Zorina pov.
Ka roomah chuan thinrim tak in ka lut a, kan ngaihsakna a mawh miah lo tih hria ila chu kha ti khan ka ti tawp lo ang. Kan thatna hai derin tham lo zet zeta mi tawngkhum aching si ka pa fanu anih vang a biak tlang nel tum mai ka ni a, ka mizia nen hian ain rem thlawt lo. Ka ûnau nu chu nilo se vawikhat pawh sawi loh ka mangram ah pawh ka be hlek lo ang hrep tak hian
"U mam in beng dai teh", Sentei'n arawn tih vang chuan ka phun hluk a Sentei nen an mizia nungchang hi lei leh van vang vela in ang lo ani, Sentei chu azia azawi a venhim ngai reng ani. Tei ve thung chu sakawlh ang mai ania alak a in ven reng angai thung.
An ûnau diktak kan nih loh vang anih hi he ti khawp a min ngainat loh ni ka tih chuan Sentei chu angawi zui vang vang a ahnu ah "û mama tei hi ka nel lo keipawh in mahse kan û nau nu ania engtin pawh lo awm se kan sawi buai thei hlei nem. Anunah hian thil in thup lian tak he tianga anun hruai tu hi a awm ani mai thei asin", a tih chuan vawina ka pu thu sawi kha ka ngaihtuah chhuak zawk mai. "Duata mutpui angai ka kal mai aw", tiin achhuak zui daih a.
Vawinah damdawi pek tuma Tei room ka kal khan ka pu thusawi kha ka hre phak vek a, Tei thusawi nen anun hreawm dan tur ka ngaihtuah a, Nu tel lo a lo thianglian anihna te pa hmangaihna dawng lo nia ain hriatna te avang chuan ka lainat thar hle. Tei nu leh tuna ka pa hi lo chesual lo se chuan ka nu nen hian thlawi tawh hnuah an in nei lo anga tih te thlengin ka ngaihtuah a, mi chhungkaw kan va ti chhe vek nite in ka in hria.
Hmangaihna hi chu aropui a hriatthiam pawh ahar ka nu leh pa in tawn leh dan te hi amak ve ngawt mai. Mahse Tei sawi ang khan mumal takin Tei nu khan ka pa hian lo then hmasa sela atha tur. Kei chu ka pa tak pawh ala dam a mahse Tei chuan nu anei ve tawh lo ka nu lah hi nu angin angai bawk si lo a, tlema dawhtheih leh zual angai dawn anih hi. He tiang vang anih hi aluhlul in alung alen em em ni. Arilru tak tak sual lo mahse alang ah chuan tawh khir tak ani. Nilai atangin ain khung tawh a zirtawpah a hmel kan hmu ve chauh a thil engmah pawh aei lo ka hmeichhe hriat tawh azawnga la tawhkhirh ber hlial awm e
In hnuaih chhuk leh lo in khuma mu phahin Remremi ka be zawk a, ani nen hian kum 3 kan in zui tawh a that lohna sawi tur ka hre lo a, ka duh zia ka hria, ka hmangaih ngeiin ka hre bawk mi dang ka melhngai lo a pakhatah ka rinawm. Remremi pawh keimah ang tho hi ani Phone ka dah sana ka en chu dar 1 alo ri tep tawh a muthilh tum a mit ka chhing chiah tiah tap thawm ka hriat vangin ka harh vat ngun deuh a ka ngaihthlak chuan tap thawm ngei ani Tei room atanga lo chhhuak ngei ani. Rangtakin Tei room lam ka pan nghal a Tei room hi sentei nen kan room in kara awm ania Tei room kawngka chu alo in hawn avangin ka lut vat Sentei chuan Tei chu a ko a, Tei lah mit a chinga "Nu.. nu min kal san tawh su ibulah ka awm duh nu", a tia, alainat awm reuh lutuk a, a maimi chhing chuan hmeichhe duhawm deuh ania ameng erawh chuan amit meng thip ram chuan a hliah vek zel.
"Tei harh rawh i harh em", tiin sentei chuan a sawi leh dat dat a, Tei chu a rawn meng a "itha em", tia senteiin a zawh leh chiah chu Sentei kuah chawt in a tap ta hliam hliam mai a Sentei hawi hai taka min lo en chu lu ka buk khum a a hungah a chul sak a, atap ri chu a zawi tial tial a, a tap bang ta chu ka thaw huai thei "û a muhil in ka hria", sentein atih avang chuan an bul ah ka va kal a, Tei chu alo in tap hmuhil daih chu niin a in hnit leh faih faih thin bawk. Khumah chuan dim tein ka mut a, pawisawi loh hmel zet hian a mu a a lukham pawh a tahna aniang a val kulh mai
."Duata nen mutpui mai rawh u", ka tih chuan Sentei chuan a huphurh hmel viau a, mahse a khawngaih ve tho ani chek ang aroom ah va kal in Duata chu a rawn pawm phei a Tei khumah chuan dim te hian amut a.
"A mangah anu a hmu aniang ka khawngaih reuh e", Sentei'n atih chuan mu tawh rawh atlai tawh tih leh chhuah tumin ka ding a, mahse Tei chuan ka kut chu alo chelh bet tlat a chhuak ta lo chuan Tei khum bul chhuatah thu thla in min vawna kut chu ka en a ka nui deuh suk mai
"Ila mu dawn lo ami", sentei'n atih chuan ka lo veng ang che u ka tia ahnu rei lo te ah sentei chu a thaw ri sak sak a
Tei chu ka en a, a hmaifang dik zet mai te, apianpui sam ni miah lo a sam rangkachak rawng te chu a in hmeh tak zet a a vun ngo tak te a pian dik zet mai te hi mipa tam tak chuan an it ngei ka ring. Mahse ka tan chuan ka nau ani tlat a nau ang chiahin ka en bawk. Ka kut a vawnna chu thlah ka tum lo a, aduh thua min khawih ve na hmasa ber anih vang pawhin ka tan chuan ahlu ani.
Ka harh hlawl Tei mutna lam ka en chuan alo awm tawh lo a, bathroom ah thawm a awm vangin bathroom ah alut anih ka ring a kei pawh ka roomah lut in ka in ti fai zung zung a in hnuaih ah ka chhuk nghal a, choka a Tei fridge bula lo ding chuan amit fiante in a lo dep a ni zan khan atap nasa bawk a, a mit bui ahlau ve ani chek ang Senteii pawh a men rei chang a a mit a bui hian Tei tih dan ang hian a ti ziah
Thingpui i duh em? Min chhan let pawh ring vak lo chung hian ka ti a "Aw a hang khan aw", atih chuan ka nui chhuak hak mai. Chu tah thip ram a min melh in "enge" arawn tia. Fiam ka chak leh tlat pek a
"Nulat lai tangin i tar nghal ani maw", nui suk chung a ka ti chu vin deuh a min chhan let in ring reng in ka awm mahse "a seng hang khan aw", a rawn ti daih a, a mah nen hian ain rem hlawl lo.
Dawhkan ah thingpui chu ka dah sak a, chhang thawp chu a ban a jam atat nghal zat bawk ache vel chu ka lo thlir reng ani ngei ang "i duh ve ami", min melh deuh ha pah hian atia. Ka sawi tur hre mai lo chuan aw ka ti ve leh ri ngawt zingkara chhangthawp ei chu ka tih than lo tak ni mahse eitur min pek ve vawikhatna ani bawk a tui ti deuh in ei mai teh ang.
"Ehe", tih phahin ading thut a aroom lam ah atan chho nghal engtak chu ni ang maw katih laiin polythene par hi a rawn khaia dawh kan ah chuan abun rui a, ei tur chi hrang hrang chips te, thei lam chi te damdawi te atel. Ni mina ka pu lo ken anih ka ring. Ka pu hian kan ûnau hi min nel deuh angin a awm lo na chungin harsatna kan tawh chuan ka pu hi ache hmasa ber zel. Arilru achhe lo a atu te ang tak takin min en a, mahse chu tia han ti lang vak chi aniin ka hre lo. Tei hi chu adan adang deuh ani mai thei Tei hian ka pu lo chu neih dang nei lo angah ain ngai maiu a ka pu tan pawh kehthei dawma a dawm mai loh chuan tih ngaihna awm lo. Ka pu hian aduat em em a, bike lei angen a alei sak nghal kha ania. Sentei pawh a hma daih in Scotty alei sak a, keipawh Doctor ka zir chhuah tirh khan a lawm nan Car min lei sak nghe nghe.
Chhangthawp leh Chips chu a ei a, "i ei ve duh ami", a rawn tih chuan lu ka lo thing. A che vel chu ka mit sir ru reng a, a no leh ka no chu ala a sil thlap bawk. Henu hian harhtharna a chang emaw ni nge ni zan vang khan ain thlahrung zawk le.. mahse ka ring chiah lo engpawh chu nise tuna a mizia hi ka duh daih zawk.
Sentei leh duata tih loh chu kan tho vek tawh a, Tei pawh room ah a awm leh tawh aniang a reh leh vang vang tawh a. Remremi'n tlaiah chaw a rawn ei dawn bawk. "Sentei te an la tho lo ami", Hmingpuia chuan atia.
Im Tei chu atho tawh chanchinbu bih chung hian ka ti a. "Ehe khawiah nge i kal dawn chaw i ei dawn lo ami", Muanpuia ti ri ah chuan ka hawi chhuak a Tei chu in siam peih at in a helmet nen a lo ding a.
"Zinglam chaw hi ka ngaina lo e taka muanpui pangpar dawr awmna i hria em", atia
"Teh daih che chuan ka hre lo pangpar ka lei ngai lo. Johana khan a hria ang", alo ti liam puata a phone a bih run mai.
"Hana khawi lai velah nge an zawrh a" Teiin atih chuan Johan-a chu a nui put put a "min ko duat bawka nalh deuh an zawrhna hmun ka hrilh ang che. Bawngkawn ramhlun road lo lampang ah traffic point thlangah khan zotei pangpar dawr tih lianpuiin alo in tar ang", tiin a in hrilh nasa khawp mai.
"Enga tan nge itih" Hmingpuia chuan a tia. Nui var var chung hian "ka tan a mi special tak ka pek tur", atia. Tei chu kan en ha hlawm. "Bialpa i nei ami", Muanpuia chuan ati chiah reng a
"Nang lah hi mipa in pangpar enga tan nge kan tih ang. Mahse i bialpa i pe dawn ami", Hmingpuia chuan ati ve leh a an va hahthlak dun tak.
"Immmm.... Ka hmangaih deuh mai ka pe dawn a anih phawt u", tiin a chhuak zui daih a. "Tei hi chu a van chhe lo ve chiang tak", akalna lam thlir zui vang vang phahin Johana chuan atia. Keipawhin ka pawm thlap unau nu chhe lo zet ka nei bik ania
"Tukin a mizia chu adang a nui vel a", Muanpuia chuan atia chhan en ah kan en lo a ni chek aniang tu man kan chhang lo Sentei te lo tho chu an lo fiam a mut hi a duh leh lutuk a a buai thlak chang atam.
Dar 3 ari tawh a Tei alo la haw lo a, Remremi leh Sentei chu an ti ti a,Sentei birthday lawm dan tur vel an sawi nasa mai. Kar leh Friday hi a birthday ania kum 18 a pum ve dawn ani. Johanna leh Hmingpuia nen rawng kan bawl a Sentei leh Remremi ten eng eng enawni an lo siam ve bawk a, Duata leh Muanpuia'n Games an khel dun a an ri chel chul mai.
Bike ri a hriat rual in "aû a lo haw", tih leh pawn a tlan chhuah a rual a sana ka en a dar 4 a ri tep tawh. A helmet pawh phelh lo in Duata chu a rawn pawm luta a kut leh lam in JCB remote control theih a rawn keng lut bawk.
"Duata chu i û in a duat bik hle mai che", Muanpuia chuan atia. Couch ah duata chu a nghata a JCB lo hawn sak chu a pe a, ka sa siam ka chawh leh lai chuan "engtin nge i in tih pilh remrum theih a nula ve uai tawh si", Muanpuia chuan atia ka beng a verh zar mai Sitting room lam ah chuan ka kal phei ve nghal a Tei ban a lo pilh ve rim rem leh a ke kawr lo bal te chu ka hmu ve chiah.
"Engmah ani lo ana lo, ka tawlh thlu a, tih leh din arual a a room lamah chuan a kal nghal daiha.
"Hmeichhia pawh a ang lo, tam tak chuan ana an tia nga an tahpui vel ang", Muanpuia chuan atia
"In ngaihsak peih ka ti, kha tiang nungchangmawi hre lo ropui si in la ve khang langa", Remremi atih chuan
"A fel ve reuh lutuk i hre lo mai mai anih kha", Sentein a lo ti vat
"Ka awi i ring em", tih phahin a nuia min rawn en a, ka lo hawi sawn deuh hmak ka sa siam lai bawk ka vil leh. Ka bialnu mahnise Tei asawi chhe ri ngawt thei bik lo.
Zan a ka thlah chuan "i awm dan hi adik lo min nin hmel riau in ka hria", Remremi chuan atia. Chutiang a awm loh thu ka hrilh chuan a pawm lo viau nge ni "Tei ka sawi hian i awm dan adik thin lo. I ûnaunu tak pawh ani lo a", atih leh chiah chu ka sa ve phat mai "ka ûnaunu anih saw thisen in zawm chauh hi in chhungkhat emaw û nau emaw an ni lo, Tei hian kan lak ah i chanchin achhe zawng in emaw atha zawngin emaw asawi ngai lo nangchuan i ngainat loh zia lan tir in i sawi reng chu anih hi", ka tih chuan athinrim ngang mai.
"I ûnau tak pawh ni lo chu i va tan awm ve a Zorinpui hman ni lawk a in in hria a, ngeni in in karah hian eng emaw a awm ani lo maw", atih rual chuan ka motor khal lai chu kawng sir ah ka ti ding chawt a.
"I mâwl em ni a", ati vin tuarh mai. Ching deuh a en chung in ka û naunu ani abak eng mah a awm lo. Sentei ka en ang tho in ka en bawk kan in chhunga mo i dawn chuan Tei hi en hrang suh ka ti chang fak a tawng leh atum chu ahmuiah ka zu kiss zeuh a ka in la hrang leh nghal vat, kham loh hmel deuh hian min en a ka lo nuih suk mai. Ain thleng ka thlah haw a
Sentei pov..
Tei pawh class alo joint ve thei tawh a, class ah chuan amizia ngai reng ala chhuah. Malsawma pawhin angaite bawkin min zui leh min tih buai abansan thei lo a, basketball team ah an captain ani bawk a. Ahmel atha reuh sia hmeichhe zingah chuan atla na ve ang reng. Debo-i te thian ho hian an in ti ta tu tawp a, Debo-i hian angaizawng hle niin asawi adik ka ring azui peih e mai.
Kan college canteen ah ka in ei puar a, Tei chu ka hmu ve ngai lo kan college campus chhungah hian thutkhawmna bik ka ti mai a class kan off lai a kan thutna ber ania, kei pawh akil sirah chuan thuin ka phone chu ka khawih a Debo-i te thian ho chu ka lam panin an lo kal a, lo hmuh loh der ka tum ngial a ka hmaah chuan an lo ding chat mai.
"Lalremruat kan hrilh tawh che ani lawm ni. Kan thu sawi iva awi lo ve Malsawma hi lo zar buai ve sek suh", melo chuan atia ka ngawi reng ka zak lutuka sawi ber tur ka hre lo hial zawk.
"Nangni ang middle class ve mai mai hian Malsawma hi in phu hlawl lo. Engni mang silo hian mi ngaihzawng te ilo chuh pui a", asangi chuan ati leh a
"Ka chuhpui lo kan in ngaizawng bawk lo", zawi tak chuan ka tia.
"Iva han zak thei lo tak", tiin ka hmaiah chuan Melo chuan arawn beng thuai a, ka thle sawk mai.
"Tu mah rawn i rawlh suh anih loh chuan he college atang hian in chhuak nal nal ang. He college a principal hi ka pa anih hi", Melo bawk chuan ati leh a tu mah an rawn in rawlh ngam lo.
"Nangnu kha kan sawi hi hre reng rawh", an tih chuan ka ding chhuak a an mahni melh ran chung hian "in bialpa hi enga tan mah ka ti lo chuan kei nilo in Malsawma zawk khan alawm min zui ve ri ngawt che u hian", ka tih chuan Debo-i chuan min rawn kek a
"I va han zak thei lo zawt zawt ve min han chhan ve ngam chu le nang ang lep chiah lutuk mipa dang i hmuzo thawl lo nge, i hmeichhiatna hmang hian ilo thlem thin zawk", tih leh chhutah min theh thluk arual a, ka ri thla chawrh mai.
"Hmeli min rap ania", tia aw lo chhuak chu tunge ani tih ka hre chiang lutuk.
"Engmaw i sawi a saw tah va kal rawh ka khawih i duh ve loh chuan", Debo-i chuan ati tan tan a.
Lawmsangi chuan min rawn kai tho a, "office ah sirin min ko a, ni chin khan Debo-i ten mi an ti buai an tia nangmah i nih ka ringa ka rawn tlan vang vang", hah thaw hluam hluam chuan atia, ka sam chu min chul mam sak bawk
"He lai a zawte aw nalh lo zet lo hram ve chhen ka nin zia hi", Tei chuan tham lo zet hian atia.
"Ve khang lang che chuan", tiin melo chuan be a tuma Tei chuan akut ah lo man sakin "nangni ang khawih mai mai theih ka ni hlem, mahni pa te nihna chhuang tak a chapo taka leng thin te hi chu an daih rei ngai lo ania, a ber emaw in ti suh", tiin melo kut chu apaih thlak sak aten hmel zet a melo kut a vawnna chu en in "in bual ve thin la thian nu", tiin ngei awm zet hian anui a, a romol in akut chu ahru fai a
Zawngi tih tuar pahin an thian thum chuan Tei chu an beih rawn a, Asangi chu alo pet thlu a, Melo chuan a sam ah alo kek a, Debo-i chuan atheih na lai lai ah a lo chum a, Asangi kal leh tur chu Lawmsangi nen kan lo man bet a, mipa 2 tha chu hneh hek lo a tal laih laih a
"Ana lutuk", ti tuar ri kan hriat rual a kan hawi chhuak chu Tei chuan Debo-i sam ah chuan alo tham sak a, akut leh lamin Melo sam ah alo kek ve bawk.
"Kut te min han thlak ve khang lang chu le", tiin Melo chu apaih thlu a, a chhir zui bawk Debo-i a kehna chu athah duh mai lo a "Hmelchhe nu lak no chiah hi ani lo ania, mipa in an hlau daih mai ang che", tih pah in Debo-i chu abeng ri thlawp thlawpa "nungchang mawi hre lo lutuk hi chu he tia tih tur", tiin akut pahnih chuan Debo-i sam ah chuan atham a a hnuk thlu pawp mai
"Nangnu kha", tih pahin mipa pakhat chuan Tei chu a rawn theh thlu pawp a asir bangah chuan ari thla chawrh mai
Chupa chuan Debo-i chu akai tho a anat leh nat lo chu azawt a, Debo-i chu atap hiam hiam a chupa bulah chuan Tei chu ahek zawt zawt mai.
Chupa chu Tei lamah chuan akal a "vawi khatmah ka nau hi lo ti buai tawh suh", tiin a kawr awm ah atham a Tei'n chupa hmaiah chuan a chil a chhak thawt a Chupa thinrim chuan teichu abeng pawp a chhutah ah tei chu a tlu zui nghal.
"Nang kha i naute thiam loh anih kha", ka va ti chu "lo ngawi hmak rawh", tiin ka lam pan chuan arawn kal a. Ka kawr awmah chuan atham a "mirethei ho nin awm zia hi, hmeichhia chu nilo la ka that ang che", Tiin min theh thuai a Lawmsangi chuan min lo vuan bet vat.
"Mipa hmeichhe laka in hrosak ching Thuiiiii kan ten lutuk, khawi maw mipa nge inih hmeichhia ka lo en chhin ilo nei khawp ange", Tei chuan arawn tia amah ka va en chu thei leh thei lo hian alo ding a, a kam sir chu a thi a chupa in Tei khawih atum leh lai chuan an lo dang a, "kha laiah khan buaina a awm em ni", kan Vice principal chuan arawn tia, an lo awm sawn dial mai.
Min rawn en a, Tei leh chupa chu a en , chupa hnunga Debo-i tap leh Asangi leh Melo pawr phunga lo ding ahmuh chuan "office ah min rawn zui rawh u", atia.
"Lo in rawlh ve suh", Tei khawihtu chuan ati hmuk a.
"Lalliansang college hi i in chhung ani lo tih hria ang che", Vice president chuan atia. Debo-i in chhang tawh lo tur a tiin Vice principal hnungah chuan an kal a
Min rawn en in "lo kal rawh", Tei'n tih chuan rang deuhin ahnungah chuan ka zui ve dat dat a, Principal room a kan luh chuan Principal chuan kan buaina bul min zawt a, Debo-i te thian ho chuan dawt in min puh char char
"Pa an thiam loh hmasak hi alawm kut te min thlak a, û valtea hi lo kal lo phei se chu", tiin atap a. Chawp leh chilh a dawt sawi thei chu mak ka ti zawk
"Sawi duh in nei em", changfak hian Principal chuan atia.
"Mahni fate dik lohna hmu thei miah lo dawt an sawi pawh a ring bur chi hi pa tha an awm lo ania. Nang phei chu helai hmun a Principal hi i ni leh nghal a", Tei'n atih chuan huaisen hi kan ti khawp a
"I tawng ava chal tlai ve", tih phaha kan lam a lo kal in Tei chu arawn beng a Melo te ho chuan tih fuh in tih hmel zelin an lo nui a.
Sir hei hi thil awm zia chu ani tiin bul atang thil thlen dan zawng zawng eng kim leh student lo awm ve te pawhin thudik an hriat vek thu ka hrilh pawhin kan Principal chuan "min zah lo in chhungte phone rawh u ka hnawt chhuak dawn he u nge ka suspend dawn che u in chhungte lo kal hunah ka sawi ang", ati hmuk hmuk tawh sia, Vice-president pawh in khap daih atum pawhin athei lo.
Ka û chu ka call a ka nute in checkup tur a an kal kha naktukah chauh an lo haw dawn sia ka û ka call tawp.
Ka û ka call a tiin Tei chu ka hrilh a lu a bua, a jacket ip te chu azen a aphone chu arawn phawrh a, a Samsung Galaxy S 23 hmai chu a lo khi a "hrep tak hian", tiin aphun zui hluk. Debo-i thian te chu an in kheuh zeuh zeuh a. Tei phone hi US a awm lai a aneih ania, aphone hi a uluk thei lutuk aman pawh ato a keini ang neih chi ani lo, ngen tal ila chu min lei thei tho ang mahse atul ka ti lo. Tei erawh adan adang thung a, ka ni ten an duat viu bawk.
"Pu kan college ah lo kal rawh tunah, tlai suh", tiin phone chu adah nghal a. Ka pu alo kal dawn chuan engkim afel fai dawn sa.