انا والمجنون
بقلم اوتار حزينه
الجزء الثالث
__________________
شوگ
فزيت من سمعت عيطه امي وطبيت اركض وورايه ابويه للمطبخ واني اصيح
«شكووو شصار
شفت اخويه حارث متمدد على القنفه
وهشام يذب مي على وجهه وامي تبجي وتفتر يمه
«وولكم شبي حارث
ابويه صاح بخوف وراح علي واخويه الجبير جاوبنه
«مااابي شي حجي لاتخافون يجوز صار عنده هبوط
بالضغط
«هااي شبي شصار وليش جان يصيح
علا سألت ومحد جاوبها
شبيك ياابه شجاك
حارث كعد وهو يفرك بوجهه ويحجي گوه
مابيه شي لايظل بالكم
شوگ جيبلي جهاز الضغط مال ابويه
اي هشام هسه اجيبه الك
رحت بسرعه لغرفه امي وابويه جبته ورجعت للمطبخ انطيته لاخويه وايمن وايسر نزلو من فوك وشافوا الهوسه
وسألوني
هاي شكوو شصاير
حارث تخربط
حنونه جاوبتهم وهي تبجي اشرت الهم اسكتوا
هشام قاس ضغطه وشافه هابط كلش وحجه
على السريع سولو عصير حلوو وجيبوا
اله خلي يشربه حتى ضغطه يرجع لطبيعته
جنت مسوي عصير عنب ومشمش رحت صبيتله
مال عنب لان حلو زايد وجبته اخذه مني ووجهه اصفر كركم
من الله لاينطيها لمرتك راح تموت من وراها شأحصل من بنت فوزيه اذا رحت من ايدي
ابويه اشرلها تسكت وهي كعدت تندب بحظه لاخويه
يااا هاي بعدكم عايشين بالمشاكل ومن وراها صرت هيج
علا حجت وهشام باوع عليها وخزرها
كووم ويايه لغرفه الولد ارتاح شويه بين مايخلون الغده
حارث كام وراح غسل وجهه يم السنك
هشام اخذه وصعدوا لغرفه الولد ابويه لحكهم وامي كعدت ودمعتها بعيونها وظلت تحجي بمشكلته وي مرته لعلا
اني بطبعي ماانطي سري لاحد واضوج من اي احد يحجي مشاكله او حياته الشخصيه لبشر وامي جانت طيبه قلب كلش يعني الي بگلبها على لسانها
ماردتها تحجي شي لان بنظري المشكله راح نكبر بعد اكثر اذا ادخلوا بيها اكثر من واحد وهم السوالف تنقل من بيت لبيت وراح تكبر ماتصغر
حجيت واني متقصده اقاطع امي
يمه عوفي هاي السوالف هسه،،،، خاف حارث ينزل ويسمعنا خلي نصب للغده تره تأخرنا كلش وراح يأذن العصر
YOU ARE READING
انا والمجنون
Romanceكانت قصه بدأتها انا ولم اعرف انك ستكوني محورها انظر اليك وقلبي يحدثني انك قاتلتي لامحال ورضيت والله ان اكون قتيلا ولكن رفقا بي فوالله لم اكن قاصدا هواك ولكنه كتب عليه وكان امرا جميلا
