فــاطمة الـزهراء ..🤍
حـــمامة الشـــهم..🕊️
حــب وعــذاب.....🤍
ريـــِحانٍــة 🌿
ffaa22_
كُلها تتفارّگ وتِنسى
شَمعنىٰ أني ؟
وذَيچ الأيام العظميّة
شلِون ناسِيها بّـ ثواني
ليّش ما صِرت مَثلك
ورحِت حَبيت ثانيّ. ليّش بَاقي لـ هَسه اتاني؟
________________________________
صرت ادفع بكتوفه جزت نفسي واني اطخ جسمه العاري باديه ادفع واضرب وهو فقد يبوسني بقوة ويحرگ راسه ويا كل بوسه ياخذ شفتي بيها
حتى نفسي انكطع وهو وجعني كمت ابجي واوخر بي بهستيرية وهو يزيد كل ما يشوفني معارضة وادفع بي يزيد شفتي تكطعت تخبلت صرت اضرب برجليه بالكاع واحاول ادفع بنفسي مرخشته بضافري بذراعه بكتوفه وهو مثل عناده ماكو يفرح من يشوفني متخبله هيج كدامه حسيته فرح من شاف شي جديد يعذبني بي
اكثر شي بعمري اكرهه هيا هاي السالفه يجوز تكولون تتعيقل اي بنت تكولها بس اني من واني زغيرة عندي رهبه من هاذا الشي حتى قبل لا اتزوج شهم جان من احد يفتح موضوع الزواج اتخبل كلشي اكدر اتقبله بالزواج غير هاي الشغله عندي رعب منها خوفه قرف اشوف هاي الشغلات ابد ما نابعه عن حب حتى لو كان الزواج عن حب بعيدا عن علاقتي اني وشهم
اشوفها مجرد شهوة قذارة اشباع رغبه لا غير
ومن هاي اني كلش حذرة كدام شهم حتى لبسي غيرته الشال ما اذبه كدامه
من شفت شهم كل ما اعترض يزيد استسلمت سكتت وهدت حركتي احس بي شلون يشلع بشفتي ابين شفايفه وجهي باين اديه يضغط على حيل
ضليت واكفه روحي لعبانه اكول هسه يخلص هسه يوخر اخيرا وخر عني مغمض عيونه ويتنفس حيل عبالك واحد جان يركض موخر بس شفته وجهه بوجهي
_ بنت ال*** مو ضامتهم مني ؟
دفعته عني مادري شعجب اندفع جان راخي كلت بغصه وعصبيه _
_ شسويييت شسوييت منوو سمحلكك تبوسنيي
_ انا السمحت النفسي وعلى شنوو معصبه لي شوكت تضلين تمثلين انتي الي تردين هاذا
صرت امسح بشفتيي حيل شفتي حتى مجروحه وذابه دم كمت اشهك حيل وامسح فقدت كمت ابجي واصيح
_ ماريييد مارييد ماريدكك كافيي عوفنيي عوفنييي
لزم اديه الي امسح بيهم بحلگي وخزرني حيل يحجي _
_ اسكتييي صوتج ما اسمعهه
_ بعدد لا تبوسنييي لا تتقربليي والله اموت نفسيي
_ طبج طوب خاف لا تموتين لججج انتيي راحح تخبلينيي راحح توكفيين عقليي اذا هلكدد مخططه حتى نتزووج على شنوو هل رفضض
غمضت عيوني ابجي حيل وجزع مستحيل يفهم ضل لازم اديه واني كعدت بالكاع ابجي حيل شسوي حتى الكلام ميفيد ولا الافعال مستحيل يصدك اي كلمه احجيها _
_ كوميي اوكفيي كافيي
_ ما اكوووم مااا شترييد مني شنو الي اتريده ويشفى غليلك سوي شي يدمرني يموتني بس بعدها عوفنييي لا تخلينيي معلكه بييك اكرهككك اكرهكك
لزم فكي ورفعني ولزكني بالكنتور عيونه صارن حمرر عصر فگي حيل ويحجي يم وجهي _
_ كتلجج للمووت ما اعوفجج مادام دخلتي نفسج بحياة شهم ما تطلعين منها صرتي بدائرة شهم وما تكدرين تخلصين نفسج
_ الله ينتقم منك
ضحك باستهزاء وهز راسه ورجع باسني حيييل يبوسني يمرد بفكي كمت اضرب بذراعه حيل باديه ثنين اتحرگ بهستيرية وادفر بي وخر عني يلهث وكال _
_ مادام مرتي حبيبي تحب هلكد ابوسها ابشري بعد كل يوم بوسه
دفعته بصعوبه ابجي امسح بحلكي ودموعي مادري شصار بحالي كرهت روحي ولعبت نفسب حيل وهو يباوع بابتسامه انتصار ماكدر احجي شي اخاف احجي ويرجع يسويها
طلعت بسرعه وبغرفتي الي بنفس الطابق سديت الباب وكمت ارجف وابجي حلكي حسيته تشكك بكد ما مسحت بي _
ضليت ابجي بحرگه معصبه وكاره شهم حيل بودي اروح اضربه لحد ما يشفة گلبي بعد نص ساعه بجي سكتت كمت امسح بدموعي رحت للمراية حتى اشوف شفتي
فتحت عيوني بخوف مورمه وصايرة زرگه حتى فوگ شفتي صاير زراك تفلت على شهم وغميته ودعيت علي عدلت نفسي وشالي ورطبت وجهي وحاولت اخفي الزراگ بالكونسيلر
شربت مي جان بطل مي يمي ونزلت جوة رحت شفت الدولمه بعدلها شوية كعدت بالكاع مرتجية على الكاونتر
واسمع صوت ليث يصيح ماماا ماماا تنهدت بتعب وصحت _
_ هاا حبيبي تعال هنا بالمطبخ
شوية واجه يدبج ويركض اجه علي حضنته وبسته _
_ ها
_ دوعان انيي
_ هسه اصب غدة يروحي تريد موز ؟
_ امم
كمت للثلاجه جبت اله موزاية وانطيته اله كال _
_ اين بابا لاح
_ ما رايح فوگ ..هذاك نزل روح علي
عافني وركض على شهم توه نازل من الدرج مبدل شكد اكرهه شكد لعبت نفسي منه حقدت علي وكلبي انمله _
صبينه غدة اني ونجمة واني تغديت وحدي بالمطبخ وخلصو شهم وليث مادري وين طلعو ونجمة راحت نامت كلت اروح اغسل الملابس جمعتهم بالساله واحط بالغساله
وجان اشوف الفانيلة الصحراوية بالسله اني حطيتها خرب حضي شلون نسيت رفعتها بايده اباوع بحقد ذبيتها بالكاع وكمت ادوس على برجلي واكول
_ من وراجج من ورااج تفف عليج وعلى شهم الگواد
شهكت مخليه ايدي على حلكي كلت گواد ؟ من وره شهم صرت سرسرية امداك يا شهم يا عار يا ..ياا گلب ...
دعيت ربي يخلصن هل ثلث ايام ويروح ارتاح كلش من يلتحق اخلص منه صعدت شريت الملابس ونزلت البيت فارغ بس اني ونجمة ونجمه نايمه كعدت صافنه ومقهورة من الي صار كل ما اتذكر شلون باسني احترگ
فززني موبايلي من دك رفعته شفته بافل تنهدت وضبطت صوتي وجاوبت _
_ ها بافل
_ هلو شلونج ليش اتصل وما تجاوبين
_ مادري جان الموبايل بالغرفة شلونكم امي بتول شلونها
_ الحمدالله بخير
_ شبيك ليش ضايج؟
_ يمعودة خرب حضي الاگشر
_ يا شبيك ليش شكو
_ بتول مادري شترييد وج موتتني وحق الله موتتني ساعه اشوفها عادي عدها رايدتني ساعه جن شايفه عزرائيل ولا شايفتني ولج شمرت الغراض كلها بره ما خلت شي ما كسرته باله على شنو طلگني يعني اطلگها وين تروح لاهلها هيا شافتهم بعينها شلونهم وتريد تتطلگ
ضليت متفاجئة معقوله بتول الهادئة يطلع منها كل هاذا مستحيل تسوي هيج بدون سبب مستحيل _
_ وعلى شنو ليش باله
_ ليش هيج خباللل عنااد
_ بافل تره ما اصدگ بتول تسوي هيج بدون سبب
_ ديله شوف هاي الثانيه هو اني صوجي خابرتج
_ اهوو هسه جاي اتعارگ وياك غير جاي الكه حل غير اعرف ليش
_ ....
_ انته ليش هلكد متمسك بيها تحب اذكرك انك شردت منها ؟؟
_ اهوو غلطتت غلطتت استغفرالله انعميت هسه شسويي شسويي وترضوون
_ هيوو لا تعيط عليه اني شعليه
_ موو عليج هسه عفتها غلطت واني معترف بس هسه ندمان جاي احاول اصلح الي بينه بس هيا قافله
_ اذا صدك ندمان ليش مبين عليك
_ شلون يعني ليش تره والله ندمان والله وهاي السالفه تاكل وتشرب وياي
_ بافل من اشوفك حتى اني اتنفرز
_ هم حضي هاذا ليش باله ؟.
_ لان مبين عليك ما مهتم تضحك وتشاقه ولا مبين على وجهك ذرة ندم
_ يعني شسوي ابجي وترضه بتول ؟
_ اهوو يا بافل مادري شلون افهمك
_ لا فهميني وين اروح ولج فهميني
_ بتول هسه مادري اذا تريدك او لا بس معصبه منك مجروحه يا بافل من تشوف روحها لا حول ولا قوه مجبورة تبقه يمك وتتقبلك حتى لو جانت متريدك راح تحقد بالزايد بافل بتول صاير عليها ضعط نفسيتها متدمرة من اهلها من حجي الناس منك كلها ملتمه عليها وانته ذاك اليوم من رايح ومحرض اهلها بالزايد عليها وشفت شلون اتهمتها وقللت من احترامها كدامنه شتتوقع منها تجي تبوسك وتكلك شكرا لو احبك ؟
_ كلت لاهلها لان خفت تتركني خفت لا صدك يصيرون وياها وتطلگ مني بيران والله رايدها مو قصه مسامحه لو شي اخر اني صدك اول ما جيت كلت اضغط على نفسي حتى لا ما احبها كلت كسرت خاطرها هواي وبسببي رادت تنهي حياتها بس يشهد الله علي حبيتها من گل گلبي حبيت هدوئها وحبيت ابتسامتها وتصرفاتها وطيبتها وحتى ثولها حبيته بس هيا ما تحس تكلي تريد تفرض سيطرتك علي باله شفرضت العباس عليج شفرضت
_ اذا تحبها اصبر عليها صبرت عليك هيا اكثر من عشرين سنه وبالنهاية خذلتها وانته هسه متكدر تصبر لحد ما يشفى كلبها من الجروح
_ شسوي يا بيران والله حتى شغلي عقلي مو ويا اليوم يمكن بالعشر زباين ساعه انطي الملابس وانطي فلوس فوكاهن لو ينطيني العلاكه دا احاسب اكله مشكور واضل صافن انوب الرجال ينتضر واني ضاربلي عكس افكر بالمسعدة
_ هههه حوبه بتول انقطيت
_ هسه شسوي
_ لا تجبرها على شي اي شي تريده كلها اي لان بتول من جاي تسوي تصرفات مو طبعها حتى تستفزك حتى تتركها حتى تشوفك صدك تحبها لو هيج اهتم بتفاصيلها حتى لو شي زغير طلعها انته مطلعها من رجعت اني لو لا
_ لا بس من جنتي يمنه نطلع كلنه
_ ها اها شراح تكول لعد ميحب يطلع وياي يخجل مني
_ اخجل منها ؟؟ على شنو هههه
تنهدت احجي بجدية _
_ علمود الندب الي بوجها هيا عبالها العالم تنتقدها علموده
_ شنوو الندب شعلي والله اصلا ما مبين
_ ومن ورامن هل ندب ؟
سكت شوية وحجه على كيف _
_من وراي
_ اي شوف شكو اذية بيها من ورك شلون تريدها تتقبلك لعد هيا جانت مسامحتك من هل ناحيه بافل فكر بيها هيا بنيه شناقصها خلقه واخلاق وتدري بناس القرية شكد متخلفين بسبب ندب زغير كل ما احد يجي يتقدملها يروح وفكر شكد تتاذة شكد تنقهر هيا جانت ساكته ومسامحتك لان تدري بيك راح تتزوجها وانته شسويت ؟ سويت مثلهم شردت منها
_ هو اني غبي اثول وادري بروحي سويت شي يدلج الوجه ويدمر بتول و..وانتي ادري بيج هم ما مسامحتني
_ طبعا ما مسامحتك عبالك انسه
_ اسف
_ كلمه اسف سهله نريد نشوف بالافعال
_ ديري بالج علي نفسج يمكن الخميس اجي عليج تجين علينه امي تريد تشوفج
_ لااا ..اء ش شهم راح يلتحق وماكدر اعوف اخته بوحدها عود من ينزل اجي يمكم
_ هاا هيا مو متزوجه ؟
_ لا اي بس سالفتها سالفه عود اكولك بعدين
_ ماشي
_ لاا شنو اكلك اصلا ماريد احجي وياك
_ ماشي
_ يله باي
طفيته وخرجت من المكالمه قمطت ام العافية من شفت شهم متصل اربع مرات خليت اضافري بحلگي متوترة شسوي اخابره اتصلت ويرن وما يرد طفيته وضليت خايفه اخاف يعصب بس ما مسوية شي غلط يعني جنت اخابر ..
كلت احسن شي اروح انام لان اذا شافني نايمه راح يعوفني كمت ركضت لغرفتي وسديت الباب المشكله ما بي قفللل اوف غرفتي صايرة زغيرة هيا القديمه ما تغيرت بيها كنتور زغير بابين ومراية وجوة المراية كومدي مخليه على الغراض والفراش العالي مخليته وفارشته نزله بيجيه وبيها مكيف بالشباك هيا اكو غرف غرفة نجمة الي بصف غرفتي الي جانت بيها وغرفة ايهم وميار القديمه وغرفة شهم بس اني احب هاي الغرفة حلوة وزغيرة والضوة الي يجي بيها قليل لان ما صايرة على الشمس هو البيت كله بي اربع غرف غرفتين جوة وغرفتين فوگ والمطبخ والصاله والاستقبال والحمام بيتهم كلش جبير بس اني ما غيرت هاي الغرفة حلوة طفيت الضوة بسرعه وتغطيت وبالكوة يله غفيت ونمت صدك ....
شلون حلم حلمانه الله شهم كاعد يتوسل بيه واني اتامر علي ومكيفه وما احس اله مي بارد انرشگ بوجهي عطت وشهكت
_ اشششه
ضليت كاعدة على فراشي على رگبي وموخرة اديه من برودة المي باوعت كدامي واكف لازم الطاسه ويباوعلي بعصبيه كلت اشهك _
_ هـ ه هاي هاي ليشش
_ وحريشي اناا مو اتصلل عليج ويامن جنتي مشغوله ؟؟
_ مو اتصلت عليك اني هم
_ لا تغيرين الموضوع ويامن جنتيي مشغوله
مسحت المي الي بوجهي حتى الفراش تبلل حجيت اوخر بالغطه _
_ بافل جان يخابر بيه و...
صحت بوجع من لزم زندي حيل وجرني اله وكال وفكه متصلب عيونه حمر _
_ منن احجييي وياااج توكفيين وتحجيين باحتراام
بلعت ريك اباوع لعيونه بخوف هزيت راسي رجع حجه بحدة وعصبيه _
_ موبايلجج ويين ؟
_ ليش
_ بدووون ليششش الموباييل ويين بسرعهه
صرخ فززني كمت ارجف من الخوف رحت جبتله موبايلي بسرعه واني ما فاهمه على شنو يريده جنت ...اخذه من ايدي حيل وفتحه صرخ بيه وكال _
_ الرمززز
بسرعه فتحت اله اخذه مني ومادري بشنو گلب ما قربت منه ضليت افرگ باديه ونفسي يصعد وينزل شوية وسمعت صوتي وصوت بافل مكالمتنه طفاها وكال بحديه وهو يقرب مني بعصبيه _
_ هاذا الموباييل بعدد اذا خليتي بيي رمزز ادفنج
همست بخوف _
_ لـ ليش
_ بدووون لييش بدوون ليش واذا مرة ثانيةة اتصلت ولكيت مشغوول انهييج اخذ روحج
حسيت مشاعري انذلت كرامتي شلون يشك بيه عباله عندي شي بالموبايل عباله صدگ عندي هاي السوالف شهم مريض وادري بي عنده عقدة يخاف من الخيانه وما يثق باحد عباله كلها مثل غيد وميار ما كدرت اسكت دموعي نزلت وكلت كازة على سنوني _
_ لا تشكك بيه اشرف منكم انيي
عيونه صارن بكصته لزم ايدي ولواها ورة ضهري حيل حسيتها انكسرت بس اني اباوعله بحقد وعيوني انملت دموع _
_ سالفهه شريفه احجيها الغيريي اعرف كلش زين شنو من جنس انتن وشنو طينتجن ف مراح اعيد كلامي بعدد الموبايل اذا لكيت بي رمز اكسره على راسج وحتى هاذا اخوج الخنيث بعد ما تشوفينه ولا تخابري اذا ما لغيتي الرمز
_ الله ينتقم منك
_ خلي ينتقم مني معليج بيه الغي كدامي يلهه
_ على شنوو الغيي شراح تستفاد
_ تلغينه وتنطيني ياه يلهه
ضليت صافنه على اتنفس حيل وعصبيه لوه ايدي اكثر وكال بحدة _
_ يلهه
اخذت الموبايل لغيت الرمز وكل روحي محترگه شلون مذلوله بدون لا اكدر اسوي شي اخذه من ايدي حيل وكال _
_ يرجع الج بعد ما يتنضف
ودفعني وطلع كعدت على الفراش ابجي بقهر ربي شلون اتحمله ياربي ليش هيج تسوي بيه شنو الي سويته وهيج جاي تعاقبني .....
بتول .........
منو اني ؟ اني بتول ليش لعد هلكد صايرة متناقضه عصبيه مزاجي صاير متقلب ساعه اضحك ساعه ابجي اريد شي ومن اخذه تلعب نفسي
ليش هيج صرت ومنو السبب ؟
ليش اني هيج اعصب من نفسي من ارجع افكر بافل واعترف ما ناسيته ولسه حابته شكد حاولت اكرهه شكد حقدت ومجرد وقت وترجع نفس المشاعر ارجع اتذكر شلون حبيته من طفولتي وابتسم
واتذكر شلون باسني لو اهتم بيه واطير
ومن هاي اتخبل ليش اني هيج ليش ماكدر انساه اذا رجعت اله هيج شنو راح اصير
قشمر ؟ سهله مشاعري مو مهمه ولا زعلي اتراضه بسرعه
انذكر قبل اسبوع شصار وصافنه الي سويته صح او خطا ..
جنت كاعدة بالصاله اكل جبس وفاتحه يوتيوب بموبايلي واشوف خطوات خياطه احب الخياطه واموت عليها
عمتي يم بيت ساجر توها طلعت تتونس يم عمه سلمى نزل من الدرج بملابس البيت باوعت علي ورجعت انضاري للموبايل بدون اهتمام مادة رجليه على التخم وراسي مسنود على العكس وعلى بطني الجبس والموبايل بيدي كعد يم رجليه وكال
_ رايقة اليوم الحلوة
ما رديت علي ولا اهتميت خله ايده على جدار التخم مرتجي وكال _
_ شكاعد تشوفين هلكد مندمجه
باوعت على بانزعاج ورفعت موبايلي احجي بانفعال _
_ خياطهه اشوف لا تخااف ما خاينتك ولا مراسله احد بس لا تتخبل علي
ضل صافن بوجهي متفاجئ واني اباوع بعصبيه ضحك_
_ شبيج بس سألت ولا تكولين خاينتك شنو هل حجي
_ اي لان انته عبالك كل الناس مثلك تخون وتشرد
اخذ نفس عميق بانزعاج داير وجهه ما عاجبه الاخ رجعت لمكاني اباوع واكل بسرعه وغضب
_ تحبين اسجلج بدورة خياطه تتعلمين ها ؟
_ لاء
_ هلكد تحبين الخياطه من اروح اشتريلج مكينه لعد وقماش
ما رديت علي ساكته كال يمزح _
_ شنو ماكو احترام وين اكو مراة مخليه رجليها بوجه رجلها مو لازم العكس
_ هذاك تخم وهذاك ليش كاعد يمي
_ اسفين عمي اسفين
گلبت عيوني بس قشعر جسمي من خله اديه على رجليه جنت لابسه برمودة جوة الركبه كام يدلك رجليه ويحجي _
_ وحتى افركلج اياهن حتى تشوفين شكد فقير اني
ضليت اباوع علي وگلبي كام يدك حيل اريد اسحبهن منه بس مادري شنو المانعني من هاي اعصب من نفسي اني قشمر واعترف ينضحك عليه بسرعه ضليت ساكته اباوع وهو مبتسم حسيت لمسلاته صارت جريئة دفرت اديه ونزلت رجليه بالكاع خازرته _
_ كافي عوف هل سوالف
بسرعه لزم ايدي وجرني اله يحجي بتعب ولهفه _
_ بداعت كل غالي بتول كافي والله روحي طكت
حجيت بعصبيه يم وجهه _
_ محد جابرك تتحمل طلگني
غمض بعصبيه وفتح خازرني خله ايده على خدي يحجي _
_ عوفي هل سالفه من اروح فدوة لعيونج كافي اسف واعتذر منج كافي تعذبينه ثنينه
دفعته عني بس هوة لازم ايدي ميخليني اكوم _
_ ماا اعوفهاا ماا انته انته ليش هيج هاا مو مو جنت متريدني شنو التغير مو جنت مستعدة انطي روحي الكك جنت اموت على الكاع التمشي بيها وانته ما قدررت ماا جازييت حبيي غير بس بالاهانية انته عفتنييي وكرهتنيي بسس بسبب هاذا الندببب هاذااا هاذاا
فقدت كمت ابجي واضرب بخدي بقوة مكان الندب كام يريد يسكتني ميكدر لزم اديه ثنينهن وطبكهن ورة ضهري يحجي بصوت عالي يريد يسكتني _
_ خلص خلص كافي ادري اشش يله بس اسكتي
_ وخررر عني وخرر شنوو ذنبي انيي شنوو اني الي كتلك تعال اضربني وابتليي بيه لو ذنبي عندي اهل متخلفين لو لان حبيييتك هااا شنوو
_ والله مو من الندب اني جنت كاره اهلج جنت اكرهم لان غصبوني وغصبوج يعني حتى لو جنتي انتي هم ما رايدتني جانو راح يزوجونه غصب كرهت لان شي غصبأ عليه سوه واني اكره احد يجبرني ما اريد احد يغلبني ما جنت مفكر بمشاعرج عبالي مثلهم والله جنت عبالي انتي مثلهم نفس جشاعتهم وتخلفهم وجنت ما رايدج بس والله هسه احبج والله مستعد ادفع روحي مقابل بس تسامحيني
_ عوفنيي بس عوفنيي ما اصدك بكلمه وحدة تكولهاا ما اصدكك انته جنت رايدد هذييج شيمااااء ما جنت تريدنيي لك لك حتى حتى لو جنت ما رايدني لو ما طايق شوفتيي ليششش هيجي سوييت ليش رجعتني وحدي بصباحيه عرسي الي جانت المفروض تكون فرحه الي وذكرة حلوة لو متزوجهاا ورة ما ماخذنيي لو متزوجها قبليي جنتت رضيت تعيش وياي بنفس البيت ولا مسوي هيج بيه لسه الناس الي هنا عبالهم الخلل بيه عبالهم مو ...
عيونه كلهم قهر ودمع يحجي ويبلع بريكه _
_ ادري اني گلب حيوان مطي كلهن بيه غبي بس والله مادري شصار بيه بتول عيوني انعمن لج ما فكرت حتى بامي المريضه ولا اختي الي وحدها ورحتت شلون لعد من جنت اصلا ما احبج شلون افكر بيج والله شهر واحد كضيته ويا شيماء وتندمت صحيت على روحي شسويت وشنو اذنبت تورطت وعبالك هسه يله صحيت على روحي يعني بس كوليلي شي اسوي وتسامحيني وروح ابوي لا مجذب ولا سالفه ندم ولا شي گلبي حابج ورايدج
جر اديه وباسهن يباوع لعيوني _
_ والله شتردين اسويلج وين تريدين ترحين اوديج شتطلبين يجي يمج
سحبت ايدي منه حيل وكلت معصبه _
_ شتقصدد ؟ اني مصلحجيه وارضه بشغلات تافهه بفلوسك ؟؟
_ يا وج شكلتت لا والله
_ لااا انته قصدك هيج تكلي شتريدين يجيي يمك هاي لان جبتلي موبايل وحلقه ؟؟
ضحك مخلي ايده على وجهه وتنهد بعمق كمت معصبه اصيح _
_ عبالكك انييي قشمرر مو كلتت هاي قشمرر خلي اضحك عليها بموبايلل
اخذت الموبايل وشمرته علي وذبيت الحلقه هم شمرتها وكمت اصرخ _
_ ماريييد شي منك ماريييد طگنيييييييي
باوع علي ساكت ومخلي ايده على خده تخبلت مادري شبيه ليش اتعصب من اقل شغله تافهه _
_ بعدد ماريدد شي منك افتهمتت وحتى شكوو شي منكك ماريده
رحت لغرفتي متخبله ونفسي يصعد وينزل بعصبيه كمت الم بالغراض الي يجيبهن واشمر بره واصيح _
_ مارييد شي منك ماريييد
اجه عليه يمشي على كيف مخلي ايده على حلكه بجزع بس عيونه يباوعن على الاغرلض
بافل _ لج عيني فدوة اروحلج شبيج اوديج للسيد
فتحت عيوني بصدمه واجيت علي اضربه بصدرة واحجي _
_ قصدكك اني مخبلهه مووو
_ لا بس شوية طاكه عندج
_ لعدد طلگني اذا مو عاجبتك طلكنيي
_ يله عادي قابل بيج
كمت اشيل بروحي واركعها ما خليت حجي تمسلت ما حجيته كمت اطلع سوالف من جوة الكاع صارلهم قرن واحجي لو اجيب بالملابس واشمر علي لو ابجي لو اكله طلگني صدك طكت عندي
وهو ساكت متحمل كل الضرب والصراخ وساكت يباوع بس اخر شي كعدت بالكاع اتنفس حيل وعصبيه _
بافل _ خلصنه ؟
_ وخر عني
كعد بالكاع كبالي ومسح دموعي يحجي بهدوء _
_ اسف شتحجين عليه حقج
شفتي كامت ترجف ودموعي رجعت تنزل كلت بغصه اناشغ _
_ ليش هيج سويت بيه
عض شفته حيل وجهه معقوج بقهر وحيرة نزلت راسي ابجي تعبت من كلشي شسوي ما يبرد گلبي سحب راسي الصدرة حاضني حيل ويبوس براسي _
_ لا تبجين دموعج جون كلبي امداني اني السبب بنزلتهن
ما وخرت عنه ولا حاولت ادفعه تعبت من كد العايط والتحرگ ضليت ابجي بحرگه كل ما اتذكر شلون عافني شلون جرحني هل موضوع ميطلع من بالي ابد ابدد لو شسويت هو مطبوع طبع
وكتها بجيت بحضن الشخص الي ابجي بسببه شلون بجيت ضليت هواي اناشع حتى الفانيله الابسها تبللت من دموعي وهو ماد رجليه منا ومنا فاتحهم واني بنص رجليه راسي بصدرة مضموم وابجي _
_ كافي والله هديتي حيلي
وخر راسي من صدره يمسح بدموعي ويبوس بخدودي واني اناشغ شهكه ما تروح مني باوعت علي شلون دموعه مبلله خدوده ورموشه ليش ماكدر اسامحه وانسه رغم اشوفه صدك ندمان ومشاعره حقيقه الي ماكدر
دفعته بخفه عني وكمت _
_ تعبت منك والله
_ الله ياخذني كون ولا صدك ارتاح اذا ما سامحتيني
درت وجهي عنه وطبيت غرفتي صايرة سالفه كعدت على الجرباية ولميت رجليه لصدري ساكته شوية وطب لام الملابس بايده باوعلي وما حجهه
سفط الملابس بالكنتور ورتب الغرفة وطلع الموبايل من جيبه والحلقه وخلاهم على الميز تواليت وطلع ساد الباب وراه نزلت دموعي ورجعت ابجي
وهسه افكر بنفسي بعد اسبوع من هل سالفه ابد ما حجه وياي ولا حاول يضغط عليه مثل قبل مخليني على راحتي وحتى كام من يرجع من الشغل يساعدني بتنضيف البيت بدون حجي ومرات اجي دا اغسل المواعين والكاه غاسلهم
من عمتي تريد شغله هو يسويها وحتى بس الغدة اطبخه اني هو يجيب ريوگ وعشة ابد ما يخلينه نطبخ هواي حتى من جانت بيران هنا
وهل يوم جان جمعه طلع مادري وين من الصبح وجنت كاعدة يم عمتي نسولف سوالف نسوان وقيل وقالت وعمتي جابتها عليه
_ ما حنيتي على وليدي
ضحكت ونفيت براسي _
_ ما احن اني
_ يمه عمت عيني والله حتى وجهه مبلوع ما تشوفين من نكعد يضل بس يباوع عليج يريدج بس تحجين ويا والله خطيه وليدي
_ عمه لعد اني مو خطيه قليل الي سواه بيه
_ وياج اني وما منطيه بيج بس والله يا بتوله الي جاي تسوينه ما يفيد ابد بافل ندمان وجاي تشوفينه شكد يحاول يخلي علاقتكم تتصلح بس انتي ابد ما تحنين
_ ما احن عمه ليش ما حن عليه من عافني وراح
_ راح يصير سنتين على السالفه يمه كافي ميصير هيج حارمين انفسكم من بعض خلوني افرح يمه قبل لا الله ياخذ امانته خليني اشوف احفادي
_ اسم الله عمه لا تحجين هيج
كلتها منزله راسي وضايجه لزمت ايدي _
_ طول هل مدة ابد ما حجيت وياج وضغطت عليج ويشهد الله بطول الذرة ما انطيت بيج كدام بافل ولا بيوم انطيته وجه بس عمه لي شوكت تضلين هيج اني ما جاي اعيرج ب اهلج بس اذا تطلگتي صدك انتي تعرفين اهلج اكثر مني راح يبقوج يمهم ؟
سكتت بس وروحي انقبضت _
_ راح يزوجونج والله اعلم منو يجوز الله يذبج برجال ما يخاف الله رجال جبير رجال متزوج رجال عنده عايله جبيرة وانتي ادري بيج شكد على نياتج وگلبج ابيض شلون راح تكدرين لناس مثل الشياطين اهلج ما راح يزوجونج لواحد من المدينه ادري ابوج محضرلج رجال بكده وتعرفينه انتي شكد لح عليج تطلگين حتى يزوجج اياه واني هاذا الرجال اعرف مرته متزوج ثنين وعنده كوم مال جهال وام لو تشوفين شكد وكحه وما تخاف الله عجوز هيا بس بيها كل حيل الله
_ ع عمه اني مادري شبيه والله ...
بجيت ما تحملت هيج اني حايرة اريد اتطلگ بس ادري محد بحالي راح يشمروني لاي واحد يجي يدك الباب _
اولغا _ كولي يا الله واستهدي بالرحمان ما جاي اكلج هسه سامحي ابقي ارتاحي بس والله يا عمه ما تلكين مثل بافل اول مرة اخذتي صورة من عنده واحد حقير وكذاب بس هسه شوفي وجربي والله من طول حبج راح يضل يحبج طول عمره وما راح يفكر يباوع على غيرج ولا ابد
_ بس هوة باوع على شيماء عمه واخذها و وعاشت ايامي وياه قبلي
_ ما جان حابج وادري بافل راح يحبج بعد ما يتزوجج لعد ليش جنت الح علي ياخذج ادري بي ما معاشرج ولا عارفج حتى يحبج جان يضوج لان كلها تضغط علي يتزوجج وشيماء هاي هو ما حابها هو تزوجها حتى يكسر عين ابوج حتى يكله محد يجبرني اسوي شي ما اريده واذا صدك يحبها جان تحملها هو يكول كامت تتكلب عليه وتنتر زين هسه انتي شسوين مو هم تتكلبين تصيحين ادري بيج مو هاذا طبعج ادري تريدين تغثينه بس هو يحجي مو لسه مصر عليج ورايدج
_ عمه شي يخنكني من اشوفه والله اني ما كارهته معصبه منه وماكدر اتقبله بس ما اكرهه من اكول اريد اسامحه وبس اشوفه اختنك واعصب
_ نفور هاذا عمه نفور اخذج للسيد يقرة عليج ونشوف
خليت راسي على رجليها ودموعي تنزل كامت تقره عليه وتمسح على راسي ....
نجمة .......
نايمه بجربايتي واكلب بالموبايل نعسانه بس مابيه انام مادري شبيه افكر برائد شكد مشتاقتله ومشتاقه اشوف وجهه وضحكته الحلوة مشتاقه العب بشواربه وانام بحضنه بس ماكدر اليوم شهم اخذ روحي من كالي حجيت ويا رائد عن طلاكم ضليت لا اخذ ولا انطي كلت هسه راح يغمى عليه ما حجيت كالي من ارجع من التحاقي كال يسوي كعدة ويا على هل موضوع لان رائد رافض يطلگ وشهم ما يكدر بتعارگ ويا لان اسلوب رائد ياخي يخجلك شايف الي يكول اخلك باخلاقي هو رافض بس بادب كادر يتحكم باعصاب شهم مادري شلون
شهم كلش يعزة ويحترمه ومادري ليش ؟
الساعه يمكن ب 12 جانت دك عليه رقم خلاني افز نصيت الموبايل بسرعه اباوع زين المن هل رقم ما عندي شكيت بي رائد تشجعت ورديت بس ما حجيت بسرعه عرفت صوته _
_ الوو نجمة نجومه .... تسمعيني الوو
عصرت الغطه حيل واني اسمع صوته من بعد شهرين كل جسمي قشعر ما حجيت شي بس هو يحجي بتعب وقهر _
_ ليش هيج نجومه ليش هيج تعاقبيني شهرين شهريين صوتج ما سامعه هيج تكطعين بيه ؟
_ ....
_ شسويتي بيه نجمة رحتي واخذتي عقلي وگلبي وياج عقلي رسم شي واحد يفكر بي بس نجمة شسوت شكلت شحجت شسويتي بيه ؟
_ ....
_ لا تسوين هيج سمعيني صوتج ولو كلمه
سمعت طكه الجداحه سكت ما رديت بس دموعي كامت تنزل مشتاقتله هوااي بس كل ما اتذكر شلون انكلب عليه انقهر منه _
حجه بصوت ابح خافت _
_ مشتاق لكل ذرة بيج نجمة مشتاق لشعرج الي يغطي وجهي كل ما انام ولضحكتج ولعيونج الي يضيعني كل ما اباوع بيهن مشتاق انام بحضنج وما اتحرگ بعد ..مشتاق اخلي شفايفي على شفايفج وانسه كل العالم
عضيت شفتي حييل وايدي ترجف اني ويني وين هل حجي ما متعودة على هيج حجي ابد هل كلام اول مرة اسمعله صحيح من جنت يمه يحبني ويغازلني بس مو لهل درجة او يمكن جان يحجيلي ياه بس ما جنت اتاثر كلش لان هو كبالي يكفيني اشوف وجهه يجوز لان مبتعدة صار هواي عنه _
_ الوو ..نجمة ردي يمعودة خاف انته شهم
ضحكت على كيف وخليت ايدي على حلگي مو بيدي ضحكني كلامه عضيت اصبعي لان بعرتها وضحكت
_ من اروح فدوة لهل ضحكه رديتي روحي
طفيته بسرعه وضليت اضرب بنفسي والوم شعندي انييي هسه لازم اخرب الهيبه هسه يكول رضت _
بيران ........
شربت علاجي واني افكر بطريقه اشرد بيها من شهم كلت خلي اشرب علاج حتى ما اطيح ما بيه حيل هم ابر وعلاج اكره المستشفيات واني الي اريد اصير دكتورة كمت اتراجع شوية شوية من اول ما طبيت مدرسة كلت دكتورة بعدين ممرضه وهسه اريد اغير لشي اقل يمكن اصير منضفه بس هههه
هلهه جاي اضحك واني وراي شهم طفيت ضوة المطبخ وطلعت كلت خلي اروح هو بس شوية ادغث مع لوية ايد وجرة شعر ويمكن راشدي ورزاله وهاي هيه سهله مو امداني لا والله امده شهم اني شعليه
ردت اشرد لغرفتي بس هوة مادري شلون يحس اني اصعد الدرج يفتح الباب كبل لا اطب
_ ها وين شاردة ؟
حكيت حاجبي واجيت علي احجي بتعلثم _
_ ما شاردة و وين موبايلي
مديت ايدي عود مغشمه نفسي كلت اسوي روحي ما ادري بلكت يغلس وينطيني الموبايل ويعوفني رفع حواجبه وجرني من ايدي للغرفة ما تفاجأت الصراحه
سد الباب وكال يحجي _
_ تريدين موبايلج اي من عيوني هذاك على الجرباية روحي اخذي
استغربت من الهدوء بس ما امنت هسه يصدمني رحت للجرباية عليها موبايلي اخذته فتحته لان بدون رمز كلشي ما متغير بي باوعت علي وكلت
_ ا اروح انام هسه
_ جؤ جؤؤ بنت*** كتلج عكب باجر التحق وما متونس عليج
_ شتتونس ما عندي ونسه والله
_ لا عدنج ونسه غير شكل
خوفني كلامه ضليت اباوع بخوف تقرب مني رجعت ليورة عيونه منزلات عليه ويباوع لشفتي خفت لا يرجع يبوسني _
_ شهم ..
_ همم
اخذت نفس بتوتر _
_ ر راسي راسي يوجعني اريد انام
_ همم
لحد ما انلزكت بالحايط حصرني ما خلاني اوخر خله اديه منا ومنا وحاصرني بجسمه حباية وطخ جسمي بجسمه واني لازكه روحي بالحايط _
_ تدرين فكرت اليوم بشغله !! اساليني شنوو
_ ش شنو
_ اذا انتي هسه مرتي وعايشين بنفس البيت لعد ليش عايشين مثل الغربة كلتتت انطيها حقوقها
گلبي ساح من الخوف ورجليه ماتن هاي الجنت خايفه منها سالفه الحقوق ضليت ساكته اباوع وحواجبي مقوسه بخوف _
ضحك ولزم خدي جزت نفسي وملت على صفحه بس رجعني حيل يحجي _
_ كلت خطيه ليش هلكد تعبت وضحت علمود شهم وهسه شهم ما معبرها خلي انطيها حقوقها بس ...ههههه بعدين هم فكرت انو ما تستاهلين انطي حقوقج للگ*** وما اخليج تشوفين شي اخليج عايشة هنا مثل الخدامه مجرد تنضفين وطبخين بس
من كال هيج ارتاحيت وتطمنت هسه عباله انقهر امداك اي والله شسوي بيك شسوي بالحقوق خليها صدك لگ *** واني ماريد عباله هيج يعني راح انقهر اني هم مثلت عود مقهورة علمود لا يحس
_ بس عادي عادي اصبرج بكهكهيات
_ ا اروح
_ جؤؤ عندي شغل واريدج تسهرين وياي
_ ما بيه اكتب والله
جرني من ايدي يحجي _
_ لا تكتبين
كعدني على الجرباية وكعد يباوعلي ارتجه على تاج الجرباية ومدد رجليه واني بصفه كاعدة على نار بس اريد اطلع _ خله جكارة بحلكه وكال بصوت خافت _
_ ورثيها
ضليت شوية يله استوعبت وكمت اتلفت ادور على الجداحه اشر بحواجبه يم الفايل اخذتها وزحفت على رگبي وكفت اورثها بحذر اخاف احرك شواربه شيخلصني ورثتها جنت مركزة بالجكارة وما منتبه على نضراته من رفعت عيوني جان يباوعلي نضرات اول مرة اشوفها منه مادري برود مادري عتب مادري نضره اول مرة من تزوجته شفتها دا اوخر ما خلاني لزم ايدي وكال ببرود ياخذ نفس من الجكاره _
_ اكعدي
كعدت بصفه وداخلي يرجف وخر الجكارة وعيونه تفحصت كل انشئ من وجهي عيوني ما اخليهم بعيونه احاول اتهرب منه
_ صايرة ام بيج وتبيعين ومندوب ...ايي شكد ربحتي باله بالم*** مالتج
_ ها
كلتها ما مفتهمه لان كال فجأة ضليت صافنه يله فكرت بيها وتذكرت البيج مالتي مفتوح بالفيس وكلشي بي رفع حواجبه باستهزاء فتحت حلگي وكلت _
_ هااا البييج
_ اييي
_ مو من رحت انته رجعت وفتحت بيج مالت كيك لان جنت اريد مصروفي الخاص
_ واخوج الخنيث ما ينطيج
_ لا ينطيني اصلا الي اشتغل عليهم مخليتهم بس مصرف ليث
زغر عيونه وسكت وكال وهو يزفر الدخان _
_ يعني قصدج اخوج ميقبل يصرف على ليث
ملت راسي حايرة وكلت _
_ لاا يا شهمم مو هيج قصدي اصلا البس والالعاب والطبيب كلشي على بافل واصلا الفلوس الي اخذها من هاذا المشروع ما يجيبن 25 الف باليوم يادوب كتلك مخليتهم هيج جوة ايدي بافل ما مقصر وما قبل اصلا اشتغل هيج بس اني سويت هاذا المشروع من الملل ليش هيج تحجي عبالك ليث ثكيل علينه جان تره بافل كلش يحب ليث ويعتبره مثل ابنه
_ همم اعصابج ما كلت شي ...وكل فلس صرفه اخوج على ابني يرجعله لا تخافين
سكتت ضايجه ابد ما ينطاق ابدد عبالك مو شهم الي جنت اعرفه مادري ليش هيج صاير يشك بكلشي ولازم كل شي يشوفه من منضور سلبي نقر على كصتي وكال _
_ هوووش وين رحتي تعالي اكعدي بصفي يله
_ ليش
_ يله
نفخت بملل وتقريت يمه على رگبي مشيت وكعدت بصفه مد ايده على شفتي وكرصها حييل خله روحي تشوغ كال
_ لا تنفخين يمي بنت المسموط
_ اخخخ
كلتها بانفعال ولزمت شفتي بوجع انوب هيا مناك توجعني من وراه وهسه كرصها خله روحي تشوغ _
_ بعد بعد بالغي مو كارصج بكتر
_ نفسس الشيي
_ لج لا تنترين بوجهي
سكتت ضايجه ولازمه شفتي الي يشوف كعدتنا هسه يكول شكد حبايب ثنينه مرتجين على التاج ومددين رجلينه اني صايرة اعله منه لان هو نايم بس راسه ساندة على التاج ويدخن _
ضل بس ساكت يدخن ويباوعلي اني هم سكتت كلت سكوته احسن من فعله عاد ساكت ولو خنگتي بالدخان الي يذبه بوجهي كل شوية كاحه يمكن نص ساعه وهو جكاره تجر جكارة واني تثاوبت بنعاس اجيت اغمض عيوني ما حاسه ونتر بيه خلاني افز _
_ اذا نمتييي اموتجج وعلي
_ لا لا ما نايمه
هزيت راسي اصحصح وافتح بعيوني اباوع علي ورث جكارة واخذ منها نفس طويييل وذبه بوجهي هفيت بايدي منتبه على حركاته عيونه البؤبؤ مالهم يتحرك هواي على معالم وجهي تفاحه ادم تصعد وتنزل حجه بصوت خافت _
_ قربي عليه ..
زميت شفتي بقلق كل ما يكول يحجي هيج يصير ايع واصلا اني ادري بي شيريد يريدني اشرب جكاره وياه خزرني لان ضليت صافنه قربت راسي اله واني صايرة اعله منه شوية اخذت الجكارة بين شفتي بدون لا يكلي سمعت ضحكته اخذت نفس وذبيه اباوع علي جان مبتسم على كيف ما اكدر اميز وجهه حيل الغرفة انارتها قليله بس التبلام من يمه همس وحسيت نفسه يم وجهي
_ تعجبيني من تسمعين الكلام
ردت اوخر خله ايده ورة راسي مانعني خله الجكارة بين شفته وزفر الدخان مغمض عيونه وبحسرة _ همس
_ بريوگ بـس كمـت ما استلـذ بالجكارة اله من شفتج
رجع خلاها بين شفتي هسه هاذا هم حضي كلت بلكت من يشوفني ما معترضه يعوفني سحبت نفس منها وذبيه صار الدخان بوجهه لان حرفيا وجهي بوجه حيل قريب غمض عيونه فتح عيونه يبلع ريگ ساكت
_ كل ما اشوف عيونج يحترگ گلبي شلون عيون بهل برائة وراهم كل هاذا الخبث
جريت نفسي اريد اوخر هاذا كام ما يتامن منعني كلت بترجي _
_ نعسانه والله
_ بس اخر مرة يله
قرب الجكارة من شفتي تنهدت بتعب ولزمت ايده اخذت نفس حيل اريدها تخلص كال بسرعه
_ لا تذبين الدخان اوكفي
ضليت نافخه خدودي وردت اختنك سحب هو هم نفس وشهكه حيل وكال _
_ ذبي يله
ويا ما ذبيت الدخان هو هم طلع الدخان الي بصدره وذبه مادري صراحه شوضعه ؟ شيريد شنو اللذة من هاي المضرطه ؟
كحيت مختنكه فتحت عيوني وشفته قريب يتنفس حيل حسيته شوية ويفترسني بدون لا استوعب قرب راسه مغمض شهكت وسديت حلكه بيدي مبعده راسي فتح عيونه بانزعاج خازرني كلت بسرعه
_ لا تبوسنيي
لزم ايدي الي على حلكه وعضاها حيل صرخت ارفع بنفسي بوجع واكول
_ اخخ اخ وخر يمه ايدي يمهه ايدي راح تنكطعع اخخ
وخر عني وكال بحدة _
_ كون بالكطع صدك بنت ال*** خربت الحضه
_ ياا لحضه شهمم كتلك بعد لا تبوسني
_ ديله عساس ميت عليج وجهج فاهي
باوعت على ايدي وضغطت عليها بوجع بصفحه جفي سنونه طابعات رجع نفسه ومخلي ذراعه وره راسه مرتجي _
_ اي احجيلي باله شوكت كمتي تحبيني ؟
_ شهم ليش احسك مكيف ؟
_ وسم وزقنبوت اكيف عليج الفاهيه ملامحج ما تنعرف عود شنو حلوة مغرورة لان بيضه تره انا احب السمر
_ اي شسويلك روح حب السمر تره ما حابتك والله
_ اي ولي شرد غيد بليله غبرة علمود بس بسس اباوع عليج
_ شهم عليك الله اعقل
كفخني بنص وجهي خلاني اكع على ضهري وكال بحدة _
_ ادبسزز شنو خبل دا اعقل
كمت خازرته بعصبيه رفع حواجبه نزلت عيوني ضايجه كعدت بضوجه وكلت _
_ نعسانه
_ عود جنتي مسوية روحج ثكيله عليه وتبيعين شرفيات براسي تالياها مزرگه عليه
ما رديت علي يعني شرد شحجي ميقبل بردت من الغرفة غرفته كلش باردة والسبلت الهوة مالته يضرب كبل على للجرباية وتثاوبت بنعاس _
شهم _ شوف ها اها حتى شفتج ازرگت عليه
_ يا شلون شفت شفتي هيا ضلمه
_ مو رجفتي وين اكو برد الخاطر الله هيا تسمط تسمط
يا تسمط سمط اصلا بداية صيف والدنية مو كلش حارة بس شهم يبالغ هواي جرني من ايدي ويا ما جنت صافنه بصفه وكال
_ تغطي يله تره ما اخليج تشردين
_ ماريد وخر عني شبيك
_ شنو هيا بكيفج لو شنو
استغفرت ودعيت ربي يصبرني جر الغطه علينه ثنينه هو نايم على المخده واني بس مرتجيه على التاج _
_ اخوج شوكت رجع
_ هو من رحت اني ورجعت للبيت لكيته راجع
_ همم وما كلتيله على شنو هل دكه الناقصه
_ اي كتله
_ شكلتيله
_ امور عائلية
كلتها اباوع للسكف ما احس اله كرصني من فخذي عطت ادفر برجلي واوخر بي يكرص بيه ويحجي
_ السانج كصريييي
_ اخخ وخر اههه
بجيت بوجع ما تحملت وخر ايده لزمت فخذي افرك مكان الكرص وابجي وخر ايدي عن فخذي يكول
_ لا تكومين تجذبين ما كرصتج حيل
_ وخر عني شهم وخر
_ انوب ما عاجبها ام عوينات
_ لا والله لعد شنو شكول عاجبتي شكد حبيت كرصتك ؟
_ شلون راح اهفها على حلكها وج السانج السانجج
سكتت ضايجه وامسح بدموعي مسحت دموعي بالشال كام فجأة حيل فززتي خازرني كلت يا ستار شكو هسه يتخبل كال مزغر عيونه _
_ انتي ليش ما تنزعين كدامي ؟
فتحت عيوني بصدمه ولطمت على خدي _
_ ياا عزا شنزعع ؟
_ حجابج ..امداج اي والله وانا عبالي نيتج صافيه
رمشت كذا مرة منحرجه دنكت وحكيت حاجبي _
_ م مادري
_ انزعي شالج مدري حجابج انزعي
_ ماريد هيج مرتاحه
_ اشو هسه تنزعي وكدامي !!
_ الله يخليك عوفني ش شعري ما ما مشط بي ريحه مو طيبه مال سمج
_ ميخالف احب ريحه السمج
_ مااا
خزرني ولزم فكي يحجي _
_ تره لا حرام ولا عيب احنه متزوجيين
_ لا مو متزوجين احنه زواجنه هيج جذبي
_ انزعي
_ ما
_ انزعييي
_ مااا
_ انزعي مو راح اخنكج بي
دفعت ايده ودرت حتى اشرد كلت اشرد واقفل غرفتي عليه ونوب تذكرت غرفتي ما بيها قبل اصلا هو قبل لا اشرد لزمني من شالي ورجعني خلاني اتكوم كدامه
_ بنت المسموط تريدين تشردين مني ويين ترحين باله
_ خنكتني يمه
سحب الشال من راسي ولمه لمه وشمره باخير الغرفة _
_ بعد اذا لبستي كدامي اشنقج بي
_ شهم عليك الله لا تسوي هيج تلعب نفسي
_ خرب اهلج واحد واحد شمسوي وملعب نفسج گلبه
_ لا تسوي هيج تصير ايع والله
لزمني من شعري وقربني اله حيل صحت شم شعري ورد كفخني وكعني على وجهي _
_ شعرج صدك زفر
_ شكدد جذابب من تعشينه سبحتتت
_ هاا مو توج تكولين ريحته مو طيبه لج بربوگ مو ادري بسوالفج
ضليت اباوع علي بحقد عدلت شعري وهو غمني يحجي بسخرية _
_ انوب كاتل روحي وانزعي وانزعي وهنه شلون شعرات ليكول كتكوت فاطس
_ زيين ليش فاطس ؟؟
_ انتي ليش ما تصبغين اسود بني شنو عبالك عجوز
اجيت ابجي من كد للتنمر كمت اضم بشعري باديه واحجي _
_ احب شعري ما اغيره ما مجبورة
_ مو اخليج ابالي واجبرج حتى تحلقينه صفر
_ لا اسفة والله
_ اي خوش صيري خوش بنية
_ هسه اروح انام
_ روحي انطمري يله ..مراة جيس حب جيرة بكصتج
عبالك شلون العصفور الي اطلقو صراحه طفرت بلهفه ورحت ركض للباب فتحته وقبل لا اطلع صاح _
_ باجر كعديني ب 5
التفتت علي بصدمه يا خمسه يمكن الساعه هسه ب 3 اعصابي كامت تغلي بقهر وعصبيه كل هل حجي التافه والتصرفات حتى يلهيني اسهر ويكعدني من الصبح يشلع گلبي واني اكول ليش شوية شويييية مو هواي صار خوش _
طلعت بسرعه ورحت لغرفتي اباوع لايدي صارت زركه رفعت الدشداشة فخذي ازرگ وشفتي زرگه من كون زورگوك بجهنم اي والله _
شميت شعري بقهر والله ريحته حلوة شبي هاذا وحتى لونه حلو عود مثل شعراته اليابسات بس صدك يعني شهم غريب؟؟ احس بي انفصام مرات يصير عصبي عنودي عدواني يحب ياذيني بكلشي مرات احسه ينسى يتشاقه ويضحك ويصفن فجأة ينكلب مزاجه
هو صحيح مو زين وياي بس مراتت ها مراتت مو كل مرة من ياذيني لو مثلا يكرصني مثل توه احس ينقهر عليه ؟؟ حتى لو ما يكول بكلام يعني ماكدر اوضحلكم بس احس بنبرته قلق حتى لو جان يسخر مني اكدر اميز بس هم كل مرة اشوفه متشمت بيه يستلذ من ياذيني
يعني اني مستحيل جاي ادافع عن شهم او يمكن اسامحه على الي جاي يسوي بيه بس ولا جاي ابرر تصرفاته المريضة بس شهم احسه مريض نفسي ؟ احسه متاذي حيل وماخذ صورة مو حلوة عن النسوان يعني مثل ما كالي تاذه هواي من ميار وكرهته بالنسوان وشهدها تخون ابوه كدام عيونه ورغم هاذا كدر يتخطه ويحب غيد الي مثل ما كالي جان عادها عوض وهيا سوت للاسف نفس الشي بالضبط هم خانته ابيته وسوت بابنها شلون من سوت ميار بي اخذ صورة ابد مو حلوة تجاه النسوان عباله هسه كلهم نفس غيد احس شهم داخل دوامه ميكدر يطلع منها صاير بين قوسين يريد ينسة ويكمل بس خوفه من الخاينه اكبر ...
بس بالنهاية اني مالي اي علاقة لا بي ولا بغيد ولا بنفسيته شهم مخليني مثل فار التجارب يريد يمشيني على مايه خاف اسوي مثل ما سوت غيد وميار واني هاذا الشي ابد ما اريده ولا ارضة بي ....انوب حتى الموبايل نسيته خرب حضي
التحق شهم وكلشي طبيعي بافل جاب بتول وامي كضن يمنه نهار كامل وشكد فرحت وتونست امي ابد ما بينتلها قهري بس لاحضت عليه ضعفانه كتلها من السكر وبتول هم من اجتي ضايجه بس اني ونجمة وبتول شكد تونسنا ولو اشياء بسيطه بس افترينا بالحديقه وطبخنا سوية وسولفنا
امي شكد فرحت من شافتني اضحك ومكيفه وبعدها عافتنا والتهت بليث مادري ليش هلكد تحبه لعد لو صدك حفيدها انوب كله تصيح حفيدي وحفيدي
وهسه بافل كال ورة العشة اجي اخذهم تعشينه وكلش متنوسين ونضحك ونسولف نسينا كل همنا
نجمة _ الله بتول والله طلع دمج خفيف ولو ذيج المرة من جيت ما شفتج بس كلت اكيد هاي تس تس
بتول _ ها ليش شمسوية وعرفتيني تس تس گبر
بيران _ بتول خوش بتول
نجمة _ اكلجن عليجن الله والله تونسن انتن عود خلي رجلج هم يجيبج تباتين هنا هو محد اكو حتى شهم يلتحق كل 15 يوم
بيران _ اني هم فكرت بيها عوفيها عليه
بتول _ ههه لا شعندي عيب من شهم شيكول
نجمة _ نجبي انتي
بيران _ خوب انتي بسرعه ارتاحيتيلها وكمتي تغلطين
نجمة _ بتول ولو عيب وهسه خاف تضوجين مني بس وعلي رجلج صاگ
بيران _ هههههه زحفت زحفت
نجمة _ لا مو زحف بس رائيي يعني حلو انوب عبالك مسوي تان شنو هل سمار
بيران _ يمعودة استري علينه لا يهدلنه رائد
بتول _ رائد رجلج
نجمة _ رجلي الجذبي
بتول _ ها ليش جذبي
نجمة _ احنه متزوجين بس متزاعلين زواجنا بس عقد سيد وهم يعني يمكن نتطلگ ويمكن لا هو احنه نريد بعض بس لا راح نتطلگ
بيران _ عيني قصدها مشتهين ومستحين
بتول _ هههه الله يسهل عليكم وبالنسبه لبافل اذا تردينه اخذي مجانأ
نجمة _ لا عيني شسوي بي متزوجه اني
بتول _ اخذي هديه ويا رائد يفيدج وبسبوع يطكك مرارتج
ضلينا نسولف على سوالف تافهه ونضحك عليهم والله هنا السوالف ميضحكن بس احنه نضحك بعدين كمنا يم امي هم ضلت توصي بيه وانوب لزكتلي فلوس لزك غير اكلها عندي والله هو اني الي عندي ما صارفتهم وزعلت الله اخذتهم يله رضت اجه بافل
وما نزل مادري ليش هلكد هو وشهم واحد يكره واحد يكول ما اطب بيت رجلج يابه ليش خليولي
ونوب جايب كومه حلويات واغراض من محلاته وجايبهم الي وحذرته اذا انطاني فلوس بعد ما احجي وياهم وازعل عبالك بس بيران متزوجه هيا غرفتي زغيرة وهمه يجيبون يكومون ملابس شلون مسعدة واكول البس وطلع علي ليث شكد فرح من شافه وبافل ما ناسي جايبله لعبه على شكل بن تن جبيرة طار من شافها عبالك ما عنده العاب _
طبينه جوة فتحنه الاغراض اني ونجمة وانطيتها عطر جايبه الي وجم غرض لان عندي هواي وهيج مرت الايام
كلش ارتاح من يلتحق شهم كلشش احس البيت يصير يخبل حتى تنفتح نفسي على الاكل وكلشي
ومرة جنت كاعدة ارتب بملابسي بالكنتور رن موبايلي شلت موبايلي وشفته _ ابو ليث _
گلبت عيوني بملل شيريد هاذا مرتاحه منه ما يتصل جاوبت _
_ ها
_ وسما شم مرة كلت لا تكليلي ها
_ لعد شكول غير اكولك ها
_ كولي هلا كولي السلام عليكم
_ غير انته الي اتصت تكول
_ تعانديني ؟؟
نفخت بعصبيه وحجيت كازة على سنوني _
_ هلو شهم شلونك السلام عليكم
_ انا مو كلت بعد لا تنفخين بوجهي ؟
_ مو بوجهك بالموبايل
_ نفس الشي واصبريلي بس ارجع ...
ضل ساكت يمه هدوء واني خليت الموبايل بصفي وكمت ارتب بالكنتور كاعدة _
شهم _ شسوين
_ اشتغل
_ شنو
_ ارتب بملابسي
_ اهم ليث شلونه ؟
_ زين الحمدالله
_ ديري بالج علي وعلى نجمة احم ..ولو انتي زعطوطه بس اجيت اكلج شي انتي الي تكدرين تسوي شي
_ شنو شسوي ؟
_ نجمة ..احم رائد خبلني الموبايل ما يسكت طول هل شهرين يلح عليه يريد ياخذ نجمة رسمي ويتزوجها انا لا اكدر ارده ولا اكدر اجبر نجمة على شي ..نجمة يمج احجي وياها اذا تريد ترجع لرائد حتى لا اغلط بشي رائد خوش رجال وانا اعرفه بس بنفس الوقت لازم رائي نجمة بالاول
_ ماشي
_ وزقوم انشالله صارلي ساعه الغي دا تكولين ماشي
_ ياا لعد شكول ماشي احجي وياها
ضليت ساكته انتضره يحجي سمعت طكه الجداحه وعرفته كام يدخن تحسر بعمق وكال
_ وشبيها الجكارة صايره فاهيه بدون شفتج
عقجت ملامحي متيبسه هم رجع على عل سوالف الخايسة باله هاذا شحجي ويا ضليت ساكته ادير بعيوني بتوتر اريد ارد ماكدر ماعندي رد _
_ تدرين اول ما خليتج تشربين جكاير جنت ادري بيج تكرهينها ردت اغثج بس ..كمت احب من تختلط الجكارة بين شفافنا بيها لذة من غير شكل
_ شهم شنو هل سوالف عيب
_ عيب ؟ هههههه ليش تمثلين ما فرحانه مو هاي الي تردينها
_ لا ..احم ماريد هاي السوالف واصلا ماكو لذة بالموضوع لعبان نفس بس
_ هنيالي على احساسج
_ انته مو عندك واجب روح لا يعاقبوك
_ ومنو يعاقبني شحده غير احفر كبره
_ اء لا بس يعني لا تقصر بواجبك روح شوف جنودك
_ خلصت واجب واجيت اغثج
_ اهوو شهم ماريد احجي وياك هيا كوة
_ جيرة بكصتج انا اعلمج تحجين ومسيطرة لان بعيد انا اعلمج
_ هسه شحجيت اني بس انته سوالفك مادري شلونها لا تصير سرسري وياي
_ شايفه مني وكلتي سرسري
_ هاذا كله وما شايفه
_ اشايفه بعد بس لا على هذيج البوسه ؟
سكتت بلعت ريگ خجلانه كل ما اتذكر شلون باسني واتذكر شلون شفايفه جانت على شفايفي اصخن خدودي تصخن وتلعب نفسي _
شهم _ اذا على البوسه هاي سهله حتى محمد هيج ابوسه
_ عزااااا صدككك
_ وسم صدكت شعندي بايس هاذا الگواد
_ ها
_ احم شهم نجمة تصيحلي
_ نجمة توني اتصلت عليها كالت راح تنام ليش اجذبين يعني عبالج هذني كلهن ما اطلعهن بيح من ارجع
_ هسه انته مو جنت ما تحب تحجي وياي شتغير
_ وانتي جنتي مكيفه
ياربي والله تخبلت من هاذا الرجال شيريظ مادري نمت على ضهري بالكاع واستسلمت اسمع لحجيه وارد علي ساعه يتعارك ساعه يحجي حجي استغفرالله ربي ماريد احجي ساعه يرزل لو يفتح موضوع ليش حبيتيني واذا اكله ما احبك يكلي جذابة ويضل يعيد بسوالفي القديمه ويفسرهم على اني جنت احبه وهيج اتصرف لمن بزعت وساعه ونص وهو يهري مخلص واجب ويريد يخلص الاستراحه براسي
شهم _ يله ولي شكد راسي كام يوجعني شكد ما تنطاقين
_ يا
_ وجعا وسما وطكرحا صار ساعه احجي وياج وانتي مطي لا ياخذ ولا ينطي صافنه
_ شهم شحجي انته تعصب
_ يله ولي يله
طفها بوجهي ضليت مفهيه هاذا شبي والله مو صاحي ...
وبيوم من الايام جان يوم نزول شهم صار شي بعمري ما جنت متوقعه اشوفه بعد ما حضرنه العشة وكلشي كعدنا ننتضر
ما انحس اله الباب الجبير ينفتح استغربنا لان شهم اله اني افتحه طلعنه شفنا وجهه مطعون ضايج ومخنزر السيارة مضلله بس الجامه مفتوحه من نزل ضلينه نباوع علي خايفات نزل من السيارة وركع الباب حييل يسب
افتر على الباب الورة وفتحه احنه خايفات نجي ونترزل بس شهكنا بصدمه من
نزل رانية ساندها وجها صاير خريطه
راسها ملفوف وخشمها طاك دم وفاقدة هو ساندها يمشي بيها اني ضليت واكفه مخليه ايدي على حلكي ونجمة ركضت تسندها ويا
والي عرفته ذاك اليوم رانية مكتوله من اهلها والسبب ما اعرفه ....
يتبع..........
_______________________________
يجماعه لا تسبون شهم تره هو مريض ..