شدد على حضني اكثر ونام على شعوري بهذاك الوقت ولراحة الحسيتهة بشوفتة وقربي منة نسيت الدنيا كلهة ونسيت اني منو وشلون اجيت هنا وشداسوي وغمضت عيوني واني بالي مرتاح وماخايف من شي
-كعدت على صوت الباب يندك رفعت راسي وعيوني بلكوة مفتحتهة من تعب ذيج الايام الراحت
-باوعت المهڤ حاط ادينة على راسة وجسمة كلة مبين ولشضاياا كمت مفزوعة شغلت بقية الاضوية هوة بسرعة باوعلي واخذ تشيرت حتة يلبسة
حرير: اوكف مهڤ خليني اشوف شنو هااي يمعزاية اني
مهڤ: حرير وخري ايدج مابية شي بوية جروح بسيطة
حرير: اذا جروح بسيطة وخر ايدك وخليني اشوف حباب مهڤ لاا تخوفني
مهڤ: باوعي لروحج بلمراية طالعة تشبهين الوردة اول متفتح عيونهة
حرير: ايي اعرف اني وردة بس خليني اشوف ولاتغير السالفة
-
هد ادية وخلاني اشوف تلمست ضهرة حسيتة توجع ضهرة صاير عبارة عن شضاياا مينشاف شي منة جتفة مفتوح
-
حرير: عمت عيني كون بية ولا بيك شكد شايل تعب بروحك
مهڤ: التعب انخلق حتة اعيشة
حرير: متأكدة بيوم من الايام راح يتغير كلشي لازم نقاوم ومنئيس اريدك ترجع مهڤ الفيسلوقي الاعرفة اريد ترجع روحك الحلوة المتعودة عليهة
-ابتسم بتعب وكال
مهڤ: هاا يول تريدين سوالف فيسلوقية
حرير: شنو هاي موهيج اقصد اني قصدي شريف
مهڤ: كومي لاا تشوفين هيج جروح
-
حرير: انتَ ليش وية الكُل زين بس متقبل شخص يصير زين وياك تساعد الكل بس متقبل شخص يساعدك اني مو غريبة عنك حتة تضم عني هيج شي ومتحجيلي شنو بداخلك احنة هسة بوضع المفروض نتشارك كلشي
احنة كلنة وياك كلنة نحتاجك وانتَ محتاجنة اني اشوفك سند وضهر وعزوة من بعد ابوي تعرف شنو يعني، وردة وعبير يعتبرنك اخوهن وخالتي ماعدهة غيرك الكٌل يحبك ومحتاجك لا تنكسر فدوة انتُ مهيڤي سبعي
مسح على خدودي بحنية باوعت لعيونة وهنا جانت اول مرة احط عيني بعيونة بهاي الثقة
-
مهڤ: دائما من اباوعلج من بعيد واراقب كل تصرفاتج اكول شكد حلوة الله يحفضها
-
ابتسمت وحسيت فراشات بكلبي همهمت وكمت من مكاني رحت غسلت واخذت مسكن للراس
طلعت ملابس المهڤ تراك اسود رحت وكفت يمة وهوة على كعدتة
-
حرير: كوم مهڤ يلاا كوم امك هسة بالهة يمك انزل يمهة
مهڤ: انزلي اني اجي وراج
حرير: ماا اتحرك من مكاني اذا متكوم وياي عجبك او لاا
مهڤ: عيونج بلكاع امي
حرير: هسة مافهمت امك لو ابوك
مهڤ: ابوي وامي وعشيرتهم واحد واحد
حرير: افاا ياا عيناي
-
- اخذ الملابس من ايدي جر خشمي بشقة وراح
رحت وكفت كدام المراية غمضت عيوني وسترخيت واخذت قرار ماعوف مهڤ وابقة ساندتة طول ماا اني اتنفس وارجعلة اضعاف وكفاتة
اندك الباب رحت فتحتة طلعت عبير، فوتي عبير
-
عبير: لاا ماريد ادخل بس اجيت اسئل على مهڤ شلون صار
حرير: دفوتي فوتي عزيزتي لاذبين ثكل،ضحكَت وطبت
-زين مهڤ احسن قنعتة ينزل هم يحجي وية الولد شوية يغير من نفسيتة ميصير يضل حابس روحة
عبير: محمد مو احسن من حالة ثنينهم نفس الوضع ومحد يكدر يحجيلة كلمة وياا نفسيتهم مدمرة
حرير: الله يعينهم منو يكدر يلومهم الشافو ولعاشو مو سهل زين من عدهم تحملو يارب يتخطون كلشي
عبير: امين يارب، راح اروح اجيب علاج امي محتاجة شي اجيبلج وياي
حرير: لاا حبيبتي سلامتج وية منو رايحا
عبير: ماعرف محمد مو مال وضع روحات وجيات ومستحيل اروح وية جبل ومهڤ متصاوب وهم حالتة متسمح وشفتي السالفة الصارَت علية اخر مرة حجي الناس مايرحم
حرير: ليش مايروح بس جبل يجيبة ليش انتي تروحين
عبير: ماريد يقرة وصفة علاجي
حرير: شنو ميعرف بمرضج
عبير: لاا ولاا راح يعرف انسي السالفة متسوة ديربالج على مهڤ
حرير: طلعت وطلع وراها مهڤ من الحمام مبين علي الوجع رحت سندتة وكف ولزم اكتافي
مهڤ: انتي تعبانة لاا تنطيني فوك طاقتج البيج مكفيج لا عبالج ماعرف شنو بداخلج لاا تضمين بكلبج ولاا تخفين مشاعر عني اذا جانَت حلوة او سيئة راح اتقبلهة
-(ولو هموم الدنياا كلهة علية اصيرلج تچاية ضهر ابويَ وامي انتي )
-
نزلت ادينة المجروحة ولمضمدة ولزمتهة باوعت بعيونة وكلت
- موكاعدة اخفي شي عنك كدامك حرير بنفسهة بكل قواهاا العقلية واكفة كدام اعضم شخص بعيني بعد ابوي واكفة كدام سبع الانبار كلهة وشيخهاا
-مهڤ انتَ متعرف شنو قدمتلي متعرف انتَ من شنو طلعتني وشنو سويت الية السويتة محد يسوي مهڤ انتَ جنت تعرف ماعندي اهل ولاا ايي بشر وتعرف بقيت وحدي جنت تكدر تكسرني وتشمرني بس لاا انت احتميتني بحضنك وصرت مثل احسك مرافكني مثل ضلي انتَ فعلا انسان عضيم
جان مركز وية كل كلمة اكولهة عيونة تلمع مانزل عيونة مني خلصت كلامي سحبني لحضنة حسيت روحي راح ادخل بقفصة الصدري بادلتة الحضن وبقة هيج فترة حاولت اوخرة معند ميتحرك
مهڤ ترة رجلية تعبت شنو ماناوي توخر
-
مهڤ: اعتبري يوم خميس وواكفة قصاص
حرير: خلي ننزل ترة خنكتني الغرفة وانتَ هم يلاا بطل هاي سوالفك
مهڤ: ماكدر انكر انو انتي تخليني اعيش الحياة من جديد بكل مرة اشوفج بيهة
- حاولت اباوع لكلشي الة وجهة نار شتعلت بوجهي سويت روحي ادور لتلفوني لكيتة ورحت وكفت كدامة
حرير: شسمة يلاا ننزل. اخذ ايدي ونزلنة سوة خالتي شافتة رادت تكوم وراح قبل لاا تكوم كعد على ركبة بلكاع وحط راسة على رجليهة مثل الطفل
ام مهڤ: الف الحمدلله ولشكر حضيت بشوفتك يمة ومانحرمت منك ولك يمة ليش تلوع كلبي عليك هيج مو تدري بمعزتك يبعد امك
مهڤ: يمة مابيدنة شي كلنة على هذا الطريق وطريقنة طريق النبي محمد (صلى الله عليه وسلم)
- مانكدر نوكف بمسيرتنة ولو مستشهد هلهلي يمة لاا تبجين الشهادة فخر النة
ام مهڤ: الشهادة فخر ييمة بس كلب الام مايتحمل فراك ضناها شلون انام وابني بلتراب يمة شلون تغمضلي عين ويرتاحلي بال
مهڤ: كدامج اني يمة الحمدلله انكتبلنة عمر جديد لاا تفكرين بلصار لاا تتدهور صحتج
-
حرير: كام عدل كعدتة واجوي تحمدولة بلسلامة لان مالحك من اجة حالتة ماجانت تسمح، كامت نور مدت ايدهة تتحمدلة بلسلامة ردت اروحلهة بس وكفت من شفت مهڤ رفع ايدة بمعنى الله يسلمج وحطهة على صدرة
اووف شكد يبرد كلبي هلأنسان يعرف البشر ويعرف شنو افكارة وماينطي مجال ولا يجامل صح هوة نوعا ماا بارد بس وياي موهيج ماشفت منة قسوة ابد
رحت كعدت يمة واحاول احجي ويا واخلي مايفكر ويتعقد
-
مهڤ: بالعة مسجل هَدب عيني
حرير: لاا بس عيوني يوجعني من وجع راسي وداحجي حتة انسة الوجع شنو دوختك سكتنة مانحجي بعد
مهڤ: عيونج يوجعنج جي حلوات يَدادة
حرير: يمة العالم كاعدين صخام بوجهج حرير لوو ساكتة وضامة زيناتج مو احسلج من هلفشلة وين اضم روحي هسة حاولت اتغاضة عنهم كلهم وصديت لغير جهة
-
اباوع النور تهز برجلهة وترفع بحواجبهة انطيتهة نفس النضرة وكامت من مكانهة
بصلافتهة ماشايفة رجال ومرتة شدخلهة لوو ضرتهة نكول ميخالف تغار وحقهة بس مالهة حق بي رجال متزوج وحرام عليهة اصلا بس طينات البشر تختلف موكلنة من نفس الطينة
رجعت نضري المهڤ الضاهر اني هم صايرة صلفة
-
حرير: تريد شي تاكل تشرب
مهڤ: لاا يلغالية بس استكان جاي
حرير: بعيوني
مهڤ: سالمة عيونج يلغالية
- طلعت وتوجهت للمطبخ شفت نور واية مجتفات وواكفات
حرير: لازمات واجب
اية: عيونج اشلعهاا اذا طاولتي بلكلام هلبيت بيتي تحترمين نفسج ومكانج الكاعدة بي
حرير: اول شي محد يعلمني ع الاحترام تمام عيوني ثاني شي ترة عيب عليج انتي وهاي الثانية اذا باوعتي ع زوجي مرة ثانية بغير نضرة احركج بمكانج
نور: منو منو حبي عيدي ماسمعت زوجج انتي منو معتبرج مرة اساسا حبيبتي انتي مجرد وحدة لكاج بشارع وية الحيوانات وستر عليج لاا تخليني احجي اشياء متعجب السمع
حرير: بنت الشوارع تعرف نفسهة انتي حتة اسلوب بلكلام ماعندج اوصلي لربع تربيتي واعرفي اني بنت منو وشنو وتعاي حاجيني بهذا الاسلوب
اكدر كلشي اسوي واكدر اوكفج عد حدج بس اني مو بايخة ولاا فرحانة اني انسانة كلبي ملچوم مو مال هيج سوالف اني فقدت الدنيا فلا تفكرين راح احطج بعقلي
سويت الجاي وهنة بقَن بس يباوعن ماحجن شي ردت اطلع وسمعتهة تكول
نور: كل شخص راح يرجع للمكان الجان بي الضاهر انتي ماتعرفين السالفة كلهة
حرير: الايام طويلة كدامنة ونشوف
-
عفتهة وطلعت برة اخذ نفس وانتضرت الجاي يخدر
حسيت نفسي حيل اختنكت وضاك صدري علية المصبرني على هلدنيا وجود مهڤ هوة يحتاجني واني احتاجة يفهمني وافهمة يخاف علية واني كذالك اخاف علي اكثر من روحي
حسيت بخوف شوية من حجيهة بس ماهمني وبعد الخسارة الصارتلي مستحيل تجي بعدهاا كسرة
طبيت صبيت الجاي واحس ماكو دم بوجهي لكيت مهڤ ماكو كالت خالة صعد فوك ماحجيت شي
صعدت فتحت الباب بهدوء لكيتة على نفس كعدتة قبل ماننزل انطيتة الجاي وكعدت يمة
انتبهت على دفتر يمة مثل الالبوم عيوني بقَت علدفتر وكلت: -شنو هذا
:-باوع للدفتر وكال
مهڤ: هذا چتالي
حرير: مافهمت شنو چتالك يعني مجرد دفتر شنو متوقع بي
مهڤ: هواجيسي هواجيس المهڤ انتِ
-
باوعتلة وضليت ارمش بعيوني وابلع بريكي
سحب الدفتر فتحة ووكعدت منهة مجموعة صور شباب وكلهن حاط بلطارف مالتهن خطوط سود دلالة على الحداد او الموت
نضرتلهن كلهن بس جذبتني صورة مبينة لطفل وصورة ثانية هم بس ماحاط عليهن خط اسود ابيض
حرير: منو هذول
مهڤ: طيور الرمادي
حرير: مافهمت ليش حاط خط ابيض بدال الاسود
مهڤ: لان همة طيور بيض شلت جثتهم بايدي شهدت على موتهم كدام عيوني
حرير: مهڤ كاعد تخوفني شدتحجي منو هذولة
:- باوعلي واخذ الصورة صفن وتعمق بيهة -احجيلج
حرير: باوعتلة بجدية وكلت، احجيلي اكيد
:- رجع باوع للصورة
قبل حادث ابوي الاكبر الله يرحمة بشهر جنة لازمين واجب يم منطقة مهددة بلتسقيط والاحتلال
العوائل جانو اغلبهم ميكدرون يطلعون واكو لاا ماهمهم حاولو يتئقلمون وية الوضع بيومهاا حرير بيوم الواجب قريب على الطوارئ فجئة صارَت اشتباكات
الطيارة صارت تضرب عشوائي جان اكو ناس تريد تدخل للطوارئ همة هدفهم جان الطوارئ يدرون بيهة عوائل ومضلومين هوااي
كامت الناس تركض تريد تتلاحك نفسهة لفريق كلة يركض وياهم واني وياهم الطوارئ نضرب الكل طلع المريض مات المتصوب مات المتعافي ماات شباب من عدنة ماتو
بكل الصدمة الجانت بية استوقفني صوت ومنضر لهايَ اللحضة ميروح من بالي
استوقفني صوتهة وهيَ تكول
ياا يمة ياا ريحانة يغوث ياا عزيزين كلبي ياا يمة
ولكم ياا اول فرحتي ياا سباح كلبي
ريحانة جانَت مدمرة ماباقي بيهة شي سليم وغوث جان متمسك بايد اختهة ومات وهوة لازم ايدهة نخلقو سوة وماتو وهمة لازمين ادين بعضهم
امهم جانَت متصوبة وتنزف وتلطم فوك اطفالهة الترسو الطوارئ بدمهم ونايمين بلكاع مثل الملائكة
امشي وشلتهم بدون وعي اركض وادور مساعدة لو دكتور باقي يرجع روح واحد بيهم امل واحد بيهم لخاطر هلبنية بس مابقة ولاا دكتور ماشفت خاصتا هيَ جانَت طوارئ مو مستشفى
البنية وكعت من طولهة وهية تملخ بروحهاا وكعت ومحمد اخذهة وطلع يركض بيهة لمستشفى بي دكاترة حطيت ريحانة وغوث وياهاا ولطريق كلة اني مخبل روحي بيهم عسى ولعل يطلع واحد بيهم بي امل
السيارة رادت تنكلب بينة من كد ماعيطت وشوشت الطريق على محمد ،وصلنة للمستشفى بعد ماطلعت روحي نزلتهم ثنينهم شايلهم وحيلي مهدود اخذوهم مني وكعدت بلكاع سابح بدمهم واضرب على راسي هدو حيلي ماعرفهم بس اخذو حيلي
امهم نزلوهة وراهم طببوهة للعمليات بس همة بقوهم يم الاجهزة شافو اذا بيهم امل او روح سوولهم كلشي
بس كل الكالو: - منكدر نسوي شي للاسف متوفين الله يرحمهم
ماقتنعت وضليت الح واتوسل بهم يرجعون يحاولون جنت ادري الاعمار ولارواح بايد الله بس ماجان بايدي اسوي شي حسيت روحي استنجد بيهم حتة ينقذوهم
حاولو انوب بلكت يكعدون بلكت يرجع واحد بيهم حاولو لخاطر هلارواح الماشافَت بحياتهة شي
كعدت بلكاع يم السديات الحاطيهم بيهن ولعالم كلهة واكفة وتبجي ماعدى السديات الطبت ورانة ولعالم الماتت غيرهم سدية تلحك سدية عياط يلحك عياط
اجة محمد كومني
-
محمد: كوم ياخوي كوم عيني اني هم مابقة بية حيل مهڤ كوم شوف العالم قوي كلبك مهڤ لبنية حولوهة بغرفة طلعت من العمليات هسة تصحا محد من اهلهة يمهة
:- باوعتلهم ورجعت باوعتلة غمضت عيوني خيل وكلتلة
:- ماتو محمد يخوي ماتو مخد منهم عااش شراح نكول لامهم شنو ذنبهم شديصير بلدنيااا ياا اللهي ذنبهم
محمد: امشي وياي غسل وخلي ياخذون الاطفال يغسلولهم شوف حالهم حرام يبقون هيج همة بعد موبلدنيا روحهم بلجنة
مهڤ: منتصرف بكيفنة قبل متكعد امهم ونشوف شتكول خليهة تودعهم وتشوفهم للمرة الاخيرة
ضلينة ننتضر تكعد ساعة ونص تقريبا: -ركضنة على صووت هز المستشفى هز عرفناهاا هية طبينة علية ولممرضات حاولن يهدئنهة
مهڤ: خيتي عينينة كومي لاطفالج ميصير هيج ودعيهم ميفيدج البجي ولعياط هسة حرام تعيطين وتحركين روحهم تشوغيهة عليج
دُرة: ياناااس ياعالمم جيبولي اطفالييي يمة ريحانتي يمة وليدي غوووث وينكمم
يابعد روحي يايمة رحتو لابوكم رحتو وعفتوني مثلل ماعافني يمة هديتو حيل امكم يييييمة ماا ماتوووو دخيلكممم لاااا
:-ماعندي غيرهم بهلدنياااا دخيلكمم مابقالي غيرهمم ربي لاا تختبر صبري بيهم ربييي ماعيش بدونهمم ماعيشش بدون ضحكتهم يبعد امج ريحانة يمة غوووث ابو عيون الححلوة اندار عليكم كون بية كون بية ييمة لييش بيكمممم ليييش
:- بعد محاولات ونكومهة وتوكع سندوهة الممرضات ماقصرن وياهاا ويبجن على بجيتهة هنة جانَن بنات شابات مو كبار
احنة نمشي وراهم فجئة وكفَت وباوعتلنة
دُرة: اني اغسللهم
مهڤ: يجرالج بس بدون عياط ودعيهم بسلام مثل روحهم
بجت واخذت حسرة تمشي وتحجي اشكال وتنعي مثل النسوان الكبار تدعي هم بنفس الوقت
اخذناهم للمغيسل حضرنة كلشي وطبت هية طب وياهاا شيخ علمود يساعدهة لان هيَ ماجانت تعرف شي هيَ راح بس تغسللهم وهوة يكمل ويدعي دعاء الغسل بدالهة
اول ماشافتهم طارَت روحهاا عليهم تبوس بغوث وتحضن بريحانة
سودة علية يمة صخاام بوجهي يمة يمة يبعد امكم صخاام وعزة بعيني يمة شصاير بيكم ييمة شصاير بيكم حسبي الله حسبي الله على كل ضالم حسبي الله على كل بشر حرمكم مني
يجناين كلبي
بقن بس صوت شهكاتهة تنسمع تمسح على وجوهم وجسمهم بحنية عبالك دتسبحهم مثل كل مرة وهمة عبالك نايمين بقدرة الله بقَت ملازمتهم لحد
ماخلصنة كل الاجرائات اتصلنة باخوهة اجة هوة وامهة جابو كل المستمسكات سوينالهم شهادات وفاة
ابوج الله يرحمة من سمع بسالفتهم بقة ويانة
وضلينة لازمين الفاتحة وكلنة تبرعنة وودينالهم الضرف مال تبرع هوة ميفيد ولا يرجع البشر بس لازم نئدي واجبنة
امهم ضلت معاندة تروح بلدفنة مالتهم اخذَت امهة وياهاا واخوهة يحفرون بكبورهم وعية تشيل بروحها وتلطخ محمد بقة مثل المصدوم ميعرف شنو يسوي وبشنو يحير ثنين مو واحد
بهذاك الوقت جانَت ماصايرلهة فترة من طالعة من عدتهة زوجهة جان مستشهد
اخذو قبور اطفالهة وطلعوهم وامهة واخوهة لازميهة مؤيد اخوهة لدُرة: خلينة نشوف شغلنة لاا تسوين بروحج هيج كومي على حيلج حراام عليج كولي ياا الله شسويتي بروحج كومي ودعيهم نفس ماسمعلج حاجيهم بهدوء
سكتت على عياط اخوهة جان مبين تحترمة وتخاف منة وهوة رغم عصبيتة مبين يحبهم بس ماجان يكدر يشوف اختة بهاي الحالة
تقدمَت بنص كبورهم كعدت وتمسح عليهم
ها يمة عفتوني يمة نمتو جوة لتراب مو نام يومية راس على راس يمة منو ينام بحضني بعد اروحلكم فدوا لتعوفوني ليش رحتي انتي واخوج ريحانتي جنتي موبس بنتي صديقتي وبنتي احجيلج كلشي يامي انتي
عشت لخاطركم وتحملت لخاطركم يمة شبابي كلة كسرتة لخاطركم ولله يعيوني انتو
يمة هديت حيلي غوث اروحلك فدوا ليش ياربي لييش ماعندي غيرهم يمة كوموو تعوفوني هيج ليش ينطيكم كلبلكم اروحلكم فدوا كوموو لتكسروني بيكم ماكدر وداعت عيونكم ماكدر بدونكم
اوف يمة انتو تنامون واجي اكعدكم اشتاكلكم يمة تنامون واضل اراقب بنفسكم اخاف عليكم يمة طرتو من ادية ثنينكم اوووف يمةة لفراك صعب يمة زرفو كلبي يمة
حاجوني بس مرة سمعوني صوتكم بس مرة حاجونيي دخيلكم لاا تحركون كلبي يمة ريحانة غوث وليدي
احووو يمة احووو يمة كلبييي
يمة اباوعلكم تكبرون كدامي شحلاتكم انتَ واخيتك سودة علية ماا اكلتو جوعانين ييمة انتَ واخيتك كبرتوني بكد عمري عشر مرات بروحتكم غوث
اخخخ يبو خد المحنة يوليدي يريحانة منو بقة الامج بنيتيي
ليش عفتوني مثل ابوكم لييش
مؤيد: كومي يامي انتي ادعيلهم كومي لاا تعذبيهم عليج يلاا خيتي كومي فدوا اروحلج
:- حضنتة وهوة دنك راسة وحط ايدة على عيونة وصار يبجي على بجيهة هنا الكل انهار كل الشرطة ولعالم بس ماا جانو مكسورين صارو يبجون على بجيهة حتة ابوي الاكبر الله يرحمة جان يكول
غوث وريحانة طيور الرمادي بجو زلم الدليم كلهم من جبيرهم لصغيرهم
حتة الماعندة رحمة بكلبة خلصن دموعة
بقينة اني ومحمد وامين وابوج الله يرحمهم وياهم ماا عفناهم ولحد هاي اللحضة احنة نزورهم جانو حيل يحترمون ابوج دُرة جانَت من يجي ابوج تكعد تحجيلة وهوة يصبر بيهة هية والدهة هم متوفي عدهة بس اخوهة وامهة
ومن سمعت بوفاة والدج رجعت دخلت حالت اكتئاب
حرير بنية بعدهة بشبابهة وية توئمهة وية اول فرحتهة ماتو بايدهة اني شايل تعب الدنياا كلة حرير اشياء سامعها وشايفهة حافرة روحي طاقتي خلصت
-
حرير: - اني هناا منتهية من البجي ثنينة صرنة نبجبجي واحد حاضن الثانيي حسيت كلبي راح يوكف على ماا كمل مهڤ قصة غوث وريحانة
كل ماا كاعد اسمع بوفاة شخص ديرجع كلشي علية دينعاد كلشي علية من جديد مهڤ شكد شايف عذاب بروحة شكد مبين قوي وما ينكسر
روحا ملچومة لچمات هوااي اكثر مني هوة عااش العشتة مرات ماينعدن شلون متحمل شلوون
شدد على حضني اكثر وكال بخيبة
مهڤ: الحزن مچودر بضلوعي ياهو اليفتهم وني
.... يتبعع
واخيرا وليس اخرا بعد معاناة وخلصت دموعي يلاا كدرت اختم هلبارت دمرني دماار شاملل هلبارت اكتب شوية وانهاار ورة فترة ارجع اكتب اكثر بارت اتعب بي اكثر قصة بجيت واني اكتبهة
- ريحانة وغوث اترحمولهم طيور الرمادي طيور من طيور الجنة لوو بس تشوفون وجهم وبرائتهم وعيونهم ينزرف كلبكم عليهم صدك
- اطفال مالهم ذنب كل همهم يلعبون مايعرفون شنو حرب شنو دولة راحو ضحية لناس ماا يتسمون نااس فقدو روحهم بلاش ارواح نااس تصعد للسمة كدامنة احنة محافضة عاشَت هذا الشيي حرفياا وماا ننسة باقي المحافضات العاشو هلشعور
:- اسفة على شعور هلبارت والله يساعد كل شخص قرة وراح يقرة هلبارت اقرو الفاتحة لغوث وريحانة
:- صور طيور الرمادي غوث وريحانة ليوم احاول انشرهة الكم بلانستاا كلبي مينطيني بس حيل حابة تشوفون برائتهم وجمال عيونهم
:- يوزري الانستا: no2s.17
:- استودعتكم الله.