سبية مستباحة
-بقلم الكاتبة ميامين الدليم
حرير"
بعدنة كاعد نحجي وطبت مرة للغرفة مو حيل چبيرة ومرتبة حيل عرفتهة من عيونهة هاي ام مهڤ ركزت بوجهي وكالت .......
-صلاوات ع النبي يمة صلاوات
-تقربت علية وبوستني ماعرفت شسوي بهلحضة انخبطت مشاعري
ام مهڤ: اني امة المهڤ حبيبتي
حرير: ابتسمت بوجهة وكلت، حبيبتي خالة كل الهلا تشرفت بيج
-ضلت تحجي وياي بكل حنية وابد ما حسستني بشي ولا ذكرتني بشي حسيت هم ونشال من كلبي
- يعني هاي امة المهڤ شنو جنت متوقعة غير هيج اكيد هية العلمتة ع هاي الحنية البي
-طبت مرة شوية جبيرة بلعمر وياها بنات ثنين وحدة محجبة ولثانية لاا لابسة فستان جوة الركبة وسافرة ملامحهاا حلوة بس نضراتهة تعكس هلشي جانت حادة وخاصتا من باوعتي اني هناا عرفتهة هية هاي بنت عمتة الجان عاقد عليهة باوعتلي من فوك ليجوة لاا سلام ولا كلام كعدت وحطت رجل ع رجل ردت اروح اكلهة بسنوني بس كلت عيب من ام مهڤ من اول لقاء اسوي هيج
- خلص كمل كلشي واجة الشيخ وصار لازم اطلع طلعت شفتهم محضرين كلشي كعدت ع كرسي ورة باب الاستقبال واني استمع لحجي الشيخ والقران ب بحضني
الشيخ- بنتي تسمعيني
حرير: نعم
الشيخ: اكو احد جابرج ع هذا الزواج
حرير: لاا بكامل ارادتي
الشيخ: اعيد، اكو احد جابرج ع هذا الزواج
حرير: لاا بكامل ارادتي
الشيخ: خير ان شاء الله، حرير بنت ... هل تقبلين الزواج من مهڤ ابن .... اذا وافقتي فقولي نعم وانت وكيلي
حرير: نعم وانت وكيلي
الشيخ: مهڤ ابن ... هل تقبل الزواج من حرير بنت ... اذا وافقت قول نعم وانت وكيلي
مهڤ: نعم وانت وكيلي
حرير: من مهڤ كال هيج ماسمعت غير الهلاهلل نزلت دموعي واني اباوع بلوجوه ماكو احد من اهلي اجوي كلهم سلمو علية وباركولي
ام مهڤ: الف مبروك بنيتي شايفين كل الخير لتبجين احنة كلنة اهلج واني مثلل امج احطج بعيوني
حرير: من كالت هيج حاولت اهدي نفسي هسة العالم تكول جابريهة راح الشيخ وبقة بس مهڤ وجبل بلاستقبال البنات حطن شالات ع روسهن وطبن رحت وكفت يم مهڤ الي الضحكة شاكة حلكة مانزل عينة مني ولا لحضة يحجون وياا يجاوبهم وهوة عيونة علية امرة جان غريب معقولة لاا لاا حرير خلصي العقد وطلعي مناا بدون سوالف تقدمت ام مهڤ ولحلقات ب اديهة قدمتهة النة اخذ مهڤ الحلقة وسحب ايدي الترجف ماعرف شلون سيطر ولبسني الحلقة
مهڤ: ترة ما اكل بشر اهدي
حرير: اخذت ايدة ولبستة الحلقة كلهة صارت تهلهل تقدم مهڤ علية لزم حنچي وباسني بخدي باوعتلة وكلت
-غير براسي
مهڤ: غير نطلع مميزين بكلشي نختلف
حرير: واختلافك بس ب السوالف الفيسلوقية
-من كلت هيج طكهة بضحة بسببهة صديت بغير صفحة عود اني مالي دخل بهلضحكة اجتي نور بنت عمة تقدمت علينة مدت ايدهة لمهڤ وضلت لازمتهة بحجة تسلم
نور: الف مبروك بيبي
حرير: تقدمت ع مهڤ وسحبت ايدة وشبكتهة ب ايدي
- حبيبتي الله يبارك بيج يوم الالج ان شاء الله
نور: وين الاتكيت حبيبتي
حرير: الاتكيت العندي بس الزوجي ماا اضهرة للرايح والجاي الثكل زينة البنات مو صح مهڤ
مهڤ: هاا ايي ايي هسة عوفو هلسوالف
حرير: خنزرت بوجهي وراحت باوعتلة وكلت
-بيبي مو مهڤ
مهڤ: شعليج بيهة انتي خليهة تحجي لتريدة منو بحالهة
تقرب يمي وكال بهمس
- مشمش لو كرز متنسية بيج امج
حرير: مهڤ لتقلقني اكحز عني
-طلع برة يم الزلم وبقيت اني وياهم ماعرف ليش ضلت عيوني تراقب نور مادري ليش حسيتهة عامود مالصة نفسهة ملص خطية رجلهة ميريدلة لحماية يلزمهة حافضي ع خصرج وكعدي شكو ماكلة روحج اكل اوي اني شدخلني
عبير: حرير كولي لمهڤ نرجع
حرير: عبير شبيج وجهج اصفر
عبير: اني احجيلج بعدين ماكدر احجي هسة
حرير: لاا تعاي بغرفة شذى محد يدخللهة غير شذى محذرتهم
عبير: اكلج همة الضالمينج لوو انتي ضالمتهم شو مدخلتهم انذار
حرير: اكيد ماخلي تربية ابوي وتعبة يروح ع الخالي بلاش ماتسميت حرير حتة اخلي الرايح ولجاي يدوس علية ادوس ع روسهم اني يكون افضل المهم امشي هسة لدوخيني بيهم
عبير: كمت اخاف
حرير: اي عفية عليج خافي مني
طبينة للغرفة وكعدنة وكلتلهة يلا احجي.
عبير: جبل اكو غيرة جنت واكفة يم باب المطبخ وو
-حسيت احد سحبني باوعتلة جبل اخذني ورة المطبخ
عبير: عوف ايدي شدتسوي انتَ واعي ع هلتصرف
جبل: صايرة هواي تصرفين حجي موزين ع الحنجرة
عبير: شدخلك انتَ شدخلك وشرايد مني ليش سحبتني
جبل: شعندج واكفة هنا الزلم طابة طالعة مزهرية
عبير: انتَ مالك دخلل بية جبلل تفهم لتدخلل بتصرفاتي عندي اخ ويحاسبني انتَ منو بصفتك منو جاي تحاسبني
جبل: لجج بابة خبلة انتي اكو براسج عقلل لو طابوكة يم الباب لتوكفين طبي بنصهن امرديهن ولتوكفين هنا
عبير: ليش خايف لاا احد يشوفني ويمشي علية
جبل: خلي يجي يلكاني بوجهة وبوكتهة نتحاسب هوة ياخذ حلالة واني اخذ حلالي
عبير: انتَ حلالك ياسمين الكل يعرف وهسة وخر مناا اريد اطلع
جبل: عبير بطلي عنااد
عبير: عناد شنو انتَ دتحجي صدك انتَ منو اصلاا حتة احبك واريدك اساسا متوالمني وهسة من رخصتك
جبل: هذا اخرر كلام عندج
عبير: ومن اعماق كلبي
جبل: هاهية يجرالج لتريدي
- وعفتة واجيت عليج حجيتلج
حرير: ليش حجيتي وياا هيج انتِ ماعندج مشاعر عبير ترة هوة يحبج فكري هسة شصار بي من هلحجي
عبير: حجيت هيج حتة يعوفني هوة عندة زوجتة حرام علية وعلي هيج يسوي هوة تزوجهة ب ارادتة محد جبرة ليش اجة هسة رايدني
حرير: لاا عبير لتبجين مو ابيتنة احنة سيطري ع دموعج وكومي لتسوين هيج
- خليتهة تكوم ترتب مكياجهة وطلعنة مهڤ جان كاعد وية خوالي وبيبي موجودة هم وام مهڤ طبيت اني وكفت يم بيبي
عادل: بنيتي انتي راضية تروحين وية رجلج بس عقد انتي شناقصج مونفس البنات تنزفين وتروحين لبيت رجلج
حرير: خالو اني ردت هلشي وهذا قراري اني ليش اسوي عرس وافرح واني بعدني مفجوعة بموت ابوية صدكو حزني علي يبقة لاخر عمري وهلشي كللش كافي مو الة بدلة وركص
مهڤ: خليهة تنطق بس وتكول اريد عرس لوو عدنة عشر جهال اسويلهة عرس ماصار
عادل: هاهية بوية ع البركة شايفين كل الخير
- ضلو يحجون واني اريد اصيح مهڤ مافتهمت وين راح ياخذني لبيت اهلة لو للشقة مالتة طلع مهڤ برة يحجي بلتلفون واني واكفة برة انتضرة كملل وصد علية
مهڤ: هاا شوو هناا بعد متكدرين تفاركيني
حرير: لو بس تبطل ثقة
مهڤ: منو يكول لبيبيتة رجعوني لمهڤ واريد مهڤ
حرير: ايي صحيح كلت ولتاخذهة نقطة ضعف اني احجي ماخايفة منك وصحيح اريد ارجع يمك وماردت اعوفك خوش وهسة وين راح نروح لبيت اهلك لدوخني
مهڤ: قسم باالله شاجوررر مو لساان يابوية شهلعثرة
حرير: مهڤ لتعصبني
مهڤ: انتي شايفة نفسج من تعصبين تطلعين عبالك قوطية ببسي جامدة
حرير: خوش مهڤ روح اني ماروح ويااك عندك وحدة اطول من يوم السبت صدك انت شلون وكفت يمهة بلعقد يعني ماصارت اطول منك
مهڤ: حور شبيج شاغلة بالج بهلسالفة ترة سالفة قديمة ولا اني ردتهة ولا هية رادتني بس شنو انتن النسواان ادورن السالفة دوارة تشترنهة بفلوس
حرير: بعدك ماشفت شيي واذا متريد بعدني مطالعة من البيت وصلني لبيت ابوية وروح
مهڤ: حجي يفيدج يلاا روحي تحضري نروح لبيت اهلي
حرير ولباقين ويانة اقصد الحجية ولبنات ماكدر اعوفهم
مهڤ: اكيد وياي اهلي شلون اعوفهم
حرير: بس مهڤ حاجي جبل ينطي مجال لعبير ترة ديضغط عليهة
مهڤ: معليج بهلسالفة اني اعرف شصرف وياا
حرير: هاا مهڤ حباب بدون مشاكل
مهڤ: وليش اسوي مشاكل هذا اخوي وعبير هم اختي ثنينهم مانطي بيهم لتفكرين هوااي فكري بنفسج اول شي
حرير: خوش اذا تريد تروح ماعندي شي شحضر اني اجيت بملابسي
مهڤ: هم صدك همة هذولة شتاخذين من يمهم غير المغثة
حرير: اسلم ع بيبي ونطلع
مهڤ: يلة وليدي بلعجل
- طبيت ومهڤ طب وياي انطة خبر الاهلة راح نطلع سلمت ع بيبي حسيت نفسي كاعد اودع امي وسلمت ع عمة هدى وشذى بس
حرير: بيبي لتبجين هيج وتحركين كلبي اني بادين امينة ومتخلي الهوة يطخني هذا الاني راح اروح يمة طلعني من حلك الموت ادعيلي ولتبجين
الحجية: الله يسعدج اووف ييمة نحرمت من شوفة امج مرتين اليوم المرة الثانية
حرير: بيبي ماا احرمج مني اني هم تعلقت بيج صدكيني ماعوفج
- بلكوة قنعتهة وسكتت ضلت تدعيلي بينهة وبين نفسهة واني الغصة احسهة شكت بلعومي
-باوعت بلوجوه مالكيت وجه ابوي اريد اودعة اريدة يوكفلي بلباب واشوفة يكلي مودعة بالله بنيتي ويوصي مهڤ علية باوعلي مهڤ تقدم علية كدام الكل لزم وجهي باديناتة ثنينهن ومسح دموعي
مهڤ: عليج العباس لتبجين
حرير: ضحكت ع سوالفة وسكتت عبير انطتني شاال رفعت شعري لان طويل عابر ضهري وحطيت الشال خلصت ومهڤ مدلي ايدة
-جاهزة
حرير: حطيت ايدي بايدة وكلت، جاهزة
-طلعت من البيت التعذبت ونحبست بي البيت الي نهانيت بي ونغلط علية لاول مرة بحياتي ماعرف شلون تحملت لان اني طول عمري مكتفية ب ابوي وبس ماختلط بلناس ولاا اعرف نواياهم ولاا اعرف كرايبي الله يبعدني بس
-طول الطريق همة فرحانين بس اني ماعرف شصارلي احس نفسي وكف غمضت عيوني ضهرلي شكل ابوية من كتلو لزمت راسي حييل باوعلي مهڤ مصدوم بعد ميعرف يسوق طبك ع صفحة وكف السيارة ونزل اجة باتجاهي فتح الباب ونزلني
- حرير شبيج باوعيلي لتخوفيني تنفسي امي انتي تنفسي
- اريد اجر النفس ماكدر لزمت قميص بثنين ادية وشهكت حييل
مهڤ: يمج يمج ماا إروح
جبل: هاا سلامات شبيهة
ام مهڤ: اسم الله الرحمن يمة شجاها
مهڤ: ماكو شي يمة حالة نفسية هسة ترتاح ارجعو انتو اني يمهة
-رفع راسي واني بس اشهك مهڤ نفسي ن نفسي رااح مكاعد اكدر اتنفس
مهڤ: اصعدي بلسيارة نروح للمستشفى
حرير: لاا لاا ماريد اريد اناام
مهڤ: اصعدي ونامي اشربي مي ورتاحي شوو وليدي لتسوين هيج شوفي حيلي ديرجف
حرير: باوعت لادينة يرجفن ووجهة اصفر صعدني بلسيارة وكعد ع ركبة كبالي طلع بطل مي وحط البطل ع وجهي صارت برودة ابوجهي صار يمشي البطل ع كل وجهي حسيت نفسي شوية رتاحيت فتح البطل وكلي اشربي شربت بس شربت هوااي واحس اريد انوب اريد الغصة تروح
- باوعت لحالة مهڤ وشلون خايف لزمت ايدة وكلتلة، مابية شيي لحمدلله صرت احسن اصعد كمل طريقك
مهڤ: متاكدة
حرير: صدكني مابية شي يلاا شوف العالم واكفة
مهڤ: ماشي بس اذا حسيتي بشي كوليلي
حرير: حاضر هسة كوم اصعد
- حط البطل ب ايدي ورجعتة ع وجهي طول الطريق عينة علية كحز الكشن مال سيارة حتة انام وصدك غفيت كعدت من حسيت بي شالني ماجانت عندي قدرة احجي شي كل السويتة حاوطت ركبتة ب ادية ورجعت نمت
- من كعدت ماجنت اعرف شكد جان الوقت باوعت لكيت مهڤ نايم وراسة ع جتفي واني محاوطة ركبتة كمزت من مكاني وهوة جفل وياي
- العباس عليج شبيج
حرير: انتَ انت َ شنومك بحضني
مهڤ: يمصكوعة صكعتيني غير انتي خنكتيني يمعودة هديني ماكوو ابد بلعباس ماهدك تكليلي
حرير: لاا لاا واضح هاي سوالفي مو سوالفك انت تخرخر ثكل
مهڤ: شلون امي شبيج هوة هيج صاحبج اني لو رجلج سويتي بية سكر وربج الحلو
حرير: كلشي مابيك بس سوالفك الفيسلوقية
مهڤ: بس ويااج فيسلوقي ع كولتج
حرير: شلكيت حضي
دنحجي سمعنة صوت عالي جوة
مهڤ: هذا صوت عمتي وجبل
حرير: انزل انت اني باقية هنا
مهڤ: ترة ماا بايكج انتي مرتي واهلي حطي شال ع راسج وكومي
حرير: طلعنة من الغرفة بصفنة غرفة جبل وملتمين يم الغرفة بس عبير ووردة ولحجية ضلن جوة مادخلن نفسهن
-حجت ام اية زوجت جبل
- ولك افتح الباب ابن سمية اليوم اني اعلمكم انت واخوك المزوجلي وحدة لاعبين بيهة داعش
-اني هناا دمي فاار ردت اروح املخهة باوعت لمهڤ وكلت
-هاا مهڤ هااا شفت هذا الجنت ماا مستعدة اسمعاا اني شكلتلك مو كلت لتكول لتحجي النااس ماترحم
-عافني وراح لعمتة ووجهة ميتفسر
مهڤ: انتي شحجيتي انيي شسمعتت لتخلوني ارتكب جريمة هسة لتخليني افتح دفاتر بنتجج التحجين عليهة شايفة الورقة البيضة هية حرير اذا احد حجة بشرف مرتي يشوفني بوجهةة لوو ابوية يطلع من الكبرر يحجي عليهة هم يشوفني بوجهة قسما عضما اذاا احد فتح هذا الموضوع وية حرير ميلوم الة نفسة
تهاني: شدعوة عيني شدعوة نسيت امك وابوك واهلك من اول يوم شرفت بي الخاتون
مهڤ: سوالف النسوان هاي بطلوهة متمشي عندي لاا عبالج ابقيهة هناا ماا مطول
تهاني: ايي اخذهة اشمرهة منين ماجبتهة اشمر حصو وراهاا شلون اختيار جايف
مهڤ: طببوهاااا جوة لتخلونييي اجاااوززز
حرير: جبل طلع من الغرفة لزم مهڤ طببة للغرفة واني وياا اسحب وميفيد هذيج تلعلع وهذا ذبح نفسة وجهة صار دم كلت راح ينجلط
- مهڤ لخاطري بس هاهية باوعلي دارجف الله يخليك اهدئ ،باوعلي وطب جوة كسر مزهرية جانت كدامة ع طبلة صغيرة سديت اذاني وباوعتلة كعد بلكاع ولزم راسة
- رحت كعدت بصفة فتحت اديناتة وحضنتة سويت مثل ميسوي وياي من اكون وحيدة سويت مثل ماا وكف وياي بكل خطوة اخطيهة مثل ماا حماني وماعافني ابد
-اني محضوضة بمهڤ لان ميعتبرني خطيئة يعتبرني شي ثمين يمتلكة ومحافض علي ميخلي بشر يمسة بكلمة
- حاوط خصري وكال ونبرة صوتة وهو يكول
-لتخافين اني يمج ما أروح
......يتبــــــــع
البوستات ولصور لتخص الرواية بحساب الانستا لاي استفسار هناك.
- يوزر الانستا -- no2s.17
تنوروني.
قناة التلي للناس الماعدهة انستا
اسمها: ميامين الدليم
واشوفكم بخيرر فرولات.