فــاطمة الـزهراء ..🤍
حـــمامة الشـــهم..🕊️
حــب وعــذاب.....🤍
ريـــِحانٍــة 🌿
ffaa22_
افتهم ليش اختلف
مو هو كايلي وحلف
ميعيش لحضه بدوني !
ساعتها حيل اتعلقت
والله احلة من عندة شفت
بس گلبي غش عيوني .
________________________________
بتول ._:_....
اباوعله وهو نايم ومعصبه زعلانه من نفسي الي كدر شلون يجيبني اله ماريد ماريد بهل سهوله بهل سرعه يجي واسامحه ما اكدر اتقبله نزلت دموعي واتخيل لو كل الي صار ما صاير جان هسه اني مرتاحه بحضنه مو مقهورة بافل دمر حبه الي بكلبي حيل
اوخر باديه عني محاوطني حيل كلت بغصه _
_ وخرر
فتح عيونه باستغراب وكال بنبره قلق _
_ شبيج ليش تجبين
_ عوفني ليش تجبرني
_ ما جابرج اريد ..
_ مارييد كاعد تجبرني على شي ماريده تريد تفرض نفسك علي ولازم انيي اتقبلل مارييد تلمسنيي ما احبكك اقررف منكك
رخى اديه مني يباوعلي بنضرات كلهن حسره بس يباوع لعيوني كمت من الجرباية امسح بدموعي
_ اخرر مرة اخر مره هييج تسوي والله والله ما ابقى بهاذاا البيت
_ هاي هيه بعد ما المسج
_ ياريت والله انطيني المفتاحح
كام من الفراش وارتجه على التاج وسحب باكيته يدخن من الصباحيات كال بحواجب معگوده وضوجه _
_ حضري ملابسي على الاقل
هزيت راسي ورحت للكنتور اطلع ملابس اله واشهگ على كيف بيه حرگه بگلبي كل ما اشوفه قريب مني مادري شيصير بحالي التفتت شايله الملابس شفته يباوعلي راخي عيونه ويسحب من الجكاره
_ يله انطيني بسرعه
_ تعالي اخذي
_ وين هوة
_ هاذا تعالي
يحجي ببرود بدون لا يباوعلي يعني عود زعلان ههه عاشو والله هو الزعلان رحت لجهته وباوعت على الميز ماكو
_ وينه بافل انطيني
_ بجيبي
_ يا جيب هو انته مصلخ
_ ما نازع بجامتي تريدين انزعها
_ استغفرالله ربي انطيني شبيك
_ اخذي هسه كايلج لا
_ انطيني انته شلون امد ايدي
_ مالي شغل اني ايدي خدرانه
ردت املخ وجه باضافري بس سترت علينه وكلت _
_ يا جيييب
_ ما اذكر صراحه دوري
_ تره الي جاي تسوي ما يضحك
_ ضاحك اني ؟
يحجي ببرود ويدخن عصبت حيل بس اريد اطلع خاف تلكفني بيران خرب حضي هديت روحي وسويت روحي ما مهتمه مديت ايدي وخرت الاحاف عنه خرب خرب وعلي فشله شكد عييب نوب مصلخ باوعتله بحقد هو ابتسم باستهزاء وكال
_ يله
_ شكد اكرهك
_ اي ادري
ايدي ترجف غمضت ومديت ايدي بجيبه الي على جهتي دورت ماكو شي كلت بعصبيه
_ ليشش تجذب علي ويين
_ بذاك دوري
_ اووووف
_ وسم اذا تريدين نبقى ترة اليوم عطله حبيبتي
وغمزلي خليت ايدي على حافه الجرباية مرتجيه وخليت ايدي بجيبه ادور ابتسمت بنصر من لكيته باوعلته مبتسمه بشماته وكلت
_ لكيته
توني دا اوخر جرني من ذراعي الي صايره فوكاه وخلاني اكع عليه شهكت فازه وخليت ايدي على بطنه لا اكع زياده _
_ ها ها وخر مو كلت بعد ما اتقربلج
ابتسم وجهه قريب من وجهي نفخ الدخان بوجهي كشرت ملامحي مغمضه الدخان طب لعيوني
_ خرببب شبييك شبييك
_ تره انتي مرتي
_ اي ادري بحضي وخرر
_ وما اصدك بطلتي تحبيني
_ صدك صدك صدگني ماكو حب الك بگلبي
هز راسه وحلني تنفست بعمق بعد ما جنت كابحته تقريبأ كمل جمارته يباوعلي گلبت عيوني وشمرت شعري ورحت للباب فتحته وكلت بنتره _
_ متحرش وجذاب بعد جان اطب غرفتك
وانهزمت قبل لا يرد همزين محد كاعد رحت گبل لغرفتي وسديت الباب غمضت عيوني حيل لازم گلبي وين كضيت اليله بحضنن بافل بحضن الشخص الي حلمت طول عمري اجرب حضنه حضني بضروف كلش صعبه بضرف ما راغبته بي اخذت نفس وكلت
_ اشش كافي كافي اهدئي
كضيت اديه حيل اريد يوكفن رجيف كمت طلعت ملابس الي لان الي لابستهه ما ينفعن للبيت لبست ترأك شتوي وطلعت غسلت وجهي احضر الريوگ همزين ما نزل وكفت عن الطبخ وكفت عن الشغل صفنت
_ شيسوي بالملابس هيا مو جمعه شكد جذاب ومخادع واني شكد عاره خرب حضي
باوعت على الساعه اكيد هسه سلام راح لازم اروح اودي ريوگ لاخته خطيه باخر فتره هو من اخلص ريوگ الهم وامشي بافل اروح امر عليها خطيه تفرح من تشوفني هم تضوج بس الموبايل عدها وتضل وحدها لحد ميجي هو السبب الي خلاني استمر اروح لبيتهم ومامنه انو ما شفت شي مو زين من سلام اصلا من اروح ما اقابله بس يدزلي رساله شكر خطيه عرفت شلون ماتو اهله ميتين بحادث وباقيه بس اخته عايشه وهو الي مربيها وطالع عدها فشل كلوي وهو مدني يمكن مادري
خليت الريوگ بالصاله بس الاجبان وغطيته كلت من يكعدون اطك بيض وهاذا هم ما نزل
رحت بصينيه زغيره خليت ماعون بيض وجبن ومربه وخبز لبست شالي والعباية الي معلكه ورة الباب مالت المطبخ
ورحت برة بعدها الشمس ما طالعه هيا الساعه 8 بس لان شته
رحت طبيت للطارمه لان ما بيها باب والمفتاح عندي هو مامن بيه ومنطيني مفتاح احتياط طبيت للبيت جان بي بس غرفة وحده وصاله جبيرة والصاله بيها مطبخ
كلت بصوت عالي _
_ ملااااك حبيبتي كاعده
ردت علي بصوتها التعبان من الغرفه
_ ها بتول اي كاعده تعالي
ابتسمت ورحت عليها كاعده بفراشها تلعب بموبايلها تباوعلي بابتسامه تعبانه شكد انقهر عليها وجها اصفر حيل ومبيض وشفايفها بيض ميبسات رغم ضعفها وحالتها كلش حلوة
_ صباح الخير يحلوة
_ صباح النور ليش تعبين نفسج يوميه والله ما اشتهي اكل
كعدت يمها وكلت _ ماكو ما اشتهي يله كومي اغسلي وجهج وتعالي دا انطيج العلاج
ذبت الموبايل لزمت ايدها وكومتها وياي للحمام غسلت وجها ورجعت للغرفه تريكت شويه وشربتها العلاج سولفت وياها شوية لان خاف تضوج خطيه
ونضفت البيت هو ما بي شي بس شوية هوسه وشغلت الها التلفزيون وكلت _
_ راح اروح شوية واجي اطمن عليج اذا صار اي شي تتصلين علي موو
هزت راسها مبتسمه بوستها وطلعت سديت الباب زين عليها ورجعت شايله الصينيه طلعت الطارمه اعدل بالشال وجان اشوف بافل واكف بابنه يباوع علي عاكد حواجبه بعصبيه اشرلي بيده يعني شكو
بلعت ريك وتقدمت عبرت وجيت اله واكفه اباوعله انتضره يحجي
بافل _ خيرج وين جنتييي ؟
_ هنا
كلتها بتعلثم مادري ليش خايفه عبالك خاينته او مسويه شي غلط لزم ذراعي وطببتي البيت سد الباب وكال
_ وين جنتي شعندجج من الصبح لا تخبلينيي
_ هنا
_ لا تخليني اكفر من الصباحياات شعندج هاذا مو عايش وحده شعندجج اكلجج
_ لا ل لاتصيح مو وحده هو شوف
لزم راسه يضغط على سنونه حيل ويحجي بحده _
_ بتوووول لحدد هسه لازممم نفسيي واكوول ما اكسررر خاطرهاا
دمعت عيوني وخفت حيل حتى ما حجيت ضليت اراقب نضراته وعصبيته وتذكرت ذيج اليله وعياطه هو من شافني سكتت تخبل جي علي ولزم جتافي حيل يهز بيه _
_ بتووول احجيي شعندججج لا تخلينييي اندمم بتوول
_ و وخر وخر
حجيت اشهگ بخوف وابجي حتى الصينيه وكعت وتطشرت طلعت عمتي متخبله وبيران جتي تركض من فوگ
بيران _ شكوو شبيك علش لازمها هيج
بافل ما باوع على وحده منهم يحجي بعصبيه ويهز بيه _
_ احجيي شعندججج
اولغا _ بافلل شبييك هدها ولك
جتي عمتي وبيران يريدن يوخرني منه ميكدرن لازم جتافي حييل يصيح علي واني ابجي وارجف _
بيران صاحت بعصبية _ ولكك شكووو احجي احجييي
بافل _ اسألوهااا هيا شعدهاا من الصباحياااات بيت رجال عايششش وحدههه
بيران باوعت علي باستغراب وكالت _
_ بيت سلام ههه انته مخبلل افتهم منها على الاقل
بافل _ شفتهمم هيا تحجييي مو جايي اكلها احجيي شعندجج مارييد اضلمج
اولغا _ ولك يمه هاذا مسكين يروح من الصبح وعنده اخت مريضه محد الها تروح بتول توديلها اكل وتشربها علاج بس
سكت يباوعلي بعصبيه ويتنفس حيل كال _
_ وترووح وحدهاا ويين اكو بنيه طب بيت رجاال وحدها
بيران _ وشنوو تشك باخلاق بتوول اشرف منك هاي لا تشبها بنفسك عوفهاااا
عاطت بي عيطه اخر شي رجت البيت سحبتني منه وحضنتني بجيت بخوف احتمي بيها _
اولغا _ متروح وحدهاا تاخذ بيران وياها مرات بس مرات بيران نايمه وتروح تودي بس الريوگ وحدها
بافل _ وشنوو مسؤليه عليهم هياا ما عنده كرايب اهل ليش بالتحديد بتوول
بيران _ يتامه ما عدهم احد وشنو يعني مو زين تساعد وحده مريضه ما الها احدد
بافل _ ما معترض على مساعدتها بس شنو تروح وحدها اصلا ليش ما اعرررف من شوكتت تروحلهمم ؟
اولغا _ نعرفهم والله خوش رجال ومحترم صار شهرين ما شفنه منه شي محلو
ضحك بعصبيه وصاح _
_ حلوووو شهرين واني ماعرف مرتي تطلع وطبب ليشششش ما تاخذيين اذنييي شنوو مو بعينج شايفه براسيي گرونن
الساني نريط من هاي اكلكم اتخبل من اشوف احد معصب ويعيط ارتهب حتى لو مو عليه اضل ارجف واتذكر كل مشاكل اهلي من زغيرة اتذكر شلون اضل ابجي وارجف من ابوي يضرب امي ويصير البيت هوسه اكوم اخاف من ابوي حيل حتى لو ميسويلي شي واضل ارجف شكد ما اكول تغيرت وصرت اقوة بس للاسف اني خوافه جبانه
ما ارد بس ابجي بحضن بيران من ما رديت علي صرخ حييل _
_ سويييت شي علشش تبجييبن ضربتجج صخمتت احجيي وياي فهمينييي شسويتلج
بيران _ ايشش كافي لا تصيح كافي
عافنه وصعد فوگ بعصبيه وبس سمعنه ركعه الباب فوگ رجت البيبان _ بيران وخرتني وكالت _
_ شبيج يا عمري هسه احجي ويا فهمي ولو هو ميستاهل بس يضل زوجج ليش هيج تسوين بروحج بهاذا تصرفج خليتي روحج مثل الغلطانه
كلت ابجي _ والله خفتت بيران ما سويت شي بس وديت الاكل ورجعت
اولغا _ اي لعد ندري مسويه شي مو ندري احنه لو ما نعرفج وما نعرف اخلاقج نخليج تطلعين وحدج ومامنين
بيران ودتني لغرفتي وانطتني مي نزعت العبايه والشال والرهبه بگلبي وصدك لمت روحي ليش خليت نفسي غلطانه ليس سكتت نو يسكت المنه الصوج اني ما مني صوج
بيران _ اشش كافي كافي يا حسافه تربيتي بس راح هييج
ضحكت امسح بدموعي _ اسفه
_ ههه يله عادي المرة الجاية استعمل العوده
_ بيران اخوج يخوف
_ خوش نعال جلبي ميخوفه اصلا ليش تخافين منه مادري
_ عيونه من يخزرني اخاف
_ امداج وامده حضي
هديت شوية ونسمع عمتي برة تحجي ويا ليث يمكن كاعد تريكه كالت بيران _
_ اتصلت علي نجمه اخت شهم
كلت بسرعه _
_ صدكك شكالت وين راحت
_ كلشي ما افتهمت منها بس اتصلت تبجي وكالت متزوجه ومو اي زواج فصليه ؟.
بحلقت بيها بصدمه _
_ فصليهه شنو فصليه منين شوكت
_ مادري اكلج والله كله من جوة راس ميار ولو يدري شهم يمكن يسوي كارثه
_ اتصلي بعمها
_ حاضرني واصلا اني هم اخاف اي شي اسوي شهم يلومني اني
_ لعد شراح تسوين خطيه
_ شكد اتصلت عليها من نفس الرقم بس حاضرتني
_ يا خطيه والله
_ اي والله ما بيدي شي عليها بتول نجمه بنيه كلش حساسه يمكن حساسه بكدج وكلبها ابيض شلون ترهم فصليه مادري
_ اووف انقهرت والله
بتول _ اكلج اطلعي شوفي هاذا راح لا اريد اطلع
_ امداج تخافين منه
_ لا ما اخاف بس اخاف من ايدي
_ همم هم صدك صدكت
رفعت اجتافي الها مبتسمه طلعت بره تنهدت بتعب الحقير شكد قهرني وخوفني يشك بيه عساس هو شلونه _
بيران _ اخرجي المكان آمن
_ جيد جيد انا قادمه
ضحكت وطلعت بره ولا كان صاير شي كدامهم واصلا اني مقهورة بس ما احب يكولون نكدت عيشتنه بمشاكل ماكدر اسيطر على افكاري رغم صارلي يمهم سنه ونص ولسه احسب روحي غريبه _
والضهر ماكو هوه ما اجه عمتي وبيران راحن ودن غدة لملاك واجن وللعشى هو هم ماكو ما اهتميت ولا احد اتصل غير عمتي يكول طالع ويا جماعتي نوب هو الزعلان امداك وامده گلبي الحبك حضرنه العشى وتعشينه وبيران خطيه حايرة من ورة موضوع نجمه وتتصل عليها مترد
جنه كاعدين نشرب جاي اندك الباب كلهم كالو اكيد هاذا بافل ما كمت اني كامت بيران فتحت الباب بس رجعت سدته ولبست شال وكالت
_ هاذا سلام اخو ملاك يصيحلج
شكو بس لا ملاك بيها شي خليت شال على راسي وضميت جسمي ورة الباب وفتحت الباب
سلام _ مساء الخير بتول شلونج
_ الحمدالله شكو خوما ملاك بيها شي
_ هههه لا لا بس حبيت اجي اشكرج ملاك تحمد بيح وتكول ما عافتني
ابتسمت وكلت _
_ العفو سلام انته وملاك مثل اخوتي والي جاي اسوي واجبي
_ مادري شلون اشكرج بتول صدك شكرا لسه ما لكيت بحنيتج ابد
سكتت وتلبكت شوية ردت انهي هاذا النقاش بس تجمدت من سمعت صوت بافل يصيح _
_ ها خيرك اخووي
التفت سلام وكال _
_ سلامتك
باوع علي خزرني واشرلي اطب جوة قمطت ام العافيه طبيت اكل باضافري شافتني بيران وكالت
_ شكو شبيج
_ بافل شافني
_ اي وقابل شمسوية
_ هسه يكتلني
_ خلي يولي تعالي تعالي لا تهتمين يعيط يحجي وعلي اذا بجيتي اني الزمج واكتلج
_ بيران الي يشوفج يكول ابد ما تبجي تره انتي هم تخافين من شهم لا تجذبين كل ما تجيبين طاريه تضلين تمسلتين
_ ها وجع شوكت خايفه ما فوك جاي انصحج خاف لا يكتلج طبج مرض
_ اهوو عمتي وين
_ راحت بغرفتها تقراة قران
_ وليث ؟
_ نام وديته لغرفته
شوية وطب بافل وجهه مگلوب يباوعلي بخزرة درت عيوني عنه بسرعه مرتبگه واكل باضافري _
بافل _ بعد ممنوع توصلين لذاك البيت رجلج اكسرها
باوعت علي بسرعه _
_ مو الابنيه ..
_ امي تودي الاكل وترجع ثنينجن اذا وصلتن اموتجن
بيران _ مسوي روحك رجال
خزر بيران وحجه بحده _
_ بيررران سدي حلكج لا اجي اكسر سنونج
گلبت عيونها وسكتت تباوع على التلفزيون باوع علي وهز راسه متوعد واني الي يكلي هيج ابجي _
يمامة ..:_:...
بالصاله كاعده هادئة اباوع بالتلفون بس داخلي ابد مو هادئ كدامي كدامي ينكلون بجهاز العروس بعد ما كملت الغرفة الجديدة شلون شلون امثل ما مهتمه واني اموت ميت موته احاول ما احبس روحي بالغرفة واني طول الوگت بيها ماريد ابين اله متدمرة واعرف كلش زين هو يدري
الموبايل مليته واني اگلب بي طول هاي المده ما عندي شي اسوي روحي لعبانه من كلشي بحياتي امي كل شويه توكف تباوعلي وتكول _
_ روحي نامي يمه
وارد عليها ما نعسانه ادري بيها تكول هيج خاف انقهر اصلا اني قررت اصمد علمودها شذنبها تشوفني هيج اتدمر وادمرها وياي امي ضحت بحياتها الي من توفه ابوي جانت زغيرة تكدر تذبني بيت عمي وتروح تتزوج بس هيا فضت تضل تربيني هواي تقدمولها ورفضت لهل سبب ساجر عاف اهله وعاش يمها جانت وحيده وما عدها احد بيت خالي الي هو اهلها استقبلوها بس بدوني كالولها تروحين تذبيها يم بيت عمها حتى تشوفين حياتج ورجعت لبيتها وحيده على انها تعوفني شلون يهون علي ادمرها وهيا ما عدها غيري
رفعت عيوني من كعد گبالي مبتسم بيده علاگه _:
_ وهاي ملابس لبنيتي
صدك يحجي هاذا بهل بساطه يعني ماعندي مشاعر مثلا يجيبلي ملابس حتى البسهن بعرسه كضيت ايدي حيييل وكلت ببرود _
_ ماريد شكرا عندي هواي ملابس
اختفت ابتسامته وكال
_ ترديني جبتلج بالون الي تحبي ومكياج مو تحبيهن هااج
كمت من مكاني اريد اروح لغرفتي كام وراي ولزم ذراعي حيل ينتر _
_ مو كافيي شترديين ليشش هيج تتصرفيين وياي شنوو عدوج كل مارييد احجي ويااج تروحين لغرفتج
اجت امي بسرعه تباوع بخوف اني معصبه كلش نترت ايدي وكلت
_ هيج اريد اكعد بغرفتي شنو حرام هم غلط
_ تنجبين وتكعدين هنا بدون حس
_ لا والله
انداريت اريد اروح لغرفتي رجع لزمني حيل عطت اريد يوخر اجت امي توخر بي وتحجي _
_ عوفها يمه عوفها الله يخليك مريضه
_ عمه كاربب عليها شنوو مو اهلها احنه ما نريد نشوفها
يمامة _ مارييد اشوفكم هسه عوفني
_ اخذي الملابس وروحي
باوعت على امي وكلت بحدة _
_ يمه كليله ماريد شي منهههه
ساجر _ تاكليين نعلللل
عاط بيه ويعت بيه هو يعيط واني اعيط امي بيناتنه تريد توخره ما يوخر يعني ما فوك الي سواه لازم اكعد اسولف واضحك عادي ولا يمه وارجع اباوع بوجه مثل قبل وال حرگت كلبي جايب ملابس يعني عود يخفف عني _
دفعته عني ابجي عطت لازمه ايدي بوجع _
_ شيخلصنييي منك والله ما ابقىىى
_ حلووو وين تردين تروحين تنهزمين مثلا مثل ذاك اليوم
باوعتله بحقد ورحت لغرفتي شكد كارهته وروحي لعبانه منه روحي موجوعه منه كلش طبت امي وجت تشوف ايدي
_ يا يمه ليش تعيطين
_ يمه تعوفيني بحاليي لو اسوي كارثه شنوو مو بشر انيي جايبلي ملابس شيريد مني يقهرني اكثر
_ كافي يله عوفي
_ اريد اروح لبيت خالو
باوعتلي بتعب مايله راسها _
_ ميخليج يمه شتريدين تحلين علي
كعدت امسح بدموعي لزمت ايدها _
_ احجي ويا اني مو كل سنه اروح يمهم اسبوع هل مره ما رحت والله يمه راح اموت مختنكه ما اتحمل اي شي يصير كدامي امووت جاي احترگ يمه حسي بيه والله راح يصير بيه شي
حضنتني بسرعه تحجي _
_ ادري بيج يمه والحسين ادري بيج شبيدي عليج يروحي
_ هسه هو شدخله قبل جنت عبالي يغار علي من حسام هسه شنو خليني اروح هناك اتنفس يمهم غير جو
_ شتريدين منهم يمه ما يحبونج
_ بس اخته رقية متحبني وشوية مرت خالو من اعاندها تضوج مني بس والله من اصير حبابه كلش يحبوني حتى خالو
ضحكت تمسح بدموعي _
_ ميخالف احاجي بس لا تقهرين بروحج
هزيت راسي طلعت هيا تنهدت بتعب بلكت اروح عاد شوية انسى هناك اتونس ويا بنات خالو وجناينهم خوش عدهن سوالف وحش
كمت لكنتوري وطلعت جنطه زغيرة اخلي بيها ملابس وبوسط ما اخلي انفتح الباب قوي فزيت بخوف شفته واكف معصب
_ وييين حضرتجج
_ لبيت خالو
_ هاااا لبييت خالوو هسه صار بييت خالو زيين
_ هسههه ليش تعييط واذا رحت لبيت خالوو شنو اضل محبوسه هنا مليت روحي طكت ضايجهه
غمض عيونه وفرگ كصته هو من يريد يسيطر على اعصابه يدلك كصته مادري ليش
_ عوفي لا ترحين باجر اطلعج انه واونسج
_ لا اريد اروح لبيت خالو
تقرب مني وكال بعصبيه وعياط _
_ لا تخلينييي اكفرر برب خالووو ماكو روحهه شعندجج مو عدهم ولدد جبير شعندججج
_ اوووف كافي شكد تعيط كافي شنو حبيستك اني مثل ما انته ابن عمي هو ابن خالو شنو غرييب
_ اكلي خرة واكعدي ماريد ابجيج يمامه
_ ما ابجي واروح مو بكيفك هو مو كل سنه اروح ليش هسه ماتقبل
_ اششش ماكو روحه
باوعت لوجهه بعصبيه متخوصره وعيوني تتحدى عيونه _
_ اروح اروح اروح
_ شلون راح اهفها براشدي
_ اي مثل ذاك اليوم مووو عادي اضرب اضرب هو اني تعودت تغلط انته واني الي اتحاسب
_ كافي
_ ليش كافي اخاف احجي بالموضوع وشلون بستني بكل وقاحه و...
_ غلططططط كتلججج غلط غلط غلط كافيي
_ ايييي وشنووو ذنبي ليششش هييج سويييت
_ لج صوتج صوتج
_ اروح لبيت خالو يعني اروح ضجت
تنفس بعمق وكال _
_ اطلعج انه والله فدوة اروحلج بنيتي لا تسوين هيج
_ ماريد اطلع وياك
_ ليش ؟
_ اضوج منك اتنفرز كاره شوفتك كلشش
بلع ريك يباوعلي وملامحه ارتخت مثل الي ما متوقع كلامي ابد اول مرة احجي بوجه هيج اول مرة اكله اكرهك من گل گلبي جنت ما يمر يوم اذا ما اكله احبك وهسه من صدك مو اكلكم ما احبه او نسيت حبه بس روحي توجعني من اشوفه كاره الي سواه _
حجه بهمس ينفي براسه _
_ تگولين هيج لان معصبه
_ وروح ابوي ما طايقتك اريد اروح لبيت خالو حتى ما اشوف وجهك
عض شفته ودنك يهز براسه _
_ هاي هيه روحي اذا هيج مادام انه الي مضوجج روحي
التفتت ابلع بغصتي وعيوني دمعت رجعت الم بالغراض طلع وسد الباب عفت الملابس من ايدي وكعت بالكاع ابجي من گل كلبي اني الي اعشق ساجر هيج اكول هو الي خلاني اوصل لهل مرحله هو الي آذاني كلش _
رحت لبست شالي والصاية واتصلت على حسام ماكو دقيقه رد علي ما مصدگ لان ما اتصل علي هواي ومن كتله تعال اريد اجي يمكن طار من الفرح سديت الموبايل وتنهدت بعمق بلكت اكدر انسه _
طلعت بيدي الجنطه وبس اني هو ماكو ما سآلت علي بس كعدت بصمت انتضر امي اجت كعدت يمي توصي بيه ما اسوي شي ولا احجي وانطتني فلوس كالت _
_ هذن من ساجر
_ ماريد يمه
_ عوفي الاعناد يمه واخذيهن
_ عندي يمه ماريد
_ هاج لا تتعبيني
اخذتهه منها بس مستحيل اخذ منه هو مادري شبيه بس احس اي شي منه يجرحني كامت للمطبخ وجان اخليهن جوة المخده سمعت هورن بره واعرفه مالت حسام كمت شايله الجنطه
_ يمه راح اروح اجه حسام
_ شلوون اتصلتي بي ولج اذا دره ساجر هو موديج يگلب البيت
_ لعد منو يوديني اهوو والله موتيني بساجر ابو اذان رايحه اني ما اخاف منه
باوعتلي بحيرة وطلعت وياي سلمت على حسام وتوصي بي عليه وهو خطيه مادري شيحب بيه مكيف ودعت امي ومشينه
حسام _ البارحه مطرت شنو تريد تمطر انوب
_ ليش ؟.
_ لا مو يمامة متصله علي وتريد تجي هواي على گلبي هيج
_ كام يمست عاد تره والله ارجع
_ ههههه جذب جذب اتشاقه
ضحكت اباوع على الطريق _
_ شبيج ليش ضايجه ؟
_ ما بيه شي اختنكت وكلت اجي اغير جو
_ هلا بيج بكل وقت والله لو تبقين يمنه طول العمر بعد احسن
سكتت مبتسمه بس داخلي نار _
حسام _ يمامه
_ ها
_ ضايجة لان ساجر راح يتزوج مو
باوعت علي مدنكه راسي والدمعه صارت بطرف عيني _
_ لا تنقهرين فاهم شنو بكلبج واعرف شتحسين كلش زين لان اني هسه جاي احس بنفس شعورج بس ثقي بالله انتي تستاهلين غيره والله راح يعوضج
ابتسمت على كلامه وهزيت راسي هو هم ابتسم _
_ ابد لا تستحين مني وتعديني مثلهم احسبيني صديقج ولا تخافين ابد من الي تحجي اني ما يهمني حجي الناس ابد المهم اعرفج شنو واعرف اخلاقج
_ شكرا حسام واسفه لان ماكدر
_ هههه لا تتآسفين شنو هيا گوة المهم جبتج هنا نغير جو ونعلكها احنه والعائله الكريمه
_ مو يضوجون مني
_ وج والله محد يضوج منج اصلا اسمج صار يتردد كل يوم بالبيت بسببي
سكتت بس ما فاهمه هو يحجي بكل جرأة وما يضم حبه فكرت وعرفت هو مثل شخصيتي هيج جنت اسوي واحجي بدون شفافيه كدام ساجر اعبرله عن حبي بدون خجل _
_ انسي هسه عوفينه بنت العمه يمنه والله لا ادللها واخلي هلي الغمازات تنحفر بالزايد
ضحكت هازه راسي _
وصلنا لبيت خالو وصدك استقبلوني احله استقبال ومسوين غده من كل شكل وخالو كل شوية سالني خوما محتاجه شي التهيت بالجي ويا بنات خالو همه عدهم ولد ثلاثه وبنات ثنين وحده مخطوبه وحده تدرس التدرس اسمها زهراء والمتزوجه رقية والوليد حسام اصغر واحد بيهم والوسطاني عباس والجبير موسى
جنانهم هم ثنين وحده حبابه والثانيه مو كلش ساعه وياك ساعه عليك مرت عباس ايه ومرت موسى غسق ومرت خالو وخالو وهاي هيه ما عدهم اطفال بس جناينهم حوامل _
اية _ اذا تعبانه روحي نامي يعمري بغرفة زهراء فرشتلج الجرباية
_ لا ما تعبانه خليني كاعده هههههه
هيا رقية مو متزوجه ف اخذ مكانها بالغرفه مالت زهراء لان بيها جربايتين ام النفر طبعا بيت خالو زناگين
غسق _ ليش وجهج ذال يمامه وين الخدود الحمر هاي لان ساجر راح يتزوج هههههه
كالتها عود بشقه بس محد ضحك كلهم خزروها وهيا ولا يمها تضحك ابتسمت وكلت _
_ لا جنت مريضه بالفلاونزه وضجت من البيت شعلي بساجر خلي يتزوج
حسام _ اشش هسه اله نجيب طاري ساجر عوفو خلي يولي
سكنت مدنكه رغم شكد ضايجه منه بس اضوج من احد يحجي عليه كدامي هو من شافني ما ايدته بكلامه سكت وكال _
_ نطلع للحديقه يله زهراء جيبي حبشكلاتج وتعالي
اية _ اني اني خلي اجي
عباس _ بعد بعد حبيبتي تلهوكي
زعلت مبرطمه اية كلش حبابه وعلى نياتها هو عباس ضحك وطكها على ضهرها حيل _
عباس _ شقههه
صاحت عمتي مرت خالو شكرية _
_ ولككك راح تطرحها زمااال هم تعوف شقاك كوم عوف الابنيه يله كوم
كام ما عاجبه وكال _ هسه شسويت اني هيا مايعه
وهيا خطيه لازمه ضهرها وتلوب ضحكت اني من هاي اجي هنا اغير جو كلهم فرفوشين ويضحكون
موسى _ هو هاذا شكول زواج زعطوط وينه وين الزواج
عباس _ ديله عيني يل جبير ذاك اليوم منو تعرك ويا غسق على الاندومي
ضربه بجلاق واحنه خربنه من الضحك عمتي كامت لغرفتها وخالو طلع مدري وين وغسق راحت نامت هيا وموسى واحنه عباس واية وزهراء وحسام طلعنه للحديقه كلش حلوة حديقتهم جبيرة وبيها مراجيح ورد
فرشتلنه فرشة وكعدنا نكرز حب وناكل حبشكلات الجو مو بارد اليوم طالعه الشمس فحلوة الكعده صارت وصدك غيرت جو ولا ما ناسيه بس على الاقل مو حابسه نفسي بغرفه والنهار كله ابجي وحدي
حسام _ يمامة انتي ليش ترگتي دراستج شنو السبب يعني
رفعت جتافي بمعنى ما اعرف وتنهدت حتى اني متندمه لان تركتها
_ اني الي ما ردت تعاجزت ودكيت رجلي اله ابطل
اية _ امداج
يمامة _ ما الومج صدك امداني
زهراء _ ينعودة هنيالج وعلي شاك حلكي السادس
حسام _ اي وشتردين حضرتج
زهراء _ ابطل
عباس _ نعال زين بحلگج
ابتسمت شكد افرح من اشوف هيج اخوان همه الي يحفزون خواتهم للدراسه مو مثل البعض يجبرونهم يعوفها واني الله شاهد ساجر ما اله شغل بموضوع دراستي بالعكس سنه كامله هو يوميه مرزلني ومبجيني لان اريد ابطل بس اني عاندت كمت ما ادرس ولا احضر واجباتي كامت المديرة يوميه مخابرته اخر شي طكت ويا وبطلني
عباس _ وانتي ما ناويه ترجعين
نفيت شرجع صرت شكبرني ويرادلي هواي يله ارجع وهم ساجر ينشلع كلبه يله واني ماريد شي منه _
_ اريد افتح صالون
زهراء_ صالون ديرة ههههه
يمامة _ ديله عيني المثقفه
اية _ لا حلو مكياج يمامه مثل الي اشوفه بالموبايل
يمامة _ لعد شعبالج بس المشكله ما عندي فلوس مفلسه
ضحكو علي كال حسام _
حسام _ انتي ابوج مو شهيد ؟
هزيت راسي _
حسام _ لعد ليش ما تستلمين راتب شهيد ؟
يمامة _ ساجر راح بيها وكل مرة يكلوله ما الكم وتعب يوميه معامله جديده وعافها
باوعو على بعض ما عاجبهم استغربت وكلت
_ شكو
عباس _ اكلج خاف هاذا جاي يقط بيكم
_ منوو
حسام _ ساجر
ضحكت بسخرية اباوعلهم رافعه حواجبي كل مره هيج يطلعون ساجر مو زين كل مره يحجون علي وهاذا الشي كلش يضوجني
يمامة _ تره عادي اشك بامي هيا تاخذة وما اشگ بساجر اذا صدگ هو ماخذ ليش لعد مشلوع گلبه الاسبوع كله يطلع من الفجر يرجع باليل وبشغل كلش يتعب حتى يكدر يعيشنه اني وامي
عباس _ اي فكري بيها يجوز ميريد وحده منجن تعتمد على نفسها يريد هو الي يكون مسؤل عليكم
يمامة _ اي وليش ؟
حسام _ خاف تبعدون عنه بصراحه اني اشوف ساجر غريب يريد يسيطر عليج يريد يعني يتحكم بيج
بلعت ريك وكلت مرتبكه _
_ ش شلون يعني ؟
حسام _ منتبه علي لا يخليج تعتمدين على نفسج ولا على غيره لا يحبج بس ميريد يفاركج يمنعج من كرايبج ومن اي احد غيره
دمعت عيوني بقهر معقوله صدك ساجر يحب بس يتحكم بيه يعني كل توقعاتي مال يحبني حتى لو مثل اخته جذب يحب يتحكم بيه
_ ب بء بس هه هو ما يسوي هيج ليش هيج تحجون
عباس _ گلبي احنه ما جاي نحرضج علي تره جاي نحجي المصلحتج طول هل مده احنه نكول ساجر مانعها من عدنه لان يحبها ويريد يتزوجها يغار عليها بس هو راح يتزوج يعني على شنو مثلا هيج خانكج واذا صدك يريد مصلحتج جان ما خلاج تتركين دراستج جان عد نفسه مثل ابوج وجبرج على الدراسه هاي زهراء اذا كالت اريد ابطل كلها توكف بوجها بس هو من الاول يريد يبطلج
زهراء _ اي والله صدك اصلا اني هاذا ساجر ابد ما ارتاحله
حسام _ اشش احنه ما جاي نكول ما نرتاحله انتي سآلتي عن راتب ابوج من قبل
نفيت براسي ساكته ومقهورة _
عباس _ اي لعد هو الي ياخذة
اية _ يمعودين كافي حرام تبلون الرجال يجوز صدك
مسحت دموعي وكلت _
_ ما اصدك واني اثق بساجر رجأء هاي الامور بينه لحد يتدخل بيها
كلهم ضاجو وسكتو بعدين شافوني ردت ابجي وغيرو السالفه ويحاولون يضحكوني
حسام _ باجر باليل اطلعكم احله طلعه للمطعم
زهراء _ صدككك
عباس _ وانتي شعليج ما ناخذج
حسام _ هو انته شعليك شنو زغير ماخذك وياي مو اكبر مني انته
عباس _ لا وعلي ازعل ضايج خلي اطلع وياكم
حسام _ ليش ما تطلع وحدك شنو مبتلي بييك
عباس _ اش اش اطلع وغصبا عليك اكبر منك اني وكلمتي تنسمع غصبأ على راسك
حسام _ ديله اسكت مومة انتي ترحين
هزيت راسي مبتسمه ابتسملي وكال _
_ يله خوش اني رايح الجماعه ينتضروني
عباس _ اروح وياك
حسام _ اهوو انته حتى على جماعتي لاحگني
ما رد علي طب يبدل واية راحت ويا تنطي ملابس واني وزهراء رحنه لغرفتنا _
توني طبيت الغرفة رن موبايلي شفت الاسم كاتبه علي _ زوجي المستقبلي _ غميت نفسي يا زوجي ردت بعدني ما حاجيه اجاني صوته يعيط
_ انتييييي شنووو مالججج رداااد شلووون تطلعيين ويا حسااام وحدجج شلوون
_ لا تصيح شعليك
_ خرب لاتخلينيييي انعلل والديج موو ابووج خووش رجال
_ شحدك والله اذا غلطت على بابا اكتلك
_ ليشش ما انتضرتينيي اودييج هاا
_ اهوو هسه رحت ويا حسام وكافي
_ اهااا زين زين باله شكالج شحجه وياج طوول الطريق يقنعج تتزوجي وتعوفيني موو كام يتلهوگ حته تحبي
_ واذا قنعني وشنو اعوفك لعد ما اعوفك محسسني انته رجلي هه والله يا الله روح التهي بمرتك شعلي انيي
_ وسم وزقنبوت موو مخليلج خرة بحلكج ليشش ما ماخذتهنن
_ ماريد
_ يعنيي هسه انته من تسوين هيج عناد لو شنو فهميني
_ عندي اكلك وهم خالو وحسام ما مقصرين يباوعون على حلگي
_ خرب ****** وبحسام وخالو وعلي وعلي تره اجيج هسه واسحلج سحل
_ لا تغلط
_ باجر اجيج ترجعين افتهمتيي
_ لا والله ؟؟ مااا اريدد ابقى بعدد ما ما
_ وج والله تعبتيني
_ اي اي طبعأ اني اتعبك ليش تحجي وياي لعد عوفنيي
طفيت الموبايل بوجهه وعضيت شفتي بقهر شلون يصيح علي ويكلي تعبتيني اذا تعبتك ليش هيج ما تعوفني براحتي يعني شيريد مني حب وما بادلني شيرييد _
اتصل انوب ضليت صافنه اعض باضافري خاف لان طفيته بوجهه راح يگتلتي _ رديت بعصبيه وحجي اني خايفه
_ هااا
_ شلوون تطفيين الموبايلل بوجهي ولج شو انتي بايعتها فد نوب
_ شبايعه والله ما بايعه شي
_ يمامة شوفي يروحي شوفيييي بنيتيي باجررر اجييي تاخذيين الفلوس منييي وما تاخذييين من غيريي ابقي هل جم يووم بس والله والله اذا سمعتج او دريت ماخذه شي من غيري اموتج
_ اوووف شعليك شعليك شتريد مني والله تعبتني شتريد
_ وسم انحلت يله يله وعلي اذا بقيتي مشلتحه كدامهم لو شعرج بين اموتج
_ واذا مو ما البس حجاب كدامك وهم البس مشلتح واذا لبست كدامهمم
_ يمامةةة لا تخلينييي اجييي هسه اسحلجج
_ اهوو ديله يله ماشي
سمعته يتنهد ضايج صل ساكت واني ساكته العب بقيطان الدشداشه بحزن _
_ حرت حرت حتى بروحي يمامة نفسي ماكدر افسرها ادري مقهورة مني بس اعذريني
كال هيج وطفاه خليت ايدي على عيوني وحلكي يرجف اريد اسد البجية ماكو اله نزلت الدموع وضليت ابجي وحدي بالمطبخ يله ارتاحيت ومسحت دموعي وبينت روحي طبيعيه _
بيران .......:؛!:..
لفيت شعر ليث بعلاكه بعد الزيوت الي خليتها بشعره لا تستغربون هل فتره صايرة سخيفه وما عندي شي اسوي طول هل فتره مخليه روحي بشعر ليث لان شعره حلو كثيف وناعم بس يعني ملوي شلون الگيرلي بس مو كلش ويفي هيج ولونه بني يجنن صار يوصل لحد خدوده وهو هم مكيف بي شديته بشال حته شويه يمر ساعه واغسله
ابتسمت لازمه وجه وبسته _
_ اخذلك صورة ادزها لبابا علمود يجي بسرعه
هز راسه فرحان وكال _
_ اي دديها لبابا حلي يدي بسلعه
( دزيها لبابا خلي يجي بسرعه )
ضحكت وصورت صورة وكتله _
_ يله روح العب بالبايسكل مالتك بالحوش هسع اجي وراگ مو تطلع بره
هز راسه وراح ركض ضحكت ودزيت الصورة على الانستا وكتبت _
_ ليث يكول خلي يجي بسرعه
تنهدت بضيق رغم حبي بالهتمام بليث بس ماكدر اعتمد على نفسي اخاف ماكدر اعتني بي ويصير علي شي يا ستار وماريد اتوقع رد شهم الي جاي اسوي انو اراسله بعد الي صار واوديله اخبار ليث جاي يدوس على گرامتي بس بنفس الوقت جاي ارتاح ذهنيأ اول شي ما اجذب على ليث وافرحه يوميه جذب واكله جاي اراسل ابوگ وثاني شي اخاف يطول شهم ويكبر ليث وينسه اي شي يخصه يعني مثلا شهم اذا فتح المراسله يشوف ليث جاي يكبر كل يوم لمده سنه يوميه صورة ادز اله وجواها شيكول ليث وبس ما ادز اكثر من هاذا
اني عن نفسي حسيت روحي گلش كبرت كلشش ابد مو بيران القديمه حتى اهلي لاحضو
مثلا مثلا جنت اكضي النهار لعب وضحك واتفه على اي شي هسه اضل كاعده افگر طول النهار شنو الي راح يصير وياي شهم راح يطلگني راح اكدر اتخطى ليث المشكله يوم عن يوم جاي يزيد تعلقي بليث كمت اصدگ روحي وصدگ احس روحي امه بكد ما روحي بي
ما انكر اني احن للايام الي جنت بيها طفله ما جان يهمني غير شلون اغلبهم بالعب شلبس ششتري هيج جانت اكبر همومي هيا امتحان بالمدرسة او الگلية اهاا والگلية بافل راد يرجعني بس ما قبلت نفسيتي تحت الصفر صراحه ومالي خلگ خلي اشوف تاليتها وبعدين الله گريم
بافل اشوفه كل يوم يتلوع على بتول الي ولا هامها ادري ما تسوي هيج بارادتها بس هيا مطنشته لان آذاها واكيد محد راح يحب يندمج للي اذآه موو يعني مرات من تحجي بتول وتضحك يضل يبتسم وياها ومن بنص سالفتهع متحمسه ويسألها تباوعله بطرف عين وتختصر جوابها اله اشوفه يضوج كلش وينقهر بس اتشمت
من تطبخ ما يخلي غزل ما يحجي الها وهيا ولا يمها تكمل اكل وحتى ما تباوع علي اشوف من يكلها حضريلي ملابسي هيا تصعد يركض وراها وبعدين ترجع بتول الوجه احمر خجلانه ومعصبه ادري بي يتسوفل وياها بس اني ماخذة دور المتفرج احب اتشمت بافل واضحك على بتول
ها اي ورحنه للصالون بتول همم يا خايبات شناسيات سوت الحواجب مشمرات وحفت ودرجت شعرها سوته يجنن وهو ثخين وصبغته تمري فاتح يعني باختصار بتول صايرع تشگ شگ من لبس ومكياج الي يشوفها يكول جاي تنتقم من بافل او تغري وحتى اني جان عبالي هيج بس هيا تسوي هيج بسبيل تلهي نفسها واني ايدتها لان احب البنيه الي تنهض روحها بروحها
اما عن نجمه وميار من ذاك التصال بعد ما سمعت عنها شي وين وشلون مادري بس كون الله يكون بعونها ويساعدها وين ما كانت
طلعت بره كاعده على الصبات واباوع على ليث اطمأن علي وارجع اكلب بموبايلي فززتني زينه من صاحت
_ الشكرههه
باوعت عليها وغميتها _
_ وكعتي گلبي بنت المسموط
هيا اجتي تركض علي لان جانت بره واني صفنت على نفسي لان كلت بنت المسموط مثل شهمم معقوله بهاي الفتره الكصيرة لساني اتذكر كلماته الوصخه امداك هاي بكد ما وصخ اتذكرك
زينة _ وي يروحي شهل شعرر الجمييل
دنكت على ليث تبوس بي حيل وتحجي وهو يوخر بيها منزعج اخر شي عااط حيل وخرها معصب كلش اضحك علي من يعصب لان هو هادئ ف ميعصب هواي
زينة _ على كيفك عيني ابن شهومي
اجتي كعدت يمي وحجت _
_ شو الاخبار شلونكم
_ الحمدالله اشو اليوم جايه علي شعجب ؟
_ والله يمامة رايحه البيت خالها وبقيت وحيده هذني بنات صالح ميتحاجن كبر شكد مغرورات
_ ههههه ليش شبيهن
_ كتلهن ليش هلكد ضعاف شنو اهلكم مينطوكم اكل اتشاقهه وياهن ونكرصن يصيحلي الهايشه
_ هههههه خوب انتي ذابحتهن وتكولين ميتحاجن
_ششش لا تبديلي انتي الثانية يله ضجت اريد رجل
_ رجل ؟
_ اي اريد اتزوج شنو مليت لا دراسة ولا شي اريد اتزوج دا اضحك علي
_ اي مو هو الزواج مضحكه وطبج مرض منو كالج بطلي
_ غير ابوي بطلني
_ انتي هم بانتها
_ هو يريد يبطلني على شنو متعبه نفسي على الفاضي ابطل من وكت عاد ما بيه اكعد الصبح
_ والله فايخه انتي
فجأة تذكرت ايهم مادري ليش جي على بالي بس فكرت شنو وضعه هسه وشلونه راح يصيرر هواييي من اخر مرة شفته طبيت على ضهر زينة _
_ والله لو حماي موجود او اني موجودة يمهم جان اخذتج اله
_ صدكك حلو هوه
_ هو حلو بس سخيف
_ يعني شلون
_ يعني يطكك المرارة
_ لا عيني ماريد هو اني مرارتي مطكوكه من ابوي بعد شريد
_ ههههه وانتي صدگتي هو سلوگي وانتي هايشه شصيرون فدوة لهل شعر الاحمر
_ وسم عاد احسن منج المصفرگه
_ وجهج بي طشت لحم
_ بيران وانبي راح ازعللل
_ هههههه لا لا جذب جذب غير تخبلين
ضربتني على جتفي بزعل وردت خلت راسها على جتفي متنهده _
_ لا والله عن الشقه اريد اتزوج
_ ليش
_ والله مليت من ابوي
_ شبي ابوج
_ يمعوده خانكني على اي شي اسوي يسمني يله لا طلعه لا مشيه اريد اخلص من هاي القرية واروح اعيش بالمدينه الحلوة
_ وين اكو احله من القرية وجعع
_ هاي بس عندج اني بالنسبه الي اريد واحدد فاايخ ويحجي هييج بثقافه وحلو وشخصيه ويضحكني بس ثكيل
_ وبعد تريدي حار ومكسب
_ اشش شوفي هو مشو علي هواي زلم بس كلهم من القرية وارفض اني اريد اطلع من هاي الفگر
_ الله گريم كلشي يفرج
_ اكلج منتبه على نفسج صايرة مثل بيبيتي شبيج صايرة عاقله
_ اني من يوم يومي عاقله
_ لا شوفي انتي صح صايرة شوية شويههه هادئة بس لسه على سخافتج ما متغيرة
_ لا تره صرت مو سخيفه حتى شوفي الكعده مال مثقفين
_ هاذا شهم هيج سوه
_ اهوو هم كالولي شحم
بتول .......!:؛'؛...
هسه توني خلصت تنضيف غرفة بافل لان صراحه بافل كلش فوضوي واذا راد شي من الكنتور او الجرارات لازم كلهن ينكتهن بالكاع وما يرجعهن وخاصتأ اخر فتره يعني احسه يتقصد هيج يسوي يتعبني
فتحت الشباك حتى يدخل هوى للغرفة وطلعت سادتها نزلت جوة ورحت گبل سبحت لان اصلا احنه متغدين وما عدنه شغل
بيران _ بسرعهه اريد اسبح ليث وراج
_ اي اي ما اتآخر
طبيت للحمام وشغلت الدوش ما جان عدنه دوش بس بافل سواه جنه نسبح بصطل وطشت انزاح كل التعب من سبحت بمي حار طلعت وگبل الغرفتي خاف اتمرض جنت مشغله الدفايه بغرفتي كعدت ارجف
شغلت السشوار وسشورت شعري بعدين دفيت عطرت شعري وجسمي ورطبته وخليت الي مكياج خفيف وصرت صدگ احب نفسي بحياتي ما جنت حابه وجهي هيج جنت دائما اشوف روحي مشوهة الشطب الزغير الي بوجهي جان مخرب واهسي كله بس هسه صرت ما اهتم اله اني حلوة ليش اوكف على ندب زغير صرت اتجاهله واسوي كلشي بخاطري
صبغت اضافري على لون الملابس الي لابستها نيلي ومشطت شعري
ورحت جبت موبايلي كاعده يم الدفايه اوشوفه لان هسه يله فرغت اله
جان مراسلني بافل دازلي صورة ملابس استغفرالله كلش سخيفه وعيب وكاتب
_ مو تلوكلج ؟
طلعت من المراسله معصبه صاير فد ادبسزز مادري شبي يعني عود صدگ اذا كالي احبج مثل كل يوم راح اصدگه واني باذني سمعت يكول ماكدر احبها من ذاگ اليوم الي عيط علي ومنعني من بيت سلام صرت ابدد ابد ما انطي وجه شكد يتحارش ويغازل واني لابسته وخطيه سلام تفهم وما زعل من عدم جيتي بس دائما اخابر ملاك واطمأن عليها وادز عمتي عليها كل شوية واروح اطمن سلام
نمت شوية قيلوله وكعدت المكياج صاير خريطه هسه اكو واحد يحط مكياج وينام امداني مسحت المكياج وبس خليت تنت لشفتي ولخدودي وطلعت الدنية المغرب رحت اتسحل على كيف خاف عمتي ترزلني خرب تخبل اذا نمت المغرب دكول نومت الجناني
اولغا _ شبعتيي نوم ويا الشياطين موو
بتول _ ههه عمه والله مادري اخذتني النومه
بيران _ يمه دعوفيها هسه مو تعبت بجيفه بافل
اولغا _ اي خلي تكعد كبل المغرب مو اخاف عليها تتمرض
_ بعد ما تنعاد عمه اعذريني
اولغا _ روحي روحي صلي استغفري
_ حاضر عمه
رحت گبل توضيت وصليت عود قيلوله جارتها لصلات العشه دعيت من گل كلبي ربي ييسر امري ويفرجها علي وما يخليني اتلوع بحب بافل دعيت ربي اذا راح اشوف ضيم ويا بافل يفرقني عنه من هسه
خلصت ورحت كعدت لان بافل معودنه العشة هو يجيبه من يجي _
اولغا _ هم خابرتي رجلج بيران شوضعه وين ما وين
_ ها لا يمه كتلج ميكدر
_ ها لعد يمه شلون ميريد يسأل عليكم يتطمن
_ لا يمه انشالله يجي قريب هو علمودنه
تحجي بيران بتوتر وتلعب بشعر ليث انقهر عليها لان متحجي واني ادري شبيها _
اندگ الباب باوعت على بيران بسرعه _
بيران _ نجبي رجلي خدرانه كومي انتي شنو مبتلي بي انيي
_ عليييج الله
اولغا _ خايبات ما تنجبن شنو تتعاجزن من وليدي اني اكوم افتح
توها خلت اديها بالكاع لزمت ايدها وكمت _
_ لا لا اني اكووم
كمت ضايجة لان اني اتجنب افتحله الباب هيج عناد وهم ماريد اشوفه وترجع ذيج المشاعر ولو هيا لازگه المشاعر _
فتحت الباب اله مخنزرة شفت التعب بعيونه ابتسم وكال
_ شلون وجه يريد العافية
_ لك انته شكد جذاب
خزرني وطب سديت الباب كال _
_ لك ؟
سكتت وبس مطنگرة حك لحيته وكال بهمس _
_ اطلعهن باليل
راح على امه بوسها حييل ويحجي _
_ ولججج مشتاقلجج
_ فدوو اروحلك يمه اني همم بس خنكتني
ابتعد عنها وراح على ليث نومه بالكاع ودك بوس يمه خله الولد يبجي ضربته بيران تجر بليث _
_ وخرر لوگي مال بووس
باوعلها بشر وجان يجرها ولازم فكها ويبوس بخدودها هيا تعيط وتضرب وهو يبوس كل بوسه ام الطكه وصدك هو لوگي مال بوس
_ افييش هسه يله ردت روحي من بوستكم بس بعد واحد ما بسته
باوعلي فزيت بسرعه لان جنت صافنه عليهم واضحك خزرته ورحت اخذت العلاليگ اصب عشة عمتي ضربته تحجي
_ لا تقلل ادب كدامنه ادبسزز
_ يمه هسه عساس اني مسويها فله
صبيت العشة وتعشينا تعللنة شوية سولفنا وكلمن راح لغرفته اني وبيران خلصنه الشغل الخفيف وطفينا الضوايات وسددنه البوب ورحنه نمنه
قفلت بابي زيين خاف يجفت علي هاذا ورحت سويت روتيني وطبيت لفراشي ..
بعدني ما كايله يا الله دزلي رساله
_ بوسات حضنات حبشكلات ماكوو ؟
يتبع .........
_________________________________