سبية مستباحة

بارت 20

سبية مستباحة "بقلم الكاتبة ميامين الدليم

"     لا تنسون التصويت ولتعليق بين الفقرات

عبير : طلعت امشي بدون عقل اطفي الاضوية البرة بليل حييل طفيتهن ردت افوت للبيت ونسحبت ردت اعيط ايد نحطت ع حلكي

جبل:  اشش هذا اني

عبير: سرسري وادبسزز انا بياا حال والدفان يغمزلي اشو دوخر لاا احط ضيمي بيك

جبل:  ممكن تسديلي حلكج لاا الصمج علي اكسر سنونج بحلكج اريد اكلج سالفة تخص مهڤ وامين ومحمد بس ماريد احد يعرف خاصتا حرير

- حرير:  مهڤ ماات موو؟ 

- التفتنة عليهة ثنينة بفزغ

عبير: بقيت اباوع عليهة واباوع الجبل انتضرة يحجي

حرير: احجو ليش ساكتين مهڤ شبي

عبير: جبل احجي احد من الولد صارلهم شي

جبل: الولد مابيهم شي بس الباقيين استشهدو

حرير: عيوني مارمشَت بقيت اباوعلهم وكلبي مقبوض

-الله يخليك احجي جبل شصاير مو كلوبنة ماتت

جبل: امين ولولد استشهدو

حرير: من كال اسم اميين شهكت اميين صح ماعرفة هواي بس هوة جان انسان ذهب من ش شفت حزنة على ابوية وخوفة وحرصة علية صدك اعتبرتة أخ الية هوة جان متمنيهة جاان عندة اصرار يلحك ابوية ويموت شهيد تحقق مرادة وصار اليريدة وعااف ورا كومة نااس تحبة ومحتاجتة

- كلشي شايف

شايف وطن مبيوك
ودري هذا مو جديد
وشايف ناس صامَت
وكفرت بمصباح عيد
وشايف ناس كتلَت
وهمة شالوهة الجنازة بنفس الايد

-بس ماشايف هيج وادم " تشرب بدم الشهيد

"
ناسنة وكل البشر النحبهم كاعدين يتلاشون كدامنة واحد ورة الثاني وكلشي مابيدنة نسوي شعبنا بلادناا ومحافضتنة شعبها التهجر اهلنا الماتو كدامنة هاي حوبتهة وين تروح

- امين وابوية ربي يرحمهم مكتوبلهم يتعلقون ابعضهم مثل الاب وابنة وثنينهم راحو بنفس السبب وبنفس السنة

""

ماستوعبت الصار لزمت راسي وكعدت على عتبة الباب وابجي صرت ابجي واشهك بهستيرية

عبير: حرير كومي لاا يكعدون وينصدمون بهليل ولله وحدة منهن تنجلط

حرير: راحو كلهم راحو عبير اي شخص يخاف علية يموت عبير كلهم يموتون اني مو وجه خير صدكيني

عبير: الله يرحمهم حرير مابيدنة شي نسوي الله كاتبلهم هلشي وكاتبلهم يموتون بهذا اليوم لا انتي ولاا اي بشر الة ايد بموتهم مكتوبلهم يموتون بهيج يوم وبهيج سبب وبهيج مكان منكدر نسوي شي غير الرحمة نترحملهم وبس

حرير: مهڤ وين عبير احجي لاا جذبون علية مهڤ وين

جبل: ياخوية صدكيني مابي شي مهڤ هوة بلجنازة هسة وماا معلوم شوكت يرجع

حرير: شيريدون انوب كلهم ماتو شينتضر يموت نفسة شينتضرر

عبير: صوتج حرير صوتج كومي صعدي لغرفتج كومي لا يكعدون واذا كعدن بعد شيسكتهن

- كمت بدون ماا احجي صعدت وقفلت باب الغرفة كعدت بلكاع وصفنت بلفراغ ماا مستوعبة الكاعد يصير بينة

- مهڤ شنو حالتة هسة شلون تقبل الموضوع واعز صديق عندة هسة هوة بجنازتة اريد اوكف وياا واسندة مثل ماسوة وياي اريد احسسة انو هوة مو وحدة

- باوعت لتلفوني وكمت باوعت لرقمة مترددة اتصلل غمضت عيوني وتصلت طلع صوت الاتصال يعني جهازة مفتوح مارد رجعت اتصلت مرة ثانية رد فتحت مايك ورجعت لمكاني حطيت ايدي على حلكي كاتمة شهكاتي واسمع حسراتة شكبرهة هلحسرة حسرة الميت چبيرة

مهڤ: حرير امين استشهد راحو اخوتي كلهم كدام عيني عمت عيني عليهم نمردو مرد

- نبرة صوتة وحسرتة خلتني اشهك وياا بصوت عاالي وابجي نعاد كلشي علية الايام السود شريطهة مر كدام عيوني

مهڤ: لاا تورين كلبي اكثر حور عيني

حرير: لـ ليش هيج ديصير ليش كلهم راحو مهڤ ارجع لاا تبقة هناك ماعدنة غيرك من بعد الله بس انتَ بقيت دخيلك ديربالك على نفسك لخاطري

مهڤ: اني مابية شي يبعدي هديلي نفسج كولي ياا الله شغلي قران وان شاء الله راجعلج هانَت مابقة شي

حرير: انـتَ شلونك بيك شي بغلاتي خماا متئذي

مهڤ: الجرح مو بجسمي بكلبي حرير انتي تفهميني

حرير: اني هم نحطيَت بنفس الموقف اني هم ابوي مات وكتلو كدام عيوني ثنينة مكتوبلنة نعيش نفس الشعور

مهڤ: اني يومية كاعد اعيش هذا الموقف يومية داحس بنفس الاحساس اخذت روحنة هلحرب اخذت ثلثين حيلي

حرير: هلشي مكتوبلنة مكتوب نعيشة اقدارنة مكتوبة بس اني تعبت بدونك حيل تعبت اكلني التفكير

مهڤ: اول مرة احس بروحي مغلوب

حرير: لاتكول هيج شنو جان يكول ابوي مو هوة علمكم انو رحمة ربكم تغلب كلشي وهوة ويانة دائماا لاا تحجي هيج ويزعل عليكم ضلو اقوياء لخاطرنة ولخاطر بلدكم لاا تستسلمون

مهڤ: مانكول غير حسبي الله ونعم الوكيل

امي شلونهة الحجية ؟

حرير: شحجيلك خطية حيل تعبن مكابلات السجادة ولقران ويدعن لاا اكل ولاا شرب حيل تعبنة هلفترة لاا ليلنة ليل ولاا نهارنة نهار الكل متوتر وخايف وماكو طعم للحياة بعد بدونكم بلبيت

مهڤ: كلهاا تخلص وتضل سوالف ويبقون الفكناهم بكلوبنة محفورين لازم نكمل هيَ هااي سنة الحياة وصي الاهل ماكو شي ولاا يخافون ان شاء الله راجع

حرير: لاا اطول مهڤ ابقة طمني متت من التفكير مداتحمل

مهڤ: لاا يضل بالج يلغالية كلهة ساعات

حرير:

- ودعني وسد الاتصال كلبي شوية رتاح وهواي نكسر على موت الشهداء صليت ودعيتلهم من كل كلبي دعيت بكلب يتيمة نضلمت وماشافَت شي بحياتهة دعيت بكلب محروك عسى ولعلى يخلص هلكابوس ونرتاح

- صدك صارَت الدنيا تضحك هلدنياا هاذي بيها عجب العجائب كلشي نكلب بلحضة من حال لحال ثاني كل امالنة وايامنة ولموازين نكلبت

- بلحضة

بتصرف بكلمة بحلم وبيوم وليلة كلشي انتهى وصارت احلامنا الوردية كابوس اسود

:-

عبير: جبلل شبيك انتَ هدني هسة مو وكت سوالفك ياخي شتريد مني شتريد

جبل: هاي شبيج لج ترة الوي حلكج لاتحجين بنتر

عبير: لاا ولله خوفتني شوف حيلي مهدود وروحي طالعة لاا تسويلي درامات مرتك تنتضرك عزيزي حرام عليك اطلع من طريقي

جبل: لاا جيبين طاري مرة وحرام انتي تعرفين شنو ضروفنة

عبير: ايي شنو ضروفك ماعندك ضروف انتَ واحد لو بيدك تحط نسوان العالم كلهة بجيبك

جبل: افاا افاا صايرين نتبلى عينك عينك

عبير: جبل وخر عن طريقي لاا اسوي الروحك مشاكلل

جبل: اذا المشاكل منج ياا هلاا بيهة بعيوني اخليهة

عبير: انتَ شكد ماا تستحي بكل صلافة بعد السويتة واكف وتحط عينك بعيني وتحجي كأنو ممسوي شي وماكو بشر فقير مثلك بهلدنياا

جبل: هه ليش عيناي شايفة احسن مني واني مادري اقوة دليل على حجيج ترفضين كل اليجونج مشاية

عبير: صدقة لربك مسويلي وضع المنقرض هوة اني من وراك كرهت جنس ادم كلة

- حسيت عيونة نطَت من مكانهة بس ماهزني ولاا حرك شعرة مني بقيت واكفة وماا تحركت من مكاني ولاا نزلت عيني وقللت من نضرتهاا

- سحب ايدي ولواهاا وكال

جبل:- هذا خشمج العالي اذا ماكسرتة يعبير ماا اتسمة جبل

عبير:- انتضرك استاذ جبل ونشوف منو يكسر منو الايام طويلة وتشهدلنة تحلم ترجع لكلبي وتحلم اسامحك على السويتة وحسبي الله ونعم الوكيل على كلشي شفتة بحياتي وعشتة بسببك حسبي الله على كل دمعة نزلت من عيني

- نتر ايدي باوعتلة نضرة استحقار

طبيت جوة اشوف وضع حرير شفتهة ماا منهة صوت كلت يجوز نامَت رحت حطيت فراش يم امي بست راسهة حاولت انام بس وين انام اذا ما الف الدنيا كلهة بافكاري

- الدنيا تخوف صدك تخوف ومابيهة امان فجئة وبدون مقدمات كلشي منكم يروح تصيرون تتخيرون بخيارات صعبة تعيشون اشياء ماجنتو حاسبيلهة حساب ولاا كتاب

احنة بعد منعرف منو اليستاهل ومنو ميستاهل منو يستاهل نحزن علي ومنو نبجيلة ومنو نزعل علي ومنو لاا

- اني ماعرف عيوني شنو تريد دموعي تريد تنزل وماتريد تنزل احس عيوني وحدة تكول ابجي ووحدة تكول اهدي

- ماعرف اني ماعرف بعد شنو حياتي ماعرف

( اليوم الموعود)

تشهدلنا الايام وتشهدلنا المواقف ولحرب تشهد الواجبات على مواقف ابطالنا وشهدائنا وتضحياتهم

- صح راحو من ايدنا بس تبقة شهادتهم تشهدلهم وتشهد لسباعيتهم ابطالي واخوتي الكسروني وكسرو بلد كامل شعب كامل خسرهم انتهت حياتهم في سبيل الوطن انتهت احلامهم عافو وراهم عوائل واطفال

- ما متقبل ولا مستوعب الدنيا صارت جماد بدون احساس عايشين نمشي وبس ننتضر يومنة يجي كابوس الحرب شوكت ينتهي محد يعرف

- الي نعرفة بس راح نرجع منتصرين وكل شهدائنا وابطالنا راح يشهدون على انتصارنا وتحريرنا راح ناخذ شهادة التحرير راح يجي هذا اليوم وناخذ بثار كل ابطالنا وكل نفر مات بهلحرب بدون استثناء

- الساعة 3 الفجر يم كبر امين الدين

- امسح بتراب كبرك ونار موچرة بكلبي ياا خوية كسرتني وكسرتك ماتنجبر ليش امين هيج روحك رخيصة عندك

- خوية انتَ المفروض ينكالك الله يحفضك مو الله يرحمك

- منو يساعدني بهمومي بعد ويامن اشاقة بعد حتة احزانة حلوة جانت حتة همومنة جانت بوكفتنة سوة تصير حلوة ضحتنة سوة تصير تچوة

- اموني باردة يمك كوم خوية نرجع كعدتنة وضحكتنة كوم لاخوتك ماا مرجية منك خوية هيج تسوي بينة عمت عيني شلون متت كدامي شلون طلعت روحك كدامي

- يالحلو ملكاك يبو ضحكة الحلوة شلون اكوم من يمك شلون اعوفك هنا وحدك اههخخ ياخوية شكبرهاا كسرتك

محمد: كوم مهڤ شوف نفسك شصار بيك جروحك نفتحت لاا تسوي بروحك هيج حرام عليك

مهڤ: روح محمد روح باقي هنا نار كلبي ما تطفى

محمد: مايصير تسوي هيج كلنا مكسورين بس لازم تكوم وتقاوم

مهڤ: شقااوم محمد لك هذا اميين تعرف شنوو لك دفنتهم واحد بصف الثاني دفنت ابويَ واخوي هذا حلمة تحقق وندفن يم ابوي الاكبر محمد شوفهم هذولة مو للموت ولكم مو للموت

- تحملت الخسارة الاولى بس مو الثانية نارهم نارهم ولك نارهم ماا تطفى شلون اعوفهم هنا هذا ابوي محمد تذكر سوالفة تذكر كعداتة وضحكتة

- شنسة منة انسة نصايحا لو انسة كلمة وليدي منة انسة مبادئة العلمنة عليهة لوو خوتنة العلمنة نحافض عليهة

- جان يكول خوتكم لا تعوفوها ابقو سند لاخوتكم لاا تنطون بيهم صيرو چتف واحد

- انسة تعلق امين بي لو انسة امنيتة التحققت امنية امين يندفن هنا يم قبر ابوي الاكبر ولك محمد هدو حيلي هدو ولكم حرام ولزهرة حرام

-سندني محمد وجتفة يهتز من البجي ومالة صوت صوتي متحجر من البجي ولعياط كوة ينسمع صوتي

- ملابسي العسكرية متروسة بتراب كبرهم

محمد: امشي خوية حرام عليك تحركهم حرك هيج الله يشهد كول ياا الله وكوم

مهڤ: ولك دخاان يطلع من كلبي ولك محمد عمت عيني

:- المشينا وياهم بلصغر للمراجيح
جنايز للمكابر مشينا بيهم

- قريتلهم الفاتحة بس محمد ساندني مايدري هذا مو السند مو هناا السند كدامي جوة التراب صارو ضلوعي وحيلي

- اني روحي هنا شيعتهة هنا عفتهة وچوادركم تضلل للدوم بكلوبنا

- اليهضم من تحجي وية كبورهم تموت وياهم وليهضم ماكو بلكبر باب

:-

حرير: كعدت باوعت الروحي بعدني بلبس الصلاة ونايمة بلكاع اصوات عيااط على نوح بجي شكاعد يصير داخلم اني كابوس لو حقيقة تعوذت الشيطان حاولت اسيطر على روحي اكثر وافتح عيوني احس وجع بيهن فتحت باب الغرفة وعباية الصلاة لابستهة نزلت

- تصنمت بمكاني ووعيت على روحي من المنضر الشفتة الحجية وام مهڤ حاضنات الولد وكاعدات على ركبهن بلكاع

- مهڤ ومحمد متربين وبملابسهم العسكرية حتة عيونهم ماتنشاف من التراب مهڤ ملابسة مشككة ولضماد مبين ذبلان وحيل تعباان حيل مستحيل هذا مهڤ كسرة ضهرة غيرت كلشي بملامحا عبالك ساحبين ملامح وجهة وهادين حيلة

ما تحركت من مكاني صرت اباوعلهم بس اسمع صووت مهڤ وحسرتة وهوة يكول

- كسرو ضهري يمة راحو اخوتي هدو حيلي يمة عمت عيني عليهم اندار عليهم يمة لييش راحو

-
ماتوا قبل لاا اموت بجوني هواي
كلهم نوارس بيض يا يمة وياي
واحدهم عيونة شكثر بيهة احلام
شبان طاحوا طيحة الخرزة بجام

- ياا يمة ياا ام المحنة
ابنج وكع فدوا الوطنة

-ذكروني يمة من تكعدون
-تكعدون - تكعدون

- تدريني احب كعدات اهلنة ياا يمة

:-

حرير: هناا ماتحملت كعدت على ركبي بلكاع وصافنة وبس دموعي تنزل اسمع البجي ولحجي وماتحركت من مكاني الاذكرة بس حركة كلبي وخركة دموعي

- كُل الذكرتة ايامي النعادَت وصارت شريط كدام عيوني

- رفعت عيوني اشوف مهڤ كدامي لازم جروحة بالم كعد كدامي رفعت ادية حاوطت ركبتة وحضنتة نسيت دنيتي كلهة نسيت كل الموجودين الي حسيتة بهذيج اللحضة واذكرة هوة شعور الامان بقربة كلشي تغير بكعدتة وشوفتة كدامي بس شلون جنت راح اعيش لو ص صايرلة شي شلون اقاوم بدونة مهڤ صار كل حياتي كل دنيتي ويومي

- بجينة بحركة سوة داحس بدموعة تنزل داحس بيهن وبحركتهن مو راضي تطلع شهكاتة بس دموعة تنزل صوت ما عندة يشخط تشخط بصوتة ماينسمع منة شي

- رفعت راسة مني حاوطت وجهة بادية وباوعتلة بنضرات كلهة امان وحنان

- كوم وياي اسبح ورتاح شوية ، ماحجة شي حاولت اسندة وكام حطيت ادينة على جتفي وصعدت ويا للغرفة راح كعد وطلعتلة ملابس حضرتلة الحمام

- ساعدتة يدخل وطب يسبح تأخر بلحمام خفت صارلة شي لو تخربط رحت للباب رفعت ايدي ادكة ونفتح الباب

- باوعلي بحنية وحزن ماغير نضرتة الية ابد مهمى جانت ضروفة ماقسة علية ونضرتة تخليني اقاوم الدنيا ولبيها رجعت ورة وهوة يتقدم علية بهدوء

- انتَ تعبان تعال ارتاح

- ماحجة ضل يتقدم دخل لفراشة وسحبني لحضنة يمسح على راسي بحنية خلتني انعس

مهڤ: امانتج صارت امانات ثنين بركبتي امانتهم ثنينهم تضاعف خوفي عليج هيج صرت اشوفهم بوجهج انتي صرتيلي كلشي حرير ماراح اخليج تروحين مني مثل ماراحو راح تبقين ومتروحين صح

حرير:- لاا تحجي هيج مهڤ مستحيل اخطي خطوة من يمك لاا تفكر هيج متعرف شنو صار بية بفترة غيابك ولاا شنو احساسي مارجع للدنيا طعمهة ونورهاا الة بشوفتك وصوتك وحنيتك هااي

- بحَنانك

-حَنين وماكو بلدنيا بحَنانك

""

شدد على حضني اكثر ونام على شعوري بهذاك الوقت ولراحة الحسيتهة بشوفتة وقربي منة نسيت الدنيا كلهة ونسيت اني منو وشلون اجيت هنا وشداسوي وغمضت عيوني واني بالي مرتاح وماخايف من شي يتبعع

انتهى البارت المتروس دموع ماخلص هلبارت الة ودموعي خلصانة وياهم حرفيا هلبارت حيل تعبني ورجعنا لايام حولنة ننساها ايام الانبار وطفولتنة بيهة ايام التهجير

- وايام جسر بزيبز

الماعايش الذلة الصارَت بينة بهذا الجسر لاا يحجي عن الذلة حرفياا ايام بشعة بشعة بشكل لاا يوصف

حسابي الانستا نشرت بي رسالة الشهيد امين الدين لمهڤ اقروهاا.

يوزر الانستاا: - no2s.17

- رئيكم بلاحدات

استودعتكم الله.