سبية مستباحة
بقلم الكاتبة ميامين الدليم
مهڤ: شفت هاي العلبة بلحمام وتذكرت شعرج خووش تنسيقات ترة
حرير: نرفزني ورحت سحبت العلبة منة ورحت رجعتهة المكانهة وكفت كبالة وهوة كاتم ضحكتة
- طلعهاا اضحك شبييك ضامهة للعيد
مهڤ: العيد كبالي بطول العلبة
حرير: لا تحاجيني بعد
-عفتة ورجعت للمراية حضرت نفسي لاول يوم وياهم
- نزلنة سوة وبعدني ع الدرج واسمع اصواتهم طبيت سلمت وكعدت جان اكو يمهم نسوان عرفتني عليهن ام مُهڤ طلعو جيرانهم ماستغربت لان اعرف بيهم من الانبار وين ميروحون يبقون على اصلهم وكرمهم لدرجة جيرانهم وبغير محافضة وحاسبيهم من اهلل البيت
-كعدت يمهن شوية وام مهڤ خطية ضلت تساعدني باسئلتهن ونور واية كاعدات على صفحة وية امهن نور تفر بشعرهة وتعلج ولاا تحترم الكاعدين رافعة رجلهة وكاعدة
ترخصت منهم وكمت ماريد اسوي مشكلة لان اني بطبعي ماسكت على الغلط
-
جنت بلمطبخ اسوي ريوك الي ولمهڤ وعبير وياي
حرير: وردة ليش هيج عازلة نفسهة عكسج
عبير: هوة التؤام هيج لازم شي عكس شي
حرير: بس ماا يصير هيج راح يأثر على نفسيتهة واحتمال تصير متوحدة
عبير: ماا تكدر تبطلل هذا الطبع بيهة
-دنحجي وطب مهڤ
مهڤ: الله يساعدكم
حرير: محتاج شي
مهڤ: لاا يلغالية بس حبيت ابلغكم جماعتي جايين يسلمون علية
حرير: جايين من الانبار ؟
مهڤ: ايي نازلين من الواجب كبلل هناا حتة ماا مبدلين ملابسهم
حرير: خطية سودة علية الله يساعدهم ويكون بعونهم
مهڤ: سبااع ولدنة سبااع
حرير: اهلل الغربية بعد معروفين بامانتهم ع البشر شمتوقع يسوون اذا امنوهم على وطنهم يفدونة بروحهم
مهڤ: الروح هناا تصير مو عزيزة واذا توفيت من اجل الوطن تصير احلا موتة
عبير: خلصتو نقااش راح ابجي
مهڤ: جنت بوحدة صرت بثنين شلون وية لسانجن اني
حرير: ولله هذا الموجود
مهڤ: ديربالج لتورين نفسج
حرير: لاا قابل اول مرة اجي يم الطبااخ ترة اني ام بيت من جان عمري 12 سنة
مهڤ: ونعم منج يلغالية
عبير: شبيكم اعزائي يمكم نفرر ثالث هناا
حرير: اوي شبيج قابل شحاجين
مهڤ: ابقن متعاركات اروح ارتب الوضعية
حرير: الله ويااك
- طلع مهڤ من المطبخ وكملت الريوك اجة اخذة جان كاعد يم الولد واني وعبير اكلنة بلمطبخ كملت وغسلت المواعين عبير وياي
حرير: شتكولين اسوي مركة بامية على الغدة احد عندة حساسية منهة او ميحبهة هناا
عبير: سويهة الكلل يحبهة اني راح اشوي سمج هم
حرير: نسوي تمن ابيض واحمر
عبير: ايي ماكو مشكلة
حرير: اني اشوي السمج انتي بس سوي تمن
عبير: لاا لييش اني اسوي ماعندي شي
حرير: يمعودة شيرادلهة اكمل المركة واروح اشوي
عبير: براحتج
حرير: اني بية طبع الة اجهز الغراض كدامي على الميز يلاا اشتغلل
- طلعت 3 كيلوات لحم من المجمدة همة حاطين كُل كيلو وحد وخمس كيلوات طماطة وعلبة المعجون ولثوم وكيلو بامية
- سلكت اللحم كلش زيين تقريباا ساعة ونص هوة ينسلك بعد ماا تاكدت استوة زين حمستة بدهم وثوم الثوم على حسب الكمية مال بامية بس ينطيهة نكهة كلش طيبة
-بقيت احمس باللحم صارت ريحة تجنن مال حمس من ينضااف الثوم تصير وام مهڤ كلشوية تفوت للمطبخ
طفيت اللحم بعد ماا استوة ورحت قلمت البامية اخذت وقت مني اجتي حرير وياي ساعدتني كملتهة مي فوك اللحم وحطيت البامية وياا هييج راح تنسلك البامية وية اللحم نصيت الطبااخ ورحت مردت الطماطة وصفيتهة بايدي
- ماعت البامية وحطيت عصير الطماطة وياهن و4 خواشيك معجون حسب الكمية خليتهة تستوي على ناار هادية
- بهذا الوقت عبير جانت محضرة السمج طلعت ثنين حضرتهن وحطيتهن بلمشواية
- اني عندي عادة من اشوي اجيب شيي ستيل احط بي تمر وحصو وينحط جوة التنور تنطي نكهة للشوي وشكلل هم تجنن
- حطيت السمج ونصيت التنور رحت حضرت التتبيلة مال سمج
-جبت كچب وحطيتة ابطل وحطيت معجون وعصرت ليمون وشوية لامندوزي وملح وخبطتهة وزرفت القبق مال بطل
- كل متستوي شوية اعصر فوكاهاا من التتبيلة السويتهة رشيت فوكاهن سمااك ولحصو ولتمر انطاهن ريحة وشكلل متتقاوم عبير كملت التمن ولمركة استوت
- سويت المقبلات ولزلاطة ونضفت خضراوات وسويت لبن وعصير حسيت نفسي باجواء رمضاان اجة مهڤ وفرش سفرة شطولهة وصارو ينقلون الاكل هوة وجبل
-خلص كلشي ولكل كعد وكاال عاشت ايدج بلشو ياكلون واني كعدت يم مهڤ قرب راسة يم اذني وكاال
-عاشت ايدج يلغالية
- الف عافية
جبل: مو كاعدين بوجبة شكو تتهامسون
مهڤ: احترم نفسك لَك
جبل: شنو هلدسم هذاا مو مركة ضيم
حرير: الف عافية
ام مهڤ: عاشت ايدج حبيبتي
حرير: دللي خالة الف عافية على كلبكم
-انتبهت المهڤ اكل بس سمج تقربت علي وكلت
-محد كلي انتَ متاكلل البامية
مهڤ: لاا يلغالية هذا خير من الله
حرير: الف عافية اذا ردت غير شي كلي واسويلك
مهڤ: تسلم ايدج يلغالية
حرير: شبعت وكمت خدرت الجااي وحضرت كلاصات الجااي كملوا الاكل وعبير ووردة جابن المواعين
عبير: امهات لسحورة لمعطبات
حرير: عزاا شبيج منو ويااج
عبير: شبيهن هذني مزهرياات هوايش حاطيهن بلبيت ميكومن ميتحركن مو خاسن بمكانهن صار بيهن بواسير من الكعدة
حرير: ماتحملت ضحكت عليهة واسكت بيهة " يمة صخاام يمصكوعة فضحتينة ولجج سدي حلكج
عبير: لاا حول اله لاا حول اله
وردة: لاا يخلوني اطك فيوزاتي
حرير: حبيبتي طلع لسانج ع الخير
عبير: دروحي نامي كل خير مابيج مكضيتهة تلفونات
وردة: مو صوجكم شكو مدوخة نفسي وياجن بطرانات انتن ولزلم
-خلصنة المواعين وصبينة الجاي اجة مهڤ اخذة مني طبيت للغرفة طلعت ملابس وسبحت حسيت جسمي تعباان
مر شريط حياتي علية مو كادرة اتخطى كل الناس الئذوني وكل الناس الوكفو وياي وصارولي اهلل
- اني بية طبع ماا احقد بس بنفس الوقت ماا اسامح
- وحتى ماا اخرب تربية ابوية وتعبة علمودي اريدة دوم يفتخر بية اني عايفتهة يم ربي هوة ياخذ الحوبة ربي يشوف ويسمع ماا تنخفي علي خافية
- ابد ماراح اقلل من تربيتي ماراح اخلي احد يسلبهة مني راح اعامل الناس باخلاقي موو باخلاقهم. لبست تراك خفيف جنت البسة ابيتنة سادة كلشي مابي قماشة ستن كعدت ضليت صافنة ومددت ونمت من المسئولية الحسيتهة مو من تعب الطبخ ابد
- حسيت على ايد تمسح على وجهي بحنية وهمس يم اذني
- غاليتي، حوريتي كومي يلغالية الجماعة على جية تطلعين بلستن وتمنجدينة
حرير: فتحت عيوني وبوزت شفتي "زين همة اصدقائك اني شكو
مهڤ: محضرلج مفاجئة ورايدج تشوفين
حرير: يلاا كايمة بس ايدك ناعمة خلتني انعس اكثر بعد لاا تسويلي هيج ترة اني اتعود بسرعة
مهڤ: تعودي قابل وين رايح
حرير: اخااف اتعود
مهڤ: يمج ماا اروح
حرير: امووت هلمرة انت سندتني المرة الثانية بنفس اللحضة امووت
مهڤ: اشش لاا تجيبين سيرة الموت على لسانج ويلاا كومي هَدي عيني يلاا غاليتي
حرير: حنيتك تهون كلشي وتحلي كلشي
مهڤ: صايرة فيسلوقية
حرير: قابل شكلنة لاا تلزمهة علية يمعثور
مهڤ: سوالفج ولاا تنمل جنهن قصة غربية
حرير: اموووت على الغربية
مهڤ: وابن الغربية شحالة
حرير: كوم مو تاخرت
مهڤ: شكد لوتية رحمة لربج
حرير: لك يا عيني مو كلتلي كومي شجاب سوالفك الفيسلوقية علينة
- ابتسملي واحس بداخلة حجي هوااي كام فتح لكنتور وكمت ورا اطلع ملابس سمعتة يهمس
:غَريب يحب غَريبة ومالهم ديرة
- غمضت عيوني وفتحتهة مراات هوااي شيقصد اكيد كاعد يغني او هيج شي حسيت وجهي صار اصفر دخلت غسلت وجهي حتة يرجع طبيعي شفتة حاير بملابسة تقربت يمة وحجيت بهمس
- اساعدك بشي
-رفع دشداشة نيلي وابيض واسود وكال
-يالون تحسي مناسب
حرير: اللون الاسود راح يطلعك شكاكي
مهڤ: شنوو ؟
حرير: اللون الاسود حلو راح يلوكلك
مهڤ: حاضر يلغالية
حرير: فتحت كنتوري لكيت قفطان لون نيلي وكريمي رفعتهن كدامة تقرب وسحب اللون الكريمي وكاال
- كلشي تلبسي انتي تحلي غاليتي بس بهذا راح تطلعين شيخة
تقرب سحبني الة همس يم اذني
- شيخة مهڤ وحيدتة ومن حقهة تتمشيخ عليهم
حرير: رفعت راسي حطيت عيوني واباوع بفهاوة شبي ليوم راح اوكع من طولي صدك دخت قوة لزمتة الي وحط راسي على جتفة ويمسح على راسي
-شبيج ابوية انتي هااي كلمة ومعتي هيج الله يعين كلبي عليج
حرير: وخرر شبيك تفسلقت علية
- اخذت الملابس وطبيت للحمام بسرعة لازمة كلبي الراد يوكف
- بعد ماا تحضرت، لبست القفطان الختارة مهڤ سرحت شعري هوة سرح بس بي كسرات لان انام والمة وهلسوالف عفتة مفتوح وخفيت تعب وجهي بكم شغلة من المكياج
حطيت شاال بلون القفطان تقريباا بس فاتح حسيت الاسود نشااز وياا باوعت المهڤ طلع شماغ وكف يمي يسوي بي
حرير: اساعدك
- باوعلي وبتسم: شعندج تريدين تصيريلي الزوجة الصالحة
حرير: لاا بس جنت اسوي لابوي وتعلمت
- وخر الشماغ من راسة وانطانياا كعد كدام المراية وسحبني من ايدي
- سوي ابوية انتِ
حرير: دمعت عيوني بس قاومت لفيتلة لشماغ وهوة عجبة حيل وكال
- جعل محد غيرج يسويلي لشماغ
حرير: تدلل شوكت متريد اسوي الك
مهڤ: منو معلمج على طريقة البامية هااي
حرير: من ابوي جاان
- بعدني ماا مكملة وكال
- جان يطبخ للزلم الي عوائلهم تتهجر وتبقة بس الزلم بلبيت يحط جداري كبار بلشارع يطبخ ولناس تجي تاخذ بدون متستئذن ويقرون الفاتحة لارواح الشهداء
حرير: مهڤ انتَ تعرف كلشي يخصة زين انتَ جنت تاكلل من اليسويهة ابوية
مهڤ: جنت اكثر شخص يحبهة
حرير: ترة اكلي هم طيب ليش ماا اكلت
مهڤ: لضلين غبية شوية ضجت ماكدرت اكلل بس اطلبج جدر بامية
حرير: جنك على بامية ادلل عيني
مهڤ: سالمة عيونج، صدك ردتج بسالفة يلغالية
حرير: ايي احجي
مهڤ: راح يجي شخص اليوم ابوج الله يرحمة جان معتبرة واحد من ولدة هوة جان كلنة معتبرنة هيج بس امين لان فقير جان يضلل مركز وياا ويحجي وياا بعد ماا اتوفة ابوج اميين ماعاف كبرة ومن نطلع واجب يضلل يردد
- جايك يابة ان شاء الله بهلواجب اجيك
-وتتكرر هاي الجملة عندة كل ماا طلعنة واجب وطول هلفترة هوة حالتة مو احسن من حالتج عازل نفسة لاا ياكل ولاا يشرب اجي للبيت احير بيج ارجع للواجب احير بامين وهييج
- من سمع بية مزوجج وعرف انتي بنت منو عاركني ومافهم الموضوع وكال
- لكك شلون تسوي بيهة هييج وتستغلهة هيج تتصرف وية وصيةة ابونة هييج لييش استغليت فرصة موتةة لكك مهڤ اذا اذيتهة اموتك على ايدييي هاااي اختييي
مهڤ: امييين افهم الموضوع شبلاك انصكعت، حريررر جانت سبية ماجان عندي خيارات ثانية حتة اطلعهااا سويت كل هذا علمودهة
من كلتلة سبية ضل مصدوم وبعدها رجع يسئلني وراد يعرف كل تفصيل صغير وجبير حجيتلة كلشي لحد هاي اللحضة ومن اخذوج خوالج جان هوة وياي وساعدني هوااي
- وليوم هوة جايج بصفتة اخوج وفرحان عبالك راح يشوف ابوج ماريدج تكسرين بخاطرة واريدج تصيرين قوية كدامة خووش ابوية انتِ
حرير: ضلل يحجي واني مركزة وياا بكلل حرف يحجي خلص حجي تنهدت ولزمت ايدة وكلت
- المن ابوية مني وكلهم ع راسي وكلهم اخوتي اني حييل افرح من اشوف الناس شلون تحبة وتحجيلي عنة بلزين وهوة سوة هوااي وتعب مثلي على حجيك الحجيتة جان متعلق بي مثلل ماا اني متعلقة بي وبس روحتة الكبرة تكفي لان اني بنتة وماا حضيت بهلشي حتة كبرة نحرمت منة
مهڤ: اوديج وداعت كل رمش بعيونج هذا شاربي مو علية اذا ماا اخذتج
حرير: لاا تحلف كلمتك كافية هوااي
مهڤ: يلاا كومي همة على جية
حرير: كمت عدلت وجهي ومسحت دموعي ونزلنة سوة وهوة لازم ايدي جان الكلل مجتمع بلصالة تقرب يمي وهمس
- هَدب عيني رايح برة ومن تسمعين بيهم اجوي اصعدي فوك حتة تشوفين الكلتلج علي ماشي يلغالية
- طلع واني رحت وكفت يم عبير الواكفة وتفرك باديهة تقربت يمهة وكلت
- من يروحون اريد تفسير لهاي حالتج
هي باوعتلي ودنكت ماحجت
- باوعت لنور لابسة تنورة وردية بيهة كسرات وقميص اسود ربع ردن شعرهاا جوة اذنهة ومسوية اطرافة كيرلي عبالك رايحة العرس هوة لاا احد جاي ولاا احنة الطالعين
-باوعتلي صفح وكالت
نور: جان كلتيلي انطيج ملابس تناسب خاف ماجايبة ويااج بس دشاديش
- نرفزتني حييل وام مهڤ تخزر بيهة باوعتلهة وكلت
- اول شي هذا اسمة قفطاان ثاني شيي جربي تفرقين بين الدشداشة ولقفطان وبعدهاا تعاي حاجيني وافتخر بهذا لبسي اول شي راضية ربي وماا عاصيتة ولاا مطلعة رجلية وادية للرايح ولجااي يباوع
- لان ماكو مسلمة تضهر جسمهة لغير رجلهة وتفتر ابيت بي بس شباب هااي لاا ثقافة ولاا هم بحزنون هذا اسمة استهتار ولطلطة حشة السامع طبعاا
نور: انتي منو وجاية تحاسبيني هييج انتي منوو وتحجين بلبسي
حرير: اني ماا حاسبتج بس رديت على اطرائج السخيف ولظريف لا اكثرر
نور: لاا تسويلي روحج جاية من الخارج ترة انتي جاية من الانباار لتنسين
حرير: تااج راسج ياا قليلة الادب
-سحبتني عبير وهية وامهة ضلن يلعلعن
عبير: حرير هسة يسمع مهڤ وتصير مشكلة خلتولي حبيبتي طاكة وميتة منج لتقهرين روحج علمود هييج نماذج
حرير: وليش اقهر بس لاا علمود سلبوح سيان هااي مابقة بس الميسوة يحجي علانبار تسواهااا وتسوة عشيرتهاا الجانت الانبار لامتهة
عبير: ادري ياعمري ادري بس اجلية لغير وقت زحمة تصير عركة بوجه الناس
حرير: ماشي ساكتة اني روحي سكتي الطويلة لاا اروح اشحطهة من عطوبهة البارمتهن
- ضحكت علية وراحت رحت شربت مي وضليت كاعدة بلمطبخ شوية وسمعت اصوات سيارات صعدت فوك وكفت يم السياج جان عالي بس بي شباك وكفت على طارف الحايط واباوع للسيارات واغبلهم لابسين زي الدوام ولباقين دشاديش وجايين بسياراتهم والابسين زي الدوام جايين بسيارات شرطة سدو الشارع عرض وطول
صعدن البنات وراية عبير وكفت يمي ولباقيات وكفن على غير شباك
-تقدمت شوية وشفت سيارات مرفوعة بيهة صورة ابوية واكثر السيارات هيج نزلو وكفو كلهم بسرة واحد وشايلين الصور الكبار
- واحد بيهم جان لابس ملابس الدوام تقدم شايل الصورة وحطهة بلباب وحضن مهڤ عرفتة هذاا اكيد اميين
- من شفت المنضر نهاريت نعاد كلشي علية من جديد حسيت هااي جنازة ابوية وراح يشيعو ولكم حتة مادري وين مدفون اليوم المات بي ابوية يوم يضاهي الف سنة
- وبنفس اليوم اخذوني الحيوانات بس حياتي جانت مو مهمة اني ردت امووت العيون بعد متعرف معنى النوم ولاا لحضة اكدر اغفى نهلكت بلتفكير جنت اتنفس وجع
-جانت نضراته تكفي اكملل حياتي ومسيرتي ابتسامتة جانت تكفي امتلئ طاقة تكفي كل البشر جنت اتمنى ابجي اضعااف البجي البجيتة بهذاك اليوم جنت اريد ابجي الى ان يوكف كلبي واروحلة
- اكثر ليلة تهد الحيلل اكثر ليلة تهد الحيل كل حواسك متكدر تستوعب الي يصير وتبقى تذكر كل ايامكم سوة ماتكدر تنام وكلشي يذكرك بي ماتكدر تنام واول ليلة الفقيدك بالقبر تصير تفكر شلون حالة وحدة؟شلون صار جوة التراب؟ زين هوة هسة شديسوي؟ ديشوفني شصار بية بعدة؟ ضايج علية وماايكدر يسوي شيي؟ شلون راح يعيش وحدة شراح ياكلل؟ معقولة اميي تلكتة ولتقو هنااك؟ والتساؤلات الي مالهة جوابب
- جانت اسوء ليله احس بيها ثگل على گلبي و على روحي حسيت شلت هم جبال على ضهري و تمنيت لو الشفتة ولصار كدام عيني حلم اني الي بست راس فقيدي للمرة الاخيرة و هوة مذبوح و متت من يومها
- اسوء يوم بالحياة تحس الدنيا متسوى شي بعد خاصةً الاب تحس تركك بوسط فراغ كلش جبير ومراح ينسد هذا الفراغ تحس نفسك بدوامة ماعرف وين تروحح او كأنما خيمة ووكعت وانت ظليت مكشوف للعالم متعرف اظم نفسك الاب سند وخيمة وامن وامان واتكاء
--
عبير: لج عيني كافي راح تموتين اصيح المهڤ
حرير: رفعت راسي للسمة وتخيلتهم كبالي وهمست "يمة ديري بالج علي اندار عليكم
-عبير راحت ماعرف وين واني عيوني عليهم وعلى صورت ابوية
"
عبير: من شفت حرير هيج نهارَت وماسمعت مني نزلت اصيح لمهڤ ينزلهة
- نزلت البيت يصفر مابي صوت كلهم فووك بس نور بغرفتهة طلعت من باب المطبخ للحوش ماكو احد سمعت صوت طبة خفيفة رحت لمكان الصوت شفت جبل يشيل بكراتين المي ويرجع يعدل شماغة ماعرف شلون همست
-جبل
باوعلي بسرعة مصدوم اجة باتجاهي وسحبني ورة الكراتين دفعتة واصيح وهوة سد حلكي
- شجابج هناا بلة احد من الولد فاات يشوفج كدامة شيكولل نسوانة تستعرض واكفة بلباب وتعرف ماكو بس الزلم هناا
- دفعتة وصحت - اني موو نسوانك خوش ذيج مرتك روح طلع رجولتك وغيرتك عليهة مو علية
جبل: ولج عبير لاا طلعيني من طوري ادفنج هناا وحق من انزل القراان ومحد يلكالج اثرر
عبير: انتَ دفنتني قبل سنتين جبل لاا تحلف اعرف بيك سويتهة مرة تسويهة الف مرة
- انتَ موكد الثقة ولاا كد الحب
- هوة وخر ايدة من الحايط جان مقيدني مشيت وكلت واني دايرة ضهري "حرير موزينة اذا مابيهة زحمة عليك صيحة ومرة ثانية لاا تشك بية لان انت كرهتني بجنس ادم كلهم
-عفتة وطبيت شفت نور واكفة وطابكة حواجبهة خفت لاا شافتني ويَ جبل وتفهم غلط عبالهة اريد اخذة من اختهة
رجعت لحرير وبالي مشوش وخايفة ماعرف على شنو بس احس بطني تلويني من الخووف
- صعد مهڤ واخذ حرير نزلهة وهيَ تشهك
مهڤ: اشش ابوية انتِ مو كلتيلي راح اصير قوية ومابجي شكلتي حرير
- لاا تكسرين ضهري كسرة الضهر توجع
-حضنتة وابجي بعلو صوتي وخرت من حضنة وهوة يمسح بعيوني
باوعت على باب الكنيدور جبل وواكف بصفة شخص عرفتة امين باوعتلة ورجعت باوعت المهڤ غمض بمعنى لاا تخافين
-رجعت باوعت الامين يمسح بدموعة بكف ايدة تقدم وكال شلونج بنت الغالي عساج بخير
حرير: اهلاا بيك خوية اني لحمدلله عايشة بفضلل الله ومهڤ باوعتلة وهوة ابتسم
- تفضل خوية لاا تضل واكف نضيفك شي
اميين: مامنج قصور بس حبيت اجي اشوف اختي واطمئن عليهة بس مادامج بادين مهڤ ماينخاف عليج
حرير: ولنعم منة ومنكم
- ضل امين يوصي مهڤ علية وهمة يتناكرون بيناتهم حسيت مهڤ غار من حجي اميين واني اضحك عليهم وهمة يباوعولي ويضحكون على ضحكتي
- بعدها بشوية اجة ادم ابن جيرانهم ابن وحدة قريبة على ام مهڤ ويطبون ويطلعون براحتهم عليهم عبالك ابن اختهة
- طب وشاف عبير كدامة وامهة يمهة واني واكفة يم مهڤ لزم شماغة ودار راسة
- اعتذر ماجنت ادري يولد يريدوكم برة
باوعت لجبل خزر عبير وهية ماتحركت من مكانهة وتباوع بكلل ثقة تريد توصلة فكرة انو انت ماا تخوفني بخزراتك هااي اني هم اعرف اخزر
جبل: يلاا يولد زحمة بنص النساوين واكفين حدرو وراي
- ترخص امين مني وطلعو ورة شوية سمعنة صووت ...... يتبع
- حسابي الانستاا كلشي يخص الابطال منشور ريلز بلانستاا اصواتهم وصور تخصهم + اشباهم
يوزر الانستاا. no2s.17
الي ماعندة انستا يجي لقناة التلي اسمها :ميامين الدليم
شلوون البارت مو يشك
-هدوء مابعد العاصفة هيج اسمي ميامين
رئيكم ابدعونييي
-رئيكم بعلاقة جبل وعبيرر
يابة شحياكم
- اشوفكم بخير