البارت. ( 4 )
الكاتبه نجوم... ✨
لا تحزن بعد وتبجي على الراح
وعوفي دموه عينك لا تبديها
واكف على الجرح لاتصرخ ويا
وراح اكتب قصيده والك أهديها
مدينه الم روحي لا تظن ترتاح
يل عندك جرح وتكلي مجروح
اني جروحي فاضت وين اوديها ..💔
____________________
في احد مناطق بغداد القديمه.
سيدي الشباب جاهزين وهسه بلغنه العقيد رماد
والرائد حر ومقدم راكان والملازم اول عباس
والنقيب ساري راح يكملون المهمه احنه منتضرين امرك حتى نبلش
عميد كاظم _ سوي نداء ماريد رماد وحر بهاي المهمه بلغهم ميحضرون والباقي بلغهم يستعدون
بس سيدي همه راح يجون هسه
عميد كاظم_ اني شكلت لتناقش وسوي الي كلتلك عليه راح يخربون الاول والتالي ماكدر اخاطر بهاي المهمه وبلغهم اني انطيت أمر وهسه تفضل
حاظر سيدي _________________________
في البصره وتحديدا في القرنه
رماد _ اجاني اتصال هو هووو هسه وكته جاي أبدل لبست تيشيرت الاسود ورفعت التليفون الوو
سلام عليكم سيدي
رماد _ هلا تفضل
سيدي اجانه أمر انو متحضر المهمه اليوم انت ورائد حر
رماد_ شنوو منو انطاك هذا الأمر شنو أحنه مجهزين هل شي وصار مده متفقين عليه واليوم لازم تبدي المهمه
سيدي عميد كاظم هو الي أمر بهل شي واني بلغتك وراح ابلغ الرائد حر
رماد _ قفلته بوجها هذا صدك يحجيي بسيطه يعني اني صارلي شهر مخطط لهاي المهمه هسه يبعدوني اخذت الموبايل خابرت حر ميرد ردد مال سمم ولا تشبع نوم
حر_ خرب** انت رماد نايمم ولك اريد انطي النفسي شويه راحه
رماد _ دنجب انجب ياراحه كومم
اسمع هسه خابروني هذا العميد كاظم ساحلنه من المهمه الي نخطط الها اشهر بتعبنه وبزودنه من وصلنه لتنفيذ كود باي سوولنه
حر_ خرب الا اشعل صفحته هذا العميد صدك يحجي يعني اني أسهر ليالي واتعب تالي ماشارك بيهااا لا والله الا اجي انتظرني بس البس
رماد_ انجب وتعال يمي وين تريد تروح اذا رحت راح تحصل عقوبه
حر _ طز بيك وبالعقوبه
رماد_ خربب اي والله انجبب ولكم اكعد لا اركعك بالبسطال واذا تريد تعال يمي عندي شي مهم اراويك يا
حر _ يمعوده دايخ وراسي موتني من الوجع البارحه لصبح كاعد على هاي الحاسبه كله ب*** العميد كاظم وهسه سحبنه منشارك بالمهمه وتعبنه والله بزودي وصلنه الهم لو ما اني ميسوون شي
رماد_ دسكت هسه همه وين منفذين اصبر
حر_اي هم بزودي انيي انطيتهم معلومات على العصابه التاجر مخدرات بالمدارس وعرفتهم كلهم بس بقه راس العربيد مالهم بس الزمه لا والله الا امرعده
رماد_ حمه زايد دكعد ههه شوف حر اريدك تجيبلي معلومات منو راح يشارك بالمهمه هاي
حر_ابشر باتصال واحد اجيبهم واحد واحد
رماد_يلا كوم لعد منتضرك اني
حر_ تدلل كبدي
رماد_ غلقته من حر بس لا المقدم راكان يشارك غيراخربها عليهم بعلي
حر_ الوو ساري شلونك ضلعي
ساري _ هلا بيك عمري
حر _ شنو عمري لك انجب محسسني حبيبتك وجاي نتغازل اوو دهر صابك
ساري_ جا اني شعندي غير حروري كول شرايد واني حاضر
حر_ رايد روحك
ساري_لالا هاي غاليه
حر_ ابيش مثلا
ساري_ غاليه كلش هههه
حر _ بمطعم بركات الزهراء ابغداد والعزيمه باجه ومندي وكص وكباب ومقبلات ويسمج مسكوف اويليي
ساري_بعد بعد اكلني هم وياهن
حر_انجب وخلي احجي
ساري_ اعصابك قلب قلبي
حر_مو راح احركك بس اشوفك ويلي اركعك بالبسطال وشارب رماد
ساري_لا عزيزي كلشي ولا شارب رماد أمر قلبي
حر_ اريد تعرفلي منو راح يشارك بالمهمه مالتنه
ولش العميد كاظم سحبنه منها بسرعه
ساري _ اعرفهم واحد واحد اول واحد المقدم راكان
حر_خرب خوش بشاره اشتعل شاربك يا رماد اي كمل بعد
ساري _و ملازم اول عباس واني
حر_ صدك تحجي انت وياهم ساري صدك تحجي
ساري_ وداعت شارب رماد صدك غير اني وياهم وها تدري ليش العميد كاظم مقبل ترافقونه لان رماد عنده عداوه ويا راكان فكال راح يخربون المهمه ولتخاف قناصنه عباس موجود وراكان خوش راكان
حر_ انجب ولي والله لا تفشلون وكول مكلت
قفلته وافكر شلون هسه ياربي اذا رماد عرف راكان مشارك مراح يسكت اني ورماد جبنه اخبارهم بس انفذ امر الاقتحام عليهم وناخذهم وهاي أخذوها منه
أن شاءالله تعدي على خير
رماد _ شو هذا تأخر مخابر وصلت عليه كوه يلا رد وسمم وقز القرط انت مو كلت راح اجيبلك الاخبار شو قفلت الجهاز ومتجاوب احجيي شعرفتت
حر_البقيه بحياتك خويه وانشاءالله الله يعافيك ويصبرك على مصيبتك
رماد_ خرب اعرفك تجيب اخبار موزينه احجي شعرفت
حر_مثل ما تفكر راكان وعباس وساري راح ينفذون المهمه والعميد كاظم منعك من هاي المهمه لان عندك عداوه ويا راكان بس اني شعليه بيك ليش مخلوني اشارك وياهم
رماد _ بسيطه بسيطه اني اعرف شسوي
حر _ هل تفكر مثل ما افكر
رماد _ طبعا طبعا حر هل انت جاهز لخوض المهمه كول تم اذا جاهز
حر_ ااتمم الاستعداد
رماد_ حبيبي والله يلا جهز معداتك ولتنسه قناصك تعرف بيش ساعه راح نطلع منا قبلهم اريد اخذ المهمه وأشوف منو يطلعني منها
حر _ راح يبدي الاقتحام عليهم ساعه ب2 باليل
كلهم موجودين وهل وكت كلها خدرانه براحتنه نلكط بيهم
رماد_ سبع ابني يلا راح اتجهز اني دير بالك على نفسك وها ديربالك احد يعرف بهل شي كائن من كان بس اني وياك
حر_ صدك عود هاي عاشر مهمه نأخذها من راكان هههه كل مهمه احنه نستلمها هسه تلكي محمل كلبه عليك حقد اسودد
رماد_ مليان سواد وداعتك _____________
في بغداد قبل المهمه ب ساعات
رماد الوو وينك لك وصلت اني وانت بعدك شو وين صرت غيرمتفقين عل وقت بس لابعدك نايم
حر_ لاااا جيتك والله بس أبدل
رماد_ شنوو شتبدل يعني بعدك بالبصره ولك اني أعلمك طايح الحظ هو صوجي لو كايل ل عباس جان هسه وياي يلاا ولي
قفلته بوجها ملتجي على السياره واله ادير وجهي واشوفلك حر واكف ورايه والضحكه على وجها
خرب يومك هاي شوكت وصلت
حر_ غير اول واحد اني وصلت وها قبلك ترا
رماد_ راح اطيح حضك واني فكرت بعدك كلت خمس ساعات هواي واحنه هسه ساعه ب11 متلحك توصل هم زين أجيت تعال نخطط
حر_ اني راح اصعد فوك هاي الشقه واقنص على اي شخص منهم اذا طلع بس أصوبه ماكتله وانت داهم
رماد _ سبع والله اكول عباس هم راح يجي وكم جندي يعني سبع أشخاص كافي مو
حر_هو اني وياك ننهيهم
رماد_ لا تساهل ترا اكو مخابرات وعصابات جبيره هذوله مو ياهو الجان تذكر عصابه ابو ذبحه
حر_ اويليي يمه هههه خرب لتذكرني صدك معرفت شي عنهم لحد الان يكولون مغيرين مكانهم
رماد_ اعرف مكانهم شبر شبر وكل شي جاي اخطط صارلي سنوات
حر _ ها جا شملتني وياك لو شنو ناوي وحدك هل مرا رماد _ اي اريد اخذ ثأري منهم
حر _ وثاري شنو نسيت طيبه شلون كتلوها بدم بارد واحنه موجودين جنه وياهم وفوك هذا ساعدناهم حتى يدفنوها ويدفنون الطفل ويهربون الاعضاء والممنوعه نسيت لو اذكرك
رماد_ وحق هو علي مناسي شي انسى روحي ومانسى هذيج الايام المريت بيها يجي يوم وأخذ حق كل وجع حسيت بي يجي يوم
حر_ أن شاءالله خويه
رماد_ شو خابر هذا عباس وين صار شو تأخر
حر_الوو وينك عبوسي شو تاخرت يمعود اهااا اي يلا بسرعه منتضريك اي مكانه المعتاد وها لتنسى جيب القران وياك عفيه بالمتدين منتضريك
رماد_ها وينه شكال
حر _ يكول. جاي بس صارت عنده مشكله بسيطه حلها واجه هسه بطريق
بعد نص ساعه اجا عباس وكل عادي القران بركبته قران صغير يصير بي قفل كلما نبدي بمهمه يقرأ بي قبل لا تبدي المهمه
عباس _ حياكم الله شباب
حر _ حيه اصلك ينشمي
رماد _ يااهلا وسهلا بعبوسي شلونك
عباس _ الحمدالله بخير دامكم بخير ياربي
حر_ أنه خوك شبي راسك لافه هيج
عباس_ ماكو شي سالفه طويله مومهم
رماد_ صدك عود اني أعلمك لك يكلي ضاربته ابنيه عبالي يستهزء عليه وكلتله عوفها بشاربي هل مرا كام يضحك مفكرت صدك هيج ضاربته حدر خل اشوف
عباس_ هههه لا والله مابيه شي بس هيج ضمته وهذا الشاش خليته عليه
حر_ ليش ضربتك انت متاذي احد وطيب ويا الناس ولا مرا شفتك ضايقت احد او غلطت
رماد_ عبوسي احجي شنو السبب
عباس_ اوفف لك شفت واحد واكف يم المستشفى مريت عليه كلت اجيب علاجي مناك صفيت السياره
وجان امشي من يمه طخني بمتنه وضل يغلط ويكفر ويفشر طلعت روحي منكفر ويسب
كتله شبيك انت صاحي
مجد_ لا مو صاحي ولي مالي خلك أحد
عباس _ خويه انت طخيتني وتغلط شجاك بس هيج كلتله ضل يسب ويغلط على اهلي اني من جاب طاري اهلي تسودنت استلمته كطعته تكطع كام يرفس
وماسمعلك الا عيطه بنيه عوفه وراح يموت ومن هل حجي واني كامشه دك من حركه كلبي ماشوف بعد دفعت البنيه وصرت فوك الولد ودك بوكسيات على وجها سويته خريطه
اشو هاي راحت جابت طابوكه وتعالي ضربيني على راسي خلت دمي يجري وهاي هيه دخلوني لغرفه وعالجو الجرح بعدها اجو ساري وراكان والربع
استلمولك البنيه خطيه راح ناخذج ويانه وكامو يخوفون بيها
بعدين حجيت اني كتلهم عوفوها واني السبب عوفها وين تأخذ البنيه وهاي تبجي أبويه هنا مريض بين الحياه والموت وانتو تكولون نحبسج
انكسرخاطري عليها شكد حجيت ولا فادي اخرشي اتصلت انت ومن بلغت ساري عافوها ورجعنه وهذا كل الصار
رماد _ زين هسه الحمدالله على سلامتك حبيبي
أن شاءالله بعدوينك لو اني بمكانك اسوي نفسك
حر_ يمعودين تعرفون بيش الساعه هسه لكك ب1 واحنه كلنه انفذ ب 2 وانتو كاضيها حجي نسينه المهمه. قبل لا يجون راكان وساري ينفذون
رماد_ ديلا هوجاهزين احنه بعد ساعه ضبط نكون هناك يمهم
حر_ لك همه يجون ب3 يعني فرق ساعه وين انلحك احنه لازم قبلهم هسه نتحرك
رماد_ لا انتضر حر لتستعجل ضلينه نحجي علمى صار الوقت
رماد _ شباب مستعدين
حر_ أتم الاستعداد
عباس _جاهزين توكلنه عليك يا الله
رماد _ حر يلا روح لمكانك وانت عباس يلا وياي وانتو هم خلينه نداهم اربع أشخاص راح يقتحمون ويانه
حر_ صعدت فوك العماره وقنصت على اي شخص يطلع منهم
رماد_شباب يلا اجهزو راح نقتحم انتو الطابق الثاني واني وعباس نتكفل الاول يلا شباب بدا تداهم المبناء اني دخلت شفت صايره لخه ونسوان والي متمدد بالكاع كلبجت اربعه منهم بقو تلاثه صعدو الهم الشباب فوك
بقيت ادور بغرف النوم والصاله دورت جوه الطاولات شفت ابنيه جوه الطاوله تبجي وترجف علامات الضرب واضحا حاضنه نفسها وكاعده تبجي انقهرت عليها
اطلعي منا بسرعه
فدوه ساعدني والله خطفوني هذوله والله العظيم وديني الامي فدوه
رماد_ جانت تبجي شكلها صغيره تطلع بعمر ال17سنه أو 16.
فدوه طلعني منا الله يخليك الله يخليك
رماد _ صحت بصوت على شباابب نزلو الجنود جابوهم يسحلون بيهم وهذوله فاصلين لا ايد ولا رجل كوه يمشون يلا على السياره بسرعه بسرعه بلغ حر راح نطلع
حاضر سيدي
رماد_ تعالي انتي جبت البنيه وياي صعدنه وانطلقت بلغتهم ياخذوهم لسجن وميكولون منو جابهم حتى متنلاص والعميد كاظم يطكنه عقوبه
دزيت واحد يخبر العميد كاظم انو تمت المهمه بنجاح من جها مجهوله بالقبض على المجرمين وتسليمهم لجهات المعنيه
نسيت البنيه جايبها وياي. احم وين اهلج انتي تحجي بتلعثم انطيتها بطل مي شربت منه وحجت
فدوه اروحلك وديني لاهلي اهلي ابغداد ب*** قريب لمول ل**
رماد _ صارلج شكد انتي هنا ومنو خطفج
صارلي يومين هنا جنت راجعه من المدرسه ونخطفت ومادري بروحي من وصلت هنا جنت دايخه راسي مسطور كوه يلا عرفت انو اني نخطفت وجابوني هنا
رماد_ هسه اني راح اخذج للبيت و اني راح احجي ويا اهلج تمام
تمام والله ماعرف شلون اجازيك لان نقذتني بس اكول ربي يحفظك من كل شر
رماد_تدللين خيتي يلا وصلنه لتحجين شي وينه ابوج خلي احجي ويا وارجع لشباب منتضريني
نزلته دكينه الباب طلع ولد صغير كلتله يصيح أبوه
شويه واجه رجال جبير بالعمر كوه يمشي
سلمت عليه
رماد_ عمي هاي بنيتك رجعتها سالمه الحمدالله مابيها شي انتبه عليها لأن هيه جانت برعب لتضغطون عليها وهيه مالها ذنب انخطفت
والحمد الله مصارلها شي نقذتها بالوقت المناسب
الله يبارك بيك وليدي
رماد _ الله يحفظك ابويه انت هسه اترخص منك الشباب منتضريني وانشاءالله اجي اتطمن على وضع البنيه بس افرغ
بعيونه نخليك تحرسك زهره الزجيه وليدي
رماد _ توجهت لمكانه المعتاد بطريق اتصلت على حر ضل يحجي ويدردم
حر_شكو جايبني زين هسه خليتني بس واكف لا شغل ولا عمل لو مداهم وياكم ينقص منك شي هاا
خليتني هيج وعيوني راحت مقنص حتى ذبانه مطلعتلت لو داخل وياكم جان ضربتلي جم واحد ورتاح كلبي ليش هيج رماد ليش
رماد_وسمم وزهر شبيكك هيج كضيتها مناحه جنك مره تطلك اهداء ترا انت مهمتك اكبر منه تعرف هل شي انت امنت النه حتى ميدخل أحد أو اي واحد يدخل لو يطلع تصوبه
حر_ وهو منو الطلع بس انتو روسكم مربعه أول ماطلعتو ردت. اضربكم بالعباس ابو فاضل
رماد _ ديلا سوي حتى امرعدك اذا تشاقه هيج
حر_ رماد والله اني جوعان اعزمنه على فد مطعم على مندي اي شي منك يجي خيرمن الله
رماد _ وشايفني عندي مصرف الرافدين انجب اجيبلك لفه فلافل بخمسميه وقوطيه ببسي بربع اكل واسكت شكو مطاعم وتقطني ب50 الف
حر_ اويلي شكد چريم انت هاي عود انت اخويه وماتهون عليك اكل لفه فلافل بخمسميه
رماد_كلها نعمه الله راح اجيبلك وياي فلافل وعباس هم واريدكم بمكانه المعتاد خابرعباس
حر_ فلافل ماريد والله اذا جبته ماكل جيب مندي سمج اي شي
رماد _ قفلته منه هذا يضل ينك على راسي واني تعبان رحت لمطعم جبت كباب ومقبلات وغازيات ونزلت صينيه مندي اعرف يكوم يبجي اذا مجبت سلفنو وخلو بعلب سفري خليتهم بالسياره واتجهت لمكانه والي هو على حافه نهر دجله
اول ما وصلت تلكاني حر بسرعه فتح الباب الورا اخذ الاكل وراح هيوو هيوو شبيك ملكوف لك مو تأكله كله خلي لعباس وياك يمعود ابو بطن ولا يسمع راح يركض اهم شي بطنه ابو بطن
اتجهت يمهم عباس جان يصلي ولازم القران يقرأ بصوت صوته كلش حلو مرا سمعته يقرأ قصديه لباسم الكربلائي عجبني صوته بي بحهفسجلته بجهازي بدون ما يدري هو يقرأ واني اصور بي
رماد_ حياكم الله شباب
عباس _ حياك الله خويه ليش زحمت نفسك جبت هل اكل هواي منو يأكل
حر_ شنوشنوو غير اني وصيته انت شكو متضوكه ولا اي احد اني جوعان وخلصانه روحي هذا حتى ميكفي الي
رماد_ لك حر زحمه من الولد شبيك متشبع ابو بطن جيب جيب اخذت منه سفري بي كباب ومقبلات وببسي خليته يم عباس تفضل عبوسي اكل
عباس_ مشكور حبيبي مقصرت
رماد_ الف عافيه هو اني شجايبلك هنه كبابات وهذا اخذ صينيه المندي وحده شوف شوف هاي متشبعه كل مرا اجيب ثنين يمسحهن مسح كفيلك العباس
عباس_ التفتت الحر الف عافيه ضلعي ديربالك على كرشك
حر_ لا يمعوده اني اكل ماشبع ولا اسمن لتخاف الحمدالله اهم شي اكل وماسمن
رماد _ صدك عود غير وزنك 93 كيلو ههه
عباس _ لا صدك عليك الحسين شو ممبين عليه
رماد _ اي ممبين لان بنيته عاليه متشوفه جنه تيل شطوله
حر_ عمي هيوو شبيكم اكلتوني شكو هو ونزني 82 وطولي 195 اني رشيق وحلو وإذا ممتاكدين جيبولي ميزان
رماد_ بطران انت انجب واكل هسه نجيب ميزان ونوزن كرشك ابو بطن اكل اكل على كيفك لتغص منو يركض وراك
ياكل بثنين ايديه والكمه يكضها كض جنها طائره منه
عباس_ هههه صدك وعلي لك حر على كيفك يمعود هاك كلينس امسح شواربك انترست تمن وروبه لعبت نفسنه
بهل أثناء دك موبايل رماد بقه صافن والعصبيه تطافر بعيونه لدرجه عيونه حمر صارن كض جهازه كسره بحيث اتطشر بكل مكان وعاط بصوت
رماد_ لككك انييي هيج يسوي بيه هذاا العميد اليوم احرك أهله
كام وعافنه بدهشه شنو الصار ليش هيج عصب رحنه نركض ورا قبل لا يسوي مشكله جبيره وسمعت اسم العميد اكيد يحجي عن العميد كاظم
يتببعع ..............