انا والمجنون
بقلم اوتار حزينه
الجزء الثاني والعشرون
_____________________-
من أمس ودگه گلبي
ماهي بخير
سوالفگم وجعتني حيل
وغفى العتب بگلبي
وماله بعد اي
قيمه
شوگ
طلعت من شروق،،،،رحت
لغرفتي ووكفت يم الباب ذبيت حسره توني اريد افتحه وجان هو يفتحه وجهي صار بوجهه
خزرني بغضب وحجه بعصبيه
ووين جنتي
جاوبته ببروده
يم اختك
ردت اطب وصار صدره بوجهي
شلون يعني ماافوت
جرني من ايدي ورگع الباب بقوه
جريت روحي منه وخزرته بضوجه من شافني
صاح
نزلي عيونج لاااجي افگسهن
اي مو هي تايهه الك
فگيت عيوني من رفع ايده عليه رجعت ليوره
نزلها وكام يهز بيها بقوه وجان يضرب
الباب بوگس
فتحه وطلع ورگعه وراه
ظليت واكفه بمكاني وصافنه علي
واني مصدومه من تصرفه
دمعتي نزلت وكمت ابجي اني واكفه بمكاني
الباب اندگ وشروق طبت درت روحي
بسرعه ومسحت دموعي حجت
شوگ شصار تعارگتو من ورايه موو
لا ماتعارگنا
جذبت ورحت فتحت الشباج صوتي اختنگ
وتماسگت حجيت واني اوخر بالبرده
الجو خنگه خلي افتح الشباج شويه
شوگ عايني عليه اعرف اخويه
واعرفه كلش زين من يصير عصبي شلون يفقد
وبعد مايعرف منو الواكف چدامه
ظليت واكفه يم الشباج واحس بخنگه بصدري وشهگه ضميتها گوة رسمت ابتسامه جذابه انداريت
وجاوبتها
گتلج ماكو شي هو ضاج من وره الصار وطلع بره
حتى يرتاح شويه
جاوبتها وگلبت الموضوع
وين الجنط جبتلج شلون شغلات حلوه من اربيل
ها جوه بعدنا ماصعدناهن
امشي خلي ننزل حتى اطلع الغراض الج ولخاله
ابتسمت وتغير وجهها جاوبتني
تسلمين شوگ ليش گلفتي نفسج
ماكو تگلفه هذا كل من خير سجاد وبعدين اني شعندي غيرج انتي وخاله
وسجاد
حجت اسمه وهي تباوع بتركيز عليه
سكتت وتنهدت وجاوبتها گوة
واخوج هم
سجاد
طلعت بره بالحديقه جانت مغيمه وتمطر مطر خفيف
وگفت جوه المطر اريد ابرد نار گلبي وجسمي
الي اشتعل نار من وره اخويه وشوگ
رفعت راسي ليفوك وحسيت بروده المي
على وجهي فتحت عيوني ودرت وجهي من سمعت
سجاد يمه طب جوه بارده عليك
هسه اجي
جاوبت امي ،،،، ظلت واكفه جوه السقيفه
وتعاين عليه ذبيت حسره ورحت يمها
يمه على كيفك وي روحك ومرتك تره
البنيه خافت عليك لايصير بيك شي ولحگتك للبيت ابوك
يمه انتي ليش مالحگتني تعرفين ابويه مايقبل
موو
اي يمه ابوك مايقبل باب الحوش اوصله
من عاد اطلع بره
شفتي وانه گايل الها ممنوع تطلعين باب الحوش
او تروحين لاي مكان بدون اذني
مايخالف بعدها ماتعرف طبعك انت بالهدواه
علمها لاتظل تصرخ بوجهها وهي بعدها عروس
سكتت وكملت
يمه لخاطري روح رضيها خطيه صعدت مقهوره والدمعه بعيونها
يمه رحمه لاهلج سديها لهاي السالفه وعوفيني
وحدي
امي سكتت وعاينت عليه بعتب هزت راسها
بعدم رضى ومشت من يمي
مشيت گم خطوه ووگفت يم ميز بنص الحديقه
رفعت راسي وعاينت للغرفتنا شفت الشباج
مفتوح ذبيت حسره
مديت ايدي بجيبي اريد اطلع جگاره
مالگيت ،،،،،، تذگرت ذبيتهن هنه
والسويج بالمطبخ فردت طولي اريد اريح ظهري
وبعدين مشيت اريد اجيبهن من المطبخ
وكفت يم الباب من سمعتها تحجي
وتضحك وي امي واختي
خاله شنو من برد يمه هنا ارحم من هناك
تحسي يدك بالعظم والثلج ااوي شگد حلو ويخبل
ظليت مثل الجاهله العب بي واسوي
رجل الثلج
الله شگد حلو احنا رحنا بالصيف من اخذنا سجاد اني امي ابد ماراحنا بالشتا
هسه اگله لسجاد ياخذنا گلنا قبل لايخلص الشتا
خاله شوفي هاي الشحاطه طبيه وخفيفه
جبت الج ولامي
طبيت وشفتها مبدله ولابس تراك احمر واسود
ها يمه بردت وطبيت
شوگ
رسمت ابتسامه على وجهي من سمعت
خاله حجت وي سجاد انداريت وحجيت
هاي وين جنت گلت انهزم وعاف الجنط براسي
اني وشروق
سجاد
عاينت الها بترگيز ابتسمت وگملت وهي تضحك
اني ماعليه بجنطتك راح اصعد مالتي واعوفها
لان ثگيله كلش
حجيت وي سجاد، ،،، ودرت روحي جنت
احس بغصه بگلبي حاولت ادرايها عن اهله لان ماردت يعروفون هو راد يمد ايده عليه واحنا بعدنا
عرسان
شروق شوفي هذا الفستان عجبني كلش مستور
وكلت راح يعجبج
اي كلش حلو تسلمين شوگ
اجتني باستني وكملت
خاله جبنا من السما سجاد گال تحبيها انتي وعمو
اي والله اني احبها والسيد هم
طلعت الغراض وخليتها على الميز
سجاد
مشيت للميز ومالگيت الجگاير
حجيت بضوجه
وين الغراض الجانن هنا
هيانهن بجيبي
جاوبته وطلعتهن رحت ليمه
سجاد
اجتي وكفت چدامي وعيوني راحت لفتحه
التراك
شوگ
رفعت حواجبي من شفت نظراته وين راحت
سحبت السحاب وحجيت بروده
ماتريد الجگاير
مديت ايدي واخذتهن منها ورحت شلت جنطتي
وصعدتها فوك شمرتها بالغرفه
نزلت وشفتها جايبه مالتها وهي تسحل
بيها حجيت
عوفيها
شوگ
عفتها يم الدرج وانداريت
وين رايحه
يم خاله وشروق
ااصعدي عندي حجي ووياج
ذبيت حسره ومشيت وراه طبيت للغرفه
وگفت يم الميز وهو شمر الجنطه وباوع عليه
ووالغضب مبين بوجهه حجه
شيسموها هاي الحرگات السويتها جوه
رفعت حواجبي وجاوبته
يسموها حفظ اسرارنا الزوجيه
شنوو ماافتهمت
شعجب مو انت نقيب ولازم تلگفها وهي طايره
تقدمت خطوه وجاوبتها باعصاب
شوگ احجي عدل وياي لاتظلين تستهزئين
عيوني غورگت وماردت ابجي كتمتها وجاوبته
بهدؤ عكس االنار الشعلها بگلبي
اني مو من طبعي احجي اسراري لاحد دست
على روحي وتصرفت طبيعي حتى محد من اهلك
يعرف انت ردت تضربني واني بعدني عروس
والسبعه مالتي بعدها مو طالعه
عگدت حواجبي من سمعت صوتها رجف
درت وجهي وفرگته بقوه وبعدين عاينت الها
وحجيت بهدؤ
انه گتلج مااريدج تطلعين بدون اذني لو شما يصير
مااريدج رجلج تعدي باب الحوش الا بأذني
ومااريدج توگفين بوجهي من تشوفني عصبي
لان انه افقد وبعد مااعرف منو الواكف چدامي
واخافن اذيج بيوم اذا عدتيها مره اللخ
سكتت وتقدمت خطوه وگفت من شفتها رجعت
ليوره ودارت وجهها كملت بخنگه
يبنت الناس انه مااريد منج غير الاحترام
اريدج تسمعين چلمتي وماتردين بوجهي عوفني
من تشوفيني هيج انه اهدأ وارد مثل الاول
ماباوعت علي جاوبته گوه
صار ادلل سجاد
درت وجهي ودموعي نزلت مديت ايدي للملابس اريد
الهي روحي بيهن ومااشوفه غير يحظني من وره
عوفني
حجيت بشهگه دارني علي وحظني
بقوه ماردت اشوفه دفنت وجهي بصدره وطلعت الشهگه من صدري وكمت ابجي بصوت قوي
ااش لاتبجين وتجرحين گلبي
ماجاوبته من حجه هيج وزدت بالبجي
اخذتها للجربايه كعدت وخليتها بحظني
كمت ابوس براسها واحجي بصوت مخنوگ
كافي لاتبجين شوگ عايني عليه
وخرت وجهها من صدري ووحظنته بين ايدي
الاثنين
غمضت عيوني من سوه هيج وظليت
اشهك بالبجي
ابوس عيونج كافي تبجين
كام يبوس بيهن بهدواه ويمسح الدموع
بأيده
يابويه انه مااستهال هالدموع من خرب بيه
من غثيتج بهاي السالفه من متت ولا رفعت ايدي عليج
جاوبته واني اشهك بالبجي
لاتدعي على روحك گلبي يگوم يوجعني
ظليت بحظنه اسمعه يتأسف ويبرر لروحه
هو عصبي
ومايتحمل حجايه او احد يرد بوجهه
بگلبي گلت بعد مااجاوبه لان مااريد اعيش ويا
مثل ماعاش اخويه ومرته
شفتها شلون اخويه كرهها من وره لسانها
وصار الطلاگ بينهم من وره هذا الشي
وخرت منه ومن كمت لزم ايدي
وكف ولمني لحظنه رجع باسني من راسي
وحجه بصوت مخنوك
زعلج جبير عندي ياجرح گلبي والسويتي
جوة خلاج تگبرين بعيوني بعد اكثر
سكتت وهو لزم وجهي ورفعه صفن بعيوني
وشفت وجهه متأثر ومطعون من القهر
حجه بصوت مخنوك
اخويه غثني شوگ وهاي مو اول مره
انه
سكت وباوع لغير جهه جاوبته
تصير سجاد ماكو بيت مابي هاي المشاگل
ذبيت حسره وعاينت الها صفنت بعيونها وتأثرت
من شفت العيون حمر والوجهه هم
الباب اندك وشروق صاحت
سجاد راح نصب الغده
اي هسه جايين
جاوبت اختي وهي راحت من يمي وطبت
للحمام
شوگ
عمو السيد ماشفته وعرفت من خاله
من سألها سجاد هو معزوم
يم ناس كاعده يمه وشغت نظرات امه واخته
اثار البجي جان مبين بوجهي وهذا الشي هنه اتبهن اله بس ماحجن شي،،،،
كمت وره ماكملنا الغده ومديت ايدي اريد
اساعدهن خاله ماقبلت وشروق هم
عوفي يمه وروحي ارتاحي
مشيت من حجت خاله وسمعتها كملت وي سجاد
سجاد تعال اريدك بحجايه
صعدت الدرج راسي يوجعني من وره البجي
واحسه يريد يطگ جسمي كله كام يوجه عضامي
كامت تصل عليه عرفت روحي استبردت
طبيت للغرفه وخرت الملابس من الجربايه
وگلت عوفهن للعصر ارتبهن ردت بس انام لان بعد مااكدر
تمددت وغطيت روحي بالغطه ولميت روحي
جواه رجلي ثلج واريد بس ادفيها
غمضت عيوني وغفيت مشوار حسيت
ايد حاوطتني وحسيت بجسم دافي
لزك بيه حظنته واني اريد دفو
وحجيت بتعب
بردانه
ماسمعت شحجه لان رجعت نمت مثل الميته
سجاد
نايم وبحظني شوگ
كل مشوار تفز وتحظني بقوه وادگول
بردانه
لميتها بحظني وغطيتها زين
وره وين هدأت غمضت عيوني واحس بروحي ضايج من وره الصار محد يعرف بشنو احس ولا راح اكدر احجي الي بگلبي من اني صغير ماحسيت
مرتضى ومحمد اخوتي واعرفهم مايحبوني لا انه
ولا امي ولا شروق الواحد مايحتاج يسمع كلمه
مااحبك من احد تگفي التصرفات والبعد والجفاء
هي الي تخليك تعرف انت شنو انت بالنسبه الهم
وانه اعرف بروحي مو عزيز عليهم باقر اعرفه
يحبني ويعزني بس يظل اخوهم ويميل الهم
كمت احس بروحي ماعندي سند بهل الدنيا
غير الله وابويه
وحدي بهل الدنيا الي تعبتني واخذت من عمري عمر
الراحه والاستقرار ماشفتها
لا من حبيت شوگ
رفعت راسي ليفوگ وذبيت حسره
درت وجهي عليها،،،،غافيه بتعب والدموع
مبينه بوجهها ضجت بعد اگثر وروحي اختنگت
نزلت ليمها وبستها من راسها اكثر من مره
وانه اردد كلمه
اسف
شوگ
كعدت ارمش بعيوني الدنيا ظلمه ومااشوف اي شي
حجيت بخوف لان اخاف كلش من الظلمه
سجاد انت وين
ماكو صوت بس سمعت شخير
كمت ادور علي بايدي وصحت
سجااد ووينك
فزيت من سمعت صوت شوگ
الدنيا جانت ،،ظلمه جريت جهازي من جوه المخده
وعلگت الفلاش شفتها بنهايه الجربايه
وعلى الحافه
رحت بسرعه لحظنه وحجيت بخوف
هاي شنوو عفيه اشو ظلمه هندس
ماكو شي لاتخافين اني طفيت كل الاضويه
لان مااعرف انام الا هيج
يمه عبالي صار شي بالكهرباء
علگت الضوه الورايه وشفتها لازكه بيه
والخوف بوجهها ابتسمت وحجيت
انتي مو جنتي نايمه يمي شوداج
لهناك
هاا اني هيج نومتي مااظل بمكان واحد
ابتسمت وجاوبتها وانه اريدن اكسر الزعل
شنو يعني راح تخليني افتر وراج فوگ الجربايه
حتى اعرف الزمج واخليج بحظني
وخرت منه وباوعت للسبلت وسألته
الضوه مالته وينه
ملت عليها وحجيت يم اذنها
شوفي لازكه بتيب حتى مااشوفن الضوه
مالته
ابتعدت منه من حسيت بانفاسه يم اذني
وجاوبته
اوي هاي شنووو بيك فوبيا من الضوه تمشي
وتطفي بيهن بعدك ماصرت بالستين ولا طلعت تقاعد
هههههه
خربت ضحك من جاوبتني هيج
خلي اكوم شگد عيب نمنا هلگد هسه خاله
شدكول عليه مو شايفه نوم
كامت وجريتها من ايدها كعدتها
يمي وحجيت بضحك
لا مو شايفه رجال
سكتت ودرت وجهي من راد يبوسني لزمت ايده الجانت تنزل بالسحاب بهدواه وحجيت بضوجه
تره بعدني زعلانه لا عبالك بهاي سوالفك
راح تخليني احن عليك
هههههه
تمددت وانه اضحك ومن كامت عاينت الها
والنيه مو صافيه وحجيت
تره خابطه عندي
اشتري فلتر وصفيها
يم باب الحمام سمعته خرب ضحك وجاوبني
عندي فلتر ابو غمازه بس صاير بخيل
وشحيح ميه
طبيت واني مبتسمه توضيت
وطلعت اريد اصلي
المغرب ووراه العصر قضاء لان فاتتني
شفته ماكو وسمعت صوته يحجي بره بالصاله
صليت ونزلت يم خاله سمعته يحجي
وي عمو السيد بالاستقبال
رحت، ،،للمطبخ من سمعت اصوات حجي
وووكفت من شفت زوجه عمو الاولى
سلمت
شلونج خاله
دارت وجهها عليه وجاوبتني بضوجه
هلا
هاي المره ابدا ماارتاحيت الها ياسبحان
الله سيمائهم في وجههم وهي مبين عليها وحده
حاقده وتكره خاله وولدها يعني اني انضافيت
للقائمه يعني زاد نفر على گلبها ابتسمت
وحجيت وي خاله
عنج ااني اودي الصينيه لعمو
بعدني ماشلتها وهي حجت بنغزه
ياا هاي تريدين تروحين بهل الهديمات للسيد
باوعت عليه من فوگ ليجوه بعين نص مفتوحه
وهي تعوج بحلگها وبعدين كملت وي خاله
شبيج خاتون شنهي ماتعرفين طبعنا
ماتعلمين چنتج شلون تلبس بيت الساده
لا گالت اليه بس اني نسيت
جاوبتها وابتسمت بوجهه خاله الي تفاجأت
بجوابي غمزت الها وكملت
اعذريني خاله تره والله نسيت انتي گلتي
الي البسي دشادشه بالبيت هسه اروح طلقه
ابدل هدومي وارجع اودي الجاي لعمو
ابتسمت وهزت راسها باي مشيت من يمهن واني اضحك وي روحي لان لفتها عليها
وماخليتها تغثني او تغث خاله
بدلت دشادشه قديفه حمره وبيها تطريز من يم الصدر والايد جبت شال نفس اللون
وكلت البسه كدام عمو
نزلت ورحت للمطبخ طبيت وشفتها ماكو
خاله حجت
راحت يم عمج وسجاد
هاا
دورت بعيوني على الصينيه وهي كملت
اخذتها شروق الهم روحي سلمي على عمج
يمه لان سأل عليج
اي هسه
اني جنت اخجل منه كلش مااعرف احسه
هيبه وشخصيه واله سلطه على النفوس
رغم هو هادء وكلامه قليل وشكله يخليك ترتاح اله
رحت للاستقبال ووكفت يم الباب
سجاد
كاعد وي ابويه نحجي بموضوع يخص
جماعه گرايبنا ابنهم گاتل واحد نزل على بيتهم وصارت طلابه واهل المگتول دگو بيته
شلون يصير هيج سيد تره هذا حرامي ونزل
يريد يبوگ وگتلته حگ لان داس بيت
ابو مسلم
اي هاي يمگ ويمي موش يم هاي الاوادم الي ماتخاف الله ابنهم صيته نچس وابوه طارده عبن يگبسل ويشرب منگر وهسه من مات صار گراعه طويل وگاموا يريدون الفصل
وابو مسلم وينه هسه
شارد بعياله لبيت ابو رسول امنته يمهم الما نفض سالفته
هو ياهو الگله يگتله لهذا الولد مااعوفه شكو جاب
المصايب لروحه والنا هسه عاد اگعدوا وافصلوا
وادفعوا من جيبكم حتى ابنه مايصيبه
شي
مرة ابويه حجت وابويه ردها بضوجه
اشوفنج ضايجه اليسمعج يگول انتي الدافعه من جيبج
عيوني راحت لشوگ من اجتي ووكفت يم الباب
ابتسمت من شفتها لابسه الاحمر وويا شال
نفس اللون
شفت نظرات سجااد اليه ومن ابتسم حجيت
الله يساعدك عمو
هلا بعروس ابني تعالي بويه ليش واكفه بعيد
اكعدي يم زلمتج
مشيت بخجل ورحت كعدت يمه
قربت جتفه من جتفي وحسيت بحراره جسمه
شلونها اربيل بارده مو
اي
جاوبت مختصر وسجاد كمل
والله بارده كلش والثلج مابطل من رحنا الما اجينا
والله انت بطران هو اليروح يروح بهل الجو
ام باقر حجت والسيد ردها
هاا وانه وگلت اخذج واروحن هناك حتى
اشوف عيوني شبيها وهم اچيك الضغط مالتي لان صاير يصعد هوايه
سكتت وكمل
يله راح اخذ خاتون وياي لان انتي ماتحبين هيج
جوو
ردت اخرب ضحك من ردها عمو هيج
سجاد جاب رجلي عليه باوعت وشفته مبتسم
هي،، انفخت وباوعت اله بضوجه وجاوبته
لا عليش خاتون انه اروحن وياك هي چم يوم نشوفك شبيك وبعدين ونرد قابل شنريد نظل عمر هناك
لا خليج هنا احسن بارده عليج خافن عضامج
يصلن عليج ويگومن يوجعنج
خاله طبت وهي شايله مي خلته يم
عمو وشفته اشر الها تكعد يمه
نظرات ام باقر كامت تقتل مو بس تجرح
حجه
خاتون حضري روحج اخذج وياي لاربيل هالاسبوع
اريدن اشوف عيوني وضغطي يم دگتور
كالو علي زين
اي اروح وياك حتى اطمن عليك لان ضغطك
صاير يصعد جثير
سجاد طخني برجلي باوعت وشفته مرگز بعيونه على زوجه ابوه الي كامت وحجت بضوجه
خلي اگوم ارد لبيتي الظاهر انه مالي لزوم
هنا
شروق وصلي خالتج للباب
عمو حجه وهي ردت بضوجه
مايحتاج اعرف دربي شنهي جاهله
وتريد بنت خاتون تگودني وتوديني لبيتي
طلعت وهي تدردم وخاله حجت
شبيها ام باقر ياهو الزعلها
چا ماتعرفين منهو الزعلها
عمو سالها وهي ردت بسرعه
لا والله وروح ابويه مااعرف
ههه امك راح تظل عمر وهي طيبه گلب وعلى نياتها
سجاد
ابويه حجه وياي مبتسم وجاوبته
امي ماكو مثلها
شوگ
رفعت راسي وباوعت علي من سمعته شحجه
هو ماكو مقارنه بيني وبين امه هي الربته والتعبت
علي وماراح يلگي بحنيتها علي وكل واحد
يحس هل الاحساس بس اني مااعرف
شصار بگلبي حسيت بيه نقص
لان شاف امه كامله واني لااا
كمت وره مشوار من صاحتني شروق
رحت ليمها بالمطبخ وحجت
شوگ اكعدي يمي اريد اعرف شراح نسوي
للسبعه مالتج
هاا ماادري
امي كالت أسألي شوگ وشوفيها شتريد
نسوي الها
خلي نسوي حفله بسيطه بس الاهل
هاا يعني نعزم اهلج واهلنا
اي وصديقاتي رغده ونورة وخاله ام سعد وبيت
اهل نورة
اي شوفي راح نوصي من مطعم هو يرتب العشه
والكيك وامي كالت نجيب ملايه
هزيت راسي باي سجاد طب شرب مي من البراد وحجه وي شروق
شراح تسون عشه
ماادري والله
اطلبي لفات گص ومقبلات ويا
هاا يعني صاج لحم
بكيفج اهم شي يگون لحم مو دجاج
تمام
راح واگف يم باب المطبخ
رفعه ايده ليفوك ولزم اطار الباب وكام يرفع
بروحه
ها عبالك الجسم تشنج من وره الگعده
اخته سألته بضحك التفت وجاوبها مبتسم
وهو يباوع عليه بنظرات وگحه
اي والله ويراد لاخوج رياضه قويه
حتى تفگ جسمه
روح للجم صارلك هوايه مو رايح
اخته جاوبته بفهاوه وهو طگها بضحكه
كمت من يمهم وحجيت
اروح ارتب الجنط
مشيت للدرج صعدت سديت الباب
اندفع وهو طب ورايه
سجاد
طبيت وره شوگ وانه مبتسم واريد اتحارش بيها
اساعدج بشي
لااا
طلعت الغراض وبدت تصفط بيهن
تمددت وظليت اعاين الها شلون تشتغل وهي
ساكته كمت شغلت التلفزيون وكعدت اتابع اخبار
گلبت وطلع فلم لعادل امام اسمه
الخت
ظليت اتابعه وكل مشوار اضحك
على سوالفه
شوفي الله عليج شلون طالع والله جايبه
للدور كلش
باوعت بطرف عيونها وجاوبتني
تره مبين رجال ماادري شلون ذوله مصدگين
هو مرة
يعني انتي مامقتنعه هو مرة
لا وينه يمعود دشوفه ذاك مبين رجال
المره تنعرف من مشيتها وصوتها يعني هي ناعمه
ونازكه مو مثل الرجال
يعني مثلج
شوگ
حجها مبتسم وجاوبته
اي مثلي ومثل غيري
بس انتي ماكو مثلج
كال كلمه امه وجاوبته
وهم ماكو مثل امك
سجاد
ابتسمت من حجت هيج كمت ليمها ووكفت
اگبالها وجاوبتها
امي كأم،، ماكو مثلها وانتي كزوجه وحبيبه
ماكو مثلج ولا راح الگي وحده تخلي گلبي هيج
يدك
لزم ايدي وخلاه على گلبه سمعته يدگ بقوه
رفعت عيوني اله وشفته صافن والعيون
ذبلان نزل راسه و باسني من خدي وحجه بهمس
لو تعرفين شگاعده تسوين بيه
حظني لصدره بهدواه من راد يبوسني
من شفتي وخرت راسي نزل لرگبتي وباسها وطول هناك شمني بنفس طويل وحجه
ريحتج ترد الروح
سجاد
ياعيونه
زعلانه عليك
خليني ارضيج
حجه هيج وطبقها گول وفعل ماعافني الا وره
وين،،،،
الحب شفته بعيونه وكلامه
يضيع بس
اصير بحظنه ويتحول لشخص ثاني كله رقه وحنيه
كلامي ويا ولمساتي جنت اشوف اثرهن بي
يدوخ ومايعرف شلون يعبر عن حبه يظل يردد بجنون وهو يبوس بيه
احبج واموت عليج شوگ
گلبي بين ايدج لاتأذيني بي
ماكدرت اظل زعلانه علي لان احبه كلش
بس اصير بحظنه واسمع كلامه اضيع وبعد مااعرف
بشنو احس دوخه حلو ومشاعر اول مرة احس
بيها
اكثر شي جان يخليني اضعف كدامه
هو عيونه وضحگته جنت احبهن كلش
وضحگته من اسمعها تخلي گلبي يگوم يدك بجنون
نايمه بحظنه واسمع دگاته گلبه ادك بقوه
حظنته اريد احس بدفو جسمه وهو حاوطني بأيده الاثنين وباسني من راسي حجه
بعد لاتجافيني وتزعلين عليه تره اتعلل
رفعت راسي وباوعت علي وجاوبته
صار ادلل بس انت هم الزم اعصابك ولاتتهور
اي مااتهور بس انتي اگضبي لسانج هذا
وانه اصيرن عاقل
صار ادلل بعد اكو اوامر ثانيه سياده النقيب
تريد شي مني قبل لااكوم
ابتسم وغمزلي وجاوبني بخبث
مو هسه بليل
تجاهلت كلامه وكمت من يمه
وهو ضحگ بصوت عالي
وحجه
اليشوفج قبل شويه مايشوفج هسه
اووي كافي سجاد تلح بهاي السالفه شبيك انت مو مصدگ بروحك تزوجت
والله تريدين الصدك انه،،، مصدك بروحي تزوجت
بس مو مصدگ انتي مرتي أكلج تعالي اگرصني
خاف جاي احلم انه واكعد مضروب بوري
ماجذبت خبر ورحت گرصته من زنده بقوه
واني اكزكز
بله هي هاي گل قوتج
وخرت منه من شفته مااحس بشي وفزيت
من گام وبعيونه وكاحه صحت
سجاد اكعد راحه اانت گتلي اگرصني
اي گلت وهسه اجه دوري
يممه
صحت وانهزمت للباب بلحظه اجه وشالني
وهو خربان ضحك شمرني على الجربايه وحجيت بخوف
عليك الله لاتأذيني والله انت ورطتني
يمممه
عطت من جرني من رجلي صار فوگايه
وهو يضحك حجه
وهسه اجه وقت العقاب
عبالي راح يسوي شي يخوف بس هو
دنك وباسني من خدي وخر وحجه
كل ما تأذيني ابوسج من جروح گلبي
ابتسمت بوجهه وصفنت بخلقته وعيونه وخرت
شعره ليوره ورفعت روحي بسته من خده
وحجيت بهمس
عمري ماراح اذيك
السبعه اجتي وامي ورغده وخاله ام سعد
ووياهم خاله ام سلوان ونورة وخالتي بهيجه
وبنات خالو وحيد
ام الصالون اجتي للبيت بطلب من سجاد
سوتلي تسريحه على طول شعري بس بگسره
مكياج طوخ ولبست بدله قصيره كلوش
لبست ذهبي وباوعت للحجول
رغده حجت
البسيهن راح يطلعن يخبلن وي هاي البدله
هو هم هيج
لبستهن وامي تجر صلاوت لان طلعت كلش
حلوه
اكلج يمه هذني شبيهن
انتبهت لامي من حجت وسألتها
منو يمه
نسوان عمه لسجاد اشو سلامهن ثگيل وگوة طلع من حلگهن
يمه مو تعرفين الفلم
حجيت يم اذنها وهي جاوبتني بسرعه
هاا اي صدگ شلون نسيت
شوگ غرفتج كلش حلوه
اختي حجت وهي تفتر بيها بستها من اجتي يمي
وجاوبتها
ان شاء الله تصير الج الاحسن منها
ابتسمت بخجل وكملت وياها
روحي اخذي ذيج العلاگه جبتلج اشگاال
والوان من رحت لاربيل
صدگ شوگ
اي روحي شوفيهن
الله يفرحج يمه مثل ماتفرحين اختج
وانتي هم يمه الج حصه
تسلمين بعد امج لاتگلفين نفسج والولد وياج تره عندي خير من الله
رغده حجت
اكلج اشو ماكو دجي نريد نهز شويه
ماكو ملايه راح تقره على آل البيت
ياا اشو ملايه
رغده حجت
ابتسمت وجاوبتها
عمو وسجاد مايقبلون
لان تعرفين هم ساده وملتزمين
منوو سجاد ملتزم
رغده طگتها بضحك وجاوبتها
اي عيني رجلي ملتزم شبي سيد يصلي ويصوم
ااخ يمه اريد اصدگ بس مادصدك
ضحگت من سمعتها شحجت وجاوبتها
ليش عيني شفتي على رجلي
احم ماشفت شي الولد خوش ولد واخلاقه حلو
بس مال سيد مااشوفها لايكه اله
نقيب اي
نقيب گلبي
حجيت وي روحي وامي جاوبتها
يمه هم بيت الساده يجيبون ملايه باعراسهم
احنا هم بالسبعه اذا نريد نسوي مولود
نقره بي على الرسول وآل بيته
هاا مادري خاله كل واحد وطبعه
شروق طبت وحجت
يله شوگ امي ادگول خلي تنزل
اي هسه
نزلت جوه واشتغلت الهلاهل من خالات سجاد
الي حبيتهن گلش
فضيله الي اصغر من خاله تلگتني بهوسه حلوه
اليوم العرس ضلع من ضلوعي
ابتسمت بوجهها وهي اجتي تجر صلاوات بوستني
واخت خاله اللخ الجبيره طشت جگليت عليه
وكامت تهوس
هاي فرحتنا الجبيرة فرحه كل العشيره
ألف مبروك ياحلوه يامزيونه اخذتيلج سبع من فدوه لعيونه
بوستها وخاله مشت وياي طبينا للاستقبال
كعدت وعدلت البدله ورفعت الصدر ليفوك لان نزل
رفعت راسي وشفت نسوان
عرفتهن نسوان عمامه وبناتها اكلني اگل بالنظرات
مرة باقر اجتي عليه وهي تضحك وحجت
الف مبروك الله يرزقكم الذريه الصالحه
شكرا حبي
جاوبتها وشفت وحده وراها لابس بدله
فستقي حنطاويه وشعرها اسود طويل كلش
حلوه بس دمها جامد
هاي فردوس اختي
رفعت حواجبي من سمعت اسمها
مبروك
حجتها مختصر وهي تباوع عليه من فوگ
ليجوه
شكرا ويوما الج حبي
وجهها تغير وماباستني دارت وجهها وراحت
اختها فشلت وظلت تباوع عليها حجت بضحك
طالعه تخبلين
شكرا حياتي
هاي شبيها عبالك هاي ضرتج
رغده حجت يم اذني وگرصتها
ااخ اي هو هذا مادام گرصتني
الملايه كعدت تقره على آل البيت
وكلما ادگول سمعونا هلاهل خالاته يعلگن الجو
ماشفت نسوان عمامه فرحانات بس كم بنيه من بناتهم جانن يصفگن ويهلهلن وي خالته
وام كرار ماقصرت واكفه وي شروق وبنات خالاته
ويضيفن بالخطار
سجاد حلو سجاد زين سجاد يحفظه الحسين
من حجت هيج وهي تدف بقوه
خاله فضيله كومتني وهي تهلهل
تمايلت وياها واني مبتسمه بخجل والملايه
حجت
سجاد حلو ورفعت راس سجاد يحفظه العباس
گلبي فز من الفرح وظليت مبتسمه واني اسمعها
ادگول اسمه
من بعيد شفت شروق كاعده تصور
وهي مبتسمه عرفتها راح ادزها اله وكلت خلي
ارگص واشوفه فرحتي بي
كمت اهز بحتفي واتمايل وي خالته
واضحك الها كعدت وره مشوار واني احس بحراره
انزول عليج والله طلعتي تعرفين ترگصين
واني ماادري
ضحت لرغده من حجت وجاوبتها
اسكتي تره گوة دبرتها
اطردي عيون ام حجول
ضحگت الها وامي حجت
انزول عليج شگو تغميها همزين ام سجاد عمتها
مو انتي الله هم حبها لبنتي وانطاها عمه
خلقه واخلاق
سمعت حجيها وسألتها واني اباوع لام باقر
خير يمه شصاير
هاا مابيه شي
سمعت بأذني هي غمتني وامي شافتها
سكتت لان هاي فرحه ومااريد اسوي مشكله وي مره جبيره بالعمر بس اي عقل ماعدها
بعدها الملايه كاعده وهي
طلعت وسحبت وراها خواتها ومرة
مرتضى ومحمد ام كرار ظلت يمنا واختها بعد ماشفتها
كمت بوجهه خاله ام سلوان وحجت
مبروك يمه شوگ وربي يسعدج
تسلمين خاله
خلت بأيدي ظرف وشگرتها وخاله ام سعد هم
ورغده جانت جايبه اليه گلاده ذهب نازگه
ماقبلت اخذها وسوتلها زعله عليه
اخذتها منها وشكرتها
امي لبستني سوار متحرك وناعم وحجت
هاي هديتي اني وابوج
علا انطتني فلوس وگالت
هاي من هشام
جنت مااريدهم يروحون وچلبت بامي ردتها بس
تبقى ماقبلت ووصتني للمره الالف على
سجاد واهله
البيت فرغ وظلن بس خالاته
گلت خلي ابدل وانزل اساعدهن بالشغل جنت عطشانه ،،،رحت اشرب مي من المطبخ طبيت
وشفت ام كرار تحجي بعصبيه وي اختها
عيب عليج الولد تزوج بعد
سكتت من شافتني وارتبگت گلش اختها باوعت
عليه بحقد وحجت بصوت طلع يرجف
الله اليدري شسويتي من سحور حتى ياخذج سجاد
ااسكتي وامشي جدامي
اختها صاحت وهي تدفع بيها
رفعت حواجبي من حجت هيج وجاوبتها مبتسمه
كلمن ويحجي بعين طبعه وماتحجي بالسحوره
الا الماشيه بدربه
سكتت وكملت بنغزه
يس خطيه عبالك مافادج لان سجاد صار اليه
ضحگت وكملت
الگمر وصار بأيدي بعد شاريد من النجوم التفتر
داير مدايره
ادبسسز دايحه
غلطت عليه واختها دفعتها بقوه وطلعتها من المطبخ
وهي تغلط عليها
فريت ايدي وفزيت من سمعت شروق حجت
والله عفيه بيج
اوي يمعوده وگعتي گلبي
هي فزت وي فزتي وظلينا وحده لازمه اللخ
سجاد طب وكف يم الباب وسند روحه علي وجتف ايده وظل يباوع علينا
احم
شروق حجت وانسحبت من يمنا
ابتسمت اله من شفت نظراته وظليت واكفه بمكاني
اتمايل
سجاد
واكف اعاين الها شلون طالعه تخبل
صورها كلها اجتني ومقطع الفديو وهي ترگص
خلاني اصفن بعذاب الها
مشيت بهدواه واني ماد ايدي الها
رحت علي واني اگول
سجاد حلو ورفعت راس سجاد يحفظه العباس
ابتسمت من حجت هيج ومن صارت بحظني
صفنت على خلقه ربي الحلوه حظنت خصرها
ورفعتها بهدواه حجيت بصوت مخنوگ
بخت وصرتي اليه ربج يحبني وانطاني هيج
گمر
رفعت روحي اله وجاوبته
الگمر وصار بأيدي بعد شاريد من النجوم التفتر
داير مدايره
رفعت حواجبي من حجت هيج نزلتها من سمعت الهلاهل وخالتي فضيله طبت ووياها
خالتي اللخ
شوگ
شهر وشويه مر،،،علينا
واحنا مثل عصافير الحب بيتنا هادئ
بس من تجي ام باقر تسويلها مغثه وتطلع
بيوم العصر جنت اثرم كباب للعشه
طبت هي دومها اطب بدون ماادگ الباب
يعني حاسبته بيتها مو بيت خاله
سلمت وكعدت علي القنفه وهي تدور بعيونها
على خاله
هاي وينها
من حجت هيج ضجت كلش بس بلعت لساني
وجاوبتها
كاعده تصلي
جاوبتها مختصر ورحت احمي الجاي
خدري جديد مااريد فضالاتكم
هو جديد بعد محد شرب
عفته على النار ورحت اخلي كيك وگليجه
بالماعون
اگلج ماشلتي
انداريت عليها من حجت هيج وسألتها
هاا ماافتهمت شنو قصدج
عوجت حلگها وجاوبتني
ماحبلتي
عگدت حواجبي وبگلبي گلت
شنو حبها ولبط هو صارلنا شهر وشويه
من تزوجنا
جاوبتها
لا خاله
دارت وجهها صفح ومادري شحجت بس
سمعت اخر كلمه ،،، للجاهل
خاله طبت وسلمت عليها وكعدت على الكرسي
السيد ماخابرج عبالك تأخر يم بيت ابو رسول
انه خابرته ومارد
خابرته وماجاوب وظل بالي علي باقر مو ويا
لا ماراح ويا
هسه لو بس يرد ويطمنا علي
انتي ماتعرفي للسيد مايرد على جهازه
لو تنگلب الدنيا
صبيت الجاي ووخليته يمهن هو والعصريه رحت
اكمل الكباب وهي طلعت وره مشوار
ساعه 8 واكفه احضر بالعشه اني وشروق
حجيت وياها
راح اطلع اذب الوصخ لان صارت كارثه بيئيه بالمطبخ
حجيت بضحك وشلته مشيت للحاويه
الجانت جوه
خليته بيه ومن ردت ارجع سمعت صوت سياره
وگفت عبالي سجاد رحت اشوف من الفتحه
فزيت من شفت زلم نزلوا من سياره
عاليه وبأيدهم سلاح
رجعت ليوره وصار الرمي بفلس عطت
ونزلت لكاع واني اصرخ من الخوف
يتبع
اوتار حزينه