"Engmah thu chiang ala awm lo a in rilru ti hah lutuk hrih suh u. A chhe ber bawn in ka ti ani mai a, MRI te naktuk lamah kan han ti anga result tha neih in beisei ang u. Tei lo harh hunah engmah lo hrilh hrih lo phawt ula results kim chang kan hre hmasa dawn nia. Tunah chuan awm hahdam a mamawh ber a, mipui zi huai huai kara awm a zolo bawk a alo harh pawhin chim buai lutuk lo kha apawi hrih lo", ka ti a kan boruak vel chu Edward chuan Alice te ho chu ahrilh a naktuk maia haw tur an ni tawh a an thiannu hi an ngaihtuah viau ka ring
"Mapuii te haw sela ka riah pui ang, Sentei te lah exam ahnai an ti reng bawk sia", ka nu in alo ti ve thuai "zanin chu ka riah pui ang in siam em em ka ngaitawh lo bawk a hetiang te chuan hawsan ka hreh hle mai", lainat hmel zeta Tei en reng chung hian ka ni chuan atia. "Thawmhnaw vel kan pack fel anga kan lo riak ve dawn kan in hmukhat hlawm tawh dawn si", Mary chuan alo ti ve thuai, naktuk a haw tur nitawh mahse an thiannu tan chuan in pe zo ve tak an ni.
Zan lamah ka ni te ho in an riah puia Edward erawh in lamah a awm thung Damdawiin lam nen kan in be pah reng a Tei aharh tawh a rilru pawh tlem chuan athawveng deuh. Zing hma deuhah damdawiin lam ah ka kal a, ka ni tih loh chu tui takin an mu "i va rawn kal zing ve, alan dan mai chuan atha tawh viau ania", min hmuh rual in ka ni chuan alo ti thuai. Athutna bulah thu thla ve in "results tha tak aneih bei sei ang", ka ti ve sap.
Tei hmel ka en a hmeichhe kawlh tak tawh khirh tak ani thin tih hriat maih lo khawp in a hmel lan dan chu adam dap a, avun dang lap te ahmel cher ve riak te chuan ahmelthat na an hliah bozo lo. Ka awm dan hi ka hrethiam lo a, nau ang chiahin ka en tawh lo ani tih keimah hian chiang tak in ka hria, û sanga bulah thu khuk tak a ka zawh khan "a ti hlim thin che a, a awm loh in i zawng ruai bawk a, a nat i hlau bawk a, i ngaihtuahna ah a awm reng bawk a, Zorin chu hmeichhia chu i duh tihna anih chu nakin lawk ah hmangaihna ah i tlu lut ngei ang min la in hmelhriat tir dawn nia", ati kha ania engtik lai atangin nge he tianga ka awm tan hi ka hre lo ngaihtuah lo thei lo a min siam tan atang khan ain tan pawh ani mahna
"Ilo harh tawh maw ei chak te i nei em", ka ni ti ri ka hriat rual chuan Tei chu ka en ve vat, min lo melh ve chiah bawk anui sei a, dam lo han buaipui ngai em em in ala awm lo bawk a, bathroom ah in ti fai turin a mahin a kal a "naute u, harh ru le dar 7 a ri tawh ania", ka ni chuan ati lauh lauh Alice te thian ho pawh an tho sap sap "kei chu zan ka mut dawn ai in zing ka thawh hian ka mut achhuak zawk", ham bai bai chung hian Nana chuan atia bathroom lamah an lut diak. Tei alo chhuak hmasa ber a "ni zan ka muangah ka nu ka lo hmu a 'bawihte i dam tawh dawn' min lo tia", ka dam tep tawh aniang nui avar var hian a tia. "Dam tep tawh e. Vawinah ECHO te in ti anga MRI te nen i dam daih mai ang", ka ni chuan alo ti ve vat.
Dar 8 ah ka nu alo kal a, dar 10 an flight anih vangin ka ni te an haw ve thung ang. Car awm na thleng kan thlah a Tei te thian ho chu an in pawm khawm a an mittui atla par hlawm "lo dam vat la chuan lo haw vat rawh", amittui hru chung chuan Nana in atia "Hermosa December ah kan lo zin leh ang kumtharah kan rualin ilo haw ve ang" Mary in alo ti ve bawk. "Dam loh hi nang mah nen ain rem lo ania damdawiin hlau ber thin kha damdawiin ah i awm daih a", Alice chuan atia atawp nan tiin an in kuah leh a ka ni te chu kan vai liam ve thei hram. Cabin chhung kan lut chu a reh huai mai khumah Tei chu amu a amittui tla chu kan hmuh hlau takin ahrufai vat, a mai michhing zui nghal. Ache zia ka en reng vangin engmah ka hmuh hmaih loh thung dar 9 arik chuan ka kal san a, ni khatah mi 40 damlo ka en tlangpui a medicine hian damlo kan nei tam ber thin. Ward ka fan zawh a damlo ka en theih meuh chuan 11 ari tawh a, chawlh nei maih lo ka tan zui nghal zat dar 2 ah chhun chawlh ka nei zawk a office chhuah san lo in roomah ei tur min rawn pe a 2:30 ah kan tan leh chat chung pawhin dam lo card la ka en zawh meuh chuan khua a thim leh der tawh sana ka en a dar 6 ari der. Cabin lamah ka kal a Tei chu a lo hmuhil bam mai ka nu in athutpui ran bawk.
"Nu lo va haw rawh zan lam chu ka riah pui thei", a bula thut thak phah chuan ka tia "zankhat na na na te chu ka riahpui ve thei alawm", ti mahse Duata ka nu tello in a muhil tha thei ngai lo a, Senteiin amutpui chawt Chung pawhin zanah aharh te hian atap vak a kan buai phah ziah. Haw tura ka tih deuh tlat vangin hreh deuh chungin min haw san a, ka in ti fai zui nghal.
"Khawiah nge a nu kha" Tei in arawn tih chuan amah chu ka en a, ahawi kual ruai mai a mumangah anu ahmu leh emaw ni ka tih rilruk laiin "khawiah nge ahaw daih ami" atih leh tak ah chuan "tu maw itih" ka tia "aw anu nu hruaii inu ve tho kha", arawn tia ka nui hak a chang chuan Sentei ai pawh hian an in nufa chang a awm thin. A dam loh vak tum atang khan an in pawh thar riau a, "nu" tia akoh ka hriatna hmasa ber chu a kut atih nat tum kha nia, tun hi ka vawi 2 hriatna ani. "I beng en tir rawh biak reng reng hre thei lo" phun hlak hlak paha Teiin atih chuan ka nui suk. "Engmaw i sawi" ka tih chuan "all India radio pawh in vawihnih bak asawi nawn ngai lo hre lo mai rawh", ati deuh hmak a atum zui bar mai.
"He lai nula hi tu nge lo hau a hmeltha an ti tau ngai lo", fiamthu a ka tih ve chuan min rawn en a anui zui hak hak "hmeltha min ti maw" atih chuan ka ngawi leh daiha "chaw ei ang" ka ti daih ka in sawi awk thei tak ngail dawn in ka hria. "Ka duh lo hmeltha min ti leh tih loh i sawi dawn loh chuan", ati deuh tlat a ain lukhuh zui zat. Ka lo sawi chhuak kher kher chu ka in chhir leh nghal . "I hmeltha, i duhawm bawk", ka tih chuan alukhuh na chu a rawn in hawng a anui var var mai. Rawn tho chhuakin chaw chu kan ei dun a ei tam lo mahse tlem te a ei pawh kha atha "ka hmelthat thu i sawi zel chuan chaw ka ei ziah ang", ati fiamthu a, a ei zel dawn chuan ka sawi zel mai niang chu dawt ka sawi pawh ni hlei lo.
"Vawin in kalna enge i an", laptop a hna ka kawih pah chuan ka zawt a "azah thlak ka kawnga chin chunglam angial ngan in alang vek a, Motor ka la rui zui", atia ahmel zawng zawng nen ka nui zui put put "min nuih suh min en tu kha hmeichhia ani hlauh zawk a", atia echo tih te chuan kha te chu chiang sa vek ania ni min te khan harh ta se hei ai hian azak ang a en tu kha mipa ani leh nghal. "Ka dam hun chuan min len pui rawh aw, ka tha tawh viau sia ka awm peih tawh lo e", atih zawm zat a, keiin atawng ka lo ngaithla thung areh zui vang vang takah chuan ka ve en a alo hmu hil daih chu niin akut chu puan asin chhungah ka dah lut a ka en zui reng.
Û sanga sawi ang khan he nu tereuhte hi ka duh chu ania, ka pa leh ka pu kan chunga an thatna hai der in Tei kut hi ka chelh tlat thei lo an mahni vanga he tiang din hmun thleng thei chauh hi ka ni sia, in tawngngai lo tur kan in tawng a, piang ngai lo tur in duhna kan in karah apiang ta si a. He chhungkaw zing ami hi lo ni lo ta ila emaw lo ni lo ta la, ka ta ah ka siam ngei ang
Buaina nei miah loin zan kan tling tak a, ka nu a lo kal in kei hna lamah ka kal ve thung. "Zorin kan in be lawk dawn ami", Dr. Rina'n arawn tih chuan a room lamah kan in zui lut, D.r Rinna hi Tei en tu doctor bik ani a, engemaw tak min hrilh duh ani mahna "Test results hi a rawn chhuak tawh a Cancer chu ani lo a mahse alung lam hi atha lo khawp mai pu Loncy bulah kalpui leh chu atha ka ti alan dan ah hi chuan alung thlak pawh angai mai thei a, chuan akal lam hi atha lo hle bawk. He tiang natna ah hi chuan alang chhuak nghal mai lo a an taksa in azawh loh hunah chauh a lang chhuak thin, zawi zawiin akal tha lo hian ataksa peng te hi ati chhe zel dawn a tun a alung he ti em em a athat loh chhan pawh hi akal vang anih ka ring deuh then khat ah phei chuan am mit khaw hmuh te afiah lo a, an ri hriatna te thleng in a khawihpawi thin. A kal vei lam hian hna athawk thei tawh lo a, tun ah ding lam hi thlak vat anih loh chuan a nunna in atuar phah thei a, hetiang case hi chu abuaithlak bik a vang pawh avang thin khawp mai. A thisen hi AB ania nangmahni lam in in pek theih loh chuan donation zawn nghal angi ang kei pawhin ka lo ngaihven nghal anga" atia ka rilru a buai map mai. Kei leh sentei hi O+ kan nia, Duata hi A- . Ka nu hi O+ ania ka pa leh ka pu hi A- an ni thung. "Tei bulah thu khuh deuhin sawi la, a hranin puitling ho i be dawn nia", ka ti ri ngawt. Dr. Rinna chuan min hre thiam tak in aw min pawh a he tiang anih chuan donation kan zawn vat vat angai. Alung thlak angaih leh zel chuan.......... Ka thawzui hak ka pik mup a ni ber. Arang teh thut em a ka in ring hman lo Tei hi ka chan thei lo nilo atheih loh a ni bur. Donation chu ka hmu ngei tur ani.
Ward kan fang zo a, vawin chu damlo en tur ka nei lo ka thutni ani lo bawk, lo kal leh tura ka tih te chauh ka en ang. Dr. Rina khan donation kha azawng nghal tur thu asawi a hmun dang daih atangin hmu ringawt mah ila an tissue ain ang em tih thlengin test leh vek angai a, hei tianga donation kan hmuh vat loh chuan Tei thi lai zawi zawin kan hmu dawn tih na. Ni lo.. kang tiang zawng khan ngaihtuah suh tiin ka lu ka thing nawk nawk. Doctor ten an damlo te natdan an hre chiang ber thin a Tei hi ka dam lo ni lo mahse doctor ka nih ve na laiah ataksa din hmun ngaihtuah in achhe ber ka dawn angai zel si.
"Mama thudik ani em", ka pu chuan a rawn ti lut a ka hmel ahmuh rual in "thudik ani maw" ti leh thutna kan dah a thut thlak a rual a, a beidawng hmel te chuan lunga ti zing.
"Pu donation kan zawng nghal char char alawm", tiin ka pu chu ka hnem ve ngei a a chang chuan keini aia upa zawk te aia puitling nih ngaihchang a awm thin. "Nie kan hmu vat turah ngai ang. Theitawp chhuah la adamna tur anih phawt chuan khawi laipawh kan pan zel mai ang", ka pu chuana ti ban charh. "A thisen hi AB ani nia kan chhung zingah AB kan awm si lo a" ka tih chuan "anu kha AB ania bawihi alo pian a blood group kan hriat khan Zara fanu ani lo emaw kan ti hial a, DNA kan test tir a mahse alo ni ngei sia anu blood group nen ain ang diaha anu lah awm tawh silo a", atia arilru abuai hmel khawp mai.
"Ini te lam hi hrilh hriat vat ang angai ani khu lamah te mi thiam zawk an lo awm takin" atia ka lo hrilh tur thu ka sawi a ka pu hi kum 70 a hnaih ve tawh a a kum ngaihtuah chuan la in fit tak ani mahse kum upat tawh lamah rilru hahna in a tlakbuak leh a ataksa in a tuar phah ang tih a hlauh awm.
Zanah angaite bawkin Tei ka riahpui a vawinah pu Loncy an va hmu a naktukah results hre turin keimah ka kal ang. "Hmeltha leh duhawm nu chaw ei ahun", ka tih chuan nui hak hak chungin a rawn kal a, he anui hmel tha zet te hi hmuh reng ka duh a chu vangin ka lak atangin engtik ah mah ka kal bo tir dawn lo.
"Doctor khan thil al leh thak i ei thei hrih lo atia thlai lam ei tam rawh min ti bawk a ka peih lo e" a chaw thial tawt tawt hian atia "damna tur anih chuan doctor thu zawm tur damdawiin i nin theih em hi i dam vat anga i duhna berah kan kal ang", ka tih chuan chiang zetin min en a " ka ngaih iti tha lo tun lai i awm dan hi nangmah i ang lo", a tih chuan ka nui lui a "dam lo inia ka duat ve che anih hi", chaw bar phah chuan ka ti a. "U nau ang chuan ka duh lo", a ti deuh hmak "ei leh tawh rawh, a dai hman ang" thil dang asawi kai zel hlau taka ka tih chuan "ka puar" tiin a kham zui daih. Kan eina vel ka tih fai zawh a abul a ka va thut ve chuan "tun hnai chu ka mumangah ka nu ka hmu reng mai a bula kal turin min lo hui thin a zui ka tum a piang in ka kutah hian min chelh tu an awm thin min chelhtu hmel lah chu ka hmu thei der si lo", atia ngaihtha zan lo chung hian "mu mang mai mai anih chu ", ati liam puat. "Tun lai chu ka mut a chhuak thei lutuk ka ni nghul zel bawk si", ham bai bai chung hian atia "muhil rawh hahdam i ma mawh alawm", tiin a puan chu ka sin that tir a kar loh ah amu hil zui nghal. Pawn lamah chuakin ka ni ka call a rei vak lo ah "Hello" arawn ti lang lang an tawng ri nuai nuai a an buai hmel khawp mai.
"In buai viau em ni"...
"buai lo e, Alice te ho an la awm a enge bawihi chu a an tawh a" arawn ti nghal zat. Engkim chanchin ka hrilh chuan ain hnit zui hlak hlak. "Ni ka lo biak chhan che chu kha lamah doctor tha deuh zawk Tei te nantna ang enkawl thiam deuh an awm em tih lo zawh che ka tum a an awm chuan lo kal pui kan duh a naktukah alung results kim chang kan hre tur ah ka ngai. Donation chu kan zawng nghal tho na in hmuh hi aharh ve lutuk a", ka tih chuan "Dr. thiam deuh chu an awm ang ka lo ngaihven dawn nia chanchin kan in hrilh hre zel anga helamah en kawl theih chuan duhthu sam", a rawn tia keipawh ka ngaih dan chiah. Kan in biakna chu kan ti tawp a naktukah Dr. Rinna bia ila in transfer tir mahila apawi lo ang
Room a ka luh chu boruak a uap leh churh tawh Tei mu bam chu ka en a ani telin a cher thil aei tlema, amu deuh reng thung. US lama kan kal pui dawn chuan keimah ngeiin ka awm pui ang ka bul hnaiah lo khawiah mah ka awm tir tawh dawn lo ka hmuh phak loh ah a awm tawh tur ani lo. Zanah vawikhat arawn tho tih loh chu amu hil char char a ka veng zan khua thung.
Ka nu arawn luh rual in "nu" tiin aban nghal ruak ruak aka nu banah ka kuah bet tlat awm dan naupang zet chu en in ka nui leh thin, Dr. Rina ka biak duh vang in ka kal san a Aroom kawngka ka kik chuan lut turin min tia dar 9 ari tawh a dar 9 ah chuan a room ah awm tawh thin a hna a in pe zo tak ani.
"Rawn biak duhna che ka nei a, US lamah kal pui te kha ka chhung ten an sawi deuh a eng tin nge maw ni dawn le" ka tih chuan " in kal pui theih chuan chu tluk a awm hlei nem kan transfer mai anga khu lamah engkim tih a awl zawk dawn a" atia. Ka lo biak leh tur thu hrilh in ka chhuah san nghal. Ka pu kan in lama lo kal turin ka hrila ka pa lo awm turin ka ti bawk ka in khalh haw zui nghal. In ka luh chuan ka pu pawh a lo awm tawh a US a transfer vel ka sawi chuan pawi an lo ti bik lo adam kan duh tlang vek a ka pa phei chu amit asen ram a amu tam lo tih ahrait reng. "Anih chuan arang thei ang berin transfer tir ila vawinah pu loncy ka va hmu phawt anga engkim achiang vek tur angai ang", ka tia room ah chho san in ka in bual a in siam peih sain chaw ka bar zawk, ei kham ah muang chang lo in pu loncy hmu turin ka kal nghal eng results pawh hre dawn ila pa changtaka ka awm angai tih ka hria