الجزء الاخير♥️شكرا علي تفاعلكم السكر♥️بقلم سولييه نصار♥️
-شوفتي !!!قولتلك يا شيماء قولتلك أن نهاية اللي بتعمليه ده هتتعبي اووي...اهو جالك السكر بسبب انك مش راضية تخسي ...بسبب عنادك وافكارك الغبـ.ية ان اللي بيحبك هياخدك زي ما انتي !!افهمي يا غبـ.ية أنا مكنتش بقول كده عشان تتجوزي أنا كنت خايفة عليكي عشان عارفة أن السمنة هتخليكي تتعبي لكن عشان تفكيرك محدود افتكرتي أننا بنكلمك عشان تتجوزي ...فأنت بعبقريتك عشان تقنعينا بوجهة نظرك العظيمة اهو جالك مر.ض السكر ...قوليلي مبسوطة دلوقتي ...مبسوطة يا شيماء !!
كانت امي بتصرخ فيا بعد ما جينا من عند الدكتور وانا كنت بعيط اووي ...قلبي كان وا.جعني...مش مصدقة اني جالي السكر ...لسه كلام الدكتور بيتردد في عقلي ...قال اني بسبب السمنة الزايدة عن الحد جالي السكري من النوع التاني وده نوع ملوش علاج غير الريجيم وتضبيط الاكل ...
كملت ماما كلامها وقالت:
-اهو يا حبيبتي مكنتيش حابة تعملي ريجيم بمزاجك ....هتعمليه غصب عنك والا فعلا حياتك هتبقي في خطـ.ر ...
بكيت بصوت عالي وقولت بإنهيار :
-خلاص كفاية ...كفاية ابوس ايديكي يا ماما خلاص انا فيا اللي مكفيني ...
بصتلي ماما بشفقة وقربت مني وحضنتني وهي بتقول:
-يا حبيبتي انا مقهو.رة عشانك ...مقهودرة بسبب أن تفكيرك خلاكي تأ.ذي نفسك ...انتي كنتي فاكرة انك لما تأكلي كتير كده بتعا.قبي الناس أو بتبينلهم انك مش مهتمة ...طبعا غلط يا حبيبتي ...انتي بتأ.ذي نفسك بس ...محدش هيعاني زيك من الأمر.اض ...محدش هيتعب وهتبقي حياته في خطـ.ر غيرك انتي ...
بعدت ماما عني شوية ورفعت وشي وقالت :
-يا روحي أنا عمري ما عايـ.رتك بالعكس أنا بقف جمبك دايما بس مش في الغلط يا شوشو ...يا حبيبتي انا بنفعل عليكي عشان مصلحتك ...عشان خايفة عليكي مش عشان اعا.يرك ...مفيش ام بتعا.ير بنتها يا شيماء ...
فضلت تمسح دموعي وتقولي :
-خلينا نبدأ من جديد سوا ...أنا هشجعك يا شيماء ..ده وعد مني انا ...
ابتسمت ليها وقولت :
-حاضر هعمل دايت ...هبدأ من اول وهنفتح صفحة جديدة ....
......
مر اسبوع وتابعت مع دكتورة دايت ...وكانت ماما بتساعدني ...وكمان كمال ابن خالتي اللي انا مش بطيقه رغم أنه بيقول أنه بيحبني من صغري مهما كان شكلي ...
....
بعد اسبوعين
كنت قاعدة علي السفرة مع اهلي وكمال اللي كان معزوم عندنا بابا خلص اكل وقام وماما راحت تعمل شاي وأنا مكنتش لسه خلصت طبق السلطة اللي اجباري اكله في الدايت ...أنا بكر.ه السلطة اوووي ليه في انسان طبيعي ممكن يحبها !!!
بعد ما ماما قامت استغليت الفرصة ومديت أيدي عشان أكل صباع محشي زيادة بس كمال ضر.بني علي ايدي وقال:
-حيلك حيلك انتي مش أكلتي نصيبك كله يا بنتي ...ايه الطمـ.ع ده...
-كمال عشان خاطري صباع واحد بس ...
وبصتله بترجي وكنت عارفة أنه هينفذ كلامي لانه مبيهونش عليه يكـ.سر بخاطري بس هو بصلي ببرود وقال:
-اسف يا قمري لو اي حاجة تاني كنت هنفذها من غير كلام لكن معلش انتي ماشية علي نظام ولازم تلتزمي بيه ...واوعدك يوم الفري بتاعك أنا هعملك عزومة محصلتش اتفقنا !
ابتسمت ليه وقال:
-اعتبر ده وعد بعزومة ...
ضحك وقال:
-اعتبريه وعد يا ست الكل ...
....
مرت الايام والشهور وانا ملتزمة بالدايت بشكل جدي ...معكتش كتير وكنت بسمع كلام الدكتورة وده خلاني انزل كتير في وزني ...وكانت ماما وكمال بيشجعوني دايما ...
....
بعد سنتين ...
ابتسمت وانا واقفة قدام المرايا وانا واحدة تانية خالص ...جسمي اتضبط وجمالي ظهر بس الاهم حسيت نفسي احسن بكتير ...حاسة اني قادرة اتحرك وقادرة اتنفس كويس ...حتي السكر بدأ يتضبط بس طبعا همشي علي نظام معين في الاكل ...
مررت أيدي علي الفستان الدهبي اللي انا لابساه وابتسمت ...وعدلت من الحجاب بتاعي
-بسم الله ما شاء الله قمر يا حبيبتي .
قالتها ماما لما دخلت الاوضة وعلي وشها ابتسامة سعيدة وبعدين كملت وهي بتقرب مني وبتحضنني:
-اكيد كمال لما يشوفك هيتجـ نن من جمالك ...
ابتسمت بخجل وقلبي بيدق ...مين قال إن كمال اللي كنت شايفاه مجرد اخ هغير نظرتي ليه وأحبه للدرجادي ...ما بين كل الشباب اللي هربت مني ورفضتني لما شافتني كان كمال الوحيد اللي متمسك بيا لما كان الكل بير.فضني ...شجعني عشان اخس ... وهو معايا دلوقتي ...وانا متأكدة أنه هيفضل معايا إن شاء الله ....
....
طلعت وانا باصة في الأرض ومتوترة ...النهاردة كتب الكتاب ...كنت متوترة اوووي ...رفعت عيني فجأة ولقيت كمال قاعد جنب المأذون وبيبتسملي بحب...ابتسمت ليه بسعادة وحطيت وشي في الأرض تاني ...
......
-بارك الله لكما وبارك عليكما وجمع بينكما في خير ...
قالها المأذون وهو بيعلن جوازنا ...قلبي دق بسرعة وانا بشوف كمال بيقرب مني بسرعة وبعدين شدني ليه وحضنني جامد وسط الكل وقال:
-بحبك يا ست الكل ...هفضل دايما اقولها اني بحبك♥️
-وانا كمان بحبك♥️هقولها دايما ♡
العوض ممكن يكون ناس تشجعك عشان تكون احسن ...ناس تغير تفكيرك للاحسن ..وانا هفضل دايما ممتنة لأهلي وكمال أنهم وقفوا معايا في اكتر وقت محتاجة ليه...أنا اتعلمت درس مهم أن العناد في الحاجة اللي تخص صحتي هتأ.ذيني أنا اكتر مش حد تاني .
تمت
#من_أجلها
#سولييه_نصار
سكريبتات سولييه نصار🦋✨
Par Soleil-Nasar1995
هنا حيث الخيال يتحدث♥️♥️ Plus