شمس:السلام عليكم سأُخبركم مقتطفات
من حياة سامري.
سامري:كعدت بأحد الايام الصُبح
ساعة ٧ والكه نفسي غركانه بالدم طكعه مطبوعة على دشداشتي وعلى الفراش أَتلمس بالفراش بيدي بي دم ومغص ببطني مو طبيعي و جسمي كُله يوجعني.
سامري:من كد ماخفت كلت بقلبي خاف
جارحة نفسي بأَظافري أَني ونايمه وما
ادري بنفسي غطيت رآسي بالبطانية.
سامري:وظليت أَبجي جوه الغطه ومخليه إِيدي على حلكي اااخ يمه
يمكن حااموت وكُلشي مشايفه بحياتي.
سامري: فجأةً أَمي أَجت وتنده بيه
أَمي:سااامري سااامري كُعدي بنيتي يااا صدك جذب هاي البنية شبيه اليوم!؟
أَمي:نايمه لهسه وفوكاه خانسة مو مثل
كل مرة بسُرعة تُكعد تفز من اول صوت.
سامري:وشوي تتقرب مني ودنك عليه
وترفع الغطه من على رأَسي لا لالا يربي.
أَمي:هاااا يمه شبيج سودة عليه ليش
تبجين ووجهج أصفر مثل ليمونة تعاي لحضني حبيبتي وسولفيلي منو وياج.
سامري:جن كمت كعدت ومدنكه رأَسي وأَتلفلف بالبطانية ودموع تارسه عيني
مثل شط العرب(هههههه) وجنت ارجف
من الخوف.
سامري: يمه مدري يمكن جرحت نفسي دم اكو بالملابس والفراش بس عفيه لاتضربيني ماادري تره لان جنت نايمة وكعدت ولكيت نفسي هيج
امي:ضحكت هههههه وج سامري كبرتي يبنيتي لاتخافين ماكو شي هااا.
سامري:يمه شنو يعني كبرت قابل زغيرة
اني (وصرت عصبية عود)😡
سامري:كعدت يمي قريب الفراش وتهمس بصوت ناصي.
أَمي:تعاي دني يمي رأَسج خل أَتشاور وياج بإذنج ميصير يسمعنه أَحد.
أَمي:راح أَعلمج وأَسمعيني بنيتي أَنتي كبرتي وهذي يسموه دورة الشهرية الدورة كُل شهر من٥-٧ أَيام ديرين بالج على نفسج لاتأكلين حمضيات ولا أَشياء باردة.
سامري:يمه خو مااموت خاف يخلص دمي وكُلشي مشفت بحياتي هااا ااه ااه
أَمي:هي مجرد تنظيف للرحم حبيبتي وكلنه بعمرج صار ويانا نفس الشي لذلك ماكو شي يخوف ولا تخجلين مني.
أَمي:لاظلين توهووسين وج يمكموعة دكومي خل أَنطيج ملابس وغسلي و
أَعلمج شسوين يروحي بعدين.
سامري:اااايي اايي يمه غير ماأَعرُف و داأَسالج راح أَكوم يله.
أَمي:اِغسلي قبل لايكعدون إخوانج مِن النوم ومِن تخلصين رجعي نامي.
أَمي:واني اجيبلج الريوك لهنااذا سأَلني عليج أَبوج وإِخوانج أَكلهم مريضة اليوم.
سامري:أَي قابل راح أَنام بالحمام ييمه شدعوة هيجي.
أَمي:خل أَكوم أَغسل الفراش وملابسج
قبل لايكعدون أبوج واخوانج.
أَمي:توكلتُ عليك ياحُيُ ياقيوم طويت
الفراش ومِن طلعت سامري غسلته هو
وملابسه.
أَمي:الحمدلله خلصت خل أَكعد الحجي وأَولادي أشو لهسه نايمين خل أَروح
للمطبخ أَسويلهم ريوك بالأَول.
أَمي:حجي أَكعُد عيني حتى نتريك كُلنه ووياك وعي حسن وأَحمد.
أَبوي:أَييي عيني جاي جاي شبيج متخلين احد ينام.
أَمي:حسن أَحمد دكعدوا ييمه مو نمتوا سوه شسالفتكم كل يوم نفس الحالة أَظل أَصيح 😡.
سامري:أَمي تُكعد قبلنه كُلنه وتشغل التلفزيون وتخلي على قناة كربلاء
الفضائية وجان من صبح دوم يطلع
دعاء الصباح بصوت /فاضل المالكي.
سامري:وتفتح الشبابيك وتطلع للحديقة ترش مي للثيلة وتحضر الريوك وتوعينه
كُلنه من النوم بعده.
سامري:نبذة من دعاء الصباح كُلش
أَحبه وهيجي اَستشعر نعم الله علينا
من استمع له.
بِسْمِ الله الرَّحْمنِ الرَّحِيمِ
اللّهُمَّ يامَنْ دَلَعَ لِسانَ الصَّباحِ بِنُطْقِ تَبَلُّجهِ، وَسَرَّحَ قِطَعَ اللَّيْلِ المُظْلِمِ بِغَياهِبِ تَلَجْلُجِهِ، وَأَتْقَنَ صُنْعَ الفَلَكِ الدَّوّارِ فِي مَقادِيرِ تَبَرُّجِهِ، وَشَعْشَعَ ضِياءَ الشَّمْسِ بِنُورِ تَأَجُّجِهِ ، يامَنْ دَلَّ عَلى ذاتِهِ بِذاتِهِ.
أَمي:خليت صينية الريوك
(كيمر وكاهي من محل طه النعيمي
المشهور ببغداد وقوري جاي مهيل)
وخُبز حار مكسب.
أَمي:كعد الحجي وأُولاده سمينه بأَسم الله(بسم الله الرحمن الرحيم) وكعدنه نأَكُل.
أَبوي:أَحمد اِبني السبع أَكو فاتحة العصر حتى أَخذك وياي حضر نفسك.
أَحمد:خو أُخذ حسن أَحسن مااريد مالي خلك وجو حار كُلش.
أَبوي:ضحكت ههههه ماله خلك أَنتَ أَبني الجبير شنو أَخذ حسن زغير بعده وكلشي ميفتهم أَصلآ.
أَمي:حجي أَخذهم إِثنينهم حتى جدهم مرات يسأَل ليش مايجون لديوان يكعدون يمه.
أَبوي:هو راح أَخذهم اثنينهم ميخالف.
أَبوي:أَكلج عود تذكرت سامري وين شو ماكو ؟؟
أَمي:ياااسودة عليه مريضة وعفته نايمه
داوي نار جسمه وتصيح من الوجع يمكن فلونزا إِنطيته دوه ونامت.
أَبوي:إِييي إِييي خليه نايمه اليوم لعد
بس لاتتمضيك زايد وياخذه الواهس.
أَحمد:بويه وأَني أَعيط بعلو صوتي
ال( 10 الالاف) الي إِنطيته اليه
البارحة ماهي يمكن باكه حسن؟؟
حسن:لع شعليه وأَصلآ ماأَدري عندك
فلوس لوما كلت هسه.
أَبوي:حسن أَدبسسز أَني كاعد وتتعارك
ويا اخوك الجبير كبالي ليش تحجي ويا
بهل الاسلوب وماتحترمه هاااا.
أَحمد:بويه هو يغار مني لانه مدللني
وهمات كلما تنطيني فلوس يظل يباوع
عليه فأكيد هو باكهن من غيرته كالعادة.
أبوي:حسن كككوم على حيلك وتعال يمي حقير بواك اني هيج ربيتك.
حسن:كمت ورحت لابوي فضربني راشدي منسيته لدرجة سوه احمرار بخدي بوقته من شدته.
أمي:حجي حسن لو شاف الفلوس بالكاع
مايشيله للليش هيجي ضربته وحرمته من الريوك على شي ميستاهل.
ابوي:اسكتي أااتي معليج ولا يكمل ريوك حتى طلعلي الفلوس من جوه الكاع هسه.
أحمد:أييي بويه عفية خيطلعهن ههههه
حسن:أَني الحمدلله شبعت احاول ماادور الفلوس الك أحمد لان اته دائماً ضيعهن.
امي:سودة عليه يبعد قلبي أني وليدي
تعال لحضني وين ييمه بعد وكت.
حسن:ابتسمت لأمي لا عاشت ايديناتج حبيبتي وهم أَشوف سامري خطيه و
اطمئن عليه.
أَبوي: أَنتَ حسن طول عمرك ماتحترم أَحد بعدك جاهل وهيجي ستار الله إذا كبرت.
أَمي: تره همه جهال بيناتهم و
إِخوان يتصافون ان شاء الله
لاتسوي حزازيات بيناتهم فدوة
أَبوي:اِاسكتي أَنتِ محد غيرج خله
حسن هيج شخصيته وأَسلوبه كله
من وره تربيتج الغلط.
أَحمد: يله بويه إِنطيني 10 الآلآف
أَريد هسه يله يله معليه عاااا عااا
(مستمر أَصيح وأَدفر بالصينية).
أَحمد:تره مااروح للفاتحة
وياك ما ااا معليه يله يله كاظم
أَبوي:طلعت 25 الف من جيبي و
إِنطيته اله فرح أَحمد وكام على حيله
من كبال الصينيةو ما مصدك ويكمز
منا ومنا.
أَمي:شنو هذا الدلال حجي تره بعده زغير وهذا مردوده سلبي من يكبر باجر عكبه.
أَمي:وأَخوه حسن خطيه هيج تفرق حرام عليك تكسر بخاطره دومك.
أَبوي:اااأفرق موههههه والله نسوان تالي وكت دعيديه الا أَطلكج بت الفكور.
أَبوي:دكومي شيلي الصينية وعاوني
أَمي لاتعوفيه بوحده اليوم عد أَبوي
خطار من الديوانية وبتج ختعاونج
لاظل مطمورة لظهاري.
سامري:ملاحظة/جانت أَمي تلتزم
الصمت وياأَبوي بأَكثر الاوقات لانه
يهدده بالطلاك إِذا تدخلت بتربيته
لأَحمد فتتحمل منه كُلشي علمودنا.
سامري:جان أَحمد دوم يطلع ويا أَبوي للديوان مال جدي وللفواتح والاعراس.
سامري:حسن جان أَقرب واحد بالبيت
اليه من الطفولة.
سامري:ودوم جنه نسولف سوه ومرات يساعدني بشغل البيت ونلعب بالحديقة مرات من يطلع أَبوي.
سامري:ملاحظة/ جان خالي رشيد يدزلي كُتب وجنت اَقراهاوأَستذكر أَيام الدراسة
الي إِنحرمت منه والدموع تبلل الورق.
سامري:كبر أَحمد وصار مراهق وياريته
ظل زغير ونتحسر على دلال أَبوي اله
أَني وحسن واحنه زغار.
أَبوي:أحمد بويه تعااال ليه خل نسولف
سامري ووولج سوينه جاي واستعجلي
أَحمد:أَييي بويه أَجيتك هياتني
عندك رحت وكعدت يمه بالهول.
أَبوي:سامري وين الجاي الجاي يمعودة
باجر عكبه شلون ببيت رجلج فاهية.
سامري:أَاااييي بويه هياتني حيصير
(أَستغفر الله صبر منك ربي دااحجي بقلبي)
أَحمد:الله وكيلك بويه تطلك من أَول يوم
وترد تكابلنه.
أَحمد:اذا جاي هلكد وكت تسوي بي
😏غير طبخة شكثر تظل.
أَبوي:عفيه ببني السبع ههههههه
اكلك أَريدك تتعلم مني إبني باجر
عكبه الله يأخذ امانته فلازم تتحمل
مسؤولية من هسه.
أحمد:بويه عمرك طويل ان شاء الله
بس تدري عبالي شيء مهم ضيعت
وكتي ااترخص (شكد فارغ داكول بقلبي)
سامري:جبت الصينية خليته كبالهم أَحمد وأَبوي يخزرون بيه ووين صرتي غلست اني ورحت لغرفتي.
أَبوي:تقربت من أَذن أَحمد ونتهامس هاي أُختك على أَبواب زواج ديربالك عليه من هسه هي بفترة مراهقة فتراقبه دوم خاف تسوي مكسورة وتجيب العار لبيتنا وتدمر سمعتنه بالمنطقة.
أَحمد:هاي هي بويه بعد تأَمرني بشي
كل أُوامرك على رآسي حجي.
أَبوي:ولك أَحمد شو من إِشتريتلك موبايل وخليت أَنترنت وأَنتَ متُكعد
ويا أَبوك هااا ولك؟؟
أَحمد:بويه إسوالفك مملة ومال أيام زمان وأَني داأَريد أَعيش شبابي اظل مكابلك قابل.
أبوي:كوم اوليدي سبع براحتك ومااوصيك بعد.
أَمي:جنت داأَقرا قرآن بالغرفة أَدعي بعد
كل سورة أتممه الله يرزق سامري الزوج
الصالح وتعيش حياة افضل من حياتي.
سامري:اااخ تعبت من الشغل يالله راح أموت من التعب أحس ظهري أنكسم نصين ذبيت نفسي على فراشي ارتاح.
أَحمد:يله أَتوكل بويه ولاتصيحني بعد
لأَن مشغول شوية مرات هواي عود هههه
أَبوي:أَني هم رايح أَنام يله كلمن لغرفته
وتصبح على خير وليدي أَحمد.
أَحمد:واانتَ من اهل الخيرر حجي
حسن:اِرجعت مِن الحديقة لغرفتنا أني واحمد لانه جنت اقرا بره وكلت اخذ
استراحة.
حسن:رجعت والكه أَحمد نايم على فراشه وداير وجههَ على الحايط ويباوع فوق ال🔞 ومندمج وياهم حتى ماحس عليه من صرت وراه
حسن:وشفته شدايباوع....يااا
أَستغفر الله...ياا😱شنو هل القرف.
حسن:أَحجي بقلبي ظليت خل اروح اقرا
فدااقرا يربي لهسه افكر بالاشياء شفته
حسن:شنو هاي جاي اقرا وأَبالي شكولاتهم وحركاتهم هم مقزز ياربي
شنو هالسوالف
اللهم اغفر لي واغفر لأحمد فهو غافل.
حسن:ظليت مصدوم شنو هسوالف احمد بعده زغير ومنو معلمه هيج يدخل مواقع وهو مراهق ؟؟
أَحمد:يييله شوكت تطفي الضوه خنام ما شبعت من الدراسة ماجزعت متصير عالم تره ولا برأَسك خير.
حسن:مرات من أَتجاهلك مو ماأَعرُف أرُد
بس أَنتَ أَخوي وماأَحب أَكسُر بخاطرك ابد
أَحمد:كمت وطفيت الضوه على حسن وهو يراجع بكتابه على فراشه.
حسن:كمت أَخذت كتابي وكعدت بالحديقة أَراجع لحد مصارت ب12 بالليل.
حسن:وعيت أَمي وسامري علمود نصلي صلاة الليل سويه.
أَحمد:جنت كل يوم بالليل أَشوف أَفلام فوق🔞 أَنسى الدنيا وأَخدر عالاخير.
أَحمد:اييي أَتمنى أَسوي مثلهم جاي أَستمتع من صُدُك وحتى مدمن صرت هيج افلام.
شمس:من علم أحمد يدخل هكذا مواقع
🔞 وهو في سن المراهقة أخطر سن؟؟
أَحمد:أَصدقائي نصحوني أَشوف وكلولي
أنتَ كبرت لازم تشوف هيج أَفلام
حسن:تكرر نفس المشهد كبالي شي يوم من الايام بس شفته يتبادل ويا أَصدقاءهَ صور وفيديوهات فكلت لازم انصحه.
أَحمد:أَجاني حسن وكالي عوف الموبايل شوية خل نسولف كإخوان سوه شنو رأَيك نصير أَصدقاء؟؟
حسن:وافق أَحمد بس مو راضي عن الكلام الي حجيته اله ومتردد جان حيل انه يقتنع.
أَحمد:شنسولف برأَيك وأَنت فول مؤمن ومتفوق بدراستك وأَني كلشي ماكو صفر
من كُله.
حسن:كتله بله شوفني بالموبايل شجاي تشوف خل نباوع سوه شنو رأَيك؟؟
أَحمد:لا لا شي مايخُصك ابداً
وضميت موبايلي جوه المخدة.
حسن:أَنتَ ليش تشوف أَشياء مثل هذي
(تعرف شنو أَقصد) أَحمد مو لأَنهُ شفتك
كذا مرة وغلست وكلت بعدين أَنصحه.
أَحمد:اِرتبكت ش شن شنو أَنتَ تدري بيه؟
حسن:أيي بس أَني مراح أَكول لأَحد مقابل تقبل بشروط راحتقبل بشروط راح أَكوله الك؟؟
أَحمد:وجاي تتشرط فوكاه وإذا كتلك أني شمسوي قابل أَني كبرت ولازم أدخل لهيج مواقع واشوف هيج افلام.
حسن:غلط منو كلك لازم الي يكبر يشوف هيج أفلام (هذا غباء بعينه).
حسن:بعدين متنقبل صلاتك لمدة 40
يوم وتُطرد من رحمة الله والله ميوفقك بحياتك بكل خطوة تخطوها.
أَحمد:كلشي مايصير بيه مو من بِلغت لحد هسه مامصلي فرض لحد هسه الله ماعاقبني أَنتَ مكان الله وحدك تمسلت.
حسن:لانهُ {غفورٌ رحيم} ويريدك ترجعله وتصلي وتترك كُلشي مايرضي جلالته.
أَحمد:بعدين أَنتَ شعليك بيه أَصلي الله يذبني بالنار بالجنة معليك وصراحة أَني أَكُرهك مِن زُغري لحد هسه.
حسن:اِبتسمت وأَباوع بعيونه وهو يباوع عليه بغيض وكُره زين أَكدر أَعرُف ليش ؟؟
أَحمد:لأَنهُ أَنتَ أَحسن مني بكُلشي يله ككافي كافي خل أَنام الحجي وياك مضيعه للوكت غطيت رأَسي ونمت.
حسن:اِنكسر بخاطري لمن كالي أَني أَكُرهك بس أَني كلت اكيد حيحبني
شي يوم متأكد.
حسن:جنت هيج أَقنع بروحي دوم أنه احمد شما سوه وياي هو يحبني.
شمس:أُخبركم عن أَسوء الامور التي فعلها أَحمد من سن المراهقة الى 17
من عمره.
سامري: مرة جان طالع هو وأَصدقاءهَ يفترون العصر وجان جيرانه رجل جبير
بالسن (سيد حامد ) قارئ للحسين(ع).
أَحمد:جنت أَضوج من سيد حامد لأنهُ
كلما شافني بالشارع ظل ينصحني ويعلمني.
سيد حامد:كون مؤدب مثل أَخلاق الحسين(ع) لاتخرب وتسوي مشاكل
وين ماتُكعد حرام عليك وليدي.
أَحمد :جنت أتَحمله على أَعصابي وأَظل
أَكُله ميخالف ميخالف.
أَحمد: فأني ردت أَنتقم منه فبيوم من
الايام جاي يتمشى بالشارع وهم شافني
وسلم عليه فدنيت يمه وجان يتكأَ على عُكازة فأَخذُته من إيدهَ وشمرته بعيد ودفرته برجلي بالكاع وطيحته بالشارع وركضت بعيد عنه.
سيد حامد:ااخ ااخ ليش هيج وليدي أني
بكد جدك حرام عليك.
سيد حامد:اااخ ااخ جسمي بعد ماأَكدر
أَكوم لدرجة صرت أَبجي وأَتنخى بالله.
ينطيني القوة حتى أَكوم على حيلي وكلما أَتوجه على الكاع وأَرد أَكوم إديهَ يرجفن ومااكدر اااخ اااخ
أَحمد:أَني وأَصدقائي ظلينه نضحك
عليه واحنه نباوع عليه يستنجد بالناس.
أَحمد:شوي وأَجه سفير الانسانية حسن وكومه ونكث دشداشته وباسه من رأَسه وكاله.
حسن:إمسحهَ بوجهي كُلشي صار وياك
أَني أَعتذر نيابة عن أحمد.
سيدحامد:ياوليدي حسن ياريت مثلك
أحمد هيج بس للاسف الله يحشرك مع الحسين(ع).
حسن:رحمة الله والديك حجي ربي يرزقك الصحة والعافية ورجعتله عكازته بأيده
حسن:أَحمد للليش هيجي حجي حامد خطيه
وتصرفك غلط ومابي رحمة هو بكد جدك
حسن: قال النبي محمد(ص)
اِرحموا من في الارض يرحمُكم من في السماء. صدق رسول الله
أَحمد:لاظل تتفلسف ولي عني اِسوي نفسك عود أِنت خوش آدمي وأَني س**اقط ولي عني.
حسن:هذا هو أَنتَ خرب وأَني أَصلح ميخالف
بس والله مااعوفك لحد مااموت :).
شمس:برأيكم تصرف أحمد صحيح؟؟
أَحمد:جنت انزعج من الناس لانه تحب
حسن وحتى اصدقائي يتمنون يصيرون
مثله ويطلع الاول بكل المراحل دراسية.
حسن:جنت أَضوج على أَحمد شلون
مضيع شبابه لادراسة ولا شغل ولا صلاة
وكاضيه طلعات ويا أَصدقاء السوء.
حسن:وساد الشارع على الناس نراكيل وجكاير ويتحارش برايح والجاي لا بنية خلصت منه ولا رجل جبير بالسن ولاحتى
جاهل.
حسن:جانوا يجوون يشكون لأَبوي وأَبوي يكلهم:
أَبوي:يله ميخالف أَني أَضربه وأَكسر ضلوعه لأَحمد هالكلب منزل رآسي كبال اهل المنطقة والناس محد يحترمنا بعد من وراه.
حسن:بس الناس تدير وجه وتمشي من بيتنا يتغير الكلام والموقف ويا أحمد.
أَبوي:أَحمد وليدي هاي شجاي يصير شو
كل شوي جاي أَحد يشتكي منك.
أَحمد:بويه هم كله المنطقة مشتغلين براسي ناصحين ومؤمنين وكلهم من جوه لجوه وين نروح متكلي.
أَحمد:بس أَكعد بباب البيت لو برأس الشارع وكله إنجلبت عليه تريدني أَسكت الهم مثلاً؟؟
أَبوي:لا لا وليدي لاتُسكت عاشت أَيدك
أَحمد:خله أَيده على رآسي وكالي عفيه بالسبع وليدي كبر وصار الكل يحسبله ألف حساب.
سامري: مرة جانت بنت الجيران ماخذه أَخوها ورايحه تشتريله شيبس من الدكان الظهُر تقريباً ساعة 3 وجان أَحمد طالع.
أَحمد:ركضت وراه بالشارع وجريت عبايته من رآسه وطاحت على جتافاته وطلع شعره واِنهزمت أني اضحك عليه فمن فشلته ظلت تجر بعبايته وتحاول تخليه على راسه و تبجي واخذت اخوه وركضت لبيتهم.
سامري:راحت اِشتكت لأَهله فوصل الحجي لجدي وكعدوا أَهل البنية ويا أحمد وابوي بالديوان حتى يحلون المشكلة.
حسن:من سمعت بالموضوع كلت لا مو
لهنا توصل بأَحمد المواصيل لازم اوكفه
عد حده هذا واجبي كأَخ اله.
حسن:فرحت لديوان مال جدي لأَول مرة
دخلتله كلت السلام عليكم:
رد الناس بديوان جدي:
وعليكم السلام ....وعليكم السلام
وعليكم السلام ورحمة الله وبركاته
تفضل تفضل
جدي:شنو خطأ حفيدي أحمد سولف أبو جواد خل نفتهم ونلكه حل للمشكلة.
أَبوجواد:والله اِبنكم أَحمد من يوم يومه
راعي شر و إذا غيري سكت أَني ما اسكت
جر عباية بنتي بنص الشارع شنو هالتصرف منو يقبله على عرضه؟؟
أَبوي:أَبني مايغلط الا اذا شاف عبايته مامرتبة وعدله لان إبني أَحمد غيور.
أَحمد:أَي بويه جان طالع فرك صدره من الدشداشة ومفرعه وتمشي ومتدري بروحه فعدلت عبايته ونبهته على هشي.
جدي:سمعت خو بإذنك عن اخلاق حفيدي أحمد اكيد بنتك جذابة وتتبلى عليه.
أبو جواد:ياااا ياااا بنتي متجذب واني تعبان عليه شنو هالحجي.
أَحمد:لان يمكن ما منتبهَ خطيه وبنت جيرانه هي مثل أُختي سامري تريدني أَظل أَباوع وأَسكت.
أَبوجواد:جذب شنو هالتأَليف والبنية حجتلي كُلشي هااا عمي أبو كاظم ااإححججي كول الحق.
جدي:الحق ويا حفيدي وهو ميجذب زين
واذا معاجبك الحجي الباب يفوت جمل
حسن:بقلبي داحجي ليش دايغطون على أحمد حتى يسوي الاكبر من هاي بعد.
أَحمد:لعد هاي تتبلى عليه حتى توكعني
لان مانطيته وجه بيوم من الايام.
أَبوجواد: شنووو هالحجي دور ياااا بويه تريد تورط بنتي وياك.
أَحمد:خلوني ساكت ماأَطلع الي أَعرفه
عنه لان ماينلبس عليه ثوب.
حسن:بقلبي داكول مو عندك أُخت ليش تشوه بسمعة البنية مو حرام كما تدين
تدان باج عكبه.
جواد:شنو شمسويه مثلاً كُلي حتى اعرف شتصرف وياه الا ادفنه بالكاع
هي وعدله.
أبوي:خو سمعت ابو جواد ابني وعُرفت الحقيقة بعد لاظل تتهجم ودور حجج
على ابني.
أبو جواد:اكيد اكو شهود همه يثبتون براءة بنتي اخوه زغير جان وياه.
جدي:لو مو وياه اخوه زغير لو أني بذات نفسي حااكولك شعده طالعة اصلاً
اااحمد اااحمد اِعتذر من عمك بسُرعة
وبعدين اني اعرف شتصرف وياك
أحمد:اني اعتذر عمو ابوجواد ومراح
تنعاد مرة لخ
حسن:بدات ناس تطلع من ديوان وجواد اخو البنية طلع وهو عصبي بعد لحظات
طبعا أني صافن واباوع عليهم.
أبو جواد: ظليت صافن بحيث كل اصابع الاتهام لبنتي واحمد لعد ؟؟كلام ياخذني
وكلام يوديني فقررت اعوف الديوان و
اروح للبيت
جدي: هااوأَواصيك كسر رجليه لبنتك وضبه شوية كولله ظهاري لاتطلع تفتر عيب البنية تطلع الا اذا عده شي ستار الله.
أبو جواد:خوش عمي أبو كاظم مع سلامة اني هم اتوكل للبيت نستودعكم الله .
حسن:بعده فرغ الديوان مع ذلك طلعت الناس وهي تحجي بسمعة البنية وتشكك والبعض متقبل حكم جدي الباطل
جدي:ناس فارغة وفوكاه ماعجبهم الكلام عينييي هي البنية مو راحة اصلاً.
حسن:اشرت على جدي بأصبعي وكتله عادي اسولف وتسمعني بدون مقاطعة
جدي:أيييي تفضل سولف اسمعك
(رديت عليه من وره خشمي وكوهه )
حسن:جدوو أَنت بمكانة ملازم تجذب بيه ولا تشوه سمعة بنية محصنة أَنتَ دائماً تغلط ومايوم جان حُكمك يرضي الله تحلل الحرام وتحرم الحلال وشكد مايجور الظالم تاليته المظلوم يفلح وناس تلعنك بعد مماتك اته مو خادم
الحسين شلون تسوي هيج.
أَبوي:كمتله عله حيلي ولك س**اقط اِحترم جدك شنو هالحجي الخريطي مالتك بالبيت اعلمك تحجي مرة لخ.
جدي:عوووفه يحجي أبو أحمد خل اسمعه هذا الملعون
حسن:تمام أَني رايح قبلكم للبيت ماأَريد أكعُد بمجالس متسترة بدين الله وهمه داخلهم وصخ.
جدي:اثر بيه كلامه بحيث رغم جنت عصبي وردت اكوم أقتله وماينشفي غليلي هم اول مرة شخص هيج يتحداني بلا خوف.
جدي:مااجذب بوقته رجف قلبي بحيث كلماته جانت مرعبة وثكيلة واكبر منه سناً ؟!
اترسبت بذاكرتي للابد
أَحمد:أَنت شايف نفسك حيل شي يوم توكع على وجهك وأَضحك عليك.
حسن:الي ويا الحسين ميوكع أَبد ولا ينزل رأسه 🙂 يله مع السلامة ورحت للبيت.
جدي:صفنت كاااظم ابنك حسن منو علمه هيج يحجي كُلي منوووو وشلون هيج.
أَبوي:بويه أَمسحه بوجهي تدري بي
هو هوو يمسلت لاتخلي كلامه يغثك
ولا تخلي اِبالك بس أَرجع للبيت أَعرف شتصرف ويا امه معرفت تربي.
جدي:كووم اذا تحبني روح ربي واصلخ
جلده عن جسمه هو وامه هالحقير الكلب.
أَبوي:يله مع السلامة حاضر مايصير خاطرك الا طيب
سامري:رجعوا للبيت بس جان أَبوي عيونه حمر ومعصب ويلهث أَجه يركض للبيت.
أبوي:حسسسن حسسسن حقير وينك ياعار تتحاقر ويا جدك
أَحمد:أني رحت نمت بهذي الاثناء.
أَمي:أَجيت وأَني كوه واكفه من كد الخوف هااا شبي حسن شمسوي حجي.
أَبوي:ونعم منج ست الحسن مربيتلي
خوش ولد ؟؟
أَمي:شبي حسن شمسوي غير اعرُف
حسن:أَني أَكلج يمه اليوم أَبوي متحلف بيه لانهُ حجيت الحق بمجلس الباطل.
أَبوي:أَنجب أَبن النعال متحترم لا جبير ولا زغير نزلت رأَسي كبال الناس.
أَبوي:سامري جيبيلي الصوندة عسريع
عسريع اِركضي.
سامري:أَني نخمش قلبي هنا متت خوف كلت خاف حيضرب حسن (ظليت واكفه ومترددة أَروح أَجيبه اله)
أَبوي:أَني مو داحاجيج جيبيلي صوندة
لا والله يصير غير حجي اليوم.
سامري:راح حسن جابلي الصوندة وأَنطاه اليه.
أَبوي:أَخذت الصوندة من إيده سحبته
بقوة فتقربت على العلوية مرتي ردت أَضربه بالصوندة واني اصيح ارد اربيج اليوم.
أَمي:شكفت ابإيديه على رأَسي وغمضت عيوني وخفت كُلش لع حجي فدوة جهال
كبار اااخ ااخ.
أَبوي:ويا ماردت أَضربه حسن لزم الصوندة ودفعني مخلاني أَمد إيدي عليه.
حسن:بويه أَني الغلطان أَمي معليه أَضربني اليه لان لو مديت إيدك عليه
راح اكسره لإيدك لو مو كاظم بكر واكف بوجهي.
أَبوي:لزمت الصوندة بكل قوتي وضربت حسن (بس الي تفاجئت بي حسن ميبجي ولا يردني) بس جان يتلوه من الالم وهو ساكت.
أَمي: عمت عيني عليك كافي حرام عليك وصرت أَبجي وارد أَوخر بالحجي فد ما
أَكدر له اااخ اااه اااه لا حجي دخيلك
سامري:جمدت بمكاني ودموع تنزل من عيوني وأَردد لا بويه حسن خطيه كافي فدوة كااافي.
أَبوي:لمن شفت حسن فقد وعيه وطاح
أَني عبالي مات كعدت بالكاع وأَضرب بخدوده حسسن.. ووليدي أُكعد..حسن حسسن..
أَبوي:ضربته بحيث تشكك تشيرته من الضرب ودم صار يجري من جسمه ولمن
فقد وعيه يله عفته.
أمي: حضنت حسن وابجي عليه وهو يتمتم
حسن:يُمه يمه تره مابيه شي وابتسمت له.
أمي:لعنت الله على شيطان انا لله وانا اليه راجعون شبيك حجي شصار وياك جهولتنه بهل الليل اااخ اااخ حسن ييمه سودة عليه
ابوي:شغلت سيارتي ونقلت حسن للمضمد جيرانه خفت من مستشفى اروح ويصير بيه سين وجيم واسئلة هواي عن وضعه.
سامري:مرت الايام وكام حسن بالسلامة فأَحمد كعد بباب البيت هو واصدقاؤه
وكالعادة مايخلون احد بحاله ومشغلين
اغاني بعلو صوته ونراكيل يدخنون هم.
سامري:فحسن طلع يجيب مسواك للبيت.
حسن:أَحمد من رخصتك أَرد أَروح للسوك
أَنت ساد الشارع كالعادة شسالفتك؟؟
أَحمد:كمتله على حيلي ولزمته من تشيرته وهو لزمني من تشيرتي.
أَحمد:كتلك فوت حالي كااافي كاافي وأَصيح بعلو صوتي أَنتَ متفتهم أَتريد بطريقة ثانية افهمك هاااا.
حسن:فهمني بطريقتك الثانية اِحتمال آفهم.
أَحمد:كمت ضربت حسن بوكس بوجه و دفعته بالكاع ونمت فوكه وصرت أَضرب
بي بوكسيات وهو يبتسم ويكلي أَخاف
عليك تندم شي يوم وتعض أَصابعك لحد
مايجرن دم من ندم أَحمد
أَحمد:وجه الملائكي خليته ينزف من كل
جهة ومارفلي جفن بس لمن كلي أَحمد
حتندم وكفت أَضرب بي وفجأَة صرت
أَبجي🥺 وهو بين إديه.
أَحمد:التمت علينه الناس وأَصدقائي لزموا بيه ووخروني عنه رغم جنت شرس ومستحيل أحد يدنالي لان كله تخاف مني.
أحمد:مرت ايام وكالعادة حسن مثل ظلي دايعيش ويحاول وياي بكل طرق.
أَحمد:جنت أَطلع واتأَخر محد يسأَل عليه ماعدا حسن يظل ينتظرني ويتحمل كُل سوء مني بالحجي والفعل.
سامري:كبر أَحمد وصار شاب بعمر الورد
17 سنة
سامري:شي يوم من الايام سمعته ايخابر
أَحمد:شنو ولك اليوم نتشاوف بشارع فلسطين ؟؟
ليث:أَي تعال ضاملك شي الا يخليك تطير للسمه وتنسى عشيرتك ههههههه
أَحمد:ههههه هسه شويه وأَصير يمك بس
بس العنوان دزلياه.
ليث:أَي خادم اِلك اني اجيك اخذك بسيارتي أحسن.
أحمد:يله خوش لعد اتصل بيه من توصل حتى اطلعلك
سامري:رحت حجيت لحسن كُلشي بسُرعة.
حسن:أَميرتي لاتخافين عليه ماكو شي
إن شاء الله نامي واِرتاحي.
حسن:أَني بعدين أَعرف منه كُلشي واساعده
سامري:طلع أَحمد من البيت ساعة 9 بالليل وهو متعطر وكاشخ على اخر شي.
أَحمد:وجان يوصل ليث ونطلع سويه بسيارته ونوصل لشارع فلسطين ونكعد
بشي ركن على صفحة.
أَحمد:دور فجأَة طلعلي من العلاكة
بُطل عرك؟؟
أَحمد:شنو ولك هذا ؟؟
ليث:لاتغشم نفسك ماشايفه بالحقيقة بالتلفزيون بالموبايل شدعوة.
أَحمد:عرك مو؟؟😳
ليث:أي شبيك لعد متعجب قابل شكو
أَحمد:وتريدني أَشربه موو؟!
ليث:يي لعد قابل تباوع عليه ههههههه
أحمد:خو مااكوم امسلت ويغمى عليه هااا
ليث:مايصير بيك شي برقبتي اشرب الا تكلي اريد كُل يوم.
أَحمد:يله خل أَجرب وجاي أَشربه مر كُلش ومطيب فبزيته بالكاع عوع شنو هاي عح عح شنو هاي القرف حتى ريحته مقرفة.
ليث: بعد بعد شوي شوي تتعود عليه جرب ابلعه انت رجل لازم تصير
أَحمد:أَييي راح أَجرب وفعلا شربت
وأَجرعته شوي شوي حد مخلصت البطل.
أَحمد:فقدت وظليت أَهذي وأَهلوس مدري شحجي بحيث كمت أَخلي بنعال وأَشرب وضحك وفشاير اني وليث.
أَحمد:نقلني ليث وذبني بباب البيت ساعة ب12 بالليل ورأَسي يريد ينفجر من الوجع وكوه مفتح.
أَحمد:ففجأَة فتحلي أَبوي الباب وصاح حسن تعااال بويه خلي نشيل أحمد.
أَحمد:صرت أَستفرغ على دشداشة أَبوي
وهو ساندني على متنه عذراً كاظم وصخت سمعتك مو ههههههه
أبوي:والله لوو بوعيك جان عرفت شتصرف وياك أثول منو ضحك عليك.
حسن:بويه خل ندخله للحمام حتى يرجعله وعيه من يغسل بالمي بلكي الله.
أَحمد:أَبوي وحسن خلوني بالحمام جوه الدوش أني وملابسي صحيت شوية
أَبوي:(جنت على أَعصابي) من شفته بهذاك الوضع وريحت العرك تارسه هدومه وبباب البيت مشمور كبال الناس يمسلت بالحجي ويفشر حتى عليه.
أَحمد:(كاظم انت واحد نذل مدللني و عايف حسن تحجي بدين وأَنت غاضب الله)
دور كمت أَصفكله عفيه خوش تربية كاظم أَني جاي ااأطير أَنت س**اقط متدور أَبنك بس حسن يدور عليه ههههههه هههههاي.
حسن:راد أَبوي يضربه كتله لا بويه مو بوعيه تره بس يصحه تفاهم ويا بهدؤء والله يهدي لطريق الصحيح.
أَحمد:صحيت (واكول بقلبي ياريتني لم أصحو) والكه أَبوي واكفلي بباب الحمام ولازم حزامه بلعت ريكي من الخوف و
جنت دايخ حيل وناسي اصلاً شنو صار.
أَحمد:(اِجاك الموت ياتارك الصلاة) أَول مرة اخاف منه بحياتي كُله.
أَحمد:طلعت ويلزمني الا خلاني أَزحف بالكاع ويضرب ويكلي ماربتك أَمك ابن شوارع نزلت رآسي كبال أَمه محمد لو مربي جلب و لاولد مثلك يا عار الزلم.
حسن:وكفت كبال أَبوي وأَني أَدفع بي عن أَحمد وأَغمز لأَحمد وأَكول لاَبوي
بعد ميعيده هذي آخر مرة لخاطري بس هالمرة.
(أَحمد أَفتهم المعنى )
حسن:وصلي على محمد وآل محمد أَنت مريض بويه وكعدته على الكرسي و أَنطيته مي.
أَحمد:بويه ماأَعيده بعد هذي آخر مرة
وعد هاي كبال الله وكبالكم ماأَعيده
وأَني اتلوه من الوجع أااخ يمه اااخ.
أَبوي:طلعة ماكو حضرت أَحمد بعد
(والله الي روحي بيده لو ماحسن جان كطعت الحزام عليك)تُف عليك !نذل
أبوي:تشرب زقنبوت بعد شسوي شنو
ماخليته بنفسك كلي هااااا كلي
أَحمد:مثلما تأَمرني حجي حاضر يصير خيركااافي تعيد بالموضوع مو وعدتك بعد.
أبوي:تعااال لحضني احمد شما تسوي مااكدر اشوفك متألم ومقهور مني بس لمصلحتك.
أحمد:حضنت أبوي وتراضينادور رحت نمت وخلصت هذيج الليلة بتسبيحات حسن تالي الليل وهو يردد:
حسن:
أُنَاجِيكَ يَا مَوْجُودًا فِي كُلِّ مَكَانٍ لَعَلَّكَ تَسْمَعُ نِدَائِي فَقَدْ عَظُمَ جُرْمِي وَ قَلَّ حَيَائِي مَوْلَايَ يَا مَوْلَايَ أَيَّ الْأَهْوَالِ أَتَذَكَّرُ وَ أَيَّهَا أَنْسَى وَ لَوْ لَمْ يَكُنْ إِلَّا الْمَوْتُ لَكَفَى كَيْفَ وَ مَا بَعْدَ الْمَوْتِ أَعْظَمُ وَ أَدْهَى.
ياربي اغفر لأحمد لاتجعل صديق السوء
يأخذهُ لظلمات الذنوب واغفر لصديقهِ
الغافل ايضاً.
أحمد:جنت بين نايم والكاعد واستمع لدعواته وصوته الدافي و هو يقرأ دعاء الحزين ويبجي بخشوع الى ان غفيت
الكاتبة:شمس محمد