រាងសង្ហារកម្ពស់ខ្ពស់ផុតពីដី សក់ខ្មៅ ត្រចៀកចោះដោយបំពាក់នូវក្រវិលពីរទៅបីតង់ ដៃស្ដាំជាប់ដោយស្នាមសាក់យ៉ាងមានឥទ្ធិពល ឃើញហើយមិនលង់ស្នេហ៍មិនបាន។ Jungkook បោះជំហានចុះមកពីខាងលើដើម្បីធ្វើដំណើរទៅកម្មវិធីដែលអញ្ជើញដោយមិត្តភក្តិរបស់នាយនោះគឺ Choi Seungcheol។
« ត្រៀមខ្លួនហើយឬនៅ? » Jungkook
« បាទ! រួចរាល់អស់ហើយ hyung » Minho និង hyunjin ឆ្លើយដំណាលគ្នា។
« រួចរាល់អស់ហើយបាទ លោកម្ចាស់! » កូនចៅម្នាក់ក្នុងចំណោមច្រើននាក់និយាយឡើងផ្ដល់ដំណឹង។
« អញ្ចឹងឆាប់ចេញដំណើរទៅ » បញ្ចប់សម្ដីដែលពោរពេញដោយអំណាចរួច Jungkook បោះជំហានចេញទៅរកឡានយ៉ាងសង្ហារឥតទាស់ដោយមានអង្គរក្សនិងអ្នកបើកឡានបើកទ្វារឡានជូននាយ។
ចំណែកឯ Minho និង hyunjin ត្រូវជិះឡានផ្សេងទៀតជាមួយគ្នា។ បន្ទាប់មកឡានចំនួនបួនគ្រឿងដែលជាកម្មសិទ្ធិនិងផ្លាកឈ្មោះត្រកូល Jeon ក៏បរដំណើរចាកចេញពីបរិវេណវិមានមួយនេះ។ Taehyung ឈរលបមើលពីខាងលើបន្ទប់របស់គេតាមកញ្ចក់បង្អួចពេលដែលឡានកំពុងចេញដំណើរទៅ។ បន្តិចក្រោយមកនាយតូចក៏នឹកឃើញដល់រឿងរ៉ាវដែលបានកើតឡើងមុននេះ ពេលដែលលោកម្ចាស់របស់គេបានថើបគេ ប៉ះពាល់អង្អែលលួងប្រលោមធ្វើឲ្យគេស្រើបស្រាលនិងធ្លាក់ទៅក្នុងរណ្ដៅយ៉ាងជ្រៅជាមួយគ្នា។
« ខ្ញុំចូលចិត្តពេលដែលគាត់ហៅខ្ញុំថា kitten » Taehyung និយាយតិចៗទាំងញញឹមអឹមអៀនម្នាក់ឯង មិនដឹងថាគេធ្លាក់ក្នុងរណ្ដៅនោះជ្រៅយ៉ាងណានោះទេ គ្រាន់តែការថើបមួយនេះសោះធ្វើឲ្យគេភ្លេចថាខ្លួនត្រឹមជាកូនបំណុលរបស់នាយប៉ុណ្ណោះ នាយចង់ធ្វើអ្វីក៏បានតាមចិត្តហើយការថើបមួយនេះក៏គ្មានតម្លៃអ្វីសម្រាប់នាយម្នាក់នោះដែរ ព្រោះនាយថើបអ្នកផ្សេងទៀតមកច្រើននាក់ហើយគ្មានអ្វីពិសេសលើសគេនោះទេ វាគ្រាន់តែជាការថើបធម្មតាៗប៉ុណ្ណោះ។
***
ក្នុងកម្មវិធីយ៉ាងធំនៅឯសណ្ឋាគារលំដាប់កំពូលនិងល្បីល្បាញ CSC របស់ CEO លំដាប់ជួរមុខម្នាក់នោះគឺ Choi Seungcheol ។ ភ្ញៀវជាច្រើនដែលបានមកចូលរួមគឺសុទ្ធសឹងតែជាឯកឧត្តមនិងលោកជំទាវល្បីៗក្នុងប្រទេស ហើយក៏ជាដៃគូមុខជំនួញរកស៊ីជាមួយនិង CEO Seungcheol ផងដែរ។
« កម្មវិធីអប់អរគម្រប់ខួប ៨ ឆ្នាំនៃការបើកដំណើរការសណ្ឋាគារមួយនេះ អរគុណដែលមកចូលរួមតាមការអញ្ជើញ » Seungcheol ទទួលភ្ញៀវរបស់នាយនិងញញឹមដាក់ពួកគេដោយក្ដីរាក់ទាក់។
« boss ដៃគូសហការរកស៊ីជាមួយក្រុមហ៊ុន SVT របស់ boss បានមកដល់ហើយបាទ! » កូនចៅរបស់ Seungcheol ម្នាក់ចូលមកផ្ដល់ដំណឹងភ្លាមៗបន្ទាប់ពីភ្ញៀវពិសេសនិង VIP របស់នាយបានមកដល់។
« Ohh Jungkook! យើងស្មានថាឯងមិនមកទេ » Seungcheol ដើរចូលទៅរកភ្ញៀវពិសេសរបស់នាយនិងញញឹមដាក់គេដោយក្ដីរីករាយ។
« សួស្ដី Seungcheol hyung » Minho និង hyunjin ឱនគំនាបដាក់នាយនិងនិយាយដំណាលគ្នា
« សួស្ដី Minho និង hyunjin »
« កម្មវិធីមិត្តរបស់យើងទាំងមូលឲ្យយើងអាកខានមិនមកចូលរួមបានយ៉ាងម៉េចទៅ huh? » Jungkook
« ល្អណាស់! អញ្ចឹងឯងរកកន្លែងអង្គុយសិនចុះគ្នាទៅទទួលភ្ញៀវបន្តសិនបន្តិចទៀតយើងទៅរក » Jungkook ងក់ក្បាលយល់ព្រមរួចក៏ដើរទៅរកតុមូលមួយដែលទំនេរដោយមាន Minho និង hyunjin ដើរអមដំណើរពីក្រោយការពារសុវត្ថិភាព។
« Ohh Hi Felix! » Seungcheol លើកដៃក្រវីទៅកាន់រាងល្អិតម្នាក់ដែលដើរចូលមកភ្ជាប់មកជាមួយនឹងស្នាមញញឹមស្រស់ស្អាតដូចជាពន្លឺព្រះអាទិត្យ សក់ពណ៌ស កម្ពស់ខ្ពស់ល្មម សម្បុរភ្លឺថ្លា មុខមាត់មានស្នាមអុចតូចៗដូចជាផ្កាយដែលរះនៅលើមេឃ ឃើញហើយពិតជាស្អាតរកពាក្យមកសរសើរសឹងមិនបាន។
« Oiii Seungcheol hyung! » កម្លោះតូចល្អិតជនជាតិ អូស្រ្តាលី រត់ចូលទៅឱប Seungcheol ទាំងស្នាមញញឹមមិនរលុបចេញពីផ្ទៃមុខរបស់គេ។
« បងស្មានថាឯងមិនមកទេ »
« ហីយ៉ា hyung នេះ hyung អញ្ជើញប្អូនម្នាក់នេះមកទាំងមូលណាខ្ញុំមិនមកបានយ៉ាងម៉េច? » Lee Felix ត្រូវជាប្អូនប្រុសជីដូនមួយរបស់ Seungcheol គេទើបតែមកពី អូស្រ្តាលី បានប៉ុន្មានខែប៉ុណ្ណោះដើម្បីមកបន្តការសិក្សារបស់គេនៅឯ កូរ៉េ នេះឯង។ កាលពីតូចគេធ្លាប់រស់នៅប្រទេស កូរ៉េ ជាមួយប៉ាម៉ាក់របស់ Seungcheol និង Seungcheol ដោយមូលហេតុប៉ាម៉ាក់របស់ Felix ជាប់ការងាររវល់ទើបម៉ាក់របស់គេដែលជាប្អូនស្រីប៉ារបស់ Seungcheol យកគេមកផ្ញើនឹងប៉ាម៉ាក់ Seungcheol ហើយគេក៏ធ្លាប់សិក្សានៅ កូរ៉េ នេះដែរប៉ុន្តែត្រូវចាកចេញទៅ អូស្រ្តាលី វិញនៅអាយុ 8 ឆ្នាំដើម្បីទៅសិក្សានៅឯប្រទេសកំណើតព្រោះប៉ាម៉ាក់របស់គេទំនេរសម្រាប់គេវិញហើយ។ ប៉ារបស់ Felix ជាជនជាតិ អូស្រ្តាលី ចំណែកឯម៉ាក់ជាជនជាតិ កូរ៉េ ហើយត្រូវជាប្អូនស្រីប៉ារបស់ Seungcheol ផងដែរ។
« ល្អណាស់ៗ! អញ្ចឹង Fe ទៅរកកន្លែងអង្គុយលេងនិងញ៊ាំអីសិនទៅ okay? បន្តិចទៀតបងនឹងទៅរក Fe តាមក្រោយ »
« Okayyy!! » Felix ងក់ក្បាលនិងញញឹមដាក់បងប្រុសជីដូនមួយបន្តិចទើបដើរទៅរកកន្លែងសម្រាប់អង្គុយ។ ថ្ងៃនេះគេមកតែម្នាក់ឯងប៉ុណ្ណោះ ព្រោះប៉ាម៉ាក់ បងស្រី និង ប្អូនស្រីរបស់គេនៅឯ អូស្រ្តាលី ឯណោះ។
Hyunjin លើកកែវដែលមាន wine ពណ៌ក្រហមក្រវែងទៅមកតិចៗមុននឹងលើកកែវមកជិតបបូរមាត់ដើម្បីក្រេបយកនូវស្រាក្រហមដែលមានរសជាតិឆ្ងាញ់ជក់មាត់និងមានតម្លៃថ្លៃមិនធម្មតាឡើយ។
« Lix...Lixie? » ខណៈនោះ hyunjin ក៏ប្រទាក់ភ្នែកជាមួយនឹងនាយល្អិតដែលអង្គុយក្នុងតុមូលមួយជាមួយនឹងភ្ញៀវដទៃទៀតទំនងដូចជាគ្រួសាររបស់ Seungcheol នេះឯង។
« នរណា? » Minho សួរនិងជ្រួញចិញ្ចើមឆ្ងល់ព្រមទាំងងាករកទិសដៅដែល hyunjin កំពុងសម្លឹងមើលផងដែរ។
« គឺ...គឺគេ Felix! Felix childhood crush របស់ខ្ញុំណា៎ hyung » hyunjin ចាប់ផ្ដើមស្លន់ស្លោព្រមទាំងនៅមិនសុខពេលដែលបានឃើញ Felix ព្រោះនាយលួចស្រលាញ់គេតាំងពីតូចនិងជាពេលដែលបានជួបគ្នាជាលើកដំបូងមកម្ល៉េះ។ ពេលនោះគ្រួសារ Jeon និង Hwang មានកិច្ចប្រជុំជាមួយនិងគ្រួសារ Choi ដែលជាគ្រួសាររបស់ Seungcheol ។ ប៉ាម៉ាក់របស់នាយក៏បាននាំនាយទៅទីនោះដូចគ្នាដែរ ទើបបណ្ដាលឲ្យនាយបានជួបនឹងក្មេងប្រុសម្នាក់នោះ ធ្វើឲ្យនាយបាក់ចិត្តស្រលាញ់ទៅលើគេភ្លាមៗ ប៉ុន្តែគួរឲ្យសោកស្ដាយដែលកាលនោះ Felix ត្រូវទៅរស់នៅឯ អូស្រ្តាលី វិញទើបធ្វើឲ្យពួកគេមិនបានជួបគ្នា។
« Ohh! តាមពិតជាប្អូនជីដូនមួយរបស់ Seungcheol តើ យើងមិនដែលដឹងសោះថាឯងលួចស្រលាញ់ប្អូនរបស់ Seungcheol » Jungkook និយាយឡើងបន្ទាប់ពីឮការសន្ទនារវាង hyunjin និង Minho ។
« មកពីគេទាក់ទាញចំណាប់អារម្មណ៍របស់ខ្ញុំណា៎ hyung! ស្អាតអញ្ចឹងនរណាទ្រាំមិនស្រលាញ់បានទៅ » hyunjin
« លោកម្ចាស់! សុំទោសដែលមករំខានប៉ុន្តែខ្ញុំបានឃើញកូនចៅរបស់លោក Kang DaeSeok កំពុងនៅម្ដុំៗនេះ ដូច្នេះលោកម្ចាស់សូមប្រយ័ត្នខ្លួនផងបាទ ខ្ញុំបានត្រៀមនុស្សការពារមកច្រើនហើយ » Juyeon ដែលជាជំនិតបានមករាយការណ៍ដល់ Jungkook ភ្លាមៗពេលដែលស្ថានការណ៍មិនសូវសូវជាស្រួលហើយអាចនឹងប្រែប្រួលក៏ថាបាន។
« យើងឃើញហើយ! » Jungkook តបដោយសម្លេងមុតមាំកែវភ្នែកមុតស្រួចដូចផ្លែកាំបិត រេសម្លឹងទៅកាន់ពពួកមនុស្សដែលលបលួចចាំសម្លាប់នាយ។
« ច្បាស់ណាស់ថាវានឹងមកសងសឹក hyung វិញ! ព្រោះ hyung បានយកឈ្នះវាកាលពីមួយឆ្នាំមុន » Minho និយាយឡើងតិចៗដែលអាចស្ដាប់ឮបានតែគ្នារបស់នាយប៉ុណ្ណោះ។
« យើងចាំមើលថាវាចង់បានអ្វីពីយើងទៀត! »
To be continued........
***
យកប៉ុន្នឹងបានហៃងុយដេកហាស៎ ចាំស្អែកចាំយកទៀត 🥱 good night babies. <3