سبية مستباحة "بقلم الكاتبة ميامين الدليم
"لاا تنسون التصويت
حرير: :- مهڤ روحا ملچومة لچمات هوااي اكثر مني هوة عااش العشتة مرات ماينعدن شلون متحمل شلوون
:- شدد على حضني اكثر وكال بخيبة
:- الحزن مچودر بضلوعي ياهو اليفتهم وني
حرير: اني وياك وراح نتخطاها سوة وربنة ويانة تخيل انو بس فكرة وجود رحمة ربك كلش عضيمة هلتفكير كفيل يغير حياتك ويومك كلة
مهڤ: جنج خبزة امي بحنيتهة
حرير: ع كولة اهل قبل احبل اجييب
- ابتسمنة واحنة دموعنة مغركة خدنة ولحزن مالي كلبنة ومچودر بي ابتسمنة ولدنياا طالعة من عيونة وكعتنة هواي هلدنيا لچمتنا بدون رحمة
:- بقيت كاعدة يم مهڤ على امل يتحسن ماكدرت اغير شي ولاا يقبل يضم صورهم
:- مهڤ كافي تعذبني وتعذب روحك شوف شصار بحالك لاا تفكر اخليك تبقة هيج مكتئب
مهڤ: هواجيس كلبي لاا ادوخين روحج وياي اني متعود كومي طلعي من هذا الجو روحي يم البنات
حرير:- شنو معناهاا يعني انتَ توكف وياي بكُل ضروف واني اعوفك باصعب ضرف اني ويااك بلمرة قبل الحلوة نوكع ونعثر ونكوم سوة فااهم
مهڤ:- اصيرلج فياي لو يشتلونج كزازة بمجرى دمي هواجيس روحي
حرير:- ففتي مفتي
:- باوعلي مستغرب- شنو هاي ولج فشرتي علية
حرير: لاا فشار شنو هاي كلمة تبقة رمز بيناتنة من نكون كاعدين بوسط ناس هواي واريدك تنتبهلي من تباوعلي اذا اشرت بعيوني للباب يعني اريدك بشغلة برة واذا ماا اشرت يعني اريدك تسكت وبس واني هم اسوي مثلك متفقين
مهڤ: ولله عندج سوالف يمحاسن
حرير: ولله ياا يابة شحيااك بديرتنة
مهڤ: مشتاك لديرتنة افيييش ياا ديرتنة
حرير: راح ترجع احلا واحسن من قبل صدكني يجي اليوم النوكف بنص شوارع الانبار وهية تزهر من جمالهة ونتمشى بشوارعهاا سوة ونذكر ابونة
:- نذر بركبتي بس تتحرر الانبار لترس شوارعهاا جكليت وهلاهل واخلي الدنيا كلهة تسمع واحقق مراد ابوية وكل الشهداء
:- حط ايدة على راسي يستمعلي بهدوء واني مندمجة واحجي اخر شي نمت من كد ماحجيت وحاولت وياا حتة اغير من نفسيتة شوية
-
:- اوكفي عندجج
عبير: التفتت قبل ماا افتح باب الشارع بعدك فهم
:- خير محتاج شي
جبل: وين طالعة لكحيلة وضاربة الدنيا جلاقق
عبير:- رجائاا احترم خصوصياتي واعرف نفسك وية منو دتحجي وية اخت صديقك عيب عليك تتطاول وتدخل بحياتي وين غيرتك
:- تقدم علية بغضب سحب ايدي وطلع للسيارة فتحهاا وصعدني وراح صعد حسيت داخلي راح ينفجر من الخوف عزة العزاج عبير هذا مخبل كلشي يسوي
:- سويت روحي قوية وافتح بلباب وهوة شغلهاا ومشة
عبير: شكاعد تسوي استحي على نفسك شوية ونزلني لاا تخليني اسويلك مشكلة جبلل نزلنيي كاعد اكلكك
:- ضرب الستيرن مال سيارة وعااط -نفس ماسمعلجج سدي حلكججج
عبير:- الزم حدك واعقلل من اليوم راح تلزم حدودك وياي وتعقللل فاااهمم انتَ متقلل من احترامك وياييي جبللل ماسمحلك
:- باوعلي ووجهة صار يرجف من العصبية
- عبيرررر راااح اجرم بيييج
عبير: دفرت السيارة برجلي وادية وعطتت - لاااا تصيحح علية ولااا ترفعع صوتكك جبللل
:- صرت اصيحح وابجي بهستيرية ادية صارت ترجف ذبل جسمي وغمضت عيوني ووكعدت ادية ولرجفة البية ترعب حسيت السيارة وكفت وادين نحطت على خدودي وتمسح عليهة بحنية
:- مكسور كسرة ام الشهيد بيج عبير
:- لاا تعبيني وتعبين روحج ماخليج تصيرين لغيري تبقين هيج طول عمرج لو تصيرين الية
عبير:-وخر عني الله ياخذك جبللل وخر عني الله لاا يوفقك مثلل ما دمرتنييي ان شاء الله تطلع حوبتي بيييك يااا حقييير مااا اسامحك طول عمرييي
جبل:- ماراح احاجيج بس لان متفهم وضعج بس خليهة ابالج عبير انتي لوو الجبلل لو ترجعين الربج غير هذا الحجي ماكوو فاهمة
عبير:- اصبرلي يجبل انطيني مُهلة اقلل من شهر وراح تستقبلل معازيم عرسي بنفسك وهسة ايدك وخرهة ولااا تلوثنيييي
جبل:- ماكاعدين نمثل مسلسل تركي لاا تابعين مسلسلات هوااي تسوي بواسير
عبير:- الله ياخذككك الله ياخذكك والبس احمر
جبل:- افيييش انعل بليسك عزرائيل
عبير:- قذرر
جبل:- لطولين لسانج راح اكطع الشحاطة عليج
عبير: ماتخوف جلب..
:-بعدني ماا مكملة وخنزر بوجهيي واني وجهي حسيت مابقة بي قطرة دم
جبل:- عبير منين متعلمة هلتجاوز خليني محترمج ماريد أذيج
عبير: شتئذي مني اكثر بعد انتَ سويت المينحجي لاا تفكر اسامحك لاا تفكر هواي مانسة كلشي صار بية بسببك جبل ماراح انسة وانتَ رجال متزوج عيب وحرام عليك
جبل:- لااا انعللل ابووو مرتييي بكبرة ماعندي مرة لاا تخليني اجاوزز واحرك كبورهم حرك
عبير:- شمنتضر اخاف منك ولله يربي شكد بطراان
:- سحب ايدي ولواهاا باوعتلة بنفس نضراتة هوة مصدوم مني بس مابين هلشي
جبل:- اخر تحذير الج اذا ماجريتي عدل اجرج بطريقتي وماراح تعجبج
:- ضحكت ضحكة استحيت من نفسي عليهة بس اهم شي استفزتة هد ايدي ودفعني ع الشباك كملت ضحكتي واباوعلة باستهزاء
عبير: اوووف يمة بطني استاذ جبل انتَ دمك كللش حاار سبايسي كرسبيي هههههههه
جبل:- وانتي من ساسج لراسج كرسبي تكربسين تكربس عيناي
عبير:- تضل طول عمرك مقرفف
جبل:- ياا يابة ياا بوية
عبير:- الله يثبت علينة الدين والعقلل اكول رجعني للبيت لاا افلش الدنياا وسيارتك هااي تعرف على شنو افلشهة
جبل:- لاا تخليني ادحس راسج بلچكمچمة
عبير:- شكد قديم تدري اقدم من ابو الچيس
جبل:- رايدة تروحين للصيدلية مو سديلي حلكج
عبير:- مستحيل اخليك انتَ تجيب العلاج تحلم حلم
جبل:- اذا خلصتي سديلي حلكج راسي كام يوجعني هواي لغيتي
عبير:- ايي حسافتة مفجور راسك وكف السيارة وروح درب يصد مايرد ان شاء الله
جبل:- كلهن اردلجياهن بعدين
عبير: ضموني صرت ارجف من الخوف لاا تفكر نفسك كاريزما وشخصية ولكل يموت عليك وهتافات باسمك تراك صرت قديم عزيزي
جبل:- وشنو الصار جديد
عبير:- عن قريب تعرف
:- رمقني بنضرة غضب ورديتهة الة بنفس نضراتة وبيهة استفزاز وابتسامة تك خد
جبل:- عبير ادفنج فااهمة اذا عرفت عنج شي لو لاعبة من وراية شي ادفنج واخليج تكرهين عيشتج ولبيهة اخليج تتمنين الموت وماا تحصلي
عبير:- ماستغرب كلهن مسويهن بية عادي كلش ترجع تعيدهن مرة ثانية
جبل:- انتِ ماتعرقين بشنوو مريييت لاا تحجين من كيفجج انتي كلشي ماتعرفين عني وعن حياتيي انتِ وخدة انانية ماتفكرين غير بنفسج
:- عبيرر مريت بايام اسوء منج تحملت اكثر منج انتِ ماتعرفين المواقف ولحجي لنحطيت بي مخد يعرف المُر المر بي جبلل لاااا تجلطينييي عبيرررر
:- وجهت راسي للجامة ودموعي وحسراتي بس التنسمع هوة ضل يمشي ويضرب بلسيارة شبعت كتل من ورا هم مبتلية بي مثلي
:- وكف يم صيدلية وكال
- انطيني الوصفة مال علاج
:- باوعتلة وكلت، اني اريد اجيبة اكو علاجات ماريدك تشوفهة خاصة
جبل: ايي مو انتي تشتغلين قابلة اجيبين نسوان دنطيني انطيني
عبير:- لاا تستهزء وداحجي جد اكو علاجات ماريدك تشوفهة خصوصياتي ماحب احد يدخل بيهة رجائاا احترم رئيي
:- ضل يستغفر فرك لحيتة وشمر شعرة ورة بعصبية وكال
- انزلي فضيني يلاا ام الخصوصيات
:- نزلت وكلتلة اوكف برة
جبل:- راح ادفنج بنص الصيدلية طبي لاا اجرم بيج انوب علية اوكف برة
عبير: ياا اخي خصوصيات سوالف نسوان تحب تسمع وتفشل روحك ارجع السيارتك احسلك
جبل:- سوالف نسوان شنو المتزوجة ماتحجي نفسج جاية تاخذين علاج امج خصوصياتج منين طلعت سوالف النسوان منين طلعت عبيرر لاا تهجمين بيتي
عبير:- هسة انتَ شبيك وجهك صار جنة متفجرة حمرة هسة شوية وبممم ينفجر راسك وهناا كبل اسويلك شهادة وفاة واخذ شغلاتي واتوكل للبيت بسيارتك الله ياا شعوري
جبل:- اطبين لاا اسحلج كدام العالم سحل هسة
عبير:- شكد ماعندك ذوق منو يطلع وياك انتَ بلة بس الماعندة عقل
:- قبل ميحجي فتحت الباب وطبيت نسد بوجهة البنية الصيدلانية فزت ونصدمَت بمكانهة ع الصار
:- ابتسمت بوجهة وكلت - لاا تهتمين حبيبتي هذا واحد مثل راس البطل بكل طبخة مشارك
البنية بقت تبلعم بلكلام وتضحك بفشلة مادري ليش متفشلة بدال جبل
:- انطيتهة الوصفة وهية عيونهة برة وترجع تباوعلي باوعت للمكان التباوع علي جبل واكف برة ولصيدلية جاام فيبين رجعت باوعتلة ووكفت كدامهة ورفعت نفسي
:- عادي تستعجلين عندي مراجعة يم دكتورتي ومعزومين
- هذا زوجج
عبير: - لاا فردي طبعا زوجي شعندي جاية وياا رجل كرسي ونزلي عيونج لاا افكسهن الجج
:- اجتي صديقتهة دفعتهة وكملت العلاج الي اخذتهة وطب جبل كاللهة شكد الحساب بقة يدفع بية ورا دفعلهة الحساب وسحبتي
عبير:- اوي ايدي شبيك ماشايف
جبل:- امشي كدامي ولاا نفس
عبير:- هوة هذا الماعندة اسلوب شنكلة يعني غير الله يهدي
جبل:- الذهب الاصلي مايتغير لونة
عبير:- بس لاا انتَ الذهب اخي انتَ البرازيلي هواي عليك
:- باوعلي وضحك بس حسيتهة استفزاز مادري لييش عبرتة ومشيت قبلة صعدت ودفرت الباب سمعت صوتة وهوة يكول
:- مجلوبة جلبب المصكوعة اربزيي بمكانج
عبير:- صعد واني حطيت راسي ورة ورفعت رجلية حطيت رجل على رجل
جبل:- كهوة جاي
عبير:- عصير خوخ ومشمش
جبل:- انتَ في كلبي معشعش
عبير:- طكيتهة بضحكة وكلت- خاف ماعندك تريد انطيك عزاا شكد قديم
جبل:- تموتين على سوالفي لاا تبيعين ثكلل مصكوعة
عبير:- لاا كللش ميتة ميتة اختنااق
:- رجعت نمت وكلشوية وطاكتهة بنفس الضحكة وهوة يجر حسرات ويستغفر
قبل لنوصل الفرع كلتلة ينزلني اني اروح حتة محد يعرف هوة اخذني
جبل:- خايف اني بايك ناهب
عبير:- ترة كلهن نفس المعنى لاا تحمة وماريد تسويلي مشاكلل نزلني احسن ماا اسويلك مصيبة ماصايرة
جبل:- ديلاا عيني خيزرانة انزلي جنج العافية
عبير:- اللهم طولج ياروح فتحت الباب ونزلت سديتة حييل ورجعت دفرتة برجلي ومشييت اباوعلة خربان من الضحك فتح الجامة وعااط
:- دمشي لجج عبالك فارة مستخفة
كملت مشيتي وقبل لاا اوصل البيت طبك السيارة باوعتلة قبل ماا ادخل بعدة نفس نضراتة ويضحك علية
:- استقبلتني امي انطيتهة علاجهة وكالتلي وية منو رحتي كلتلهة اخذت تكسي صعدت وية حجية هم جانت مئجرتة بلبداية مارضت بس حاولت اغير السالفة وافرهة ولحمدلله نسَت
عبير: مهڤ شلونة مانزل بعد
الحجية: لاا يمة حالتهم حالة هلثنين
عبير: الله يساعدهم يمة الشافو مو شوية
الحجية: ياربي بوجهك الكريم تفرح كلوب هلثنين
عبير:- امين يارب
:- كمت غسلت وغيرت ملابسي وطلعت كعدت بلصالة وجهازي بايدي طب جبل شفتة من باب الكندور بسرعة اية شمرَت روحهاا علي كمزتني بنت الاوادم عبالك ماشايفة زلم ادري مغناطيس خوماا مغناطيس
:- ضحكت عليهم هوة شافني ضحكت دفعهاا وراح لغرفتة وهية لحكتة
:- ولله يربي شلون ناس بطرانة
:-
هواجيس المهڤ
:- بوجهها البريئ ملامحهاا الحادة اللينة اجتمعو لين الملامح من امهة ولقوة من ابونا الاكبر
:- حرير انسانة اجتمعت بيهة القوة المثابرة الصبر الايمان الانسانية
:- انسانة فاهمة وواعية مثقفة بعقلها وتصرفاتهة اجتمع بمشاعرهة اهتمام وخوف المهڤ عليهة زاد هلشي من قوتهة وثقتها بنفسهة وجود مهڤ يمهة جان كفيل يخليهة تواجه الدنيا كلهة
حرير: ورة اسبوع من اخر موقف مهڤ رجع التحق ماكدرتلة بجيت وحجيت وملخت روحي ماقبل وراح بقيت الوب مثل اخر مرة ورجع خوفي وكلشي نعاد علية من جديد
:- اتواصل وياا كل يومين او اكثر بقة بلواجب 8 ايام ولوضع يزيد ميهدء صرت اضعف حييل من يروح مهڤ للواجب اهمل اكلي وصحتي علاجي اتركة ابقة بس صافنة
:- جان يوم اربعاء الجوو بارد ثلج واربيل تزيد برودتهة وجانَت تمطر اني حييل اخاف من المطر مو بس من الرعيد حتة من حبات المطر وصوتة اخااف
:- اخاف من اصوات تصير بلجو من كلشي يصير بلجو عندي رهبة وخوف دحست روحي بلزاوية واخذت جهازي اتصل بمهڤ
- رد مهڤ بغلات كل شخص عزيز عليك رد كلبي راح يوكف
مهڤ: هواجيس كلبي
حرير:- هوة رد واني شهكت بلبجي
مهڤ:- ولج عوبة شبيج حرير ليش البجي صاير شي احجي لاا تورين كلبي عليج
حرير: مطر هناا خايفة منة
مهڤ:- ولجج يمعثورة وكعتي كلبي هيَ هاي سالفة بس محاسن وين تستقر ماا تستقر حسنة
حرير:- بعد كول شورطني بيج هوة صوجي اني اخابرك اكلة خايفة يكلي حسنة
مهڤ:- حرير اذا يمج مطر يمي قنابل وقناص وهاونات وطيارات تضرب فوكانة يَدادة يچقمة اربزي ونامي
حرير:- شلون انام يعني بياا طريقة
مهڤ:- اللهم طولج ياروح حطي صماخج على المخدة وغمضي ونامي
حرير:- سبحان الله شلون معلومة مفيدة يومية راح اتصل بيك تنطيني غير معلومة حيل راح استفاد من معلوماتك صراحة
مهڤ:- يدللو مشعولة الصفحة الشاعلة عشيرة مهڤ
حرير:- شلونك شلون الوضع يمك
مهڤ:- ع الله نكول تهون
حرير:- شوكت نرجع للبيت
مهڤ:- ماكو رجعة هسة لخد متهدئ الاوضاع
حرير:- اني ماريد تهدئ وارجع اريد اعيش حالي حال العالم الطلعت من بيتهة وتتحرر الانبار واني بوسطهة
مهڤ:- ابوية حرير الحجية ماتتحمل صوت القصف ولانفجارات كل هاي الاجواء تئثر عليهة واني اخاف عليكم ماكدر اجازف بشخص بعد ماكدر اضحي انوب كافي تضحيات
حرير:- بس شوية يهدئ الوضع اني ارجع وحدي
مهڤ:- حور عيوني هواجيس كلبي لاا تورين كلبي عوفي هلسالفة هسة
حرير:- حاضر تئمر هلمرة اسكت لخاطرك
مهڤ:- باجر انزل
حرير:- توسعت عيوني فرح وكمزت من مكاني: - جذااااب
مهڤ:- وجع جذااب شنو ولجج اربزي چقمة
حرير:- شنو هاي تحمست موقصدي بس فرحت لان راح تنزلل وارتاح من تفكيري
مهڤ:- الله يديمج يلغالية يچقمة يهواجيس روحي وكلبي
حرير:- شكد صاير مستخف وفيسلوقي
مهڤ:- الفيسلوقية انتي طلبتيهة بلسانج لاا تلوميني محاسن يلاا وليدي روحي فلي كفشتج ونامي
حرير:- منتضرتك
مهڤ:- هواجيسي استودعتج الله
:- لاول مرة بعد فترة انام مرتاحة وراسي بارد
ثاني يوم كعدنة كلنة من الصبح ولكل تحمس لجية الولد عبير صايرة حييل لسان ومستفزة وية جبل واية بحيث حاركتهم حرك
حرير:- شنو تقترحون نسوي غدة
عبير:- نسوي مشويات كرسبي وسبايسي مثل بعض الناسس هههههه
حرير:- ولج صخاام بعيني سدي حلكج راح تنسحلين
اية:-شنو ضحكة المستهترات هااي موعيب ترة البيت بي زلم
عبير: - كل شخص يشوف الناس بعين طبعة وبعدين ماكو الزلم جيبيلي ناضور اذا ماسويلج زحمة
اية:- المستحى زايعتهة انتي شكد صلفة وعرمة
عبير:- اكلبي مناا احسن ماا اكلب خلقتج وخطية هية مكلوبة خليني مستخطيتج
اية:- راح تموتين من الغيرة مالتج حقج
عبير:- ايي موو ماخذة سي السيد انتيي يبوو
جبل:- منو سي السيد
:- التفتت وراي وباوعتلة وضحكت
- مو تريدون مشوياات هاي مشويات دليمية اصيلة
اية:- شوف شلون تجاوز عليك جبل هاي شوكت تربوهة
عبير:- استاذ كرسبي ادب مرتك احسن ماا اشوه السليمات بيهة
جبل:- كافي ادبسزيااات طبن جووة
عبير:- الك قصر بلجنة على هلضحك الداضحكة من ورااك
حرير: - سحبت عبير وطبيت جوة طبَت اية وراهاا تلعلع وجبل يعت بيهة اجتي نور وياهاا طبكت وتكول لجبل يعوفهة
نور:- خليهة جبل ليش تجاوزر عليك وساكت
جبل:- انتي طبي جوة وسدي حلكج اذا حطيتي نفسج اجنزج
تهاني: - تهينة ابيتك يجبل
جبل:- المرة المتحترم نفسهة ادوس عليهة بنعالي فاهمة اية فاهمة نور
اية:- على شنو شايفات نفسهن هنة منو يعني ليش اسكت وهنة يحجن ماراح اسكت واوكفهن عد حدهن
نور:- وحدة صفرة وحدة حية حمرة
حرير:- باوعتلهة باشمئزاز حاولت استفزهة وكلت
:- لهدرجة داقج وحاركج شعري الاحمر ولو هية الزركة شتكول
نور:- مابقالج شي قليل بس حرير بقالج بس القليل وترجعين لمكانج
:- تقدم عليهة جبل هية واية شمرهن على امهن وطلع
نور:- اليوم لو اني لو انتي هناا حريرر
حرير:- صدك كرسبي تعاي دادة تعاي اشوفج زلم الانبار شنو ربَت
:- يتبععععع
تعالو تعالو شلونهة القفلة احجولي
رئيكم باحداث البارت؟ شنو متوقعين للبارتات الجاية - رئيكم بشخصية عبير المفاجئة
:- تعالو للانستا شمنتضرين سوالف وحسابات الابطال وكلشي يخص الواتباد كاعد ينشر هناك
يوزر الانستاا: no2s.17
تنوروني فغاشااات
استودعتكم الله