Zing ka harh chu dar 6 ari tep tawh a, tho lawk lo in in chung celling chu ka melh a ka khap leh fak fak thin a Mizorama ka haw atang hian ka nun dan hi adang hlawk ka ti mai û nau thar ka nei a chu mai ni lo in mipa duh zawng ka nei bawk a ka mumang pawh a ka la man ngai lo PUC ah ka kal bawk a chu ta karah ni minah Remlubuki kan la en thla zuia US a ka nun dan nen chuan in thlau vet vet tak ani.
6:15 arik in ka tho a, bathroom ah ka in ti fai a in hnuaiah ka chhuk zui nghal. Zing dang mah a tho hma ngai lo Duata leh Sentei chu dawh kan kil in an lo thu a, nu hruaiin thingpui a lum mek anih hmel.
"Bawihi lo thu rawh thingpui a so dawn in ve nghal rawh", Nu hruaiin alo tih chuan dawhkan kil in ka thu thla ve nghal a, ka pa in chanchinbu abih run a, ka pa sir ah Zorina athu run bawk. "Mama nu bawihi ei tur ka hawn sak kha lo la nghal rawh chhangthawp nen khan"ka pa in atih chuan ka hawi heu mai. Thil ka hawn che atih khan ka zawng hmu zo silo a engtak ni ang maw ka tih rilruk mek laiin nu hruaii chuan thingpui chu a rawn sem a chhangthawp leh peanut butter dawhkhan a arawn dah rual chuan ka mengkawk thei.
Ka pa chu ka en leh a "hei hi mi ka lo hawn che i tih chu", ka tih chuan "aw i tet lai khan i duh thei em a kan ei ve pawh i phal ngai loh kha", a chanchinbu chhiar lai dah meuh chuan atia. "Ka ei ve duh ania", Duata'n alo ti ve chhen bawk a "Kan ei vek dawn nia" tawi taka nuih pah chuan ka tia
Chhangthawp ah chuan peanut butter chu sentei nen chuan kan tat a kan tah sa chu Duata chuan asem kual a, "hei hi ei turin min ti tak tak a maw", chiang zeta ka pa melh pah chuan ka tia. "Aw i ei tura ka lo hawn ania ei rawh i duh em kha", atih chuan ka chhungril hi a na veng veng mai, ka fanu ini min ti chung hian ka ei theih loh zawng pawh ahre lo ania ka tet lai kha chuan Jam ka duh ber thin a peanut ka ei thei lo tih theihngilh khawp in anunah ka lo pawimawh ta lo ani mah na.
"Au bawih ei ta che", Duata'n atih chuan hreh zetin ka chhangthawp ken chu ka keih thla a, kum 9 hnua avawikhat thil min lo leina anih vang in thihpui dawn mahila ka ei ngei tur ani. Ka pa melh ran chung in ka changthawp ken lai chu ka ei zo vek a, harsa ti zetin ka lem a "thingpui nen hian hmeh ta che i helh mai anga sin" nu hruaiin alo tih chuan ka mittui a thing pam mai. Ka lem thlak atanga rei lo te ah ka thawk a harsa tan a ka lu ahai muai muai bawk in hum ruh chungin ka tho chhuak a ka room lam chu ka pan chet chet mai steps tawp ber ka thlen rual chuan ka pen thei tawh lo ka thaw achham mai dawn in ka hria ka nghawng thak chu ka hiat phah bawk
"Lo che suh", tih pah a Zorina'n min rawn buai pui lai te chuan ka vai ruai a "ei luih loh mai tur alawm mahni in thah i tum em ni", phun hluk chunga atih pah chuan min pawm lawp a "damdawiinah ka kal duh lo ka pa hriat tir kher angai lo", thei leh thei lo chuan ka tia "iva hahthlak thin tak" tih pahin aroom ah min pawm lut a bathroom ah min luh tlangpui a bathtub ah tui dahin tah chuan min chiah a "ti khan lo awm rawh" atih rual chuan atho vut a bathroom darthlalang hnunga first-aid box chu arawn la a eng emawni hi syringe ah thun in ka ban ah chuan arawn chiu lut a minute 10 vel tuia ka in chiah hnuah min pawm chhuak a peanut allergy ka neih avangin tlem ka ei pawhin ka buai thin kum 10 chuang ka ei lo hnuah ka pa vangin ka ei leh a ka tet lai pawhin peanut cookies ka lo ei palh a damdawinah min kal pui rum rum kha ania ka pa hian ahre tawh lo ani ngei ang.
"I kawr hi phleh angai ania i huh vek", Zorina'n atih chuan chhanpawh ka chhang let peih lo ka hrawk hi hnawh tu awm ang mai hian a awm avung te pawh a ang mah zawk.
"Mai mi chhing chung chuan ka phalna pawh la hmasa lo in ka kawr hak lai chu arawn phelh a, kawrfual ka hak hlauh vangin kawng leh lamah chuan azia awm phian. Ka hnungah dingin a bathrobe ken chuan min khuh a thei leh thei lo in a banah chuan ka zen lut a, ahma chu nghet lo zetin ka suih bawk. Min pawm leh pawp in a kumah chuan min mut tir a puan min sin tir thlap bawk.
"Damdawi khan darkar chanve hnuah achhawk tan ang che", atia maimichhing mah ila min en rengtih ka hmai za mer mer atang hian ka hre thei tun ah tak hi chuan ka meng ngam hrih lo ka zak ka kawr hak aphelh lai te khan ka mur chhuak vek thei ka biang a sa hat hat bawk ka taksa kha hmu lo mahse aruk tak chuan Zorina pawh kha azah ve ka ring.
"College kal lo mai rawh vawin chu i awm anuam lo nileng ang", atih pawh chuan ka mit chu ka la chhing reng a, ka zak tih ahre thiam nge ka muhil tak tak ang ah angai zawk nge ni music hlang ri ngawt chu a play a, ari chuan min awi ka ti mai ari chu ahla telh telh a ka hre thei ta lo.
Tawng bul bul ri chuan min ti harh a Zorina aw tih ka hriat ve leh ka mu hil der leh nghal a tawng chu ka ngaithla kar bawk.
"He in chhung hi rawn rah theih na i nei tawh lo", chang faka ati ri ka hriat chuan ka lo ip chawi thei a tawngka chhuak atang pawh in a thinrim tih a hriat reng. "Kha tia min koh theihna kha Nunsanga lam i hawi ni atang khan a bo nghal in sawithiam tum duh suh finfiahna tha tawk ka nei tih hria ang che kha i mipa i khawsak pui anga min khawsak pui hman lo chu ka vannei teh e", atih ri chu ka bul hnai lawk ani ami biak hi Remremi lo tu dang anih ka ring lo.
Angawih vang vang hnu ah "kha i mittui lem lutuk vang khan ka ngaihdam che ring suh", atih rual chuan a phone chu a off ani ngei ang khum sira dawhkan chu a rawn ri chawrh a ka phu chiang lutuk chu ka in rin hmain ka meng chhuak a Zorina chu ka melh vat hnunglam a lo hawi hlauh mai an tawng kha hria anga awm chi ani lo mi thusawi lo ngaihthlak ruk hi dan bawhchhiatna ania tun hnaia a awm dan en hi chuan min khing duh ang. Meng dere in ka en ru a bathroom a aluh ve leh tho vat in ka room lam ka pan ve nghal damdawiin min chhawk tawh a, ka zia tawh ka hrawk hi ala nuam lo deuh ani mai thawmhnaw hak nuam deuh tur chu ka en a ke kawrpar deuh nuam deuh mai hi ka ha a ka lei lai pawh khan Muanpuia khan tu tan nge i lei ti in min zawt a ka ta tur anih thu ka hrilh khan pitar nghal loh min ti anih kha tun ang khawlumah chuan tar leh tar lo asawi theih lo hak nuam hi atha ber.
In hnuai ka chhuak a, tumah ka hmu lo dar 12 ala rik loh deuh vangin zualtei chu Duata hruai turin a kal anih ka ringa nu nghaktei ka zawng ru deuh a ka hmu miah lo chu mak ka ti zawk. Cup noodles la chhuakin tuilum awm sa chu ka leih a ka nghah lai in nu nghaktei chu choka lamah arawn lut a min hmuh chuan "class i kal na nge", atia "ka dam sam vak lo a", ka tih chuan "tun lai boruak ah chuan fimkhur angai ania ni lah hi asa vel vawl sia a chang chuan ni hi kan in chung maiah hian a awm ni mai in ka hria he tiang reng hi chuan kei phei chu ka ei theih tep tawh ang", atih chuan ka lo nuia amah hi nu thau ve lam pang ngo lutuk lo hi ania athusawi leh amah hi ain rem tawp pawn atanga alo luh vang aniang athlan hluam bawk sia nui duh ve tak anih vang hian abula awm hi anuam bik.
"A lum dan hi ana mai lo tuk a theiphei se pawnah te hian ac awm vek se la kal kawngtin ah te hian sawrkar hian dah sela ka ti mahse kan sawrkar ve hi pawisa an nei lo sia thing leh mau kan kit chereu nasat lutuk vang ania a kum tela khua alum ni durtlang pawh tianga alum chuan hmun dang phei chu angaihna awm lo an hmin tuar hlawm ang", atih phah chuan chhun thil ei tur a abuai pui zui nghal mawlh mawlh a Noodle ka ei lai chuan Zorina chu arawn kal ve a "itha tawh hle ani maw", a rawn tih chuan aw tih nan ka lu abu a ka hawi chhuak ngam hrih lo ka zak tlat bathroom a thilthleng kha ka ngaihtuah lo thei lo.
"Zorin thingpui in ve phawt rawh aw ei tur ka siam tui teh mai ania", Nu nghaktei in atih chuan ka thutna bulah zorina chu arawn thu ve a. "ikhawr khi", atih chuan "ka pe ang che", rang fahran chuan ka tia "kawrfual khi maw", ban char hian atia "ah ka lo la ang ka tih zawk na", ka ti bah neuh nawk nawk zah sa nak laiin hepa hian min fiam kual vel emaw ni. "Ka pe ang che i tih tawh kha ka nei dawn", atih chuan amah chu ka en vat a "ehe i ha dawn mi i ha tawk lo ang", ka tih chuan ameng nur nasa mai. "Ka ha dawn lo", ati leh ang lawi a "ha dawn si lo enga tan nge itih" ka tih chuan "thilpek an la let ngai lo ithil ei lai kha ei leh tawh rawh", atia Nu nghaktei thil siam chu a ei zui nghal daih.
"Nang hi i rilru thlak in tuai nih i tum ani lo maw", ka tih chuan a thingpui in lai chu aphu chhuak thawt mai. "Eng ngaihtuah na nge i neih bik le ka tuai lul lo ang", atia. Nu nghaktei chu alo nui huah huah a ka thusawi kha aring deuh ani mahna... Remremi nen an in kar abuai bawk sia arilru na hi tuaiah atang dawn emaw ka ti hman lawm ka kawrfual kha a duh bawk sia ngaihtuahna mak pui pui ka neih phah "Remrem iva rawn kal khat ve ilo kal fuh chiah chiah lutuk lo ei ve nghal rawh", nu nghaktei in atih chuan hnung lam chu ka hawi a zak map lo hian Remremi chu kan lam pan in nuisang in arawn kal a Zorina in hum ruh leh a bek pawng talh talh chu ka hmuh hmaih lo nasa mai. "Hahdam hahdam", zawi tak si zorina hriat phak tur chuan ka tia a mal sirah chuan ka beng zui thak thak mai min rawn melh zawk a keiin ka thil ei lai ka ei chhunzawm
"Tei chu class i kal nange", zoriana nen kan thutna ep chiah a thut thlak phah chuan atia min en ran bawk. "I hmuh ang hian", ka tih chuan leh lam hawi a aner sawk chu ka hmu hman tho. "Babe in biak kan ngai ania", atih chuan Zorina chuan achhang lo a boruak chu tang at at tak ani.
"Ka ril atam", duata chuan arawn ti lauh lauh a choka lamah chuan arawn tlan phei a "au bawih enge min lo hawn", tiin ka bulah chuan athu a "vawin chu ka chhuak lo a nakinah thil kan lei dawn nia aw", ka tih chuan "aw davia min kalh tir phalh ve loh ang kha ka duh ania aw", atih chuan awle ka tia nu nghaktei in eitur apek chu a ei zui nghal "Duata hi chu big boy ani dawn chiang alawm afel e mai", Remremi chuan atia ka ei lo lak lawh tawh a atawngkam chhuak tin te hi ka ten.
"Big boy ka ni daih tawh au bawihi pawhin nang chu big boy ini tawh a ati", Duata'n atih chuan ka nui sak mai. Remremi chu ka en a nuih za vak lo hian a then athen a "heiha then loh na ram ngai in kan kur kan kur anih hi", tih pahin ka tho daih a Zorina chet det danah anui tih ka hre thei ka room lam chu ka pan daih a. Room ka thlen hma chuan "lo ding lawk"ti ri vang chuan ka ding dat a ka leh hawia Remremi chuan ka bul arawn thleng ve nghal.
"Sawi vat hun ka nei lo", ka tih chuan anui suk a ala tawng mai loh avang chuan in her in ka kal zuia pen hnih vel ka pen hman ang tih ah ka hmaah chuan a rawn ding a. "Zorina i en dan hi ka hriat loh ring suh Zorina hian kei chiah min duh", atih chuan ka nui sak a. "Chu mi min hrilh tur chuan maw he lai thleng thleng ilo kal", ka tih chuan thip ram hian min melh a "hmeli nang hian Zorina lakah min lo hek ani maw hre rawh Zorina hian kei chiah min duh", atih chuan ka sa phat mai.
"Hek a ka hek che maw hek tlak pawh i ni em ni", ka tih chuan ka dar ah min nam sawk a "nang ang hmeichhia inu hur luata piang ve mai mai inih kha" arawn tih chuan alam ka pan phei hmawk hmawka na zet in a dulah chuan ka hnek a a kun zui rawi mai "ka nu chanchin he ika bawlh hlawh hmang hian sawi ve tawh suh, Zorina hian maw aduh vak lo che aniang i awm dan en hi chuan", tia kal san ka tum chu min rawn chelh a phih thlak sak ka tum lai chuan a mah zawk chuan ka ban chu na zet in a theh a chhuatah chuan a tlu thla nawk mai ka theh tluk te pawh ang zawk "ngati nge kha tia min tih rik ngawt a min ngaidam thei lo anih pawh in tha deuha i sawi ka lo ringa", atih chuan athusawi awmzia chu phakhat mah ka hre lo.
"Tei kut thawh thin suh ka tih che kha", Zorina tawng ri ah chuan hnung lam ka hawi nghal zawk Zorina chu kan lam rawn pan in Remremi chu a kai tho a Remremi a sam tla kara min rawn nuih sak kha hmuh chuan ka thinrim zual. "In biak i duh ani lawm ni", tiin Remremi chu a en a Remremi chuan amittui hruk phahin alu abu a.
"Kha tianga mittui ngahte chu vai flima chan tur che alawm i mitah khan tui hna atam bik hle mai in chhungkua chu tui ah in harsat dawn loh kha", ka tih chuan Zoriana chuan "duhtawk rawh", atia. Zorina en phah chuan "i bialnu hi maw dawt bur ania alu hi a chhin a kâ atang hian a rawn sawi chhuak thin", tih pah chuan ka room ah ka luh san daih a. Remlubuki vanga Zorina'n min hau ziah hi ka ning lutuk. Kha tiang finfiahna tha lutuk a neih pawh a ala then lo anih chuan a mawl hlum lo chauh tihna ani mai. Ngawitak rawh ar talh dan chi khat chauh a awm lo he inah hian i rawn kal leh ngam tawh lohna tur khawp in ka siam dawn khawp che lubuk
"Au bawih thil lei tawh ang", ka rooma rawn luh pah chuan duata chu a û lang lang a, ka bike chahbi la chhuakin lo kal rawh le kan lei teuh dawn nia tiin ka kaia kan in zui chhuak dat dat mai Zorina room zawn ah chuan ka ding dat a thawm awm ang ka hre lo "kal ang", Duata'n a tih a vang chuan kan in zui thla a ni asa tha mai sia chhuah pawh chu thil chak awm zawk zawk chu ani lo.
"Ka lo kal ve dawn", bike a duata ka hlan kai lai chuan Zorina chuan atia. Ka be peih hrilh lo Remremi lo kal chuan kan buai ziah ka chhan e eke bal e atih ve ziah a ka ning. "A ngailo kan duh ve lo che", ka tih chuan kan lam a rawn pan ka min chawi lawp in bike hnungah chuan min thut tir a "ka tla dawn tih leh zorina vawn beh ka rual", bike atang chuan ka chhuk a "i mawl ami naupang ka nih loh hi", tiin ka vin hrep mai. "a mak ka beng a ngawng lo" tih pahih ka bike ah chuan a chuang a chahbi ka vuah sa vang in awlsam takin ati nung a "chuang rawh", atih chuan rum zet in ka melh a "vat ni a sa si" atih tak ah chuan ka lawn kai a duata chu kan kar ah athu a athut nawn nan puan in ka kam bawk.
Leitan ah kan dawr ve thin ziah biaktei dawrah kan lut a "enge i duh a", ka tih chuan duata chu a hawi kual ruai a "davida ta ang kha ka duh", ati a davida ta pawh kan hre der si lo "Davida ta ang kha ka duh khalh a phal ve lo a", ati leh thin a "hei hi ami tiin dawrah chhungah chuan ka pawm kual a akil sira lo awm chu kawkin tiang hi davida ta ang chu atia chhuatah ka nghat a athil duh chu ka lak sa a, net var hmanga in tuam ania anem vek a hmeh chuan grape ang hian a awm thei a cheng 50 man ani ve tat mai. "Hei chauh hi ami i duh", ka tih chuan ice cream nen atia i duh ber tlang rawh ka tih chuan theihai lem hi ala chhuak a strawberry lem nen hian a awm a keiin strawberry ka la chhuak a Zorina ta tur pawh ka lak kep "au bawih hei pawh hi ka duh" tiin a kawk kual a, a ice cream kawh zawng chu ka lak sak vek.
"Enga tan em em nge in tih", Zorina'n atih chuan "ei atan" ka tia. "In ei zo seng dawn ami dah then rawh u" atih pawh chuan ka dah duh lo "au mama chu i sual e ka ei duh alawm", duata chuan alo ti ve bawk a pawisa pek ka tum a Zorina zawk chuan min lo pek khalh "enge ti nge", a mah en ha chunga ka tih chuan "pawisa i nei awm lo e mai in ren rawh", atia ka nui zui hak "a rukin ka hosa ania" ka tih chuan a awi loh hmel nasa mai.
In lamah kan in kalh haw leh a kan thil lei dawh kan a kan dah chuan "in va lei nasa em em ", zualtei chuan a tia. "Ei rawh u atui hma khan fridge ah dah angai dawn a" ka tih chuan nu nghaktei nen chuan an ei tur an la a, "atam sia ei teuh ru" ka tih chuan "ni ka va awh fik dawn emaw ni he ti khawpa ka sa e han tih chu" nu nghaktei in atih chuan kan nui dar dar mai. "keini chu ac hnuaih kan la awm thei a azia e", zualtei chuan atia. "Nisa hi run luih ila khaw lum a zia awm an tia vawikhat chu nisat laiin rizai siin nisa karah ka va thu a awi awi awi mi in ati tih nazawng hi awi lo tur tih ka hriat chian phah ka hming vek ka duk veka ka tlu tawp mai. Ka in up hlum tep alawm ka lo run luih mah mah a", atih chuan kan nui leh dar dar thin Zorina pawh athen ve leh sak sak thin aarilru lakpen na tur a awm hi zia ka lo tih pui tawp