فــاطمة الـزهراء ..🤍
حـــمامة الشـــهم..🕊️
حــب وعــذاب.....🤍
ريـــِحانٍــة 🌿
ffaa22_
لا شـئ يستحـق
الأخلاص سوى الدخان
فأنا أمـوت لأجله وهـو
يحترق لأجلي "
________________________________
بردت اطرافي وحسيت الساني نربط رغم مالي علاقه بس حسيت روحي خاينه لان ادري من قبل گلبي وجعني حيل على شهم وحسيت بقهر علي لان ادري من قبل راح يواجه هاذا الشي ويعرف بي وادري بي راح ينجرح لان شهم يحب غيد اويعشقها
_ ش شلون عرف
_ اخخ شكلج يا حمامة ثاري تروح من بيت امها للنذل وتخيلي تقابله وين
_ وين
_ بملهى
_ سوالفتلي كلشي ثاري مستغله غياب شهم وعبالها ما مراقبه وحبيبها طالب منها تقابله وعلمود محد يعرف وين لابسه عباية ومتبوشة ورايحه لملهى خايس مو قانوني مطببها من الباب الورى حاجيه كلشي شهم موتها كتل وحاجيه كلشي ومحمد جايب دوريه ومقتحم المكان لان مو قانوني ومكتشف اكو بنات مخطوفات بي وللاسف الحقير منهزم بس لاكفين غيد ولي هسه متقبل تكول وينه او شنو شغله بالضبط اتعجب من هاي المراة ليش تخرب حياتها بيدها شنو ناقصها اشو شهم ويحبها فلوس ومنطيها عيشه احسن عيشة لييش تخرب حياتها بنفسها وتروح لهيج درب سديت المكالمه مقهورة كلش وافكر اذا درى بامه هم هيج شيسوي
..
جتنه يمامه تطمت وسولفتها السالفه وكتلها تروح تكول الساجر يودينه للمستشفى حتى نشيل الزرارات بتول ما راحت ويانه كالتلي خلي ليث عندي بس ما امنت واخذته وياي
طول روحتنه اني ضايجه ومختنكه حتى امي انتبهت كالتلي شبيج كلتلها بس تعبانه ساجر خطيه هم انتبه وحاول يعرف ما حجيت كلت عيب خصوصيات اطشها
رجعنه والشي الوحيد الي فرحني واني ضايجه هو انو امي متحسنه وكال الدكتور كم شهر وترجع طبيعيه مثل اي بشر عادي فرحت وساجر جاب علاج جديد الها
ورجعنه للبيت انتضرت شهم هواي وحاولت اتصل بي ماكو ونجمة ماكو لليل ووما سمعت منهم اي خبر
الساعه تقريبأ 8 سمعنه دكه على الباب طفرت بلهفه رحت فتحت شفته واكف وحاله مدري شلونه بملابس الدوام وعيونه حمر وجهه اسود بلعت ريك وكلت
_ انته بخير
ضل يباوعلي برهاوه حواجبه معكودات حجى يفرك عيونه _ اريد ليث
_ نايم
_ تكدرين ترجعين للبيت هسه
بلعت ريك صافنه تنهد وكال _ بس جيبيلي ليث
نفيت _
_ راح اجي بس احضر غراضي تفضل ادخل
_ ماكدر واذا تريدين ابقي امج مريضه
_ امي زينه شالت الزرارات لحضه...
رحت بسرعه كلت لامي وهيا ولا اعترضت تكول فضل علينه هواي حضرت غراضي شلون ما جان ولبست ملابسي ولفيت الحجاب ولبست الجبه وطلعت بسرعه شايله جنطتي
رحت على امي بوستها وبتول وصيتها على امي وطلعت جان كاعد على الطابوكات يباوع على الكاع
كلت بهدوء _
_ يله اني جاهزة
هز راسه وكام حتى ليث ما اخذه مني ولا باسه كلش ضايج والقهر مبين من عيونه
صعدنا السيارة ساكتين محد نطق وطول الطريق هو كلساع يتنهد اخر شي انتبهت لرجفه ايده
وبحركه سريعه خلاني افز من دار السيارة على صفحه وخلى راسه على الستيرن ساكت بلعت ريك اباوع علي
_ ش شهم
_ تعبت
_ شهم
جر نفس حيل بقهر وذبة _
_ رب العالمين يكرهني حمامة
_ لا تكول هيج رب العالمين ميكره عبده
_ لا يكرهني صدقيني انا ما استاهل انحب ابد
_ شهم ...
_ انا قوي حمامة بس عندي گلب نلجم
ضليت ساكته مال راسه الي وحجه بقهر
_ محد من الي احبهم ضل وياي كلهم كسروني بقصد وبدون قصد من وانا زغير معلعل ورب العالمين ينطيني شي يفرحني حتى يكسرني بي بعدين
_ رب العالمين يحبك وجاي يبعد عنك الي ميستاهلوك ولي ياذوك
_ لا صدكيني لا احس بروحي ضايع ما حاجي ومطلع همي لاحد حمامة بس احس راح انفجر راح احجي كلشي واختفي بعدها
_ لا تضعف شهم ما تستاهل غيد تضعفلها ما تستاهل نضرة وحده منك انته كلبك طيب شهم ورب العالمين يدري بهاذا الشي ولان يدري جاي يبعد السوء عنك
_ بعديش
ليث غفى على ايدي وشهم مغمض عيونه واحس مستحي ينزل دموعه بس لازم يبجي لان راح يضل مخنوك وما راح تطلع حركه كلبه
شلت ليث ومديت جسمي نومته بالكشن الوره وخليت فوكه بطانيته الزغيرة رجعت وتنهدت
_ محد يستاهل زعلك صدكني تهون وراح تتعوض بشي ينسيك هم الدنيه كله
_ همم لا خليني هيج ماريد ماريد اتعوض وارجع انلجم من عوضي
_ ميخالف كلنا مرينه بهيج صعاب وكلنه نفقد الشغف ونحس الدنيه ضدنا بكلشي بس صدكني فتره وتعدي وتهون واخذها من مجرب
طبعا تهـون بَــس بعديش ؟ بعد م تاخذ عُمر من عُمرنا !
سكتت..
_ تدرين انا مكتشف او حاس بيها وبخيانتها وقطعت وعد النفسي ما اضعف ولا اهتم الها هيج مجرد شي وصخ وغسلته وراح بس...
تدرين من شفت التصوير الي مصورة محمد شتذكرت .تذكرت اول مره من نبض گلبي واول مره من ابتسمت بحب الها من طلعت وياها من تباوعلي بذيج العيون الي ما ضنيت تباوع الغيري من انعزلت عن العالم ونسيت منو انا انا الي ما مكتوبله يفرح من الزغر تعود كلبي عل هم فرحت من جابتلي ليث من جابت ثمرة حبي مو حبنا ابد ثاري ما مار على زواجنه جم شهر وطالعه ويا خاينتني وانا مثل الاثول ادور نضرة منها وهيا كلها اله
شفت اشياء وصور تصدكين تقيأت من وراها جنت عادها طاهرة المنضر الشفته ما اضن انساه وما لضن بعد اثق ببشر
ابوي الله يرحمه سبحان الله ربي كتب اعيش العاشة تدرين بعمر ال12 شنو شفت
ضحك مكسور يضغط على الستيرن ..
_ طفل فرحان بجيه ابو الي ما شافه شهور ناسي ضرب امه واهمالها ملتهي بحضن ابو الي معوضه عن كلشي تدرين ابوي تحمل امي كلش كلش تحملها حتى بيوم كتله يابة ليش متطلك امي وترتاح تدرين شكال ابتسم وحجه _ عوفها تمون على الروح هاي
روح ابوي شسوت ههه عافت الاهمال والعرگ وكلشي سوته وشنو جازت ابوي بحبه بيوم جنه رايحين لبيت عمي نبات بس صار ضرف ورجعنه نص اليل جنت فرحان كلش لان ابوي مشتريلي بايسكل بس فرحتي هم انكسرت
جر حسره وسكت حسيته كلش مخنوگ يريد يحجي بس ميريد يتذكر
مادري شلون تجرأت وجريت ليده بين اديناتي وحجيت _
_ كمل اسمعك
باوعلي وضغط على ايدي حيييل _
_ بفراش ابوي بغرفته بكل عهارة ويا رجال ودخيلك يا علي منضرهم من ذاك اليوم ما جاي يطلع من بالي انا....
_ سكت عاقج وجهه غصه صارت بحلكه عيوني مادري ليش كامت تصب دمع الله يساعده ساكته بس مصدومه من الي سمعته معقوله هاي امه الي عايشة ويا ويشوفها كل يوم _
_ كافي شهم لا تحجي
ابتسم مستهزء ويحجي برهاوه _
_ لا ليش احجي خلي احجيلج عن حياتي السعيدة ...ابوي بدون حجي وكع وانا من الصدمه الي شفتها بعد ما اكدر استوعب شستوعب امي الي هزمت كوادها لو ابوي الي واكع انهزمت عايفتني وحدي حتى ما شافت ابوي الي جان عاشگ كل تفاصيلها هيج يهون عليها تشوفه طايح بين الحياه والموت وراحت ما فكرت حتى بنتها الي ما يتجاوز عمرها شهور
بذيج الحضة ركضت ما جان عندي تلفون ولا ادري بتلفون ابوي وين ركضت حافي لبيت جدي نسيت عندي بايسكل نسيت البس شي برجلي احس رجلي تجرحت وانا اركض مصدوم لا كلام ولا بجي
من وصلت البيت جدي ما حجيت غير ابوي طاح وفقدت ومن ذيج الحضة انطفه شهم ما عاد شهم انولد شهم سموه المتكبر ميعرفون الي بداخلي سكوتي وكسرتي عرفوها بتكبر وشيله خشم عبالهم ..ابوي صار عنده جلطه وصار مو مازن الي اعرفه اشوف التعب باين على عيونه يحاول يقوه علمودنه ويشتغل عمتي مريم جتي عاشت ويانه علمودنه وعلمود نجمة ما قصرت بشي ابد جانت تحاول تنسيني وتنطيني اهتمام يعوضني بس كلتلها ماكو داعي بس لا تقصرين ويا نجمة ميار الي عساس امي محد حاسبها تدرين اهلها وكفو وياها ونفت ومحد صدك ابوي انو لكه وياها رجال ما جان الهم والي كلها نسوان وصلاوات شنو من نسوان لا مو بيت ملهى ازغر بناتهم م*****
باوعلي وتنهد _
_ ليش تبجين ؟
_ ما بيه كمل
_ تطلكت من ابوي وحتى بالجذب ما كالت اريد جهالي ما سألت على نجمة ما شفت بيومها ذرة ندم بعيونها وبعد شهرين تحديدأ سمعنا بزواجها من ابو ايهم ابوي صارت حالته تسوء طول الوقت نايم وساكت لحد يوم من الايام كاعد احجي ويا وكال
_ دير بالك يوم من الايام تعوف اختك صير كلشي الها حبها وخليها بعيونك ولا تأذي بشر ولا تروح بدرب الحرام ابد ارضي ربي ولا تعوف صلانك _
ضحك يهز براسه _
_ الصبح رحت دا اكعده ناديته دغيته حجيت ويا عيطت بجيت ضربته ما رد علي ابوي الكلشي الي ما ردت علي _
_ ما كدرت اوفي بوعده لان بذيج الفتره مادري شصارلي وهو ميت حقدت علي لان مات وعاف نجمة وعافني بعمر زغير وال شي الي حذرني منه رحت اله هملت صلاتي وما كدرت ارجعلها نلهيت بمغريات الدنية جنت اشتغل بمعمل ومن ارجع اطلع ويا عمامي للكاع ازرع استغربت من عمي خالد يعاملني بحنان ويداريني ثاري طامع بورث ابوي ومن رفضت انطي شي من ورثي الي ابوي كاتبه الي تركني حتى الكاع الي جنت عايش عليها انا ونجمة ما زرعها ويا كيعانه وانا معرف شلون جاهل انا
( يعني احسه يريد يبجي بس يخجل مني لان يحجي السالفه وتنصه ويحجيها بغصه ويسكت يضل يبلع بريكه ويرجع يكمل بهدوء )
حتى عمتي مريم جبرها ترجع وما خلاها يمي كمت اطلع اشتغل واخلي نجمة يم جوارينه جانت خوش مرة كطعو وياي فد نوب بس صگر وفيصل وهاشم وسامي جانو ينهزمون ويجون جايبيلي اكل جانت روحي عزيزه ما اكل بس انطيهم نجمة واكلهم وكلوها جان عمرها يمكن 3 سنوات
وبيوم تمرضت كلش وما منطيني سبوعيتي ركضت الهم بكل روح رايحه ناسي عزه نفسي ابجي واتذكر كلام ابوي بذيج الحضه حسيت روحي غبي كاره ابوي لان مات ليش هيا بيده ما اكول مات من القهر بس شسوه عمي ضربني وطردني ما انطاني فلوس ولا اخذ نجمة جانت مصخنه ومشمورة بس عمتي وجديتي تعاركت ويا واخذت نجمة ودوها ومحد قبل اصعد ويا ركضت طول الطريق وراهم وما لحكت بيهم ضليت كاعد على الطريق بالحر انتضر....
سكتت بس سمعت شهكه منه بلعت ريك ورفعن راسه الي _
_ ابجي
باوعلي باستغراب _
_ ترة مو عيب تبجي ولا هاذا ضعف منك هاي مجرد حرگه گلب ولازم تطلعها لا تكتم ولا تستحي تبجي شهم الي عشته مو قليل حتى تكتم وتكول ما اتستاهل تبجي ..يروحون كلهم فدوة لدموعك الي تنزل الي تحجي عنهم ومحروگ كلبك ذوله ناس سامين ما شاء الله ان تختلط بهم وتصبح منهم فاخرجك منهم لتصبح افضل منهم
غمض عيونه حيل ونزلت دموعه ضغطت على وجهه حيل واني اصلا دموعي متوكف شفتي ترجف اني طبيعتي مو لان شهم بس والله اي بشر اشوفه يبجي بنكسر گلبي وابجي ويا _
كال بوسط بجيه الي يكطع الكلب _
_ ما ارتاح انا حمامة
من قابلت شهم لي حد اليوم ما شايفته بهاي الحاله ادي ترجف ولازمه ادي الي مخليته على وجهه حيل وضاغط عليهم _
مسح عيونه وكال بحسرة _
_ اكمل اكمل ما اخليج بفضولج
_ لا تحجي
_ تدرين جنت تارك دراستي واشتغل بس ادركت ما يصير براسي حض واكدر عليهم اله بشهادتي رجعت ونجمة اخذتها عمتي مريم كالت شوكت ما تريدها اجي اجيبلك ياها بس هيا زغيرة وتريد اهتمام ما جنت اريد نجمة تحس بنقص لان اغلب وقتها وياي بس ساكته تلعب وحدها بس هناك هواي اطفال بكدها او اكبر منها اكيد اذا عاشت وياهم ما راح تهم الشي وصدك نجمة ضلت عند عمتي وانا كمت ادرس وارجع اشتغل وارجع باليل امر على نجمة اشوفها وانطيها مصروف بيد عمتي حتى لو بس 3 الاف ولو شوية بس على الاقل ضميري يكون مرتاح وبيوم جنت راجع من الشغل دا اروح لنجمة وجنت ماخذ الها لعابة لان ماخذ راتبي بس تلكاني كاضم ابن عمي الجبير اكبر واحد شافني كدام بيتهم وصيح علي لان همه محذريني ما اوصل بيتهم ما جنت اكدر اتحكم باعصابي وكتها غلطت علي وفشرت رغم اكبر مني لزمني وضربني
التمو علي اولاد عمي الي بكد عمري ويضربوني جنت اقاوم واضرب بس همه هواي وفيصل وصكر وهاشم وسامي ما همه جنت لازم لعابه نجمة وحاضنها حيل اخاف تنكسر
وما احس اله صياح بيهم ومجموعه من الولد هجمو عليهم جانو صگر وفيصل وهاشم وسامي بس وياهم شاب ماعرفه منو
ضربنه هل لي نضربه وركضنا لان ضربت سيف ودميته
ثاري الي وياهم محمد جان ناقل جديد هنا وبنفس مدرستي تعرفت علي وصار اقرب الناس الي ما عندي اخو بس كمت اعده مثل اخوي اصحابي مو وياي هواي لان يخافون من عمي بس هوه صار وياي بكلشي بمدرستي بشغلي حتى مرات يبات عندي بالبيت لان وحيدي ابات
_ مااا تخاففف
_ جان اهتزيت من الي شفته
شهم_ كملت دراسة ونشغلت عن نجمة كلش كبرت وكامت تحجي وتعرفني تفرح من اجي اشوفها درسنه لحد ما طبيت كليه العسكرية حققت حلم ابوي الي جان يريدني اصيره محمد هم وياي وتخرجنا سوية من رجعت لبيتنه كلشي تغير شهم الضعيف ما ضل موجود نولد شهم جديد شهم يصكرهم بنضره صدكيني حمامة كامو من اجي يكومون من الخوف صار عندي فلوس صار براسي خير نجمة رجعتها وياي جان عمرها يمكن 15 او اقل
كمت ادي واجبي بكل شجاعه ما اريد ادوخج بشغلي وشنو سويت بس كل الي اكدر اكلج بي تكرمت وانا بعمر زغير لرتبتي هاي ضحيت حتى بعمري وما جنت خايف من الموت قدمت نفسي فداء وكل رغبتي جانت اقاتل لحد ما استشهد ...
وبيوم بعد كل هاي السنوات والضيم رجعت ميار رجعت ومو خاليه الادين وياها طفل اتذكره جان خاتل وراها عيونه حمر وخده بي زراگ
جتي توسل وتكول ماعندي غيرك ابني صرت بالشارع لا اهل يريدوني ولا رجل يريدني مطلكها رجلها ومتزوج وما منطيها اي فلس وما ماخذ ابنها
بذيج الحضه تشمتت وحسيت بلذة ما حاس بيها طردتها وما نطيتها وجه ايام مرت وهيا بابنه ما تحرك وابنها وياها بس جنت اراقبه من الشباك اشوف شلون تضربه وشلون دفع بي من يريد يحضنها تذكرت نفسي
والصبح من طلعت نصدمت بنجمة ركضت عليها فرحانه وتصيح _ امي رجعتت
لان جانت بيت عمها وهيا استغلت هاذا الشي مادري شنو بعقل نجمة بس ماتت على ادي بس خلي تعيش يمنه ما رضيت ضربت نجمة اول مرة بحياتي وطببتها للبيت ضلت تبجي وتكول _ محتاجه امي اريدها كل البنات عدهم ام ليش تطردها
بيومها نمت مقهور واول مرة بحلمي اشوف ابوي حجه وياي وكال _ امانتي ليش بجيتها
_ بس يابة تريد ميار ميار الي دمرتنا
_ خليتها امانه عندك ليش تبجيها وتضربها
_ يابة ماريد اشوف وجها
_ تكدر تحملها علمود نجمة واخوك
_ اخوي
_ ابنها هو اخوك اعتبره اخوك مثل ما تعز نجمة عزه هاذا مضلوم هاذا انته شهم
_ بس يابة
_ انا مرتاح شهم واريدك تروح تطببهم للبيت لان الوليد راح يموت وامك لا تضل تحرك بدمك عليها لا ديرها بال
نطيت من النوم عركان باوعت على الساعه ب3 باليل رحت على نجمة بخوف نايمه وتشهك مسحت وجهي وطلعت لكيتها لافه روحها بعبايتها ونايمه بالحديقه وابنها بصفها نايم ويرجف حلكه ازرگ
ركضت علي وشلته بين ادي وطبيت وهيا بسرعه لحكتني دفيته وكل ما اتذكركلام ابوي احضنه واكله _ اخوي انته
نجمة فرحت وضلت تبوس بيه رغم ادري ما راح تحصل منها شي غير القهر بس ساكت
ايهم اختلط ويانه بسرعه اول ايام جان بس ساكت بعدها دللته اشتريتله ما خليت شي بنفسه رجعتله للمدرسة جان تارك
صار صدك مثل اخونه وميار ولا يمها عايشة برفاهية على فلوسي ومتونسه ناسية الي سوته
و و بعد هاي السنوات والي عشته وهمت نفسي انو انا ناسي كلشي وغيد حيت كل الي جنت مار بي
اشار على ليث يحجي بحرگه گلب _
_ هاذا هاذا اواعدج راح يصير مثلنا انا وابوي الي عاشة ابوي عشته ولي عشته راح يشوفه ليث بعد ما اكدر حمامة اريد بس اتشجع اعوف ليث ونجمة وايهم واحط طلقه براسي واخلص
شهكت وكلت _
بيران _ شهمم لا تحجي هيج شبيك تره الي جاي احجي ويا مو شهم اني اريد شهم الي مفعل وضعية طز بيهم ادري بيك مهموم والي عشته مو شويه بس حرام تكول هيج واذا صدك على كولتك تحبهم واكثر واحد ليث شلون تخيل راح يعيش نجمة راح تزوج وايهم راح يشوف مستقبله وليث راح يطيح بيها مثلك اذا صدك تحبه لا تفكر بيوم تعوفه
نزلن دموعه وكال بصوت ناصي _
_ حاير وعيونج حاير والدنية تعبتني مليت من الحزن حمامة اريد يوم ارفع راسي من النوم فرحان ماكو اريد يوم اصفن واتذكر ذكرات حلوة ماكو لا الماضي مفاركني ولا راح يفاركني ابد وكل ما احاول انسه يعيد نفسه جاي اخسرهم واحد واحد صرت اخاف اكعد والكه ناسي الي احبهم يتركوني لو يخذلوني كمت ما اختلط وياهم هواي حتى ما اتعود
_ بحياتك لا تعد الي ما قدرو نعمتهم خساره ولي يحبك صدك ومكتوبله يبقالك لو يشعلوله العشرة شمعم راح يشوفك انته شمعته الوحيدة والي جاي تعيشة هسه راح يعدي وراح يكون بس مجرد ذكره مو زينه
ضحك على كيف وكال مستهزء
_ اكول ايام وتعدي وارجع من جديد ابدي
_ محد يستاهل دمع عينك ومحد يستاهل تنشد وتكول وينك
_ اريد احضنج
كالها فجأة ويا رفعه راسه يباوعلي بنضرات كلها ترجي احتاريت شكله لاكدر اكله لا وهو بهاي الحاله ولا اكدر اقبل وهو ميصير ضل يباوعلي بصمت ينتضر جواب واني ساكته وارمش بتوتر واحس اكو دموع صارت باردة جوة عيوني وصدمني من تقرب ولمني حيل
شهكت على كيف مخليه ادي على بطنه يجر حسره ومغمض وكفت كل حركاتي من دفن وجهه بركبتي حتى نفسي كام مينجر حسيت بشي حار على ركبتي ادري بي يجبي بس ميحب يبين ضليت ساكته جامده حجه بحسرة
_ انا مو ضعيف ولا ابجي عليهم انا..ثكـلن احلامي على عـيوني وبچيت ..
_ ش شهم ميجوز هيج
_ اخر مرة حمامة اخر مرة تشوفيني واخر مرة تشوفيني بهاذا المنضر صدكيني راح ابتعد عن كلشي اخر مرة اقرب المراة واخر مرة احجي بشي يخصني اخر مرة ابجي واخر مرة اضعف
بلعت ريك ساكته وكل ما يحجي احسه يلمني اكثر الحضنه اديه وحده لافها على كتوفي والثانيه لافها على خصري وجهه بركبتي ويحجي على كيف يعيني مادري شحجي بس والله ابد ما مرتاحه مستحيه اوخر وهو وثق بيه واحجه هل كثر اريد اواسيه بس مو هيج
فزيت وحاولت ادفعه من اخذ نفس حيل من ركبتي وكال _
_ بيـه ونه وخـاف اونها وتـكعد كـبور النجف
_ شهم حباب وخر ميجوز هيج
تنهد تنهديه طويله وخر بس قريب مني حيل ولازم ذراعي خاف اوخر _
_ راح اروح وانهزم لان جاي اعيش شي ما راح احصل منه غير بس الاذية
_ شنو
_ ما مستعد اخسر ثالث مرة حمامة اسف
_ ما جاي افتهم شهم شجاي تحجي
_ بس اخلص شغلي راح ابتعد لحد ما اهدئ
_ و وليث
_ عنده نجمة
_ واني
_ ترجعين لبيت اهلج
بلعت ريك ساكته واكو غصه بحلكي يعني يكلي راح ترجعين الاهلج ليش مقهورة لو مو راضيه لازم تطير من الفرح بس احس اريد ابقى يمهم اكثر سكتت_
وخر عني وتنفس حيل _
_ اعتبري نفسج ما سمعتي شي من الي حجيته
_ ماشي
ساق السيارة بسكوت ما حجه بس كل شوية يتنهد لو يفرگ عيونه الطريق طويل وهيا باليل
ما كدرت اوخر عيوني عنه اراقب كل تحركاته شكد مقهورة عليه بعيدا عن المشاكل الي بيناتنه بس ما عجبني يصير هيج
كال فجأة ببرود _
_ جگارة
_ ها
_ جگايري من يمج انطيني ياهن
فتحت الجيب وشفت الجگاير والجداحه اخذتهن ومتديتهن اله ساكته
_ ورثيلي وحده مابية
_ ها
_ ما بية احجي وياج حمامة بس ورثي جگارة وخليها بحلكي
زفرت احاول اكون عادية اخذت جكارة وقربتها الحلگة بعدين قربت الجداحه وشغلتها طلعت الجداحه مزودة وجان يعيط دافع ايدي مدري نشعلن شواربه مدري احترك خشمه
شهكت بخوف سادة حلكي بيدي _
_ احتركت احتركت ش شبيك والله مادري
_ ا****** على هاي العيشة السودة
_ استغفرالله والله مادري
خزرني وكمل سياقه الوضع مو مناسب واني حصرتني ضحكه تخيلت شواربة محروكه من كدام باوع علي بسرعه وكال بحدة _
_ تضحكين علييي؟
_ لا وعلي مو عليك
_ لعد المنن تضحكيين لشييب ابوي
_ لا والله مو عليك على شواربك
غمض عيونه مبين يسيطر على حركاته اشر بصبعه ويحجي _
_ اطفري
_ ها
_ اطفري حمامة اطفري يم ليث يله يله يله
بلعت ريك ساكته _:
_ اطفرييي اكلج
_ ها اي اي اي
_ لزمت الكشن من فوك وكشنه وطفرت بسرعه يم ليث حجه يهز براسه _
_ حتى ما ارتكب جريمه بحقج احسلج لا تحجين
هزيت راسي وسكتت هاذا شبي مو توه جان خطيه والله يا الله ارتجيت على الكشن وغمضت عيوني وبسرعه سمعت صوت الجداحه وريحه الجكاير __
غمضت عيوني اريد انام لان بعد يمكن ساعتين له نوصل شوية غفيت وكعدت على صوت قصيدة حسينية ناصية فتحت عيوني اركز بالكلمات
كـــاَفي يـادنــِيا بــعد مـابـِية حــِيل
فــَارگــت حــد مـا طـلـع ( بــعيوني شـيب )
انـا غـِالـيِ وچــانو يــسمـوني خـير
هــسة واگــُف الــتفـت جـــني غــريب
الفــاگد تــبين جــروحة بلايــة شـوف
يـــعرف المجــروح حــتى الموطــبيب
انـا المثــٓل روحــيِ مـن عــٌدهم جــروحيِ
عـــافونـي وي روحـــي وانا الــهم فيـاي
ضليت ساكته وعيوني دمعت شهم كلش كاسر خاطري اخر شي سمعته جر حسره وكال
_ يابوية عفــتني ورحت _
ضلت تنعاد هاي القصيدة او الطمية مادري اي ملا بس حلوة حزينه وصدك تعبر عن الي عاشة شهم _
تمددت على الكشن وخليت ليث بحضني تغطيت اني ويا وغمضت اريد انام اريد شهم يضل يبجي حتى تطلع حرگه كلبه ماريد يحس بشر يمه حتى نداريت ونطيته ضهري الجامة فاتحها من جهته رغم باردة لان الجكاير ترست السيارة
.
.
.
.
نجمة ................
راح يصير الفجر وبس وحدي بالبيت ايهم راح قبل اسبوع للكلية العسكرية وميار كلعادة يم اختها او يم كوادها جسمي كله يرجف وما يمر على عيوني النوم اسمع صرخاتها ما تعبت ومنضرها ميروح من بالي شهم جارم بيها حرفيأ مشوها كلبي يرجف واسد باذاني واسمع
_ الله يخليج افتحيلي الباب الله ينطيج نجمهه نجمهه راح امووت
اي شهم ما سجنها لسه عنده هواي ادله ضدها وحجاهن كدامنا ومن ضمنهم تعاونها ويا عصابة متخصصة بخطف الاطفال وتدري بشغلم ومتستره عليهم شهم كال باجر اوديها بس يريد يحقق وياها وحيدة على طريقته حتى يعرف وين العصابة
ما ردت ابقى وحدي ابد بس كال هسه ارجع وهو معصب فسكتت
اخر شي صاحت بتعب _
_ بس مي عليج الله شي اكله راح اموووت
ضلت توسل وتصيح وكلبي ما انطاني اعوفها لان حالتها كلش ضعيفه كلت خاف تموت واضل بعذاب الضمير
كمت من الجرباية وطلعت رحت للمطبخ اخذت بطل مي ولفيت لفه جبن وصعدت بسرعه اخاف شهم يجي
عندي مفاتيح النسخ مال البيت كلهن بسرعه دورت بينهن وفتحت الباب اول ما فتحت الباب شهكت وجلبت برجلي _
_ يوفقج الله خلصيني و والله راح يموتني فدوة
_ غ غيد اخذي المي وعوفيني مالي شغل بيج
بجت حيل تريد تطلع من الغرفه قفلت الباب بسرعه اباوعلها جتي تبجي الي وانا بس ساكته قامطه ام العافيه
_ نجمةة وج راح ينهينيي
_ طبج مرض ولج انتي شنو من بشر شقصر وياااج شهمم كوليي شقصرر
صرخت تلزم برجلية توسل _
_ عذبنييي مايحبنيي لكييت الحب بغيرةة ما سوييت شي غلط
اول مرة بحياتي اتجرأة رفعت ايدي وضربتها راشدي رغم وجها متورم من الضربات كلت وعيوني غوركن _
_ حرام عليج الي سويتي بشهم الله لا يوفقج قليل بحقج الي يسوي شهم
توني دا اطلع لزمت ايدي _
_ ب بس بوكيلي الفلاش وراح تخلصون مني راح اختفي..
باوعتلها ما مصدگة وكلت _
_ انتي مخبله
عفتها وطلعت وسط صراخها ويا طلعتي سمعت صوت سيارة نزلت بسرعه جوة وباوعت من الشباك تنفست براحه من شفت شهم نازل وحمامة هم نازله بيدها ليث
فتحت الباب بسرعه من قربو شافني شهم وكال بهدوء_
_ شعندج كاعدة
نجمة _ ماكدرت انام خفت
هز راسة ساكت لاحضت حاله كلش متبهذل ياروحي الله يساعده طب جوة وجتي حمامة سلمت علي
بيران _ شلونج
نجمة _ شلوني طبي طبي باردة على ليث
طبت جوة وشهم صعد فوك اول ما طبت حمامة فتحت عيونها بصدمه _
بيران _ هاذا صوت غييد ؟
نجمة _ اي صوتها
بيران _ لييش لساها هنا شراح يسويلها
نجمة _ كولي شما راح يسويلها
سكتت تباوع فوك بخوف
نجمة _ شهم شبي ليش عيونه حمر
باوعت علي ورفعت جتافها وكالت _
بيران _ مادري يمكن من الهوى جان فاتح الجامة طول الطريق
هزيت راسي _
_ روحي نامي الوكت متأخر ..ها وما سألتج اسفة شلون صارت امج
ابتسمت _
بيران _ بخير صارت احسن واليوم شالت زرارات العملية
نجمة _ الحمدالله
صعدت فوك واني شربت مي وهم رحت الغرفتي ونحاول نتجاهل صراخ غيد ....
بيران ...........
الساعه هسه 3:22 بالضبط نومت ليث بفراشي وكعدت اكل بضافري من الخوف اتخيل شيصر بغيد هسه گلبي يرجف واول مرة اعيش هيج موقف
نمت بفراشي وغمضت اريد انام المشكله غرفتها كبال غرفتي وكل عياطها يمي بجيها توسلها احاول اشغل عقلي بتستاهل
ما كدرت انام كمت الوب اروح اباوع من الشباك لو اروح اسمع من يم الباب شجعت نفسي وكلت احجي وياها من ورى الباب مادري شنو جان بعقلي زربة بس كلت اكلها ليش سويتي هيج
ويا طلعتي رجلي ضربت جي نطك بالحايط نطيت بسرعه لازمه گلبي رحت علي وشفته مفتاح لزمته بيدي مال شنو هاذا يا باب
رحت يم بابها وتردتت تردت ارجع وجان اسمع صوتها على كيف
غيد _ نجمة نجمة فدوة بطني كامت توجعني بس افتحيلي فدوة
بلعت ريك وكلت مرتبكه _ ا اني بيران
شهكت بلهفه تدك على الباب _
غيد _ ماعندي غيرج فدوة فدوة ساعديني راح يموتني
رجعت ليورة اريد ارجع لغرفتي خايفه من الي اسوي وخايفه من شهم لا يطلع ويشوفني بس اني مامنه لان شهم بالسيارة شرب حبوب كتله مال شنو كال منوم اريد من ارجع للبيت گبل انام
وكفتني حجايها _
غيد _ يتيمه اني ماعندي ابوي منو يدافعلي كل كرايبي متبرين مني ماعنديي احد
مادري شصار بيه من وكفت گلبي متكسر مادري على منو انقهر على شهم لو على غيد الي ذكرتني بنفسي غمضت عيوني حيل وادي يرجفن
غيد _ انتي يتيمة مثلي وتعرفين شعوري بداعت امج بس خلي احاجيج كلشي ماريد منج
رحت يم الباب وفتحه مقفول بلعت ريك وباوعت على المفتاح الي بيدي خليته بنص الكيلون وجان ينفتح شفت منضرها الي وكف شعر راسي بسرعه جرت ايدي وطبكت الباب تبجي _
غيد _ ما عندي غيرج هنا كلها تكرهني هسه ماريد اموت شهم راح ينهيني الله عليج
وخرت اديها وكلت بنفس مكطوع _
بيران _ و وشسويلج يعني شعلي ب بعدين هسه يله صرت ع ععزيزة مو جنتي حاقدة ع علي
لزمت رجلي تسول _
غيد _ اسفة اسفة ادري بروحي حقرت وياج بس لا تسويين هيج خطيتي بركبتج اذا ما ساعدتيني راح اموت
عصبت ونترت ارجف _
بيران _ وشنو وو اسويلج هاي غلطتج بشنو مقصر وياج شهم ليش تهجمين بيتج بيدج ورطتي نفسج وبعد ما تكدرين تخلصينها
خلت اديها على وجها تبجي _
غيد _ كلكم كلكم نفس الشي تلومونيي اني محدد يلووم شهم محد سألني ليش حبيت غيرة محد لامه وكاله ليش تعاملها هيج
بلعت ريك _
بيران _ وشنو مسويلج شهم يعني
باوعت علي وكالت تبجي
غيد _ اني بشر حمامة مثل اي بنيه عادية احب الي يهتم بادق تفاصيلي شهم يحبني اي ما انكر بس شهم معيشني ويا مثل المذنبة حتى قبل لا اخونه هو حاقد علي وحباني
استغربت من كلامها واني بفضولي الي راح يوديني ستين داهيه سألت _
_ يعني شلون ما فهمت
لزمت ايدي وكعدتني يمها لازمتني بقوة وعيونها توسلني
غيد _ شوفي اول ما شفت شهم مثل اي بنية عادية شفته شكل وثگل وعنده خير ومعروف وهو الي باذر بتعرفه الي انعجبت بي رغم طبعه البارد تجاهلت هاذا الشي جانت تصرفاته شلون يصرف علي شلون يجيني كدام زملائي اتباهى بعد كم شهر تحديدأ تقدملي كوة كوة قنعت عمامي بس كدامه عاد سوو رواحكم مسؤلين علي بعد ما دفعتلهم مبلغ جبير وافقو وشهم جاب عمامه هم واهلى وتقدم وافقو وتم العرس وكلشي بس كلشي نقلب ضدي بعد العرس
_ بجت حاطه اديها على عيونها _
شهم جان حتى بنضراتي يشك على كلشي مرزلني تخيلي شغلي راد يمنعني منه اله هددته بالنفصال يله وافق اكمل من تزوجنا تخيلي ثاني يوم عرسنا راح راح لشغله مدري وين ما كالي يرجع احجي ويا بارد متجاهلني احسه كوة متقبلني وما جان مار على زواجنا عشر ايام ضربني وعلى شنو راد يحجبني غصب ضربني شعري گصة جان طويل گصه بسبيل البس حجاب واني ما مقتنعه بي
فتحت عيوني بصدمه ما مصدكه معقوله توصل لهل درجة
غيد _ وعفته ورجعت لامي وبعد كم يوم رجع الي يبرر ما يعتذر ميعتذر ببساطه يشوف نفسه كلشي وما رجعت اله وافق اكمل بدون حجاب رجعت بس شنو الفايدة تصرفاته صارت اسوء حجاية ماكدر احجي ويا الزواج تفاهم اذا اتصل علي وجان عندي شغل الكاه كدامي ساحلني كدام العالم حتى حتى...
سكتت وكالت بقهر _
_ بعلاقتنه الخاصة جان يضربني يلومني على اخطاء امه
همست _ م مستحيل
هزت راسها _ اي جان يهمس باذني ويكول _ اندمج _ اعذبج _ كل كلمه سيئة وتلعب النفس يكولها بدال كلمات دافئة يحجيها وقت يكون وقتنا الخاص جان يهددتي يوجعني ومن يوخر عني بدال ما يحتويني يكعد ببرود يدخن ولا كان يمه بشر متوجع جنت حاسة روحي مجرد آلة عنده
بيران _ ليش ما تطلگتي ؟
غيد _ حاولت تعاركت انضربت شلوون اطلك بيران وهو القانون يكدر يقلب كلشي ضدي
بيران _ مو جنتي تريدين نفقه لو صدك تريدين تخلصين جان تطلكتي وانهزمتي بدون هاي الخبطه
غيد _ لييشش ؟ موو حقي دمر حياتي ونفسيتي واروح ببساطه
بيران _ بس عادي ببساطه خنتي وتمرتي كلشي اسفة غيد بس ما اصدكج شهم رجال زين كلش وكل هاي السوالف ما اصدكها
ضحكت باستهزاء وبجت _
غيد _ طبعأ تشوفي هيج مو اني شفته قبلج هيج وانخدعت بس خلي يتزوجح وشوفي
شهكت وكلت معصبيه _
بيران _ وشنوو يزوجني شنو عبالج اني اريد شهم زووج ؟
غيد _ ما كايله هيج جاي اكول مثل
طنكرت اباوعلها بضيق حجت تبجي
غيد _ شفت غيرة جنت كارهه الرجال من ورة شهم بس سوالفه خفه دمه اهتمامه خلاني انجذب اله مو بيدي حبيته والله كمت بس اريد اشوفه دا انسى الي يعيشني بي شهم بوكتها دريت بحملي بليث كرهت روحي وكرهت ليث..
قاطعتها بعصبيه _ وليث شعلي شنو مرد الضاليم كارهتي جان ذبيتي لعد
بلعت ريك _ ك كرهني بي على اي شي يصير بيه واني حامل يضل يرزل ويحجي وكرهته ومن جبته هم صار يلومني ويضربني ومرات يجبرني اغيب عن دوامي علمودة
بيران _ غيد هاي مسؤليتج يعني شنو تذبي طبعا تهتميله حتى لو تعوفين شغلج لازم تصيرين كلشي اله لان انتي
غيد _ خلي اكمل شوفي كمت ما اطيق شوفه شهم يريدني كام يعتدي علي
فتحت عيوني بصدمه وشلون المي البارد نزل على راسي _ غيد لا تتبلين
غيد _ صدگيني ما مجذبة شهم مو مثل ما تشوفينه شهم مجرم بقناع ضابط كل شغله مو قانوني حتى ياخذ رشاوي ويغتل ناس ابرياء
بيران _ مستحيل
غيد _ يخدعج بطبعه ال مو مبالي تشوفينه ثكيل وشخصيته حلوة ومهتم بس صدكيني ينگلب عليج صدكيني ر راح اكلج شي رغم ما كايلته لاحد من قبل بس تعالي اكلج
قربت يمها همست باذني شي خله گلبي يكع بجامتي باوعتلها مصدومه وضحكت
_ مستحيييل
_ والله صدكيني ما مجذبة هو هيج
بلعت ريك _
بيران _ غيد خلي نفترض انو الي حجيتيه كله صح ومن شهم الصوج ن نجمة كالتلي انتي مجرمة صح
انخطف لونها وردت زمت حلكها بخوف وبجت _
غيد _ بهاذا راح يسجني حمامة اني مو مجرمة صدكيني اني مسكينه بنيه زغيرة حاولت احمي نفسي بس
همست بصدمة _ ي يعني صدك قاتله
هزت راسها وكالت تنفي وترجف _ ب بس مو بقصد ش وشوفي من ابوي توفه كرايبنه كلهم تخلو عني محد ضلي منهم طردوني حتى من بيتي وامي مريضة محد اهتم بيها
رغم كل الي مسويته گلبي لان عليها لان عايشة كل الي تحجي ومجربة الشعور
غيد _ صرت اشتغل بالشوراع لو ابيع مي لو اشتغل بسطيه ومرة جنت ابيع مي وشافتني مرة بسياره كلش غاليه كالتلي عندي الج شغل يعيشج ويخليج ملكه جان كل همي اشبع ما اوكف بشمس وافقت وصعدت وياها جان اسمها بدرية ما جنت افهم شغلها ولا وين تاخذني وتخليني اوصل جنط مادري شبيها المهم عندي اوصل واخذ فلوس
بعدين اكتشفت انو تشتغل بتهريب المخدرات وبعد عدها اعمال مو قانونية تتاجر بنات وتشغلهن بملاهي جنت زغيرة وقتها ومخليتني
بس بوسط اشتماعاتها من كبرت صرت حلوة ومبينه انوثية يعني كامت تلح علي اشتغل بالملهى راقصه لو تريدني اطلع ويا ك*** يلعبون النفس كلت خلي اسحب روحي منها انهزمت وبكل مرة انهزم تلكاني وارترجعني وتكول اخر مرة بعد ما الح وترجع من جديد تلح
وبيوم جان عندها اجتماع مال تهريب بنات بعمارة مهجورة تقريبأ رحت وياها كل عادة وكدام عميلها ضلت تلح علي اروح ويا من رفضت هو عصب وحجه عليها وراح من راح استلمتني ضرب وحجي موتتني اخر شي كالت مو بكيفج يجون باليل ياخذوج ومتجين لو امج باجر ما تلكيها جانت واكفه ورة البلكون ما جان بي حايط او حامي كمت اتوسل بيها تتركني بحالي بس هيا تضرب بيها ورادته تضربني مادري ودفعتها وكعت من فوك العمارة و والله مو بقصديي ما ردتت اوكعها
كالت هيج ونهارت من البجي احتاريت شسوي اريد اصدك عايشة كل هاذا بس ما اكدر حجي شهم شكل وحجيها شكل هسه اني شدراني بالمضلوم والضالم باوعت علي وحضنتني تبجي
_ تعذبت والله يله عشت حياتي حمامة جانو بايكين حقي وماكلينه ماكلين حق يتيم من رجعلي جنت منتهيه وكوة علي كملت حياتي وغيرت نفسي شوية كملت دراسة وانشغلت بوضيفتي بس شهم رجع هدم كلشي عيشني بعذاب
رافعه ادي متردده احضنها تبجي وتشجي _
_ اني مو عصبيه ولا عدوانية صدكيني الي عشته هو سبب شخصيتي صرت ما اثق باحد واخاف من اي احد اخاف اختلط وينكشف كلشي اخاف انسجن وهسه شهم يريد يفتح الي دفنته
حضنتها مترددة وطبطبت على ضهرها وهيا ما صدكت حضنتني بقوة تكول _
_ ساعديني فدوة انتي الوحيدة الي سمعتني
_ ش شلون اساعدج يعني
_ ب بس اكو فلاش بغراضه احمر يمكن مخلي يم الجرار الي يم الجرباية بس انطيني ياه ولعد ماريد شي صدكيني ما راح تشوفون شكلي ابد
كمت خايفه وامسح بوجهي نوب احك شفتي _
_ غيد الي تطلبي صعب جاي دخليني بشي مالي خص بي
وكفت لازمه ادي وتوسل _
_ ادري صعب بس اني شسوي يعني اكلج راح اموت امي راح تبقى وحدها منو الها مو عندج ام ما راح تنقهرين اذا شفتيها وحيدة ما الها احد
سكتت اباوع بخوف
غيد _ اترجاج ابوس رجلج ماعندي غيرج
بيران _ شهم يثق بيه شلووون اكسر ثقته شهم متأذي منج
غيد _ وشنوو ذنبيي اني يريدني احبه كوة علي واذا رفضت يضربني شنووو ما بكلبكم رحمه يتيمه ولكم يتيمهه
كعدت بالكاع تبجي رجف جسمي وطلعت بسرعه وقفلت الباب وايدي ما اكدر اسيطر على رجفتها باوعت لغرفه شهم ونفيت لا لا بيران لا تسوينها لا تكسري بالزايد هو حجالج عن كل وجعه شلون اصير جزء من وجعه لا
بس غيد غيد هم خطيه وشهم الي مسوي بيها مو طبيعي بس شهم ابد ما كالي هيج سوة ولا بفترة شغلي شفت شي منه غير بس ضربها مرة من كسرت البيت وبعد مادري
مادري اصدك بيها او بشهم احسن شي ما اتدخل بس...خطيه غيد راح تدمر حياتها بالسجن وامها خطيه بس شهم هم خطيه اووف يالله بيمن دخلت نفسي اني
بخطوات مترددة رحت لغرفه شهم صايرة اخر شي شوية اذا احد صاح بيه اتخربط گلبي يدك بسرعه وكاتمه نفسي فتحت الباب على كيف مامنه بشهم ميكعد لان مثل ما ذكرت شرب منوم الغرفه ضلمه ودافية دخلت على كيف وتقربت من الجرار الي يم الجرباية عقلي يكلي ارجعي ولا تسوينها بي لا تكسرين الثقه الي بينكم ولو جانت زغيرة لا تسوينها وگلبي يكول غيد مثلج تخيليها انتي وساعديها خطيه امها تحتاجها علقي يكول لا تصدكيها كل حجيها جذب تريد تكسبج وقلبي يكول ساعديها وخلصيها منه
فتحت الجرار وجان فارغ بي بس اقلام وشفت فلاش احمر وحوافه سود الغرفه بيها اضائه صفرة وشفته لزمته بيدي وكبل لا اكوم باوعت على شهم نايم وعاگد حواجبة رغم هو اسمر بس وجهه مسمر زيادة جوة عيوني هالات وايده ترجف بلعت ريك وبرطمت وعيوني دمعن
همست بحزن _ اسفة
.
.
.
.
.
.
نطيت الصبح على صوت عياط وشرطه طفرت من الفراش لبست شال والخوف تملك كل جسمي فتحت الباب والعياط من برة باوعت من الدرج شهم يعيط ويفشر ويكفر
ايدي كامت ترجف والشرطه الي وياه يحجون ويا محمد حسيت رجلي صارن خيوط مادري ليش تخيلت جاين علي
شفت نجمة صعدت وجها اصفر بسرعه ركضت عليها وهمست _ شكوو نجمة شصاير
بلعت ريك وكالت بتعلثم _
_ غ غيد شردت باكت الدليل الي عند شهم وانهزمت
يتبع...............
_______________________________
اعاتب ليش؟
و انه أدريك ما تفهَم
حچي عيوني..
حـــمامة الشـــهم..🕊️
حــب وعــذاب.....🤍
ريـــِحانٍــة 🌿
ffaa22_