انا والمجنون
بقلم اوتار حزينه
الجزء الواحد والثلاثون
_________________________-
جنت متحضر لاي لحظه غدر
شغلنا والصار بيه وبگر خلوني ادخل انذار
عمر بسرعه داس للسياره
والسياره الثانيه البيها المتهمين لحگتنا
طلعت من الجامه وكمت ارمي عليهم
رجعت جوه خليت شاجور جديد
واشوفهم بالمرايه بعدهم ورانا،،،،،
عمر نادى،،،، بالجهاز وبلغ المقر
والوحدات القريبه،،،،دوريه سمعت الرمي واجتي باتجاهنا بس شافوهم شردوا
شروق
من سمعت بشوگ حامل فرحت كلش
وگلت بلكي الطفل يصلح الي انكسر بينها وبين
سجاد ويرجعون مثل قبل
الامل راح من شفت اخويه شسوه
من حجه ابويه وياا،،،،حرگ الدنيا وتخبل
وماقبل يسمع اي كلمه تخص شوگ
اخويه،،،،،،ااعرفه صعب ومايتحمل احد
يحجي ويا كلمه ماتعجبه او يتصرف
تصرف مو حلو وشوگ بتصرفها ويا كدام
عمامي دمرته وجرحته كلش
شلون راح ينسه السوته ماادري
خابرتها مرة وماجاوبت راسلتها اعتب عليها
ليش ماجاوب وهم ماردت
بيوم خابرتها اريد اطمن عليها
دگيت مرة وماجاوبت دگيت مرة اللخ وفتحت
الخط حجيت بفرح
شلونج شوگ
سكتت وفجأه سمعتها تبجي دموعي لاراديا
نزلت وحجيت بغصه
ليش هيج سويتي ليش شوگ شلون هان
عليج سجاد تسوين بي هيج كدام عمامي مو تعرفيهم مايحبو ويريدون بس يشمتون بي
بس صوت بجيها ينسمع حجت بصوت
مخنوك
شتريدن اجاوبج شروق واخوج اكثر من
مرة مد ايده عليه وجذب عليه واخذني واني
مااعرفه هو طه نفسه
سكتت وسمعت شهگتها طلعت بصوت قوي
شااحجي واني اشوف ابويه يوميا سكره
صاعد ومتخربط ،،، شاحجي شروق
واحنا من وره اخوتي ومن وراه
صارت سيرتنا على كل لسان
شوگ اسمعيني زين اخوتج غلطوا وهو ساعدهم
لاتنگرين هذا الشي تره سجاد وگفلهم وطلعهم
من هاي القضيه على مسؤوليته
ولوما هو جان الله اليدري اخوتج
هسه وين
ااعرف والله اعرف هو ساعدهم وساعد حارث
بس هوو نفسه الي اخذهم نفسه الي ضحك
علينا وماگال هو طه
غصت بالبجي وسكتت
لان حبج ضم عليج هذا الشي
لو يحبني جان ماذاني بأخوتي جان ماخله
ناس غربه تطب لبيت ابويه وتشوفني
بطرگ الدشادشه لو يحبني من صدك
جان ماضربني اكثر من مره
و مااجه بيت ابويه وراد يضربني كدامهم
شروق اني سويت السويته حتى محد منهم يوگع
شفت بعيوني شلون اخوتي حادين سنونهم علي
وهو هم جان حاد،،،، سنونه علينا
شفتهم بعيوني اكثر من مره شلون تلازموا ورادو واحد يگتل اللخ شتريدين نظل هيج
الما يروح واحد منهم
شوگ
احجي وابجي بشهگه فزيت من سمعت
صوت خاله
يممه سجاد
كمت لحيلي وصحت
شبي ،،،،،، شروق شبي سجااد
يممه گتلووو وليدي ولكم سجاد راح
يبووو
جمدت بمكاني حسيت گلبي انخلع من مكانه
جسمي كام يرجف سمعت عياطهن وعطت بخبال
لاااا سجاد لاتروح وووج يمه سجاد راح
عطت وشگيت دشداشتي وكمت املخ
بروحي
ياسمين
رحنا نركض من سمعنا عياط شوگ
طبينا وشفنها شاگه دشداشتها وتملخ بشعرها
لزمتها اني وعمه الي حجت
ووج شبيج شصار
ماافتهمنا منها غير
سجاد مات
ماحسينا بيها غير فاقده وواكعه بالگاع شگد ردنا
نگعدها ماكعدت ايمن وايسر شالوها وطلعنا نرگض للمستشفئ
سجاد
كل الدوريات استجابت لندائنا وطوقت المنطقه
واجوي ويانا حمايه ووصلنا للمقر مالتنا
خليت ذوله الچلاب بالسجن وشددنا عليهم
الحراسه جانوا ولد عمه للحوت وهاي جانت محاوله لتهريبهم من عدهم
واكف انطي اوامر للولد العميد اجه
اخذتله تحيه ووكفت بالاستعداد شگله عصبي
ويباوع بحده للكل
نقيب سجاد كلكم سالمين الولد گلهم
بخير
نعم سيدي
امنت السجناء
نعم سيدي خليتهم بالحجز
اريد تقرير بالصار هسه فورا ادزه لمكتبي
امرك سيدي
عافنا ومشه من يمنا استراحيت وعمر حجه
الشغله حمت وگلبي يگول الحوت راح يوگع
بأيدنا عن قريب
ان شاء الله
جاوبته ودورت،،،على جهازي تذكرت شمرته من ايدي
من صار الرمي علينا حجيت وي
حسين يجيبه اليه
مشيت بخطوات واسعه للغرفتي
طبيت وكعدت وره الميز فتحت الحاسبه مالتي
ورثت جگارة اخذت نفس وذبيته
بديت اكتب بالتقرير وحسين دك الباب وطب
هذا جهازك سجاد
اخذته منه فتحته وشفت الجو محترك عليه
ابويه وباقر متصلين هوايه تذكرت
الرمي جنت احجي وي امي
ضربت گصتي وبسرعه اتصلت على ابويه
دك وشاله بسرعه وحجه بصوت مخنوگ
لاتحجيها بويه لاتفجعني بالغالي
هذا انه بويه ماا
بس حجيت هيج وسمعت صوت باقر
ولك الزم ابويه
كمت لحيلي وصحت
شبي بوويه السيد شبي ولكم ااحد يحجي
يطمني علي
ولك انت سجااد
سمعت صوت باقر وجاوبته
اي ابو كرار انه سجاد مابيه شي لايظل بالكم
وولك شسويت بينا وبابويه وامك
اثنينهم تخربطوو علينا
ولك يمه انت سجاد سمعوني صوته لوليدي
سمعت صوت امي تبجي وتصيح
وحجيت
اي يمه انه سجاد لاتبجين غاليه مابيه شي
سمعتها تبجي وادكول
يبعد اهلي وعشيرتي يايمه طيب
الف الحمد لله والشكر الك يارب وولج يمه
شروق اخوج طيب ومابي شي
ولجن وليدي راسه طيب
ومابي شي
يمه بويه شلونه طمنوني علي
صوته اجاني مخنوك
الف الحمد لله والشكر طيب ومابيك شي
سيد هسه اجي عليكم لايظل بالكم عليه
راح ادزلك اخوتك لاتجي وحدك
مايحتاج بويه الولد وياي
تمام
راح اروح لايظل بالكم عليه
روح وليدي امنتك بأيد الله
شروق
احنا كاعدين نتتضر سجاد يرجع تذكرت شوگ
جنت احجي وياها وهسه اكيد
سمعت عياطنا
لزمت امي وحجيت يم اذنها
لان جانت مرة ابويه كاعده هي ونسوان عمامي
يمه تعالي وياي
وين يمه مابيه حيل امشي هبطه اخوج
اخذت حيلي وخلتني بعد مااكدر اگوم
جنت اشوف العيون عليه كمت وعفتها ورحت
للغرفه مالتي دورت جهازي وشفته
مشمور بالكاع
شلته بسرعه فتحته ،،،، محد متصل
منهم ولا هي متصله عگدت حواجبي
وگلت معقوله ماسمعت العياط
ظنيت بيها السؤ للحظه وبعدين استغفرت ربي
وگلت خاف صار بيها شي
خابرت دك وره لحظه جاوبتني حنونه اختها
جانت تبجي وتشهگ گلبي للمره الثانيه
هبط حجيت بخوف
حنونه شگو شبيج شصاير
شوگ تخربطت من سمعت بسجاد ماات
وشالوها فاقده للمستشفى
مامات اخويه مابيه شي هسه اتصل علينا
وحجه ويانا
هاا صدك تحجين
اي والله مابي شي هي شلونها مااجه خبر منها
ماادري محد خابر وبس اني وابويه
بالبيت
بجت وخلتني حايره شلون اتصرف
حنونه خاله شايله جهازها وياها
لاا مااخذته ذاك ذابته على الميز
منو راح وياها
امي وياسمين وايمن وايسر
تمام راح اسد الخط واتصل على ياسمين
اي
يله مع السلامه
سديت الخط ودورت اسم ياسمين شفته
ودگيت رن الما فصل وبعدين هم دگيت وره لحظه
جاوتني وحجت بسرعه
شروق صدگ هذا الخبر
لااا سجاد مابيه شي والحمد لله
الف الحمد لله والشكر الك يارب
ياسمين شوگ شلونها
شلونها شروق فاقده الوعي من سمعت بالخبر
ولحد هسه ماكعدت
جاوبتني وكامت تبجي وكملت
الدكاتره كلها يمها ويمكن راح تذب الجاهل
لااا ياربي
صحت وخليت ايدي على حلگي
وهي كملت
شروق مااعرف شلون اتصرف عمتي فد مره
صارت هسه لو بس تگعد جان ارتاحينا
وماظلينا بالقلق
يااربي شأسوي
راح اروح طلعوها من الصاله
سدت الخط وخلتني افتر بالغرفه وانه دايخه ومااعرف اتصرف خابري سجاد
حجيت وي روحي وگلت اي خاي اخابره
دگيت علي بسرعه
سجاد
دزيت التقرير للعميد وسديت الحاسبه كمت لحيلي ولملمت غراضي
جهازي دك وشفتها شروق فتحته بسرعه
عبالي ابويه لو امي بيهم شي
ها شروق خير شصاير
سجاد الحگ شوگ تخربطت من سمعت بيك
ونقلوها للمستشفى
عكدت حواجبي من سمعت كلامها وسألتها
وانتي شمدريج بيها تخربطت
هاا مو جنت احجي وياها من جانت امي تحجي
وياك وسمعت عياطنا
وااانتي شگو تتصلين عليها منو گلج اتصلي
واحجي وياها
شروق
من صاح بيه بعصبيه جاوبته بخوف
هاي شبيك سجاد واذا خابرتها شوگ مثل اختي
وحاامل منك
سجاد
قاطعت اختي وصحت بيها
اااسمعيني ولج رقمها تمسحي من جهازج
وتنسيها ااامسحيها من حياتج واعتبريها ماتتت
افتهمتي
سجاد شبيك انت داكلك من وراك تخربطت
وابنك مهدد يروح منك
خرررب بيج وبي من اجعله بالموت وهي ويا
دااكلج مااريد اسمع سيرتها لا هي ولا
خلفتها من انعل ابوها لا بو الساعه
السوده الشفتها بيها
سكتت من شفت فقد وهو كمل بصياح
اااامسحي رقمها واحضريها واريد بعد من الله
تحجين او تتواصلين وياها الا اشوفج شي
مو شايفته
هاهي سجاد راح امسح رقمها بس
لاتصيح
سد الخط بوجهي وخلاني صافنه
بكلبي گلت راح يخاف عليها بس يسمع بيها
صارت فد مرة زين هي افتهمنا اذته ابنه
شنو ذنبه
ذبيت حسره مشيت اريد اطلع
سمعت جهاز امي دگ رحت اخذته من الطبله جان بكر المتصل
مشيت اريد اودي الجهاز الها بعدين
گلت منا ذني خاف يسونها سالفه
ترددت، من وره خجلي انقطع الاتصال
ردت اذبه رجع اتصل تذكرت غزل يمه
خاف صاير بيها شي فتحت الخط وجاوبت
بسرعه
الو هاا ابو فهد غزل بيها شي
منو وياي
انه شروق
هاا لا مابيها شي لاتخافين
تنهدت براحه وگلت
الحمد لله
هو حجه
وين الحجيه
هاا كاعده بره وماتاكدر
سكتت وهو سألني
خير صاير شي شبيها خاله
جنت مخنوگه من الصار ومقهوره وره سجاد وصياحه عليه حجيتله على الصار بينا
هاي شوگت صار هذا الشي
قبل ساعه بس الحمد لله هو خابرنا مابي شي
سكت وطول سمعته ذب حسره وطگ جداحه
عرفته ورث جكاره صفنت وي روحي
گلت خلي احجي ويا بگلي يحنن
گلب سجاد على شوگ
خويه اريد احجي وياك بموضوع
تفضلي اختي
سمعت امي صاحتني وحجيت
ها بعدين امي تصيحين يله مع السلامه
سديت الخط ومن ردت اطلع من غرفه امي رقيه
اختي صارت بوجهي وحجت بضوجه
هاي شعندج خاتله جوه
ماعندي شي
جاوبتها مختصر ومشيت من يمها
سجاد
رجعت لبيت اهلي طول الطريق وانه
صافن على حالي وشلون صرت مااتحمل احد
يجيب سيرتها حتى من سمعت بيها تخربطت
من ورايه گلبي مارف ولا خفت عليها
حوبتي ردتها تطلع بيها وجرح گلبي ردته يطلع الضعف،،،،ماهمني حتى الي بطنها مادام
هي امه
فرگت وجهي بقوه وجريت جگاره ورثتها
واخدت نفس طويل وذبيته عبرت الجسر وعاينت
للشط وبعدين السما،،،،،،، تذكرت مره اجينا
وكفنا هنا بليل عاينت للشط والسما رفعت ايدها ليفوگ وحجت ،،،،،وهي مبتسمه اليه
ديربالج على حببيي ،،،يابغداد تراه
بين ارضج وسماج
ابتسمت الها من حجت هيج وسألتها
تحبيني شوگ
اي احبك وافديك بروحي
غمضت عيوني بقوه اريد امسح الذكريات
الي ماراحت وي الراحوا صحت بصوت مكتوم
جذااابه ولج جذاابه ولچمتني گلبي وخليتني
حتى مااحن عليج وانتي هذا حالج ذبحتني
بأيدج وخليتني علچ بالحلوگ
سكتت وفتحت دگم القميص من اختنگت وصحت
اااخ ياابويه ااخ الموت اريده
وماجاي ياخذني
دخت ووكفت السياره على صفحه نزلت اريدن
الهوه رحت للسياج مال الجسر سندت روحي بأيدي
الاثنين وكمت اخذ نفس طويل واذبه
عاينت للسما وحجيت بتوسل وي رب العالمين
برد گلبي ياارب طلع السوته بيه من عقلي
لان راح يخبلني
ياسمين
الكل التم بالمستشفى حارث وهشام وحتى عمو اجه لان شوگ ماكعدت وظلت فاقده الوعي
واكفه يمها وهي نايمه وبغير عالم ابجي
وخاله وياي كاعده يمها تدعي وتبجي بصوت
ياارب باوع لحال بنتي يارب الطف بينا
هي شمدريها شلون سمعت
هشام حجه بعصبيه وجاوبته
جانت تحجي وي شروق وسمعت العياط
جاوبته ولزمت ايدها وحجيت بتوسل
شوگ سجاد مابي شي ووج طيب والله شروق
گالت اليه هو مابي شي
يارب بنتي اريد بنتي منك خليها ادگوم من هاي الشده
ممرضه طبت وخلت بطل مغذي اللخ سالته
عفيه شبيها وليش ماكعدت لحد هسه
هسه الدكتوره تجي وتفهمكم
حجت وطلعت من يمنا وره مشوار الدگتوره
اجتي ونفس الممرضه وياها طلبت من الولد وعمو
يطلعون بره
سألتنا
هي حامل بالشهر الثالث مو
اي دكتوره طبت بالثالث قبل كم يوم
جاوبتها وخاله سالتها بخوف وهي تبجي
وتباوع لشوگ
دكتوره بنتي شبيها وليش ماكعدت
خاله بنتج ضغطها صفر ودمها نازل كلش
وراح اضطر انقل الها دم حتى تكعد
صفنت بخوف لخاله الي زادت بالبجي حجت
وياي الدكتوره
منو زوجها
مو هنا
خابروا اريده يوقع على الاوراق وخلي يجي
يتبرع بالدم
دكتوره هي مطلگه
جاوبتها بقهر والدكتور صفنت عليها وهزت
راسها ورجعت سألتني
من ولي امرها
عمي بره. هو واخوتها
هزت راسها وطلعت عليهم مشيت وراها وسمعتها
حجت وي هشام وعمي
عمو بنتك محتاجه دم تبرعوا الها ووقع
عل هاي الاوراق
ليش يابه تخلون دم الها بنتي شبيها
مابيها شي عمو لاتخاف بس هي محتاجه لبطل دم
حتى تكعد من هاي الغيبوبه
عمي سند روحه على الحايط حارث
لزمه عيونه اجتي بعيوني باوعت علي بعتب
وقهر كله منه ظل يزن على راس شوگ وماجاز
منها الا طلگت من سجاد
درت وجهي منه ورجعت لعمه الي موتت روحها
وهي تبجي مشوار جابوا بطل الدم وخلوه
لشووگ ظلينا كاعدين وندعي تكعد
وتفتح عيونها القلق دمرنا نفسيا
الليل اجه وهي نفس وضعها
طلعت بره واني شايله جهازي ورحت
للصحيات حارث لحكني وحجه وياي
هاي وين رايحه
ماجاوبته لان بگلبي عتب علي لان ماوكف لاخته
وهده الموقف بينها وبين سجاد ياريته مثل هشام عاقل ومايتصرف بتسرع وبدون فهم
طبيت وسديت الباب ورايه غسلت وجهي اكثر من مره صفنت وي روحي وگلت شروق
مااتصلت بعد،،، ولا سألت لا هي ولا خاله
يعني معقوله هو ماسمع بيها
محد گله
طلعت جهازي من جيبي اتصلت عليها
وماجاوبت رجعت دگيت هم محد جاوب حارث دگ الباب صاحني وطلعت
شروق
سجاد اجه والتهينا بي اهلنا كلهم جانوا يمنا
وينتظروه،،،،،،يرجع السمعته من ياسمين
ماحجيته لامي لان الكل جان يمنا
ماردت يشمتون بيها من يعرفون ابن اخويه
راح يروح
دمعتي كتمتها بعيوني وظليت اشتغل والوب
واريد بس اخابرها واطمن عليها
ردت اتصل على ياسمين بس خفت من رده
فعل سجاد گلت خلي يطلعوون من بيتنا
واحجي لامي الصار وهي تتصل عليهم
اخويه اجه وفرحنا بي كلش ماصدگنا
هو مابي شي
امي طشتله جگليت وهي تهلهل بسلامته
اعاين اله من اجه باس امي الوجه مطعون والقهر ومبين، ،،بوجهه جان يبتسم گوة لليحجي ويا
ويتحمد اله بالسلامه
عاين عليه وعگد حواجبه رحت حظنته وكمت ابجي باسني من راسي وخله ايده علي وحجه
بصوت مخنوگ
اش لاتبجين هيانه اخوج مابي شي
وخرت منه وجنات اجت باسته وهي تبجي مثلي
رقيه من بعيد تحمدت اله بالسلامه
هز راسه الها ،،،،،نزل راسه مشه
من يمنا بتعب ورجع للاستقبال
جنت حاسه بي واعرفه كاتم قهره بگلبه
گوي على زمانه ومايحب يحجي همه لاحد بس
الواحد مو اله يحجي نظره للوجه تعرف صاحبه
مهموم وحزين
النسوان طلعن وره المغرب ووراهن الزلم
ابويه قبل لايطلعون عزمهم باجر على الغده لان راد
يذبح ذبيحه على سلامه سجاد
فرغ بيتنا وهو راح لغرفته مشيت
وره امي من طبت لغرفتها وحجيت
يمه راح اخابر ياسمين واحجي وياها شوگ مو زينه ونقلوها للمستشفى
يمه اسم الله شبيها
جنت احجي وياها سمعتنا انعيط من وره سالفه سجاد وتخربطت وفقدت الوعي
جاوبتها واني ادك على ياسمين فتحت الخط خليته على السماعه انطيته لامي وحجيت بسرعه
ااحجي يمه
الو هلا يمه شبيها شوگ
والله خاله مو زينه مااعرف شبيها لحد هسه ماكعدت
وهذا بطل الدم خلص وهي بعدها فاقده
جاوبتها وهي تبجي وخلت دموعي تنزل
ابويه طب ووكف وعاين علينا
يمه على بختج شكاعد تحجين شنو دم ليش
شنو ذبت الجاهل
لا خاله ماذبته بعده بطنها بس دمها صفر
هو الضغط والدكتوره گالت الا ننقل الها دم يله
تكعد
امي بجت،،، وسمعت صوت خاله حجت
ببشهكه
ام سجاد بنتي مو زينه لو ادگوم من هاي الشده
لو ماادگوم
ابويه اجه ليم امي وظل يسمع الحجي وهو عاكد
الحواجب
هسه اجي عليها بعد مااكدر اظل هنا وهي هيج
حالتها
سدينا الخط وامي كامت وهي تبجي
ابويه سألني وحجيت اله الصار
استغفر الله يارب الطف يارب
حجه هيج وكمل وياي
حضري روحج وروحي وي امج هسه اخابر
باقر يجي وياخذكم الهم
وسجاد مادگله
امي حجت عيوني راحت لاخويه من فات من يم الغرفه،،،عاين علينا ووكف عرف واجه علينا
وهو عاكد الحواجب ابويه حجه
مرتك مو زينه فاقده بالمستشفى
ونقلو الها دم واحتمال حتى ابنك يروح
سمعت الحجي مال ابويه ودرت وجهي
كمل
سمعتني شحجيت
اي بويه سمعت ومايهمني السمعته
جاوبت ابويه وطلعت من يمهم
شوگ
راسي جان ثگيل ولساني مااحس بي
الدنيا اظلمت بعيوني ورحت بغيبوبه من وره السمعته كعدت واني احس بشي حار
يمشي بدمي حرگني،،،، حرگ وخلاني اون
همست واحس دموعي تنزل حاره
على خدي
سجااد
صوت مخنوك،،، وايد صارت على راسي
جاوبني بس ماافتهمت شحجه
رجعت حجيت
يمه سجااد
ماكدرت اكمل غصه خنگتني وخلتني اخذ
النفس بصعوبه جنت اريد افتح عيوني
بس ماكدرت من ورة الضوه سمعت
نفس الصوت حجه
بنتي سجاد طيب ومابي شي
فتحت وشفت ضباب ماميزت الوجوه اليمي
لزمت ايد بقوه عبالي ايده هو وحجيت ويا
واني ابجي
جذب سمعت باذني گالو متت
وشه صارت بأذني وصوت صفاره وياها
غمضت عيوني بقوه وبلعت ريگي گوة
فتحت وشفت الرؤيه مو مثل قبل احسن
امه وشروق يمي
واهلي كلهم دورت علي بالوجوه وماشفته
حجيت بدموع
تجذبون علي ووينه ليش مااجه
مغص صار بطني وسكتت
هو يجي يمه
امي جاوبتني وكملت وياي
شوفي خالتج اجتي هي وشروق
لو بي شي لاسامح الله جان مااجوي
مو ام سجاد
اي شوگ سجاد مابي شي اطمني يمه
وخلينا نطمن عليج لاتظلين تبجين مو زين عليج
وعلى الجاهل
سكتت وبلعت الغصه عرفت الصار بيه من وراه
ماجابه عليه شروق اجتي دنگت
باستني وحجت
الحمد لله على السلامه شوگ
ماجاوبتها درت وجهي ردت اظل وحدي
مااشوف احد والله جابها اليه
الدكتوه طبت فحصتني وطلبت من الكل يطلعون
من يمي حتى ارتاح بس امي ظلت
يمي
متمدده وصافنه على السگف ودموعي
تنزل بهدؤ نار اشتعلت بگلبي واني الي شعلتها
اني الي هجمت بيتي بأيدي من وره اهلي
ومنو الي الخسر اني خسرت حب جبير وانسان
عمري ماراح الگي مثله مو بس هو خطأا
اني هم خطأت خطأ جبير بحقه
وقللت من قيمته كدام اهله
وعمامه
غمضت عيوني وعصرت الغطه بقوه
بجيت بشهگه وكتمتها لاتسمعني امي وتگعد
عرفت من وصلت لهاي المرحله ومااجه
اني بعد مالي امل بشوفته
سجاد
كاعد بالحديقه الوره البيت
وصافن على النجوم والجگاره بأيدي اخذ النفس
واذب بهدؤ
اهلي راحوا لشوگ لان مو زينه ظليت بس انه
وابويه وحدنا بالبيت سمعت صوت
وانداريت شفته هو جاي عليه
ذبيت الجگاره وكمت
اكعد بويه
كعدت وهو حجه
كل ابن ادم خطأ والله سبحانه وتعالى يحب
الي يخطأ ويتوب
سكتت وهو كمل
انه ماانگر شوگ خطأت خطأ جبير بحگك جدامنا
وچدام عمامك وولدهم بس هي مره
والمرة ماعدها غير بس لسانها تدافع بي
عن روحها وانت قبلها خطأت من ماحجيت
الهم شنو انت ومنو جنت
بوويه اا
خليني اكمل كلامي وأسمعني
هزيت راسي باي وهو حجه
انه مااريد الح عليك بهاي السالفه لان مامن وراها غير المغثه الك واليه ولا اريد اگلك
جان المفروض تحجي
الهم انت منو لان هذا فات وگته وبعد
مايفيد الحجي
ذبيت حسره وعاينت للسما هو كمل
ولا اريد احجي بسالفه رجعتها لان اعرف
گلبك ملچوم منها وبعد نارك ماطفت بس
اگلك انت مو صغير ولازم تعرف الصح
من الغلط وتحسب كلامك وخطواتك كلش زين
وتعرف انت راح يصير
عندك جاهل منها
اذا راد الله يعني لاتفكر بيها فكر بابنك
شنو ذنبه يجي ومايشوف ابوه
فرگت وجهي بقوه وجاوبته بهدؤ
عكس نار گلبي المشتعله
بويه بعد مالي نفس لا بيها ولا بخلفتها
گلبي هذا انمرد صدگ تحجي بيها وانه مخنوگ
واريدن بس اگوم
لاحول ولا قوه الا بالله
حجه هيج كملت بقهر
الله يخليك سيد لتجيبلي سيرتها بعد خلوني
انسه السوته رحمه لجدي
اختنگت وكمت من يمه ووكفت اخذت نفس
طويل وذبيته هو كام وحجه
اسگت وكافي،،، تسوي بروحك هيج
وخليها للوگت هي اداوي جروحك
شروق
ثاني يوم التهينا بالغده مال سجاد
من وره الشغل مااكدرت اجيب غزل يمي
خليتها يم ابوها وگلت العصر اروح اني وسجاد نجيبها
وره مافضينا الغده وكفت اغسل بالمواعين
جهاز امي دگ وجاوبت لان جانت يمي
هلا يمه بكر
درت وجهي عليها من سمعت اسمه وسمعت
شبيها شجاها لاا هسه ادز سجاد وشروق
عليك لاتخاف يمه ان شاء الله مابيها شي
رحت بسرعه يمها وسألتها
شبيها غزل يمه
ماادري يگول من الصبح وهي تذب من راسها
وصخونه فد مرة
گلبي هبط ولزمته رقيه حجت
ياا هاي شبيج شدعوه وجهج اصفر واجتي ترگضين اليگول بنتج المتخربطه هي بنت صديق
اخوج شويه اثگلي وبطلي خفافه
هاي شنو الحجي رقيه عيب عليج
تره البنيه يتيمه وفاين حظها وبنتي مو خفيفه
اوزني الحجي يله تطلعي من حلگج مرة اللخ
تره ماحجيت شي وي بنتج حتى تردين
هذا الرد
ماجانت اجاوب من وره خوفي
منها لان گويه ولسان
لو شوگ هنا جان ردتها وسكتتها بلسانها
حجت ومشت من يمنا وهي تفر بأيدها
شلون عين صلفه بيتي وتحجي وي
بنتي هذا الحجي
امي حجت وبعدين گالت
صيحي سجاد خلي يجي حتى تروحين
وي وتشوفين البنيه شبيها
هزيت راسي باي دزيت كرار صاحه وحجينا
اله الصار حجه بسرعه
البسي عباتج وامشي وياي
طلعنا اني ويا ورحنا لبيت بكر
وصلنا ليمه سجاد طلع مفتاح فتح الباب وطبينا
صاح
بكر وينك
هياني بالديوانيه تعال
جاوبنه ورحنا علي اخويه طب وحجه
فوتي شروق
غزل من سمعت اسمي كامت تبجي
طبيت وشفتها بحظنه وصايره فد مره من شفتها
گلبي هبط وردت اروح عليها اخذها
استحيت عاينت لاخويه
افتهم وراح جابها منه اجه عليه واشوفها
فد مره صايره اخذتها وحجيت وياها بعيون
مغورگ
غزوله شبيج حبيبتي وين الاوه
اشرت على بطنها لزمت راسها صاير نار
سالت ابوها
شنو استبردت
يمكن لان غسلت بالصونده
ياا شلون تخليها تغسل بالمي البارد
والجوو تغير
سكت وحجيت وي اخويه
عفيه سجاد خلي نوديها للدكتور شوفها صاير فد
مره واخاف يصير بيها شي
امشي يله خلي نوديها
بس اوكف خلي ابدل الها
جاوبت اخويه وعاينت لبكر وحجيت
راح اروح ابدل الها جوه
براحتج
جاوبني وطلعت اني وياها من يمهم
بكر
غزل بنتي تعلقت بشروق اخت
سجاد وظلت تدور عليها بهل اليومين وتبجي
ردتها تسكت ماكو لهيتها بهوايه شغلات تسكت
وبعدين ترجع تبجي وتريدها
خليت الصونده بأيدها وگتلها
رشي الحديقه
ظليت كاعد يمها واشوفها تلعب بالمي
عفتها من سكتت بدلت الها وره مشوار ونامت
كعدت وهي تذب من راسها وصايره فد مره
حرت شأسوي الها لان مااعرف بهيج
وضع شأسوي جانت اسيل هي التعتني بيهم،،،
وهي التودي للدكتور مااكدرت كلشي اسوي
الها من وره عجزي
اضطريت اخابر خاله ام سجاد حجيت وياها
واجه سجاد واخته
صافن عليها من طلعت شايلتها وبأيدها خاولي
وتمسح بوجه غزل حجت
يله سجاد خلي نروح بسرعه
يله امشي
طلعت وراهم ومن راحو وظليت وحدي
روحي اختنگت وحسيت بيها راح تطلع
انقهرت كلش من وره وضعي ضربت،،،،،الگرسي اكثر من مره واني كاره حالتي
وادعي الف مرة على السوه
بيه هيج وحرمني من زوجتي واطفالي
ظليت الوب من وره غزل خابرني سجاد
وره ساعتين وطمني عليها
ظليت انتظرهم ووره مشوار اجوي
شروق
ودينا غزل لدكتور اطفال فحصها
وطلع عندها استبراد قوي انطاها علاج ووصاني
ادفيها وانطيها سؤال دافي واظل اسوي
الها كمادات الما تنخفض الحراره
طلعنا اني واخويه من العياده كعدت بالسياره
هي بحظني ولازمه
ايدي انقهرت عليها كلش لان عفتها يم ابوها يومين
وهو مايگدر يعتني بيها
سجاد اجه من الصيدليه ركب وحجه
هذا الدوه بقه بس شراب مقوي تاخذه
وره ماتصير زين هسه اشوفه من غير صيدليه
تمام
جاوبته ورجعنا للبيت بكر وصلنا وي المغرب
طبينا وشفته كاعد بره حجه بسرعه
هاا شطلع بغزول
مابيها شي يمعود شويه برد ودلال موو
ولج
سجاد حجه وياها بضحك
وختلت بحظني لزمت العبايه حجيت
راح اروح اغسل الها
اي روحي
اخويه،،جاوبني واجه اتصال طلع يحجي بره
فتت من يمه وحجه
تسلمين اختي جاي اتعبج وياي
نزلت راسي وجاوبته
لا ماكو تعب ادلل خويه
مشيت بيها للمطبخ ذبيت عباتي
على الميز ورحت كعدتها على السنك
كمت اغسل بأيدها ورجليها ووجهها فزت
من المي البارد وصاحت
اوه
اسم االه عليج من الاوه شوفي اني
هم راح اغسل مثلج
كمت اذب مي على وجهي ووجهها
ضحگت واني هم ضحگت وياها كامت تاخذ
مي وتذبه عليه
ااشه بارد
حجيت وبستها من خدها
بابا
انتبهت لبكر يم باب المطبخ حجه
عبالك فگت شويه
ان شاء الله تصير زينه لايظل بالك
كل الجهال هيج وگت يصير بيهم هيج
هز راسه باي وسجاد اجه وحجه وياي
ها بويه مانرد
اي بس راح اخذها وياي
حجيت وهو صفن عليها وبعدين حجه
اي اخذيها يمج بي طمنوني عليها كل مشوار
ادلل ابو العز راح اخابرك كل مشوار واخليها تحجي
وياك بلغتها الصينيه
ابتسمت من حجه هيج
هز راسه وظل يعاين لبنته وجهه بين
بي القهر وحسيت بي تعبان
اليوم اجيك بليل نطلع سوه ومااريد اعذار
سجاد حجه وهز راسه وجاوبه
الله كريم
شلت غزل ورحت كعدتها على الكرسي
درت روحي منهم ولبست عباتي
غزل حجت
ماما
عبالي ذكرت امها بس جلبت بيه وحجت
ماما الوح
صفنت عليها واني متفاجأه من صاحتني هيج وبعدين على اخويه
الي هم شفته نفس وضعي عيوني راحت
لبكر الي عاين عليه بوجه مطعون وبين بي القهر
حرك الكرسي ومشه من يمنا
يله شروق
اخويه حجه وياي،،،شلت غزل الي حظتني
وخلت راسها على جتفي
طلعنا وماشفته بره
شوگ
ايام مرت واني نايمه بالفراش
ردت ابني ،،،ردته يعيش ردت شي من ريحته
اتعلق بيها وادواي السويته بروحي وبروحه
وره ايام سمعت،،،،اهلي يحجون علي لان مااجه
عليه من صرت فد مره
رغم حالتي ومرضي كمت ورحت للهول طبيت
سمعت حارث يگول
بس تجيب اندز ضناه اله
امي كامت بسرعه من شافتني وحجت
ولج ليش كمتي من الفراش امشي ارجعي نامي
لايصير بيج شي
مادرت بال لامي من حجت وانهديت بحارث
انت ذبيت بنتك على زينه عفتها الها
كدرت تنطيها الها
سكت وصحت بي
جاوبني ليش سكتت حگك حگ وحگي باطل
اانت لاتحجي ولاتدخل بحياتي بعد
محد دمرني غيرك انت
ظليت تلح عليه اطلگي منه عوفي هذا غدار وماله امان اذانا شوفي،،،يهدد،،،،بينا وغير حجي
انت تعرفه كلشي زين شنوو
منو الخسر بس،،،، اااني محد خسر
بس اني وابني
عطت واني ابجي وارجف من البيه
سكتت من دخت وامي لزمتني هي وياسمين
الي هم انهدت بي
كافي عاد شكثر لحيت بهاي السالفه مو تطلگت منه
شتتريد بعد
انتي ماعليج
لااا عليه ونص لان هي بنت عمتي ومثل اختي
اذا انت حاسبني غريبه خلي اروح
الم هدومي واروح لاهلي احسنلي
مشت وابويه وگف بوجهها وحجه وياها
وين بنتي رايحه ماتطلعين هو يطلع
اكعدي واسكتي والله ماحجيتي غير الحگ
ابويه حجه وامي كملت
انت شتريد اختك تره تطلگت وانهجم بيتها
من وراك وهاي شوفه عينك سجاد
حتى مااجه عليها ولا راد يعرف
شبيها
يمه انتي گلتيها مااجه عليها ولا معترف بضناه
على الاقل اني ماعفت بنتي لزينه
اخذتها حتي تصير جوة عيني
واطمن عليها مو مثله ابد مااجه
ولا سأل علي
وانت شتريد هسه تعوف ضناها اله
وهو مايريده
ايمن سأله وهو انهد بي
ااسكت ولك كله منكم انتو لو جارين عدل
جان ماشفنا شگله ولا اجه واخذ شوگ
نفس الحجي كام يتكرر ونفس الحوار
مشيت گوه من يمهم وابويه صاح بيهم
سدوا هاي السالفه عاد ماتشوفها فد مرة
صايره
عفتهم ومشيت وي امي لان بعد مااكدر اوكف
وره اسبوع
جان عندي موعد وي دكتورتي
رغده وامي اخذني الها كملت فحص وطلعت
امي راحت تجيب دوه ورغده راحت
تجيب ملاعيب لولدها من واحد ابو عربانه
واكف كدام العياده،،، كعدت انتظرهن يگملن
سمعت صوت
منا يمه
رفعت راسي،،،وشفت سجاد وي خاله
جان يبتسم الها ولازمها من ايدها حتى تصعد
الدرج
راح اشيلج
وين تشيلين يمه عيب منا الاودام شيگولن
عليه اميره وجاي تدلل براس ابنها
ههههه
ضحگ بصوت اندار وشافني وكف وصفن عليه
يتبع
اوتار حزينه