Zorina pov.
Tei in zaina room a a luh atangin darkar tam aliam tawh a pawn lamah mi dang ho in kan nghak thap. Ka nu hlau thawng lah amittui a tla reng a Senteiin a thiam ang tawkin a hnem ve leh thin a, mi dang ho chu mipa rual kan ni bawk a ngaihtuah ngai em em an awm lo kei erawh ka thutna ngaiah ka thu hle hle thei lo a ka vei tawn sek. In zaina room in hawn rual a doctor lo pen chhuak chu ka hnaih chilh nghal ruak "enge adin hmun in zai hlawh tling thei em", ka ti nghal thuai. Mi dang pawh doctor chhanna nghak in an ngawi thap.
"Hlawh tling takin kan zai e. Hlau thawng suh u', atih chuan ka thawhuai mai. Tei an rawn nawr chhuak chu ka lo pui vat, a Cabin lamah kan in nawr phei a, a taksa ah chuan hrui hrang hrang ain vuah a, a kâ ah chuan oxygen mask an vuah sak bawk. Khuma a mu chu kan en reng a alo harh hma chu tu mah haw an tum lo nge kan la awm kim thap, he tiang a dam lo na taka Tei hmuh hi hreawm ka ti tak zet theih nise a natna te hi ka lak sak vek ang. Dr. Rina rawn lut chuan "a rawn harh tep tawh ang hlauthlawng lutuk suh u", atia Tei chu a check phah bawk. Dr chhuah hnu rei vak loh ah Tei chu zawi muang hian arawn meng a "bawihi ka tawng i hre thei em", kan nu chuan ati a, Tei chu ka nu tawng hria ang pawhin a lang lo. Amit a khap ban charh a, ahnuah chiang zet hian a rawn meng a "a lo harh tawh e, ka va lawm em Lalpa", ka nu chuan ati a, mahse Tei chu achhing leh rial rial Dr. leh nurse te rawn lut chuan Tei chu an en dik nghal thuai thuai a "hlauthlawng suh u. Avawikhat rawn harhna ania engmah ahre mu mal lo ang. Ti hian avawihnih naah chuan pangai deuhin alo harh tawh ang. Vawin ah chuan a rawn harh tawh lo ang in fanu hi a tuar achhel em a, dam tumin a bei ve nasa bawk a, lungngai reng reng suh aw fanu tuarchhel tak in nei ani", atia. "Nie ka tunu hi tuar chhel tak ani", ka pu chuan arawn ti ve charh charh doctor te chhuah hnu ah "in ril te atam em engmah in la ei bawk si lo a, chaw kan chah ange aw atlai tawh tho bawk nen chaw ei ahun der tawh lawm", ka pa chuan atia. Ka thiante leh Sentei te thian te ka lo mangnghilh daih chu niin an awm ve tih tunah khan ka hre chhuak leh chiah 'rilru ava tawi theih ve' ka ti chhuak sap.
"Chah sak rawh, chah sak rawh an fel e mai min awm pui ve char char a", ka nu chuan alo ti thuai a, an han hnial der ve pawhin ka pa chuan chaw a older a in hnuai lamah kan Hospital canteen ah an in zui chhuak nghal dam dam "nu zu kal ve rawh in ei kham ah kei in ka ei ve ang", ka tih chuan ka nu pawh chu midang ho an chhuk hnuah achhuk ve a, Tei kut vuan in a bulah ka thu ran, lo harh thuai thuai se la, ka duh thu ka hrilh ngei ang. Ka pa te chuan an hriat hun hunah hre mai sela Tei ka duh vanga engpawh ka chunga thleng tur chu lawm takin ka pawm zel mai ang. Dam chhunga hreawm leh in chhir reng reng a nun hman ai chuan mahni hmasial takin Tei kut hi ka vuan tlat anga engtik ah mah ka thlah leh tawh lo ang.
"U mam chaw lo zu ei ve rawh", Sentei chuan atia, athian nu nen Tei khum bulah chuan an rawn thu a, kei pawh Canteen ah ka chhuk zui ve nghal. Ka thiante dawhkan chu ka kil ve a chaw ei erawh a tui lo tak zet. Rilruah Tei bak engmah a awm thei lo a, ka chaw ei chu ka puar nge puar lo pawh ka hre tawh lo ka thian te kham rual chuan ka tho ve a Cabin lamah kan let leh vek a. Zan dar 7 a ri tawh a "zaninah chuan alo harh hrih dawn chuang lo a haw phawt mai ang u. Mama'n riahpui leh mai sela, Johana te thian ho leh Sentei te thian ho in chung ah kan lawm tak zet ani", ka pu chuan a ti dap dap a, tih theih vak a awm loh vangin mi dang ho chu an haw sap sap, naktukah ka lo kal leh ang an ti deuh vek a, chanchin ka ni te kan hrilh tawh bawk. Khu lam ah ahna in a pawt buai ve a, alo zin thei lo ain thiam loh thu a sawi reng mai ani.
Zan khuain chinkhat mah ka chhing lo Tei bulah thuin a kut ka vuan tlaivar zak ka nu te an lo thlen in ka in la hrang ve chauh a, emergency a awm vangin casualty ah ka tlan thla nghal, dam lo khawsik reh theih lo anih bakah a â deuh phual a, a tawng bul bul a a muthilh lahin a tawng vai char char zel dam lo chhungte thusawi chu nurse ho chuan an lo sawi chhawng thuai thuai a, thisen test tur in ka ti a, rannung seh anih leh nih loh te test vek tur chuan ka hrilh mawlh mawlh, dam lo in vai buan buan chu a chhungte'n an lo chelh a kei in muthilh na in ka chiu nghal thuai rei lo teah a muhil chu mi chhung chuan medicine ward ah an nawr chho a tihfel ngai leh buaipui ngai ho chu nurse ten an buaipui vek. Coffee min lak chu ka in a dawhkan a ka phone dah ring ral ral chu ka chhang vat "Tei alo harh tawh" Sentei ti lang lang ka hriat rual chuan rang zetin ka tlan chhuak nghal Cabin ka thlen chuan Tei chu khumah alo thuawn diai a Oxygen an vuah kha an lo phelh tawh bawk. Min hmuh rual chuan anui sei a ala chau tih hriat takin amit meng akhup lap a, anung sar lo bawk. Ka nuin buhhawp asiam siam sak ani ngei ang alo in ei tir a tam erawh a ei lo thung.
"Zawi muangin atha zel ang doctor in atia, adam chak chuan kan hawpui thei dawn a", ka pa chuan alo tia ka chhang lem lo. Tupawh in adam hi kan duh vek a Tei kan thinlungah atla na vek a, atlak dan ain ang lo mai zawk ani. Rei lo teh ah amu hil leh a nula mahni lu zo ve vawh kei ka ni ti ve larh thin kha dam lo na taka hmuh chu thil nuam zek zek ani lo. Duh dah deuh a min chhan thin lai te, enga tan maha min ngaihloh lai te kha angaihawm rum rum. Tunah chuan in hnial pui tur pawhin chakna anei hrih lo.
Tei aharh atangin kar 1 aliam leh tawh a, ahma pha lo mahse aharh tha leh viau tawh damdawiin hi tun lai chu ka in ani deuh ber chhunah hna ka thawk a, Zanah tei ka riah pui bawk a, chuti chung chuan Tei bula awm ka ning ngai lo ka kham lo mah mah thin.
"Zorin icecream ka ei thei tawh angem", Cabin ka luh rualin tei chuan alo tia. "ka hre lo le i ei chak viau ami", ka tih chuan uar zet hian alu bu nghut nghut a. "Anih chuan tlemte ei mai rawh", tiin fridge atangin icecream chu ka la a, phur zetin a lo ban ve vat. Fian in a hawp pak pak a a kâ te reuhte khatin a hawp leh pak pak thin chu hmuh nawm ti zetin ka lo en reng thung.
"Taka thil ka hre chhuak i in zai zawh hunah ka hrilh ang che itih kha minhrilh tawh rawh", a rawn tih chuan ka awm dan ka siam rem a "kha thil kha maw ka hre tawh lo", fiam phah a ka ti chu a chal a chuar tap a "phakar misual", a rawn tih chuan ka nui chhuak hak. "i duh awm zia hi in hri em", ka tia "imm hria e duhawm lalnu ka nih hi", a ti ham ham a anui sang bawk. Nie asawi dik duhawmna zawng zawng neitu chu ani chiang alawm. "Ka hmeltha tel bawk", a tih phah in a hmai chu a khawih a "tunah chuan fiamthu thawhna chang pawh i hre tawh alawm", ka tia kan nui dun hak hak.
"Ka duh che", thutak deuh a ka tih chuan "ka hria lawm", ati liam puat a. "Tak tak maw ka duh che ka ti ka tawng ngaithla ta che ka duh che", ka tih leh chuan chiang zet hian min en a "tunah khan min duh thu i sawi em ni", atia ameng phawk hra bawk. "Immm nangmah Thanghniangi tereuhte zun nei em em si duhawmna zawng zawng kawltu hi ka duh che", ka tia ka thusawi lai te chuan mak tih hmelzet in min en reng. "Mi mâwlpa" atia a hawi sawn daih chu ka en reng a "he thu hi ania ka hrilh ang che ka tih kha. Ka duh na che hi ka lo hre chhuak har lutuk a ka tlai hman lo tur ah ka ngai hmana i rilru put hmang min duh laia i rilru ka lo hriat thiam sak lo che vang khan thupha ka chawi nghal e. Û naunu ang ni lo in nula leh tlangval kara in duhna a awm ang hian ka duh che" kan pahnih hriat tham tawk chauh chuan ka tia, ka tawng tih loh chu thawm a reh diak, "mi mâwlpa kha thu kha i kâ atang hian ka hre ngai dawn lo emaw ka tia", atia in hrut harih ri in a zui awm hnaih in ka kuah nghal thuai a, "reitak ka nghah tir che a ka tih palh", ka ti a ka awm ah chuan a hmai a phum a ain sut leh faih faih thin.
"Min kalsan duhna rilru i put rual rual in ka sawp ang che", a rawn tih chuan ka nui a, Tei pawh anui tih hriat takin a taksa a che ve det det. Ka kuahna thlahin Tei chu ka en a amittui tlakna a vang a amit hnawng chap te chu a in hmehzawk emaw tih mai tur in ka hmu hmeltha leh zual. "I kut ka vuan tawh a engtik ah mah ka thlah tawh lo ang chu chu hre reng rawh", ka ti deuh sup. "Immm tun atang chuan ka tâ chauh ini tawh ania ler suh ang che", a tia nui deuh suk in "nang pawh ka tâ i ni tawh i vai hian mipa hrim hrim hmuh phalh loh", ka tih chuan a nui hak hak a "ka pa te ka pu te Duata te pawh mipa ani sia", atia min melh ran bawk. "i hre thiam ve reng. Keimah lo mipa dang reng reng chu zawng hmuh in hmu la ani mai", nui suk chunga ka tih chuan za deuh hian a nui a, hmuh nawm ti zetin khawdang hawi lek loin ka lo en ve thung. "Imm ka lo hmu ang", nuih in sum zeta atih chuan ka in sum thei tawh lo ahmuiah ka va kiss a, alo in ring lo nge aphu deuh zawk a, duh thaw zetin ka kiss chhun zawm ka in lak hran meuh chuan Tei chu athaw zu hawk ka nuih deuh suk a zeilo em em dan chu pui tak ani.
"I mawl" tiin ain lukhup nghal daih a azak tih a chiang reng. "Mahni bialpa te mawl an ti ngai lo", tiin ka fiam a "ka zak" arawn tih chuan ka nui hak. "Kiss fo i ngai anih chu fawh nuam nu", ka tih chuan rang zetin a in lukhup na ahawng a "i mawl si" tiin min chup pawp pawp. In ti nula ve uai tawh si hi a naupanna lai alo lang leh thin. Akut chu man sakin ka lamah ka pawt hnai a, alai tih hriat taka abiang sen tek te chuan alang ti duhawm zual ka awm hnaih zel a, ka rin loh deuhin ka hmuia ah arawn fawp zeuh a "ka mut achhuak" tiin khumah chuan amu thla daih. Achet dan duhawm zet chu ka lungawi pui hlauh hluah. A sawi ang tak takin amut achuak tawh hle aniang reilo teah amu hil daih a amut dan siam rem sakin achal ah ka fawp a, ka chauh deuh vangin chhing khat tal chhin ve tum in ka mutna lam ka pan thuai rei pawh meng lo in ka mu hil ve nghal.
Ka hmai za mer mer chuan min ti harha, mit ka men rual a chiang zeta min lo en reng tu avang chuan ka phu zawk nghe nghe. Anui sen sen a "ilo tho tawh maw" tei chuan atia "iva tho hma ve na i nei em ni", ka ti let thuai lu thingin anui ver ver a "dar kar 7 zet i mu hil ania", atih chuan "min lo en reng tihna mi", ka tia "imm en reng theih nise ka thlep bo daih ang che", atia ka nui sen sen. Lo mu ve rawh tiin ka mutna bul chu ka beng thek thek a "ka chak viau na in atlai tawh ka nu alo thleng tep tawh ang", ati ve ngei a a tawng zawng a ahmui che ve niap niap chu ka fawp zeuh. "Ha ka la nawt lo", tiin ahmui ahup a "lawm awm nu hmanah khan lo in tawng tawh ila ka nupui ini tawh ngei ang", ka tia achalah ka fawp zeuh.
"Tho la in ti fai rawh", atih chuan ka tho ve mai a, "ka rualin lo in phih fai ve rawh" ka ti a, bathroom ah ka nawr lut det det, ha nawh nghal theih a toothbrush ka pek chu alo ban vat a, a hmai aphih dawn chuan a sam ka lo chawi kan sak, kan awm dan hi a nuam reuh zek. Remremi nen kha chuan puitling sa in kan in ngaizawng ka ti mai hengtiang hian kan awm ngai lo, a mah apuitling chi ani bawk a han buaipui ngai em em in a awm ngai lo. Kan kum ain rual a athla in ka û deuh zawk, chet ka lak hmasak hi awm ve thin mahse achet la hmasa tu zawk ah atang ngun zawk, azei a mi tih dan athiam a kha vang kha ani mahna a mah ah khan ka ngeh em em ni. Tei bula awm chuan boruak hi adang vek a bula awm hi a hahdam thlak a, a rilru achhe lo bawk arilru a awm ang ang hi a sawi chhuak phawng phawng zel a, in sual aching em em bawk Sentei tan pawh ain sual tawh a he ka bialnu tereuhte hian buaina min thlen ngun khawp mai.
Ka nute an lo kal tawh a, kei hna lamah ka kal tawh bawk. Tei massage chu ka chhiar a ka nui leh vur vur thin. Dam lo en tur an tam deuh vangin phone ka khawih hman meuh lo. Chhun chawlh ka nei laia phone ka en chu Tei massage hlir ain tlar thla. Massage thawn vel ka peih loh vangin ka call a, rei ring lo in a pick up vat "an la awm kim vek asin", a rawn ti sar sar "a pawi lo ka ngai che alawm", ka ti a "keipawh tam tawk in", a rawn ti let ve ngei a, Sentei tawng lang lang ri ka hriat rual in "ka dah mawi aw" tih leh kan in call na chu adah nghal zat. Henu tak hi chu aw tia phun sup phahin eitur an lo dah chu ka ei zung zung. Tlai cabin a ka let leh theih meuh chuan dar 6 ari leh va tawh December thla kan chuangkai tawh bawk nen zan boruak chu avawt deuh vur tawh a, kan Hospital awmna hmun hi thli atam em vangin avawt zual bik Cabin ka luh chuan Sentei alo awm a, min hmuh rualin "ka kal nghal mai aw", atia a chhuak zui nghal nul nul
"Kha nau kha enge a hriat a", tiin sentei kalna lam chu ka melh a "mipa hriat chi loh", Tei'n atih chuan alam ka hawi vut. "Anih chu min lo ngai tawh em", tiin alam ah ka kal a "phungpuinu tiat lawih mipa hi ka ngai tawh", a tia azak leh deuh nge sir lam hawi a, alei achhuah vak ka hmuh chuan ka nui chhuak achet dan duhawm theih em em zia hi. "Ka duatnu hi ka ngai tawh lutuk", tih pahin ka kuah a. "Min ngai reng rawh", alo ti ve sap. "Im ka ngai reng che alawm ka bula i awm reng chung pawh hian engtik lai pawhin ka ngai che. Ei zawh vek mai che ka duh thin", ka ti ve deuh duah.
"Damdawiin a ka chhuah hunah chuan ka inah ka awm hrih ang", a rawn tih chuan ka kuahna chu ka thlah a, "tinge kan in ah", ka ti let ve vat. "Kan in pawh anuam tho na in ka inah zawk hah dam ka duh a thawveng deuha awm ka duh ka awm rei lo ang", ati ve niap niap "i duh dan chu pawm lo viau mahila ka zah sak ang che. Nitin ka lo kal ve ziah dawn chuan", ka ti a, anui ver ver he anui hmel duhawm zet hi hmuh reng thei ila ka ti tak zet.
Ka in tih fai zawh bathroom atanga ka chhuah chuan Tei chu alo hmuhil leh der tawh abulah kal hnai in puan ka sin that tir a, a chalah ka fawp vang vang. Ka kal sawn dawn chuan ka kutah alo man a, "i muhil tawh emaw ka tia", tiin ka awm hnaih nghal ruak "lo mu ve rawh", atia a akhum chu abeng thak thak, in thawlh ve nghal in ka ban ka kham tir a ka lam hawi tir in ka kuah a, rei lo teah min mu thilh san leh nghal. Asam ahmai lam a lo tla chu ka hui kiang a, ahmeltha zet chu ka en vawng vawng. Tei vang hian mi duh neih nan hian hun tam alo ngai lo ani tih ka hriat ve phah a kan nuna mi thar kan lak luh hian hlimna tam tak min thlen ani tih chiang tak in ka sawi ngam