فــاطمة الـزهراء ..🤍
حـــمامة الشـــهم..🕊️
حــب وعــذاب.....🤍
ريـــِحانٍــة 🌿
كل شخصية قوية ورأئها ماض لأ يرحم .
ffaa22_
_________________________________
گاعد ادندن بالاغنيه وهم افكر بامي گلت باجر اكول الشهم واروح لبيتي ما احس اله شي بارد التف بركبتي شهكت وخليت ايدي على رگبتي
التفتت بسرعه وشفته واكف يباوعلي بعيونه البارده تلمست رگبتي وشفتها گلاده
هو كال على كيف _ منو بافل ؟
رمشت بصدمه ما خلاني ادرك هو شمخلي بركبتي نوب يسألني على بافل ..
كلت بعصبيه _ شنو هاي شمخلي بركبتي ؟.
حجى بلا مبالا _ نعال
ردت احجي اغلط بس ادري بنهايتها شنو خزرته وذبيت الكلادة _ انته على اي اساس تلبسني كلادة متستحي
_ بافل منو
_ شعليك شنو هاي ليش ملبسني كلاده
باوعت على الگلادة ناعمه ذهبيه وبيها حمامه زغيرة فاتحه جناحينها
_ هاي انتي
باوعت عليه وتنهدت _ شكاعد تسوي شهم
_ اعتبريها هديه تعويض عن ذاك اليوم
خزرته وحطيتها بيده _ شكد صلف وحقير
رفع حواجبه _ فوكها مو مقندرج وجايبلج زربه بوجهج شكو تكمزين ؟
_ انته جاي تكولي بطريقه غير مباشره انو اني طماعه
_ هاي شنو هاي منين تفكرين من ط***
غمضت عيوني _ بسسس لا تفشررررر
_ ششش صوتج
_ روح شهم بروح ابوك روح عني ليشش من تجيييي يمييي من ودييي املخخ روحييي
ضحك بطرف شفته _ هلكد مأثر عليج
صفنت عليه وميلت راسي _
_ تره اني ما ميته على كلاتك ولا على كلادة غيد كتلك شفتها بالغلط واخذتها شكو جايبلي كلادة خاف انقهرت علي ؟ مو كلت يتيمه خل اكسب بيها اجر
ضل ساكت يباوعلي ورد حجه _ لا مو هيج
_ لعدد شنوو انتهه ليش تغثث برودكك يكتلل
_ كتلج جبتلج ايها كتعويض
_ تعويض شنو
رفعت حاجبي انتضره يعني يتعب روحه ويجيب وميعتذر ضل ساكت ..
_ ماريد تعويضك كتلك بس عوفوتي بحالي وهاي هيه
مد ايده يريد يلبسني الكلاده دفعت ايده خازرته _ انته صاحي موو ؟
ضحك ونزل راسه _ شنو تخافين
رجعت ليوره وجتفت اديه _ انته مو امان اخاف تجفت علي نص اليل
_ نجبي لج
_ والله اكوف اكوف خلي اتذكرر هاا احم عيونج دماري صارلي اسبوعين ما شايفيج اريد....
سكتت وبلعت ريك خرب ردت اجفص رفع حواجبه وكال _ كملي شكلت؟
_ ها ما اذكر ر روح شهم روح ماريد شي منك
_ تلبسينها وغصبأ عليج تره والله اسطرج براشدي
_ شنوو هيه كوهه تعالي كوه اخذيها ماريدها
_ والله تره اخنكج بيها
_ جاي احجي هندي ماريدها شكرا بس ما اريدها تره انيي بشرر مو ذليتني وطيحت حضيي شنو ما عندي كرامه ماخذتها منك
_ اي تاخذينها
_ ماريدها
جرني من شعري ويكول _ هيا بكيفج
_ اخ اخخخ ولك هدد شعريي
_ طبج حرشش
_ مخشتنييي شبييك
يسحل بيه هيج وهيج من شعري وفانيلتي خنكتني لازم شعري وفانيلتي ويحجي _ شنوو هيا بكيفجج انتيي ليشش متكبرهه عليي
_ اخخ وخر اختنكتت
_ اختنكيي احسن
_ شبيك الخاطر محمد وخرر
لزمني من ياختي من كدام وحل شعري ورفعني اله بحيث يادوب رجلي طاخات الكاع _ لا تعاندين خوش
_ اعاند ونص شنو ماريد ماريدها مو حلوة
_ غير مسويلج زربه حمامه بوجهج
_ انيي مو حمامه بيرااان
_ نجبي
_ ما انجب هدني هدنيييييي
_ صرخت حيل وجان سيد حلكي خازرني _ بنت المسموط
_ احجي كوه جوه ايده حجي ما ينفهم ضحك وخر ايده _ وج والله لو ادوس عليج اجعصج علش تنطنطين
_هدنيييي شكيت الفانيلهه
_ اشكج واشك ابوج
دفعت عني اخذ نفس بقوة مختنكه وهو ارتجى على الكاونتر _
خزرته _ كطعت نفسيي انته شبييك نجلبت علي
فتح عيونه وكال _ منو نجلب ولج
صرخت _ انته انته انته انته ونص
_ خبال
دا اطلع من المطبخ وجان يجلب بشعري صرخت _ اخخخخ
_ تعالي احجي وياج وين رايحه
_ انطمرر
_ وطمراتهم اخذي الگلاده اكلج
_ ماريدها اخاف اخذها وباجر اطلع حراميه
_ شكد تلغين الخاطر محمد اخذييي
تخوصرت تباوعله مخنزره _ نزلي اديج
_ ما
_ نزلي اكلج
_ ما ما ما
_ لزم ادي ثنينهن ولواهن وره ضهري خلاني مدنكه وادفر برجلي بالكاع _ وكك اخخخ ادييي تكسرنن وخر وخرررر خرب
_ مو اكلج نزليهه
_ صرت سالفه احسه يضحك علي يدور بيه هيج وهيج عبالك شلون الجاهل اريد الزم ايده ماكدر ارافس اريد لازمني من الفانيله من وره ويعت اخر شيي صرختت _
_ وكك وخرررر يمهههه اخخخخ
دفعني وجان وكعت على وجهي لزمت الكاونتر وخزرته ركضت علي دا اهجم خله ايده براسي وخلاني ارافس _
_ هاي وحدج وياج احد
وخرت وعطت بعصبيه لان عجزتت _
شهم _ والله لو اهلي مو فطيسه مال نوم جان تكومو على عياطج
_ شترييييد
_ البسي
_ مالبس
_ لعد على شنو جايب ومتعب نفسي
_ ما كايلتلك جييب خووش ماريدك تنقهر علي ماررريد ماررريد
_ ما منقهر عليج خذيها ونطمري
_ والله ما اخذها لو اموت هسه هنا
خلاها بجيبه وغمني _ طبج مرض لا تاخذينها ام كوشه هو انا صوجي مصخمج
رحت يم الباب وكلت بسرعه _ صخام بوجهك الله لا ينطيك
فتح عيونه بصدمه يريد يحجي وجان اطكها بركضه وما وكفت الى من طبيت الغرفه خربب شلون نسيت بابي ما بي قفل جبت الميز ودكرت بي الباب
ورحت على الفراش الهث _ الله لا ينطيك بهذلني اخخ
نوب عفت المواعين هسه نجمة طنكر خرب خرب بيك شهم...هه جايبلي كلاده عود منقهر علي نوب يسألني على بافل شمدري بي بس عرف بيه مو من المدينه خرب شكد حشريي
رحت طبيت بفراشي وتغطيت خليت ليوثي بحضني وغمضت عيوني ونمت
الصبح كعدت على صوت العصافير والدجاج بعيد همه ما عدهم دجاج بس اسمع من بره اصوات دجاج وغنم شفت الساعه ب6 كايمه اكعد من وكت وخرت ليث مني وكمت لميت شعري ولبست شالي
نزلت جوه سمعت طركعه مواعين بلعت ريك هاي نجمة خرب حضي هسه دكول غلست طبيت للمطبخ وكلت _ صباح الخير
باوعتلي صفح وكالت _ همم
تقربت يمها _ وخري اني اغسلهن
_ لا اني اغسلهن روحي
_ شوفي والله ردت اغسلهن لا تزعلين
باوعت علي رافعه حواجبها _ اني زعلانه لان انتي ما غاسلتهن ؟
_ لعد على شنو مطنكره علي
_ البارحه مو توسلت بيج كتلج طلعي اكعدي ويانه ليش من احجي وياج ما تقدريني ونوب كتيلي ديله هسه انتي شمسوية
ضحكت وكلت _ على هايي والله مو قصدي شي بس ما ردت اشوف اخوج
_ شهم قصدج شهمم
_ اي شحمكم ماريد اشوفه يغثني
_ حتى لو انتي ما معتبرتني صديقتج حمامة وحتى مرات من يصيرلج شي متحجيلي تره اني معتبرتج صديقتي
كرصت خدودها _ اووخ شكد كيوت يالله وعلي وحق علي احبج واقدرج لا تزعلين بعد لو تكليلي بيران موتي روحج اموتها
_ ديله موتيها
_ عود بعدين هسه جوعانه
ضحكت ورجعت تغسل بالمواعين واني اعزللها بيهن بعدهم نايمين بس اني ونجمة كاعدين _
نجمة _ شعجب ما غسلتيهن
تنهدت _ شحمكم نجلب علي
التفتت علي _ ليش شكو خوما رزلج
رفعت جتافي بعدم اهتمام _ لا جايبلي كلاده عود تعويض يستنكف يكول اسف
_ شهم جابلج الج ؟
هزيت راسي
_ اييي وينها خليي اشوفها
_ اييع ما اخذتها اصلا تعاركت ويا وغلطت علي ونهزمت ما غسلت المواعين من ورا
ضربتني على راسي _ ثوول ليش ما اخذتيها والله شهم ما يجيب لاي احد
_ وعلى اي اساس يجيبلي اذا احد سمع مو راح يفهم غلط ما يكول شعدها ويا
_ هم صدك بس شهم نيته صافه معتبرج اخته
_ اي صدك اصفه من نيته ماكو
_ ليش
_ هيج جاي اكول اصفى من نيته ماكو
_ جنج ما مقتنعه ؟
_ وعلي اخووج فددد سرسريييي وميستحييي اصلا يتحرررش بيهه
لطمت على خدها فاتحه عيونها _ لا لاجذب مستحيل
_ والله شبيج نوب يتحرش ويكلي ما ميت عليج ما لو اقشمر عليج
_ راح تخبليني يعني يلزمج يلزمج
_ يعني شلون ؟.
_ يعني من الاحم
شهكت وضربتها _ لاععععع يلزم ذراعي من يعصب علي وبس مره سكران يمه اول مره جيت لبيتكم بس سد حلكي وحجه واي ضل يمسلت وعافني
تنهدت بارتياح _ خبلتيني كلت راحت هيبه اخوي
_ شكد لوكيه مال اخو انتي
_ احبنه اخوي الغالي
_ هه متحرش
_ نجبي نجبي خوش
_ ها ومو بس هاي بس يفشر حتى لو اسوي شي بنيه صادقه يكوم يفشر ويكلي ليش لابسه هيج ليش سويتي هيج
ضحكت _ تره شهم هو هيج طبعه شسويله هو يفشر بعدين تره منتبه على شهم معتبرج مثل الامانه عنده ويخاف عليج مثل ما يخاف علي
سكتت اباوعلها عابسه _
_ والله وشهم هو عصبي اذا لزمج هيج مو معناتها يتحرش بيج هو هيج عصبي كلش من زغير
_ بس يغث حييل يخليني اعصب سوالفه مستفزه ومادري شلونها
_ امداج جان اخذتي الكلاده حرامات
_ جؤؤ اكلج يمكن باجر اروح لاهلي
_ يا ليش خموما اكو شي ؟
_ امي تريد تسوي عمليتها ولازم اروح ما اعوفها
_ هااا نشالله خير بس راح اشتقالج
ضحكت _ ما اتأخر سبوع سبوعين اجي
ابتسمت _ براحتج عيوني شكد ما تريدين ضلي
_ هنيالي لو انتي شهم
كعد ايهم يحك بضره حتى صباح الخير ما كال _ الريوووك وين
بيران _ بشيب ابووك
نزل شهم خازر التفتت سويت روحي اشتغل خرب شلون فشله اشتم بايهم وهو سمعني يله عادي اصلا مو ابو ...
ايهم _ سألت شييب ابوي كال مو عندي يم شيب ابو حمامة تلكاه
التفتت خازرته وهمست _ نجب خوش نجب
تمدد بالصاله يطلع اصوات غريبه عود يتمغط وشهم كعد يفرك بعيونه وكال بصوت مبحوح _ ليث ما كعد
كمت وحجيت من وره خشمي _ راح اروح اشوفه
_ حاجي وياج انا ؟
وكفت غمضت عيوني واول واحد ردت اشوف وجهه ايهم لكيته فاطس من الضحك _ ولك بوية لو انا جان طميت روحي
خزرتهم وصعدت خرب حضه شكد اكره من هاي اني اضوج منه من هاي فتحت بابي ولكيت ليث كاعد يلعب ابتسمت من يكعد مرات يكوم يبجي اكثر شي يضل يلعب بفراشة دنكت عليه بسته وكلت _ ليش متحجيي
ضل يناغي ويحجي اشياء ما مفهوه ضحكت وبدلت حفوضته وملابسه ورحت للحمام غسلت وجهه ودهنته بزيت جونسن وعطرته ونزلته اول ما نزلت من الدرج شهم رفع عيونه جان كاعد بالكاع يم الصينيه وميار هم كاعده تباوع علينه ..
انطيته اله وليث ختل بحضنه عود مشتاقله ويشهك شماه حيل وكال _ ترد روحي من احضنك وليدي
كعده بحضنه رحت خلطتله شوربه هم اوكله بيض من الصينيه وروبه بس اهم شي شوربه سرللاك
كعدت ساكته يم نجمه كال ايهم _ انتي مو زعلانه اشو بنيتيها
عضيت شفتي بعصبيه _ انته شعليك تزقنب واسكتت
شهم _ اششش تره بالحسين روحي طافره الي يحجي افلش سنونه خوش
ايهم _ علم سيدي
نجمة _ اثرت عليه فره الاسبوع
ميار _ شهم يمه ما نشيل منانه ؟
شهم _ صباح خير ليش عيني شايلين ؟
ميار _ هذيج اختي عايشه بمنطقه تخبل وبيت وانته مخلينه على القديم بنص الهوايش والدجأج وانته ماخذلك بيت قصر عايش بي تره والله مو وضعيه
اباوع عليهم كلهم كامو يستغفرون بالكوة مسيطرين على انفسهم
شهم _ منو جابرج تبقين يمي ؟ اذكرج لو نسياتي قبل جم سنه مو طلعتي من هاذا البيت وبعد ما شفنه وجهج ؟ وكلتي ما محتاجه خيستكم وينه
انصدمت وضليت اباوع بالوجوه معقوله امهم هيج تكول هيا خلست كام وجها ينطي الوان ..
شهم _ لعلمج متحمل شوفه وجهج لخاطر سببين اول واحد نجمة وثاني سبب هو الي عساس انتي امي اي شي يصير بيج يلوموني انا بس والله والله لو طخت بالي لا تهميني انتي ولا نجمة ولا العالم ف احترمي نفسج واكعدي لا اخليج دايحه وحق محمد
سكتت بس كامت وحجت _ يمه نجمة جيبيلي كلاص جاي لغرفتي
هزتلها نجمة راسها كملنا الريوك بصمت كمنه اني ونجمة غسلنا مواعين الريوك ونضفنا البيت شهم ضل كاعد بالصاله يخابر وليث يمه يلعب وايهم طلع يكول اروح يم جماعتي وهاي امهم ما طلعت اسمها هيا وغيد حابسه روحها
وحنا جاي نمسح الصاله طلعت غيد متحضره بس وجها مو مثل كل مره بارده لا خايفه وتفتر بعيونها وكفت يم شهم وكالت _ راح اروح لامي ابقى يمها اليوم و وباجر اجي
العجيب انو شهم ابتسم وكال _ ابقي شكد ما تردين حبيبتي
باوعتله وجها مصفر وبلعت ريك وطلعت ضل يياوع للباب بابتسامه شر بعدين رفع موبايله واتصل شوية وسد اني شعندي اراقبه خرب باوع علي ورفع حواجبه بمعنى شكو
شلت السطل ورحت للترك كلبته وشريت الخاولي طبيت انشف بدي بملابسي شفته واكف كال ببرود _ جيبي ليث والحكيني
خربب ماريد ماريد كلت ارمش
_ وين عندي شغل
_ شنو شغلج ؟ مو ليث ؟ جيبيه والحكيني اريد افرفره بس يضل يبجي يله بسرعه
ضليت اباوعله مخنزرة نتر بيه
_ يلهه علش صافنه خفى هل وجه
گلبت عيوني ودرت روحي _
رحت شلت ليث ولبست نعالي وهو طلع كالت نجمة _ ها وين ؟
_ اروح اخذ ليث يتفرفر شحمكم هيج يريد
ابتسمت وكالت _ ايي روحو اني رايحه اسبح
هزيت راسي وطلعت وراه امشي وراه اراقب ضهره لابس تراك زيتوني وشعره مرجعه ليوره ومخلي اديه وراه ضهره خطواته واثقه ومسيطره رافع راسه بشموخ عبالك مالك الدنيا
التفت علي عاكد حواجبه _ مو تمشين
بيران _ لعد شجاي اسوي افلس حب
_ اووف من السانج اووف
رفعت شفتي صفح وگلبت عيوني _
الجو يخبل بالحديقة بداية شتى لا حارة ولا بارده والورد مفتح راح للورد واخذ المي يسقي واني صافه ذباه بالكاع وجي اخذ ليث مني بوسه
كام يمشي هوه كلت _ ارجع للبيت
حجى ببرود
_ لا
سكتت امشي ورى حديقتهم كلش جبيرة وحلوة حسيت روحي تنفست طول ذيج المده حابسه روحي بالبيت اخاف من المشاكل غمضت عيوني مبتسمه نسمه هوى حارة ضربتني ..
كعد على العشب وبحضنه ليث يضحك ويا ويسولف بعدين طلع موبايله وطك صورة اله وليث
كعدت كبالهم ساكته انتضر شوكت يخلص دا ارجع مدلي الموبايل _ اخذيلنا صور
باوعت عليه واخذت الموبايل طكيتلهم صور كلش طلعن حلوات لان موبايله ايفون وكامرته حلوة ما جنت حاسه على روحي الابتسامه شاكه وجهي
_ هلكد حلوين احنه
خزرته ومديتله الموبايل _ ليوثي بس الحلو
_ هممم اي
ليث كام يرفع بروحه يريد يجي اخذته وبوسته حيل شكد صاير حلو يالله عضيت خده وبست حلكه ..
_ هنيالك يليث
رفعت عيوني اله مدهوشه وكلت _ ش شنو
شهم _ ليث هنياله ما على گلبه هم
بلعت ريك وهزيت راسي طلع جكاره من جيبه ورثها بعدين خله اديه ليوره وارتاج يباوعلي وميل راسه _
شهم _ منو بافل
اخذت نفس وحجيت
_ ما يحقلك تسألني على خصوصياتي
_ خصوصياتج بافل منو هو
_ شعليك منو هو مو احد
_ شلون مو احد ذاك اليوم من اغمى عليج ضليتي تهذرين باسمه وهم قبل كم يوم كلتيلي جنت اشوفك مثل بافل يحقلي اعرف منو الي مشبهتني بي
بلعت ريك خايفه بس اطمأن گلبي انه ما دور وراي _
_ مو احد هيج بطل مسلسل تركي
_ مو جان صيني
_ شمدريك انته
_ نجمة كالتلي
_ نجمة مخلينها جاسوسه الي
_ متأكدة
_ اي متأكدة وشنو يعني حتى لو جان مو بطل مسلسل لا تدخل رجأء
هز راسه وباوع للبستان من بعيد _ تريدين نطب للبستان
لعبت باضافري مدنكه نفيت براسي سمعت صوته الراخي _ ليش مو جنتي حابهته
_ هسه لا
_ ليش
_ كرهته
_ لان حجيت عليج ؟
تنهدت وكلت _ هو هم سبب منهن بس صارت بيه خوفه منه رغم جنت احب البساتين كلشش
_ ليش صرتي تخافين
_ هذاك اليوم خفت ثاني مره بحياتي هيج حسيت كلشي انته صرت اتخيل اشياء لا على البال ولا على الخاطر
_ مثل
_ من ادك بالباب اتخيل اذا ما انتبه هسه راح واحد يسحب رجلي لا يطلعلي جني من الشجار والله صرت اسمع اصوات حجي
_ كافي مضرطه وجذب
انفعلت وحجيت واني عابسه _ وحق علي ما مجذبة ونوب شوف اني مو ذاك اليوم عساس نايمه ومن نمت فنك شحلمت ونكطع نفسي
_ شحلمتي
_ شوف يعني اني عبالي انته ما ناقذني نوب جاي امشي بالغابة وشفت
_ اي
_ شفت حياية وعكارب كوامه هييج كومه نوب ميلمسني بس كلشش هواي ونوب شنو
_ اي شنو
_ مو واكفه وجان يطلعلي واحد هييج شكبره
" كمت على حيلي وفتحت ادي _
_ هييج والله وطويل واديه لحد ركبه ليجاي وجهه ما بي ملامح بس اسود نوب بعدني ما متنفسه وجان يركض علي هيييج ونطيت من الحلم مكطوع نفسي وانته كمت تضرب بيه راشديات كطعت نفسي بالزايد
_ غير اريدج تنفسين وبعدين حلمج هاذا سخيييف ونصه جذبب
_ والله مو جذبب بستانك مسكون والله
_ نجبي بابا
_ وعلي شبيك بعدين ليش من نتخربط تضربونه راشديات غير مثل المسلسلات تعاملونه بلطف
_ مو بدينه احنه شعب يحب العنف
_ ايع
_ وسميع
_ شنو سميع
_ يعني سم ويع
ليث يريد يحبي بالحديقه بس اخاف عليه حاولت اكعده باوعت عليه وكلت _ يريدد يحبي على الحديقهه
_ اي ما تخلينه
ردت اكول مو تنجلب علي بس سيطرت _
_ مو تكوم تحجي علي
_ لا على شنو غير يريد يلعب
_ كول والله ما ارزلج
ضحك ونزل راسه ورد كال _ لا ما ارزلج
_ ما حلفت والله ما آمن بيك شوف والله من ترزلني انقهر وعلي كلبي احسه هيج يكوم يبزز هيج يوجع
_ عمت عيني على كلبج ابوسه من يوجعج
_ اووي شكد متستحي انته
_ هم ردينه على الوي
خزرته وعفت ليث بالكاع راح كبل للورد يلعب بي ضحكت علي ملتفته اني درت راسي شفته مخلي الگلادة يم وجهي فزبت _ شنو هاي
_ اخذيها
رجعت ليوره _ هم رجعنه على نفس الاسطوانه ماريد
_ عيب تردين الهديه اخذيها
تنهدت _ ماريدها شبيك عيب اخذها على اي اساس
_ هديه اعتذار
رفعت عينه متفاجئة تنهد _
_ اسف ادري بيه حجيت هواي وغلطت وفشرت بس الغلط غلطج
_ ما بايكتها دا اغلط
_ انا مو على گلادة غيد طبها مرض انا عصبت لان طلعتي رغم محذرج ولا وصاعده على الحايط وشايفينج كرابتي كلهم
شهكت _ صدكك
_ شايفينج حاجين عليج ولج الله واعلم شكد فشرو عليج وتخيلوج
_ شتخيلوني
شفته سكت ضايج _ مو مهم المهم تفهمين انو انتي مثل الامانه عندي لازم احافض عليج ما دام انتي نقية
عصبت من تناقضه حجيت بعصبيه _ يا نقيه اذكرك بالحجي الي كلته شكد فشرت علي وطعنت بشرفي كدام ايهم واهلك ليش انته جذاب ساعه تكلي نقية وساعه ترزل
_ كافي لا تبجين
خليت ايدي على وجهي _ اني بعمري محد ماد ايده علي او هيج غالط بالحجي وياي ما متعودة حجيك جرحني وخلاني ابجي على الحال لبي اني شجابني والله متندمه على الساعه الي اخذت بيها فلوس منكك
_ الحجي الي كلته ما طالع من گلبي وحجيت هيج لان عصبت بيه طبع من اعصب شيجي بحلكي احجي كافي لا تبجين كتلج اسف
_ شيفيد الاسف يعني راح ينسيني حجيك تدري ليش طلبت منك فلوس رغم ذاك اليوم استقلت لان خابروني كالولي امج تعبانه حيل خفت خفت لا امشي بدرب مو زين واتدمر بس هسه لو ماشيه بذاك الدرب ولا جاية عليك
_ شششش نجبي لا تكومين تمسلتين كافي لغوة مو كتلج اسف
_ مسحت دموعي بعصبيه وكمت _ ومسويلي فضل مارييد اعتذارك درووح
مشيت بعصبيه وجان يلحكني ولزم ايدي بقوة نبت اضافره لزمه اصابعه اريده يوخر _ اخخخ ايدي وللككك
_ انتي ليش من واحد يقندرج تنجلبين مو اعتذرتلج بعد شتردين
_ كلشييي مارييد عوفني ياخيي عوفني
دفعني _ عساس ميت عليج ام كوشه
_ وييين الكوشه مو لابسهه حجاااب
_ اي مو انا ما شايف كوشتج
خزرته اباوعله بحقد شكد اكره هاذا الرجال
بيران _ اكرهك وحق على اكرهكككككك
_ طبج حرش جيبي ليث اريد اشوفه البستان
والتفت فتحت عيوني بخوف وحجيت _ لاء ش شعدنه خلي نرجع
_ محد ماخذ رائيج يلهه
وراح وره البيت ضليت ادبج بعصبيه واعض بديي _ وك كون الله لاينطييييييك شيخلصنيييي
_ رحت شلت ليث جان لازم ورده بيده ولحكته يفتح باب البستان وطب بلعت ريك وطبيت وره وجان يركع الباب قوي _ صرخت بخوف
خزرني _ صوتج تره عالم وره الحايط
هو صحيح البستان حلو ونضيف بي اشجار تمر ونبك وانصدمت بجمال شجره العنب والرمان جنت خايفه بس نسيت الخوف اتلفت واتمعين بالجمال
اخذ ليث مني واني مادري _ واوووو يخبلل
_ تريدين من العنب
_ اي اي فدوة اريد
_ اروح فدوة للفدوة
شهكت وخليت ايدي على حلكي اباوعله بصدمه وخجل _
بيران _ ت تره عيب جاي تحارش
_ مو عليج على ليث
_ ها عبالي اي اريد نطيني
انطاني ليث وراح للشجره صعد لنصها واخذ عنكود اخضر يخبل متحمسه واباوعله بابتسامه مسحه بفانيلته ونطاني ياه واخذ ليث خليت وحده بحلكي وغمضت عيوني من حموضته بس طيييب انطيت ليث وهو بس مبتسم يباوع..
بلعت ريك _ تريد
_ اي كلش اريد
مديتله شوية بايده باوع لوجهي واخذها _ ما افتهمتي
_ تريد بعد
_ هواااي اريد
_ اخذ لعد
_ مو خاف تصير كارثه
_ لا هاي هواي عنب واصلا هنه مو مالاتك
ضحك وشمر وحده علي _ فاهيه
وتمشه رفعت جتافي ما مفتهمه هاذه شبي شكد يكوم يمسلت لحكته اكل بالعنب واتلفت
هو راح كعد على شجره بالكاع مشلوعه بحضنه ليث شفت تمر يخبل نص اصفر ونص مايع بس سكتت عيب هسه يكول هاي متشبع
كعدت بصفه اكل _
شهم _ توج تريدين تنشكين من العايط هسه رايقة
دنكت _ مو البستان حلو
_ مو تكولين يخوف
_ مو ذاك اليوم باليل ويخوف ما شفته هسه حلو
_ شعجب تحبين البستان
بلعت العنب الي بحلكي وكلت _ مو بابا من جان عايش الله يرحمه جان يودينه بالبستان مال جدو وجنت اضللل العب ومن توفه محد وداني وضلت بنفسي وبستان جدو باعو وبعد ما شفت بستان
_ همم الله يرحمة بس انتو وينكم وين البستان جنتو عايشين بالريف
خربب هم جفصت هم جفصت _
_ لا مو بيت جدو بالريف وجنا نروح
_ هااا فتهمت راح اخلي المفتاح النسخه عندج شوكت ما تريدين تجين اخذي نجمة وايهم وتعالو
هزيت راسي فرحانه احسه صار حباب _
كلت _ امي راح تسوي عمليتها الاحد اريد اروح باجر
باوع علي ورفع حواجبه رد ابتسم بخبث ونفى براسه _ جؤؤ
رمشت بخوف وضحكت _ ش شنو لا غير اروح
_ لا
_ ليييششش
_ وسممم من اطلب منجج شي مو تكولين لااا لاا
_ شوكتت كتلكك لا شبيك شهم علييك الله وعلي امووت
_ وسم لا تبرطمين هيج
_ شوف يعني ليش ليش غير اخذت الفلوس علمودها
_ اي خلي تسوي وعود يتصلون عليج
عصبت _ اي انهزم واروح ما يهمني
_ اقبض عليج بتهمه الاحتيال واخبصكم ولازم تنسجنين وتعوضني وامج تنجلط بالزايد وعمليتها ما تصير لان راح اخذ الفلوس وعيشتكم تصير زربه
باوعت عليه باهته ومصدومه _ شهم
_ عيونه
_ عليك الله لا تصير خبيث
_ تاخذين الگلادة وتقبلين اعتذاري مثل الخوش ادميه واصير ادمي ويااج
خزرته شكد لوتي وحقير لازم يخربها ويخليني اكرهه _
_ اكرهك
_ ميخالف
مديت ايدي بعصبيه _ نطينييي
_ وجعع تأذبي واطلبي بابتسامه
هديت روحي علمود امي اريد اروح البتسمت بعصبيه _ وينها الگلادة اريدها
مدها الي اخذتها بعصبيه وخليتها بيدي رفع حواجبه _
_ يله البسبها
_ عود بعدين
_ لا هسه واذا رفضتي ماكو روحه واذا نزعتيها انزع راسج
كلبت عيوني ولبستها _ شكرااااا
_ هاي مو شكرا هاي كوه عليج
_ اي لعد هيه مو كوه
ضحك _ لايكتلج صرتي صدك حمامه
_ انته ليش تكلي حمامه ويني وين الحمامه
_ تشبهينها
_ وين اشبها
ضحك وتلفت يدور استغربت _ شكاعد تسوي
_ لحضه بلكت اكو وحدهه دائما يجن اي ذيج باوعي
باوعت ما شفت شي _ وينها
_ تعالي يمي
_ كمت يمه كعدت وباوعت حمامة بيضة واكفه على شجره _ هذيج
_ الله والله حلوة
_ تشبهج
_ لا وين شنو مشبهني بحيوان انته ليش هيج
غمني _ امداج شكد ثوله شوفي ليش شبهتج بيها لان صافيه ناعمه بريئة
رجعت ليوره خجلانه من حجيه يعني اني لا احبه من يعصب ولا احبه من يصير حباب مدري شبيه _ هه لا تضل تجذب علي
_ ليش مجذب عليج من جنت زغير جنت اضوج واجي للبستان وتجي حمامة او ثنين يوكفن كدامي اضل اتمثل بيهن حيل حلوات بيض حيل ونضراتهن بريئة يخلني انسى همي واضل اركض وراهن اريد الزمهن واول ما شفتج هيج حسيت ارتاحيت من باوعت لعيونج
_ شهم شبيك
_ شبيه غير انتي سألتي ليش سميتني حمامة
كمت اتلفت بعيوني بس اريد اسد السالفه _
_ بعد لا تكلي حمامة
_ جؤؤ حمامة
_ مو من تحجي وياي هيج ما احس براحه اصير خايفه
_ ليش
_ مادري
_ حمامة تدرين عندي اسألة هواااي الج من ضمنها ليش جتج ذيج النوبه ومنو بافل وليش هواي تحجين حجي مو مفهوم
بلعت ريك _ كلهن بايخات ومو مهمات
باوع زين الوجهي واستغفر _ لج بابا انا مو جاي احجي وياج منو ضاربج هيج وجهج مخرمش لييش
توترت فركت يدي هسه يعصب علي لان ضربت غيد وهو يحبها نوب تونه تصالحنا هسه يطيح حضي _
_ هيج
_ استغفر الله همم كالت هييج انتي ليش تحبريني اعلي صوتي عليج شنو هيج ويامن تعاركتي وليش وجهج ازرگ
_ ويا غيد
_ اي ليييش
اخذ نفس اشجع نفسي _ راح احجي بس فدوة لا تعصب
_ هم كالت فدوة ديله ما اعصب
بلعت ريك _ مو ذاك اليوم قبل لا تجي غ غيد عصبت على ليث وضربته راشدي و...
نتر معصب _ شنووووو
نطيت _ ه ها ها
شهم _ ضربتمن لييث
هزيت راسي _ واني هم عصبت ودفعتها وعيطت عليها وضربتني راشدي وتمالخنا اني وياها
حجيتها بخوف غمض عيونه صاك على سنونه بقوة _ انا اعلمها
_ يعني ما معصبب عليي
باوعلي بخزرة _ معصب عليج لان خليتيها تضربج جان لازم تطيحين حضها مو دفعيها
مادري ليش حسيت بفرح بداخلي لان وكف وياي _ عادي عيطت عليها هم
مال راسه وكال _ خوما تضل اثر بوجهج
رفعت جتافي بمعنى مادري _
_ كسر بيدها نشالله
_ ميخالف
_ نجبي خوش نجبي
_ يا ليش
_ ليش انتي عارة جبانه جان لزمتيلج عصا شي وكسرتيها
_ يا عزا ليش مو خطيه بعدين ليش صاير هيج هيا مو زوجتك غير تدافع عنها
_ معليج
_ اوكي
_شهم _ اوي يهل اوكي
_ اووي شحجي ما يعجبك
_ يله كومي خلي نروح هاذا صار نعيجه نعس
بيران _ هو ليث شوكت شبع نوم
شهم _ حاطه عينج على نومته خفه وجهج
بيران _ لا مو هييج قصدي..
شهم _ امشي
سكتت ومشينا بدربنه اخذ عنب للبيت واخذ تمر جان اكو شلون السله هاي الي تصير من القش فرحت لان اخذ تمر لان جان بنفسي
.
.
.
.
.
من رجعنه للبيت الساعه 12 ف نجمة مسوية غده تغدينا ومن كتلها تصالحنا اني وشهم كيفت شهم كال الاربعاء روحي لبيت اهلج لان هسه ثنين ما ناقشته ماريده يقلب العصر جي شهم وايهم من بيت عمهم كال راح يسوون عزيمه لشيخ رائد وعازمين كل الگرايب وكال حتى انتن راح تروحن نجمة كيفت
جنه كاعدين بغرفتها وكالتلي
نجمة _ عود البسي هاذا الفستان يلوكلج
خليت مخده بحضني وكلت _ واني شعندي رايحه
التفتت علي _ شنو شعندج غير شهم كال ترحن
بيران _ هو قصده عليجن مو علي شعندي مدخله روحي ورايحه ابقى هنا لحد متجون
_ نجبي شبييج لا طنكرين اصلا مكيفه رايحه لان اريد اتباهى بيج عندي صقيقه تحبش
ضحكت _ تحبش شنو يمعوده والله ما اروح يروح يصير شي وهم تكع براس بيران ومالي خلك وعلي
_ حمامةةة شبيج عليج الله صدك تحجين
_ اي والله نجومه لا تضغطين علي وعلي ماريد اروح
سكتت وهزت راسها _ بكيفج
_ لا تزعلين
_ لا
تنهدت وطلعت ادري بيها زعلت بس اني ماريد اروح ناس ما اعرفهم ولا مختلطه بيهم من قبل شعندي رايحه اخاف يكلبن علي لو تصير مشكله وعيب اصلا هما مسميني ام المشاكل
رحت لغرفتي كعدت ضايجة انتضر شوكت اروح لاهلي عكب باجر مشتاقتلهم ...
نجمة ضلت ما تحجي وياي حضرت نفسها هيا وميار طلعت كلش حلوة لبست بينصل نيلي وفوكاه صايه نفس لونه وبي باردانه دانتيل فضي حلو وعيونها كلش حلوات مسحوبات وخلتلهه ايشدو سحبتهن بالزايد
جنت كاعده بالصاله ابتسمتلها _ شنو هاذا الجمال خفي علينه
باوعتلي صفح وكالت _ عود شكرا
ضحكت وباوعت على التلفزيون جي ايهم من بره وكال _ يله خلي نروح
باوع علي _ هاي شنو شعجب ما لابخه
_ ما اروح اني
ايهم _ ليش عيني مترحين
بيران _ بكيفي
ايهم _ طبج مرض
بيران _ ديله ولي ماروح حتى ارتاح من شوفه وجهك الخايس ابو الوصخ سلوكي العار ابو بريص
عاط بيه _ وسم وزقنبوت امشيي يله هاي داست دوسه ونص علي تفف على هاي العيون
بيران _ تف على عيونك البلق
ضل يعيب علي ويقلد واني ما مقصره الحد ما طلعت ميار ضلينا صافنين لابسه فستان لزك وهيا سمينه شويه والگثله صفره مطلعتها من الشال والماشكه هل كبر والمكياج عبالك عروس
ايهم _ صدك تحجيين هاي شنوو
ميار _ شنو شبيك
ايهم _ دمشي اغسلي وجهج لا تخزينا كدام الخلگ
ميار _ دمشيي عني صار ساعه اسوي بي
لزم راسه بعصبيه _ عباتججح وين
ميار _ هوينا
ايهم _ دلبسيها وضمي شعرج لا والحسين ماكو طلعه
ضلت تلغي على كيف ضمت شعرها ولبست عباتها باوعتلي نجمة _ دمشيي
ابتسمتلها ونفيت براسي _ لا عيوني روحي انتي
عبست بحلكها وطلعت رحت قفلت الباب وضليت اباوع على التلفزيون....
نجمة ..........
صعدنا بالسياره مال ايهم صحيح ضايجه لان حمامة ما جتي بس بنفس الوقت فرحانه لان راح اشوف صديقاتي بنات عمي وعماتي وكرايبنه كومه يحبوني منهم يحبوني ومنهم لا
ايهم _ نجمة جبتي عباتج
نجمة _ ها لا هو مو راح تطبكنا بالباب
ايهم _ استغفرالله ولج الزلم ملتمه
نجمة _ والله مادري بس لابسه هو صايه شلون العباه
ايهم _ اووف اوف منجن هسه شهم يرد علي وخو انا معتبريني قندرة بهاذا البيت محد يخاف مني
نجمة _ لا حشاك يروحي منو ميخاف منك
ايهم _ اي ضلي اضحكي علي ضلي
ميار _ كافي شبيكم راسي ديوجعني
ايهم _ من الراس الي مخليته فوك راسج مو
ميار _ معليك انته
وكف بسيارته كدام بيت عمو خالد الي بصفه هم بيت عمو حمزه الزغير والي غاد بيت عمو ستار وهما ملتمين يم بيت عمو خالد لان هو الجبير نوب زلم هواي بالباب وسيارت
نجمة _ يا شلون انزل
ايهم _ شنو شمسوية شلون تنزلين انزلي وامشي عادي
نجمة _ مو عيب ونوب شهم هم واكف
ايهم _ على شنو عيب نزلي خوية نزلي مو ياي انتي
نزلت ايدي ترجف لان خايفه حيل ومستحيه منهم ميار ولا يمها تمضحك نزلت راسي ومشيت ويا ايهم
جانو واكفين باب الصاله شهم وويا رجال لابس دشداشة وعباه وشماغ وعكال
رفعت عيني الشهم عاكد حواجبه طبت ميار توني دا اطب كال شهم _ سلمي على عمج يريد يشوفج
باوعت على الرجال وبلعت ريك _ هلو عمو شلونك
ابتسم الرجال _ هلا بيج عمو ما تتذكريني ولج
نفيت براسي _ لا والله عمو
ضحك _ انا رائد الي جنت اوديج للمدرسه
شكد فشله ما تذكرت ضليت ساكته ضحك وكال _ طبي جوه طبي
طبيت بسرعه مخليه ايدي على گلبة _ هاذا منوو خرب
اول ما طبيت تكومن علي البنات يسلمن بوست عماتي وكرايبنه وجناينهم وبيبي شكد حلوة ذيج المه الصاله متروسه بنات وكبار وجهال
كعدت يم رانية همستلي _ لعد وين حمامة
_ ما جتي
كالتلي _ شفتي الشيخ رائد
نجمة _ هو هاذا السلمت علي الشيخ رائد
هزت راسها _ هو هاذا رجل ذيج الحيه ام السحوره
ضحكت _ مبين خوش رجال
هزت راسها _ هو خوش رجال بس مرته لاء
حجت ابرار من بعيد بنت عمي الي ما مزوجه _ نجمة ملابسج يخبلن منين ماخذتهن اريد مثلهن
ابتسمتلها _ اشتريتهن قبل شهرين من مول بغداد
تمارة هم بنت عمي ما مزوجه حجت _ بيش اشتريتيهن حلوات
_ 50
عنود بنت عمو خالد مزوجه _ لعد غيد مرت شهم وين ؟
باوعت عليها وحجيت بهدوء _ يم امها
عنود هاي ما ارتاحلها لان جانت تحب شهم وسوتله بليه عليه عساس هوه جان مصاحبها وبلكوه حلوها وتزوجت وعدها 3 اطفال ولي هسه تغار علي من غيد _
ضحكت باستهزاء _ يكولون ما متعاشرين صدك
نجمة _ والله مشاكل بيناتهم ليش اتدخل واحشر نفسي كوة
ضلت تخزر نوب ابنها يبجي صفكته راشدي صرخت عليها بيبي _ كسر بايدج نشالله كسر تعال بيبي تعال
راح عليها يركض وهيا كامت للمطبخ تطافر شر
رانية _ هاي شبيها ط*** راح ينشك
كرصتها _ ولج عييب
رانية _ ماكتلج حمب قلبي جاي همينه
غميتها _ والله لو يدرون بحمب قلبج يطيحون حضج انتي ويا
رفعت جتفها رفعت عيوني وشفت نفس المرأة الي جتنه ذاك اليوم زوجه الشيخ تخزر بيه والمرأة الي يمها مرأة جبيرة صاحتلي
كمت عليها وكالتلي _ تعالي احبج (ابوسج ) يمه شكد حلوة
ابتسمت بخجل بوستني وضلت تحجي وياي وهاي سهى بس تباوعلي بقرف ما حاجيتها
بعدين بيبي هم صاحتلي ضليت احجي وياها تسألني على شهم وايهم ابد ما تفرق شهم وايهم تعد ايهم مثل حفيدها من ابنها اخر شي لافتلي فلوس بكلنس وخلتهن بيدي
_ بيبي شجاي تسوين والله عندي
_ ميخالف جدوده اخذيهن ضامتهن الج
ضحكت وبوستها جي ابن فراس ابن عمي كالي _ عمه عمو شهم يصيحلج
هزيت راسي وخليت جنطتي يم رانية وكمت لكيته واكف يم ممر باب الاستقبال بيت عمي بي ممر بنص يم باب الاتستقبال يودي للترك
كلت _ ها شهم
خزرني _ وين ذيج المصخمه ليش ما جاية
نجمة _ والله مادري قنعت بيها تكول ما اعرفهم شعندي جايه
استغفر وحجه _ شلون تخلينها وحدها بالبيت لج من ذاك اليوم الي صعدت بي الحايط شايفينها وطاشه باله طفرو عليها مادام يعرفون احنه مو بالبيت
بلعت ريك بخوف _ ص صدك وهسه شراح نسوي
ضرب على رجليه بقله حيله _ اروح اجيبها يعني شلون خاتون اله تشلع گلبي ايهم راح يجيبلج ليث ديري بالج علي
هزيت راسي وهو راح يبووو لازم تشلع گلبي ست حمامة هسه صار عليها شي
شوية وجي ايهم نطاني ليث وشافنه بنات عمي بسرعه طفرن علي _ لجج ايهم صاير صاك وعلي
ضحكت _ ها زحفتي
ابرار _ اي والله اخوج حلو ما يزوجني
حجت عمتي ام رانية _ شنو تزوجينه عرفه ورفه انتي ويا
باوعت عليها بضوجه _ تره ايهم اخوي شنو هاي الحجي عمه ليش تفرقين
_ ما حجيت شي غلط مو اخوج ابن امجج اخوج شهم بس
صاحت بيها بيبي _ لج صخيمهه شيخلصني من شرج بس اسكتي
ميار _ اخوها مو اخوها على شنو تدخلين شحارك حمامج لان ما اخذت بنتج الجبيرة اله هاي الحريكه مو جنتي تلوكيله هسه صار مو اخوها
خزرتها وكالت _ شنو ميته على ابنج العار الي ما معروف ابو واصله هذيج بنتي زوجت واحد مشبعها فلوس وخير
ميار _ اي لعد فكيني شرج ولا تحجين على ابني وعلي اكوم ادوس بطنج
بصراحه تفاجأت من حجي امي دائما تكدتر اذا احد حجى علينه بس فرحت وحسيت بفخر
عمتي وجها كام ينطي الوان تجتفتت وكعدت تخزر برانية لان كاعده يمي
كالت زوجة حسين ابن عمو خالد _ ايي اليوم مرتاحين من العشى جايبين طباخ راح يجيبونه الاكل ليمنه
ضحكو النسوان _ اي والله ملت رواحنه من الطبخ خلي يخدمونه شويه همه
بنت عمو حمزة الجبيرة عمرها 12 جتني كالتلي _ نجمة شوفيلي موبايلي ليش من اطب على اليوتيوب يطلب مني حساب اي واحد اجي علي يكلي ما اعرف
اخذت الموبايل من ايدها _ شو باله خلي اسويلج حساب
بنين _ تعرفين
نجمة _ اي يروحي اروح فدوة للگصايب
ابتسمت وكعدت يمي كالت عمى سجى _ عمي بنيتنه نجمة كبرانه وصايره مرأة بعدلها بس تزوج وتصير ام بيت
تلبكت ماريد احد يفتح موضوع الزواج بصراحه اخاف من الزواج گلبي يكوم يدك
حجت الحجية ام رائد _ لو ملحكه عليج جان اخذتج الرائد يبعد عيني شكد حلوة
كالت عمتي صابرين _ عمه شهل حجي مو مرته كاعده
يبوو شهل وضع كلها تباوعلي وتباوع السهى سويت روحي اسوي بالموبايل ندستني رانية _ حجي مرته لزكته بواحد وخلته يرجعلها
لزمتني ضحكه كالت عمه الزغيرة النازكه مالتهم _
_ لا نجومه تزوج واحد بكدها يلوكلها ويدلل هل وجه الحلو
ابتسمتلها وردت كالت _ شهومي وين اشو ما سلم علي
_ راح يجيب حمامة
كلها صاحت _ حمامة منهو
كالت سهى تمضحك _ خدامتهم
خزرتها وحجيت بحدة _ مو خدامة مربية ليث ونعتبرها من البيت وشهم هم يعزها ويخاف عليها تبقى وحدها وراح يجيبها بنفسههه
صابرين _ على كيفج شكالت اكلتيها وشربيتها لعد هيا مو تشتغل عدكم
نجمة _ صح تشتغل بس ما تخدمنا كتلج تهتم بس بليث ومعتبرينها مثل بنتنا نشتغل يوه وناكل سوه اصلا مرات اني الي اخدمها
رانية _ بس يا ابرار لو تشوفينها خلقه واخلاق تخبل تخبل الشعر ذهبي والعيون زرگ وبيضههه
سجى _ صدك تحمست اشوفها لعدد
رانية اجاها اشاعر من الموبايل ندستني _
_ خلي نروح نعدل رواحنه
دريت عدها شي كمت اني وياها رحنه لغرفه بيبي سدت الباب وكالت _ شوفي محمدكم
فتحت خط وكالت _ ها شكو
_ ها يروحي
_ شكو ليش متصل علي هسه
_ مو اشتاقيت اسمع هاذا الصوت
_ بلا جذب ليش تقشمر علي
ضحك وكال _ تدرين انا وياج هسه بنفس البيت
_ اي ادري شتريد هسه
_ اريدج
_ ما تنجب
_ وعلي اليوم اذا ما اشوف وجهج اموت
_اي لعد موت انته صاير فد نوب ادبسزز صوجي اني اذا ما احضرك
وطفته ضليت فاتحه عيوني _
نجمة _ هاذا شيمسلت شنو اريدج
رفعت جتافاتها بحيرة _ اكلج اشو هاذا جان بس يخابرني ويتشاقه او بس يشوفني كدام المدرسة صاير ادبسزز وكلساع كايل اريدج
نجمة _ رانية تره وعلي اكول الشهم هاذا محمد ميستحي
رانية _ خيولي باقيه ويا علمود الافلوس
باوعتلها بشك _
نجمة _ روينه اشو من كالج يروحي هذني الخدود صارن حمرر والابتسامه شويه وتشك حلكج
ضربتني وضحكت بتوتر _ لا تضلين تمسلتين شنو قصدج احبه ؟
هزيت راسي _
رانية _ هه مخبله شحب منه هاذا ابو الملاهي
نجمة _ اذا ابو ملاهي ليش باقيه ويا
رانية _ علمود فلوس
نجمة _ هاذا عذر يفيدج رانية
خزرتني وطلعت متهربه طلعت وشفت ليث بحضن بيبي تلعب بيه وتدلع ضحكت وكعدت يمها بس سوالف وضحك ...
بيران................
مليت من الكعده وحيدي خابرت بتول وكتلها اجي الاربعاء وحجيت وياها وطفيته طبخت اندومي كلبت بموبايلي لو رايحه وياهم احسن طكيت من الملل وكمت اخاف وحيدي
نضفت البيت وكمت اسمع اصوات من مخيلتي تخوف خليت سماعات بأذاني وصعدت للطابق الفوك امسح بالصاله الي فوك واسمع اغنيه _ ذكرتك _ كلش احب هاي الاغنيه لو شكد اسمعها ما امل
حسيت روحي كلش مشتاقه ليث لان كل وقتي ويا وهو راح من الصبح ويا شهم وبقى هناك راهمه على سوالفه وراهمه اضل شايلته واحجي ويا
جنت امسح بالماسحه مخليه بيها خازلي وامسح بالكاشي واغني وايا الاغنيه ما احس اله بنفسي انداريت بقوة من ذراعي صرخت برعب وغمضت عيوني عبالي حرامي
بس شفته شهم هم شهم هم صخم دفعته وصرخت _ تريييد تجلطنيييي
رجع لزمني بقوة وخزرني _ انتي ليش لازم تشلعين كلبي مو كلت الصبحححح كلكمم تجووون
بيران _ كلتتت على عائلتكك انيي شكوووو
شهم _ لا تعلييين صوتج اششش
غمضت عيوني فازه من صرخ بوجهي كلت _ شبيك ليش هيج وياي شبييك
شهم _ لج بابا انتي شنو ما تخافين باقية وحدج هنا ها مو كتلج ذاك اليوم شايفينج م*** باله طفرو عليج وش**** هاا
باوعتله بقرف _ تره لعبت روحي بهاذا فشارك وعلي
شهم _ تبره منج علي نشالله يله روحي بدلي بسرعهه زلم يتانوني يله
دفعني وجان اتخوصر _
_ ما
مسح وجهه بعصبيه _
_ روحي روحي عيوني لا تخليني ابجيج
_ شوف شوف والله استحي يعني اني لا اعرفهم ولا ابد خاف يكومون يعيبون علي لان خدامة
استغفر وكال متخوصر وماد ايده يحجي _ محد يحجي بابا اذا احد فك حلكه كليلي حتى افركه اله
نفيت _ مارييد
_ حمامة
_ هيه كوة ماريد هسه راح اروح انام واقفل الباب حتى محد يطفرلي
_ طبي بدلي بسرعه
_ ما
_ تره اجيج
_ ما ما ما
جي لزم ذراعي وطببني الغرفه صرخت بوجع اوخر بايده _ وخررر شبييك
_ تبدلين لو ابدلج انا
باوعتله بصدمه ورجعت ليوره _ اطلع بره
طبك الباب ورخى عيونه يحجي بنبره خبيثه _
_ حمامة
بلعت ريك _
_ ه ها ش شكو اطلع ليش سديت الباب
_ محد موجود تدرين
هزيت راسي بخوف _ اءي ب بس هسه يجون ششبيك تحجي هيج اكره من تحجي هيج
_ اي شي اسويه هسه محد يدري بي
يتقدم علي نقبض گلبي بخوف وحلكي يرجف حجيت بنبره خوف وغصه _ لا تخوفني حباب شبيك
انطبك ضهري باب الكنتور وهو جي علي غمضت عيوني بخوف ودموعي نزلن سمعت ضحكته فتحت عيوني وشفته يضحك علي ضربني على راسي
_ انتي على اي شي تبجين ولج اتشاقه وياج يله بدلي بسرعه راح اطلع
التفت وجان اركض اضربه بوكس على ضهره من حركتي التفت علي مصدوم عطت _ ليييش تخوفنيي ليشش تصيرر ادبسزززز وياي
ضليت ابجي واغلط علي اخر شي نتر بيه _
_ كافيييي مو كلت اتشاقه وياج يول
_ مو شقه هاذا
_ وحق الله اذا بعد تجاوزتي علي اندمج
_ لعددد لا تغثنييي
_ ما ارتاح اله اغثججج
خزرته غمزلي وطلع ضليت اغلط علي على كيف رحت طلعت الفستان الي نطتني ياه نجمة وردي فاتح يصير طويل بس مو مفروش حلو وناعم وبي خرز بصدره بدلت بسرعه ولفيت شال خليت كونسلر لان صايرتلي هالات وخليت احمر خدود ومسكاره وحمرة وردية
ولبست الجبه فوكاهن وطلعت اخذت جنطه وموبايلي نزلت شفته يخابر ويكول
_ بالطريق جاي بس صارتلي شغله صفح
ويباوعلي بخزره ضليت واكفه ساكته
طفه الموبايل وكال _ لازم تدلجن بوجوهجن
بيران _ يا شمخليه هو مسكاره شويه وكونسلر شوية واحمر خدود شوية وحمرة شويه
شهم _ ما كايله شي يابه صايرة وردية ذوق الهتلية
ما عجبني ضليت اعقج بحلكي واكلب بعيوني نتر _ يلهههه
نطيت ولحكته بس بداخلي فرحانه لان احد فكدني رغم ما اقربله شي خاف علي وتعنه يجيبني شهم ما جاي افهمه ساعه زين وساعه شين
صعد بالسيارة ضليت واكفه بره حايرة اخاف اصعد بالصدر ويفهمني غلط واخاف اصعد وره ويكول استصغرتني
استغفر وكال _ عيني ست شمنتضره
كلت اباوعله _ وين اكعد
_ بحضني
_ ايييع شبييك
_ وسم غير بالسيارة يلهه
_ قصدي كدام لو وره
_ اصعدي كدام شكو صاعده وره اشتغل عند ابوج
_ مو خاف يفهمون غلط
_ خاف لا يفهمون اصعدي
رحت صعدت بسرعه لان وضعه صار فد نوب شوية وينفجر بوجهي ويبعرها ....
صعدت ساكته الطريق يخوف وهو ساكت شوية ونوصل بيت عمه ..
تحمحمت _ شهم
باوع علي وجر حسره_ ها عيني الساهور
_ شنو الساهور
_ معليج شنو شرايدة
_ اخاف من يشوفوني وياك يفهمون غلط
_ والله كتلتيني باليفهمون غلط خاف لا يفهمون خوش شيريدون يفهمون مثلا
_ يعني عبالهم بيناتنه شي
_ احنه بيناتنه شي؟
_ لاععع كلت اخاف يكولون احنه كلشي ما بيناتنه اكييد
باوع علي ورد وكف السيارة حيل خلاني اندفع ليكدام _ يمهههه هاي لييش جان نضرب وجهي
باوعت عليه معصبه خله راسه على الستيرن وجر نفس _ حمامة
_ ها شبيك بيك شي ؟
رفع عيونه علي وبلع ريك _ بعد ما اتحمل
شبي هاذا شيتحمل التفتت علي _ شبيك شهم شما تحمل ؟
_ انتي
يتبع......
_______________________________
حـــمامة الشـــهم..🕊️
حــب وعــذاب.....🤍
ريـــِحانٍــة 🌿
ffaa22_
:حّاير مِن تجي بَيا وّرده ألاگيك ؟
ويَا عين التكفَي وبيها أخليك ! .
love31300 الابنية الي بسببها جاي اكمل كتابه خاف بيوم تنشهر روايتي ويصير عندي متابعين غيرها مستحيل انساها ودائما راح اذكرها 🤍 حاليأ عدها امتحانات وصاير ضغط عليها اريد اكلج انشالله تنجحين وتحققين حلمج ولا تستسلمين ابد ✨🤍