(الديره )
الصبح يوم ممطر
ام سحاب :ي أمي يانوري روحي مع خالتس زيد اشتري لك فستان خلي هالفطور انا اكمله
نوره :ياجديده الحين الصبح ليش اروح اذا العزيمه بالليل وفطور اليوم محد يسويه غيري
ام سحاب :الله يسعدس يابنيتي ،الا يالنوري وش قومتس لابسه هالخرقه الي مايدفي تدفي يابنيتي
نوره :لامعليك ياجديده انا ضد البرد
ام سحاب :اقول البخي (اسكتي) قال ضد البرد قال افلحي افلحي جيبي لس لبس يدفي مو هالخرقه
نوره :ابشري ياجديده بس وش قومك علي
ام سحاب بضحكه:مابي شي بس انتي حساسه بزياده
نوره ابتسمت :الله يخليك لي
الجده بعيون دامعه :يابنيتي ماتدرين وش بيصير العصر ،ويخليك لي
نوره بأستغراب :جديده وش بيصير العصر ؟بعدين لاتبكين تكفين
ام سحاب :مابيصير شي ان شاء الله
ومشت ام سحاب تاركه نوره بحيرتها
____________________________________
(الرياض )
بهاج على مكتبه يفكر ليش خالته ام سحاب تبيه العصر ؟
____________________________________
(بيت ابو عبدالله )
ابو عبدالله وهو حاضن ملك :يام عبدالله الولد بهاج جاه اتصال اليوم ولاعاد شفته من بعد وش قومه مرتبش ؟
ام عبدالله وهي تمد فنجان القهوه السعوديه:والله مادري يابو عبدالله لكن اسال غدير تلقى عندها طرف علم اكيد بهيج معطيها طرف علم
ابو عبد الله :ياغدير ياغديررر
غدير وهي جايه على صوت ابوها الي يناديها :لبيه يانظر عيني
ابو عبدالله بأبتسامه:لبيت حاج يانور عيني هو انتي تعرفين وين بهاج ؟
غديربخوف على اخوها :ليش شفيه؟
ابو عبدالله بمحاوله تهدئه لغدير:لايعيني بس شفته مرتبش قلت اكيد انك تعرفين وش فيه
غدير:لا والله يابوي معرف وين هو راح لكن اكيد انه بشغله تعرف يضغط نفسه بالشغل
ابو عبدالله :اي الله يهديه ضاغط نفسه
ام عبدالله بهمس :امين
__________________________________
(الديره )
العصر نوره راجعه من السوق بعد ماشرت الفستان الذي صنع لاجلها وراح خالها ل الرياض عنده شغل
نوره تذكرت كلام جدتها الصبح(يابنيتي ماتدرين وش بيصير العصر ،)وزاد خوفها
نوره تردد بهمس :الله يستر
شافت جدتها الاوضاع عندها تمام ارتاحت نوره
ام سحاب :جابك الله يانور عيني
نوره :لبيه وش بغيتي
ام سحاب :ابد والله يابنيتي ولد اختي بهاج بيجي اليوم
نوره :جده كيف يجي وهو ماعمره جاء الديره
ام سحاب :ابد اليوم بيجي يحضر عزيمه الليله
نوره :اي الله يوفقه
ام سحاب :النوري بالله عليك نظفي مجلس الرجال بيجي بهاج الحين وسوي القهوه والشاهي
نوره :اي ماطلبتي شي
____________________________________
(الرياض)
بهاج طلع من شغله وعلى خط الديره
_____________________________________
(الديره )
وصل بهاج الديره وسلم على خالته
ام سحاب :يالله حيه زين شفنا هالوجهه الحسن
بهاج بأبتسامه:الله يحيك والله الاشغال تاخذنا وتجيبنا
ام سحاب :ياوليدي لاتضغط نفسك سمعت انك تضغط على نفسك
بهاج :لاوالله لاضغط ولاشي
ام سحاب :الله يعينك ياوليدي بروح اجيب القهوه واجي
بهاج مايدري وش هالموضوع الي لازم انه يجي عشانه
_____________________________
انتهى البارت
سبحان الله وبحمده سبحان الله العظيم ♡
النجمه تدعم الروايه✨