سبية مستباحة

بارت 13

-سبية مستباحة

- بقلم الكاتبة ميامين الدليم

-محمود: تخابري هسة يجيب الشيخ ويجي يفسخ

-حرير: ايي اخابرة ليش لاا سحبت التلفون وخابرت فتحت المكبر مال صوت ورجع خالي عاد كلامة

-ضحك مهڤ يستفزهم وكال

-تريد الشيخ من سوق بلي لو من كوكل

حرير:كال هيج وطكيتهة بضحكة خليت شرايينة اطك من العصبية

محمود: ولج ادبسزز انتي ماشايلة ذرة تربية الة اربيج من جديد

مهڤ: ابن امة ليدوس شعرة من شعرهة

حرير: اني مترباية احسن تربية بعيدا عن الحقد ولكره ولمصالح وهاي النفوس

محمود: راح تجلطني هلبنية راح تجلطني

حرير: اجة كرار سحب تلفوني سد الخط وسحبني لغرفة فوك حاولت اوخر منة ماكدرت شمرني بلغرفة وسد الباب

كمت وراا كسرت الباب وراح صوتي من الصياح محد فتحلي اصواتهم جوة علت وخالي عادل وبيبي ماراضين عن الصار بس سكتو لان خالي محمود الجبير حتة كلمة لبيبي ماخلو

-كعدت بلكاع حضنت نفسي وباوعت لحالي وذكرت الصار جوة وكمية التحكم ولاهاين الصارت علية

-وين عفتني بابة شوف شصار بحالي بعدك ساعدني يارب اوكف وياي ماعندي غير رحمتك باوع الحالي تعبت خلصني من هذاا كلة

-ضليت انتضر مهڤ اكيد راح يجي ماراح يعوفني هناا وينك مهڤ ليش ماا سمعت كلامك ليش اجيت هناا حذرتني انت حذرتني بس ماسمعت كلامك عبالي ناس اوادم

-بعد نص ساعة سمعت صوت هوسة برة رحت للشباك باوعت لمهڤ لازم كرار من قميصة ويريد يكتلة وخوالي يوخرون بي اريد افتح الشباك مينفتح مقفول ضليت اضرب بلجام ماا انتبهلي

-ماعرف شنو حجو ويا ضل رافع اصبعة بوجهم واحد واحد كانو يهدد بيهم وجهة صاير احمر من العصبية حسيت روحي تريد اطير وتروح تحتمي بيي باوعت لنفسي محبوسة مثل الطير

-رجعت باوعت لمهڤ صعد السيارة وشخطهة وراح معقولة راح زين لييش مو ع اساس راح ياخذني وياا لاا مهڤ ميسويهة ميعوفني مستحيل طبوو وصعدو فوك فتحو الباب واجة كرار وخالي محمود وكفو كبالي تقدم كرار وكال

-شفتي الكتلتي روحج علي شلون رااح وابشرج رمة عليج يمين الطلاك تكعدين هناا وتسكتين مثلل الحبابة بنات اخر وكت كاعدات وية زلم غربة وفرحانات ويبيعن شرف براسنة

حرير: حسيت روحي صارت تغلي ودمي فاار اريد اكتلة واخلص منة هلحقيرر هذاا تقدمت علي ودفعتة وصرت اصيح بوجهة ويسحبون بية واني فاقدة

-انت واحد حقيييررر لك انت تحجي بشرفي ياا خسيس وقليل التربية الرباني يسواااك ويسوة عشيرتككك يسواااكم كلكم واحد واحد متوصلون لاضفرة فتهمتتت اني ماعترف بيكمم ولااا انتم اهلييي ولاا اعرفكمم اني ماعندي اهللل فاهمينننن طلعونيييي مناااا

-اجتي مهى سحبتني من شعري

-لجح حقيرة فوك ماا طببناج بيتنة وقمنة بلواجب وياااج هيج تسوين اذا رفعتي حسج وية واحد منهم مرة ثانية ميصيرلج خيرر ياا ادبسز هدتني ودفعتني للكاع

كرار: ابقي هناا ونعرف نعيد دماغج لراسج وتعرفين تحترمين

باوعتلة واني نضراتي الهم كلهة قرف

- تدرون انتو ليش كاعد تسوون هيج علمود الفلوس لاا اكثر انتو لاا تعرفون الاحترام ولاا احد بيكم يعرف التربية ولاا الاصول كاعدين اطبقوهن براسي فقط انتو لوو عدهم ذرة صغيرة من هاي الصفاات جان ماصار كلل هذاا بية

-اجة خالي محمود وضربني دفرة ابطني حسيت الدم صعد براسي بس ماضعفت ضحكت بوجهة حسيت ابوية كاعد يمدلي القوة حتة اقاوم الصار بية بعد ماراح

عادل: محموووود عوف البنية لحد هاي اللحضة اني محترمك وساكتت بطلل سوالفك هااي يخوي ولتخليني اطلع من طوري

محمود: لكك هاي العار تحجي بلفلوس ولج حقيرة حصة امج عدنة لو اريدهة اجي وادوس ع راسج واخذهة فاهمة

حرير: اميي ولله وتحجي بيهة بعد الله يعلم شنو قصتهة وشمسوين بيهة حتة هجة من عدكم امي مستحيل تعيش بهيج بيئة لان لو مثلكم جان ماا حبهة ابوي

محمود: امج لو خوش ادمية ماراحت تزوجت ابوج جان سمعت كلامي شحصلت ماتت بس جابتج لان انتي وحدة عار محد عرف يربيج لسانج اطول منج

حرير: فحطتوني الله ليوفقكم حوبتي هااي نشالله متتعداكم حوبت يتيمة نشالله تكسر ضهوركم ماا مسامحتكم لاا دنية ولاا اخرة

-صرت اتنفس سريع وجسمي يرجف من العصبية وشدة الاعصاب الصارت بية

-طلعو من الغرفة بقت اعراب واكفة وتباوع بشماتة ماجان عندي حيل جان كمت مسحت الكاع بيهة وشذى واكفة بلباب وتبجي اسمع صوت بجي بيبي لان ماكدرت تكوم ولاا تسويلي شيي

-كمت ولازمة بطني حتة توجعني من الضربة كون كسر ب ايدك ان شاء الله، ردت اروح لبيبي وكفت بوجعي اعراب تمنعني اطلع باوعتلة وسحبت ايدهة من الباب دفعتهة ع ميز التواليت

-مرة ثانية اذا وكفتي بوجهي اسويج وصلتين فاهمة، عائلة كلهة قذرة ،طلعت وعفتهة تنبح بلغرفة

اعراب: اعلمج منو القذر ياا حقيرة بنت الشوارع

-سمعت هلكلمة ورجعتلهة للغرفة سحبت شعرهة ونكرصت

حرير: الي راح اكولة تخلي ترچية ب اذنج الربوني مونفسهم الربوج وانتي تعرفيني شنو اقصد اذا انتي وابوج تركضون ورة الفلوس ف انتو اهل الشوارع اني بنت عز وخيري فوك راسي هاي الالفاظ الجج ولاهلج ولله لاندمكم واحد واحد

-هديتهة وطلعت اجتي شذى لزمت ايدي تساعدني انزل نزلت شفت بيبي حالتهة حالة وشاكة ثوبهة وتدعي رحت كعدت يمهة حضنهة واهدي بيهة

-لتسوين بروحج هيج محد يستاهلل بيبي الله وياي اني ماحتاج البشر الله ياخذ بحقي لاا تفكرين انتي بس راح تشوفين حوبتي شراح تسوي بيهم

الحجية: لاا حول ولاا قوة اني ييمة حسبي الله ونعم الوكيل ع كل ضالم الله يكون وية المضلوم بنيتي ماكدرت اسويلج شيي يبعد امج

حرير: اني قوية بيبي راح اتخطى كل هذاا وحقي اخذة بيدي لتشوفيني صغيرة وناعمة اني اعادلل زلم هلبيت كلهم ولو همة ميتسمون زلم

-سمعت صوت وراية يكول

كرار: كلتي شيي

-باوعتلة وكلت، انت بلذاات راح اشرب من دمك وتشووف اصلاا مابيك دفرة لحالك نافخ ريشك ع النسوان بيك خير جان فكيت نفسك من مهڤ راد يسحل بيك الكاع

- صار وجهة دم من كلتلة هييج راد يجي علية وكفة خالو عادل

عادل: اذا تقدمت خطوة بعد رجلك اكسرهة فاهمم تجاوز كدام ابووك هييج علمتك اني تبيع مراجل ع النسواان ولو هاي مو تربيتي ولاا دمك دمي ولاا طبعك من طبعي

كرار: يابة هاي وحدة ميفيد بيهة حتة الكتلل شوفهة شكد صلفة ورافعة خشمهة متنكسرر

حرير: اذا ابالك تكسرني احلام العصر بطلهة انت منوو من الاساس شجابك علية اعرفك تعرفني نافخ ريشك علية مصكوع صكع

عادل : ميخالف بنتي روحي اكعدي هسة رتاحي ولسانج كاعد يعم عليج خلونة نشوف دربنة

حرير: اخذ كرار وطلع رجعت لبيبي

- بيبي رجعوني لمهڤ الله يخليكم لتاخذوني

الحجية: مابيدي شيي ييمة لوبيدي اني اخذج واسلمج الة

حرير: همة شحجو ويااا ليش رااح وماا اخذني

الحجية: علمي علمج حجو وياا برة وطبو يكولون رمة عليهة يمين الطلاك

حرير: بيبي صدكيني مهڤ ميسويهة اكو لغز ورة هااي سالفتهم مهڤ ميعوفني هوة يكلي انتي امانتي هوة يكلي انتي دخيلة ابن الغربية بيبي لكيت يمة حنان وريحة ابوية رجعوني لمهڤ لاا تحرموني من ابوي مرة ثانية

-ماريد شي ولله خلي يكول شنو يريد انطي بس يعوفني روحي راح تطلع ماتحمل انذلل اني ماتحمل انهان ليش هييج مو ع اساس اني بنت اختهم وين المروة وين الغيرة العدهم

-بلكوة بيبي سكتتني واخذتني شذى لغرفتهة ماطلعت بعد

                                   مر اسبوع كاملل

- جان علية مثلل السم يوم اسوء من يووم كلشي جان مثل الكابوس ضعفت حييل بلتواسيل جانو يحطون لكمة وحدة بحلكي علمود بس ماا اموت بس اني جنت احس روحي ميتة

-مهڤ ماعرفت عنة شي بعد من يوم الراح معقولة عافني وبعد ميريدني معقولة مادور علية لاا لااا مهڤ مو مثلهم مهڤ ميستغلني

-بس شلون انطاه كلبة هيج يعوفني شلون كدر يمر كل هلوكت بدوني معقولة بس اني هيج صاير بية ماريد منة شي بس اسمع صوتة اعاتبة وخلص خلي يعوفني

-بعدني بتفكيري وطبت شذى

شذى: حرير يريدونج بموضوع

حرير: حبابة مالي خلك

شذى: موضوع مهم كومي حرير لازم تكومين

حرير: شكوو شصايرر شبيج خايفة

شذى: كومي وتعرفين

حرير: كمت واني مستغربة من حالتهة طلعت طبيت للصالة واني لازمة الحايط وامشي مابقة بية حيلل حتة عيوني ماصرت اشوف بيهة زين

- مهڤ هذاا مهڤ كاعد كدامي، دخلت للصالة متلهفة اريد اروحلة بس تفاجئت بلعدد الجاي وياا

يتبعع

- اشياء لطيفة للرواية بلانستاا.       

اليوزر.                  no2s.17

+الرابط مثبت بلصفحة

اشوفكم بخيرر.