلوضع ماكو عقد يطول هلكد
حرير:- الله يسعدك
مهڤ:- الخمج على حلكج هسة شيسعد مني
حرير:- الله يسعدك مهڤ نعرف الضروف الخلتك تزوجني مالي حق احاسبك هذا الشي صار قبل لتعرفني
مهڤ:- معلينة بلضروف لتزوجنة بيهة مادام صرتي على ذمتي كل الحقوق صارت الج حالج حال اي زوجة الهة حقوقهة
حرير:- بقيت ساكتة واحاول اكتم دموعي
مهڤ:- حرير ليش البجي هسة اني صاير ضدج دشوفين حالتي كدامج
حرير:- احنة زواجنة غلط ووجودي غلط مهڤ بس نرجع للانبار وديني البيتنة وانتَ ترجع وكل شخص يرجع المكانة وحياتة وشوف حياتك لا توكفهة علمودي ماا ارضاها ع نفسي .....يتبع
- رئيكم بـ الاحداث
- توقعاتكم للبارت الجاي
حسابات كل ابطالي موجودة بـ الانستا
-يوزر الانستا: no2s.17
-العجوزيات كتبو الكاتبة ميامين الدليم ويطلع الحساب
-استودعتكم الله.