صحيت فجر على صوت الباب بيخبط لقت آدم نايم فى حضنها بعدته عنها
ادم" ايه فى ايه"
فجر" نايم لازق فيا ليه ابعد عنى من بكره هشوف مكان انام فيه "
قامت فجر تفتح الباب
مسكها آدم راحه فين انتى عاوزه حد يشوفك كده
شدت اديها منه افتح انت وسابته وراحت نامت ع السرير
فتح ادم الباب واتفاجأ ب نيجار
" هى فجر هنا"
آدم " بس نايمه"
دخلت نيجار "انا هصحيها"
اخد آدم هدومه وخرج راح اوضه احمد ياخد شاور ويجهز علشان ينزل
احمدبضحك " ايه ده هى طردتك "
" لا وانت الصادق صحبتها جات وقعدت هاخد شاور والبس ازاى
احمد" هو انت تطول تبقى وسط اتنين موزز كده تبقى ولا هارون الرشيد"+
آدم " مش حابب كده انا مش زيك يا احمد"
احمد" والله تلاقيك معملتش اى حاجه وقصرت رقبتنا
آدم بصله بنظره تحذير"
احمد " خلاص انا هسكت "
*****************
نيجار اول ماشافت فجر صفرت" يخربيتك ده انتى
سكسى جداااا زمان آدم كان هيموت عليكى
فجر بحزن" بالعكس معجبتوش"
نيجار" كل ده ومش عاجبه عاوز ايه يعنى تقلعى خالص"
فجر بحزن" شكلى حبيته ياجوجو وقلبى بوجعنى كل اما يرفض يلمسنى"
اخدتها نيجار فى حضنها " طيب اهدى ياحبيبتى اكيد هتلاقى حل"
فجر" انا قولتله يطلقني مش هعرف اعيش معاه وهو
بيفكر فى مراته الاولانيه مع انها خانته بس بيحبها ونزلت دموعها
نبجار " متزعليش ياحبيبتى "
○○○○○○○○○○○○○○○○○○○○
رفع كريم الكبايه واول ماشم ريحتها نزلها فورا "
ياخبر دى مانجا هتعملى حثاثيه
نزلت حور لقت كريم بيلعب ف الجنينه قعدت تلعب معاه
بعد شويه جات داليا كانت بتجرى ف هى من فتره وهى
بدأت تمارس رياضه وبعدت عن الشرب والسهر
اول مادخلت الجنينه شافت العصير على الترابيزه
ياااه محتاجه جدا العصير ده
كريم " اشربيه ياداليا انا مش عاوزه بتعملى حثاثيه"
مسكت داليا كبايه العصير وفورا شربته
بعد شويه حست بوجع فى بطنها وقعت على الأرض وفضلت تصرخ
اول ما سحر سمعت صوت صويت فرحت وقالت اخيرا خلصت منك يا ابن مراد
طلعت الخدامه تجرى " الحقى ياست هانم داليا هانم وقعت فى الارض وبتصرخ"
سحر" كريم بقا مش داليا"
لا ياهانم البيه كويس
جريت سحر بسرعه لقت داليا ع الارض وبتنزف من بؤها
" لا لا ياداليا اوعى تموتى انا اسفه يبنتى مكنتش اعرف
انك هتشربيه وفضلت تصرخ بهستيريه انا موتك يبنتى بايدى"
بسرعه شالها احمد واخدها على المستشفى
ودخلت العمليات
سحر فاقت من الصدمه واخدت هدومها وهربت
آدم " انا مش مصدق انها عملت كدده بجد دى مجرمه"
احمد " طول عمرها مجرمه ووسخ*ه لازم تترمى فى السجن"
كان مراد واقف مصدوم مش مصدق انها كانت عاوزه
تموت ابنه معقول عاشرها كل السنين دى وميعرفش
حقيقتها
بعد شويه خرج الدكتور
آدم خير طمننا يادكتور
الدكتور بعمليه " للاسف السم كان قوى عملها نزيف فى
المعده وهتفضل تحت المراقبه ٢٤ ساعه
مراد" هتبقى كويسه يادكتور"
" مفيش حاجه بعيده عن ربنا بس انا لازم اعمل محضر دى محاوله قتل"
احمد" اعمل اللازم يادكتور"
كانت البنات قاعدين فى البيت ومعاهم كريم اللى كان مرعوب من اول ماشاف منظر داليا
عزيز" خلاص ياكريم يبنى هى بقت كويسه مفيش راجل بيخاف"
اخدته فجر فى حضنها تعالا نلعب فى اوضتى واخدته وطلعت
سالى " مكنتش اعرف ان الغل اللى جواها يوصلها لكده
ده الخدامه شافتها بعينها ولولا ستر ربنا الولد مشربش العصير
عزيز "ربك عاوز يفضحها يبنتى"
" منها لله شوهت سمعتى زمان ودلوقتي عاوزه تقتل ابن اخويا"
حور" الحمد لله انها مشت وارتحنا منها"
نيرمين" كان لازم نسلمها للشرطه "
عزيز" عندك حق يبنتى كده هى خطر"
*************
فى الشركه
وصل آدم الشركه وكالعاده كان محط أنظار من كل
الموظفين وخصوصا البنات ف الكل بتمنى نظره منه
دخل مكتبه وأمر السكرتيرة انها تجيب الملفات اللى
محتاجه تتمضى
دخل عليه على " ايه التأخير ده كله "
آدم " كنت ف المستشفى وحكاله اللى حصل"
على معقوله الحقد والغل يوصلوا الإنسان لكده
آدم " لاكتر من كده والله"
على " النهرده خطوبه دعاء اختى على الباشمهندس مالك "
آدم " الف مبروك ياحبيبى عقبالك"
على " لا نسيت الموضوع ده خالص دلوقتى"
آدم " جدو كان قالى اللى حصل بينكم "
على "انا نسيت الموضوع ده خالص الانسه نيرمين اختارت صح يا آدم "
آدم " ربنا يسعدك ياحبيبى "
خرج على وافتكر يوم ما راح ل نيرمين لما عرف انها هتتخطب ل بدر
فلاش باك
على " انتى صحيح هتتجوزى بدر"
نيرمين " عندك مانع"
على " على اساس بتحبينى من زمان بسرعه نسيتى الحب ده"
نيرمين " بالعكس ياعلى انا فعلا كنت بحبك بس انت
علمتنى درس عمرى كله ان الكرامه اهم من الحب جيت
واتحايلت عليك نتجوز بس انت كرامتك مسمحتش
ليك انك تترفض وانا كمان كرامتى مهمه عندى يا على
علشان كده هنرتبط بالشخص اللى شارينى وبيحبنى
على بجمود" ربنا يسعدك،"
♡♡♡♡♡♡♡♡♡♡♡♡♡♡♡♡♡♡♡
فات شهر
وكانت فجر عندها امتحانات وبتذاكر وعلاقتها هى وآدم
زى ماهى بل بالعكس مبقتش تتعامل معاه خالص
فى المدرسه بعد الامتحان
نيجار " يااااه مش مصدقه ان الامتحانات اخيرا خلصت"
فجر" احنا اللى خلصنا يبنتى ده انا مكنتش بنام والله"
قرب منهم سليم
" ايه يبنات فى النهرده بارتى يجنن اكيد هتيجوا
فجر " اكيد هنيجى اهو نتسلى"
نيجار" هستأذن ابيه الأول "
كان احمد واقف بالعربيه مستنى فجر ف
هو من اول يوم امتحانات بيوصلها وبياخدها طبعا بأمر من آدم
اووووف اتاخرت ليه كل زميلها خرجوا
دخل يشوفها لقاها واقفه هى ونيجار مع ولد فى سنهم
قرب منهم " يلا يافجر بقالى ساعه مستنيكى"
بصتله نيجار وزعلت انه اتجاهلها
فجر يلا تعالى نوصلك ياجوجو معانا
احمد " يمكن مش عاوزه ولا حاجه"
نيجار لا هاجى معاكو
وصل احمد فجر البيت واخد نيجار يوصلها
نيجار" ممكن افهم بتعاملنى ليه كده"
احمد" اسألى نفسك اكتر من شهر وانتى قولتى هتفكرى "
نيجار " فكرت كتير بس بصراحه خايفه ابيه لو عرف هيموتنى"
احمد " مين هيعرفه اصلا هو مشغول فى ترتيبات الفرح"
نيجار " عندى فكره ممكن تعجبك بلاش علاقه كامله
علشان انا لسه بنت وبعد كده متحصليش مشكله"
وقف العربيه انتى فكرانى عيل صغير وتقوليلى بلاش علاقه كامله
نيجار انتى عوزانى ولا لاء
نيجار " عوزاك طبعا وبحبك'"
احمد "طالما بتحبينى تيجى معايا وتوافقى على كل اللى انا عاوزه "
نيجار" وانت بتحبنى يا احمد"
طبعا ياحبيبتى بحبك
نيجار" نتجوز "
انا مش بتاع جواز مش بستحمل الارتباط والخنقه
نيجار " شهر واحد بس يا احمد اتجوزنى شهر وبعد كده نتطلق "
بصلها احمد واستغرب طلبها ممممم وانتى هتستفيدى ايه لما تطلقى
نيجار اكيد الطلاق احسن بالنسبالى انت عاوزنى وانا
كمان عوزاك نتجوز شهر ونتبسط وكده انت مش هتزهق
ايه رايك
احمد بتفكير" موافق "
نيجار بخبث اطلبنى بقا من ابيه بس محدش يعرف الاتفاق ده غيرنا يا احمد
احمد" اكيد طبعا هو انا مجنون"
احمد وصل نيجار لحد البيت ونزل علشان يقابل بدر
بدر " اهلا يا احمد نورت "
احمد " بدر انت زى اخويا انا عاوز اطلب منك ايد الانسه نيجار"
بدر " انت يا احمد عاوز تتجوز اختى"
احمد " لو مكنش عندك مانع"
بدر " طيب ودعاء خلاص نسيتها"
**********
فوت وكومنتات ياحلوين