"မမှတ်မိခဲ့တာတောင်းပန်ပါတယ် ငါ့ရဲ့ကြောင်ဝါလေး ရစ်ခီ"
အီဂျောင့်ဆီကကိုယ့်နာမည်ထုတ်ပြောလာတာမို့ အလန့်တကြားနဲ့မျက်နှာကိုကြည့်မိတော့ ရစ်ခီ့ကိုသူခိုးဖမ်းသလိုကြည့်နေတဲ့ အီဂျောင့်အကြည့်တွေ။
"Idol rickyက ဘာကိစ္စတွေရှိလို့များ ကျွန်တော့်အိမ်ကိုလိုက်လာပြီးလိမ်ရတာလဲ"
"ဟို အဲ့တာကလေ ဟိုဟာ"
Traineeဘဝထဲက kpop showပွဲတချို့မှာ back dancerလုပ်နေတဲ့ အီဂျောင့်ကိုသဘောကျပြီး debutမယ့်အချိန်ကိုမျှော်နေရတဲ့အကြောင်း ရစ်ခီပြောပြရင် အီဂျောင်ကယုံပါ့မလားမသိ။
ပြီးတော့ အခုမှပွဲဦးထွက်ခါစဖြစ်သည့်ရစ်ခီ့ကို အီဂျောင်မသိလောက်ဘူးထင်၍ Variety Showလုပ်မည့်နေရာကို ကုမ္ပဏီကကားနှင့်မလိုက်သွားပဲ အီဂျောင်စီးသည့်busနဲ့လိုက်ရင်းကနေ ပိုပြီးနီးကပ်ချင်သည့်လောဘကဖြစ်လာတာကြောင့် ကြောင်ဝင်စားဇာတ်ရိုက်ခဲ့ပေမယ့် အပိုင်းတစ်နဲ့တင် ဇာတ်သိမ်းခဲ့ရပြန်သည်။
"ဘာတွေထပ်လိမ်ဖို့ကြိုးစားနေတာလဲ ရှန်ချွမ်ရွေ့"
"အာ တရုတ်နာမည်ပါသိနေတာလား"
"ကိုယ်ကဒီလောကထဲကလူပဲဆိုတာ မေ့နေတာတော့မဟုတ်ဘူးမလား"
"အခုမှအသစ်ဖြစ်တဲ့ကျွန်တော့်ကိုတော့မသိလောက်ဘူးထင်တာပေါ့"
"ဒီခေါင်းဝါနဲ့ပုံတွေကအခုတလောနေရာတကာတွေ့နေရတာ မသိပဲနေမလား"
"အာ ဟုတ်သားဆံပင်အရောင်ပြောင်းဖို့မေ့သွားတာပဲ"
"ကဲပါ စကားတွေဝေ့မနေနဲ့ ဘာလို့်ဒီလိုလုပ်တာလဲဆိုတာပြော"
"အီဂျောင်နဲ့ခင်ချင်လို့ပါ"
"ဘယ်လို ?"
"ဟိုလေ တကယ်တော့ဒီမှာ Variety Showရိုက်ဖို့ရှိတာ အိပ်ရာထနောက်ကျသွားတာနဲ့ Busနဲ့လိုက်လာရင်း ဘေးခုံကအီဂျောင်ဟျွန်းဖြစ်နေတာနဲ့ အဲ့တာ အဲ့လို ဟို..."
စကားတွေတောင်ရောက်မြောက်ရောက်ဖြစ်နေတဲ့ရစ်ခီ့ကို အီဂျောင်က ကဲ ဘယ်လောက်ထိလိမ်နိုင်မလဲလိမ်စမ်း ငါကအကုန်သိတယ် လူလိင်ဆိုတဲ့အကြည့်ကြီးနဲ့ကြည့်နေလေသည်။
"အဲ့တာဆိုလဲ မင်းShowရိုက်ဖို့နေရာကိုပြန်တော့"
"ပြန်ဖို့နောက်ကျနေပြီလေ အပြင်မှာမှောင်နေလို့ အီဂျောင်နဲ့အိပ်လို့မရဘူးလား"
"ဘာ!!!!?"
"ဖြေးဖြေးအော်ပါ လိပ်ပြာလွင့်သွားတော့မလို့"
"တော်ပြီရစ်ခီ တရုတ်လေးမို့သာတော်တော့တယ် စကားတတ်ချက်က ငါ့ပါရောင်းစားတော့မလားမသိ ပြန်တော့ပြန်တော့"
ရစ်ခီ့ကိုကျောပိုးအိတ်ကနေဆွဲကာ အခန်းထဲကနေဆွဲထုတ်နေသူကြောင့် ဖရိုဖရဲနဲ့ဖြစ်နေပေမယ့် အခန်းအပြင်မရောက်ခင်အတင်းတားရလေသည်။
"ပြန်တော့ပဲပြောနေတာပဲ အဲ့နေရာကိုမသွားတတ်ဘူး အီဂျောင်လိုက်ပို့"
"မင်း...!!!"
"စိတ်လျှော့ စိတ်လျှော့ ဂျောင်ဟျွန်းနီး တော်ကြာမျက်နှာလှလှလေးမှာအရေးအကြောင်းတွေပေါ်လာမယ်"
"ဘယ်သူ့ကြောင့်စိတ်တိုနေရတာမို့လဲ"
ဟားဟား အီဂျောင်ဟျွန်းစိတ်တိုနေတာလေးကသိပ်ချစ်စရာကောင်းတာပဲတွေးပြီး ရစ်ခီခိုးရယ်လိုက်သည် ပေါ်တင်တော့မရယ်ရဲပါဘူး တော်ကြာလိုက်မပို့ပဲနေမှဖြင့်။
"လာလာ လိပ်စာပြောလိုက်ပို့ပေးမယ်"
"ဟီး ခဏလိပ်စာကခုမှမေးရမှာ"
အီဂျောင်နောက်ကိုလိုက်ချင်ဇောနဲ့သာလိုက်လာခဲ့တာ Showရိုက်မယ့်နေရာလိပ်စာအတိအကျကို ရစ်ခီလဲသေချာမသိပေ။ အီဂျောင့်ကိုလှမ်းကြည့်တော့ ခေါင်းခေါက်ချင်နေတဲ့အတန်းပိုင်ဆရာအကြည့်နဲ့ကြည့်နေပြန်သည်။ အီဂျောင်ခေါက်ရင်တော့ ရစ်ခီတို့ကခံဖို့အသင့် အီဂျောင်တစ်ချက်ခေါက်ရင် ရစ်ခီကတစ်ချက်နမ်းရုံပဲ ဘာမှတ်။
"ရပြီဒီမှာ ဒီလိပ်စာအတိုင်းလိုက်ပို့ပေးနော် ဝေးလားဟင်"
ကျန်းဟောက်ကောကိုလိပ်စာလှမ်းမေးတော့ Messageပို့လာတဲ့နေရာကိုအီဂျောင့်ကိုပြကာ လိုက်ပို့ခိုင်းရသည်။
"တောင်နဲ့မြောက်ပဲ မတတ်နိုင်ဘူးတစ်ယောက်ထဲလွှတ်ဖို့လဲအဆင်ပြေမှာမဟုတ်တော့လိုက်ပို့ရမှာပဲ ခဏနေဦး အမေ့ကိုပြောပြီး ကားသွားထုတ်လိုက်ဦးမယ် အခန်းထဲမှာရှိတာတွေ ဘာတစ်ခုမှမထိမကိုင်ပဲ ငြိမ်ငြိမ်လေးထိုင်စောင့်နေ"
"ဟုတ်ဟုတ်စိတ်ချ အသက်တောင်မရှူပဲအောင့်ထားမယ်"
ပြောရတာမောတယ်ဆိုတဲ့ပုံစံဖြင့်သက်ပြင်းချကာ ခေါင်းတခါခါဖြင့် အီဂျောင်းဟျွန်းအခန်းထဲမှထွက်သွားလေသည်။
အီဂျောင်ဘာပြောပြော စနောက်ချင်နေတာမို့ ဒုက္ခပါပဲ။ အီဂျောင့်နားမှာနေရရင်ကိုအလိုလိုပျော်နေတဲ့ရစ်ခီ့စိတ်က တချိန်လုံးမြူးနေစေသည်။ တချို့တွေပြောနေကြတဲ့ အချေဆိုဒ်နဲ့ရစ်ခီရှန်ကိုရှာပေးကြပါဦး...။ ။
To be Continue...