فينثيدلين

part 20

مساء الحُب ♥️🫂

#فينثيدلين
#البارت_العشرون
#سما_العبيدي

فشلتني گبال روحي وگابلت روحي وبجيت

                  ..........................

انتفضت بـجنون وصرت اراوح بـمكاني اريد افهم منه واصيح
_شنوووووو ويننن هسه هيييي

_ مابيها شيء لحكنالها باللحظه الأخيرة

_جيب المفاتيح سطام اريد اروح للـبيت

_جاي اكلك مابيها شيء ما تروح لـمكان قبل لا تحجي شبيك

_جيبببببب النعللللل اكلك لا تخبلووووني

_ياسين خل ناخذة للـمستشفى خشمه طك دم تخبل اخوك

_مارووووح لاي مكان غير للـبيت اخذنيييي للـبيت

قيدوا حركتي وصعدوني السيارة ضربت الشباك بيدي وصحت
_تخبلتوااا انتوا ما جاي تفهمون اريد اروح البيت اريد اشوفها سطام احلف بداعة امك ما صارللها شيء احلف

_والله ماعليها شيء حتى عفناها نايمه وطلعنا ندور عليك بس احجي شصار

_ماكدر احجي شيء بس وديني الها

ساق ياسين السيارة وشفته ماراح بـطريق بيتنا ردت افتح الباب وانزل منها وشنو يصير خل يصير وكف السيارة وصاح
_انتتتتت تخبلت شبيك يووول اهدء جاي نكلك ماعليها شيء خل ناخذك مستشفى ما شايف وجهك شحاله وخشمك ينزف

نزلت من السيارة اركض اريد اوكف تكسي واروح للـبيت لزمني سطام وحظني وكال
_اهدء هاي هي نروح للـبيت

بجيت وانا حاظنه وكتله
_كافي عاد تعذبوني لا تصيرون انتوا والدنيا عليه

مسح على رأسي وكال
_ اهدء ما يصير الا الي تريدة

صعدنا السيارة وتوجهنا للـبيت وصلنا نزلت منها لاكتني امي ولطمت صدرها
_يمة وليدي شبيك.. سطام شبي اخوك 

سطام :ماادري يمه هذا هو كدامج وسئلي

موج: وينهاااا ..... وينها اوج وينها مو كلتوا مو صاير عليها شيء

روان: نايمه بـغرفتها موج حبيبي هدي روحك وطب للـحمام اخذ دوش ريح جسمك ورتب وضعك وروح شوفها لا تخترع من تشوفك هيج وتفكر بيك شيء

موج : روان احجي بيها شيء وخروا من كدامي خل اصعد شبيكم محاوطيني من كل جههه

روان : والله مابيها شيء وغربه زياد مابيها بس رتب وضعك لا تخترع من تشوفك هيج واني بالكوة هديتها

هز رأسه مؤيد لـكلامي دخل الحمام وانا صعدت غرفته جبتله ملابس بـهدوء ونزلت نطيتهم لـماما دكت الباب عليه واخذهن منها

موج تخبل مو هو ابد ما مر غير ساعات قليله وتغيير تماماً ما اعرف شنو الصار بالضبط بس جنت نازله لـجوة ودخل سطام للـبيت مفزوع سئلته شكو جاوبني اخوج موج مادري شـصاير ويا هو وزوجته طلع من البيت مثل المخبل وبس يبجي

عفته وصعدت لأوج لكيت الغرفه عبارة عن زجاج وهوسه وكل شيء متكسر بيها واوج ماخذتلها ركن وحاظنه نفسها وتبجي

تقربت عليها وهمست
_اوج شصاير وياكم

صرخت
_موج كرهني ما عاد يحبني ولا يطلع بوجهي حتى موج كرهني ما كان لازم احكي هيك  ما كان لازم يعرف

_بـشنو احجي اوج شنو صار موج طلع مثل المجنون من البيت

بجت اكثر وضلت ساكته عفتها وطلعت بعد ما ايست اخذ منها شيء وافهم شنو صار نزلت لـسطام وسئلته شنو جان وضعه موج
سطام: ايدة مجروحه وتنزف وجهه اصفر وشعره مخربط نفسه مو منتظم انا خايف لا يسوي بروحه شيء من كثر ما سئلته شنو صاير ما جان عندة جواب غير يبجي لاول مرة اشوف موج بهل انكسار مثل الطفل سند رأسه على كتفي وبجه

_وزوجته نفس الشيء بس تبجي وما حجت شيء غير ما كان لازم يعرف وما كان لازم احجي هيج شنو الي حجت ماعرف

_رح اتصل عليه عسى ولعل يجاوب

_هو وين جان

_بالـسيارة وحتى عايفها مفتوحه

صعدت سيارته وشفت اللابتوت مفتوح فتحته جان على فيديو أوج والدكتور مالتها حرت بين اشغله واشوف شنو الي وصل موج لهل حاله وبين اعوفه اخر ما توصلتله اعوفه كما هو بس قفلنا السيارة

رجع سطام يدك عليه ما يجاوب مرت ساعتين قررت اشوف اوج مابين صوتها ابد ولا سمعتلها حس صعدت لـغرفتهم فتحت الباب وانصدمت بيها

كاصه شرشف ورابطته بالـمروحه وتريد تشنق نفسها بي صرخت بـصوت
_سطاااام ياسيييين

ركضت عليها وسحبتها من ايدها وكعت من الكرسي وضلت تبجي
_تركيني روان خليني موت حالي تركيني

_تخبلتي انتي شـجاي تسوين بـروحج تردين موج يموت وراج

صعدوا ياسين وسطام وتفاجئوا مثلي اجت رحيق اخذتها يمها وانا رتبت الغرفه من الهوسه الي مسويها كملت كل شيء ورحت لـغرفة رحيق جانت تبجي
ورحيق تسكت بيها وتحاول تفهم شنو صاير

هذا الحجي ماما جانت طالعه هي وبابا بـزيارة صارت ساعة ٣ الفجر اندكت الباب كلنا رحنا نشوفه عبالنا موج طلعوا ماما وبابا انصدموا من شافونا كلنا متجمعين عبالهم صاير شيء على زياد

رتبنالنا كذبه وكنالهم بالنا يمكم كعدنا على الصلاة وضلينا منتظريكم ترجعون باوعت ماما علينا وكالت
_وشعجب موج مو موجود وياكم

روان : كمل صلاته ورجع نام تعبان من الشغل

_زين لعد احنا نفوت انام تعبنا كلش من الطريق ابوكم طول الزيارة يقرى بالادعيه ويردد اسمائكم

روان : الله يتقبل

_اكلج انا گلبي طاك على شوفه موج بس يكعد يروح لـدوامه كليله خل يجي للـغرفة اريد اصبح بـشوفته

ماعرفت شنو اجاوبها سطام كعدهم وكاللهم انتوا لازم تعرفون شيء تحسباً لأي حدث يصير حتى لا يلومونا بعدين كعد كدامهم وسولفلهم الي صار

رفعت ماما رأسها وباوعت لاوج وكالتلها
_ما اكول غير حسبي الله عليج شنووو صار وهيج تخبل الولد احجي

آوج ضلت ساكته ودموعها تنزل بدون صوت صرخت امي بـجزع
_ما اريد اشوف خلقتج طلعي منا لو صار على ابني شيء وانتي السببب اشرب من دمج وما يشفى غليلي منج

طلعت أوج رحت وراها ونطيتها حبوب منوم ادري بـموج من تتعب ويصير فد حدث يأذيها ينطيها منه اخذتلها فترة تبجي وراها استسلمت للـنوم تطمنت عليها وطلعت

ضليت بـغرفتي اصلي وادعي موج مابي  شي ويرجعلنا بخير مرت ساعتين وسمعت صوتهم جوة نزلت ركض واشوف موج بـحاله لا تسر عدو ولا صديق تعبان حيل وجههه وحيله مكسور خشمه ينزف ويرجع يرفع رأسه يتوقف وبس يحجي يرد ينزف وايدة مجروحه والزجاج نابت بيها والدم يابس عليها

شعره مبعثر ووجههه اصفر ليمونه وروحه مفرفحه عليها حجيت ويا بـهدوء وردته بس يهدء نفسه استمعلي طلع من الحمام سحبته من ايدة وبديت اعقم جرحه واطلع الزجاج بالـملقط وهو باهت ولا كأنه

لفيتها بـشاش وعقمتها بس كملت عاف ايدي وصعد بـركضه اتبعته وودخلت ورا مشى بـبطىء وطوله يرجف من فوك لـجوة همس
_ شبيها نايمه

_ جانت ثائرة كلش انطيتها من المنوم الي انت تنطي منها بس حتى تهدء وترتاح

باوع بأنحاء الغرفة وكال
_منين جانت تريد تشنق نفسها

_من المروحه

باوع للـسكف ورجع باوعلها تقرب عليها وكعد بالارض كدامها وهمس
_ شلون حـباوع بـعيونج وانا السبب بـبجيهن

كعدت بـصفه وكتله
_شنو صار تكدر تحجيلي

_كلامها صحيح الي بيها مستحيل يتعالج

_لا تحجي هيج موج رب العالمين قادر على كل شيء

_ المشكله جنت اظن بـروحي انا الحبل بين ماضيها والجحيم الي جانت بي ونجاتها منه وما طلعت الا انا السبب بـكل شيء

_موج انت مو سبب لا تضل تلوم بروحك وتحملها ذنب مو ذنبك

ماجاوبني
_هسه كوم نام وارتاح وحاول تهدي نفسك و إنشاءالله كل شيء واله حل

_اخاف انام

_ليش

_لا احلم بالي حجته

_تاخذ منوم

_اي حأخذ

كام من مكانه اخذ حبايه وضل حاير بـروحه عرفت وكتها موج مو كادر يتحمل وجودة بـصفها والي حجته اله شيء كبير مسحت على كتفه وحجيت بـهدوء
_موج لا تخلي الشيء الي حجته الك يأثر على علاقتك بيها لا تنسى هذه حبيبه قلبك أوج وتعب عمرك وحلم سنينك كل شيء صار وياها ومهما كان كبير فـ صار غصب عنها ومو بإرادتها

_اعرف

_اذن خلاص انسى الي سمعته وكمل طريقك وياها وعلاجك الها

_انشاءالله

عفتهم وطلعت بعد ما تطمنت عليه رجعت لـغرفتي ورجعت لاحزاني وأفكاري المستمرة بـزياد فتحت الموبايل ودخلت على محادثتنا وكتبتله مثل ما تعودت كل يوم اكتبله كل شيء امر بي واعاتبه واغلط عليه وازعل منه وارجع اشكيله من بعده واحجيله شكد احبه

_حبيبي مو كافي عاد طولت عليه هواي وبالي يمك بس حرف واحد اريد منك يطمني انت بخير انت عايش حتى لو بعيد عليه راضيه بـكل شيء بس طمني عنك

_تعرف شنووو انت واحد حقير واناني ما تفكر بس بـنفسك ومصلحتك تركتني بين النار ومو سائل عني ولا داري شنو حـشوف واعيش بـغيابك ليش علقتني بيك وعفتني هنا لا انا بـسماء ولا بأرض

_اكرهك زياد واكرهه كل يوم عشته وياك وبدونك ويااك لان علقتني بيك وبـدونك لان انت ماكو لا تفكرني انا عايشه والله العظيم مو عايشه كل الايام تشبهه بعضها مجرد عدد يزيد

_ما حجيتلك اليوم شنو صار .... موج اخوك وصديقك اليوم انطعن بـنص گلبه ومانعرف السبب بس الي جاي اشوفه هو مجروح وجرحه صعب يتداوى يمكن لو انت موجود جان حجالك شكد حاولنا ويا ما حجه شيء وفضل السكوت مثل كل مرة

_حبيبي اكلت شيء اليوم وين جاي تنام ملابسك زينه احسك بردان ليش هيج سويت كل شيء بـغيابك حزين وكئيب حتى الصيدليه مشتاقتلك

_ اليوم مريت للـصيدليه وفات رجال كبير سئل عنك من سئلته منين تعرف زياد حجالي شلون جنت تساعدة وتدزله العلاج مالته بدون مقابل
الظاهر جان علاجه خلصان واني تكفلت بي كل شهر اخذله علاجه كامل مثلك بالـضبط

ملتهية بالـموبايل واكتب وباذني سماعات فاتت عليه رحيق نزعت السماعات وكتلها
_شنو صاير

_ولج مووج وكع من طوله لا ايد ولا رجل وأخذوا للـمستشفى الولد

_شنووو اني تركته نايم بـغرفته

_والله مادري شصار ويا بعدين

طلعت من غرفتي ونزلت جوا لكيت اوج افترت بـتوتر وصعدت فوك ركض نزلت وبيدها موبايل ضلت تتصل ومحد يرد صرخت بـملل
_ما يجااااوب روااان موج صايرله شيء

_ما ادري

رجعت تتصل لحد ما ملت وكالت
_رح روح لـعندو ماعاد في اصبر اكتر

_وين تعرفين انتي اي مستشفى هو أوج اهدئي وابقي بـمكانج

_لا روان رح روح لـعندو ما في اصبر اكثر ومابعرف عنو شيء

_تمااام انتظري بس اسئل سطام وين هم يا مستشفى

طلعت تلفوني وخابرت على سطام جاوبني وكال راجعين
_سطام يكول طلعنا من المستشفى ماكو داعي تجي

_اكيد موووج كيفو

_يكول زين

_شنووو هو مو اخذ منوم ونام عفته اني بـغرفته جان يريد ينام

_ما نايم نازل للـسيارة مالته كاعد بيها طلع سطام لـدوامه شافه كاعد تخبل ضل يحجي عليه ومقنعه ومفوته للـبيت ديصعد الدرج واكع بالأرض لا ايد ولا رجل واخذوا للـمستشفى

_سودة عليه شلون اذا صار عليه شيء .... منو راح وياهم

_سطام وعمو وماما

ضلينا كاعدين ننتظر منهم خبر وماكو ندك عليهم محد يجاوب مرت ساعتين واحنا على نار رحت لـياسين كعدته وحجيتله الصار لبس وكال حـروحلهم واردلكم خبر

راحلهم ياسين وبقينا اني ورحيق كاعدين بعد انتظار دام لـساعات دك ياسين فتحت الاتصال بـسرعة وكتله
_بشررر بالنا يمه شـصار

_اخوج تخبل الدكاترة مو جاي يسيطرون عليه

_شنووو شبي

_يكلون انهيار عصبي بس هوو متحول لـثور هائج احنا والمرضى وما جاي نكدر نلزمه حتى يضربوا ابرة مهدء

_صدك تحجي لو تشاقى

_والله شبيج انكلب علينا فانداااام لا تخافين مابي شيء جنه حصان ويزاكط علينا

_ياسين ابد مو وقت شقاك انطيني احد غيرك احجي ويا

_هااج هذا سطام

_الوو سطام موج شبي

_قصدج توسونامي

_لكم شبيكم انتوا شهل برود هذا

تنهد وكال
_تعبان حيل وضعه مدمر الدكتور يكول شكد اكو تراكمات بـداخله حتى انفجر فجأة هيج بحيث اوردته طكعت زرك من الاعصاب الي هو بيها

_سودة عليه اخوي حبيبي ماما شنو سوت

_گلبت المستشفى عزا هي تشوفه هيج وتفرفح عليه هسه بس يردون ينطوا إبرة مهدء ضغطه صاعد فد مرة بس وين ماجاي يسيطرون عليه مثل المخبل سوا الغرفة طحين 

_شنوو يريد

_يريد يرجع للـبيت خايف لا زوجته تسوي بـروحها شيء

_شسويتوا هسه

_واحد من الممرضين غافله وضربه ابرة من ورا بـركبته وهدأ

_الحمد لله.... عفيه خل الدكتور يطمن عليه ويسويله كل الفحوصات اللازمه

_ هو إنشاءالله بس يردوا يهدء اول وينزل ضغطه

_يارب إنشاءالله خير ديربالكم عليه ولا تضلون تضحكون على جروحه

_ولج شـنضحك هو غير گلبنا متكطع عليه

_الله يعين

سديته منه ودعيت لـموج يكوم بالـسلامه ويتخطى هذه المحنه التفتت لأوج وسئلتها

_آوج اسئلج  شنووو الصار وموج هيج انهار شنو حجيتيله وهيج تخبل وضعه مو طبيعي

_بدي روح لـعندو

_طبعاً لا كل الي صار بي بـسببج تردين تزيديها عليه

رحيق :روان اهدي احنا مانعرف شنو صار بينهم ماله داعي تهجمج عليها

_مو جاي اتهجم بس من حقي اعرف السبب الي وصل اخوي للانهيار شنووو

آوج: روان احلفك بـزياد خذيني لـعندو

روان : اوووف اوف هو اصلاً رح يطلعوا من المستشفى ويجون للـبيت وامي هناك مانريد فضايح لا تشوفج وتفرج علينا الناس

آوج :طيب هو منيح كيفو حكيتوا معو شو صار بالـضبط ووين لقيتوا لـشو ما صحيتوني من النوم وقت مارجع

ضلت تفتر بالـبيت وما هدأت اخر شيء طلعت كعدت بالـحديقة وتحجي ويا روحها ما كان لازم احكيلو شيء ما كان لازم انفعل واحكي هيك الله يأخذني.... يارب خذ من عمري وعطيه يارب لا تفجعني في يارب ماعندي غيرو

صارت تبجي بإنفعال وكل شويه تطلع للـباب تشوف وترجع لحد ما سمعنا صوت سيارة عرفنا بـيهم اجوي ركضت للـباب فتحتها وضلت تباوع نزل سطام ووراة موج بس تعبان حيل وامي وابوي هم

طبعاً احنا ما كلنا لـماما الموضوع يخص آوج كنالها بسبب قهرته على زياد لان لو تعرف الي صار بـموج بـسبب زوجته تعلن عليها يوم القيامه مو بس الحرب

ركضت آوج ناحيته وتعدت سطام الي جان لازمه ورمت روحها بـحظنه وحجت
_حبيبي موج انا اسفه اسفه كتير ريتك تؤبرني الله يأخذني ويخليك

احتظنها وشمها بـقوة ورجعت الحياة لـوجهه وكاللها
_لا تحجين هيج شوفتج بـخير تنسيني كل شيء

_حبيبي يعني هلق مسامحني

_بعدين نحجي

ابتعدت عنه بـحزن وعرفت هو لـهسه شايل بـكلبه عليها تقربت عليه وحجيت
_الحمد لله على سلامتك خوفتنا عليك

_الله يسلمج .... الحمد لله عدت سلامات

دخلنا للـبيت وسئلتهم شنو الصار جاوبوني انهيار عصبي ومعرض لـجلطه بس تلحكوله الحمد لله اخترعت بل انصدمت شنووو الي خله موج هيج يصير خفت عليه هواي وگلبي وجعني لهل درجه التراكمات تسوي بالـشخص تعرضه لـجلطه

الله يساعد گلبك يا اخوي شـكثر محمل بي سوالف وقهر وما تقبل تشاركها ويانا بعد ما تطمنت عليه صعدت نمت لان جنت كلش تعبانه ورأسي يريد يطك وينفجر

نمت وكعدت المغرب فتحت موبايلي على امل الكالي شيء من زياد دخلت على حساباته اخر ظهور كان قريباً نزلت لاخر مسج منه كاتبلي لو اعرف احارب الدنيا كلها حتى اخذج احاربها ولو يكلولي الحل يبعد عن هنا قارات اعبر القارات واسوي الحل واتزوجج

انت مو بس بعدت قارات انت اصلاً ما نعرف عنك وين شلون گلبك طاوعك تموتنا عليك هلكد وتبعد علينا هلكد شلون كلبك طاوعك تخلينا بـهل نار لا نعرف ارضك ولا سماك

ما جنت اظن زياد يحبني لهل درجه وطول فترة خطوبتنا جنت متوقعه الفراق بس هسه متأكدة منه حتى لو كان يحبني حتى لو حارب لـننجمع بس مستحيل هالـشيء يصير احس علاقتنا صارت المستحيلة الثامنه

ناجيت ربي بـكل جوارحي وطلبت منه يسمعني عنه خبر يطمن گلبي ويريحه ما جاي اكدر اعيش ولا اتنفس شكد ما التهي عن هالـموضوع بـشيء ثاني بس اصفن يجي بالي زياد معشعش بـعقلي ومزروع بـگلبي

نزلت جوا سئلت عن موج كالوا فوك نايم شفت آوج كاعدة بالـمطبخ وصافنه بالـفراغ تقربت عليها وحظنتها من اكتافها التفتت شافتني وابتسمت همست
_اسفة قسيت عليج ما جان قصدي ادخل بـخصوصياتكم بس الوضع الي جان بي موج خلاني اتصرف بـحقارة وياج

_لا تحكي هيك انا ما بـزعل منك وحتى لو زعلت بـنسى زعلي منك

_حتى لو احب اعتذر منج حسيت نفسي شريرة وانا احجي وياج

_لا تأكلي هم قبلت اعتذارك

_موج وين حجيتوا سوا

_لا ماعندي جرأة اني روح لـعندو واحكي معو سئلت سطام وقال اخذ مهدء وهلق نايم فوق

_رح اصعد اشوفه واطمن عنه

_بـراحتك

مسحت على كتفها وكتلها بـهدوء
_لا تخافين كل شيء واله حل

_بـتمنى

صعدت فوك دكيت الباب صاح تفضل دخلت وابتسمت بـوجهه تقربت يمه وكتله
_الحمد على سلامتك دكتور موج خوفتنا عليك

_الله يسلم عمرج..... كعدي

كعدت مقابيله وسئلته
_شلونك

_احاول اكون بخير

_تكدر تحجيلي

_الي صار صعب يتسولف والي سمعته صعب يتصدك

_متاكد من صحه الموضوع يمكن يكون اوهام او تخيلات

_لا حقيقه لان سبق وذكرت جزء من الي حجته الي للـدكتور

_زين شنو الي خلاك تنهار مرة ثانيه

تنهد وصار يحجيلي
_جنت تعبان اخذت منوم وردت انام بس تذكرت اللابتوب بالـسيارة عفته نزلت اخذه وجان بعدة الفيديو مفتوح

كعدت بالـسيارة وفتحت التسجيل وصرت اسمع
بعد مرور وقت اجت وحدة وطلعتنا من الغرفه واخذتنا لغرفه تانية فيها ادوات طبيه ومكتب قاعدة في هاي المرة عرفنا اسمها ام قتيبة ربي يلعنك ويلعن اسمك

وقفنا بالصف وصارت تطلع فينا وحدة وحدة
_مين انتي وشو بدك منا

ضحكت وضربتني كف
_شوو رأيك قعدتك مكاني وتشتغلي شغلي

مسكتني من فكي وقالت
_اسمعييييي ولك والله بقص لسانك اذا سمعتلك صووت من أول ماشفتك ماحبيتك الله ياخذك وياخذ سمارك شو بشعه

لاول مرة حدا يسخر من سماري او جمالي تذكرت موج يوم كان يندهلي فتاتي السمراء وانا كنت مابحب هالـلقب بس هلق انا حابتو كتير ومشتاقه اسمعو كتير

_يلا تعالن وحدة وحدة للفحص

_فحص شوو

ضربني بالعصايه وصرخت
_ماااقتللللك ماتحكييييي ماقلت مابدي اسمع صوتك ولك انتيييي شو ماتفهمييييي

صارت تضربني بقوة والبنات كانو بدن يسحبوني من تحت ايدا صارت تضربن كمان
_جيبوووا لعندي بدي افحصاا هي اول وحدةةة جيبوووا والله بس تكوني معيوبة بدي اصلخ جلدك عن عظمك

_ماااابديييييييي اتركييييينيييييي مابديييييي

صرت صرخ وضرب بايدا واحاول اهرب منا بس مافي مهرب ضربتني ضرب ماقدرت ارفع ايدي صوتي ماعاد يطلع دموعي نشفت وصارت تتجمع بعيوني وماتنزل
كان الفحص للعذرية ابشع فحص بالدنيا كلها ابشع شي ممكن تتعرضلو البنات انتهاك لحقوقها واهانه لشخصيتها وكيانها

انقتلت من الداخل انهضمت وبكيتتت دم ع حالي والي شفتو
_منيح انك بنت والله لو كنتي معيوبة كنت قتلتك وشربت من دمك ....يلااا الي بعداا

استسلمو البنات الها وصارو يروحو يخافو ياكلو قتله مثلي كملت الفحص وكتبت اسمائنا بفايل وضمتو بالجرارة

اخذونا ع غرفة تانية واخذولنا صور استغربت تصرفن وعلامات استفهام كتيرة بداخلنا بدنا نعرف مصيرنا
هون المكان بيخوف اكتر والظاهر بدنا نترحم لايام باسم الكلب

كملو الصور ورجعونا ع الغرفة رحت لتختي وحكيت
_عم حس نحنا بنص الجحيم احساسي عم يقول رح نتفارق وماعاد شوفكن

لانا:لا تحكي هيك انشالله نطلع من هون ونصير نتشاوف وكل اسبوع نسهر ببيت وحدة منا

نجلا:وبدنا نحضر عرسك انتي وموج كمان

اسماء:صحيح ولك كيف انتي بنت وهو جوزك

نزلت دمعتي
_بعد ماصارت علاقتنا قوية رحنا للشيخ وعقدنا بدون علم اهلي لانو بعرف مايرضو عليه بدن اخذ شب تاني
كانت الفكرة فكرة موج هو اقترح علي ويوم سئلتو جوابو صدمني

_شوو كان

_بيخاف علي من حالو مابدو يأذيني بفعل او يغلط معي بشي ونحنا بعلاقة غير شريعه عقدنا عند الشيخ وصارت علاقتنا متل اي تنين متجوزين بس الا ذيك الشغلة ماصارت ولا تجرأ يتقربلي

ضحكت
_بتعرفو شو بيوم من الايام كنت مشتاقتلو كتير وحبيت كون زوجتو قدمتلو حالي لكنو رفض ويوم سئلتو ليش هيك قال بدو يتمم زواجي منو الا وانا كون عروستو بفستان ابيض وقدام العالم كلها يعلن زواجنا

_الله يحفظو ويحمي اديش زلمه شهم بمعنى الكلمة

غمضت عيوني وتذكرت بيوم كنت بالبيت عم افطر أنا ووائل اليوم جاي لعندي وتفاجأت منو
_ييي شو جابك

_الناس بتقول صباح الخير اهلا وسهلا مو شو جابك الي يسمعك يقول مبارح كنت نايم عندك

_هههههه لا مو هيك بس تفاجأت تفضل اهلا وسهلا كيفك

_منيح انتي كيفك بنت العم

_مشتاقتلك كيف الشغل والمكتب

_ع حطه ايدك لا في شغل ولا شي .... المهم اتركينا من الحكي وحضري فطور لاني ميت من الجوع واوعك بتقولي فطرت

_لا اصلاً لو ما انت جيت كنت طلعت بدون فطور

_يالله شو مشتهي الفول من ايدك

_تكرم عينك هلق اعملك احلى فول مدبس

دخلت ع المطبخ وجهزت الفطور وصرت انقلو انا ووائل للـطاولة بدينا نفطر ونحكي بامور عادية كان لساتو مايعرف بـموج

كملنا فطور وقفنا غسلنا صحون مع بعض هاذ وائل لما يكون معي يتغيير تماماً عن وائل الي بـيعرفو الناس كتير بعزو وكتير بحبو عن جد هو ابي التاني

كملنا الصحون وساويت قهوة وصرنا نشرب بـرواق وهدوء رغم اصوات الانفجارات والقذايف الي بـتخرب صباحية الشام .... وصلتلي رسالة ع الموبايل فتحتا من موج كاتب انه بالـبيت ومشتاقلج موووت

ضحكت وقمت بـسرعه وحكيت
_وائل انا لازم اطلع عندي شغل ضروري بس بدك تطلع سكر الباب منيح واخذ المفتاح معك عندي نسخه منو

_شو هالـشغل ما هلق قلتيلي ماعندك شي ... ولك أوج

طلعت قبل ماسمع جوابو ركضت انزل من العمارة واخذت تكسي من الفرحه حتى السيارة نسيتا
وصلت ع البيت ودقيت الباب فتحها ورميت حالي بـحظنو
_حبيبي حبيبي اشتاقتلككك كتيرررر كتير ليش طولت علي

_وانه بعد مشتاقلج شطولت ولج هن ثلاث ايام

_لو بدن يكونو ثلاث ساعات بـشتقلك كتير اصلاً بـشتقلك وانت جنبي

حظني وسند راسو ع كتافي وحكى
_اووف شكد مشتاق لحظنج اريد انااام

كمل كلامو بـثقل سحبتو للغرفة حظنتو ونام بسرعه صرت اتاملو واحكي مع حالي
_شو الي خلاني حبو  ..... لو بـيقولولي بتكفي حياتك حدو وين ما كان وكيف ماكان او بتكفي حياتك باحسن دولة براتب شهري وبفيلة ومصاري وخدم وكلشي بختارو هو

بعد مرور وقت صحى وصار يقبلني بـخدي مروراً بشفافي فتحت عيوني وبـستو بـحب ولهفه كنت متعطشه لـكلشي معو حكيت بـعدم مقدرة ع سيطرة مشاعري الثائرة
_موج بدياك

باسني بـراسي وعيوني وخدي ومسك ايدي باسها وحكى بـهدوء وحنية
_بس انه اريدج وكل الدنيا تعرف بيج انتي زوجتي .... اريدج وانه ماخذج من بيت اهلج ... اريدج وانتي لابسة الفستان الابيض وبيدج مسكه ورد

_بحبك واسفة لاني طلبت منك هيك شي

_اشش لا اسفة لا شي انتي زوجتي وهذا حقج الشرعي وماكدر ارفضلج طلب اذا مصرة على الموضوع مامنعج باتمام زواجي منج

كمل كلامو وغمزلي ضربتي ع صدرو وقلت
_بعرفك رح تمسكا علي ياربي شو غبيه انا ماعرفت العب الا معك .... موج بترجاك لا عاد تذكرني اصلاً مابعرف كيف طلبت منك هيك

_لا يابه شسالفه قابل بالحرام بالحلال وكله بشرع الله .... بعدين شمدريج يمكن غير رأي باليل اذا نمتي عندي

_مابدي لا نام عندك ولا شي منك حتى بوسة مابدي

_اويلي كل هذا لان رفضت اتمم زواجي منج اذا هيج متلهفه عليه تعالي نتمم

_سكر تمك الي عطيتو فرصه وماستغلها مايستاهل فرصه تانية

حكى بعصبيه كاذبة وهو يخزرني
_ولج منو يسد حلكه .... أوج

هربت منو وصرت اركض بالبيت وهو يركض وراي لحتى يمسكني مسكني اخيراً وتنفس بتعب وبعد شعري عن وجهي واطلع في بنظرات غريبة اول مرة شوفا وعيون دامعه
_حبيبي لا تطلع في هيك عم حس هاي اخر مرة نكون مع بعض

_اشش لا تحجين هيج  ...... أوج انتي احلى شي صار بحياتي .... وجودج بحياتي غير مني هووواي

_وانت كمان لولا وجودك جنبي كنت منهارة من زمان كتير

_ابداً ماريدج تنهارين ولا تستسلمين انه اخذ قوتي منج وطاقتي منج

_بحبك بحب كلامك وتحفيزك الي

فتحت عيوني ع واقعي المرير جابولنا اكل ماقدرت اكل شي منن بعد الاهانه والذل والضرب الي شفتو ع شو اكل منن بفضل موت من الجوع ولا اخضعلهن

بعد مرور ايام صرنا نشتغل ونتعب هون كتير بس طمنا نوعاً ما بـيوم من الايام كنت عم نظف غرفه الي ما تتسمى وهي مالها موجودة

سكرت الباب وصرت دور ع شيء ممكن يخليني اعرف عن موج شيء لان سمعت مرة انه ملفات المسجونين عندها صرت افتح بالـملفات ودور بيناتهن مالقيت انخبصت

عين بالـشيء الي اعملوا وعين بالـطريق خايفه تجي فجأة وتشوفني سمعت صوتها وهي تحكي مع حدا وتقلوا
_لا تأكل هم انا هلق اعطيك بنت تحلم بيها عمرك كلو

تلبكت بدل ما رجع الملف ع الرف وقع من ايدي وطارت نص الاوراق الي في دخلت للـغرفه وحكت
_شوو عم تعملي

_كنت عم امسح الرف ووقع من ايدي الملف هلق رتبو

اطلعت حولي مالقت بـيدي شيء يدل ع التنظيف تقربت ناحيتي ومسكتني من شعري وحكت
_لما بدك تكذبي كذبي منيح

صاحت ع وحدة من الحراس ودفشتني ناحيتها وحكت
_ربولياها لهل كلبه

صرخت
_ويييين وين اخذتنييي بعدي ايدك عني بعديييي

_ولكككك امشيييي

سحبتني بـقوة وطلعنا برة المقر شدت عيوني واخذتني سمعت صوت باب انفتح دخلتني وسكرت الباب مرة ثانية صرت دور حول نفسي مابعرف وين انا

انفتحت الباب ودخل حدا ماعرف مين ماشوف شيء عيوني في شي صار بتمي حباية او شي دوا مابعرف لشو بلعتو  ماعطوني مي كنت عطشانه بشكل مو طبيعي
رجعت غمضت عيوني

بـلحظه صرت حس بالي يصيرلي بس ماعندي قدرة امنعو اطرافي خدرت مابقدر حرك اي جزء من جسمي وتنفسي صار قوي بحس قلبي بدو يطلع من صدري بسبب قوة تنفسي

عرقت واحتريت وبردت وصارت حكى غريبة بجسمي حسيت دمي بيغلي صرت حك جلدي بـطريقة هستيرية في احساس بـداخلي بـيقول ماترتاحي الا اذا طلع دمك

وفعلاً حسيت دمي طلع يلا ارتاحيت وتكررت هالـحاله كل يوم حدا يدخل علي بـيحسسني هو شبح او جن بحيث افقد وعي من الخوف والرعب وبـتعب من البكي والصراخ وبعد مايمر وقت يعطيني هالـحبة

وبـتتكر عندي هالـحاله متل اول مرة
مابعرف اديش مر وقت ع هالايام بـيوم انفتحت الباب وطلعوني من هون رجعوني ع الغرفة التمو علي البنات
_وليييييي شوووو صايرلها ولك بعدي خليني شوفااا ...... الله ياخذكن شووو عاملين بالبنت ليك أيدا كيف متجرحه ونازفه ...... ساعدوني لحتى شيله

كنت اسمع وحس بالي يصير بس ماعندي القدرة ع الحكي او افتح عيوني حسيت حالي عميت غسلولي جسمي مابعرف مين وغيرولي اواعي واخذوني للتخت

نمت ومابعرف المدة الي طولت فيا وانا نايمه مر وقت وقدرت فتح عيوني شوي وشوف الدنيا مغوشة اول يوم تاني يوم وضحت الصورة عندي وصرت شوف احسن من قبل بس عيوني بتوجعني

الدكتور: شنوو سبب تصرفهم  هذا وهل كانوا يستخدموا مع الكل

_لا ... بس الي يحسوها ما رح تستسلم الهم وتعبهم يعملوا فيها هيك يتعبوها جسدياً ونفسياً لـحتى تستسلم وترضى بالـي يعملوا فيها وانا كنت منهن

الدكتور : طيب هذه الحبوب الي كانوا يعطوها الج نفسهم الي انتي ادمنتي عليهم

_لا مالهن هن الحبوب الي ادمنت عليهم فارس علمني عليهن

الدكتور :نكدر نترك ماضيج ويا الاسر وننتقل لـفارس شلون وصلج وشنو الي عشتي ويا لو ما مستعدة

تنفست بـقوة ورفعت رجلها لـصدرها وحظنت نفسها وهزت رأسها بـلا عدة مرات قدملها الدكتور ماء وكاللها
_تمام اهدي ما اجبرج على شيء انتي مو مستعدة اله
عندي سؤال ثاني

_تفضل

_الي دتحجي هسه الي عندج استعداد تحجي لـدكتور موج

_مستحيل لااا انا منك خجلانه ومالي قادرة كفي حكي كيف بدي احكيلوا لـموج كيف بدي اطلع في وقلو كيف انآسرت وانهت وانذليت

نزلت رأسها وكملت بأسى
_كيف اغتصبت

بجت وكملت كلامها بـترجي
_دكتور اعتبرني بنتك اختك اي شيء الله يخليك اكذب ع موج وقلو صارت منيحه خلي يبطل يجيبني لـعندك مافي انا مالي علاج ومالي امل كفي حياتي 

قاطعها بإصرار
_تكدرين آوج تكدرين بـحب دكتور موج الج وإصرار لـعلاجج وتمسكه بيج راح تكدرين لو تعرفين شكد اتمنى كل المرضى عندهم مثل دكتور موج كان كلهم تشافوا بدون ما يحتاجون طبيب نفسي

_مافي انا خجلانه من نفسي كيف بدي احكيلك وما اخجل منك

الدكتور : اذا على موضوج الخجل ف انا اتفقت ويا دكتورة وهي راح تابع وياج باقي الجلسات اذا تحسين باقي الاحداث حساسه

_طيب شو لازمه اني اتذكر اكتبلي شيء علاج وخليني اخذوا وانسى وكمل حياتي مو انت بدك اني كفي حياتي اعطيني علاج يخليني اعمل هيك بدون ما احكي

الدكتور : خطأ مواجهه الألم هي الي تخليج تتعالجين منه مو الهروب .... لما كنتي تتعاطين فينثيدلين نسيتي

_لا بس كنت عيش بـعالم تاني

الدكتور :ولما تتركي او يتأخر الموعد

_اذكر

الدكتور :اذن العقاقير الطبيه هي مو علاج هي بنج لـعقلج شيء مؤقت ما تسبب شيء غير الادمان

ماجاوبته شيء
الدكتور : إنشاءالله المراجعه القادمه تكون مع دكتورتج الجديدة واتمنى تكونين مرتاحه وياها بالـعلاج والاهم من هذا اريدج تكونين عند ثقه دكتور موج بيج وثقتي أيضاً

_تمام شكراً

روان : موج شلون متحمل تسمع كل الي تسمعه وتشوفه من جلسات آوج

موج: تعودت

روان :مع ذلك مو هذا الشيء الي خلاك تنهار مو

موج:شيء اعمق واكبر من طاقتي

روان: الله كريم ربي يريح بالك ويبرد گلبك

سحب رأسي باسه وحجه بـهدوء وهو يمسح على كفي
_لا تفكرين حـنسى موضوع زياد او اتغاضى عنه بس شوية عقلي يهدء وارجع ادور على اسمه بالـمكاتب الي مختصه بـهذه الشغلات

_لا موج لا تشغل بالك وتعب نفسك بـغيرك المهم عندي تكون بخير وما تضغط على نفسك أكثر من الضغط الي انت عايش بي اترك موضوع زياد هسه واهتم بـصحتك وبس

_لا تخافين على صحتي لـهسه الدنيا ماشبعت دك على رأسي حتى ربي يأخذ امانته وارتاح

_بعدك بـعز شبابك بعد وكت على هذا الحجي لـهسه ماشفتك سعيد من كُل گلبك ولا شفت ثمرة تعبك وحبك لأوج بين ايدك

_الظاهر عمري كله رح اضل بـحسرة هالـثمرة

_صدكني كل شيء واله حل عمري كله ما شفتك هيج بائس وحزين مو انت الي تنطينا طاقه ايجابيه وتعلمنا الصبر والتفائل وينك لعد

ماجاوبني كمت من يمه وتركته بـراحته مر اليوم بدون احداث جنت نايمه على السرير ونفس كل يوم اكون سهرانه على صورة زياد واحجي ويا واكتبلة اندكت باب غرفتي دخلت آوج
_عندك وقت

_تعالي .... شنو صاير

_موج لـهلق ما شفتو طول اليوم كان خارج البيت ومن لما رجع هو بالـحديقة

_نزلي احجي ويا

_مالي عين

_الى متى لازم تتواجهون

_بـخاف لو كان بدو نحكي ما يهرب مني هيك

كمت من الفراش وتوجهت للـشباك شفته كاعد ويدخن كتلها
_امشي نزليله واحجي ويا وصححو الي صار

برأيك يوافق ويتقبلني مرة تانية

_اوج لا تغشمين نفسج .... موج ما عنده غيرج

ضلت حايرة وما جاوبت سحبت ايدها ونزلنا سوا على أساس ما ندري بـوجودة تقربنا ناحيته جان يردد بـشعر ويا الفيديو ومندمج
_هل يا ترى ... لو مُت انسى ما جرى
هل يا ترى ... لو كان عندي غيركم قلبي اليكم ما سرى
هل يا ترى... يحتاج مني كرهكم قلباً قوياً ثائراً متمرداً متجمرا ...هاا قد افاقت اجفني والدمع منها قد جرى

اختنك صوته وكمل
_والدنيا ضاكت والنفس باقي على كد الحسرة
فرحان داويت الغصن ثاري المرض بالـشجرة
امست جروحي معطفاً واحتل لوني نزفها
والحزن بي قيثارةً يبكي جماداً عزفها
صارحتكم بـمشاعري وازداد فيكم صدها
لو كان فيها كذباً ما كان منكم ردها
مو صوجكم طبع البشر يرتاح للي يغدره

نزلت دموعي واوج تقربت عليه وصرخت
_لا مووووج والله العظيم ماغدرتك والله ما كنت بـوعي ولا كنت حاسه بـحجم الخطأ الي مرتكبتوا كل همي كان اني انسى صوت ابني وبكائو وهو استغل هالـشيء علمني ع الحبوب والمخدرات وصار يساومني بيهن ما كان فيني ما كان فيني اتحمل غير اني اخضعلوا لـحتى اخذ الحبوب كنت وافق ن....

قبل لا تكمل الكلمه هجم عليها وسد حلكها بـمعصمه وكال
_اسكتييي كافي عاد لا تضلين تحجين بالـموضوع

عرفته مو حابب اعرف باقي التفاصيل تركتهم يحلون مشاكلهم ودخلت لـجوة لاكاني بابا اشرلي اروح يمه كعدت بـصفه
_أامر حبيبي

_ما يأمر عليج ظالم حبيبه گلبي .... عندي الج خبر

_زياد

_انشالله نسمع عنه شيء بس الخبر يخص موضوع ثاني

نزلت رأسي بـقهر واختنكت بالـنفس
_ماكو شيء يشغل بالي وتفكيري غيره

_اسمعيني اول وبعدها حكمي

_كول حبيبي

_لكيتلج وظيفة وبـمكان راقي ومميز

_صدك والله وين

_معهد تعليم لغة حـتكونين استاذة وها بـراتب احسن من راتبج القديم

_خايفة ارجع اخيب ظنك واتركها

طبطب على كفي وكال
_لا انا كلي ثقة بيج حـتحبين المكان وتتمسكين بي

_حبيبي الله لا يحرمني منك ولا من حنيتك

_وانا ربي لا يحرمني من هالـدعوة الحلوى ولا من شوفتج مرتاحه

_شوكت المباشرة

_السبت

_يعني مو هواي بعد

_صح ماعندج وقت تجهزين حالج بس باجر

_اجهز ! لا بابا ماعندي اي نقص

_انتظريني هنا

كام من مكانه وتوجهه لـغرفته شويه وطلع بيده ظرف كعد مقابيلي و كال
_هذا مبلغ بسيط تجهزين نفسج بي وما اقبل اي اعتراض

_بابا والله مو محتاجه بعدين انت تقاعدك قليل وضيف عليه مرضك وعلاجك يحتاج كومه مصاريف ماقبل بـهذا الشيء منك ابداً

_راح تزعليني منج وهواي هم اخذي وبدون نقاش

نزلت رأسي خجلانه منه اخذت الظرف و فتحته ورجعت باوعتله بـدهشه
_كل هذا حتى اجهز لـدوامي لا بابا مستحيل اقبل

خزرني وصاح
_روووان

تقربت بسته من رأسه وهمست
_ربي لا يحرمني منك ويبرد گلبك

_امين يارب ربي يرزقج السعادة وراحه البال .... باجر ارجع من المحل الكاج مجهزة كل شيء واريد تشوفيني قطعه قطعه

_تمام

صعدت فرحانه بالي قدمه الي وحبيت اهتمامه بيه اكثر واكثر رحت لـرحيق دكيت الباب انتظرتها تكول تفضلي ماجاوبت فتحته اشوفها يمكن نايمه كاعدة مقابيل المرايا ودموعها على خدها حست بـوجودي دارت وجهاا للجهه المعاكسه الي ومسحت دموعها وهمست بـصوت متجرح
_فوتي روان

تقربت عليها اخذت وجهه بين ايدي وسئلتها
_شنو صاير رحيق

_ولا شيء بس تذكرت بابا

باوعت للـميز ولفت انتباهي شريط تيست حمل انتبهت عليه وسحبته بـسرعة ووكعته بالارض وكالت
_احجي شنو عندج

_رحيق صاير وياج شيء

رجعت بجت بـجزع
_بـعمري ما رح اصير ام ولا افرح سطام

_شنو الصاير رحيق

_من شهور واحنا اتفقنا نسوي طفل راجعت دكتورة وخبرتني بـصعوبة الحمل وبديت اخذ علاج بس سطام ما يعرف بـهذا الشيء كايلتله كل شيء تمام وهو كل ظنه هو السبب بالـتاخير

_وبعدين

_الدكتورة كالت اذا هذا الشهر ماصار حمل العلاج ما ينحل الا بـعمليه جراحيه واني ما اعرف شلون أصلاً اصارح سطام بهل موضوع

_اوووف خطأ تصرفج خطأ رحيق شلون تضمين هيج موضوع عنه ومن حسيتي باليأس يلا نويتي تخبري

_ما اعرف شلون رح افاتحه ولا اعرف شنو اكله

قطع كلامها دخول سطام بـهجوميه رفعها من ايدها وصرخ بـوجهه
_لـشوكت جنتي ناويه تضمين عليه

ماجاوبته صرخ
_احجي كل هالـوقت موهمتني بـشيء والواقع شيء ثاني

_ما جان بـخاطري اضم عنك هالـموضوع بس ماكدرت اأيسك جنت متفائلة بـيوم من الايام رح اصير حامل وافرحك

_وتضمين عليه وتستغفليني عاشت ايدج ونعم منج ومن تربيتج واصلج

انتفضت بـقوة وصرخت
_احترم نفسك سطااام ولا تجاووز مترباية احسن تربية واصلي تاج على رأس الي يفكر يجيبه بالـعاطل ضميت عنك الموضوع ماردت اجرحك ولا ازعجك بس الظاهر خطأت يوم فكرت بيك وحملت طاقتي وتفكيري الموضوع وحدي جان المفروض اجي وانكد واذم حظي العاثر كدامك

_لا تبررين فعلج الشنيع بـفعل اقبح منه اصلاً شنوو الشيء الصح الي مسويتة بـحياتج من اليوم الي دخلتلها وانا مو بـعينج ولا ماخذتني بـعين الاعتبار من اول يوم وانتي تتصرفين من كيفج وعايشه على هواج

_كل هذا بـكلبك عليه كل هذا لان زواجنا جان مدبر وماعرفتك قبل يوم العرس .....هههه حقك متعلم ما تزوج الا صاحبات سوابق

_هههههه صاحبات سوابق على الاقل يلعبن على المكشوف مو مثلج متخباية بين ثيابج 

_شنو الي تحجي انت سطااام بديت تجاوز واني ابداً ما اقبل تحجي وياي بـهذه الطريقة الهمجية الافضل تطلع منا حتى لا تسمع مني كلام جارح

باوعلي بـغل وحقد وكال بـهجومية أكثر
_ما اطلع اذا مو عاجبج انتي طلعي تندلين بيت ابوج وين

تقربت عليه وهمست بإذنه بـحقارة
_وانت تندل الزبالة الي تلمك مكانها وين

باوعت عليه من فوك لـجوا ورجعت كتله
_روحلها وخل تخلفلك هي طفل من امثالك وامثالها

تركته وطلعت للـخارج سبقني وسحبني بـقوة وضربني راشدي لزمت وجهي ورفعت اصبعي اهدده
_المرة الثانية اذا فكرت مجرد تفكير تمد ايدك عليه ما تلوم الا نفسك

دفعته من كدامي دخلت الغرفة فتحت الكنتور وصرت اشيل بـملابسي واحط بالـجنطه رحت للـميز اخذت كل أغراضي الي احتاجهم وسديتها وطلعت لزمني من ايدي بالـباب وكال بـهدوء
_اسف رحيق ما كان قصدي امد ايدي عليج دخلي نتفاهم

_ما عاش ولا صار الي يمد ايدة عليه ابويه ما خلفني ورباني حتى تجي انت تمد ايدك عليه وتهيني انسى اني زوجتك ولا تفكر تصيرلي رجال مرة ثانية

تركته ونزلت لاكتني امه كالت
_خير رحيق وين

_رايحه لـبيت ابوية

_شنو الصاير يمه شبيكم

بعدها عني سطام ولزمني من اكتافي
_اسف رحيق ما اعرف شلون ماكدرت امسك اعصابي عنج وانتي بعد ما قصرتي

_بعد ايدك عني سطام الموضوع انتهى بينا

توجهه للـباب قفلها وكال
_ماكو طلعه منا

_ماتكدر تجبرني ابقى وياك وخرر من كدامي وخليني اطلع

على صوتنا تجمع الكل وصار يسئل شنو صاير جاوبهم
_موضوع خاص بيني وبينها ومن خلاله صار سوء فهم وانا تجاوزت عليها

_لا سطاام كوللهم الحقيقه وخل يعرفون ... اني ما اكدر اخ.....

ماخلاني اكمل هجم عليه وسد حلكي بيده وسحبني لـفوك صرنا نتدافع اني ويا هو يريد يدخلني الغرفه واني اريد اطلع دفعني من صدري بـقوة للـغرفة وصاح بيه
_شبيج تخبلتي اهدأي حتى نتفاهم

صرخت
_بـشنوو نتفاهم هااا بـشنوو بـكلامك الجارح الي وكرهك المدفون بـداخلك لو بـتجاوزك وتطريدك الي وضربك بـشنووو

_اسفف والله العظيم اسف غلطت وتجاوزت اعترف وانا اعتذرلج على كل شيء بدر مني تعاملت وياج بـحيونه انا جحش وحمار سامحيني

_مستحيل .... افتح الباب اريد اروح لاهلي

_انا كل اهلج رحيق لا تبعدين عني

_بـعمرهم الاهل ما يكسرون بـبنتهم ولا يطعنوها ويطلعوها مخادعة ..... انت جرحتني سطام وجرحك عميق وما كنت متوقعته ابد

نزلت دمعتي ومسحتها قبل لا يشوفها وكملت كلامي
_توقعتك تساندني وتوكف وياي وتكلي ولا يهمج الموضوع ردت اسمع كلمه انا وياج منك بس انت كسرتني

شهكت عفته ودخلت الحمام صارت دموعي تنزل حتى لو اني قوية وحتى لو اني ما ابجي وما اضعف وعلى كوله الكل گلبج ميت وعديمه الاحساس بس هذا الموضوع كلش يكسرني وكلش يأذيني

دك الباب اكثر من مرة عليه يريدني افتحها واني ما اهتمله سمعته فتح باب الغرفه وسدها بـقوة مرت ثواني وطلعت ما جان موجود غيرت ملابسي ونمت على السرير بـدون واهس للـحياة صار الليل وهو ماكو واني ما اهتميت تركته

فجأة تغييرت كل علاقتنا وحسيت عمرنا ما رح نتوافق ولا نكون زوجين ناجحين الفرق الي بينا دائماً هو اقوى مني ومنه وطريقة زواجنا الاجبارية اقوى بأضعاف من العلاقة الي رسمناها

رأسي صار يوجعني واحس عقلي تعب من التفكير كمت من مكاني ونزلت للـمطبخ فتحت علبة الاسعافات واخذت مهدء شافتني عمه كالتلي
_شنو صاير وين راح سطام

رفعتلها اكتافي بـعدم مبالاة رجعت حجت
_الموضوع يخص الاطفال مو

رجعت التفتت عليها
_حتى لو الموضوع يخص الاطفال فـ هذا شيء خاص بينا ماتكدرين تدخلين بي

_اي صحيح ما ادخل .... سمعيني رحيق اذا هذه الشهر ما صار حمل اني ازوجه لـسطام شكد يصير عمره وهو ماعندة طفل واحد

_اذن دوريله على عروس من هسه ...... ماكو داعي تنتظرين شهر كامل لان اني مايصير عندي

ضربت خدها وصرخت
_صدككك ولج ليشش مايصير ومن شوكت تعرفين

_قبل فترة عرفت واخذت علاج ما فاد

نزلت رأسي وهمست
_تحتاجين شيء

لزمتني من اكتافي ومسحت عليهن وكالت
_انا اعتذر ما جان قصدي احجي وياج هيج عبالي تتهزلين وياي وتعانديني

_لا تهتمين شنو شفت من زوجي حتى اتوقع غيره منج

_ليش شنو سوا وياج هالاغم

_عادي شويه تلاسنا لا تهتمين

صعدت فوك حسيت بـنعس راساً نمت كعدت الصبح عطر سطام بـخشمي فتحت عيوني لكيته كاعد كدامي باوعتله ورجعت غمضت نعسانه

بعد مرور وقت حسيت عليه وهو حاظني ونايم بـصفي وخرت ايدة فتح عيونه وهمس
_بـروح ابوج انسي الصار وانطيني فرصة ثانية تخليني اكفر عن ذنبي وياج

ماجاوبته تقرب اكثر وشمني بـقوة وكال
_رحيق تدرين بيه ما اكدر اعيش ولا يومي يمر بـدونج
ولج انا اذا اروح للـدوام اضل مخابرج واكضي وقت الدوام وياج ... ارجع للـبيت متلهف على شوفتج .... عيوني ما تغمض بالـيل الا وانا بـحظنج اعترف انا جحش وحيوان ومااعرف اتصرف بس لا تبعديني عنج هيج

_امك عرفت بالـموضوع وما اتوقع منها حـتعدي صح واستني بس اني اعرفها وحافظتها متعطشه لـشوفه اطفالك وهذا حقها

_يعني شنوو

_خلصت حكايتنا سطام واجه الوقت الي ننهي زواجنا الفاشل

_رجعي نامي احسن النعس بعده بـعيونج وصرتي ماتعرفين تحجين

_سطام الوقت مو وقت مزح وضحك اني داحجي جد

_شبيج بابا تخبلتي شنو الجد الي بـحجيج

_اجه الوقت الي كل واحد بينا يرجع لـمكانه اني ارجع لـبيت ابويه وانت ارجع لـحياتك يمكن يحالفك الحظ هذه المرة وتتزوج حبيبه قلبك

باوعلي بأسف وكام من مكانه طلع من الغرفه نزلت دموعي ومسحتهن رجع دخل وكف كدامي وكال
_بـروح امج وابوج هسه انتي جاي تحجين بـكل جدية لو مجرد تستفزيني حتى تعرفين شكد احبج

صفنت عليه ثواني وجاوبته
_لا داحجي بـكل جدية واطلب منك بـرجاء واحترام خل ننفصل بـهدوء وبدون مشاكل وتعب

كعد مقابيلي وكال
_والله العظيم وحق كتاب الله بـعمري ما حبيت ولا رح احب غيرج انا اعترف جانت حياتي تافهه ومليانه بنات وعربدة بس ولا يوم حسيت بـگلبي دك لـغيرج ولا ممكن يدك

رفع رأسي
_رحيق احبج واحب وجودج بـحياتي أصلاً حياتي جانت عدم من ما جنتِ بيها انسي موضوع الاطفال وانسي كل الكلام الي كلنا لـبعضنا وخلينا نكمل من وين ما وكفنا

_انا ما رايد وجود الاطفال بـحياتي بكد ما رايدج

_بس هو اكو علاج

_قصدج عمليه

_اي

_حابه تسويها

نزلت دموعي وحجيت
_كلش سطام هذا اخر امل عندي ..... اعترف اني انانيه واستفزازية وأدركت خطأي من خبيت عليك الموضوع بس جان عندي امل اتعالج وافرحك بـخبر حملي

حظني ومسح على رأسي من ورا وصار يحجي وياي بـهدوء
_مو مشكله انا مسامحج وانتي هم سامحيني وموضوع الاطفال رح نحله ورح تتعالجين ويصير عندنا بنيه تشبهج بـكل شيء

_بس اني اريد ولد يشبهك ويشبهه حنيتك بس ما يشبهه عصبيتك

_وانا ماريدها تشبهه تسرعج ولسانج الفالت

ضربته على صدرة وصحت
_بديت تطلع العيوب اي بلا كول شنو بعد

ضحك واحتضني
_كل شيء حلو بيج حتى خبالاتج حلوة

_اهووو اروح لـبيت اهلي اني

_اموتج والله بس ترحين ارجع للـماضي مالتي

_ممممم ... تلكه الحبايب كلها مشتاقاتلك بحيث اول ما تفوت كلهن يتجمعن عليك ويغنلك اصيل ابن محمد

_هههههههههههههههههههههه

_سطام لو لو افترقنا من صدك ترجع لـماضيك

_اي ارجع 

_اموتك والله

_اذن لا تعوفيني .... انا تبت على ايدج

_كدامك شيخه ومادري بـروحي

_انتي توبتي النصوحه

_وانت ذنبي الي عشكته

مر اليوم وباقي الايام عادي وبس صار وقت مراجعتي رحنا اني وسطام لـدكتورتي والتقينا بيها وحجينا عن موضوع العملية ..... طبعاً سطام ماقتنع بـكلامها وكال انها مبالغة وتريد بس تقبض من عندنا فلوس

رجعنا للـبيت نتناكر صعدت الغرفة وانفجرت ماكدرت اسكت اكثر
_هسه انت شنو الي ما قنعك بـكلامها

_كلها ماقتنعت بيها كلامها سلبي وكله تهبط بـمعنوياتنا كأنها ناسية اكو ارادة رب العالمين تفوق إرادتها وإرادة اطباء الكون كله

_حبيبي هي لو اكو علاج واكو امل ما تكون مُصرة على العملية بس هي دتكول الامل الموجود بـحالتي صفر بالميه

_خل نراجع وحدة غيرها نتأكد اكثر من مكان اذا تطابق الكلام مع كلامها انا بـيدي ارجعج الها واخليها تجري عمليتج

_اوف يا سطام اوف مُصر انك تجرحني وتحسسني بـنقص لـمجرد ما ترضي غرورك ولا على بالك هالـموضوع شكد حساس ويجرحني ويازم نفسيتي

_هسه انا صرت مغرور .... انا كل همي ما اذبج على الموت بـسهولة وما اخاطر بـصحتج وانتي تكلين ترضي غرورك عن اي غرور تحجين

_تصرفك كأنك تفهم بـكل شيء وعارف وحافظ امور الحياة كلها حتى الشغلات النسائية

_اذا الموضوع يتعلق بـحبيبة عُمري ادخل وياج حتى بالـمعاينه والفحص

_معتوووههه تسويها

تقرب عليه اخذ رأسي بين ايده ومسح على شعري وهمس بـحنية طاغية على شكله الرجولي وصوته الخشن
_صدكيني رحيق انتي بـحياتي هواي مهمه كل شيء بيج يعنيلي وانا واثق بيج رح تنجحين بـهذه المرحله مثل ما نجحتي بأمور حياتج كُلها ورح تكونين احلى أم

_كلامك يطمني ويهون عليه بس لا تباوعلي بـنظرة شفقة وعطف ارجوك

_ابد انا نظراتي الج بـدافع الحُب

رجعت رأسي على صدره وطمنت گلبي حتى لو ما نجحت لـحتى اصير أم عندي زوج اهم شيء عنده وجودي بـحياته ....من يومها بدت مضايقات عمتي تبدي خاصه بعد ماسمعت تهاونا عن العلاج وبطلنا نراجع

صارت كل ما تشوفنا كاعدين تبدي تذم حظها وحظ اولادها كأنه احنا لعنه ودخلنا حياتهم مرة تكول انا حظي وحظ ولدي عاثر لا بيهم الي تزوج وارتاح ولا بيهم الي صار عنده طفل ولا بيهم الي عايش بين اهله واخوانه

_واحد ماخذله مجنونه والثاني زوجته عاكر والثالث مادري وين اراضيه ...... يا يمهه تعالي وشوفي حظ بنتج المسعدة فرحانه عندي اربع ولدد اويلي ربي لو ناطيني بنات جان زوجتهن وخلصت من همهن احسن من هالـهم الي شايلته

طبعاً هي تحجي واحنا ابد ولا مهتمين لـكلامها كاعدين ثلاثتنا كدامها نريدها تخجل منه او تكول ما اجرحهن بس للأسف هي عديمه الاحساس والمشاعر
اشرت لأوج حتى نصعد لان شفتها بدت تشد بـيدها وبين على وجها ملامح الغضب

كامت من مكانها وتوجهت للـدرج صاحتلها عمه
_هاا اجه وقت تأخذين جرعه المخدرات وكمتي منا

التفتت عليها آوج وملامحها كلها غضب وصرخت
_اصحككككك بـيوووووم تعيدي هل كلمه مراااا تانيااا اصحككككك

_خوفتيني ولجج هم الج عين وتحجين الله اعلم من يا ملهه جابج موج وخلاج بيتي

اخذت آوج التحفيه الي جانت بـصفها وضربتها بالارض وصرخت
_كنتتتتتت مخطووووفةة كم مرة عيدها عليكِ كنتتتت مخطوووفة

_كذذذذابة لا جنتِ مخطوووفة ولا شيء ابني الي انخطف وتعذب بسببج

_واناااا كمان تعذبتتتتت وانا كماااان اغتصبتتتتتت وانضربتتت وانهنتتتتتتت

_مااااا اصدكجججج ابد لا تحاولين تكسبين عاطفتي الي تخطف رجال من خطيبته وتزوج بالـسر وبدون علم اهلها ما اصدكها ولا ممكن اتقبل وجودها بـحياة ابني

صرخت آوج وهي تتقدم اتجاهه وتحذرها
_لا تجيبي طااااري اهلي ع لسانككك أنا بـحذركككك

_طبعاً ما ترضين نجيب طاريهم حتى لا تذكرين عملتج السودة بـحقهم لجججج شلون الج عين تباعين بـوجهنا بـكل صلافة وعين قوية اهلج ماتوا وانتي مستغفلتهم وخاشه بـعينهم احجي كم مرة نمتي ويا ابني ورجعتيلهم نص اليل بـحجه جنتي بالـشغل

وكعت آوج بالارض منهارة وصرخت بـجزع
_بـعمري ما استغفلتهم ولا خطأت بـحقهم بـعمري ما تجاوزت حدودي وندست سمعتهم .... انا رضيت اتزوج موج بالـسر بس لـحتى نكون مع بعض بالـحلال

تقربت كدامها وحجت بـغل وكلماتها هذه جانت كفيلة تخلي آوج تنهار تماماً
_وحدة مثلج تتعاطى مخدرات وسنين ما يعرفون بـحظن منو نامت ووين جانت ما تعرف الحلال والحرام ولا تفرق بينهم

رفعت رأسها آوج وكأنه كل ذكرياتها المؤلمة عصفت على عقلها وصارت بين عيونها صرخت بأعلى صوتها وانتفضت بـقوة وصارت كل شيء يجي بـيدها تكسره
_اخرررررررسييييي لا تحكيييي معي هيكككك لا تجيبي طارررري الماضي مااااا نمت مع حدااااااا برضاتي انا اغتصبتتتتتت اغتصبتتتتتت

صارت تشيل بالاغراض وتشمر ما اعرف منين اجتها القوة حتى تخم القنفات دفعته بعيد حاولنا اني وروان نسيطر عليها بس ما كدرنا حتى النا ضربتنا اخذت الموبايل بـسرعة واتصلت بـموج جاوبني
_رحيق خير

_الحككك موج آوج تخبلت وبيدها سكين تريد تنحر روحها

_ليشششش شنووو الصار رحيقققق انااااا جاي عوفوها لحد يحجي وياها ابدددد ولا تباوعلها حتى

_لكككك امكككك خبلتهااا لحد هالـلحظه تكلها الي عاشت مثلج طعم للانجاس المفروض تنتحر من زمان

_خررررببببب بالـك....د امييييييي تريددددد اموووت روحي واخلص منها افتحيييي سبيكرررر خل تسمعععععني

رحت لأوج صرخت
_لا تقرررربي رحيق والله العظيم انحرررر حالي هللللق لا تقربي

_موج موج يريد يحجي وياج

موج :آوججج حبيبيتي عيوني انتِ لا تسوين شيء اسمعيني انا جاي واخذج منا بس لا تاذين نفسج

بجت وصرخت
_امككككك موووج تعيررررني تقلللي كنتي طعم للانجاس تقللللي كم واحد ناااام معك امككككك ما تصدق الي عشتوا وتتهمنيييي موووج بديييي موت حالي واخلص من هالـكلام الي اسمعوا منها ومن حالي ما فيي عيش بهل قذارة

موج :اووووج اسمعيني وركزي وياي لا تسوين بـروحج شيء اوج اموووووت وراججججج والله العظيم اقتل روححححي وراج آوج تركي السكين من ايدج

ما سمعتله حجه وياي
_رحيق نطيني امي

_جاي تسمعك

موج :يمااااااا تكووووومين من كددددام آوج وتدخلين غرفتجججج ماريدها تلمححح ظلج وتقفلين عليج الباب اقسممممم بالله اذا صار بيها شيء احرررررك روحيييي واحرررركم ويايييييي فهمتيييييي احررررركككككم كلكم

فصل الخط صارت تبلع ريكها بـصعوبة وتباوع لاوج واوج كل ما تباوعلها تصرخ وتضغط على ركبتتا اكثر عافتنا ودخلت غرفتها حاولنا انا وروان نهديها ماكو فايدة ردت ارتب الهوسة الي صارت روان كالت لا عوفي خل يجون ويشوفون الي سببته امهم ويلكولنا حل

دقائق وانفتحت الباب ودخل موج يلهث شافته آوج صرخت ببـكاء جاوبها بـهدوء وهو يتقدم عليها
_حبيبتي وروحي اهدأي انا جيتتتت واخذ حقج من الي وصلج لهل حاله بس اتركي السكين

_ما عاد في موج خليني موت وارتاح خليني روح لـعند اهلي التقي فيهن واحكيلهن اديش تعذبت ببـعدهم عني خليني اطلب المغفرة والمسامحه منهن عسا ولعل ارتاح بالاخرى خليني التقي بابني

ختمت كلامها ببـكاء جاوبها ودموعه تنزل
_وانااا تتركيني

_ماقدمتلك غير الوجع والمصائب ارتاح مني موج بس قبلها احكيلي انك مسامحني ع كل شيء احكيلي اني اذا متتت انت مسامحني موووج كل شيء صار وعملتو غصب عني والله العظيم

_اذا تموتين ما اسامحج طول عمري ولا ازورج بـقبرج اذا تنحرين روحج هسه معناها نحرتي گلبي وروحي وياج

اجهشت بالـبكاء ووكعت السكين من ايدها راحلها موج بـركضه واحتضنها بـكل قوته وضمها بـنص اضلعه الكل صار بالـبيت وعلى ملامحهم اثار الصدمه من الخبر الظاهر موج مخبرهم وجاين للـبيت

اخذها من ايدها بـهدوء وصعدها فوك بعد ما أشر لـروان تحضرله ابرة المهدء كعد عمي وسطام وياسين يتسائلون شنو الصار همست بـتعب حيلي مهدود
_خل ينزل موج ونحجي كل شيء كدامه

سئلني عمو
_امكم وين

_بالغرفه فاتت قبل لا يجي موج

_هي سبب المشكله الصارت مو

_للاسف اي..... عمو انت عزيز على گلبي وبـمثابة والدي الله يرحمه وانا متأكدة احنا بعد معزتنا من معزة روان بس اليوم الي صار ما تستاهله آوج وكلنا ما نستاهل الكلام الي سمعناه من عمتي

سطام :رحيق

غمزلي حتى لا احجي اكثر لان عمو تعبان جاوبه عمو
_خلها تحجي لا تقاطعها لازم نحط النقط على الحروف ونحل مشكله امك وياهن

رحيق : عمو والله مو قصدي انقل كلام لو اسبب مشاكل فوك مشاكلنا بس لازم تعرف كل الي صار حتى تصرف صح وما تظلم احد

بعد دقائق نزل موج وتبعته روان رفع كرسي من الارض وكعد عليه رأسه بين ايده ورجله تهتز بـتوتر كلنا مقهورين عليه وكلنا نعرف آوج ممكن تنحر روحها بـكل بساطه

رفع رأسه سحب نفس وهمس بـتعب ودموع تلالي بـعينه
_لو نحرت روحها وما ملحك عليها انا ربحي بـمنو ..... لو ما اقتنعت بـكلامي ونحرت روحها كدامي وماتتت جان شـسويت

_احد يحجيلي هسه ويجاوبني شنووو الي جنته هذه البنيه وهيج امي كارهتها شنووو ذنبها اذا الدنيا بنت كلب ولطشت بيها هنا وهنا شنووو ذنبها اذا انآسرت واغتصبت و....

اختنك صوته والشهكه طلعت من نص گلبه وصرخ
_ويننننن اخذها واهجججج وينننن رحتتتتت وطلعت صرتوا تخابروني وتتوسلون بيه ارجععع وهي بكل براءة انقهرررت عليكم وكالت خلاص خلينا نرجع وياهم ابوك واخوانك مايكدرون بدونك ورجعنا وامي تعهدت كدامكم ما ترجع تتقارش وياها بس شنوو الصار اليوم آوج رادت تنتحر وامي هي السبب

راح لـغرفه امه دك الباب وصاح
_طلعييييي يمه وخليني افهممم مشكلتج ويا منو بالـضبط طلعي وفهميني حقدج وغلج منها شنو سببه

الكل جان ساكت وما حجه ولا حرف ويا تركوا بـراحته يحجي ويصرخ فتحت الباب عمتي وطلعت جاوبته
_من البدايه انااا كتلك ما اريدها وما جنت راضيه عنها عفت خطيبتك علمودها ورحت وراها للـموت سنين انا اكعد بالـباب مناطرة ردتك الي وانت جنت هناااك يمهااا تتعذب وتنضرب وتنهان بـسببها كل هذا وتكلي ليش تكرهيها ليش انت شنوو شفت وياها حتى احبها وحدة صايعه دايحه رضيت تزوجك وسلمتك نفسها بدون علم اهلها وبعدها صارت بيد الانجاس لـعبوا بيها لعب وشبعوا منها وذبوها عليك مدمنه مخدرات

صرخ موج بـكل علو صوته يسكتها وهو يضرب الباب بـكل قوته
_سكككككككككككككككتييييييييييي كااااااااااااافيييييي لهنااااااا وبسسسسسس بسسسسسسسسسس انتيييييي شنو فهميييينننني انتي امممم لو عدووووةةةةةة فهمينننيييي انتييييي اممممممممم

يحجي ويضرب بالباب لحد ما نخلعت من مكانها صوته تجرح حاوطوا الولد وسحبوا كعدوا وهو بعده يحجي وصوته رايح
_اناااا احاول انسيها الي عاشته وانتي ترجعين تعيدي عليها انااا احاول امحي اللحظات هذه من عقلها وانتي كل فرصه الج ترجعيها للـماضي گلبج شنوووو بي صخخخخررررر ماااا يحسسسس ما يحسسسس بالـجحيم الي جانت عايشه بي ما يحس بالألم الي تذوقته وبالـمر الي جرعته 

ايده تنزف وراسه انجرح من ضرب الباب خشمه طك دم روان ركضت صعدت فوك جابت علاجه وانا جبتله جهاز الضغط كعدت مقابيله وهمست
_موج اهدء اذا مو لـخاطر نفسك لـخاطر آوج لو صار بيك شيء منو الها

سحب نفس ودموعه نزلت وهمس بـقهر يحجي ودموعه تهل
_من خطبت فريال ما جنت رايدها خطبتها لـخاطركم لـخاطر مصالحكم كلت مع الايام احبها واتعلق بيها ثلاث سنوات احنا مخطوبين وما دخلت گلبي مو بيدي شكد حاولت لكن عبث

_بالـيوم الي شفت بي آوج حسيت بالـحب الي جنت مفتقدة يابه انت مو تكول وين ما تلكون الحب تمسكوا بي هذا كلامك لو انا خطأن علمتنا نعيش بحب علمتنا نتمسك بي بس من نريد نطبق هالـكلام توكفون بـوجهنا كلنا وكفتوا عثرة كدام طريقنا كلنا تخلينا عن حبنا بـسببكم

_بالـوقت الي روان تزوجت حتى تمنعك من انه تتبرى من زياد وبالـوقت الي سطام قبل يتزوج رحيق انا وكفت بـوجهكم وتركت كل القواعد الي حطيتوها النا وتجبرونا نمشي عليها ركضت وهربت لـحب حياتي بس وين هييي جاااانت بيد الحقراء الكلاب جاااانت تعانننني وتموت كل يوم الف موته بسببي لو ماااا تاركها بـذاك اليوم جااان ما صار بيها شيء

_الي عشته انا والي عاشته آوج بركبتكم عذاااابي وألمي منججج يمه مووو منهااا انتي السببب انتي الي جبرتيني اعوفها واتزوج فريال ويمكن لو ما تركت العرس بـذاك اليوم جان هي لحد الان بـيدهم

_بـعمري ما اسامحكم ولا اسامح روحي على الي وصلنا الها كلنا مشتركيييين بـعذابها انا وانتي وابويه والكل ........  من اليوم انسي عندج ولد اسمه موج من اليوم طلعوني من حياتكم وعلكوا القطعه السودة باب البيت انا متتتت لا تفكرون ولا تحاولون تشوفوني او اشوفكم بعد هاللـحظه خسرتها مرة ما مستعد اخسرها مرة ثانيه ولـنفس السبب

تركنا وصعد فوك مر الوقت واحنا نرتب البيت انا وروان وياسين وسطام ويانا بكل هدوء وما حجينا حرف عمو صعد ضغطه ودخل غرفته ينام وعمتي كاعدة بالـمطبخ قطع الصمت سؤال روان
_يعني موج رح يطلع من البيت ويتركنا للأبد

باوعلها سطام وهو ما يخلي عينه بـعيني يمكن يفكر تأثرت بـكلام موج لان ذكر ماضيه بس اني هسه مقهورة على موج وكل فكري يمه
جاوبها
_اتوقع اي وما الومه الي حجته امج يجرح ويأذي لـموج قبل لا ياذي زوجته وحقه بـكل شيء يسوي خل يطلع يعالجها ويعيشون باقي عمرهم بـهدوء

حجه ياسين
_انا اذا موج يطلع من البيت اطلع ويا ما اتحمل زياد وموج ماكو

جاوبته روان وهي تبجي
_واني منو بقالي ما تفكرون بيه

سطام: انا وين رحت

روان : سطام صدكني مثل ما هم يطلعون امي رح تسبب مشاكل ويا رحيق ويجي يوم انتو هم تطلعون والله اعلم شنو يصير بـحالي بعدكم

احتظنت اكتافها أهديها
_اني ما اعوفج ولا ممكن وحتى لو انجبرت اعوف البيت اخذج وياي

سطام :نسيتوا ابويه شنو يصير بي اذا كلنا تركناهم

جاوبته
_يتدمر والله

تقرب ناحيتي وهمس
_رحيقي وردتي لا تاخذين بـخاطرج من كلام موج ترا هو حجه عن ماضي وما يقصد بـكلامه شيء

_لا تهتم اصلاً من كل هالـهوسه الي صارت ما خايفه غير على عمو لا ترجع تنتكس حالته وموج كذلك قاهرني حيل وضعه

سطام: الله كريم خل يرتاح ونشوف شنو يقرر ونحاول نصحح الي صار عسى ولعل يقنع يبقى هنا ولو ما افضل

موج
من بعد الي عرفته عن آوج وانا شيء بيه مات شيء بيه يمنعني اكمل حياتي من وين ما وكفت نسيت النوم وصرت اصارع روحي حتى لا تغمض عيني واتخيل الي سمعته منها

كاعد بالـحديقه واستمع بالـموبايل شيء يجر شيء لحد ما فصلت عن عالمي وصرت اردد ويا الشاعر رجعت للـواقع اثر بـكائها المفجع وكلامها المتسرع وحالتها الثائرة شفتها رح تحجي كل شيء ومو منتبهه حولها سديت حلكها بيدي وصرخت بوجهه مانع كلامها

انصدمت من تصرفي وصارت دموعها تهل على ايدي وخرت عنها بعد ما شفت روان غادرت المكان همست
_وصلت فيك المواصيل انك تضربني موج

فتحت عيوني مصدوم من تعظيمها لـتصرفي وفهمها الخطأ
_انا ضربتتتج

رجعت تبجي تقربت عليه لزمت وجهي بين كفوفها الراجفة وهمست
_نظرات عيونك صارو باردين ناحيتي كنت لاقي الدفى فيهن

_انعمن عيوني الي جانن يدفنج

رجعت تبجي
_اطلع فيَ مـوج اطلع فيَ وقلي بطلت تحبني

_العلاقه الي بينا اقوى من حُب وغرام انا ما اعتبرج حبيبه وزوجه انا اعتبرج روحي الي عايش بيها انا جنت بلا گلب من شفتج يلا عرفت شنو معنى انسان عايش

_وشو الي تغير

_روحي رجعت عندج وگلبي رجع واكف

_والله الي صار غصب عني والله موج ما كان قصدي يصير هيك انا حتى لما كنت معو ما كنت حس ع شيء هو كان يخدرني يخليني اتحرك مثل ما بدو بدون لا فكر او ادرك شو عم اعمل

لزمت رأسي رجع الوجع بي ورجعت اتخيل كل ما غمض عيوني حسيتها رح تنفجر من كثر ما معاندها حتى ما ارمش كمت من كدامها ابتعدت عنها خطوات وضربت رأسي عده ضربات احاول اصحصح 

رجعت وكفت يمي وقطعت النفس ردتها تنتبهه وما ترجع تحجي ردتها تحس بالـنار الي شاعلة بيه وتدرك الهاوية الي جاي تشمرني بيها كل ما تحجي شيء
_موج والله ما كنت بـعقلي صدكني حتى ايام كنت اتخيلك انت

التفتتت عليها ودفعتها بـهجومية وصرخت
_سكتييييي آوج سكتتتتي ترديننن تموتيني لووو شنوووو سكتتتتي

اجهشت بـبكاء وصرخت متوجعه من هيجاني اجت روان وياسين اثر صوتي العالي صرخت
_اخذيهااا منا اخذيها رح اأذيها بدون لا احس على نفسي ويزيد الوضع سوء

اخذتها روان من ايدي وتقرب ياسين كدامي وكال بـتعجب
_لك موج شلون تضربها معقوله وصلت بيك المواصيل تتهجم عليها شنو صارلك يا اخي شبيك

_بيه الموووت وما جاي تطلع روحييي بيه ناااار لو اطلعها احرررك الدنيا والي بيها خابرلي سطام بـسرعة

_بس اهدء وانا اخابره هو اصلاً مو هنا رايح للـنجف هو وزوجته

_خاااابرة خللل بس احجي ويا مارايد منه بس شغلة تلفون

راح ياسين يخابر وانا روحي انسحنت سحن ضرب الشجرة أكثر من مرة بـيدي ومو حاسس بـالوجع رغم الدم الي جرى منها شلت الكراسي الموجودة وصرت اضرببيهن بالارض اريد شيء يبرد حركه گلبي بس عبث زدتتت اكثر واكثر

اجه ياسين سحبته من ملابسه وصرخت
_يحتتتتاج هل تأخير هذا هوووو اتصااال

_هاك هذا هو بس اعصابك

اخذت الموبايل وصرخت
_سطاااام دبرني ...... خابرلي مدير السجن صاحبك اريد التقي بالك.......د فارس ...... يوووول تفهم لو لا اريد التقي بي حالاً وبدون اسئله لا والله ارتكب جريمه وادخل السجن وانعل ابوووو الي يطلعني

جاوبني
_انتظر مني اتصال بس قبل كل شيء ما تتحرك من مكانك قبل لا ارجع انا بالـطريق

غلقت الاتصال ويا وكعدت على نار رفعت رأسي لـكيتها تباوعلي من الشباك وتبجي خفت لا تسوي بـروحها شيء انا اعرفها اقل جفى مني يأذيها عاد هسه تهجمت عليها وافعالي تبينلها انا كارهها بس انا لا والله ما كرهتها بكد ما مكسور گلبي عليها

صعدت فوك فتحت الباب ودخلت رفعت انظارها عليه ورجعت نزلت رأسها وهمست بدون لا تباوعلي
_احكي مع وائل خلي يجي ياخذني عندو مافي داعي
لـبقائي معك وانت كارهني

_انا ما كارهج

_شو تسمي تصرفاتك موج من وقت ما حكيت مالك عين تتطلع في يكفي بقى تكذب ع حالك وعليَ انا وانت انتهينا لا بقى تعذب حالك معي مالك مجبور تتحمل كل هالـعذاب وتذوق المر

_اوج اسمعيني انا احبج وعمري افدي لـخاطر عيونج صدكيني رح اخذ حقج منه ورح اخليج بيدج تدمرين حياته آوج رفعي رأسج وباوعي عليه

رفعت رأسها عيونها مليانه دموع تقربت ناحيتها لزمت وجها بـين كفوفي وهمست
_رح اخليج تدوسين على رأسه بـرجلج واخلي يتوسل بيج بس حتى تغفريله الي سوا بيج رح ارجعلج حقج اضعااااف ورح اوجععع گلبه اضعاااف بدل الدموع ابجي دم بس اصبريلي

_كل هذا ما يهمني بقد ما وجودك معي موج مابدي شيء من الدني غير اني موت بين ايديك تعذبت كتير بعدك وما عاد في حمل فراق

_مارح نتفارك ولا رح اعوفج ولا رح تموتين رح يجي اليوم الي نعيش واحنا بـقمه سعادتنا بس اصبريلي شويه

_سامحتني

ماجاوبتها عفتها وطلعت. وانا اسمع بكائها الصارخ نزلت جوا لاكاني سطام بالـباب دكيت على متنه وكتله
_يلااا سطام ماعندي وقت

_بس اصبرلي اغير ملابسي

تنفست بـضجر وصرخت
_اللهم طولج يا روووح

دقائق ونزل مبدل وبيده بطل مي وحبوب
_اول شيء اخذ هذن

اخذتهن من ايده وشمرتهن بعيد وصرخت
_تمشي لو اروح ارتكب جريمه وافوت بـزودي

_مووج شنو الي ناوي عليه

_كل خير بس امشي

طلعنا من البيت وتوجهنا للـسجن الطريق صار اطول من عمري احسب الدقائق وما خلص حجه سطام بـهدوء
_استغفر موج واذكر ربك

_لا تكلي هيج سطام...... بس استغفر گلبي يبرد وانا اريد احركه بـناره

_بس فهمني شنو الي جابه على بالك شنوو الي حجته آوج وخلتك تذكره

ماجاوبت وصلنا بعده ما راكن السيارة نزلت اجه وراي ودخلنا للـمدير رحب بينا وطلب منه سطام الي اريدة رفع رأسه متسائل
_شنو الي تريدة من هـالارهابي

_كل خير

_د. موج انصحك ما تـتقرب ناحيته هذا انسان مريض نفسي واصلاً هو معاقب بالـمنفردة

_وهذا الانا اريده اشوفه بالـمنفردة

حجه سطام
_انت ما ناويها على خير ما اتركك وحدك

_سطاااام عوفني وابقى هنا

_رجلي على رجلك

حجه المدير
_شباب بس فهموني سبب الزيارة شنوو حتى احدد المكان وين تلتقون

موج : تكدر تعتبرة تصفية حساااب

يتبع ...............

قرآة ممُتعة أحبتي ♥️♥️