سبحان الله وبحمده سبحان الله العظيم ♡
بهاج دخل المستشفى وبين يدينه نوره المغمى عليها
بهاج بصراخ:يادكتورررر يادكتورههه الوووو احد يرد
جته ممرضه جابت سرير تحط فيه نوره وراحو لقسم الاشعه اذا في كسر ولا شي طلع مافيها الا رضوض بسيطه
الممرضه:اخوي البنت مابها الا رضوض بسيطه واغماء عليها بسبب ضربه جت براسها وهاذا الشي لازم الشرطه تجي
بهاج:بلغت عليهم وخذتهم
الممرضه:ايه حلو تقدر تدخل على زوجتك
نوره كانت على سرير المستشفى تعبانه جدااا
بهاج دخل :نوره شلونك يعورك شي؟
نوره تنهدت:كل شي
بهاج :افا الحين اجيب الطاقم الطبي كله عشانك
نوره :لالا مايحتاج بس بطلع من هنا
بهاج:اي بس يخلص المغذي نطلع
___________________________________
(وئام وهيام )
هيام بعصبيه:خلاص ياخي تعبت منه وراح تزوج وهو ماملك علي اخوك ذا بيجلطني اففففف
وئام :معليك سمعت ان زواجهم ورق بس مابينهم شي
هيام:افف الحمدلله
وئام:اصلا عادي بنجدول على نوره يقولون طويله لسان
هيام :ايه مرهه طويله لسان محد يسلم من لسانها بس ماتدري اني اقدر عليها
وئام بضحكهه:ضحكتيني الله يسعدك نسينا قبل سنتين وش سوت بك نوره
هيام:ايه اذكر والله لارد لها اضعاف اضعاف ابي سوته فيني تخيلي بغيت اقرع
وئام :معليك نجدول عليها
___________________________________
(الديره)
بهاج ونوره بالسياره والصمت كان سيد الموقف
بهاج :نوره ابيك تفهميني ليش عمامك س.........
نوره بصراخ :خلاص يابهاج خلاص يكفي قلبت حياتي يكفي مابغى اسمع صوتك خلاص
بهاج بعصبيه:يعني كذا تجازين الي يقدم لك معروف !!
نوره ببكي وعصبيه :ترى كل الي صار بسببك منك انت انت وفكره الزواج الخايسه انت شخص اناني وتحب تدمر حياه ناس مرتاحين خلاص بعد عنييي مابغاك
بهاج بعصبيه:هي عاد لاتفلينها حتى انا مجبور اتزوجك !
نوره تبكي بصمت
وصل بيت خالته ونزل نوره ومشى
___________________________________
ام سحاب فزت تركض لنوره تطمن عليها تمسح خدود نوره المليانه دموع
ام عبدالله :نوره وش قومك تبكين هو بهيج ضرك بشي اكسر راسه
نوره هزت راسه بمعنى لا
ام عبدالله فهمت ان نوره محتاجه بهالوقت حضن فقط ام عبدالله حضنت نوره ونوره بادلتها وتبكي على كتف ام عبدالله
ام سحاب سحبت نوره جلسها ترتاح وتنام بحضن جدتها
نوره قامت راحت لغرفتها
___________________________________
(غرفه نوره )
جلست تفكر ليش جرحت بهاج ماسوي لها شي ليش تصرفت بأنانيه ؟ليش يانوره ليش هو ماسوي لك الا الخير ليش تضرينه جلست تفكر كيف تقابله لانها تدري انه زعل ولاراح يجي الصبح قررت تجلس عند جدتها ووخالته ممكن انهم يذكرون متى يجي او شي زي كذا
___________________________________
(مركز الشرطه بالديره)
الضابط :ممكن اعرف وش مصلحتك تعنف نوره؟
خالد بكذب :سوت شي كايد يضر القبيله وحنا جينا نربيها
حمدان :ايه ايه صح
الظابط:طيب عليكم غرامه ٥٠الف تدفعونها وسجن خمس شهور !
خالد كان باردد وحمدان شوي ويبكي
خالد باضحكه مستفزه :هههههههههههههه ليكون ادفع غرامه لبنت ماتسوى الهلله !!
الضابط بعصبيه :غصبآ عنك ! وراح الضابط
خالد سكتت لان عنده مصالح يقدر يطلع
جاء عسكري :اسمع ياخالد انت وحمدان انا اعرفكم ولكم معزه كبيره بقلبي فاعندي فكره تطلعون روحو هددو المدير تراه مخفه وبتطلعون ان شاء الله يس ها انتبه نوره لاتجيها تراك تنقفط من زوجها تراه عقيد والله مايفكك المهم لايدري بهاج انك طلعت
خالد :اشهد بالله انك رجال كفوو
العسكري ابتسم
فعلا هددو المدير وطلعو سالمين
___________________________________
ام عبدالله :ايهه يأم سحاب بيجي بهاج بعد شوي ينزل له اغراض ويمشي ل الرياض
ام سحاب:افا يمشي ارياض ليش
ام عبدالله:مادري ياختي زعلان ونفسيته بخشمه
امسحاب:اكيد الشغل اذى نفسيته
(نوره ارتاحت انه بيجي تعتذر منه )
جاء بهاج ونزل الاغراض وركب سيارته يراسل خويه فجاء الا نوره تدخل عليه بالسياره
بهاج بأبتسامهه يخفيها :ارحبيي
نوره :هلا البقى ،بهاج
بهاج:لبيه
نوره بحزن:انا اسفه لاني قللتلك كلام يجرحك
بهاج وهو ناسي الموضوع :ههههه للحين مانسيتيها
نوره هزت راسها بمعنى ايه
جت ابي تنزل لكن بهاج حرك السياره عشان ماتنزل
نوره بصدمه :بهاج وين تبي توديني
بهاج:معليك ماني خاطفك
نوره :وهاذا وش تسميه!
بهاج :اسميه فره بسيطه
نوره .افففف ،طيب مامعي جوالي ولا علمت جدتي اني بطلع رجعنيي البيت
بهاج :جوالك مو مشكله جدتك علمتها انك معي
نوره:يراسيي ترى حركات اطفال الي قاعد تسوي
بهاج:اي حركات اطفال شعليك انتي خليك جالسه هاديه وساكته رجآ
فجاء نوره شافت بر ( صحرا) وهي ماتحب البر تخاف انها تموت فيه زي امها وابوها
نوره ببكى :بهاج تكفىى ارجع ارجع مابغى هنا
بهاج استغرب :ليش كل هاذا عشاني خذيتك من عند خالتي
نوره :لا اطلع اطلع مابغى
بهاج يبي يحاشرها دخل داخل البر وهي تقطع بكي ،فجاءه وقف السياره بوسط البر ونزل تارك نوره بخوفها ونزل عزبته وشب الضوء ونوره ماتبي تنزل من السياره
نوره بعيون دامعه:بهاج بلا استهبال قم نروح للبيت يلا
بهاج بعناد:لا قررت انام هنا الليله
نوره بعصبيه:بهاج تستهبل اقولك مستحيل تنام هنا
بهاج وهو ياخذ فروته :كيفك تبين تنزلين ولا ترى في كلاب وذيابه
نوره :ماني صغيره تلعب علي
بهاج :كيفك مانتي مصدقه كيفك طيب شوفي هناك شوفي عيون الكلب بالظلام تنور تبي تاكلك
نوره بخوف نزلت من السياره ومسكت يد بهاج بخوف
بهاج :انتي اجلسي هنا وانا بروح ازبط الشاهي
نوره ببكى :والله ماتروح رجلي على رجلك
وراحو يجيبون الشاهي وهي متعلقه بفروته
وجلسو حوالين النار نوره من الخوف شوي وتدخل بضلوعه ف دخلها معه بالفروه
بهاج :يلا بنام هنا
نوره :مستحيل قم نم بالسيارهه
بهاج بعناد :لاوالله معجبني الجو هنا بنام هنا
نوره ببكى مسكت يد بهاج :تكفى قم معي اخافف اخافففف من البر
بهاج انكسر قلبه عليها :يلا امشي بالسياره انتي نامي بالمراتب الثانيه وانا بنام بمكان جنب السواق تمام ؟
نوره هزت راسها برضى
اول ماحط بهاج راسه نام
اما نوره لا
نوره وهي خايفه :بهاج قم لاتنام وتخليني
بهاج بصوت مليان نوم: ها
نوره :قم لاتنام
بهاج قام وقال :يلا نامي عشان انام وفعلا يوم شافته قام نامت ورجع نام
نوره مانامت زين قامت على صوت المطر
اما بهاج لاحياه لمن تنادي نومه ثقيللللللل مايحسسس نوره غطت بهاج بالفروه
وقعدت تتامل هطول المطر واخيراا قام بهاج بعد ماخلص المطر
دق جولل بهاج
بهااح :هلا
ام سحاب :بهاج ياوليدي وين رحتو
بهاج :رحنا للبر
ام سحاب بصدمه :بهاج انت صاحي ولاشلون
بهاج:ليه
ام سحاب :البنت تخاف من البر هي فقدت امها وابوها بالبر ارجع ارجع لاتنجن البنت
بهاج :ابشري ابشري
وقفل الاتصال وقمز لجهه السواق وقال لنوره تجلس جنبه ومشو طلعو من البر
نوره اول ماطلعت من البر تنهدت بالراحه اما بهاج ساكتت وصلها البيت وجلس مع خالته وامه ورجع للرياض
___________________________________
سبحان الله وبحمده سبحان الله العظيم ♡
النجمه تدعم الروايه✨