ليش من دون البشر ؟
< صدفه المتنبي >
بقلمي انا سعيده الزيدي
قراءه ممتعه ....
------------------------------------
ريحانه :- بقيت واكفه بلبلكونه شارده بأفكاري شويه وشفت اجت سياره عمي فتت للغرفه مددت ع جربايه حاولت انام بس عيني متاخذ نوم
ندكت الباب صحت
:- ادخل
دخل عمي يمشي بخطوات ثكيله
كمت وكفت حجيت
:- تفضل عمو
ابتسملي وكعد ع جربايه
واني جبت طبله ميز التواليت
وكعدت عليها مقابيله تنهد وحجه ...
عامر :- شفتي بنتي شفتي هاي المره الي هايه امج شسوت بينه اجت وفضحتنه كدام الناس
مو معقوله الوقاحه وقله الأدب العدها
بنيتي هسه انسي الموضوع وركزي زين بلي اكوله
انتي بنت اخويه وحبيبي المرحوم سامر وانتي تعرفين ماافرقج عن مرتضى ولا سيلا
ولو بشويه ..
ريحانه بدموع :- اعرف عمو اعرف اني اشكرك كُلش
سكت عمو شويه ورجع حجه بنبره حاده
عامر :- اذا قررتي تلحكين امج وين ماراحت ماراح
امنعج صدكي ابد مامنعج
بس بوكتها. انسيني نهائياً
مفهموم ؟
انتي مثل بنتي ومااتمنى يصيبج شي مو زين بس اذا رحتي وياها راح ادير ضهري وامشي ومن بعدها ماراح تشوفين وجهي ابد
ترحين او تبقين يمي هذا يبقى خيارج
ريحانه :- اسمع وابجي بسكته اريد اجاوبه مااكدر خانكتني العبره بلكوه كدرت احجي
:- اني ماتت امي من مات ابويه وبهلوقت ماعندي احد غيرك اضل يمه
ابتسملي برضا وكام باس راسي وحضني حجه
عامر :- الله يخليج الي ياحبيبه عمج ....
طلع عمي واني بقيت كاعده حسبه تجيبني وحسبه توديني وكل شويه نازلات دموعي
وهكذا لأذان الفجر كمت توضيت وصليت قريت قراءان شويه رتاحيت
حطيت راسي ع مخده ماطولت شويه ونمت ....
5:00 m..
ريحانه :- كعدت ع صوت المنبه طاقتي صفرر
سويت روتيني المعتاد
وطلعت من البيت متجهه للمطعم
الجوو بارررد مكتفه اديه وامشي سريع اسمع صوت ورايه يتقرب
:- ريحانه
ريحانه
ريحانه
عرفته مراد كلبت عيوني وغلست امشي كأنما ماسمعه لحد ماصار ورايه حاجاني التفتتله
مراد بأبتسامه :- مرحبا شلونج
ريحانه :- جاوبته اني وامشي وهوه يمشي بصفي
:- الحمدلله
اسفه بس مستأخره على شغلي
مراد :- اي واني هم رايح للمحل وعبالي هم تجين للمحل
ريحانه :- وكفت عاكده حاحجبي وباوعتله بنضره تساؤل
مراد :- ااء اقصد عبالي تجين للمحل وتشترين الخلاط
ريحانه :- لا مرايحه للمحل
غفته وكملت مشي وهوه لحكني يمشي بصفي سرعت خطواتي ليشوفنه احد ويسويلي مشكله بس لا مفر منه ستمرينه ع هلحال لحد ماوصل المحله وراح عليه يله عتقني
واني وصلت الشارع العام وصعدت بكيه للمطعم ....
ذبتني الكيه قريب ع مطعم نزلت
ع رصيف انتضر الكيه تمشي حتى اعبر السريع مشت الكيه
باوعت للشارع حتى اعبر صارت عيني بوجه امي واكفه ع شارع الثاني وهيه تباوعلي مبتسمه فرحانه
امي لو متوهمه ؟
اي امي امي ليش منسجنت ؟
طكلي شريان من العصبيه
عفت هلأفكار وعبرت الشارع بسرعه وكفت ع رصيف وهيه اجتني تركض تريد تحضني
بس من شافت رده فعلي وبرودي نزلت ايدها
حاجيتها بحده
:- حضرتج شسوين هنا
افنان :- بنيتي بس اسمعيني شويه انتي فاهمه غلط
ريحانه :- ليش حتى اسمعج اني لا اريد اسمعج ولا اشوفج
هدييييني
هدت ايدي مصدومه من كلامي
عفتها ومشيت بخطوات سريعه لحكتني ولزمتني من ايدي وكفتني وحجت
افنان :- ريحانه اترجاج متسوين هيج وبعدين اني منو بقالي غيرج
ريحانه بنتر :- كتللللج ماريدد اسمعج عوفيني
افنان :- ريحانه الله يخليج بس باعيلي باعي احنه راح نحل كل المشاكل
احنه مابقالنه غير بعضنه
ولازم نبقى سوا
ريحانه :- اني مااريد واحد حتى ابقى وياه وبكل صراحه خصوصاً انتي ..
عتيت ايدي منها ومشيت
افنان :- اوكفي بني اوكفي
ريحانه :- رجعت لزمتني وكفت بنفاذ صبر ابوعلها صافنه ع ركبتي
اني جنت لابسه لفاف احمر من خيوط حياكه
ابوعلها مستغربه ابتسمت وحجت بهدوء وعيونها مدمعه
افنان :- شوفي هذه اللفاف
اني سويته الج تذكرين هههه انتي لابسته تذكرين من بقيت سهرانه كُل الليل احيك بي
ريحانه :- تخبلت من حجت هيج سحبت اللفاف من ركبتي بعصبيه
وصحت
:- لووو مذكرره انتي سويتييي جاااان مالابستتته
شمرته بلكاع وهيه سكتت مصدومه عفتها ومشيت دست. عليه وعبرته ....
وصلت للمطعم ارجف وامسح بدموعي لكيت مروه واكفه هيه و الكرزون يسولفون من شافوني سكتو اجتني مروه تحجي بخوف
مروه :- ريحانه شلونج
ريحانه :- موو زينه ابد
مروه :- شكو شصاير شبيج
ريحانه :- هيج
مروه :- ولج شصايرلج احجيي
ريحانه :- ماكو ش...
:- ريحانه المدرير يريد
ريحانه :- لييش ؟
:- ماعرف
ريحانه :- باوعت لمروه بنضره تساؤل هزيت ايدي وحجيت بنتر
:- يمكن هليوم ماراح يعدي ع خير
صعدت ع مدير دكيت الباب وصاح ادخل كلي اكعدي كعدت مقابيله ع كرسي
وجها احمر من العصبيه
حجه بصياح
المدير :- اني ترزلت ع الشي الصار البارحه
وليش ؟
كله بسبب تصرفات حضرتج
ريحانه :- دنكت راس خجلانه
رفعت راسي وحجيت
:- استاذ الصار هوه وكف كدامي
يعني الصوج مو صوجي
المدير :- هاا هيج الحجي خوش منا وهيج تكدرين تكعدين ابيتج وخليج انتي الحق
انتييي مطروووده
ريحانه :- شنننوو ؟
المدير :- مثل مسمعتي تفضلي برا
ريحانه :- مو مشكله انطيني راتب اخر عشر ايام
المدير :- لااااه انتي صدك ماتستحين ماتردين بعد ننطيج تعويضات اضافيه
رووووحييي لجج
ريحانه :- كمت ضربت ع طبله وخليتهن عليها ايد منا وايد منا واستندت عليهن قربت وجهي عليه رفعت تك حاجب وخليت عيني بعينه وحجيت من بين اسناني
:- اريد حقي مو صدقه منكم خوش
المدير :- اي ديلهه يدزونهن الج
بنهايه الشهر وي قبضه الموضفين
يله طلعي منااا
ريحانه :- خزرته وطلعت شايطه ناررر
التمو الكرزونات وسولفتلهم الصار
ودعتهم باوعت لمروه تبجي
تقربت عليها وحضنتهل حيلل
مروه :- واني همات راح اعوف الشغل
ريحانه :- بلا هلسخافات شهل حجي
مروه :- ماكدر مادري شلون اشتغل وانتي مو ويايه
وبعدين شراح تسوين بدون شغل
ريحانه :- بغداد محافضه كبيره
وان شاء الله الكه شغله ثانيه
مروه :- اووف
ريحانه :- رجعت حضنتني شفت المدير نزل ويباوعلي
بتعدت مره من شافت المدير
حجيت بسرعه
:- موفقين شباب
عفتهم وطلعت امشي مختنكه كل يوم طالعتلي سالفه ...
علي :- بعد ما خلصت شغلي رجعت للبيت ب 12 تغديت ونمت ماكعدت لل 5:30 سبحت
وترتبت ركبت السياره وطلعت بوجهي للمطعم حتى اشوف البنيه ماعرف شنو الي جاي اسويه وليش اتجاهل كُل اسأله عقلي وامشي ورا كلبي
تيهت الطريق وماعرف المطعم وين صاير بضبط دكيت ع فهد
:- ها يول
فهد :- خيرك
علي :- اكلك تيهت المطعم ومادري وين صاير دزلي الموقع
فهد :- ليش انته جاي ع مطعم ؟
علي :- شنو هلسؤال الغبي مثلك يله دزلي الموقع بسرعههه
سديته بوجه شويه ودزلي الموقع واتبعته
وصلت قريب ع مطعم هيج جاي امشي بسياره وصدفه التفتت ع سايد الثاني وصارت كبال عيني
تمشي ركزت زين هيه لو متوهم
هيه نفسها حاضنه اديها من البرد
وتمشي سريع ومدنكه ....
للحكايه بقيه ...
------------------------------------
لا تنسوا متابعه الحساب والتصويت والتعليق على كل فقره ....