كانت هتمشى بس شافت صورها فى كل مكان فى الغرفه
سالى بتحدى: لا مش همشى وراحت قعدت جمبه على السرير
عزيز بيتظاهر بالقوه: انتى جايه ليه بعد كل السنين دى
سالى: عاوزنى اقولك ندمانه وانت كنت صح بس مش
هقول كده ي بابا علشان انا طالعه عنيده زيك
انا بموت ي بابا
عندى كانسر ومبقاش فى حياتى كتير جايه اقضى اخر ايامى معاك
عزيز بدموع لاول مره من سنين قلبه يحن بالطريقه دى
ايه الكلام ده انتى لازم تتعالجى وهتخفى وهترجعى احسن من الاول
سالى : انا وقفت العلاج علشان مبقاش معايا فلوس ومبقتش حمل عذاب
اخدها عزيز فى حضنه حبيبتى هتتعالحى وتبقى كويسه
سالى: ولادى فى امانتك يا بابا عوزاك تسامحني انا طول
السنين اللى فاتت يدعى ربنا انك تسامحني انا كنت عيله صغيره اتخدعت باسم الحب
عزيز: حماره انا مقدرتش ازعل منك اصلا كنت كل لحظه بتمنى رجوعك
ولادك بره؟؟!
سالى : فى الاوتيل جيت لوحدى خوفت تطردنى
عزيز: ده بيتك وبيت عيالك
سالى : سحر كانت بتطردنى من شويه بيتى ازاى بس يا بابا انا هنا غريبه
عزيز بعصبيه : يعنى ايه بتطردك وقام بسرعه خرج بعلو صوته
سحرررر نزل مراد بسرعه فى ايه ي بابا
عزيز: فين مراتك
نزلت سحر : فى حاجه ي بابا
عزيز: انتى فاكره ده بيتك انتى هنا ضيفه مش من حقك تطردى اهل البيت
سحر بدموع تماسيح: انا معملتش حاجه ياعمى هى
لحقت توقع الدنيا فى بعض
خرج آدم من المكتب وكان متابع الحديث من الاول
آدم: لا طردتيها يامرات عمى
سحر: مكنتش اقصد انا عارفه ان عمى مش عاوز يشوفها
عزيز: انا اللى اقرر اشوف مين ومشوفش مين
مراد: انتوا بتتكلموا عن مين
خرجت سالى واول ماشافها مراد جرى عليها حضنها
مراد: وحشتينى اوى اوى يا سالى شكلك اتغير خالص
= انت كمان وحشتنى ياحبيبى العمر بقا😓
مراد : انتى لازم تتعشى معانا قبل ماتمشى
عزيز : اختك هتعيش هنا فى بيتها يامراد
مراد : ااايه بعد كل ده هترجع عادى وكأن حاجه حصلت
عزيز: اه ده بيتها وبيت ولادها
سالى : خلاص ي بابا انا هجيبهم واجى بكره
آدم:مينفعش تمشى ياعمتى قوليلى العنوان وانا ابعت عربيه تجيبهم لحد هنا
بصتله سالى سبحان الله كأنى شايفه بابا فى شبابه
ضحك عزيز زى ماقال آدم انتى مش هتمشى من هنا
سالى: خلاص هكلمهم واقولهم
**********
آدم: ايوه يازفت انت فين
احمد: ف الشركه بشتغل
آدم : وحياه امك من امته تعالا بسرعه متتاخرش ع
ميعاد العشا فى عندنا ضيوف
احمد: مين يعنى
آدم: لما هتيجى هتعرف
*******
فى العربيه
فجر: شكل جدك غنى اوى ي اسلام شايف العربيه عامله ازاى
إسلام: جدك ازاى سامحها يسرعه كده الموضوع ميطمنش
فجر : ياعم بطل شغل الافلام بتاعك ده هيكون ايه يعنى
إسلام: جاهله بتبصى للحكايه من زاويه واحده
فجر : خلينى انا مستمتعه بالتكييف وانت استمتع بالتفكير
بعد فتره
وصلوا الفيلا وانبهرت فجر بشكل الفيلا ف هى مصممه على أحسن طراز
=واو احنا هنعيش هنا
إسلام: اثبتى كده هيقولوا علينا ايه
فجر: دى احسن من الروايات اللى بقراها يااااه يا اسلام
لو اقابل فارس احلامى ويكون طيب وحنين ويكون باد بوى شويه يعنى😅🤏
اسلام: اصحى ياختى وعيشى على أرض الواقع بلا
فارس بلا روايات الحجات دى مبتحصلش وبلاش
تتعاملى مع حد هنا على طبيعتك شكلهم مش سهلين خالص
فجر : خلاص همثل ان متكبره😅
إسلام : اسكتى يابت ويلا ندخل
كانوا كلهم متجمعين
دخلت فجر وحست بخوف مسكت ايد إسلام اوى
=متخافيش انا معاكى
عزيز: نورتوا يولاد
إسلام: ميرسى
فجر كانت ساكته
عزيز اخدهم ودخلوا اول ما فجر شافت مامتها جريت عليها
=مامى انتى كويسه
سالى: اه ياحبيبتى حد يبقى وسط اهله وميكنش كويس
عزيز اعرفكوا إسلام وفجر يبقوا ولاد بنتى سالى
بدأوا كلهم يتعرفوا على بعض
داليا بهمس ل سحر: إيه الواد الموز ده يخربيته
سحر: انتى مجنونه انا قولت آدم
داليا : هو ده يتفوت
أحمد سلم على إسلام: نورت مصر يابرو
إسلام: تسلم
أحمد راح يسلم على فجر: ومد ايده انا ليا الشرف ان تكون بنت عمتى حلوه اوى كده
إسلام مسك ايده: وابن عمتك مبيسمحش حد يبص لاخته
آدم نورتوا مصر اتفضلوا على العشا
فجر بهمس لاسلام آدم ده عامل كده ليه
إسلام : اتفقنا ملناش دعوه بحد
بعد العشا
عزيز: اوضتك زى ماهى يا سالى تقدرى تقعدى فيها لكن اوض الولاد هتجهز بكره
إسلام: خلاص هنقعد فى الاوتيل لحد ماتجهز
آدم : ممكن تقعدوا مؤقتا فى اى اوضه لحد ما الاوض تجهز
نيرمين: فجر تعالى اقعدى معايا فى الاوضه
أحمد: خلاص واوضتى ل إسلام كده كده باجى الصبح
آدم : أحمد مفيش خروج احنا قولنا ايه
احمد: تمام يا آدم مش هخرج
استغرب إسلام من طريقه آدم ولفت نظره بنت هاديه
جدا قاعده متحركتش من مكانها ولا اتكلمت
إسلام: انامتعرفتش بيكى
حور بصوت منخفض : انا حور بنت خالك
إسلام : تعرفى ان شخصيتك غيرهم كلهم
حور بحزن: عارفه عن اذن حضرتك وسابتهم وطلعت اوضتها
راحت نيرمين ل إسلام : هى بتتكسف شويه ومش بتاخد على الناس بسرعه
إسلام ضحك : اول مره تقابلنى شخصيه زى دى
نيرمين: انت شغال ايه
= انا مخرج كبير يابنتى مسمعتيش عنى
نيرمين : لا والله محصليش الشرف
إسلام: وانتى بقا بتشتغلى ولا عايشه بفلوس جدك
نيرمين: انا محاميه وماسكه شغل الشركه
إسلام : شغاله بواسطه يعنى
نيرمين: اكيد مش هروح اشتغل بعيد عن العيله اصلا
آدم وافق بالعافيه لولا تدخل جدى
إسلام: شكل آدم ده الكل فى الكل هنا
نيرمين: جدو معتمد عليه فى كل حاجه
جات داليا بدلع: هاى إسلام نورت مصر
إسلام: وانتى بقا تقربيلى ايه
نيرمين: لا دى مش قريبتنا دى عايشه هنا علشان امها تبقى مرات عمى
داليا: نيرمين ايه الكلام ده
=دى الحقيقه ياحبيبتى يلا عن اذنكوا
إسلام: أنا قولت برده من الاول انك مختلفه عن كل الموجودين طريقه لبسك وكلامك
داليا : اها انا اوبن مايند هما معقدين شويه
إسلام: اها خدت بالى عن اذنك بقا
راحت نيرمين ل فجر يلا ياعسل علشان افرجك على اوضتنا
فجر: انا ممكن انام مع مامى
نيرمين:يابت هنسهر مع بعض ده بكره اجازه من الشغل
يلا تعالى
سالى عن اذنكوا هطلع ارتاح
عزيز : اطلعى ياحبيبتى
إسلام: جدى انا محتاج اتكلم معاك
عزيز : طبعا يبنى بص ل آدم تحب تيجى معانا
اسلام: مفيش مانع بما انك كبير العيله بعد جدى
دخلوا المكتب
إسلام: طبعا ياجدى انت عرفت حاله ماما وانا عاوز نبدأ العلاج ب اسرع وقت
عزيز بحزن: طبعا يبنى عندك حق
آدم: لما جدى قالى على حالتها كلمت اكبر مستشفى
متخصصه فى الحالات دى وان شاء الله هنبدأ العلاج فى اسرع وقت
إسلام: تمام انا كده ارتاحت
عزيز : ان شاء الله هتبقى وهتبقى كويسه
آدم : عن اذنكوا هطلع ارتاح
اسلام: تعرف ياجدى ان البيت ده كل واحد شخصيته مختلفه عن التانى
عزيز: فعلا عندك حق انت ذكى جدا
اسلام: مش محتاجه ذكاء شغلى علمنى اخد بالى من كل كاركتر
عزيز: نصيحه يبنى ابعد عن سحر وبنتها لانهم أخبث
ناس هنا لكن الباقى كلهم مش مؤذيين
اسلام: علشان قرايبك بتقول كده
عزيز: لا يبنى انا عارفهم كويس
اسلام: وانت شخصيتك ايه بسببك امى عاشت متعذبه وخايفه ترجع
عزيز: كلما بنغلط يبنى
اسلام: امى لازم تخف وتتعالج وسابه ومشى
طلع إسلام ودخل اوضت احمد لقا داليا نايمه على السرير
=سورى شكل دخل اوضتك غلط
داليا بدلع مش غلط ولا حاجه تعالا
إسلام انتى مجنونه اجى فين اخرجى بره
=دخل احمد لقا داليا نايمه على السرير
ايه ده فى ايه بحصل هنا
**************
فزت كتير وكومنتات ياحلوين انا نزلتلكم بارت كمان علشان انتوا حبايبى♥️❤