(الديره )
ام سحاب :يالنوري وين هالقهوه ماحصل تجي
نوره :جيت جيت
ام سحاب:هلا بالحامل والمحمول
نوره ابتسمت
ام سحاب خذت القهوه ودخلت مجلس الرجال عند بهاج
ام سحاب جت تبي تقهوي بهاج
بهاج اخذ دله القهوه من يد خالته ام سحاب :عنك عنك انا اقهوي
ام سحاب:يملا العافيه ياوليدي
بهاج:الله يعافيك
ام سحاب وهي تبي تبدا الموضوع خذت تنهيده طويله عريضه
ام سحاب :اسمع ياأمك انا داهمني مرض خبيث
بهاج بفجعه:وشو!
ام سحاب :وماعندي بهالحياه غير هالبنيه ومابيها تعيش اليتم مرتين
بهاج:بس.....
قاطعته ام سحاب :ياوليدي خلني اكمل .وانا ماجبتك من الرياض بس عشان اعلمك بموضوع مرضي لا ابيك تزوج هالبنيه نوره
بهاج بحاله صدمه :بس ياخاله تدرين اني خاطب بنت عمي
ام سحاب :اي ادري بس ابيك تحميها من عمامها
بهاج :اي عادي تسكن عندنا بالبيت واصلا انا بتزوج واطلع من بيت ابوي وهي تاخذ راحتها واخوي عبدالله له بيته مع زوجته
ام سحاب :لا كذا يقدرون عمامها يزوجونها ولدهم الصايع ابيك انت تزوجها على ورق اعتبرها اختك
بهاج بورطه:ياخاله...
ام سحاب قاطعته :مابيك ترد الحين بكرا الصبح ان شاء الله تقول لي
بهاج:ان شاء الله
بهاج جاه اتصال من خويه
بهاج :ارحببب
سعود:البقى
بهاج التفت على خالته يعلمها ان بيطلع ل خويه
ام سحاب بهمس الله معك
وطلع بهاج
_____________________________________
(داخل البيت )
نوره وهي تدور بالبيت تفكر وش جابه وليش جاء وهي متأكده ماجاء الا وفي مصيبه قامت راحت تزين وتجمل وتحط ميكب عشان عزيمه الليله وجتها الجده ام سحاب
نوره فزت :جديده وش يبي
ام سحاب بتوتر:اااا مايبي شي بس يبي يرقد الليله عندنا
نوره رفعت حاجبها ب استغراب تحس اني في علم كايددد
بس تجاهلته
_____________________________________
(بعد صلاه المغرب )
ام سحاب :يالنوري وين انتي بسرعه عجلي علينا تأخرنا على ام صيته بسرعه
نوره:جيت جيت
ام سحاب :ماصارت والله لو هي صنعه صاروخ
نوره :هههههههههههههههههه
ام سحاب تأمل ضحكه نوره :ياجعل الضحكه دوم على هالمبسم
نوره :امين وياك يابعد روحي
ومشو كعابي عشان بيت ام صيته قريب
_____________________________________
(بيت ام صيته )
وصلو ام سحاب ونوره لعزيمه ام صيته عشان ترقيه ولدها وكانو المعازيم كثار
صيته وهي تركض لنوره :وجع نوره ليش هالتأخير خليتيني اكرف لحالي
نوره بضحكه :والله اني نسيتك ولا كنت بجي اساعدك لكن الضروف
صيته :الله عاد والضروف قوليلي وش هالضرف الطارى
نوره وهي تمسك يد صيته:امشي امشي اعلمك السالفه
جلسو بعيد عن الحريم
نوره بدات تقول :ابد اليوم جاء بهاج يبي يدقد عندنا
صيته :غريبه لالا احس السالفه ناقصه
نوره وهي تنهد:اي حتى انا احسها ناقصه واصلا وجهه جدتي وجسمها متغير ماقول الا الله يستر
صيته وهي تغمز :يمكن ماجاء يرقد جاء يبي يخطبك
نوره وهي تضحك:خاطب بنت عمه الولد
صيته :اما امانه بحق لزوم ازعل عليه ليش حنا اخر من يعلم
نوره :سمعت انوه مجبور عليها
صيته:اي عاد منهي تعيسه الحظ
نوره :هيام
صيته :اي ومنهي هاذي
نوره :تتذكرين الي تقريبا سنتين جت بالعيد وتذابحنا معها
صيته:اي اي تذكرتها ام كشه
نوره تضحك
_____________________________________
(مجلس الرجال )
ابو صيته وهو يرحب ويهلي وفرحان بولده ويقلط على العشاء
_________________________
(بيت ام صيته )
ام صيته وهي تنادي صيته:ياصيتهه ياصيته يملا العافيه وينك
صيته وهي تسحب نوره معها:جيت جيت وجب لك مساعد بعد
ام صيته وهي تضحك :ياهلا بنوره
ام صيته :الا اقول ياصيته انتي ونوره اليوم ام مساعد جارتنا ماجت وابيكم تودون هالعشاء لها
نوره:خالتي ام صيته وين موقع البيت
ام صيته :ابد تعدي الشارع ولفي يمين وراح تلقين بقاله البيت قبال البقاله ولااقول صيته تعرفه
نوره وصيته:ابشري
واحو
____________________________________
(باالشارع)
نوره وصيته وهو لابسين عبيهم ونقاباتهم
صيته وهي تلتفت على نوره :اقول شوفي الي قدامك على يمين من
نوره :من ماشوف الا اخوك وصديقه
صيته :اي وهاذا الصديق من
نوره وهي تتذكر ملامح الشخص :اييي هاذا بهاج تذكرته ،المهم صيته المكان بعيد مرهه
صيتيه:انتي انحاشي يبدو ان احد قادم يمهه محمد اخوي جاء
جاء محمد ومعه بهاج بس بهاج وراى شوي
محمد :خير خير وين داجات بعد العشاء
صيته:كيفي
محمد :لاوالله مو على كيفكم روحو البيت يلا
نوره وهي تنهد:اففف شكلك مانت مخلص السالفه على خير بعدين انت غبي ماتفهم ماتشوف العشاء معي
بهاج مستغرب من جراءه هالبنت
محمد:شكلي بسطركم الحين
نوره:تسطر مين يماما انت اقول امشي ياصيته امشي كملي الطريق
محمد وهي يلتفت لبهاج الغراق بعيون نوره
محمد :تشوف يابهاج هاذي بنت خالتك طويله لسان محد سلم من لسانها
بهاج:ها بنت خالتي
محمد :اي
بهاج يحاول يتذكر من بنت خالته الي تسكن هنا
بهاج:يعني انتي بنت بنت خالتي ام سحاب
نوره :اي خير عندك اعتراض لاسمح الله
بهاج :اي عندي
بهاج :اقول اقصري الشر وامشي قدامي لبيت خالتي يلا
نوره:وان قلتلك لا
بهاج:غصبنا عنك
نوره:اعلى مابخيلك اركبه بعدين انتو ماتفهمون ماتشوفون صحن العشاء معي يعني وين بوديه بوديه لبيت ام مساعد
محمد :اي وانتي تعرفين وين بيت ام مساعد
بهاج:وين اذا قريب بخليك تروحين واذا لا تمشين قدامي غصبنا عنك
محمد:ابد قبال بقاله مدخل الديره
بهاج منصدم كيف لبنت تروح لمدخل الديره بعيد مرههه لازم سياره
بهاج تقدم لنوره وهو يسحب صحن العشاء الي معها
بهاج: وان قلتلك انا الي بوديه
نوره تخفى دموعها :خير جيبه مالك دخل فيني عندي ام تتحكم فيني انت لا
بهاج وقلبه يوجعه على منظر نوره الي يقطع القلب :محمد خذ اختك وتعال نوصل العشاء
محمد :يلا صيته ومشت صيته
بهاج:يلا قدامي انتي بعد
نوره :لا انا بروح اوديه لبيت ام مساعد
بهاج بيتجلط من عنادها :قومي قومي تبين بالطيب ولا بالشر
نوره :لاهاذي ولاهاذي
بهاج مسك عضد نوره ويسحبه قدامه عشان تمشي
نوره وهي تتألم من قبضه يده القويه على عضدها الخفيف:فك يدي ياحيوانن
بهاج ساكت
وصل لبيت خالته ام سحاب وفتح الباب ودخل نوره ورجع ل محمد
محمد :كيف وديتها العنيده
بهاج:ابد كم شغله ومشت
محمد :يلا مشينا نوديه
وراحو وصلوالعشاء وبهاج راح لسعود يفضفض له
_______________
سبحان الله وبحمده سبحان الله العظيم 💗
النجمه تدعم الروايه✨
هــي الــتـي عـلـمـتـنـي كــي...
By Ot34828
حياكم الله البيت بيتكم اقلطو اقلطو💗 نبذه بسيطه عن الروايه نوره البطله التي تسكن عند جدتها المريضه بمرض شديد... More