ابوي گلي : أنا دايملج ضهر بس خاف اروح صيري يم گُل الثعالب ذيبه .
...
بغداد 7:00 ص .
ازل :- فزيت من النوم باوعت الساعة 7:00 تأخرنة ركضت دكيت الباب على غرفة علي وكعدتهم رحت لغرفة امي اركض لكيتها كاعدة تصلي صبحت عليها
وسويت جاي وركاض ركاض اسوي ريوك خليت ستكاين الجاي والبيض وصحت على امي وعلي ورند تريكنة ورحت اغسل .
ازل :- رند اغسلي الماعين فدوة اريد ابدل واكعد مهرة .
:- روحي خية ماعليج منهن اني اغسلهم .
- صعدت لغرفة مهرة دكيت الباب مافتحتة عرفتها نايمة فتحت الباب ودخلت كعدتها .
:- مهرررة مهررهة .
-فزت مرعوبة .
مهرة:- هها ؟!
:- يلا حبابة اكعدي راح نروح .
:- اهخخخخ مابية حيل وكتكم هسة ، يلا يلا كايمة روحي انتي .
:- لامهرة فدوة كومي لاتغفلين عن البيت والبنات ولاتخلينهن وحدهن ابقي يمهن .
:- (بنعاس ) بعيني .
:- كومي تريكي بين مانبدل حتة تقفلين البيبان ورانة ولاتفتحين لباب لااي احد الا خالتي كفاية .
:-خوش
-نزلت لجوة صبحت عليهم وغسلت وجهي وكعدت بالصالة اتريك .
واشوف رند وازل يركضن منا ويرجعن منا يحضرن بروحهن وامي وعلي كاعدين يمي .
مهرة :- مافضيتنها هو وين رايحات كلة طبيب البس ملابسي واطلع انتن بس ملابسجن ومن مساع تتماطلن وياهن شحال اذا لبختن خلقتجن .
التفتت على علي وغمزتلة وحجيت .
:-خايب اني منك ولا اتانيهن شبيك اخذ امي وعوفهن .
-ابتسملي لازم ضحكتة وسوة نفسة يحجي بنبرة غضب .
علي:- ايي هو هيج مو مال طلعة هنة الهن منا للخمسة اذا ماكملن مايرحن .
بدء يعد .
وهنة يركضن منا ومنا يردن يلحكن وهاي الي تلف شالها والثانية الي تلبس بعبايتها .
علي :- واحد ، ثنين ، خمسهة .
رند:- يااااااا شنييي وين طفرت .
- اجنت يركضن يمة مكملات .
وكف كاللهن يلا امشن لزموا امي من ايدها وطلعوا اني وراهم .
علي :-يلا اسركي الباب وقفلي البيبان الداخلية كلها ولاتفتحين الباب لااحد الا لخالتي .
:-تمام .
صعدهن بالسيارة ونزل افتر من الباب يحاجيني بهمس .
:- شوفي الكامرات يمج اي احد يدك الباب يطلع كبالج اذا مو هالتي لاتفتحين الباب وطنشي .
:-هزيت راسي اي -صار .
:-يلا فوتي لجوة .
_ دخلت وسركت الباب رحت للمغسلة اغسل وجهي بماي دافي واباوع لوجهي بالمراية لمحت سُقيا طلعت تفرك بعيونها توها كاعدة من النوم .
سُقيا :- صباح الخير خالتو .
مُهرة :- صباح النور تعاي غسلي يبعد خالتج يلا .
كعدت على المرجوحة انتظرها لحد ماكملت وفتنة لجوة .
:-نكعد فجر ؟
:-هاا؟؟ ماادري خالة بكيفج .
:-امشي خل نكعدها اول شي تعاي هاج .
انطيتها صينية والجفجير واني اخذت جدر والجمجة .
سُقيا :- ياا خالة شنسوي بيهن ذني .
:-خل نكعدها ندك بيهن .
:-هههههه خاف تكتلنة .
:-امشي لجج امشي كالت تكتلنة كالت .
-فتحنة باب الغرفة ودفرتة وطبينة نضرب بالصينية والجدر نكعد بيها وكمزت مخروعة وتصيحح شكووو .
سُقيا :- اكعدي جوعانين .
:- اي صدك اكعدي جوعانين اني توني تريكت بس بعدني جوعانة ورجعت ادكك على الجدررر واصيححح اكعددديي يلاااا .
ندك اني و سُقيا ونركص كامت فجر من النوم تركص ويانة وهية وجها ماغاسلتة .
:-يلا روحي غسلي بين مااحضرلجن الريوك .
فجر:- ماشي .
طلعت تغسل واني وسُقيا بالمطبخ اباوعلها من شباك المطبخ واني اسوي ريوك لحد مارجعت وسركت الباب وراها .
باوعتلي مستغربة .
فجر :- هاي ليش قفلتي الباب؟!
:- احسن ؛ تعالن تريكن يلا .
خليت الريوك وكعدن ياكلن شغلت الصوبة وقربتها شوي عنة ورجعت كعدت اكل وياهن .
سُقيا :- خالة امي شوكت ترجع ؟!
:- ليش .
:- اخاف ابقة وحدي .
:-وانتي هسة وحدج ؟
:- لا بس اخاف اذا امي مو يمي .
رفعت راسي وخزرتها .
عطتت بيهاا .
:-سُقياااااا ، نضل نعيد بالسالفة لشوكت تبقين هيج خوافة مو كتلج لو تشوفينهم كلهم مو يمج ماتخافين وماتخلين شي اسمة خوف ابالج مو زغيرررة انتي كبرتي كااافي .
- دنكت راسها ورجعت تاكل ساكتهة .
كاعدين نتريك وسمعنة دكت الباب فزينة تلاثتنة كامن واني وكفت استغربت من وكفتهن .
:- خيرر وين ؟!
فجر :- وياج.
:- ارجعن لمكانج يلا (بصوت عصبي ) .
صعدت اشوف الكامرات من بالباب وصاحت فجر .
:-وين رايحة ترا الباب يندك .
:- تريكي انتي مو شغلج.
-شفت الكامرات وشفتها خالتي نزلت فتحتلها الباب .
كفاية:- هلا خالة السلام عليكم شلونج يمهة .
:-بقيت صافنة هاي شبقتلي جا ؟
فزيت من صفنتي - هلا هلا خالة تفضلي .
فاتت واني وراهة سديت الباب سلمت على البنات وكعدت انطيتها ماي .
كفاية:- شني شلونجن شخبارجن .
الكل :-الحمدلله بخير .
كفاية :- ونعمة بالله حبيباتي جبتلجن شلون دولمة وياي تطكك بالكاعع .
مُهرة :- باوعت الفجر وسُقيا مكيفات واني كوة لازمة ضحكتي .
مُهرة:- خالة انتي هم تعرفين الي يطكك بالكااع ؟!.
:- ياا يخالة جا غير اسمع ولدي دوم يحجون بيها كل ماشافو شي حلو .
:- ههههه هم نعمة .
-بقينة نسولف لحد ماصارت الساعة 12 صلينة وكعدنة نتغدة .
:- خليت الدولمة بحلكي وشحطت من حموضتها ماتوقعتها هيج .
-احممم احمم .
كفاية :- اسم الله بنيتي على كيفج شنو معجبتج .
:- لا خالة عاشت ايدج .
بقينة ناكل لحد ماترسناها وكمنة كوة نكوم ونجر النفس .
شلت الماعين خدرت جاي ورجعت اغسل بالماعين
كملتهن وصبيت الجاي رجت يم خالتي .
مُهرة :- تفضلي خالة .
كفاية :- تسلمين بنيتي عاشت ايدج .
:-الف عافية .
- التفتت على البنات لكيتهن كاعدات فجر بيدها الموبايل وسُقيا تباوع وياها ويتناقشن ورجعت نظري لخالتي .
:- خالة افرشلج تنامين ؟
:-لايمة حبيبة وين انام مامنعسة .
:- جا انا منعسة .
:- اي يمه نامي اني هنا باقية يم البنات .
-هزيت راسي اي .
:- اني راح انام بالاستقبال حتة الي يدك الباب اسمعة .
:-ليش يمة روحي انتي لغرفتج نامي والي يدك الباب احنة نفتحة عليش تفزين من نومتج .
-كمزت اصيح لاا ممنوع احد يفتح الباب .
:- اسم الله يمة شبيج .
-استوعبت اني شسويت تداركت الوضع بسرعة .
:- ها خالة لا مو شسمة علي كال ممنوع اي احد يفتح الباب غيري ووصة بهل شي واصر علي .
كفاية:- هاي هية يمهه نامي واذا اجة احد احنة نكعدج تفتحين الباب .
:- تمام كعدوني ب4
- اخذتلي بطانية ومخدة ورحت ومخدة ورحت وفتحت باب الاستقبال وية دخلتي طاحت عيوني على صورت ابوية الله يرحمة نقبض كلبي رجع بية الزمن لليوم المشؤوم .
الرجوع للماضي ( احدى ايام عشرة محرم ) .
:-كعدت الصبح العصافير تخبل والجوووو بارد نزلت اركض ادور علية اعرف مكانة اعرفة هيج وقت وين الكا كاعد ركضت لباب الاستقبال فتحت الباب ركضت حضنتة هو اول ماشافني عاف الكاسيتات وشالني كعدني على حضنة .
مُهرة :- صباح الخير بابا .
:-صباح النور ينور بيتي بوية .
ضحكت وحضنتة وبست ايدة وبستة بخدة احب ابوسة بخدة ولحيتة البيضة .
:- بابا يلا شغل الكاسيت خل نسمع القصائد .
:- تحبينهن؟
:-اي كلشذ هواي وفتحت ايدي ااشرلة هلكد .
ليش ماتشوفينهن هناك مو جبتلكم تلفزيون .
:-لا اريد اسمعهن وياك احلى .
:- ههههه يمة يمة من البنيات الحليوات .
- بقة يدغدغني وشغلنة القصيدة الي كل مانسمعها نحجي وياها واعتادينة كل يوم نشغلها .
ننطق وياها .
"يولدي خلي الماي لاتطلب الماي "
"كل خوفي من تروح يتكطع حشاي "
" دهري "
"ذبني "
" عبدالله ياشمعة ضوة عيوني "
"هاك اخذ ماي العين ياابني وسلوتي "
"خل افرح بدنياي وانت فرحتي "
" خل ابتسم وارتاح واشتم وردتي "
" ردتك اليوم الشيب وتلم كبرتي "
- دائما نشغلها ونبقة نردد وياها وفااتت امي علينة كالت لاابوي .
ام علي :- صبحك الله بالخير حجي .
ابو علي :- هلا بسورها ونورها .
:- حجي ترا قسام جايك ويكول رايدة بحجاية وحدنة.
-شفت ابوي انزعج هز راسة اي .
ابو علي :- خلي يفوت .
راحت امي تصيحلة وابوي باوعلي وكالي .
:- بوية يحيل ابوج اخذيهن هذني ضميهن يمجج .
- اني كيفت اول مرة يضم عندي الكاسيت اخذتهة بلهفة وضميتهن على كلبي وية طلعتي بالباب شفت خالي يدخل .
باوعلي بنظرة استحقار رجعتلة نفس النظرة وطلعت .
سلم على ابوي وسدوا الباب وسمعتة يحجي ويا بقيت اتصنت عليهم جنت طفلة واخاف على ابوي منة بس الله رادني اسمع واشوف هل شي .
قسام :- كواك الله مرتك حاجيها خل ترجع الفلوس والاملاك الي ابوي ماصارلة شهر من توفة وهية ماخذة الاكو والماكو حاجيها انت مااكدر احاجيها انا .
ابو علي :- وبشنو احاجيها كتلك الف مرة وهذا الشي مايخصني واملاكها وهية حُرة بيهن .
-انقبض كلبي واني اسمع خالي بدة يعلي صوتة على ابوي ويهدد بي .
قسام:- ماتريدهااا تسجل الاملاك بااسمي علمود تاخذهن انتَ ؟؟؟؟؟؟؟؟
-سمعت بس صوت العوجبة (العكازة) يندك بالكاع .
ابوعلي :- تنكص ايدي الي تنمد على فلوس غيري واملاك غيري غصب لو مو بتعبي وحتة لو رادتهن الي مااخذ فلس احمر منهن سمعتنيييييي يوو لاا .
-سمعتة راد يطلع لبدتت بالدربونة وطلع وسد الباب بكل قوتة من خوفي ورهبتي ضميت الكاسيتات والمسجل على كلبي وشردت لااطرف شي علية (الترك) وكعدت ابجي بالدربونة بدون صوت ولا حركة بس الدموع تصب سمعت ابوي طلع من الاستقبال وراح دخل لجوة البيت لان جان الاستقبال معزول بابة عن البيت كلة الي هية (الديوانية ) خليت الكاسيتات والمسجل بالكاع وركضت غسلت وجهي بماي بارد وشلت الطرف من التشيرت من جوة ومسحت بي وجهي ماريد ابوي يحس علية لو واحد يحس علية ركضت للحديقة الي ورا البيت حديقة حيل جبيرة تقريبا 150متر والبيت واجهية كعدت يم كن الدجاجة وكتاكيتها حتة من يستفقدوني يلكوني هنا ومايشك ابوي بية جنت اتصنتلهم .
رحت يمهن خليت المسجل والكاسيتات على صفحة وفتحت الباب للدجاجة وكتاكيتها طلعن برا الكن مالتهن زغير كعدت امهن وهنة يلعبن يم رجلية ويردن يصعدن علية .
سمعت صوت علي يصيحلي من بعيد .
:-مُهررررررررهة ولججج مُهررررررررهة .
-التفتت عليه .
- ها شتريد ؟!
:-تعاي فوتي للبيت شسوين هنا .
:-جاي اوكل بالدجاجة وكتاكيتها .
-اجة يمي مسح على راسي ويلعب بشعري كعد بصفي وكام يلعب وياهن .
علي:- ماتخافين منهن ؟!
:-لا حلوات .
:- هم صدك يلا وكليهن ودخليهن وتعاي فوتي جوة الجو بارد ومغيم راح تمطر لاتتمرضين .
وكلتهن ودخلتهن للكن مالتهن وخليتلهن جيس جبير حتة من تمطر مايتبللن لو يفوتلهن ماي وبرودة صح مايدخللهن ماي بس اني هم اغطيهن واخاف عليهن من البردوة .
- اخذ علي بيدي وغسل ادية بماي وخلة الصابونة بين اديناتي وسد ادية عليها وبقة يفرك بيهن .
كملنة وفتنة للبيت وكفختني ريحت الاكل .
-الله هاي شمسويننن سمجج شوي وطرشي .
علي:- هههههه والجو غيم والعائلة كلها ملتمة .
ضحكت وركضت على علي وشبكتة وشالني يفتر بية ومكيفين فرشنة اني وعلي الفرشة برا بطارمة البيت وصبوا الغدة واني اجر بااابوي .
واكلة يلا اليوم كلنة ننجمع ونتغدة برااااا مكيفين وناكل سوية برا والجوو حيل حلو مغيم ويخبل وامي كلساع تكول
- هسة تمطر وتخرب غداكم .
واحنة نضحك ونسولف وكاعدين على حب الله غسلنة وككفت يم ازل وهية تغسل الماعين بالمطبخ واسولف وياها و اونسها لحد ماتكمل ونروح يمهم .
خدرت الجاي وخلتة بصينية واخذت قنديل الشكر وانطتني معجانة بيها الكوابة
اخذناهن وكعدنة براا صبتلهم امي جاي الا اني .
مُهرة:- يومم جا وانا ماصبيتيلي ؟!
:- لا يوم موزين عليج بعدج زغيرة .
:- لا حبابة شوية .
ابو علي :- تعاي بوية هاج ياجمرههة افادي اشربي وياي .
- ركضت كعدت يم ابوي وهو ياخذ رشفة جاي الة ويرجع ينفخ بالجاي ويشربني رشفة من نفس الكوب .
بقينة نسولف ونلعب لحد ماغفيت وماحسيت على نفسي فزيت على ونين وصياح مكتوم لكيت نفسي نايمة برا ومحد يمي على نفس فراشنة اتبعت الصوت واني اتلبد تلبد واشوف خالي لازم حديدة باايدة .
وهو يصيح على ابوي ويكلة حذرتك ومااخذت بنصيحتي .
ابو علي :- انا ماارضة بشي يغضب الله لو على موتي شلون تريدني اهدد زوجتي بالطلاق علمةد تسجل الاملاك بااسمك ؟؟؟؟؟
قسام:- اييييييي خل تفيدك مرتك .
وبقة يكفر .
- خليت ايدي على حلكي وشفت قسام رفع الحديدة ضرب بيها ابوي على راسة لزم راسة ابوي وداخ وقبل مايطيح وتلوحة ويلوح الكاعع ركل برودة دم التفت قسام على دبة البانزين فتحها ورشها على ابوي واني ادعي ماتشتغل الجداحة وتوصل لاابوي .
منو الي غيرة بهل دنيا طفلة وشفت ابوي كبالي يتعذب يااسوء عذاب شغل الجداحة وكبل لايشمرها على ابوي التقت عيني بعين ابوي واسمعهة صاحح .
-انتي خيبرر وتبقة الغاهيب كلها بيج .
ارتفعت النار واني محترك كلبي طفلة واخاف اروح يمة ولااكدر انقذة لو اسوي شي ركضت لبدت بالاستقبال واني سمعت صرخة امي واخواني والعالم التمت تطفي بااابوي بس هيهات لاحياة بمن تنادي
مالحكوو بي ايييييي راحححح راحححح مالحكوو بي ابو راح ومالحكو يطفونة كبل ماينكطع نفسة وتنوخذ روحة .
ركضت لفوك لبدت بالمخزن وكعدت ابجي محد استفقدني ولااحد سأل عني اخذوا ابوي وراحوا دفنوا
"بوية من بعدك محد فدكني"
دفنوا واني ماشميت عطرة ولا كتلة ضل يمي تمنيت احضنة وتمنيت الكا واكلة تعال خل نسمع القصيدة سوة اني وياك تعال ضمني بحضنك وين الكة بحنانك بعد .
من عمت عيني على ابوي ان شاءالله وتنكسر ايدك يقسام .
طفلة روحي وكسرتي واذيتي تهز جبال .
مر اسبوع على وفاة ابوي وصار التحقيق بوفاتة واعترفت على خالي بس محد صدكني كل ضنهم لان اكرهة ذبيتها براسة وثبتت القضية انو ابوي هو الي شعل الحطب ولاحت طرف ملابسة واحترك .
الرجوع الى الحاضر .
فزيت من صفنتي على صريخ خالتي وبجيها .
ركضت سويت البيت شبختين يامن يوصلني وادعي الله وعلي اعرف شبيها .
فتت للبيت وانصدمت بمنضرهن الي يخترق الكلب ويوكف العقل .
يتبععع.........
_______________________________________