فــاطمة الـزهراء ..🤍
( شروطي لتنزيل البارت التعليق بين الفقرات لان هيج احب واتحمس 🚫)
( وارجع اكول كوة ضغطت على نفسي وكتبت فد نوب مريضة ونايمة بالفراش فدوة اعذروني )
حـــمامة الشـــهم..🕊️
حــب وعــذاب.....🤍
ريـــِحانٍــة 🌿
ffaa22_
عَليمن هل عَتب لو حابِك چَا حَـن !.
_________________________________
رانية.....
راحو الزلم وبقت بس العائلة وام محمد ومحمد كاعدة بالصاله صافنه وطبو ابوي واخواني ياوعلولي باوعت عليهم ابرود كال ابوي _
_ مبروك بنتي تعالي ابوسج
ضحكت باستهزاء وكمت طبيت للغرفة وسط صدمتهم متوقع بعد كل هل ضرب والاهانه راح صدك اعتبرهم اهلي والله بحياتي بعد ما اعترف بيهم سمعت صايحهم برة ما راضيين وسمعت يكولون ناخذها بس شهم ما قبل ورزلهم خوش رزاله مشو طبت بيران ونجمة بدون حجي حضنني كمت ابجي ارتاحيت شوية
ورة مدة طب شهم وكال بهدوء _
_ مبروك رانية ..محمد يريد يشوفج تجين ؟
رفعت راسي وسمحت دموعي وكمت _
_ اي اريد اشوفه
باوعلي متفاجئ وهز راسه اني الي اريد اشوفه اني
طلعت ويا راح للاستقبال وفتح الباب وكال _
_ طبي هنا بدون خبال رانية
_ لا لا تخاف
طبيت اول ما طبيت رفع راسه بسرعه وكام وجهه صاير خريطة اكثر من وجهي بلع ريگ جنت لازمه ايدي مجبرة تقدمت ناحيته وبدون حجي ضربته راشدي قوي ....
اندر وجهه وضل ساكت رجع باوعلي وراد يحجي رفعت اصبعي اهدد واحجي بتحذير _
_ صوتكك ما اسمعه خوش اجيت بس حتى اضربك هل راشدي حتى اكلك شكد انته قذررر وحيوان انته واحد همجيي وبعمري ما راح اسامحك على الي سويته بيههه
_ ميخالف اضربي ...بس لا تكرهيني
_ ههههه اكرهك لا عمري ما اكرهك اني انييي تلعبب نفسيي من شوفه وجهكك امووت منك مو اكرهك كلمة اكرهك قليله علييك لك لك انته شلون فكررت تسوي بيه هييج شلوون ..
لان ما انطيتك الي تريدة لان ما شبعت شهوتكك كمتت تريد تعتديي عليهه ؟؟
فتح عيونه بصدمه وهز راسه يبلع ريگ _
_ ل لا لاوالله لا والله رانية ما جنت وياج علمود رغبة جنت احبج و..
_ اششش اش اش احسلك لان كل كلمة تحجيهاا كل كلمة تحجيهاا ما اصدكهاا انته كلك على بعضك جذب قذر اصلا اني شلون حبيتك شلون حبيت واحد قذر وحقير مثلك شلون انعميت بيك هههه اصلا انته منو يحبك اذا هو رب العالمين ما يحبك بكد ما يكرهك مبعدك عنه هو اذا ابوك تبرة منك تريد الله يحبك انته ما تستاهل احد يحبك افتهمت انته واحد مكروه من وانته زغير وشايف هاي امك اذا عرفت بيك وبسوالف مني الك وعد راح هم تتبرة منك بعد ما تعرف بقذارتك وراح تم وحيد بهاذا العالم تعيش وتموت وحيد موو
عيونه لمعن بدموع وقهر مصدوم من كلامي اصلا مادري شلون حجيت هل كلام بس كل الي ادري بي اريد اجرحه ..
مسحت دموعي وكلت بحدة _
_ مراح اسامحك بعمري ووافقتتت اتزوجككك مجبورهه مجبورههه افتهمتتت
هز راسه وتقدم ناحيتي دفعته حييل وكلت بصراخ _
_ لا تجييييي عليه نذللل
عفته وطلعت من الاستقبال جانو واكفين وينتضروني من طلعت كلهم سكتو عفتهم ورحت للغرفة بجيت لحد ما تعبت
خليت ايدي على وجهي ومسحت المكياج حييل وابجي طبن عليه بيران ونجمة
شافني فقدت كمت املخ بوجهي واصرخ ما ردت شي غير بس يطلع هل وجع من گلبي لزمن اديه ويحاولن يهدن بيه ماكدرت حسيت فقدت
اخر شي تعبت سكتت بس اتنفس حيل وابجي ذبيت روحي مادري وين جانن لازماتني نمت مدري فقدت مادري ....
بيران.......
كمنه نعيط ونضرب بخدها نريد تكعد ماكو فقدت طبو شهم ومحمد صاحت نجمة تبجي
_ ما تكعدد مدري شبيها شهم
محمد وكف يباوع بصدمه وجهه نگلب وركض عليها بسرعه لزم وجها ويصيح روحه مسلوبة _
_ رانية رانية !!! اكعديي
شهم _ دوخرر خل اشيلها وخرر
محمد شالها بسرعه وطلع شهم لحكه وصاحو نجمة وياهم ضليت ارجف من الخوف بقت بس ام محمد تصيح شكو كلشي ما مفتهمه بس كتلها مريضة من الحداث تخربطت ابد ما اقتنعت وضلت تخوزر بيه اني شعليه
كلها ترد عليه خاف ميكدرون يحجون يردون على بيران خرب حضي ...
نضفت البيت صاير هوسه من العالم الي جانت بي شلت المخاد والستكاين والكيك والعصير نص ذبيته ونص ضميته ليوثي تعب ونومته وام محمد كاعدة بالصاله تنتضر وتلوب دعيت جنازة من التعب وهم افكر برانية خطيه
رحت للمطبخ سويت جاي للمراة خطيه هم عيب كاعدة بوحدها وديته الها وكلت بهدوء
_ ام محمد هسه راح يجون اكعدي ارتاحي
كعدت وهيا مقهورة اخذت الجاي وكالت _
_ ما مرتاحه لهل خطبه فجأة والله اكو شي البنية شبيها تصيح هيج خاف جابرينها
بلعت ريك ونفيت _
_ والله خاله ..هو راح يكلولج من يجون لا تضلين هيج لا تتمرضين
سكتت محتقنه وكل شوية تضرب على رجلها ما مرتاحه كعدت ساكته يمها لا اخذ ولا انطي انوب ماعرف شحجي ويا الخطار ضاله بس صافنه
ام محمد _ ما تحابرين رجلج شوفي شصار
_ ها ..اي هسه
رحت جبت موبايلي لان ادري بشهم ميرد عليه كلت بس اسايرها طلعت رقم شهم واتصلت رن ضليت انتضر وفاجأني من رد
شهم _ هاا
_ اءء
باوعت لام محمد تباوع بلهفه تريد تعرف شكو _
شهم _ شكوو غير تحجي
_ ها لا رانية ..اء رانية شلون صارت يعني انتو جايبن لا .
_ اي اي جايين بالطريق ورانية صحت كلشي ما بيها بس شوفي..
_ ها
حجه بصوت ناصي _
_ ام محمد ديري بالج عليها ترة عدها ضغط بسرعه يهبط
_ اي اي ماشي
_ ليث نايم
_ اي
_ يله خوش ولي
سده باوعت على ام محمد وكلت _
_ جايين بالطريق والله ورانية بخير صاحيه
_ اي الحمدالله الحمدالله
كمت انعس كاعدة واتثاوب نطيت من كعدتي من سمعت صوت السيارة برة وفتحه الباب كمنه اني وام محمد فتحنه باب الصاله وباوعنه محمد فتح الباب وشهم طبب السيارة رحت عليهم سندت رانية وياهم كوة تمشي وراسها ما بيها ترفعه همست النجمة
_ شبيها
_ انهيار بيها انهيار اعصاب هيج الدكتورة كالت
طبينه جوة محمد مادري شضل يحجي ويا شهم ومبينين ثنينهم اعصاب وام محمد لبست عباتها بعد ما محمد صاحلها سلمنه عليها وراحو طب شهم بس اني بالصاله باوعت علي جان روحهه طافره ويسب كمت بسرعه كلت اشرد قبل لا يذب الحرگه بيه صاحالي
_ ويين موليه
_ هاا
خزرني حيل بحدة _
_ شنو هل نبرة ؟؟
_ شنو جاي اكلك هاا
_ السانجج لا اجي اطلع ضيمي بيج
استغفرالله هسه اني شعلي شعليي كلت بهدوء بس كوة _
_ محتاج شي
_ امشييي حضري الحمامم يلةة ما تكدرر تسوي شيي بدون لا اكلها
عفته وصعدت فوگ دمي فار واسب بي اخذتله ملابس ونزلت جوة جان كاعد على التخم ومرخي ضهره ليوره ومغمض عيونه _ كلت بصوت ناصي _
_ حضرت الحمام روح اسبح
فتح عيونه وكال بصوت تعبان _
_ نجمة وين
_ مادري
_ شنوو ما تدرين انتي ليش تخليني اجي اطيح حضج
_ ياا شكلت غير مادري وين غير نايمه
_ اي كوليي نايمه لا تضلين تمضرطين ويله ولي لغرفتي لا تنامين
_ ليش نعسانه
_ *** وروحي
باوعت علي بقرف خزرني رحت صعدت بسرعه روحي لعبانه منه شكد يفشر الحيوان فتحت باب غرفته وكعدت على الجرباية اتثاوب باله شيريد مني ربي كون ما يخليني اسهر نعسانه
طول ما اجه نمت ليورة على الجرباية اتثاوب فتحت عيوني حيل ماريد انام كمت مدري شالغي واغني واسولف هيج بدندنه بس ما اريد انام كمت بسرعه من انفتح الباب
باوعت علي درت وجهي لابس بس البجامة خرب اهلك لعد ليش تكلي حضري ملابسي وانته متلبس
_ تستحين عود ؟
ما رديت انطيت وجهي للحايط افرگ بادية نبض گلبي من سمعت خطواته كال بنترة _
_ التفتي !
عضيت شفتي حييل متوترة وخايفة رجع نتر بيه بعصبيه _
_ مو احجيي وياج التفتي لج
التفت اله خازرني باوعت بوجهه ماريد اباوع لصدره ابتسم باستهزاء _
_ ميلوكلج الخجل تدرين
_ اء احم اروح انام
_ جؤؤ
راح للمراية نشف شعره وخله عطر باله انته رايح تنام عطر على شنو ضليت واكفه لفت انضاري شي الوشم الي جان باسم غيد ماكو صاير ابداله عقرب بس زغير حجه وهو يمشط شعره _
_ باجر حنه رانية راح يجن بنات عمي ينضفن البيت وياجن ويرتبنه ماريد مشاكل ولا تغفلين عن وحدة
_ ليش
_ سحارة هذن حتى لو ماعدهن شي يذبن سحر عناد
_ يا
_ مثل ما وصيتج اذا صار شي عليج اكسر ركبتج
_ ياا
_ غرفتي وغرفتج تنقفل مو
_ ليش
_ معليج لا تضلين تسألين ولا تخلين وحدة تصعد هنا فوك
_ غرفتي ما بيها قفل
التفت علي مزعوج وخازرني اجه عليه ضليت ساكته دغني براسي _
_ لعدد على شنو متحجيين هاا مكيفه غرفتج ما بيها قفل
_ اكللمن مثلا
_ لعد انا هنا كدامج طرطور
_ انته ؟
_ شنو مو بعينج لج ***
_ لا بس ..انته اصلا اذا حجيت وياك تنجلب
باوعلي بصدمة وعصبيه سديت حلگي بخوف خرب شجفصت _
_ والله ما ادري والله بالغلط
_ هايي عليمن ينجلبب
_ اسفة والله
وخر ايدي حيل ولزم فكي باوعت علي بخوف هو خازرني _
_ تدرين لحد هسه متساهل وياااج فد نووب والله لو صدك أشد وياج يبيران من الصبح انتي متخبله متخبلهه بس انتي مو مال احترام تدوسين ابطني وتجيبينها لنفسج
حجيت بصعوبة وخوف _
_ والله زله لسان مادري
_ زله لسان مو ؟
_ اي والله
_ طلعي
_ ها
_ طلعيي يله
_ شنوو
_ السانج طلعيي
سديت حلكي اوخر بايده عصر فكي حيل لازم راسي من ورة ميخليني اوخر _
_ لجج طلعييي
_ وخررر شتريد مني ليش اطلع الساني شنوو
_ حتى اكصه الجج طلعييي
_ ماااا
ضل يحاول وياي واني سادة حلكي ومغمضه وجهي مردة مرد تندمت على الكلمه الي كلتها اخر شي اجه دا يفتح حلكي كوة بايده هو فتحه لكفته بعضه من اصبعه طلعت بيها ضيمي
كام يضرب براسي ويصيح _
_ خرب اهلج خرب اهلج وخريي بنتك المسمووووط
دفعني حيل يمن حسيت رگبتي طكت رجعت ليورة اتنفس حيل وخوف لازم ايده وينكت بيها بلعت ريك هاي شسويت
رفع راسة يباوعلي عيونه تريد تطلع ركضت اريد اشرد لزمني من شعري من ورة ورجعني صرخت حيييل
سد حلگي حيل وكال _
_ خرب اهلج واحد واحد شنوو تخبلتيي عليييي
باوعتله بخوف ارجف عيوني دمعت هزني حيل وكال _
_ شلوون تعضيني ولج طلعت عينج ؟ اصبريلي بس
نفيت براسي اختنكت ساد حلكي وخشمي عاند وياي وما وخر ايده كمت اضرب بالكاع برجلي اختنكت وخر ايده بعدني ما ماخذه نفس رجع سد حلگي
ضحك علي يوخر ايده لمن اختنك بعدني ما شابعه هوة يرجع يسد حلكي ردت اوكع وخر ايده تنفست حيل لزمت ايده وكلت _
_ راح اموت راح امووت
_ بكبر حتى بعد ما تلعبين بذيج وياي
_ اسفة اسفة والله متنعاد بعد
عافني كعدت بالكاع اتنفس حيل لازمه صدري لبس فانيلته وكال برود _
_ اكوي دشداشتي
هزيت راسي بعدني كاعدة خرب حضي خل افتح حلكي ويا مدري مادري شلون يعني حتى كتلته مو كتله انوب لو كاتلني ولا هاي الخنگه
كمت اباوع علي لازم ايده ومعصب رحت طلعت الدشداشة وكلتله بتعلثم _
_ هاي
_ ايييي
جفلت من صيحته رحت طلعت الاوتي وخليت الدشداشة شغلت الاوتي وكمت اكوي لسه الخنگه بيه اباوع علي خازرني خلصت الدشداشة وعلكتها وكلت
_ تصبح على خير
_ صدكك ؟؟
بقيت اباوعله ساكته عود كلت خلي اغشم نفسي وافلت اشرلي مزكح عيونه _
_ تعالي تعالي تعالي وين گلبي
رحت يمه كوة مشيت ما مامنة بي بعدني ما واصله جرني حيييل وكعني على الجرباية عطت مخترعه صار فوكاية رجعت نفسي ليورة حيل وكلت بخوف _
_ شكاعد تسوي وخر عني
_ تتوقعين راح اخليج هيج ترحين بعد ما سويتي بيدي هيج
رفع ايده يشوفني صدك سنوني نابتات باصابعه ثنين حيل بلعت ريك وعصرتني بجية كلت بغصه _
_ مو كتلك اسفة واخذت حقك فدوة عوفني لا تسوي هاي الحركات وياي فدوة
جنت ادفع بصدرة عني لزم ادية ثنينهن ورفعهن فوك راسي بايد وحدة الايد الثانية فتح شالي بيها وجرة وشمرة حجه يهز براسه متوعد ويبتسم _
_ لازم اخذ حقي زين اخليج تفكرين هواي قبل تنجلبين علي
_ شهممم
حجيتها وبجيت لزم فگي على كيف وكال وجهه قريب من وجهي _
_ ما راح اضربج لا تخافين راح اسويلج شي حلو بس انتي تكرهينه بيرو الحلوة
_ وخررررر عنيي
سد حلگي بشفايفة حييل اخذ شفايفي بين شفايفة بقوة بحركه وجعتني حسيته ما يبوس لا جاي يعذب دمعت عيوني بقهر وارفس برجلية اريد افتح اديني ماكدر كل بوسة يبوسني ياها يوجعني بسنونه گلبي خلص من المقاومه واختنگت وخر عني يلهث بجيت حيل اشهك واتنفس _
_ لا تبوسني لا تبوسنيي ليش تجبرني الله لا يوفقك
دنك يبوسني من جديد انترس گلبي قهر وجع نزل على حنجي يعض ويبوس تخبلت كمت اعيط حتى يعوفني سد حلگي وكمل على طول فكي وحنجي ردت اعض ايده ميخليني مبعدها عن سنوني
انوجعت هواي وروحي لعبت شكد حقدت علي زيادة شكد كرهت هل رجال القذر
هدت حرگتي مجبورة هاذا طبع هل حيوان ميعوفني اذا قاومت يعاند بالزايد غمضت بتعب واشهك جوة ايده
ضل مكمل بحركاته القذرة الي كل ما احس بيهم يجيني غثيان ابتعد
يتنفس حيل وعيونه راخيات فتحت عيوني اباوعله مغوشات من الدمع ضل صافن بعيوني اني اباوعله نضرات كلها حقد حزن كراهية وهو نضراته ما مفهومه ساعه حقد ساعه عتب او نضرات ماكدر افسرها
ضل ساد حلكي يباوع بس واني ساكته انتضر يوخر عني دا اكوم ماكدر بعد
بلع ريگ دنك بثكل غمضت حييل ادفع براسي ليورة جمدت من حسيت
بوسة على عيوني بثكل يبوسني ويوخر يبوس الثانية
هاذا شبي والله منفصل وقذر همس وشفته ما موخرها عن عيني _
_ جنت ميت على عيونج
وخر شوية فتحت بس اباوع ودموعي تنزل خله ايده على خدي وكال بصوت كوة ينسمع _
_ ليش هيج سويتي همم ؟ ...ليش كرهتيني بيج جنت عبالي انتي بريئة مثل عقل ليث وبرائته بس انتي جذابة
ضل يباوعلي بس بهدوء وعيونه راخيات فجأة تحولت هل نضرات الى غضب عصر فگي حييل وكال بحدة _
_ كلجن نفسس الشيي كلجنن
وخر عني حيل تنفست حيل براحه كمت وكلت ارجف _
_ والله لاموت نفسي
طلعت اركض حتى ما باوعت علي اركض وامسح بحلگي وابجي اركض حيل من الدرج عصبية وقهر وحزن كلها التمت علي طبيت للمطبخ باله بشنو اموت نفسي بهاي الاحضة صدك معصبة وكلت هاي هيه اموت نفسي واخلص وابلي هوة
بس اني جبانة طلعت السجين وخفت اجرح نفسي وخفت احرگ نفسي كعدت ابجي بقهر ليش هيج اني عاجزة باوعت على الثلاجة وبوكتها اجتنييي اكثر فكرة سخيفة بالتاريخ مادري شلون صدك فكرت بيها
تذكرت الكيك اكو نص كيكه من هاي الاكبار بالككو كلت اطلعها اكلها كلها ويصعد السكر واموت شلون ذكاء
كمت معصبه وفتحت الثلاجة طلعت الكيكه ذبيتها بالكاع وبدون شوكه بيدي شلت هيج وخليت بحلكي ترسته وبعدني ما بالعه الكمة اترس بحلكي وابجي
اكره من يلمسني هيج اكره من يبوسني واتخبل من هل سوالف خلصت من الكيكة جزء جبير
بس شنو الي يشوفني يكول جوعية بكد ما لوصت نفسي حتى شعري مفتوح وتلوص سمعت نزلته من الدرج
سرعت باكلتي طب للمطبخ وباوعت علي حلكي متروس وابجي فتح عيونه بصدمه وضحك ما مصدگ غمني وكال
_ وانا عبالي هسه غارگه بالدم شانقه نفسها
باوعتله بحقد ارتجى على الباب يباوع علي كملت اكل ما مهتمه حسيت روحي لعبت من الحلا وكلت اي جابت نتجية راح اموت
فجأة انتفض بذعر وكال فاتح عيونة _
_ لا يا منعولة الوالدين عوفييي
كمت اكل سريع سريع اجه علية لزم ايدي ويعت واني ادحس بحلكي وخر ايدي كوة وضربني عليها وصاح _
_ حلييي بنت **** عوفييي
دفع الكيكه مني وعتني يريد يكومني حلگي متروس وانفي براسي حيل يجر بايده واني ميبسه نفسي بالكاع صرخ _
_ ولجج كوميي كومييي مو عناد عناد الخنفسان كومييي
نفيت براسي حيل وسريع لزم فكي وفتح حلكي كوة وكال _
_ ذبي ذبيي
حاول يكومني ماكدر صرخت من شالني على كتفه وطلع صحت _
_ عوفني اريد اموت عوفنييي
صعد للدرج واني ارفس مثل الحمار راح لغرفتي دفر الباب وشمرني على الفراش صحت _
_ ماريد لا تنطيني ايها اريد اموووت
ما رد عليه راح جاب الابرة من الثلاجة الي بغرفتي مخليتها علمود ليث حلوياته بي وبي الابر والعلاج مالتي
كمت اريد اطلع من يم الباب لزم ذراعي وجر شال من الي معلكتهم ساكت وخازرني
صرخت ادفر بي جرني للفراش وطبك اديه شدهم ورد اجه يمي ولزم فگي _
_ وداعت ليث وغلاته عندي اذا ما سكتي اغتصبج
فتحت عيوني بصدمه وخوف فتح الابرة واجه دا يرفع دشداشتي صرخت ادفع بي _
_ شجاي تسوي
_ اضربجج خرةةة راح تعلصين عليه يلهه فضينييي
اجيت اصرخ بس وجع حاد براسي دوخني غطاني حيل بعصبيه ورفع دشداشتي درت عيوني ماريد اباوع استحي مطلعه بطني كدامه
هسه لو منجبة وساكته هاذا هم انتحار باله هاي لواگه والله هيا الكيكة بنفسي من الصبح
ضرب الابرة وجاب العلاج خلاه بحلكي وشربني المي بعصبيه عاف الاكلاص ونتر _
_ تخبلتييي بنص اليل تسودنتي هيه هاي هم سواية
_ اريد اموت واخلص
_ اي موتي طبج طوب هواي اكو طرق اله هاي الواگه شنو من سويتي هيج راح تموتين مثلا تره بس يغمى عليج وضلين مريضة يعني ميصيرلج شي
خزرته ضربني بخفه على خدي _
_ عيونج لا يخزرن لا يخزررن
درت عيوني عنه بعصبية ابجي بدون صوت كام اباوع علي جاب منشفة واجه بللها من المي وكال _
_ صخونه شمسوية بوجها ادري حتى بكصتج ماكله
_ وخر عني لا تلمسني
_ اي بالله
لزم راسي من ورة حيل وفرك وجهي بالمنشفة انوب اريد اتنفس خنگني واديه مشدودات وخر صرخت _
_ اختنكتتت
_ اششش اش
مسح شعري واني ابجي ومعصبة حيل اعصابي احترگت منه موتني لم شعري ليورة وربطه مادري بيش فتح ادية وكال بحدة _
_ ترة حتى حياتج بيدي اذا انتحرتي اخوج يلحكج
_ شنو جاي تهددني باخوي والله عيب عليك انته ضابط ضابط انته الي تحمينا مو تهددنا والله اشتكي عليك
_ عود من تشتكين اتصلي عليه خل احضر نفسي مو
_ اكرهك
عصر فگي حيل صاك على سنونه كال _
_ السانج اكصه
دفع وجهي حيل وكام طلع خليت وجهي باين اديه وكمت ابجي يعني شلون باله حتى ماكدر اموت نفسي واخلص هل بشر مريض والله ولازم يتعالج يطلع امراضه عليه شهم من قابلته ابد مو هيج ابد ....
رانية .........
عيني ما اخذت نوم كاعدة وافكر نجمة نايمه يمي هيا وليث بس اني ماكدر انام كل ما افكر شلون انذليت ورجعت علي راح يتزوجني اموت من القهر اموت
شكد تمنيت بهاي وكعتي لو ميته وخلصانه من كلشي لو الله ماخذ روحي ومخلصني بس لا ربي يريد يعاقبني ادري على كل شي غلط سويته جاي يعاقبني
اتذكر بالمستشفى صحيت عليه لازم ايدي ويبجي ضليت افكر شنو من بشر هاذا ليش هيج تحول اتذكر قبل جم شهر هو هاذا الي راد يدمر حياتي هو الي بسببه صارلي كل هاذا تقريبأ ماريد اذب كل الصوج بي لان سواء محمد او لا هاذا جود راح يسويلي نفس الي سواه وما راح يختلف شي عند اهلي اغبياء ولو ما شهم جانو راح يصدگون اني بذيج الصور العارية
ما راح يختلف شي نفس التخلف ونفس العذاب محد راح يهتم من اهلي اذا توجعت او لا اصلا عدهم الابنية لازم تكون بلا احساس لا تعبر عن رئيها ولا تحب ولا تتوجع لازم بس تصبر وتتحمل وهيا الممنونه واني هسه متاكدة ميه بالميه محد نادم علي ولا فاقديني مكاني خالي مالي وحشة وادري مكاني مو خالي اذا هيا امي شايفة الي صارلي صح واستاهل راح ادور حنية من ابوي لو اخواني
اتذكر جنت زغيرة واشوف اختي طول الوقت ضايجة ومقهورة دائما بفراشها تبجي وما جنت افهم ليش
ثاري جانت مكسورة جناح مثلي او اني احسن منها بشوية على الاقل درست تدخلو خوالي وطبابين خير وخلو اهلي يخلوني اكمل دراسة هيا لا جانت الجبيرة بينه اكبر وحدة
ما مكملة ولا تكدر تطلع محبوسة بهل بيت وبضيم امي واخوتي
وصارلها هواي من تزوجت مسافرة هيا ورجلها وما فكرت تجي ولا تتصل واحسن شي تسوي هاذا لان هل اهل حسافة بيهم تتصل وتسأل
صبح الصبح الفجر يله نمت كعدتني نجمة وكالت حتى نتحضر ونروح للصالون شكد رفضت وكتلهم انتو جهزوني كالت لا مسويين حفلة جبيرة بالقاعه
ودريت هاذا طلب شهم طالب كلشي فخم وجبير على عناد اهلي سكتت ماريد اعاند شهم هواي فضل عليه وما راح انسه وكفته بعمري
لبست وتحضرت ساكته حتى دموعي نشفت كمت ما ابجي بس شلون اتحضر بهل وجه المزورگ لو الايد المكسورة ؟
ما حجيت شي خليته عليهم كعدت بالصاله كالت بيران شهم راح مدري وين وراح يدز صگر ابن عمه ياخذكم
باوعت عليها ولو مو مال اسأل بس كلت بحسن نية _
_ هاي شبي وجهج
جانت تمسح بالكاع وكفت عن المسح ودنكت تضم بحنجها باوعت على نجمة مستغربة ضحكت نجمة اجتني لحضة ادراگ غميت نفسي
نجمة _ ضربات حب هاي هههههه
بيران _ نجبي انتي يا حب
نجمة _ اي انتي تعالينه الشفه مورمه وزرگه والحنج على الطول ازرگ وكولي ماكو حب هيا علينه هههههه
_ ه ه هه ه انتي الضاهر صاير عندج جفاف عاطفي ومشتاقة الرائد وجاي تتخيلين اي شي حب
_ رائد شجابة بالموضوع لج بابا انفصلنا انفصلناااا
_ لعد تطلگي علش مشتهيه ومستحية
ضحكت عليهم هاي اول مرة اضحك صدك من شهرين باوعن علي بفرح سكتت _
نجمة _ شوفي بيران راح نروح للصالون احنه وب 4 كلت الشهم يجيبج للصالون
بيران سكتت باوعت على نجمة وبلعت ريك نفت براسها _
_ لاا شعندي البيت يضل تايه وعندي شغل شهم وصاني واصلا حتى فستان جديد ما عندي على شنو المكياج
_ اييي معليج راح تضل بالبيت عماتي واصلا الصالون الي راح نروحله بي فساتين اجرة ومشترة معليج معليج وهاا اصلا شهم راح يقفل البيت يعني ويا ما تطلعون كل النسوان تطلع للقاعه اصلا نصهم هسه راح يرحون للقاعه
_ اصلا شهم مقبل يكولج هيج حتى يسكتج
_ لاا والله حلفلي
_ هو عنده الله
رانية _ شنو يهودي
بيران _ اليهودي احسن منه
ابتسمت نص ساعه مرت واجه صگر اخذنه اني ونجمة طول الطريق ساكته وكل ما اتذكر رايحه اتحضرله ابجي وصلنه للصالون جبير كلش وحلو اول ما دخلني قسم العناية سون جسمي كله شمع وسكرابات وماسكات غير اكول النجمة كافي وهيا تسوي بعد بعد
بعدين حفن وجهي تخبلن يكولن شنو هاي وين جنتي حواجبج مكناسة ميدرن طالبة سادس وجهي صاير غابة الامزون ...
باوعت الوجهي بالمراية هاي خاف مو اني شو صرت حلوة وجهي صار احمر
اجن دا يسون تسريحه نجمة جانت مسلطنه كاعدة على التخم الموجود ومخليه رجليها بمي وشعرها بكلات وجها متروس ماسك وجاي تشرب عصير صاحت بصوت عالي _
_ هايييي شجاي تسوون يله اصبغو شعرها
ام الصالون حجت _ عمري غير تجين من قبل حتى يفتح الون
كلت بتعب مالي خلگ _
_ نجمة يا صبغ الخاطر الله عوفيني
نجمة _ اييي اش معليج لعد على شنو جايه من الصبح والحنه بالتسعه باليل معليج عيني اصبغيلها زيتوني فاتح فاتح ودرجي الها
ام الصالون _ تره عيني احسابك راح يكلف هواي
نجمة _ العب على فلوس اشتغلي وما الج شغل
باوعت عليها بسخرية هيا فلوس شهم انتي شعليج راحت خبطت الصبغة واني خزرتها _
_ مكيفة انيي مكيفة
_ لج عيني ما طول شهم طلب كله غالي فلس محمد وكال عسى ما تبدلين وجها سوي
_ يعني مو من شهمم ؟؟
_ لا شهم شنو غير من موحمود
_ لا تخليني اجيب هسه اهله واشعلهم
_ اصبغي اصبغي ... عمريي تعالي شيليلي هاذا واصبغيلي اني وحد هاي فلوس محمد متخلص على وحدة
رانية _ اي خلصيهم انطيهم اكراميات كلهم موو
_ اي اي الفلوس الي انطاني ياهم شهم راح اضمهم اخذ من محمد ههههه
بدت تصبغ شعري تشقير وصبغته لون بني فاتح ماريد زيتوني وغسلته وشسورته وبدت تسوي تسريحه كتلها ماريد لاخبيص سوي شي سريع وهاي هيه
ونجمة طلبت منها مكياج تسوي الي اصلا ما باوعت للمراية روحي طافرة ومختنكه كل ساع اريد ابجي عيوني تدمع وتمسحهم ام الصالون
شوية ونجمة راحت فتحت باب الصالون جابت علاكه واجت تكول _
_ الغدة الغدة الغدة
_ وخري عني ماريد
_ لااا وراج كعدة جم ساعه وركص وسوالف
_ يااا ركص مكيفة انيي وخري عني روحي لعبانه وهيا تكلي ركص
_ وجع شعليه اني غير علمودج علمود ينسحرون بجمالج وجهج عريض هيج كباب يخلي يتررر
_ ماريد
سوتلي لفه وجبرتني جبر اكل هيا توكل بيه انوب انقهر عليها من انتر بيها وهيا ما تزعل ترجع تتوسل حتى اكل _
رانية _ كافي نجمة فدوة والله شبعت
_ يله اني اكل الباقي
وراحت تربعت وتاكل لاخلت طرشي كباب ببسي ما شربته استغربت منها هيا اصلا طبيعتها مو اكاله تاكل شوية وتشبع جنه نعيب عليها زيتونه مرت باباي هسه صايرة سمينه
خلصت التسريحه ولبست الفستان لونه ازرق فاتح يعني سمائي هو حلو بس اني ما بيه حيل اوصفه بس حلو
نجمة هم سوت مكياج صارت تخبل احله مني انوب صايرة سمينه ووجها عريض واحمر والصبغ لاكلها لبست فستان حصر بينصل لنص الرجل وصدرة ادلع شوية لونه احمر غامق
بيران .........
خلصنه اني وبنات عم شهم ابرار وعنود ومعصومة وجنتهم جوري شلون حبابات وسولي جو بس هاي عنود طلعت روحي اني اجي منا اريد افوت تدفعني وتكول اسفة بالغلطط لو كل ساع معيبه عليه لو تكول شهم يرادله وحده ضخمه مثله مو فاهية وتضحك عود تتشاقة تذكرت مرة كالتلي نجمة جانت تحب شهم وعفتها
هاي عبالها اني ميته على شهم بس اني شعلي ليش تضربني جنه نفرش بالزوليات ونترب البيت مادري على شنو هسه مو الحنه بالقاعه يكولون راح تجي هنا ويردون يجون عليها بالبيت يأخذونها وجاي ينضفون علمود التصوير
ضهري نكسر رفعت روحي ومسحت العرگ بوجهي اهفي ابرار وكعت على صفحه تلهث ومعصومه تكول
_ شنوو هاي يدورون نضافه بروسنه خرب حضي لو منجبة وكاعدة حتى ما اروووح
ابرار _ اششش يمعودة هيج يله قبلو ياخذونا للصالون خلي ندلج نصخم بالكت نتزوج ونخلص
جوري _ مو هسه تشوفن ضيم الزواج بعدييين
ابرار _ ليش ترة امي زينه وياج
جوري _ اني كايلتلج على عمتي ترة مو لازم الزواج يكون مو حلو بمجرد العمه شادة وياج يجوز تتعبين من هل مسولية تتندمين من تحبلين على وجع بعمرج ما شايفته يجوز الناس الي بالبيت ما حافضة طبعهم وتتعبين يله تفهمينهم ويفهمون شخصيتج وما يفسرونها غلط يجوز رجلج هو بحد ذاته شاد وياج ومكرهج بعيشتج
انقهرت عليها مبينه صدك مهضومه كلهم سكتو نباوع عليها بحزن ومقهورين اشو هاي عنود نطي _
عنود _ عينييي ترة حتىىى جلاب بيييض مو متباهية شوفوني شگرة وجهي احمرر
صفنت عليها اريد استوعب اجتني صدمه فجأة هاي شبيها ابرار باوعت عليها هم صافنه ومعصومه وجوري وهيا تباوعلي بحقد اشرت على نفسي _
_ انيي ؟!
_ ايي انتي مو ترفعين بشعرج وتشمرين بي وشوفوني حنجي ازرگ وشفتي ترة احنه هم عدنه رجال ****** بينه بس نستحي
دنكت جوة اضم بحنجي بشالي هاي الي خفت منها عبالهم هسه اني متباهية عبالهم شوف شسوينه وهاي الي رادها شهم هيج عاند وياي وسوه هيج بوجهي حتى يبين شي مخل للحياء
جوري _ شسالفه عنود مراة ورجال شدخلج
عنود _ اششش اسكتي انتي مالج شغل لو بيج خير روحي عاشري رجلج
ابرار _ هايييي انتييي شبييج نجلبتيييي مو عيب عليج عوفيها انتي شعليج يعني تزوجتي وما خلصنه من دكايكج
معصومه ساكته وتباوع مذعورة ضليت ساكته ودمعتي بطرف خدي كلت _
_ عيب عليج هيج تحجين احترمي على الاقل انتي ابيتي
عنود _ هههه بيتج ؟؟ والله ضحكتيني هو انتي منيلج بييت انتي جيتي خدامه هنااا وخليتيي شهم براسج وشعلتيها بينه وبين غيد بسحارج وكيفتي هسه ف***** من ***** شهم موو فلوس وبيوت كلتي يعيشنه ويعيش اهلي
بيران _ اكليي خرةة لججج شنوو انتي ماخذتنا بالسانججج محدد يردجج والله العضيم اخليج هنا وادوس ابطنج ما محتاجه احدد ولا اهليي الحمدالله والشكررر خيرناا اعلى من راسنااا وانتي اصلا شكووو ان فرقت بين غييد وان حبيت شهمم انتيي شكووو مقهورة لان ما باووع عليج
عنود _ نجبيييي لج **** شنووو ما باوعع علي مراة متزوجه انيييي شنوو هل سوالفف
بيران _ ايي لعد نجبييي اذا متزوجه عوفي هل حركات والتهي برجلج وجهالج شعليج برجلي وبيه ؟؟؟
عنود _ ههه ميته عليج وعلى رجلج هو انتي شنو اصلا فد قندرة زعطوطه ومخلينج هنا مستفادين براسج هم خدامه وهم تربين ليث
شمرت المكناسة حييل ورحت عليها معصبة اول ما هيا رجعت ليورة جريتها من شعرها وصرخت _
_ اسكتيييييييي اسكتييي
ابرار _ هاا هاا بيراان بيران عوفيهاا ختولييي
جوري _ يمعودة يمعودة وخريها
جوري ما تكدر تقرب لان حامل باشهرها الاوله وتخاف ومعصومه كاعدة تتفرج وهاي تريد توخر اديه عن شعري ماكو جلبت امعش واصيح _
_ ادفنججج اذا حجيتيي علييي بعددد كلبهه
دفعتني حيل خلتني اكع انوب هيا سمينه وطويله اجت عليه تريد تضرب ابرار صرخت _
_ وحقك هاذا الله هسه اخابر شهم واكله واخابر ابوي وعمي وافضحج عوفييييها مو عيييب
_ شلعتتت شعرييي
_ انتييي علتيييي
سكتت راحت للحمام كومتني ابرار وتضحك _
_ خرب بيج بيران عبالي فقيرة
_ ختولييي شافتنييي سكتتت كالت خلي اكلهااا
معصومة _ عاشت ايدج برتي كلبي ولو هيا اختي بس تستاهل
جوري _ خرب حضيي بطني كامت توجع
ابرار _ هو انتي شسويتي ابتعدتي ميت متر وهاي فاكه حلكها وتباوع وعفتنهم عليهه
بيران _ خلص كافي اسفة خلي نضف بسرعه راح يجي شهم
طلعت عنود خازرتني خزرتها اني هم لان اذا اسكت تزيد گلبت عيونها وتريد تصعد صحت _
_ وييين ؟؟
_ شعليج شنو اخذ رايج بيت ابن عمي وبكيفي
_ لا عيني رجلي وصاني ماخلي وحدة تصعد فووك
عنود _ وليش عيني شنو راح نبوكم
حجيت اتمايل اعاند بيها والعب بشعري هيا مو تكول مغرورة بشعرج خلي انغر بالزيادة _
بيران _ مادريي هو رجليي كالي غرفتنااا خاصه بينهه ما تخليين وحدة تصعدد معليه انيي يعصب منييي
عنود _ خفه هل حلگ عساس ميته على غرفتكم طبكم مرض ثنينكم
راحت فتحت باب استقبال وركعته باوعت على ابرار تضحك كالت _
_ شهم يدري بيها سحارة هههه
بيران _ بدون زعل هاي علش جابينها ؟ انتو تفتحون التفس بس هاي تسدها
معصومة _ هيا لزكت دبكت حتى الجهال عافتهم وضربتلج تخم مكياج مادري شتريد يعني تريد تاخذ شهم على رجلها لو شنو
جوري _ ههههههه خرب بيج معصومة شكد غبية
ضحكنا من راحت بدت السوالف والضحك هنه خوش بنات بس هيا يمه يمه عدوانية صدك ضاربة تخم مكياج ومن ذبت العباية لابسة دشداشة دلعه نص ردت وحصر شكد رخيصة يعني متزوجه وتدور هيج سوالف
خلصنا كلشي وجاي نغسل بالطارمة سمعنه هورن شهم باوعت على البنات انتفضن يلبسن شالتهم والله حتى اني لبسته بس اجت عيوني على عنود جانت كاعدة بس تباوع علينه هيا سمعت شهم اجه نطت وكفت بنصنه وجرت الدشداشة ليجوة تطلع بصدرها وشعرها نفضته ضلينه مصدومات باله هاي حركات وحدة متزوجة او محترمه نفسها
معصومة راحت فتحت الباب سلمت على شهم ابتسملها هيا بنية زغيرة عمرها 14 شكد حبابة وهادية سلمت علي ابرار وجوري
عنود _ الله يساعدك شهم شلونج
_ هلا
رد برود وباوع عليه ضليت واكفه لسه مصدومه بعنود اجه عليه مبتسم مدلي العلاكه وكال _
_ عشة حتى ما تعبيين اديج الحلوة ام ليث
فتحت عيوني بصدمه اكثر اباوعله ما مصدگه خله ايده على خدي يمسح العرگ _
_ شنو هاي شصاير بيج روحي اسبحي وبدلي حتى اوديج للصالون يله گلبي
_ ها
تقرب باس كصتي كدامهم وخر كال مبتسم _
_ صبيلي غدة جوعان
باوع عليهم وكال _
_ يابة اشكر البنات الحلوات وعلى هل تنضيف الحلو مني الجن هديه اوديجن للصالون وكلشي عليه
ابرار _ يااا صدوووك ...اء اقصد لا لا تكلف نفسك
معصومة _ شكرا عمو
جوري _ يا عمو ابن عمج يا الثوله
دنكت خجلانه ضحك شهم _
_ ميخالف خلي تكول عمو زغيرونه هاي
عنود _ ليش ما تجينه شهم جاي نشتاقلك
تحجي وعيونها تريد تطلع من الحقد فهمت شهم هيج سوة حتى يقهرها ومادري ليش لاول مرة يعجبني تصرف من شهم ناحيتي ولو قرب عليه بس لاول مرة اكون راضية
لهل درجة العناد حلو ؟
سكتت اباوع الها بعيونها دموع ريحت گلبي يعني بكد ما مكروهة وحاكرة نفسها كرهتها شلون ياهو الي يجي ترزله وماخذة على الكل عود عندي السان
شهم _ وين اجيج انتي شعليج مو تزوجتي
_ ها لا مو مرات اجي الاهلي
شهم _ وليش تشتاقيلي شنو السبب ؟؟
حجاها بحدة مزگح عيونه عليها هاذا هم يكرها ابرار تسد بالضحكه هيا وجوري ومعصومه واني ساكته شكد ما عجبني تصرف شهم كرهته بنفس الوقت لان ادري مجرد تمثيل لا اكثر
عنود _ ههه شنو غير ابن عمي واشتاقلك ..ليوثي وين
ما رد عليها لبسها والتفتلي _
_ ام ليث بلا زحمة عليج حضريلي الحمام تعبان
صفنت علي باله هاذا شيصير لو ضل حباب هيج عجب يومية يضل يصيح قبل ما احضرله حقدت علي زيادة من هيج يسوي يعني يدري بتصرفة غلط ومكمل _
عنود _ ههه منين اجت ام ليث هيا شعليها
شهم _ انتي شكو ؟ ليش تحشرين بنفسج مو عيب عليج ؟
عنود _ شهم شبييك وياي ليش هييج
باوعلها بقرف وطب جوة خزرتني كلت _
_ يله تعالن بنااات خلي نتغدة
طبينه جوة خليتهن يحضرن الغدة وصبيت لشهم بوحدة حضرتله الحمام وطبيت اعلك بملابسة صافنة هاذا صدك راح يوديني للصالون ؟
التفتت دا اطلع وجان يصير بوجهي طب وسد الباب رجعت ليوره _
_ هاا
_ خاصتن تنضيف ؟
_ اي خلصنا كلشي ما بقه شي
_ خوما خليتي وحدة تصعد فووك
_ لا والله رادت عنود تصعد وكتلها لااا شهم ميقبلل
_ ممم خوش ..حاجتج عنود ؟
سكتت بس اباوع مادري ليش خفت سويت مشكله وعاركت وخاف ميقبل بلعت ريك _
شهم _ اي يا ستار شسويتي
بيران _ والله هيا العالت
شهم _ شسوت احجي
بيران _ ضلت تعيب عليه وتدفع بيه وتفشر واني ما تحملت ومعشت شعرها
_ اي فدوة لاديج طبها مرض
_ هاا
_ وجعا على شنو تعاركت وياج
_ كله من وراك ..
دنكت منحرجة حجة بسخرية _
_ ليش باله من وراي
_ شافو وجهي وفهمو غلط
_ شنو الفهمو غلط الفهمو صح
خزرته رفع حواجبه باوعت صفحه وكلت _:
_ ضلو يقلدون عليه من وراك ليش هيج سويت
_ هيج بعنادج متعمد خليتهم ضاهرات
_ انته ليش بس وياي هيج
_ انا هيج ويا الناس الي اكرهم
اجيت اطلع من الحمام لزم ذراعي _
_ تريدين ترحين للصالون ؟
سكتت ما جاوبت ضغط على ذراعي _
_ احجيي
_ انته راح توديني
_ لا
_ لعد ليش هيج كلت كدامهم
_ اضحك عليج
_ ماشي وخر ماريد اروح
_ لا تنجبين وترحين
صفنت علي فاتحه حلگي عاف ايدي وكال _
_ يله ولي شنو هاذا وجهج لعبتي روحي جنه شحم مطي
فتحت باب الحمام وطلعت صدك شهم منفصم والله عن الشقة اشك بي عنده انفصام _
طلعت ورحت للصاله كاعدات ينتضرني كعدت يمهن وكلت _.
_ اسفة اخرتجن
ابرار _ لا عيني غير شهومي ميكدر يفاركج ههههه
عنود حجت بصوت ناصي منزعجة _
_ ميكولون عيب خطار يمنه شايلين المستحه
ردت اكلها خلينه المستحه الج بس غلست لبستها تغديت وشبعت طلع شهم وصعد رحت غسلت وديتله الغدة واخذتلي ملابس ورحت سبحت وطلعت لافة شعري شو شفتهن يضحكن على كيف
باوعت عليهم باستغراب باوعت على عنود خازرتني كلت _
_ شكو
جوري _ ههههه لا لا هيج سلامتج اصعدي اصعدي
معصومة هم صافنه عليهم ما فاهمه رفعت جتفي بعدم اهتمام وصعدت لغرفتي بدلت ملابسي ولبست فستان طويل وحجاب وطلعت ويا طلعتي صار شهم كبالي هم طلع مبدل
اجيت امشي نتر _
_ اوكفي اوكفي ويين رايحه هيج
التفتت باستغراب وكلت _
_ غير للصالون
_ اي وهيج حضرتج رايحة بهاذا ؟
_ لعد شبي غير هو مال محجبات شبيك
_ اششش راسي ترة منفجر ومالي خلكج روحي البسي عبايتج يله
باوعتله متفاجئة كلت ابلع بريگي _
_ ش شنو عباية اني مالبس عباية
_ اي وهسة ترحين تلبسين يله
همست بغصه _
_ ماريد اني مالبس عباية عوفني شعليك
اجة علية ونبت اضافرة بزندي يحجي ويرص على سنونه _
_ جوة بنات لا تخليني اطيح حضج كدامهم تمشين تلبسينها وغصبأ عليج وخل اشوف بعد طالعه بدون عباية والله رجليج اكسرهم
_ ما احبها ليش تجبرني شنو وحد اني كلها تلبس جبب راح البس جبة
غمض عيونه بنفاذ صبر ونتر بيه _
_ انتي ما ترتاحين اله تنكتليين امشيي البسي عبايتج ويله ما ضل وكتت
نتر ايدي حيل لزمتها حلگي يرجف اريد ابجي كلت بغصة _
_ ما اروح روحو
فرگ عيونه حيل بعصبية ورجع لزمني وفتح باب غرفتي ودفعني طب وصاح بعصبيه _
_ شتريدييين انتي هااا جاي اكلجج راسييي يوجعنييي مالي خلكجج ليش تحرگيني بالزايييد بنت **** شتريدييين
جفلت بخوف ابجي كلت ابجي بشهكه _
_ خلص ماريد اروح عوفني اني اتحضر هناا
لزم فكي حييل ودفعني على الحايط يحجي وعيونه تريد تطلع _
_ راااح تموتج العبايةة هااا تاخذ نص عمررج احسن تطلعييين هيج بخررة لازكك عليييج تخبلن من الستررر تحبيين يشوفونج الگواويد ويكيفوون
لزمت ايده اريد يوخر وجعني كلش كلت بصعوبة ابجي _
_ ما متعودة عليها ولا اريد البسها هيا مو جبر
_ وروح ابوي يبيران ان ما لبستي هسه العباية وطلعتي مثل الخوش ادمية والله العضيم والله اندمج اعذبج واخليج تتمنين الموت وما تلكينه
_ شتريد تسوي اكثر من هاذا سوي كلشي منك تعودت علي
ضحك بعصبية وهز راسه _
_ لج والله والله ما مسوي شي والله امحيج اخفيج اخليج بنضرهم ميته وانتي عايشة بعذابي اخفيج عن العالم وادمرج ف خليني ادمي وياج ولا تخبليني علييج موو
_ الله لا يوفقك
دفعني حيل ليكدام وكال بحدة _
_ يله
باوعت علي ابجي دعيت من كل گلبي علي دعيت ربي يشوفه مثل الوجع الي جاي احس بي هسه اني فعلا اكره العباية وما احب البسها ولا احب احد يجبرني بس ادري بشهم خبل صدك يسويها بيه صدك اخاف اكو افكار براسة سودة وراحمني وما مطبقها عليه
كدام انضارة طلعت العباية ولبستها ودموعي تنزل حجه بحدية _
_ ها اهاا شتغير بييج احسن تنسترين هيج لو مشلتحه ..كافي يله امسحي دموعج لج بابا والله علمودج علموودج ... استغفرالله شلون راح اجي اطيح حضهاا لج كافيي خل ننزل بسرعه من يشوفونج تبجين راح يتشمتون
مسحت دموعي اشهك وحلگي يرجف استغفر اجه عليه لزم ايدي وكال بانزعاج _
_ كافي يله جذب كلشي ما اسويلج من طول تسمعين الكلام ما اسويلج شي يله
ما جاوبته عفته رحت مسحت دموعي ورتبته بالمكياج كوة مسيطرة على دموعي خلصت وطلعت ويا ساكته حتى البنات استغربن من وجهي مكلوب ابد مو مثل توني بمجرد ما يجي هوة وجهي يتبدل بالحزن
طلعنه برة عنود تضحك وتتشاقة ويا شهم وهو ما يرد ولا اني مهتمه عسى ما تبوسة كدامي ما اهتم اصلا هنيالي لو تاخذة وتخلصني منه
صعدت معصومة وجوري وعنود وابرار ليورة ضايت صافنة وين اكعد ماريد اكعد كدام حجة _
_ هيووو وين صفن ابو صابر يله اصعدي
صعدت ضايجة وساكته الطريق كله يسولفن ويا شهم بس باحترام اله عنود كل شوية طاكتها بضحكه حتى لو السالفه متضحك ولازكه يم كشن شهم وكل شوية سألته على شي وهو ميجاوب تعجبت بيها شكد ذاله نفسها يعني شتريد مثلا
وشهم كل ما تحجي هيا يباوع علي يريدني احجي وياها ارد عليها واني كل الطريق دايرة وجهي على الجامة ودمعتي تنزل وامسحها بدون لاحد يلاحض ابد ما اطيق هيج عيشة ويا شهم ابد
وصلنا للصالون نزلن وردت انزل كال _
_ اوكفي ..روحن انتن هسه تلحكجن
ابرار _ شهم مو تغلس ترة وعدتنا
_ امشي ولي شوكت غلست انا روحي
ضحكن راحن طبن تنهدت بضيق _
_ شكو
طلع من جيبه فلوس حمر هواي ومدهم الي _
_ ادفعي للبنات والج
اخذتهم من ايده وفتحت الباب دا انزل كال _
_ على شنو كالبة وجهج يعني لان كتلج البسي عباية
_ لا كلشي ما بية يله باي
عفته ونزلت ما باوعت علي طبيت للصالون وهاي الخبله نجمة او ما شافتني عاطت واجت علي حضنتني عبالك صار سنين ما شايفتني
لاحضت عليه ضايجة سالتني وحجيتلها عن الي صار ضلت تطيب بخاطري وتكول علمودج ويغار عليج ههه يغار ؟ قصدج يسوي هيج حتى يعذبني
باركت لرانية هم جانت ضايجة وكعدت يمها اسوالف بدن البنات يختارن فساتين للتاجير وبالمكياج اجتني نجمة
_ يله مو تكومين ترة ما ضل وكت
بيران _ ماريد شي عوفيني هيج
نجمة _ لاا باله صدكك هو اني ما قنعت رانية اله طكت مرارتي وهسة انتي دكومي كومي عيني شنو رايحة هيج مهرهسه شيكولون عليج
_ شيردون يكولن خل يكولن مالي شغل بيهم روحي طافرة ومو مال احط شي
كعدت يمي تحجي بصوت ناصي _
_ نص بنات كرايبنه وعماتي يموتن منج واذا شافنج هيج راح يتشمتن عبالهم احنه مشوفينج الضيم
_ واني هسه شنو ما شايفة الضيم شهم مكفي وموفي
نجمة_ ميخالف واول وحدة هاي عنود تموت منج راح تتشمت روحي حتى لو شي بسيط
رانية بس ساكته ضايجة نجمة ندستها _
رانية _ ها اي حجيها صدك روحي سوي شي
_ ماريد عوفنيي ماريد
نجمة _ وسمم صوتج راح يسمعن ولج كوميي
ضلت تلح عليه روحي لعبتها كمت وافقت بس ابد ما صرفت من فلوس شهم عندي اني فلوس وصرفت اختاريت فستان بسيط لونه جوزي غامق يصير مثل البينصل وبي طبكات
وحذاء هم كعب ومكياج اصلا اني ميلوكلي المكياج الثكيل بس رسمتلي ايلاينر خفيف باليشدو بني وحمرة تناسب بشرتي وخلتلي احمر خدود
وسوتلي شعري ذيل حصان بس هاي المرفوعه و برمت شعري وكذلتي واني ماشالله اخرب على العناد كمت اعاند بعنود الي ضلت تخزر وما عاجبها
نجمة هلهلت _
_ الففف الصلاة والسلام على حبيبب الله محمدد احنه عدنا عروستيين عروستيين شنو هل جماال ام لييث
ضحكت عليها وكعدت يمهم ضلت نجمة تطك صور وتصور فديوهات وابرار وجوري ومعصومة اجني طبكن ويانه يعاندن بعنود لعد شكد مكروهة حتى اهلها يضوجون منها
هنه هم صارن كلش حلوات خلصنا ودفعت فلوس البنات من فلوس شهم وانطيت الباقي نجمة كتلها ترجعة اله ودفعت الي من فلوسي
خابرت شهم وكالتله خلصنا ساعة هيج اجت سيارتين وحدة مزينة وحلوة عالية وسوق بيها صگر وسيارة شهم عنود صعدت بالصدر يم صگر شهم كالها ميردها تصعد ويا ضاجت وصعدت ونجمة وجوري صعدن يم رانية
رحت صعدت بالسيارة مالت شهم هم بالصدر شسوي وابرار ومعصومة ليورة
ليث كاعد بحضنه هو شافني كمز فرحان اخذته ابوس بي اشتاقيتله من الصبح اخذة شهم يم عمتة سجى جاية يم بيت عمه وخلاه حتى اشتغل براحتي
ليث _ ماما واو
_ هههه اي انته هم واوو
عود يكول حلوة ضل يسولفلي عن الي صار ويا وبس اني افتهمه وامثل عود متفاجئة بحجية وهو يفرح
ابرار _ هاي عود شلون تفتهمين ؟
بيران _ سر المهنة هاي
شهم _ حرام بس افتهم بابا وماما
معصومة _ فدوة هاي بكد ما تحبي تفتهمين سوالفه
ابرار _ شهم والله اعذرنا فلسناك
شهم _ بالعافية غير طالعات كيكات
معصومة _ هههه شكرا عمو
_ شوف هاي الثولة هم كالت عمو
ضليت اني ساكته ابد ما حجيت ويا ولا اكدر اباوع بوجهه كل ما اباوع النفسي لابسة العباية اكرهه طبعا من طلعنا لبسنا حجاباتنا وهنا لبسن جبب وبس اني عباية
وصلنا البيت نزلنا شهم وصل اول السيارات طبعا شهم مادري شسوة سواها مثل الزفة وهيا بس حنة وخطوبة جمعوهن سوة وشرط اله بقاعه ويسولها زفتين عجبني هل تصرف يدل على انها شكد ثمينة وتستاهل
فتح الباب وطبينه وشوية وصلو انزرفت اذني بالهلاهل والردح والشي الي صدمني وخلاني اطير من الفرح اهلي جايين ابد ما فكرت شهم راح يعزهم طرت بيهم
بتول وامي وبافل نسيت كل همي مشتاقتلهم كلهم وميته على شوفتهم حسيت كل همي بذاك الوقت تبخر من حضنتني امي اجيت ابجي بس ماريد تحس كوة سيطرت
النسوان من شافن سيارة بافل والبس مالت امي وبتول والذهب الي لابساته خنسن عبالهم صدك احنه فكر وعايشين على شهم
والنسوان نصهم لا خوش نسوان رحبن بيهم وشالوهم شيل ..
الزلم بالاستقبال ورانية كاعدة من وصلو اهل العريس كامت الهلال لبسنا حجاباتنا ونص لبست عبي ونص جبب طب محمد والزلم راح على رانية باس راسها ولزم ايدها
ومشة واحنه وراهم نطش جكليت ونهلهل المصور يصور جنت شايله ليث وامشي ويا امي وبتول
صارت هوسة راحت صعدت ويا بافل كلش فرحانة صارت الفرحة فرحتين هسه رانية واهلي
والطريق كله هوسات وركص لحد ما وصلنا للقاعة يمه شكبرها وشلون مزينيها قاعة للنسوان وقاعة للزلم بس طب محمد والزلم لبسها الذهب شكد جاييب ذهبب وحلقة لبسها وباس ايدها وراسها
واخذو صور ولو همه هسه كلش متزاعلين بس كلش لايكين البعض شغلو الاغاني كامو يركصون بس رانية كالبة وجها كلش ولا ابتسمت ركصو سوية بس همه وبعدين طلعو الزلم وبقت بس النسوان اخذنا راحتنا
وذبينا العبي والحجابات وكمنة نركص اني وبتول ونجمة والبنات وكل النسوان فرحانات برانية ونركص بس رانية ضايجة
نجمة .....
كاعد اركص ومندمجة وتعبت بطني كامت توجعني لزمتها بوجع ورحت كعدت اشرب المي
بيران اجتني خلت ليث يمي وكالت بسرعه _
_ خلي يمج خل اغثهم شوية هذولة مبينين يكرهوني ههههه
_ اي اي جيبي روحي عاندي
كعدت ليث على الكرسي اليمي وشربنه مي كلتله _
_ ها تعبت
_ امممم اليدد ادصص ( اريد اركص )
_ اسكت عمه كرصها وسكت لا تنجعص
كوة جلبت بي يريد يكوم كام يبجي سكته كوة انطيته موبايلي وبطني كامت توجع باوعت على القاعة كلش حلوة واجتي بنت عمي تحجي وياي التهت وياها ومن باوعت على مكان ليث ما لكيته شهكت بخوف
باوعت وشفته طلع من الباب مالت القاعة يركض شفته الباب خرب جريت شال يمي مادري المن وركضت برة حتى ما انتبهت على نفسي شلابسة
اصيح وصلت النص الطريق وشفت فيصل ابن عمي شاله وطب جوة تنفست براحة فجأة اريد ارجع ما احس اله انجريت بقوة
يتبع ........
_______________________________