سبية مستباحة

بارت 12

سبية مستباحة.

حرير: اريدك توديني الهم

مهڤ: ماعرف مكانهم بس ادللي اخابر خالج واعرف مكانهم ومن عيوني

حرير: شكرا مهڤ

مهڤ: غاليتي

حرير: انتَ اطلع اني دقيقة واكون جاهزة ماعندي شيي

طلع مهڤ رحت طلعت بنطرون اسود جلد وقمصلة خفيفة جلد وشال بيجي بدون اي مكياج

لكيتهم كاعدين ينتضروني شافني مهڤ اجة تقرب يم اذني وكال

- مو اكلج شاجووور هسة بهذا لبسج صرتي قنااص

دفعتة وكلت -شبيك مو العالم واكفة متستحي

-اخذ ايدي باوعلهم وكال

-شبيكم ادري حلوين لتصفنون امشوو

جبل: الله يزيد الثقة

عبير: اكيد وين اكو مثلكم فدواا تخبلون

حرير: هاي شبيهم لو متزوجين عن حب شلون واحد يعاند بلثاني

- طلعنة افترينة اول شي بعدين رحنة لمطعم كضوها تصنيف وضحك اجواء اول مرة اعيشهة تمنيت نلتقي بغير ضروف ويكون بابة وياي حسيت غصة صارت بصدري احس اريد اخذ نفس حيلل واصيح بعلو صوتي

- استئذنت منهم وكمت طلعت خارج المطعم ماحسيت غير مهڤ واكف يمي باوعتلة وكلت

- كاعد يشوفني موو

سحب راسي لصدرة وصرت اشهك طلعت كل الغصة البية

- ياريت جنت درع حتة احميي ليش وكفت وماسويت شيي لييش

مهڤ- حرام عليج هذا قدرة ويومة وكلشي مكتوب ومقدر لتلچمين كلبي حور اسكتي

حرير: مسح دموعي وحاوط وجهي ب اديناتة وكال

-نرجع للبيت

حرير: لاا ماريد اكسر فرحتهم عوفني هنا وارجع من يرجعون نرجع وياهم

سحبني من ايدي وخابر جبل كلة شوية وراجعين اذا ردتو ترجعون لتنتضروني روحو باوعتلة مستغربة

- مهڤ وين رايح ماريد اروح لمكان ثاني

مهڤ: اشش امشي بدون كلام

حرير: شنو بكيفك هية

مهڤ: مالج شغل

حرير: هم رجعنة جنة مرتاحين

مهڤ: طلع لسانج

حرير: وين جان هوة موجود باوعلي وضحك وبعدة لازم ايدي صعدني بلسيارة ومشة

- مهڤ وين رايحين

ماحجة شي ضل يمشي لحد ما وصلنة لحديقة بيهة العاب صغيرة وخارجهة كل انواع اكل الشوارع ولمكاين صار يمشي وياخذ الي يعجبة واني اضحك علي وصلنة يم مكينة موطة باوعلي واخذ منهة ولوص وجهي سحب نفسة من شاف ردة فعلي

مهڤ: اذا تريدين ترديهة الحكيني

حرير: الكردي ضل يضحك علينة ومادري شيحجي ومهڤ ركض صرت اركض وراح واني اركض انتبهت الروحي شلون اضحك وهوة فرحان لضحكتي وكف ورحتلة الهث بلكوة اجر النفس وهوة نفس الحالة

- شبيك

مهڤ: ضحكتج صكعة وعثرة

حرير: بويااااي كلتهة وضحكت هوة ضحك ع ضحكتي

مهڤ: اروح سبعين الف فدوة

حرير: لاا تروح زايد عزيزي

مهڤ: راح اچفض بلسالفة اذا عزيزج

حرير: كلمة تنكال لتفرح

- اخذ ايدي وصرنة نمشي سوة لوقت حسيتة طويل حسيت نفسي تعبت عاينت المهڤ وهوة عاين علية

- ماشايفة حلوين

حرير: لاا شايفة بس ردت اكلك انو نرجع لان تعبت

مهڤ: تعبت خاتون محاسن امشي نرجع

حرير: رجعنة للبيت لكيناهم راجعين وجبل راجع للبيت طبيت كبلل سبحت ورحت لتلفوني مثل كل يوم اباوع للذكريات ولصور احسهن دوة لروحي

طلع مهڤ من الحمام نشف شعرة وراح مدد رحت كعدت يمة ع طارف الجرباية وخر ايدة من عيونة وباوعلي

- عندج سالفة مو

حرير: ايي انت كلت تخابر خالي تسئلة عن مكانة حتة تاخذني

رجع حط ايدة ع عيونة وكال

- الصبح ان شاء الله اخابر نامي هسة

حرير: وعدد تخابر

مهڤ: طفلة انتي

حرير: ايي طفلة شنو شفت بحياتي حتة اكبر نفسي

مهڤ: تفكير جييد يلا عجل نامي

حرير: خلص امرنة لالله انام يعني انام

رحت مددت ولتلفون بصفي ضليت اباوع لحد ماا تعبت ونمت

- كعدت تقريباا الساعة 9 ونص هيج شيي نمت هوااي باوعت لمكان مهڤ ماكوو كمت غسلت وجهي بحمام الغرفة حطيت الشال ومديت راسي من الباب عيوني ادورلة شفت عبير صحتلهة

- خير ياا طيور الحب منورين

حرير: حلكج اشكة اذا حجيتيهة كدام احد مهڤ وين

عبير: كاعد جان مخبوص بتلفونة تريدين اصيحة الج

حرير: اذكرت مكالمة خالي بسرعة كلتلهة ايي صيحي

راحت واجة مهڤ وراهاا دخلل للغرفة وكال تحضري حتة نروح

-رحت يمة وكلت، صدك يعني بس توترت

مهڤ: منو الذبح نفسة ع الروحة ابوية

حرير: لاا اني بسس قصدي لان اول مرة اشوفهم تفهم

مهڤ: ماكو شي همة بيت جدج لتتوترين شي طبيعي

حرير: رحت حضرت نفسي ولترتر يزيد انطيت خبر للحجية ولبنات وطلعنة

-حسيت مهڤ طول الطريق مو طبيعي ماحجة ولا كلمة تقريباا نص ساعة وصلنة الهم نزلت شفت زلم ثنين مرتبين واكفين بلباب راح مهڤ سلم عليهم وباوعو علية ماكدرت اسلم عليهم بحب ماحسيت هيج وياهم سلمت عادي وهمة هم

عادل: نورتي بنيتي تفضلي البيت بيتج

-قبل ماا اطب باوعت المهڤ ميقبل يفوت كال عندي شغل اني اجي عليج كلتلة براحتك وراح طبيت جوة شفت نسوان ثنين وبنات ثنين بعمري وشاب واحد وحجية كاعدة ع العربانة ماعرفت اي واحد بيهم ضليت واكفة وصافنة

الحجية: يمة بنت الغالية تعاي حبيبة تعاي ييمة تعاي حدري يمي يبعد بيتي

-رحت يمهة كعدت ع ركبي حضنتهة وصارت تبجي بجيت وياهاا

الحجية: يمة بنيتي من جانت شابة حسيتهة رجعتلي داشوف بنيتي كدامي رجعلي شبابهة

-ماعرفت شنو احجي اجة خالي عادي عرفني عليهم وع بناتهم ونسوانهم

خالي عادل عندة شذى وكرار

وخالي محمود عندة بس اعراب

استغربت من الاسم من كالة اجتني الضحكة واني ابجي لحمدلله ماا فشلت نفسي

-شذى مبينة حبابة بس سبحان الله اني ماحب الاعراب وجنت اول سوال اتركة وابد ماا ادرسة ولاا يدخلل دماغي وهاي هم مادخلت لاا كلبي ولاا دماغيي احسهة تنفخ بريشهة علية تريد تاكلني قل اعوذ برب الفلق

- تباوعلي وترجع تباوع الكرار وصارت حرب نضرات هسة اني شجابني لو ضالة يم مهڤ احسن

طبينة جوة وكعدت يم بيبي حيل حبابة وتشبه امي الباقي ولاا يمهة الحسيت بلامان يمهة بس بيبي

-كعدن نسوان خوالي كبالي وبناتهن هم وحدة منهن حجت تصير مرت خالي محمود

مهى: منو جابج جاية وحدج يمدهورة

حرير: لاا عمة اجيت وية رجلي بس عندة شغل ماكدر يبقة

مهى: وانتي هذا شوكت ازوجتي قبل ليتوفة ابوج

حرير: لاا من بقيت وحدي بدون اهلل وصفيت بلشوارع محد وكف وياي غيرة وضروفنة جانت حاكمة انو نعقد

مهى: وانتو صرتو مزوجين صدك لو بعد

الحجية: ولجج اكلتيهة وشربتيهة للبنية تحقيق شعندج يول اخخ ماكدرلج

مهى: شبيج عمة غير نعرف البنية شبية مابيهة نطببهة بيتنة ع الخالي

حرير: اول شيي اني ماطابة بيتج المقدس ولاا اجيت لعيون احد غير بيبي وماا محتاجة لاا بيت ولاا فلوس اني شايفة وعايفة وخيري فوك راسي تعرفين اني بنت منوو ما يحتاج اكلج

مهى: چاا اذا خيرج فوك راسج شلون صفيتي بلشارع لو هاي حجة حتة تتزوجين حبيبج

حرير: فورت دمي خلت ضغطي يصعد بهاي حجايتهة كمت ع حيلي وعطت بسس بعلو صوتي اجوي خوالي وكرار ع صوتي ماهتميت باوعتلهة ورفعت اصبعي عليهة وكلت

- الوقت الجنت اني بي حايرة بلشوارع تعرفين ياا وقت اليوم الي ذبحوو بي تاج رااس الزلم كلهة

-اليوم الي راح بي الزين وبقة اليسوة ولميسوة كبالي تعرفين شنو محد راح يحس بية لان انتي ماعشتي وية حيوانات ولاا تعذبتي مثليي ولاا عشتي ربع الي عشتة انيي

-بلوقت الي انتو كاعدين تمرحون وتفرحون اني جنت اموت الف موتة بليوم انتي منو حتة تتبلين علية هييج منو سمحلج

-ومهڤ هوة الي صارلي عمام وخوال واب وسند وكلشي هوة الي طلعني من الموت هوة الي دخل حياتة للموت في سبيل اني اطلع عايشة ضحى بحياتة ومستقبلة صار واكف من وراية اني لان عاقد علية بس هوة عندة المهم اني بخير المهم امانتة بخيرر

- ف ياا خوالي وزوجات خوالي اني هناا لخاطر هلعيون وئشرت ع بيبي مرايدة لاا فلوسكم ولاا بيوتكم واذا معتازين فلوس كلولي واني اترخص

ردت اطلع واخابر مهڤ وكفني خالي عادل

عادل: بنيتي عااد لخاطري هيج تسوين علمود حجيهة هية متعرف تحجي امسحيهة بوجهي حتة ماشفناج ميصير هيج

اجتي يمي زوجة خالي عادل وكالت

هدى: يلاا حبابة وردة فدوا لعيونج ارجعي كعدي يم بيبيتج شوفيهة شلون كاعد تبجي عليج مالج دخل بيهة يلاا وردة

باوعتلهم ثنينهم وحسيتهم صدك يطبق عليهم المثل الي يكول قبق وجدرية

:الطيبون للطيبات والسيئون للسيئات

-رجعت باوعت لبيبي وكلتلهم-لخاطرهة بس

-كعدت يمهة وصارت تحجيلي عن مامة واني فرحانة فرحانة حييل

-اعراب كاعدة كبالي شايلة تلفونهة وتعوج بحلكهة باع هااي بياا حاال واني بياا حال شكد بطرانة ومسمومة ماخلص من المسمومات اني

-بيبي باوعتلهة وشافتهة شلون تباوع علية

الحجية: كومي ولج معروبة جيبي شي تاكلة تشربة ماعدجن احترام

اعراب:  بيبي اسمي اعراب اعراب وبعدين اسمي معناه الادب ولثقافة بس محد مثقف هناا غير عائلتي واذا هية تكول اني مو غريبة وطلعت لسانهة هطولة ع امي تكوم هية تاكلل وتشرب

حرير: ايي بيبي صحيح من منو مستحية من الفاعل لوو المفعول به

اعراب: انتي هي احترمي نفسج واحجي عدل

حرير: بيبي بيتكم حيل اكشن واني ابد مو فقيرة صراحة ابوي علمني اخذ حقي بيدي

الحجية: فدوا الايدج وردة انتي ماا يبدر منج الة الخير يمة

اعراب:  تشوفين يحرير

حرير: طبعاا اشوف عيوني حيل كبار ومسحوبات اسم الله الرحمان يحفضني

كامت تفور وطلعت تستاهلل حتة يعرفون وية منو يحجون ويقللون ادب بعد

-اجتي شذى اكبر مني بسنة قدمت حلويات وعصاير بس ماجنت مشتهية شيي كضيتهة سوالف وياهن سوالفهن تخبل وندمجت وياهن بسرعة

- بعد ماا اتغدينة كعدو الكلل بلصالة خوالي ونسوانهم وولدهم

حجة خالي محمود: مثل ماتعرفين ياا بنتي انو العضم يرجع الاهلة وانتي باعتبارج بنتنة مرجوعج النة وهذاا حك الشخص العاقد عليج مثل ماعقد يفسخ ويجي مثل العالم ولناس يدك بابنة نسئل علي ابن ناس واوادم كبع واخذ بس اذا غير هلحجي كل واحد يكعد بمكانة

- باوعتلة مصدومة هذا شديحجي شديمسلت باوعتلهم محد حجة ولاا اعترض كلهم راضين وكفت ع حيلي وكلتلة

- خالي اني من اجيت هنا اجيت اشوفكم ماا اجيت افتح هيج مواضيع ولاا بحالهة اني عندي عزاء لاا بحال عقد ولاا افسخ عقد الراح مني مو شوية ماا دافنة دجاجة اني

عادل: بنيتي ميصير هيج خالج احترمي رئية وقرارة هوة اعرف بمصلحتج

حرير: خالو عن اي مصلحة كاعد تحجون انتو وينكم عني كل هاي السنين منو بيكم سئل وكاال شلون فجئة ضهر الحب ولحرب وكمتو تخافون ع مصلحتي طول عمري عايشة وحدي بس ماا عتازيت احد فدواا لكلبة حبيبي وابوي صارلي كلشي اتحمل مسؤلية كلشي وماا شكة فديوم

محمود: انتي ماا تعرفين شيي عن قبل وهذا كلة علمودج وين غيرتنة يجي رجال عاقد عليج يم داعش ياخذج ويروح

حرير: حسافتة وين ماجان عاقد علية مراح نفسخ العقد

كلت هيج وكام خالي محمود صاير نار يريد يجي باتجاهي لزمو خالي عادل وكرار ضحكت وكلت

- بعد ومن اول يوم تريدون تمدون ايدكم علية كللش حلو

الحجية: يمة اكعدي ولزمي لسانج احترمي هذا خالج

حرير: بيبي مو الاحترام لازم يصير متبادل من الطرفين

كلت هيج ورجع يصيح وبعدهم لازمي

محمود: هدونيي عليهة قليلة التربية هااي

حرير: محد يكدر يمس تربيتي بشعراية الرباني رجاال يعرف ربة وميصير بعدة اب

عادل: حريرر ماا توقعتهة منج لزميي لسانج واكعدي بمكانج وطلعة مناا متطلعينن خووش

حرير: لتخلوني اتندم اجييت هنااا انتوو شنوو من بشررر عوفوني بحالي منين نزلت عليكم المحنة هسة هاي السوالف متعبر علية

كرار: كافييي اسكتي سديي حلكج فوك ميسدون سوالفهة

حرير: ميحجي بسداد السوالف غير ابو السوالف وابو دروب اني هناا واكفة كدامكم بس اعادل الواكفين كلهم متعرفون ع ياا مبدأ وشلون تربيت ولاا تعرفون شنو شفت هاي التصرفات متهز شعرة منيي اني عشت عشت بنص الحرب وطلعت منهة وطلعت الوياي كلهم تحبون احجيلكم بطولاتي لوو تكملون حجي بمصلحتي

اعراب :انتي يرادلج وحدة تربيج صدك من جديد وتعلمج الاحترام

حرير: باوعتلهة وضحكت: ربي روحج اول وتعاي علميني التربية

هناا صارت ضربة كلنة توجهنة للصوت خالي محمود ضرب الحايط واجة باتجاهي رافع اصبعة وماهز شعرة منيي

-طلعة مناا ماكووو خطيبج مدري حبيبج الجايبتة مدري منين وجاية فرحانة بيي اذا اجة هناا رجلينة اكسرهة

- صدك ضحكني هناا لان هوة مهڤ بس يهفي علي يطير

ابتسمت وكلت: تريدون تسوولنة حفلة وعرس ع حسابكم هلكد هامتكم مصلحتي ع راحتكم يجي ويخطبني ويجيب العشيرة وكلولة اني موافقة

محمود: موافقتج او رفضج ميقدم ولاا ياخر نشوف منو ينطيج اذا هلكد زلة طلعت علي

حرير: ترة احنة عاقدين شكوو بعد

محمود: هذا العقد الطفلل ميعترف بي تدرين لوو لاا

حرير: هسة ياا خوالي المطلوب شنوو

-تخابري يجيب الشيخ ويجي يفسخ

حرير: راح اخابر وتكدر اتكلة هلكلام انتة خابرت مهڤ ثواني وردت فتحت مايك وحجة محمود

-اجيب الشيخ وتجي تفسخ مثل الحباب

-سمعت ضحكة مهڤ وضربتة للستيرن

مهڤ: الشيخ تريدة من سوق بلي لو مو كوكل

-
يتبعععع

رايكم؟

حسابي الانستاا مثبت بلصفحة مالتي وليوزر هذا هم.      no2s.17.     نزلت اشياء لطيفة تخص الرواية + المنشورات موجودات بلتلي هم اسم القناة الكاتبة ميامين ،تنوروني بكل وقت

- اشوفكم بخيرر حبايبي.