فــاطمة الـزهراء ..🤍
حـــمامة الشـــهم..🕊️
ريـــِحانٍــة 🌿
ffaa22_
ردت اگلَـك
تعَبـتنيِ
بـَس صفـنَت بوجـهَك
وعـيِنَك ريِحتنـيِ.!
________________________________
بتــــول .....
من ذاگ اليوم الي خابرني بي اني وضعي مو تمام رجعت علي ايام من عافني شلون خايفه ومرتهبه كل دقيقه اتذكر شلون عافني وحدي بغربه اول مره رايحتلها
وتحديدأ وره ثلاثه ايام من خابرني صار شي
عمتي يوميه اشوف الضحكه ما تفارگ وجها تدعي بكل دقيقه يرجع ودائما تسألني شوكت يجي شوكت يجي خابرج ها
جنه مخلصين كم غرض بالبيت ولفيت شالي ولبست عباية حتى اروح للدكان الي هنا اخذت فلوس وطلعت
ويا طلعتي طلع سلام ابتسملي وكال _ صباح الخير
رديت علي بهدوء _
_ اهلا
مشيت وهو يمشي بنفس خطواتي باوعت علي مستغربه وكلت
_ ليش تلحكني ؟
ضحك وكال _
_ مو انتي مشهورة دا الحكج تره اريد اروح للمحل
درت بفشله وغميت نفسي داخليا ومشيت ساكته طبيت للمحل وهو وياي
سلمت بهدوء ورحت اشتريت الاغراض خليتهن على الميز وهو انتبهت علي اشترى حلويات هواي
طلعت الافلوس من حسبهن الرجال بس هو كال
سلام _ انا ادفع خليهن
باوعت علي بضوجه وكلت _ شكرا ما محتاجه
خليتهن على الميز وطلعت متنفرزه احسه بس يريد يختلط واني ابد ميعجبني هيج
بسرعه صاح وراي من طلعت بس اني ما رديت مشه يمي وكال _
_ ليش ضجتي عود اريد اصير خير
_ شكرا صير خير بعيد عني
_ شكد نفسيه انتي
وكفت خازرته وكلت _
_ يعني شنو باله اخذ ميانه وياك واضحك واسولف واني لا اعرفك ولا تعرفني
_ على كيفج عيني
كلت معصبه _ لا تحجي وياي بعد
عفته ومشيت بسرعه صحيح وقحت ويا بس اريد اخلي حد ما معقوله هيج يحجي وياي براحه ويتشاقه
طبيت الطارمه معصبه واتنفس سريع فتحت الباب ونزعت شالي احجي
_ ادبسزز ميستحي يريد يدفع عني
التفتت وجان اسكت عن الحجي بصدمه والعلاكه وكعت من ايدي واني اشوف الي دمرني كدامي كاعد حاضن امه ويباوعلي بس
تجمدت لا احجي ولا اسوي شي بس اسمع صوت عمتي تحجي
_ وج بتولل رجع ولج رجع وليدي
راسأ اديه كامن يرجفن المكان كام يدور بيه مشهد ذيج اليله انعاد علي من جديد
كام يباوعلي ما متغير بي شي هو هو بافل لبسه صاير احله واجدد شعره مسرح ولحيته مرتبه
_ بتول
رجعت ليوره خايفة مادري شصارلي بس كلت
_ شرجعك
_ رجعت شلونج
ضليت اتنفس حيل وارجف هو انتبه الي ورفع ايده الي يحجي بحذر
_ على كيفج
عفتهم كلهم ورحت ركض فوگ لان بس ابقى شوية انهار بعد رحت وطبكت الباب حيل وكعدت مصدومه وفاتحه عيوني حيل رجع بسهوله ويحجي وياي طبيعي
نفيت براسي وضربت روحي اكيد حلم هاذا بافل ميرجع هو عافنه اكيد ميرجع مزوج هو
يمه يمه ناريييد مارييد بكد ما احبه كارهته بكد ما جنت ميته على شوفه وجهه هسه ماريد المح وجهه شلون يتجرئ يجي
ما فكر ما خجل شلون يطلع كدامنه وهو اختفئ فجأة سنه كامله
ضليت يمكن ساعتين كاعده ابجي واقنع بروحي كلشي جذب ما راجع كمت بس اشهگ
فزيت واني كاعده بالباب من اندك
_ بتول عمه افتحيلي عيوني انتي
كمت بسرعه وفتحت وكلت _
_ عمه حلم مو ما راجع
طبت حضنتني وسدت الباب وكالت _
_ لا مو حلم بافل رجع ليش ما سلمتي علي
باوعت عليها بعدم تصديق وكتلها _
_ ا اسلم علي هييج يعني بسهوله وافرح
_ نادم هو والله
_ عمه فدوة اروحلججج لا تخبلينيي هسه ليشش ما تفهميني انتي امه وتكدرين تسامحينه انيي شلوون
_ بس ميصير هيج من طول رجع كافي خلي نبدي من جديد
نفيت وكلت ماسحه دموعي _
_ ل لا عمه انتي اكيد بيج شي اني ما ابقة هنا من طول بافل رجع بعد اني اروح
رحت للكنتور وجان تلزم ايدي وتحجي _
_ ويين شنو رايحه وعايفتني هيج تره اني اعتبرج مثل بيران اذا هيا عافتني وانتي اني اموت
_ عمه والله ماكدر
كلت هيج وبجيت لزمت وجهي وكالت _
_ لخاطري ضلي لا تحجين ويا ولا تقربين علي بس وين ترحين لبيت اهلج ما يصدكون حتى يزوجونج والله يدمروج اني اوصي بافل ما يتقربلج ولا يحجي وياج عيشي هنا مثل قبل لا تحسينه موجود
سكتت ابجي هم صدك اذا رجعت ابوي بسرعه يجبر بافل يطلگني و يزوجني لغير احد واني مالي حيل صدمات
كلت اشهگ واحجي
_ و وين زوجته لعد
_ مطلگين قبل ست اشهر
باوعتلها بصدمه وكلت _
_ م مستحيل لعد ليش ما رجع كل ذاك الوقت
_ مادري طلع هسه هو بس اريد منج تلبسينه لا تبجين كدامه بينيله ما مهتمه والله يكوم يركض وراج
_ مارييد يركض وراي عمه كارهته والله
_ ميخالف بس لا تضعفين كدامه مو
هزيت راسي وجان تبوسني وتكول _
_ يله روحي اسبحي وبدلي وصيري ذيج المرأة الحوك يله
هزيت راسي وهيا طلعت تنفست بتعب شلون اكدر اصير قوية كدامه واني احس برعب منه ذيج اليله وشلون يصرخ بيه ويدغث ابد ما انساها ليله عمري سواها ليله عزه علي
اخذت ملابس ورحت سبحت وصليت مشطت شعري وطلعت بعدني ما نازله الدرج تنفست بعمق ونزلت
_ جان نايم على رجلين عمتي مغمض همزين ما يباوع علي توني دا اطب للمطبخ حجت عمتي
_ بتوله عمه صبي غده يروحي
بسرعه فتح عيونه يباوعلي هزيت راسي وكلت_
_ صار عمه
طبيت للمطبخ وسديت بابه مطبخنه بي باب لزمت گلبي وهديت نفسي ورحت شغلت الطباخ للاكل رحت فتحت الثلاجه دا اثرم زلاطه وجان ينفتح الباب وكعن مني بالكاع
من شفته يباوعلي
دنك شال الطماطه وكال _ على كفيج
دنكت والتفتت وضعي متخربط
بافل _ نكدر نحجي
سكتت بس ورحت جبت التخته اريد اثرم وايدي ترجف
_ ادري بابسويته اذاج بس يشهد الله نادم
هم ما جاوبته بس ساكته منطينه ضهري
_ شعجب ما رحتي ليش بقيتي
حجيت منفعله ودرت اله _
_ ماا باقيهه علمودكك علمود عمتي لان مريضه
ابتسم وكال ياكل بالطماطيه _
_ دريت بكلبج حنين وتزوجتج
_ قصدك دريت بيه كلبي حنين وكلت خلي ازوجها واعوفها خدامه هنا مو
_ مو هيج
_ ليش رجعت
_ ما فرحانه
_ ليش حتى افرح يعني ها ؟ افرح لان رجعت بعد ما دمرتني لو افرح لان تزوجت غيري لو شلون فهمني
سكت وكال _
_ راح اصلح كلشي بس الي ما مستوعبه شلون بيران تزوجت
_ شنو الغريب بالموضوع
احجي منفعله وهو يبتسم يحجي براحه والله ذرة ندم ماكو بعينه جاي يصنع صوته عساس نادم وهو ولا يمه
_ لا مو بيران الزقجه شلون صارت مراة وتزوجت
ركعت السجينه بالكاونتر حيل وحجيت _
_ كبرت كبرت بيران لدرجه هيا صارت ابو البيت الي تصرف علينه هيا الي تحملت تكلفه عمليه عمتي وعيشتنه بعد ما تخلو عنها كلهم حتى اخوها
سكت وباوعلي محتقن هز راسه وكال_
_ اشوفها مو مشكله وتره ما مقتنع بزواجها ابد
_ لا تقتنع
_ احترمي نفسج لج اشو تنترين
_ وشتريد مثلا اركض عليك ابوسك واكلك صح حجيك
_ اي
التفتت ادردم واثرم وهو طلع غميته وكلت _
_ عار ونثيه
همزين جي بعد زواج بيران بيومين والله جان بيران تخبلت هو همزين بس عمتي منطيته وجه صبيت الغده ورحت وديته الهم بس شنو النفسيه صفر
اولغا _ تعالي بتوله تغدي
باوعت على بافل وكلت _
_ شكرا عمه ماريد انسدت نفسيي
رفع حواجبه مصغر عيونه شمرت شعري ونفضت راسي ورحت بس سمعته كال
_ هاي شبيها مو جانت فقيرة
رحت گبل لغرفتي الي هيا غرفته اول شي سويته جمعت شكو غرض ولبس الي وديته جوة بالغرفة الي بصف غرفه عمتي جدامهم عمتي ولا حاجتني لان تدري بيه شنو بگلبي
رجعت اغراضه بغرفته ونضفتها زين وطلعت صاحلي
_ تعالي
باوعله صفح وكلت _ هاا
_ باجر اسوي عزيمه
_ شسويلك
_ بتول لا تحجين هيج وعلي اجيبج بطراك
گلبت عيوني وطبيت غرفتي راكعه الباب خيولي عباله مثل قبل ميته على شوفه وجهه
ضليت بغرفتي ومن سمعته طلع طلعت عمتي ضلت تحجي وياي ميصير هيج ومن كل عقلها ارجع احن اله
لليل رجع وويا ساجر ويمامة وعمه سلمى ام يمامة شلون كدر يقنع ساجر جان هواي معصب منه بس هسه يتشاقه ولا يمه
جانو كاعدين بالصاله سوينه جاي اني ويمامة ويمامه بس تلغي ساعه تكلي بعدج تحبي وساعه تكول ندمي وساعه تشجي من ساجر ونوب تكلي شكد تحبه حرفيا متغير طبعها ابد
رحنه ودينه الجاي وكعدنا سوية
ساجر _ ها هسه متحجي شرجعك وشلون جنت عايش
شرب من الجاي وكال _
_ ولو جنت انتضر بيران احجي بس هسه خلي احجي من رحت يعني
يمامة _ من انهزمت قصدك
خزرها ساجر وجان تقنط
بافل _ جنت متفق اني وشيماء
حسيت گلبي نعصر كضيت ايدي قوي ومثلت عساس ما مهتمه اشرب جاي
بافل _ ابوها ما جان موافق على علاقتنه بس هيا مدلله يعني وحيدة ابوها فوافق نتزوج بس ما قبل نتزوج محكمه بس عقد سيد جنت بايع المحل واشتريت بيت زغير كعدنه اني وياها بي صحيح اول ايام جنه مرتاحين بس بعدين كامت تتكلب علي ساعه تكول اريد هيج محتاجه هيج تطلب اشياء ماكدر اوفيها كامت تقارني باهلها واخوانها لو تهددتي بيهم عود يخوفوني
كوة عشنه سوية اربع اشهر كوة كامت تكثر المشاكل جنت مخدوع بيها طلعت انانيه السانها طويل وكحه ما مصيوح بيها وضلت تلح عليه نطتلگ ما عاشت وياي راهمه على العز والفلوس وابوها مثل الي يدري ما خلانه نتزوج محكمه طلكتها
يحجي بهدوء قصتهم وشلون عاشو ولا عبالك كدامه بشر جان بيوم يحبه بشر كسره كوة سيطرت على نفسي يمامة لزمت ايدي وهزتلي راسها بمعنى اهدي
اولغا _ على بختك يمه شسويت بينه يمه شسويت لعد من تركتو ليش ما رجعت يمه
كامت تبجي راح عليها وحضنها يحجي
_ ادري بروحي يمه غلطت نعميت وندمان بكد شعر راسي بس والله ما جان الي وجه ارجع كلت لازم اكون نفسي حتى مارجع بيدي مو بعت المحل وهم بعت البيت الي اشتريته اشتريت محل موبايلات والمحل ربح بشهرين كدرت اشتري محل اخر مال ملابس رجالية وبعد شهر تداينت هم فوك العندي وفتحت محل ملابس نسائية وهسه بحيل الله بلكت اكدر افتح اكثر
ساجر _ على الاقل ارجع وسوي هاذا تره بيران شافت النبي عربي بسببك واحنه كدرنه نسامحك بس حط بالك لا بتول ولا بيران يكدرن يسامحنك وبالخص بتول كسرت بنيه مالها ذنب بس علمود مصلحتك علمود لا سرمد ياخذ بيران بس يمكن محد كالك شصار بيها بيران مو
اولغا سكتت ادري بيها ما حجت اله شي بس ساجر همزين رزله _
ساجر _ حضرتك ورة مارحت امك انجلطت ورغم تدري بحالتها صعبه رحت عفتهم لا والاي ولا جبير نسوان وحدهم شيسون ابو بتول بسرعه تبره من بيران هددها اذا متقبل تتزوج سرمد امها تموت كدامها وما يعالجها
اصفر وجهه وبلع ريگ مصدوم مادري شجان متوقع لعد_
ساجر _ وانته تدري بيران شكد روحها عزيزة وما تنزلها ما قبلت تتزوج بسرمد وبتول الي عفتها بليله عرسها تبرت من اهلها لخاطركم لخاطر اختك وامك
دمعت عيوني ونزلت راسي مقهورة_
ساجر _ حاولت اساعدهن بس شسوي اني ما مكفي شغلي النه كامت خطيه بتول تشتغل تخيط وهم ما مكفينهم ومحد كالك بيران ششتغلت مو
نفى براسه بصدمه وكال
_ ب بروحك امك لا تكولها
_ اي ليش ما اكولها اشتغلت خدامه خدامه انذلت اختك من ورااك يا رجاال خدامه اشتغلت وشنو هاي الابنيه الي جنتو تكولون عليها فاهية كدرت تدبر فلوس عمليه امها وبفضل رب العالمين وفضلها امك عايشةوانته وين بحضن ست شيماء
بافل بس يباوع بصدمه فاتح حلكه ما جان متوقع بيران تشتغل خدامه ابد بس شنسوي جان لازمنه احد يشتغل
ساجر _ جنت اجي احجيبها للبيت اجازة وانقهر من اشوف التعب صاير هالات بعيونها ضحكتها الفرحانه من تجي للبيت حجيها الي صاير اكبر عمرها تمنيت ما تكبر هل بيران بهل طريقة وذاك اليوم قبل جم اسبوع
هاي مرتگ كدامك ابوها جان جاي اكثر من مرة يريد ياخذها غصب ويزوجها يريد يزوجها بطريقة مو قانونيه بسببك شوف ايدها شووف انتحرت من وراگ
باوعلي بصدمه وحجه _
_ ب بتول شجاي يحجي
كمت ارجف وابجي حيل ويمامة لازمتني تهدي بيه
ساجر _ ايي خلي نكمل جانو يهددون باختك تتزوج سرمد العار لو ياخذون بتول وفجأة بدون لاحد يدري بيران طلعت متزوجه شلون وشوكت محد يدري المهم تزوجت الرجال الي تشتغل عنده رجال مطلك وعنده ولد تدري بهاذا لو عمتي ما كالت خايفة على مشاعرگ ال***
بافل بس ساكت مدنك _
ساجر _ ولك ما فكرت شيصير بعالتك ما فكرت بامك اختك باله عوف بتول غيرها والله يدير وجهه ويروح هو اني لو بماكنها ما ابقى دقيقه مادري شصبرها هنا يمكن طيبتها بس وانسانيتها الي ما كدرت تعوف اختك وامك وحيدات خلي شي براسك انته ضيعت انسانه مستحيل تلكه مثلها
هو حجه هيج كمت بسرعه وطبيت غرفتي كعدت مخليه ايدي على حلكي وابجي شكد جنت كابحه ومسوية نفسي ناسيه هسه ساجر عادهن كلهن
ضل يحجي ويا ما اسمع زين بس ضليت ابجي مقهورة وسمعت من راحو وسمعت من عمتي كامت تبجي وتعتب بي
رحت لفيت نفسي بغطاي اريد اهرب العالمي
وشوية شوية غفيت
بين النايمه والكاعده احس بشي بيدي ملمس فتحت عيوني وفزيت بخوف من شفت بافل لازم ايده رجعت ليوره الغرفة ضلمه بس التبلام يضوي وخرت شعري من وجهي وحجيت اخذ نفس
_ ش شعندك شعندك
كعد على الجرباية وجرني اله حاضني دفعته بيدي بصدره بس هوه حاضني حيييل همس بغصه _
_ اسف اسف بتول اسف على كل جرح سببته الج اوعدج اعوضج
حجيت بخنكه اوخر بي
_ م مارييد شي منك عوفني بافل عوفني الله يخليك اتركني بحالي
وخر عني وهمس يم وجهي انتبهت على عيونه حمر ادري بي ندمان لان ردت انتحر مو لان عايفني بافل ميحبني حتى يندم لان عايفني او لان جارحني بافل ما حبني بيوم هو بس يحس بذنب تجاهي ويريد يصلحه
_ استاهل تضحين باهلج علمودي بتول ليش هيج
_ مو علمودك جاي اكول شوف بافل ادري بيك ما تحبني ولا اني بقيت احبك وصراحه اكرهك كلش اني ما منتضره منك ترجعلي او تجبر نفسك علي من هسه اكول عيش عبالك اعزب اريد تتزوج اتزوج شتريد تسوي سوي ماكو بتول بحياتك ما راح اسوي شي ولا احجي ولو لسه اهلي رايديني ارجع الهم والله خلينه نعيش مثل الاصدقاء ما بينه شي ادري بيك تجبر بنفسك الي انته ما تحبني ولا رايدني بافل بسبب هاذا الندب
قاطعني ينفي _
_ مو بسببه والله ادري جرحتج بليله عرسنا وادري بروحي مطي وغلطت بس والله جنت كارهج لان جبروني عليج
_ زين اني شنو ذنبييي
عطت وضربته على صدره بحرگه گلب _
_ عفتنييي وحدي بذاك الفندقق لا اعرف شلون اتعامل وياهم ولا اعرف شلون ارجع صعدت ويا واحد قذر تحرش بييه عباله بنتت لييل
انصدم وحجه _
_ شنو
ضربته راشدي قوي واحجي بعصبيه وابجي _'
_ ذنبيي شنوو شنوو علموني علييك وعيت على انك نصيبي حبيتك وفكررت بيك كل ليله وكل ساعه توسلتك ما تعوفني توسلتك تبقى بس انته خوفتني صرخت عليه اذيتني
احجي فاقده واضرب وهو بس ساكت يباوعلي بقهر ولا يمه الضرب
_ جنت على الاقل وصلنيي انته جنت خايفه والله لو تدري شسمعت من حجيي اشكال والوان ليش عافني بافل ليشش معقوله اني بنيه مو شريفه وعافني معقوله عايبه
_ اششش كافي كافي
_ ليششش كافي لييش تعذبت بحبك وبزواجنا ليش بافل شنو ذنبي لك طفله يعني جايه عليك وكايلتلك اضربني جابره اهلي يقررون زواجنه واني مادري يعني شنو ذنبي حتى لو ما جنت احبك همه راح يزوجونه
_ اعوضج
_ ماريد شي منك انته تكرهني وهسه حاس بشفقه وجاي علي شوف حنيتك هاي خليها حقيقه وديها لبيران لان هيا الوحيده الي راح تحس بندم الها صدك امه اني بس شفقه لان حجولك هيج عني اني خطيه مو
_ لا تحجين هيج بتول جاي اوعدج يتصلح كلشي ما اكرهج اني كلت هيج بلحضه عصبيه ادري بيج مالج ذنب اني غلطت وحملتج الصوج كله همه صوجهم هلكد ماتخلفين
حط ايده فجأة على خدي بمكان الضربه وكال _
_ وما اكرهك بسببها هم صدكيني بس جنت اريد اقهرج
_ ليش
_ مادري
_ موتتني بافل
_ سامحيني
دفعت ايده ومسحت دموعي احجي _
_ ماكدر اسامحك بافل بس يكون بعلم....
شهكت من جر ايدي وباسها من معصمي يم الوريد بمكان الجرح الي جرحت ايدي بي حيست برجفه بجسمي وكله نمل باوع علي وهمس _
_ الله ينتقم مني على كل دمعه نزلتها منج
كمت بسرعه مخربطه احوالي واشرت على الباب _
_ كوم اطلع بافل لا تتقربلي بعد ابد ابدد
_ براحتج بس خلي بالج اني ما اكرهج
_ بس ما تحبني
سكت وباوع جوه ابتسمت بسخرية وكلت _
_ اطلع بافل اطلع فدوة
كام بهدوء وطلع كعدت على الجرباية لازمه ايدي اول مرة يقربلي هيج اول مرة بحياتي شكد جنت قانعه نفسي ناسيته بس كلشي تدمر بهاي الحضه كل الي جنت قانعه نفسي بي هو وهم كايلتلكم من قبل اني ضعيفه شخصيتي ضعيفه واضعف اخاف يقشمرني وارجع احبه من اول يوم وهيج تخربطت احوالي ماريد اسامحه ولا اريد انسه بس شسويي ليشش گلبي يدك اله لييش
كوة يله نمت وشكد ارتاحيت من طلعت كلشي بكلبي اله ماريد اضل مكتومه
صبح الصبح وثاري الساعه صايرة ب 10 واني نايمه هاي اول مرة من جيت لهل بيت هيج ساعه اكعد طلعت وشفت الصاله مليانه اغراض من علاليك ملابس ومن مسواك ومن اغراض بيت مثل تخم جديد وصور وبردات ضليت واكفه
سمعت صوته من المطبخ
_ يمه ثاري جنتج تنام للضهاري مو نادرة مثل ما تكولين
ثنينهم بالمطبخ يطبخون مادري شنو فركت عيوني وفتت من يم باب المبخ غسلت وجيت احجي
_ عمه شكو شنو هاي الاغراض
بافل _اغرض للبيت حبي
خزرته وكلت اباوع لعمتي
_ عمه شكو شنو هاي الاغراضض
ضحكت وكالت _
_ هاذا بافل والله يكول اريد اغير ديكور البيت بعد مادري واليوم هم عازم اهلج يكولون عدنه كعده ويا
هزيت راسي وكلت _ اساعدج عمه
_ لا روحي يعمري يكعدي هواي اشتغلتي انتي
اني هم ماريد ابقى ويا اشو هاذا صاير مو راحه بس يغمز _
هواي علاليك بالصاله هواي تثاوبت بعدني نعسانه مادري شبيه جي شايل الصينيه _
_ نعسانه يروحي روحي نامي روحي
باوعت علي صفح وما رديت شكد اضوج من يحجي هيج ادري بي ميحبني عود يريد يصلح _
خلى الصينيه كدامي وكال مبتسم _
_ اكلي حب
ضليت بكعدتي متجتفه بس جتي عمتي وجرتني وكالت _ اكلي تره ما يفيدج بافل اذا تخربطتي
سكتت وكعدت تارس الصينيه من كل شكل اكلت وهو يحجي _
_ راح ارمم البيت بي صاير بي فطور واصبغه من جوة وبرة وراح اغير الديكور كله اسويكم مثقفين وعلي
اولغا _ كايم تطشر بالفلوس مو تره بيتنه كلشي ما بي
ضحك وكال _ يمه وعلي بيتنه خريبه بس جبير
غمته واكلت اني ساكته بس مدنكه ما اباوع علي لان بس اباوع بسرعه اتوتر _
_ يمه شلون جبتلج دشاديش تلوگ لهل وجه الابيض
_ فدوة اروحلك يمه ماريد شي غير بس انته
_ فدوة اروحلج حبيبتي
كملنه ريوگ شلت الصينيه ورحت غسلت المواعين عمتي اخذت علاليكها وطبت لغرفتها كالت اناملي شوية كاعده من الفجر _
مسحت اديه وطبيت شفته كاعد يكلب بالعلاليك باوعلي وكال _
_ تعالي تعالي
_ شتريد
_ هسه تعالي بس شوية اكعدي خلي اشوفج
اني عبالي يريد ياخذ شوري بشي رحت كعدت بصفه اباوع باستغراب _
طلع ملابس نسائية فساتين طلعه يعني وكال_
_ حلوات
هزيت راسي ساكته خلاهن بحضني وكال _
_ الج
دفعتهن علي وكلت بحده _
_ مارييد
_ اشش اوكفي
كام يجيب ويكوم علي تراكات ودشاديش واحذية وجنط وحتى مكياج
خزرته وكلت _
_ ما اريد شي منك كلتك ليش تجيبلي
_ غير مريتي
توني دا اكوم لزم ايدي وكال _
_ اخر شي اخر شي
لزم العلاكه من جوة ونكتها بحضني وياريت ما سواها كوم مال ملابس داخليه نفضت ايده بسرعه وكمت عايطه _
_ ادبسززز
ابطح بالكاع يضحك ويضرب على رجله ضليت اباوعله بعصبيه وكلت
_ متستحي
_ غير جايبلج اياهن على ذوقي ها
_ والله متستحي
_ اي صح منو كالج استحي
خزرته وصعدت فوك معصبه مادري ليش صعدت بس كلش خجلني خرب حضي شلون يجيب هيج ميكول عيب
طبيت غرفة بيران ومسحت وجهي _
_ حقير ادبسزز عود جان مؤدب ميباوع لوجهي
للضهر كامت العالم تجي كلهم متفاجين بجية بافل خوب ابوي بس اسمع صوت عياطه من الاستقبال اني وعمتي ويمامة وزينه ونسوان كرايبنه طبخنه بافل جاب لحم وطبخنه تشريب وتمن وشعرية هو هاذا اكل العزايم
ما ندري شنو السالفه بس صوت زلم تتناقش وهاي هيه
طب ساجر ضايج وكال _ هاذا يمضرط
سلمى _ شكو يمه
ساجر _ ابو بتول يريد بافل يطلكها باله شنو عريسها جاهز ميستحي يحجي هيج كدام الزلم
انقبض گلبي بخوف ابوي يريد يزوجني ويستفاد براسي ادري بي خفت لا بافل يطلگني صدك ليش ميطلكني هو يريد يخلص مني هسه يوافق وينطيني الهم واني ماريد اتزوج شايب والله هسه يكول على شنو مخلي وحده مشوهه يمي ما طايقها اروح انطيها لاهلها وازوج وحده احله
اخذتلي زاوية صافنه بيها وخايفة هدئت اصوات الزلم وطلع ساجر يصيح _
_ صبن غده ينسواان
بدينه نصب همه مو هواي زلم يعني لو هواي جان جابو طباخ بس يمكن بالعشرين زلمه نكدر عليهم اصب واني ارجف هسه يصيح علي يكوب روحي ويا اهلج اويلي شيسوون بيه حتى امي ما جتي امي عبالك مو بنتها اني من يوم ازوجت ما جتني وكالت بنتي مهضومه
صبينه ورحت لغرفتي حتى ما صبيت للنسوان عفتها بيد عمتي والنسوان كمت ابجي بخوف سمعت صوت بافل برة يصيح _ وين بتول
بجيت حيل كاضه الافراش شيقنعه ميطلكني فتح الباب وباوعلي وكال
_ بتول ..
سد الباب وكال _
_ شسوين هنا مو نسوان بره شبيج ؟ ليش تبجين منو وياج
كعد كبالي باوعت علي ولزمت ايده ابجي _
_ الله يخليك لا تنطيني لابوي والله يزوجني لذاك ابو حسن ماريده شايب والله ماريد شي منك ولا اعتبر روحي زوجتك حتى اذا تريد اني ازوجك بس لا تنطيني لابوي
باوعلي عاكد حواجبه وجان يكول بحده _
_ شهل حجي شلون انطيج لابوج كافي لا تضلين تحجين هيج بمجرد موقف واحد مني حكمتي علي هيج حقير ادري بروحي غلطت وياج مرة بس كلت اعوضج ابوج تفاهمت ويا وماكو روحه انتي مرتي وراح اضلين خووش
ضليت ساكته ما مصدقه كلامه معقوله صدك ما انطاني هو مو يريد يخلص مني
_ ا انته مو تريد تخلص مني ل ليش ما وافقت
غمض عيونه بعصبيه وبلل شفته _
_ بتول مو وكت هل حجي كومي كومي عيني اغسلي وجهج وانسي الي تفكرين بي مو
كام وطلع راكع الباب تنفست براحه وكلت _
_ الحمدالله والشكر ربي
طلعت مرتاحه وساعتهن بصب العشى الكعده طولت لليل وهسه يله صبينه عشى
يمامة _ شحجه وياج حبيب الگلب
_ يا حبيب گلب يمعوده هو هاذا حبيب
_ وعلي بافل صاگ ولو نذل بس صاك
_ ديله عساس شلون صاك
كملت الكعده وصاحولي ورة ما راحو الزلم يكولون ابوج يريدج خفت هواي منه ابوي ولا مرة جان حنين وياي صحيح ما يأذيني بس يخوفني حاد وياي يحبني بطريقة قاسية يسوي كلشي براسه ويكول لمصلحتج واخاف من هاذا الشي
رحت علي وكلت _
_ شلونك بابا
حضني وباس راسي _
_ الحمدالله بابا شلونج
هزيت راسي _
_ خلص انته كلشي بنيتي جان بينه مشاكل وهسه نحلت صحيح معصب منج من ما قبلتي تجين بس مسامج ماريد يخلص عمري واني بزعل ويه بنتي الوحيده هاذا رجلج وعدتي كدام الزلم ما يخذلج ابد ولا يعوفج وكون كد كلمته
هزيت راسي ساكته ترخص ابوي وراح سرمد مو ويا اصلا سرمد من يوم تزوجت بيران هو ما شفته طلعت بسرعه يم عمتي اولغا وعمتي سلمى ويمامة وزينه بس هذن ضلن كعدت وياهن وكمه احنه البنات غسلنه المواعين
وهم راحو لبيتهم بافل ما شفته انتبهت علي ما يباوع لوجهي من جي كلش انقهر من اتذكر روحه تلعب مني مر اربع ايام من جي الوضع هدوء ما نحجي بشي ابد بس على كد السؤال يطلع من الصبح ويرجع ب 8 او اكثر للبيت اسوي عشة ونروح نام مرة
هم رجع وسويت عشى وتعشينه وشربنا جاي رحت غسلت المواعين وهو راح لغرفة عمتي
كملت المطبخ ومسحت اديه دا اروح لغرفتي بس وكفني حجيه الي كسرني
_ مو بيدي يمه ماكدر اجبر روحي كوة احبها ما جاي اتقبلها والله
_ وك يمه ما تلكه مثلها والله حافض عليها قبل لا تروح من ايدك
_ يمه اني مو جاي احجي والله ندمان على الي سويته واحاول اتقرب منها اصلح شي بس كلشي ما احس تجاهه ما جاي احس بيها مرتي ابد ولا متقبلها بحياتي
_ لعد شلون تقبلت شيماء ام **** الازرگ
_ يمه هسه انتي وين شفتي ازرگ شيماء حبيتها ولو ما استحقت الاحب الي حبيته الها بس حبيتها مو مثل بتول بتول اني منفر منها من جنت زغير لحد هسه
_ يمه والله يا يمه بتول تحبك لا تريد منك لبس ولا فلوس تحبك من گلبها شتريد انته بهاي الدنيه غير شخص يحبك بصدق بكل احوالك
تنهد وكال يباع للسكف _
_ صح هيا فقيرة وحبابه بس ماكدر احبها
_ ليش لان وجها مجروح
_ لا يمه يا وجها مجروح والله مو لهل سبب بتول حلوة صح جنت ما اشوف غير وجها بس هسه الاحض طولها حلو جسمها حلو شعرها حلو كلشي بيها حلو بس مادري ليش ماكدر ماكدر يمه كرهتوني بيها من جبرتوني عليها احس روحي مهزوم اذا تقبلتها احس جبرتوني عليها گوة
لزمت شهگتي كوة وطبيت غرفتي معقوله لهل درجه لهل درجه ميكدر يتقبلني هاي الفترة كلت يمكن صدك كام يحبني من تصرفاته بس اكتشفت هو مجبور حتى لا يكسر خاطري بس هاي هيه والله بعد ما انزل دمعه علمود شخص ما رايدني وما اقهر بروحي شناقصني اني حياتي ليش اضيعها حزن وهو ما هامه
خلص خلص ماكو بتول فقيرة بعد خلص
مسحت دموعي وباوعت على الحلقه بيدي نزعتها وخليتها بالجرار كمت وفتحت شعري باوعت على نفسي وابتسمت غصب
_ خلي يولي بتول خلي يولي اذا ما يحبج لا تحبي
تنفست بعمق وحلفت اله البسه وما اهتم اله ابد رحت لكنتوري فتحته وباوعت على العلاليگ الي بيهن ملابس جايبهن هوه ليش ما البسهه اذا هو زوجي غصبأ على راسه يتحمل مسؤولية لبسي ومصرفي وكلشي اذا ما منطيني الحب خلي يقيم بواجباته بس
طلعت ترأك حرير وردي يصير نص ردن ودكم وويا بجامته عريضه اخذت شامبو وغسول جسم واخذت وعد لنفسي افرغ نفسي بس الي كافي اعيش بحزن هو العمر شضال بي كضيت يمكن 24 سنه اني بعذاب حب بافل شحصلت غير بس هامله نفسي وغاركه بحزني
طلعت ورحت للحمام سبحت وخلصت وسويت تنضيف بشره وخليت تنت لخدودي والشفتي وتعطرت وشعري بس مشطته هو سرح طلعت كذله كذلتي طويله كلش ولميته على صفحه بقراصه
قفلت الباب زين واخذت صور وتعجبت من شكلي شكد حلوة رحت نزلت فيس بس موبايلي قديم يعلك
تنفست براحه وكلت لا اضل عايشة بحيرة اقوم بواجباتي من تنضيف ومن غسل ملابسه واكله حتى لاكون اني المقصرة
واخيرا نمت مرتاحه مغلسه عن نغزات گلبي كل ما اتذكر كلامه ...
كعدت الصبح بالسته بس غسلت وجهي هو اني سابحه من اليل والدنيه بارده حضرت ريوك اله بسرعه ورحت صعدت فوگ ركض لان تاخر عن الشغل
دكيت الباب حيل وصحت _ بافللللل
دكيت مرة لوخ وعطت _ بافللللل
بس سمعت دبيج على الكاع فتح الباب بسرعه مصدوم ويصيح _ شكو شكو
_ تاخرت اكعد
باوعلي ما مصدك وفرگ عيونه وكال _ على بختج وكعتي كلبي عبالي شوف شكو
التفت اركض واحجي _ بسرعه بسرعه
نزلت جوة خليت الجاي على النار وهو نزل غسل وراح كعد يحجي _
_ يمعوده بعد وكت شبيج
وخرت شعري عن وجهي وكلت الهث _
_ ها مو عبالي راح تتأخر
ضحك وكال ياكل _
_ خبلتيني
رحت صبيت اله جاي وحجيت _
_ راح احضر ملابسك واجي
_ هاي شنو لابسه الملابس الجبتهه شعجب
باوعت عليهن وهزيت راسي _
_ اي حرامات انته بعد جايب خلي البسهن حلوات ؟
هز راسه _
_ اي حلوات لايكاتلج
هزيت راسي ورحت فوگ اركض على الدرج طبيت غرفته وانصدمت من الغرفة شكد هوسه ملابس مشمرات والكنتور مفتوح والملابس واكعه منه والجرارات مفتوحه طلعت اله ملابس وخليتهن على الجرباية وبديت اعزل بالغرفة اول مرة اعرف بافل فوضوي عبالي ما يحب الهوسه
رتبت الكنتور وطلعت الملابس الوصخه ولميت الورق الي على الكاع وجاي اعدل بالجرباية وجان يطب _
_ ها حضرتيلي ملابس
_ اي هذن اخذهن
شالهن بيده وجان يلزم فانيلته يريد ينزع بسرعه عطت _
_ اووكف شجاي تسويي
باوعلي مستغرب وكال _
_ ابدل
_ روح بدل برة كول خلي الطلع شبيك
رفع حواجبه وكال
_ وشنو واذا غريب غير رجلج
شلت الملابس الوصخه وكلت بضوجة _
_ لا لا تاخذ راحتك وياي رجأء خلينه اصدقاء
طلعت وبس اسمع ضحكته الي ما مقتنعه بحجيي _
حسيت روحي صدك احرزت تقدم اول مرة اتجاهل بافل هيج وما اغرك بعيونه _
عمتي كعدت وهو سلم عليها وراح
اولغا _ وج يمه بيران صار يومين ما خابرتها رجلها التحق لا تدري بافل رجع
_ عمه اخابرها وما احصلها يمكن موبايلها عطلان هيا كالت اخر مرة موبايلها واكع
جذب لا واكع ولا ابد اخاف عليها خاف يصير عليها شي بيران صار يومين اراسلها اخابرها ماكو مداري شبيها ولا اكدر اكللها بافل رجع والله الصراحه اخاف من ردة فعلها __
ضلت تلوب كوه قنعتها كتلها راسلت حماتها وكالت نايمه واني اصلا ماعندي رقم نجمة او عمتها او شهم اذا هيا بيران زواجها صار بيوم واحد شفتهم ..
لليل حضرت العشة وجي بافل تعبان هم كلشي ما حجيت ويا ولا باوعت علي بس حضرتله الحمام وهاي هيه وجنه تونه كاعدين نتغدة سمعنه دكه على الباب
كمت بسرعه وجان بافل يحجي _
_ وين اني اكوم علش نطيتي
كعدت فشلانه لان اني راهمه اني افتح الباب وهسه نسيت راح ياكل بطرشية وفتح الباب كلنه باوعنه نريد نعرف منو
بلعت ريك بخوف من شفت بيران شايله ليث وتباوع على بافل فاتحه عيونها بخزرة _
بافل تجمد بمكانه ضلينه على هاي الحطه واحد يباوع على الثاني بيران صاحت بعصبية _
_ انتهه شجابكك ؟
بافل _ بيران ...
دفعته حيل وطبت بيدها ليث عافته بالكاع وباوعت علي وصاحت _
_ شعنده هاذا هناااا احجوو
بتول _ ر رجع
اولغا _ يمه لا تسوين هيج مو اخيج هو لعد وين يروح
صرخت كل حيلها بقهر _
_ موووو اخوييي موو اخوي ليشش رجعت ليشش منوو سمحلكك تجيي
بافل _ بيران تره الحجي مو هيج ادري بيج مقهورة مني بس خل نحجي
_ اششش نجببب ماريدد اسمع صوت منكك خنيث عار هسه يلهه جايي مو من تدمرت بيراان بسبككك بسببك تدمرت
تحجي بعياط وبجي واني بس واكفه بخوف وافرگ بادية اخاف يصير شي هسه _
لزم بافل اديها يوكفها عن ضربه ويحجي _
_ غلطتت غلطتت وجاي اصلح كلشي
_ شتصلحح شتصلح ميتصلح انته دمرت كلشي بافل عفتني وحدي بعد ما علمتني على الدلال عفت علي ام مريضة وحديي عفت علي العيشهه وانهزمتت وهسه راجعع بسهوله ما نحتاجج امشييي اطلع امشيي
بافل دمعن عيونه ويحجي بغصه _
_ اروح فدوة لعيونج لا تحجين هيج ادري بروحي كسرتج بس وعلي ندمان وعلي جاي اموت كل ساعه على الي سويته
تدفع بيه فاقده ومعصبه بيران اول مرة اشوفها هيج متدمرة حرفيأ مادري شصاير بيها ولا عبالك عروس وجها اصفر وعيونها مورمه وشفتها بيضه وكلش ضعفانه وين بيران ام خدود المتفحه الي ضحكه متفارك وجها من شوكت بيران مبهدله هيج وما متأنقه
بافل _ بسسس اسكتي ولج اسكتي خلي احاجييج
بيران _ ماريد اسمع منك شي هسه تطلع من بيت ابوي وما ترجع بعد افتهمت
اولغا _ شجاي تحجيين ولج شلون تطردين اخووج
صرخت حيل على امها _
_ اطردهه اطرده هو مو اخوي ولا اعتبره اخوي حاله حال الغربه هم عافتي وراح كلهم يديرولي ضهرهم
باوعت علي وحجت بقهر _
_ ما جنت عادته اخوي جنت عادته ابوي اتباهه بي كدامهم وهسه اخجل من احد يجيب طاريه
لزمها حيل وحضنها بقوة وهيا تدفع وتعيط وخطيه هاذا ليث واكف يمي ومبرطم شلته وحضنته اسكت بي
_ عوفنيي لا تلزمني والله ان ما رحت وطلعت اسوي كارثه هسه
_ ما اعوفكم بيران شتريدين تسوين سوي ما اعوفكم ماكدر بدونكم والله
دفعته تحجي وتبجي _
_ لعدد وين جنتت من كلهم صار ضدي وين جنت من ضربوني ضربو بيران وصيه ابوك قهروها بجوها وانته ماكو توسلت الك بالمراسله ترجع نزلتها وتوسلت وما رديت علي
عض شفته بقهر وكال _ اندمهم والله جنت غالق الحساب ومن فتحته انصدمت ورجعت ولكيتج متزوجه
ضحكت وسط دموعها وكالت _
_ تزوجت اني تزوجت مثل كل بنيه وفرحانه مو لا خلي احطها بوجهك اختك صارت رخيصه وراحت تتوسل حتى يتزوجهاا واحدد جانت تشتغل خدامهه الهه
انصدمت من حجيها وبقيت فاهيه وعمتي هم نصدمت وتصيح شلون وج صدك _
_ رحت اله وتوسلت احته يتزوجني انهمت حتى ما اصير تحت ادين سرمد صرت ذليله ولك جنت خدامهه الهم خدامهههه
بافل ضل جامد وبس يباوعلها وصراحه كلنه ما توقعنا هيج السالفه واصلا كلها متفاجئة من زواج بيران الفجأة ومحد مقتنع عن حب انكسر گلبي عليها شكد متحمله
لزمت راسها تبجي وتكول _
_ ت تدري تدري بيه اخاف من الغربة وعفتني بنصهم ورحتت وهسه جاييي تكولل اصلحح كلشي شتصلححح
لزمها من ايدها وجان تغمض عيونها وتكع صحنه بفزع وركضنه عليها وجها صفر عمتي تكعد بيها وتبجي وبافل كلبنه مي عليها ردنه ردنه ماكو شالها بسرعه وكال _
_ وخريوو خلي اوديهاا
حجيت ابجي بخوف _ ا اروح وياكك
_ اي تعالي خلي الوليد يم امي
هزيت راسي ورحت ركص لغرفتي لفيت شالي ولبست عباية وركضت خلاها بسيارته ليورة وصعدت يمها مخليه راسها بحضني حرفيأ فاقده اكعد بيها متكعد ابد بس مغمضه نص عينها واكعه
نوب الطريق طويل وبافل كل شوية يضرب الستيرن ويتحلف بسرمد نوب يسب روحه لو سب شيماء مادري شبي بس باوعت علي من المراية يبجي
وكفنه يم المستشفى بسرعه وشالها وطب للطوارئ بسرعه خلولها اوكسجين وطببوها ما خلونه نطب كالو خلي ناخذلها تحاليل
كعد على الكرسي مخلي راسي بيده مسحت دموعي وكعدت بصفه تعبانه ومقهورة
شوية شوية كام يشهگ بلعت ريك وخليت ايدي على جتفه _
_ بافلل
_ امداني امداني بتول ليشش هيج سويت ليش انعميت مادري شصارلي ولج اخيتي وحيده عفتها ورحت ما فكرت شيصر بيها ولج متزوجه لخاطر ما تتزوج سرمد ذاله نفسها من وراي
سكتت مادري شكله شواسي وهو غلطان كل حجي الي كاله صدك بيران هواي شافت ضيم اكثر مني شافت تعبت علمود امها هواي
بافل _ شكل لبوي ولج من يوم الي رحت ما حلمان بي ما راضي علي زعلان مني زعلت وصيته وما حافضت عليها بتوول
_ ميخالف تكدر تعوضها وتخليها تسامحك
_ شلوون شلون ما توقعت هلكد مذلوله ولج راح اموت من القهر وعلي اذا هسه صار عليها شي اموت نفسي
_ لا يا ستارر لا تكول هيج باوع علي باوع
باوع علي تنهدت ومسحت دموعه وكلت بغصة _
_ انته هسه رجعت ولازم تتحمل مسؤليتنا كلنه تصير ابو بيتنه وعلى كد المسؤلية لا تخليها تحتاج شي نسيها كل لحضه بجت بسببك بيها احضنها من تخاف واسيها من تنقهر ضحكها من تضوجع حبها بكل جوارحك من طول هيا وصيت ابوك حافض عليها ادري بيك غلطت مرة وخذلتها بس خليها اخر مرة كون وياها حتى لو غلطت بيران گلبها ابيض وهيا مشتاقتلك بس معصبه منك
لزم ايدي وعصرها حيل ودموعه تنزل كل الكلام الي حجيته مادري شلون طلع مني بس حسيت روحي جاي احجيله عني مو عن بيران _
_وحق علي ندمان بتول
_ ادري بيك احنه بشر والبشر ما معصوم عن الغلط كلنه نغلط بس نصلح نحاول نصلح اغلاطنه وانته لا تستسلم بسهوله حببها بيك
ضل يباوعلي مقهور مرت ساعه وطلعن التحاليل رحنه للدكتور وحجه بافل _
_ ها دكتور طمنه شبيها
_ حضرتك زوجها اخوها
_ اخوها اخوها بس طمني شبيها
_ اختك عدها سببين خلنها يغمى عليها
_ اي شنو يا ستار
_ الاول فقر الدم وضغطها هابط والثاني للأسفل عدها سكر
شهكت بصدمه _
_ سكررر
الدكتور _ ما تدرون
بافل غمض عيونه وفرگ راسه بتعب _
بافل _ لا والله هسه يله درينه
الدكتور _ عدها سكر ولازمها عناية وابر أنسولين وتبتعد عن السكريات والدهون وراح اكتبلها علاج لازم تستمر علي
بافل _ دكتور خوما يصير عليها شي يحتاج انومها مستشفى
_ لا ابني كتلك يرادلها عناية بس وبس خلي تبتعد عن الضغط والعصبيه انتو عدكم احد بي مرض السكر
_ ابوي الله يرحمه جان بي من هو وطفل لحد ما كبر
_ مم وراثي هسه الابنية صحت تكدرون تطلعونها
طلعنه من غرفة الدكتور وبافل يلوب
_ منين جاها السكرر منين من وراي من وراي
_ هاذا قدر ربالعالمين كافي بافل
رحنه للغرفة البيها بيران كاعده على السدية صافنه ومطنكره طب عليها بافل وكال
_ يروح اخوج شلون صرتي
خزرته وباوعت علي وحجت _
_ بتول شوكت نطلع
بافل _ ثاري بيج سكر يروحي انتي بعد لا تحرگين بدمج مو زين عليج
بيران _ شلون ما يصير بيه سكر وانتو بحياتي
راح عليها وباسها بخدها دفعته بتعب تكول _
_ لا تلزمني بعد والله تحلم اسامحك
_ ميخالف لا تسامحيني بس لا تعصبين
نزلتها من السدية وطلعنه بافل راح جاب العلاج وهيا بس ساكته مقهورة حضنتها الصدري وكلت _
_ بيه ولا بيج يعمري
غمضت عيونها مخليه راسها على صدري بالسيارة وحجت _
_ خلصت روحي بتول
_ الله كريم تهون
_ شعنده رجع هاذا
_ بالبيت اسولفلج كلشي
_همم ياا لييث وين
_ اشش يم عمتي على كيفج ارتاحي
دخل السيارة جايب علاكه مالت ادوية وثانية مال عصاير وبسكت وكال _
_ شربيها عصير بعد ماكو حلويات خووش
_ هجم بيت المحنه
بافل _ وعلي اني حنين بس مادري شبيه نثولت
خزرته حتى يسكت لان اخاف هاي تعصب وتكول تعيط _
سكت وساق _
_ علاجج ورة الاكل وعندج ثنين قبل والابر تضربيهن باطنج بالجلد مو بتول تضربج ياهن
ما ردت علي بس مغمضه يمكن نامت تنهدت بتعب وباوعت على الجامه ساكته _
بافل _ تعبتي بتوله
باوعت علي ونفيت ساكته ابد ما اخذ بالحجي ويا هو هم هز راسه وسكت _
.
.
.
.
.
.
.
.
نجمة ...........
اعيط واكسر بهاذا الباب الاسود الي مادري شلون صرت هنا قبل يومين جنت كاعده بيتي وساكته انتضر بيران تجي بعد ما شهم وصاني عليهم وخلالي مصرف الهم مبلغ كلش جبير جنت ضامته بكنتوري بنص الهدوم
وبيوم جنت كاعده بامان الله اباوع على المسلسل واكل حلويات جتني امي مستعجله وكالت _
_ يله يله بسرعه تحضري خالتج خابرتني نروح نبات يمهم
خليت شامية بحلگي وكلت _
_ شعندي رايحه روحي وحدج
حجت بضوجه ومستعجله _
_ ولجج اتأخر منو يضل يمج حتى ايهم مو هنا بس يومين ونرجع يله
_ مارووح هسه بيران تجي ما تلكه احد
_ ما تجي هسه مو كالج الخميس اوديها عليكم بس يومين كومي يمه لا تشلعين گلبي كومي يروحي
بوزت بحيرة وكلت _
_ ما شايفه خالتي من زمان وبعدين منو يودينه
_ رجلها راح يجينه يله يله كومي
تنهدت بتعب وكمت احجي _
_ بسس يومين اذا تأخرنه ارجع وحدي
هزت راسها طبيت لغرفتي لميت جم هدم الي بجنطه وخليت الافلوس هم بالجنطه دورت على موبايلي ماكو لفيت شالي ولبست جبتي وطلعت
باوعتلي وهزت راسها وكالت _
_ خوما عايفة شي غالي هنا اخاف ينباك
_ لا اخذتهن
_ اي زين هسه شوية يوصل روحي سددي البوب وطفي الضوايات والغاز
هزيت راسي وكلت _ هم شفتيلي موبايلي
_ لا والله مادري
رحت سديت باب البيتونه وباب الترك وطفيت جوزة البيت والغاز صاحت امي _
_ يلهه نجمةة وصل الرجال
_ ايي جييت
رحت للصاله وكلت _ مالكييت موبايلي
_ لكيته لكيته خليتنه بجنطتي امشي امشي
تحجي باستعجال وتشيل بجنطتي قفلت الباب وطلعنه سياره سوده عاليه واكفه
فتحت الباب وحجت _ يا هلا يا هلا نورتنا
رجال اول مرة اشوفه لابس قاط رسمي وشوية سمين وجبير بالعمر يمكن خمسين سنه عمره بس كلش مرتب
حجيت بهدوء _
_ السلام عليكم عمو
_ هلا عمو اصعدو اصعدو
صعدت ورة واستغربت من امي صعدت كدام ضليت ساكته بس كلش خجلانه من تصرفات امي تلزم بيده لو تغازله معقوله هاذا رجل اختها
ضليت ساكته وضايجه اختنكت بس انصدمت صدمه عمري من كالت _
_ نوري ابنك يدري بينه جايين
لحضه لحضه نوري نوري الرجال الي تخابره الي مصاحبته مصعدتني ويا صحت بصدمه _
_ منوو هاذااا
خزرتني وحجت _ صوتجج لج شبييج نكرصتي
حجه الرجال _ شبيج عمو اني رجل امج ما كالتلج علي
امي سكتت تباوعلي باوعتلها بقرف وصحت _
_ رجعينيي رجعينيييي
ضربت ايدي الي اضرب بيها الكشن وكالت_
_اشش اسكتيي عيب ولج احترمي شنو ارجعج هاذا بمقام ابوج احترمي
ضحكت بعصبيه وعطت _
_ يااا احتراام والله لاكوول الشهمم افتهمتيي لاكوول الشهمم رجعينيي وين ماخذتنيي
_ بسس اسكتيي اسكتيي
نوري _ شبيج عمو صوتج نصي عيب
_ اشش انته اسكتت ما تستحوون شكبركم شكدكم متزوجين هسه بالسرر
ميار _ مو بالسرر عقدنا محكمه همين ههه حبيبي بس غيرانه علي نجومه ما تريدني اتزوج
نوري _ هههههه عادي عمري عادي زغيرة عثمان هم هيج ما قبل
بقيت ارجف شحجي هذوله بغير عالم مستحيل يسمعون شحجي كلت
_ موبايليي وين موبايلي
ميار _ شتسوين بي تريدين تخابرين شهم اصلا حتى لو انطيج يا تدرين بشهم يكسر الخط ماله ويلتحق بيش يرد عليج
عضيت ايدي حيل وجان يوكف كدام بيت جبير بفرع حجيت _
_ ميار مالي شغل بيج رجعيني للبيت شتسوين بيههه
هاذا نوري نزل وكال _
_ احجي شوية ويا بنتج فهميها مصدومه خطيه
_ اي ميخالف حبيبي لا تزعل منها طفله
_ لا ماكو زعل انشالله
طب للبيت وجان تلتفت علي وتضربني راشدي وكالت _
_ خزيتيني كدام الرجاال صوتجج يلعلع
عطت بيها بعصبية _
_ مقتنعهه بالي تسويي ولج انتي شنو من بشر ما توبيين ما تحسيين
_ شمسوية جنتي تكولين حرام وحرام تزوجنا كدام الله والعالم
_ ميار مالي شغل بيج رجعينييي شعلي بيج
لزمت ايدي حيل وعصرتها وكالت بعصبيه _
_ غصبأ ما عليج تضلين شفت اهله وما قتنعو بيه عبالهم مراة مو زينه
_ وعساس انتي زينه شريفههه
_ اششش اله كتلهم رجلي متوفي وعندي ولد ثنين وبنت بس ملتحقين وطلبو اجيبج وتعيشين هنا يمهم
بجيت حيل وكلت _
_ والله ما اضل دقيقه ترجعيني ترجعيني والله اروح وحدييي
_ ميخالف بس كدامهم جم يوم وارجعج بس انزلي خلي يشوفونج وترجعين
_ ماريد ماريد اختلطط بيكم
_ لعد بكيفج موبايلج ما انطي ولا بعد تشوفين شهم لو ايهم اخليهم يسفرونج والله
_ ليشش هيج تسوين بيه موو امي انتيي
_ لمصلحتج ولج ناس طاكين ذوله يعيشونج ميت سنه كدام
نزلت وكوة قنعتني شوية ونرجع بيت كلش جبير ومبين مبني جديد اول ما طبيت للاستقبال جان كاعد بيها هو هاذا نوري ومرأة تطلع بكدة تخزر وثنين زلم ولد شاب روحه ما طايقها كرصتني وكالت _
_ سلميي
بلعت غصه وكلت _ السلام عليكم
ورحت كعدت ساكته ضلو يلغون ويتعرفون واني دموعي تصب شوية وحجت هذيج المراة الي تخزر _
_ ايي بنتج متزوجه لا
_ لا والله بنيتي تنتضر ابن الحلال
_ اي زين عندي ابني متزوج ومرته ما تخلف يريد فروخ انطينه ياها
باوعت عليها بصدمه ودموعي تصب بسرعه باوعت على ميار ابتسمت وكالت _
_ هههه يشرفنا والله
يتبع ...............
_______________________________
ايدي نكسرت يا اخوان وكعت ونكسرت وجاي اكتب بيد وحده ماكو الحمدالله على السلامه
love31300خوب عندي صديقه كطعت فد نوب ما تسأل 🤨