شنو اطلقك مستحيل يابانه مابقدر اطلقك مابقدر افهمي الحاجه دي اي شي بقبل بيهو عقاب بس الا انو انا اطلقك شوفي خيار تاني يابانه ماتكسريني كدا عليك الله اي بستاهل اي حاجه بس دي لا
بانه: لا يعني انت ماكسرتني يامالك، انا كان ممكن امشي ليك الخيانه، وكان ممكن امشي ليك كذبك وكان ممكن امشي ليك ذاكرتك الخبيتا علي، بس شرفي مابمشي ليك ولابقبل انو اعيش معاك ولابقدر اعاين في وشك ولابقدر اتشارك معاك حياتي زي زمااااان مستحيل الاتكسر مابتصلح، مابقدر آمن نفسي وانا معاك ولابقدر اثق فيك ولابقدر احترمك ولابقدر اخت راسي علي مخده واحده جنبك، الحاجات دي كلها انا تاني مابقدر اعمله، عشان الحصل ماحاجه ساهله ولا حاجه فيها مغفره، انا دايره الطلاق وبسسس يامالك
عاين لي في عيوني وكان ببكي شديد وبعدها طلع طوالي من البيت ابوي كان بنادي فيهو بس ماكان برد لي زول، ختيت يدي علي راسي وبديت ابكي ابكي علي اي حاجه حصلت، الحاجات دي في حلمي ماكنت متخيله انها تحصل يعني مالك لحمي ودمي عمل فيني كدا، بقيت قاعده بعد ساعه جاء ابوي وراشد وامي داخلين مسحتا دموعي وحاولتا اكون عاديه بس عمري تاني مابقدر اكون عاديه
ابوي: بانه يابتي مالك اتكلم معاي وقلتا ليهو الحياه دي البعيشا انتي والرآي رايك انتي، شوفي الدايراهو وانا بعملو قدام امك وقدام راشد
رفعتا راسي وعاينتا لي ابوي
بانه: دايره الطلاق بس وتاني مادايره اي حاجه
راشد: انا كنت متاكد يابانه انو انتي حاتقولي كدا مالك غلط غلطه كبيره شديد ولو رضيتي تعيشي معاهو معناها بجد انتي ماعندك شرف ولا كرامه، انا معرس وعارف الحياه فيها شنو في حاجات كتيره الزول بمشيها عشان التاني وبتنازل عن شريكو بس الموضوع من يصل الشك خلاص معناها الحياه فاتت لي طريق مسدود واسمعي كلامي كويس عمرك ماحاتندمي علي القرار دا وانا واقف معاك في اي حاجه في حياتك ولدك من اليله مسؤليتي انا واي شي دايره تعملي تعملي عيشي حياتك زي ماعايزاها ارجعي شغلك واتخذي قرار حياتك براك واختاري شريك حياتك بي نفسك فيهو كل الصفات الدايراها انتي واهم شي في الاختيار انك تختاري راجل اي اسي حاتقولي انو مادايره زول في حياتي ودايره اربي ولدي وماعندي نفس وغيرو، بس الحياه مابتقيف ومالك ما الزول البستاهل توقفي عشانو او تحدي عشانو لا والله تشوفي حياتك وتعيشي بي الطريقه البتعجبك انتي وانا معاك
كلامي راشد كان زي المسكن بالنسبه لي اي حاجات كتيره اتقالت دا ماوقتها بس كلامو ريحني شديد وحسيت انو اي كلمه هو قالا لي طالعه من قلبو ومن التجربه حقتو حسيت بي راحه كبيره شديد💙💙
امي: يابتي الله يسهل عليك ويحلك بي السلامه كلو بتعوض انتي ارتاحي اسي وانا ماشه اعمل ليك عصير
ابوي: اي يابانه ارتاحي وكلو بهون تاني
ما كل زول رافق خُطاك
سيد حارتك وكتين تقع🤍!
فاتو خلوني ماكنت ببطل تفكير في الحاصل اكتر حاجه خايفه منها انو مالك مايطلقني ويتجرجر معاي، حرفيآ ماقادره اشوفو او اتكلم معاهو في حاجه تانيه، بعد يومين حاولتا اطلع بره شويه من الغرفه اغير جو من القعده خلال اليومين دي مافي اي حاجه جديده ولاحصلت حاجه تانيه كانت الحياه عاديه، قعدتا بره في الهول وكنت باكل في مكرونه عملتا بدور لي ملاك بتها، اكتر حاجه مريحه القعده مع الاطفال بتنسيك الهموم كلها شويه شويه كلهم جو قعدو بسمه وبلسم وبدور من جيت جات قعدت معانا، امي كانت بتحاول تتكلم معاي وتطلعني من جو النكد، عملو القهوه وعملو لي كيكه بتاعت شوكلت بحبها شديد وكان نفسي فيها اكتر كمان كنت باكل وهم بتكلمو، جات داخله ملاذ ومعاها عمتي مني سلمو علينا وقعدو كنت زعلانه من ملاذ شديد سلمتا واكتفيت بي انو اسكت، كان معاهم اكياس ملاذ قالت لي الاكياس دي مالك قال حقتك، دي الحاجات الاشتريتوها لمن كنتو هناك
بانه: والله ياملاذ الحاجات دي مابتلزمني خلاص
بدور: بانه دا كلام شنو البتقولي فيهو دا
عمتي مني: خليها يابدور هي زعلانه، مامشكله اي شي بياخد زمنو وبروح
بانه: لا ياعمتي معليش الا دي مافيها زمن اصلو عشان ماتتعشمو كتير
ملاذ: يابانه اهدي واي شي بي رواق بتحله
بانه: والله ليك حقي تقولي كدا انا اصلا ما متفاجاه اي شي بقيت متوقعه،بس انا وريتكم الحاجات دي علي مابتدخل لو عايزين شيلوها انتو بس انا لا
بدور: هوي يابانه احسن تتكلمي كويس مهما كان مالك غلطان معاك دا مابديك الحق انو تقلي ادبك وماتحترمي زول اكبر منك
بانه: اسمعيني يابدور انا ما اتكلمتا بي عدم احترام، والا الاحترام عندكم انتو انو انا اشيل الحاجات معناها انا كدا انا محترمه وبسمع كلام الكبير، مافي حاجه حاتتغير عندي انا
ملاذ: بانه ماتكوني متهوره عشان ماتعملي حاجه وبعدين تجي تندمي عليها
بانه: اندم وهو في ندم اكتر من الحاصل علي دا عليك الله ياملاذ انتي جاده؟!
امي: خلاص يابانه اتكلمي براحه دا مجرد نقاش ما اكتر من كدا مافي داعي انك تعملي موضوع
بانه: خير يا امي تمام انتو اقعدو اتناقشو براحتكم وشوفو الدايرين تعملووو اعملووو مابهمني اصلا انتو كلكم واحد مابتفرقو من بعض
بدور بدت تكورك طوالي واصلا هي منحازه لي مالك وشايفه انو الواحده بعد تعرس تعيش في اي وضع عشان المجتمع وعشان لقب مطلقه و الواحده لازم تعيش وتتعايش مهما كانت الظروف، وانو الواحده تصبر عشان الاطفال وتنسا نفسها يعني تعيش عشان ناس تانيه ماعشان نفسها انا كنت ضد النظريه دي وكانت بدور طوالي بتتكلم معاي انو ارجع لي مالك وانو الزمن بنسي الوجع وانو ولدي يتربا في حضن ابوهو احسن مايتربا في حضن زول غريب، كنت واصله الحد من تصرفاتا عاينتا ليها
بانه: اسمعيني يابدور اليدو في المويه عمروووو ماحايكون زي اليدو في النار والعاش الحاجه وضاق وجعا بفرق من البتكلم وبقول انت حاسي بيك حايحس كيف وهو ماعاش الحاجه دي وريني؟!
حايجاملك ويقيف معاك بس عمرو مابكون زي وجعك وكسرتك وانتي بتتكلمي عشان ماعشتي الحاجه دي اليله دي لو طارق راجلك دا طلع معرس بي السر منك حاتعملي شنو اليله دي لو جاك ووقف قدامك ونطق الجمله دي انو ملاك دي مابتو وانو انتي لعبتي بي وراهو والبت دي شوفي ليها ابو انا ما ابوها وانك انتي قليله ادب ولعبتي بي شرفك شعورك حايكون شنو ماتقولي لي انا حاسه والا غيرو اي واحده فيكم هنا لو حصل ليها الحصل لي كانت ماتت او عقلها راح انتو ناسين نظرة المجتمع لي حاتكون شنو خلي لقب مطلقه المابهمني اصلا بس الناس حاتقول شنو علي دي واحده مانافعه لعبة بي شرفا وعارفين دي لقبا شنو بلاي يابدور ماتتكلمي عن حاجه انتي ماعشتيها
بدور كانت ساكته ولاكلمه ماقالتا بعد كلامي، اتحركتا مشيت غرفتي وحاسه راسي عايز يتفجر انا تعبتا من الموضوع دا يعني في اي حاجه لازم سيرة مالك تجي لازم الموضوع يتفتح لازم القا زول واقف معاهو ودايرني ارجع لي وانسا اي حاجه
طلعتا تلفوني الكان مقفول من اليوم الجيت فيهو لقيت كمية مكالمات ورسايل من ياسمين ووجدان ومالك وسيف بتاع الشغل، رجعتا لي ناس ياسمين ووجدان كانو زعلانين مني شديد عشان مارجعتا ليهم اعتذرتا ليهم واتونستا معاهم حبه ورجعتا لي سيف انو مابقدر اجي حاليآ عشان وضعي الصحي مارديت علي الرسايل حقت مالك كان برسل كتير كلها اعتذار انو مابقدر اتنازل ولابقدر اخليك وغيرو م اشتغلتا بيهو وقفلتا تلفوني راجع ورقدتا قررتا انو تاني ما اطلع بره ولا اتكلم معاي زول ولا اتناقش كلامي مع راشد وابوي في الموضوع وخلاص، بعد المغرب امي جات جابت لي اكل وعصير
امي: بانه ماتشتغلي بي كلام زول اهم شي صحتك، وطلعت طوالي بقيت راقده جاتني بسمه قالت لي مالك جاء بره وتاني اتشاكلو وقال لي راشد مابطلق وابوي اتكلم معاهو بس بدون فايده اثناء الكلام حقنا مالك جاء داخل بسمه طلعت طوالي
بانه: مالك مافي حاجه حاتتغير البتعمل فيهو دا مامنو فايده، جاء قعد قصادي
مالك: عشان ولدنا والا بتنا يابانه عشانو هو ماعشاني انا، عارف بقا ماعندي خاطر عندك بس ماعايز اخسركم يابانه ماداير ولدي يتربا بعيد مني ولاداير تكوني بعيده مني، مابقدر اتحمل انا ماقادر والله تعبتا شديد انا والندم وعذاب الضمير انتهو مني، آملي الوحيد في الحياه البيبي دا هو الحايرجع اي حاجه وحايخلينا نعيش زي اول بانه عشان اي حاجه حلوه عشناها وعشان اي شي كان بينا ماتعملي كدا، كنت بسمع في كلامو وانا ماعندي اي رد علي كلامو ولا بقدر اكذب عليهو بقيت ساكته وهو بتكلم وببكي ماكان بقيف من الكلام كلامو متواصل مع بعض، حسيت انو بطني بتلويني شديد لمن صرختا بصوت عالي
مالك: بانه بانه مالك في شنو؟
حاسه بي شنو
بانه: بطني وكنت بقول الكلمه بي صعوبه كنت مغمته عيوني شديد من كمية الوجع، وامي وناس بسمه جو جارين من صرختي
بديت اصرخ تاني وبديت احس انو انا دايخه وماقادره اتوازن والدنيا بتلف بي، مالك جنبي بتكلم بانه بانه ماتقفلي عيونك فتحي يابانه، امي بتكورك يا رشيد جيب العربيه بسمه ارفعوها خلينا نمشي الدكتور وكانت بتكورك بي صوت عالي جابت التوب وكان مالك ماسكنب رفعني من السرير واتحرك علي الباب
بسمه: امي امي كانت بتردد فيها وماقادره تنطق غير الكلمه دي، كنت سامعه الكلام بس ماقادره افتح عيوني وبسمع الصوت بعيد شديد
امي: بسمه في شنو اتحركي خلينا نمشي
بسمه: امي في دم
مالك ما اتلفت وراهو كان شايلني لحدي العربيه، وامي جات جاريه وراهو وبسمه ماكانت قادره تمشي كانت قاعده في الارض اتحرك مالك ورشيد وامي رشيد كان سايق ومالك قاعد جنبو امي كانت خاته راسي في رجلينا وبتبكي، مالك كل دقيقه بتلفت وبحاول يتكلم معاي بس ماكنت واعيه، وشغال لي رشيد اسرع اسرع،
وصلنا المستشفي دخلوني طوالي مالك كان ماشي وجاي ماقادر يثبت
مالك: يارب البيبي دا آملي الوحيد البخلي بانه ترجع لي يارب ماتفقدني ليهو يارب انا ماكنت عارف ماتحرمني منو، شويه جات بسمه وبلسم ومعاهم ابوي وجات عمتي مني وجات ملاذ وعمتي محاسن، كانو كلهم واقفين ومنتظرين
ملاذ:مالك ان شاء الله بكون كويس ماتخاف خليها علي ربنا
مالك: ملاذ ليهم ساعه بعملو في شنو اصلو، انا لو فقدتو معناها فقدتا بانه ماداير اخسر واحد فيهم انا مابتحمل
ملاذ: ربنا كريم وهو عالم بي اي حاجه خليها عليهو وادعي ليهم
مالك: خايف ربنا يعاقبني فيهو، خايف شديد انا ماقادر اطمن قلبي مقبوض شديد
جات عمتي مني وكانت سامعه كلام مالك
عمتي مني: اطمن ياولدي الله في وربنا هو القادر
مالك: ان شاء الله يا امي
بقا ماشي وجاي وكان اي زول بدعي براهو، شويه جاء راشد داخل عاين لي مالك وسكت ماقادر يتكلم معاهو عشان ابوي في بس لو ما ابوي كان حايتكلم لا تفرق معاهو مستشفي لاغيرو كان الزمن بمر من غير اي نتيجه، جات الممرضه مالك فات ليها وبداء يسال فيها في شنو ولي التاخير دا كلو هي كويسه البيبي كويس ماردت قالت ليهو عايزين العلاجات شال الورقه جاء راشد جراها من يدو وخلاهو واقف جاب العلاجات واداها الممرضه وبقا واقف في منو بعيد، بعد نص ساعه جات الدكتوره طالعه وكلهم جرو عليها عشان يعرفو الحاصل شنو
مالك: يادكتور طمنينا
قالت ليهم اطمنو المريضه كويسه الحمدلله بس البيبي ربنا يعوضكم حاليآ هي لسه تحت تاثير البنج ساعه نص ساعه كدا وحاتكون كويسه اهم حاجه الراحه وتاخد العلاجات وكلو بتعوض، مالك كان واقف مصدوم وهو بسمع في الكلام القالتو عاين ليها يادكتوره البيبي مات يعني فقدتو يعني ولدنا راح يعني بانه ماحاترجع لي يعني ولدي مات خلاص 💔
#يتبع
"عندما تتجاهل مكالمة تُزعجك أنت لست سيء، عندما تقول كلمة "لا" لأمرٍ لم تحبه أنت لست سيء، عندما تقطع علاقة تسببت لك بالحزن أنت لست سيء، عندما تغادر مكان دون ذكر الأسباب فقط لأنه لا يلائمك أنت لست سيء .. أنت لست سيء عندما تختار راحتك واستقرارك النفسي."🦋