مريم بصت ل لينا :يووه بقا اخدتني في الكلام و نسيت تعرفني مين دي
عمر :دي لينا يا بنتي
مريم :اااه انتي بقا لينا
لينا باستغراب :اه انتي تعرفيني منين
مريم :عمر اصلا مبيخبيش عني حاجة
لينا :و دي مين بقا يا عمر
عمر بابتسامة:دي مريم و تكون البيست فريند و من أقرب الأصدقاء ليا مريم جارتي من زمان
لينا :ااااه عشان كدا حكيتلها عني
مريم بابتسامة :انا و عمر اصلا مش بنخبي عن بعض حاجة
لينا : ربنا يخليكو لبعض ... و هي دكتورة زيك برضو
عمر بيضحك : لا مش شرط يعني مريم خريجة سياحة و فنادق و بتشتغل في شركة باباها
مريم :وانتي بقا يا لينا لسة مفتكرتيش
لينا :انتي شايفة ايه يعني لو افتكرت كنت رجعت لاهلي
عمر :صحيح يا مريم كنت انا و لينا بنشوف هتدخل كلية ايه
مريم :دخلها حقوق ولا تجارة او آداب ممكن تمشي فيهم
لينا :ايه تمشي فيهم دي علي فكرة انا اكيد كنت شاطرة يعني
مريم بتضحك : مقصدش بهزر معاكي بس بشوفلك حاجة سهلة عشان تدرسيها
لينا :لا ولله فيكي الخير
عمر حس ان مريم كلامها ضايق لينا
عمر :مريم قصدها اللي تشوفيه و اللي يريحك مفيش حاجة سهلة ولا تجارة ولا حقوق ولا آداب بالعكس دول من أصعب الكليات
لينا :شوفتي بقا عموما انا لسة بفكر
_________
آدم اغمي عليه و وقع
يمني :الحقنا يا دكتور
الدكتور : طب دخلوه الأوضة بسرعة
الممرضين دخلو آدم الاوضة و نجوي و يوسف و جاسر و يمني دخلو عنده
الدكتور أعطاه حقنة و علقله محاليل
نجوي ببكاء:ابني عنده ايه يا دكتور
الدكتور :ابنك عنده اغماء و هيفوق ان شاء الله متقلقوش
يمني :طب انا هروح التواليت و جاية
جاسر خرج وراها و شد يمني من ايديها بقوة
_________
مريم :طب انا لازم امشي عشان بابي بعتله مسدج انه عايزني
لينا في سرها:احسن برضو
عمر :ليه يا مريم خليكي
لينا :نورتي يا حبيبتي بس زعلت انك ماشية ملحقتش اتعرف عليكي اكتر
مريم:الأيام جاية كتير و اكيد هنتعرف اكتر
لينا :أن شاء الله
مريم:يلا انا لازم امشي
في اللحظة دي خالد و شمس ايجا عندهم
خالد: مريم هنا ... عاملة ايه
مريم بابتسامة :ازيك يا خالد
خالد:تمام الحمد لله .... ازيك يا عمر ... ازيك يا لينا
لينا & عمر :الحمد لله تمام
مريم :يلا انا ماشية بقا .... باي يا خالد ملحقتش اقعد معاك
خالد :ليه كدا
مريم :ابدا بس بابي عايزني
خالد :ماشي تتعوض المرة الجاية بقا
مريم :يلا انا ماشية
عمر &لينا :باي
لينا :اومال فين شموسة
خالد بيشاور علي شمس اللي كانت مربعة ايديها و واقفة بعيد عنهم شوية
لينا :شموسة واقفة بعيد كدا ليه تعالي
شمس :زحلانة منك
لينا راحت عندها
لينا :زحلانة مني
عمر :ليه يا شموسة كدا و بعدين فين الحضن و البوسة بتاعة اومر
شمس:مانا زحلانة منك انت يا اومر كمان
عمر:لا ده انا اجيلك بقا
عمر راح عندها هي و لينا
عمر : انا ليه يا شموسة بس
شمس :عسان انت مس قولت فين سموسة ولا سألت علي سمس و انتي يا لينا مس سالتي عليا
عمر :انا مش سألت علي شموسة ازاي بس ازاي انسي حاجة زي كدا
شمس :مس بكلمك اصلا يا اومر
لينا :طب وانا يا شمس زعلانة مني ده انا بلعب معاكي
شمس :بكد (بجد ) هتلعبي معايا انهاردة
لينا :اه بكد طبعا
عمر :طب فين البوسة بتاعة اومر
شمس :مفيس بوسة ل اومر عسان سمس زحلانة
عمر :طب اصالحك ازاي
شمس :اممممم ... تلعب معايا انا و لينا
لينا ضحكت اوي و عمر بصلها و ابتسم
عمر :عاجبك يعني
لينا :تستاهل مش انت اللي مسالتش عليها و بتكلم صاحبتك
شمس :طب شمس حبيبتي مفيش اختيارات تانية
شمس هزت رأسها بالنفي:لا يا اومر ها هتلعب معايا ولا ازحل و مس اكلمك تاني
عمر رفع شمس بايديه لفوق و شمس ضحكت
شمس :نزلني يا اومر هقع
عمر :زعلانة مني
شمس :لا بش هتلعب مع سمس
عمر :هلعب مع شمس
_________
جاسر شد يمني من ايديها و طلع الدور اللي فوق
يمني بعصبية :انت مجنون يا جاسر
جاسر بنرفزة:أيوة مجنون ازاي ازاي لينا ماتت ازاي
يمني ببرود :عمرها انتهي علي كدا يااخي انت هتعترض علي قضاء ربنا
جاسر شدها من شعرها :لا مؤمنة اوي يا بت
يمني بألم :سيب ايدك يا جاسر شعري بيوجعني
جاسر :ليه و ازاي دي مش لينا صح بس ازاي و الدكتور بتاعي قال أن هي بس يبقا انتي قتلتي لينا صح انتي قتلتيها
يمني :قتلتها ازاي انت مجنون
جاسر :حرام عليكي ليه عملتي كدا قولي عملتي ايه في لينا
يمني:معرفش صدقني بقولك معرفش
جاسر :ازاي يعني نفس اللي كنتي هتعمليه و الاقيه حصل بعدها علي طول و نفس كل حاجة
يمني :جاسر انا مقتلتهاش
جاسر ضربها بالقلم علي وجهها :انتي كدابة
يمني :ابعد عني بقا كفاية كدا بقولك مش انا انت مبتفهمش ولله ما قتلتها
و سابته و نزلت
جاسر :اقسم بالله لأعرف يا يمني و لو طلعتي انتي اللي قتلتيها لاندمك عمرك كلو
________
خالد و لينا و عمر و شمس كانو قاعدين في الحديقة بيتكلمو
خالد :يعني انتي يا لينا هتقدمي في كلية هنا
عمر :اه هنشوف جامعة 6 أكتوبر او مصر للعلوم و التكنولوجيا او Msa او Must او الأهرام الكندية هسال في كل واحدة فيهم
خالد :بس شوف 6 أكتوبر او مصر للعلوم و التكنولوجيا حلوين و اعرف ناس فيهم متخرجين منها بيقولو كويسة
عمر :اه مانا عشان بس نشوف مكان نقدملها فيه متنساش ان عدي شهرين علي الدراسة و كدا يا اما هنقدملها علي التيرم التاني و تمتحن في summer course و تاخد مواد اولي كل سنة مادة أو أتنين
خالد :اه الاوبشن ده موجود في 6 اكتوبر هنا فعلا
لينا :بس كدا مش هيكون تقيل عليا اني ادرس مواد اولي معايا السنين الجاية
عمر :هو اكيد صعب بس متقلقيش انا هساعدك و هخليكي تنظمي كل ده
شمس :ممكن تبطلو كلام بقا عسان نلعب
لينا :حاضر يا روحي بس هنتكلم عن الكلية بتاعتي و بعد كدا نلعب مع بعض
شمس :انا هدخل لماما اميرة لحد ما تخلصو
لينا :ماشي يا روحي
دخلت شمس الفيلا
_________
رحمة اتصلت علي نجوي اختها
رحمة :الو يا نجوي مبترديش ليه
نجوي :لينا ماتت ماتت يا رحمة
رحمة بصراخ :لينا ماتت ازاي انتي بتقولي ايه
تقي كانت في المطبخ و سمعت الجملة دي و جريت علي مامتها
تقي بصراخ :لينا لا انتي بتهزري صح
نجوي ببكاء :ماتت يا رحمة ماتت البوليس جالنا و قال ان لقي جثة بنفس المواصفات و كانت لينا
رحمة : معملتيش تحليل ليه يمكن واحدة شبهها
تقي وقعت علي الارض و مسكت دماغها حست ان دماغها اتشلت ووقفت من التفكير
تقي :ماما ردي عليا لينا انتي كدابة صح ردي عليا
نجوي:عملنا يا رحمة طلعت بنتي
رحمة :انتي في مستشفي ايه
نجوي :في مستشفى رأس البر المركزي
رحمة :حاضر انا جاية سلام
تقي صرخت بصوت عالي:لييناااا لا يا لينا و النبي ما تسيبنيش
رحمة حضنت بنتها و ضمتها لحضنها
رحمة :اهدي يا تقي نصيب يا بنتي نصيب
تقي :مش لينا يا ماما مش لينا اللي تموت
رحمة :بس يا تقي اهدي
تقي موبايلها رن و كانت ريم
_________
عمر :طب دلوقتي يا لينا هتدخلي كلية ايه
لينا :بصراحة لسة مقررتش
عمر :بصي يا لينا عشان نبقا متفقين كدا انتي مينفعش تدخلي الكليات الطبية ولا هندسة عشان شهادتك اللي ضاعت في السفر و خالد هيشوفلنا ناس في الجامعة و يفهمهم الوضع
خالد :اه مانا هعمل كدا بس زي ما قولت فعلا مينفعش كليات طبية ولا هندسة
لينا :طب دلوقتي هدخل ايه
خالد :بصي دلوقتي قدامك إعلام و سياسة و اقتصاد و ألسن و تربية و سياحة و فنادق و تجارة و الكليات دي
لينا :اممممم طب انهي احسن
خالد :مينفعش تقولي انهي احسن لازم تفكري انتي عايزة ايه و عايزة تكوني ايه و تشتغلي ايه
لينا :طب الكليات دي بشتغل منها ايه
عمر :اعلام 3 أقسام فيه قسم بتطلع صحافية وقسم بتطلعي منه مذيعة في tv او الراديو او معدة برامج او مخرجة او في المونتاج و اخر قسم علاقات عامة و اعلان بتشتغلي في شركات إعلانات......اما سياسة و اقتصاد قسم اقتصاد بتشتغلي في بنوك و شركات و قسم سياسة بتشتغلي في الخارجية او السفارة و فيما بعد بس عايز واسطة جامدة جدا جداا بتشتغلي سفيرة.....اما سياحة و فنادق بتتشغلي في شركات سياحة ......و تجارة بتشغلي محاسبة في بنك....اما تربية بتشتغلي
لينا قاطعته :ميس
عمر ضحك :أيوة ميس ... و ألسن بتشتغلي
خالد قاطعه :باااس كفاية عليك كدا السن دي تبعي
عمر بيضحك :اه خالد خريج السن اصلا
لينا :بجد طب هي حلوة
خالد :بصي هي تحفة جدا و بتشتغلي مترجمة في شركات او مرشدة سياحية و مرتباتها دايما عالية و مطلوبة في شركات كتير
لينا :طب حلو ده انا هدخل ألسن
خالد بابتسامة :اشطا و هخليكي تشتغلي عندي في الشركة
لينا ضحكت: و بمرتب عالي كمان
خالد :يا باشا ده انت تكون صاحب الشركة كمان
عمر بجدية :نبطل هزار بقا و انت يا خالد ابعتلي الايميل و أرقام الفون بتاعتهم و المواقع عشان هكلم كذا حد و نشوف هتقدمي في ايه
خالد :ماشي ثواني هفتح النت و اجبلك البيانات
_________
تقي :ايه يا ريم
ريم :أيوة يا تقي مفيش أخبار جديدة .... ايه ده مال صوتك
تقي :لينا
ريم غمضت عيونها و وضعت ايديها علي قلبها :انا قلبي وجعني عشان كدا كلمتك و النبي لينا رجعت صح
تقي :لينا ماتت
ريم بعصبية :انتي كدابة يا تقي انا عارفة انتي واحدة كدابة ليه بتقولي كدا علي لينا ليه
تقي :بس بقا كفاية اللي انا فيه كفاية لينا ماتت ماتت
ريم :ماتت ماتت ازاي لا بتهزري
ريم ضحكت ضحك هيستيري و بعد لحظات عينيها دمعت و عيطت جامد
ريم :ماتت
تقي :لقينا جثة زيها و التحليل أثبت أنها لينا
ريم :لا لينا ما ماتتش
تقي :لو مش مصدقة تعالي مستشفي رأس البر المركزي هي هناك
ريم قفلت السكة في وشها و حدفت الموبايل في الأرض و غيرت هدومها و جريت برة في الصالة
_________
شمس :يلا يا اومر عسان نلعب يلا يا لينا
خالد :يلا يا عمر استلم قدرك
عمر :يلا يا شموسة
خالد :طيب انا همشي دلوقتي ورايا مشوار كدا و هرجع اخد شمس
شمس :لا مس ترجع تاخد سمس
لينا بطريقة طفولية :خلاص يا خالد روح انت و مس ترجع تاخد سمس
خالد بابتسامة :ماشي يا شمس ..... يلا سلام بقا
________
رحمة اتصلت علي حسام اخوها (خال لينا )
حسام:أيوة يا رحمة
رحمة :لينا ماتت يا حسام
حسام :لا اله الا الله ازاي انتي بتهزري يا رحمة
هالة :في ايه يا حسام اتكلم
سليم :بابا فيه ايه
حسام اهدو دلوقتي اما افهم
رحمة :ههزر في حاجة زي كدا يا حسام نجوي اتصل عليها البوليس و قالها أن لقي جثة شبهها راحت المستشفي و اتعرفو علي الجثة كانت شبهها اتاكدو أنها لينا من تحليل DNA
حسام :هما في مستشفي ايه
سليم بعصبية :مستشفي لينا فيها حاجة قول يا بابا
حسام عينيه دمعت و سليم كان علي آخره حاسس انه هينفجر من العياط و الخوف
رحمة :مستشفي رأس البر المركزي
حسام :سلام دلوقتي انا جاي حالا
________
ريم جريت في الصالة و مامتها و شهاب قاعدين بيتفرجو علي tv و اتخضو من شكلها و أنها لابسة هدوم خروج
شهاب :انتي هبلة ولا ايه انتي رايحة فين كدا
ريم بعصبية :ابعد عني دلوقتي
شهاب مسكها من شعرها :لا اتكلمي عدل
اسماء :بس بقا يا شهاب لما اموت تمد إيديك عليها
ريم اترمت في حضن مامتها و انهارت من الدموع
اسماء :في ايه يا ريم بتعيطي ليه و لابسة رايحة فين
ريم :لينا يا ماما
شهاب :لقوها
ريم بصراخ:ماتت يا ماما
اسماء بصدمة :ماتت
ريم :والنبي يا ماما خلي شهاب ينزلني اروحلها المستشفي
اسماء :دلوقتي يا بنتي
شهاب :انا نازل معاكي
اسماء :وانا كمان
شهاب :خليكي يا ماما
اسماء:لا يابني دي كانت بنتي دي اكتر من بنتي كمان يلا انا هلبس و جاية معاكي
______
سليم بعصبية :ما تتكلم يا بابا لينا حصلها حاجة
حسام :لينا ماتت
سليم :انت كداب صح انت كداااب
حسام :ماتت يا سليم أفهم بقا
سليم خبط الفازة اللي قدامه علي الترابيزة برجله
هالة :اهدي يا سليم كفاية بقا اللي احنا فيه
سليم :هي فين لينا فين
حسام :انا رايح دلوقتي المستشفي
______
لينا كانن قاعدة بتلعب مع شمس و عمر و ماسكة المكعبات و بتبني بيت وشمس بتظبط اللعب و عمر قاعد بيتفرج
شمس :بص يا اومر انت هتكون بابي و لينا هتكون مامي و انا بنتكو
عمر ضحك :ده اللي هو ازاي
لينا ابتسمت و بصتله و كأنها نفسها ده يكون بجد
شمس بعصبية :كدا يا اومر مس هخليك تلعب معايا و سمس هتزحل منك
عمر :لا انا مقدرش علي زعل شموستي
لينا :طب يلا يا شموسة عشان نلعب
عمر بيضحك و مال علي راس لينا و بصوت واطي:عاجبك يعني المرمطة دي
لينا بتضحك :تستاهل
عمر :هتستعبطي ما هي بتعاقبك معايا برضو
شمس :بتتوسوسو (بتتوشوشو) تقولو ايه
عمر :احنا مش بنقول حاجة يا باشا
شمس :يلا يا بابي عايزة مفروص (مصروف )
لينا ضحكت اوي و عمر بصلها و ضحك
لينا :يعني ايه اللي قالته ده
عمر :مفروص ده عند شمس يعني مصروف
شمس :يلا يا مامي انتي كمان عايزة منك مفروص
لينا :عيون مامي حاضر يا روحي
عمر :خدي مفروصك قصدي مصروفك مضروفط شموسة
شمس :يلا بقا خليك انت مع مامي عسان انا راحة الحضانة
عمر :ماشي يا روحي خلي بالك من نفسك
شمس :روقي البيت يا مامي عسان يكون حلو و بابي يحبك
لينا :يا بت انتي عندك كام سنة يخربيتك
شمس :5 سنين يا مامي
لينا :قصدك 50 يا اروبة انتي
شمس :يلا انا رايحة الحضانة
شمس باستها من خدها و مشيت بعيد شوية عنهم
______
شهاب طبطب علي ريم و حضنها :انا اسف يا ريم اسف بجد
ريم :لينا ماتت .... دي كانت لسة معايا من شهر
شهاب :عمرها يا ريم عمرها انتهي علي كدا
ريم :اشمعنا هي اشمعنا هي اللي تموت
شهاب :حرام يا ريم ما تقوليش كدا
اسماء:يلا يا ريم انا لبست
شهاب :يلا
______
عمر :يلا بقا يا مامي روقي البيت عشان شمس
لينا ضحكت :طب يلا بقا ساعدني
عمر :لا انا ماليش في شغل البيت ده ولا انتي بقا ست بيت فاشلة
لينا ضحكت و هزت راسها :تقريبا كدا
عمر رفع حاجبيه :لا علي امك انا مينفعنيش كدا
لينا بتمثيل :طب و بنتنا يا عمر
عمر :لا خديها معاكي
لينا :بقا كدا طب هندهلك شمس ولله
عمر مسك ايديها :لا بلاش شمس
لينا اتكسفت و سحبت ايديها منه
عمر :اسف مكنش قصدي
لينا بصت الناحية التانية :ولا يهمك
و رجعت بصتله :بس خد بالك بعد كدا
عمر :حاضر يا باشا
_________
رحمة و تقي وصلو المستشفي و بعدها سليم و حسام و هالة وصلو و اتقابلو عند البوابة بتاعة المستشفي
حسام :متعرفيش في انهي دور يا رحمة
رحمة :الدور الرابع اللي قبل الأخير
هالة :فيه اهو
حسام :طب يلا انا وانتي يا هالة و رحمة و انت يا سليم و ريم بعدنا او اركبو الأسانسير التاني
________
ريم وصلت في الوقت ده هي و أخوها و مامتها
و ركبت الأسانسير
_____
تقي و هي مع سليم في الأسانسير وقعت علي الارض و سندت علي الباب
سليم :تقي ... انتي كويسة
تقي بصوت منبوح:يارب اموت انا كمان اشمعنا هي سابتني و مشيت
سليم :كفاية يا تقي كفاية اللي انا فيه
تقي :مش قادرة أصدق اللي حصلنا ده يارب اكون بحلم يارب
سليم :اهدي بقا
تقي غصب عنها سندت علي كتف سليم من غير قصد و لما فاقت من اللي هي فيه بعدت عنه بسرعة
تقي :انا اسفة يا سليم
سليم :احنا وصلنا يلا نفتح الباب و نخرج
تقي :يلا
_________
شمس رجعت عند لينا و عمر
شمس :مامي بصي انا مفرصتش المفروص (مصرفتش المصروف ) يا مامي
لينا سمعت كدا و ضحكت اوي و عمر ضحك
عمر :اومال حبيبة و هاجر فين
لينا :حبيبة بتذاكر في اوضتها و هاجر برضو بتذاكر
عمر :و ماما نايمة انا زهقت ما تيجي ندخل جوة لحد ما خالد يجي
لينا :يلا
_________
رحمة جريت علي اختها و حسام و هالة وراها
رحمة حضنت نجوي اللي كانت ساندة رأسها علي استراحة المستشفي و يوسف ماسك المصحف بيقرأ و دموعه مش بتبطل تنزل و جاسر و يمني قاعدين جنبهم
حسام :وحدي الله يا نجوي
نجوي بعياط:لا اله الا الله يارب الصبر من عندك يارب
في اللحظة دي ريم و أخوها و والدتها ايجو عندهم و تقي و سليم وراهم
هالة :اومال آدم فين
يوسف قفل المصحف و صدق
يوسف :آدم جوة في الاوضة متعلقله محاليل وبيقولوا علي بكره الصبح هيفوق او احتمال انهاردة مش عارف
حسام :انا مش عارف هيعمل ايه لما يفوق وخصوصا عارف علاقتهم عامله ازاى
اسماء :البقاء لله يا ام آدم قلبي عندك
نجوي حست بوجع كبير جواها لأول مرة تسمع الكلمة دي و تحس بوجعها و خصوصا لبنتها
__________
جاسر دخل الاوضه ل آدم وهو نايم ع السرير ومتعلق ليه محاليل جاب كرسى وقعد جنبه ولاحظ ان وهو نايم دموعه بتنزل من عينيه مد ايده يمسحهم ومسك ايده و طبطب عليه و اتكلم
جاسر بصوت مخنوق وموجوع: ادم.. انا بحبك
انا مش عارف
و مقدرش يكمل كلامه و كأنه خاف آدم يكون صاحي و يسمع و اتكلم في سره
جاسر لنفسه :انا مش عارف كل اللي بيحصل ده معناه ايه ازاي طلعت لينا ماتت فعلا و مش مصدق يعني يمني قتلتها و لا ايه ..... يا تري يا آدم هتسامحني لما تعرف ان أقرب صاحب ليك خانك مع خطيبتك بس غصب عني يا آدم كنت بحبها حتي يوم ما جيت قولتلي انك هتخطبها خوفت اقولك اني بحبها عشان كنت فرحان ليك يا صاحبي و هي بعد الخطوبة لما عرفت اني معجب بيها لما شافت اسمها علي الكتاب بتاعي و اتاكدت اني بحبها و افتكرت كل نظراتي ليها قبل الخطوبة اتاكدت اني بحبها لقيتها بتحاول تقرب مني لحد ما ارتبطنا و كل ما اقولها هتسيبي آدم امتي اكتشفت ان في الاخر هي عايزة تكون معاايا و معاك اكتشتفت أنها خاينة وانا كمان خاين عشان مشيت معاها في نفس السكة سامحني يا صاحبي عارف انك عمرك ما هتسامحني ولله
________________________________________________
سليم كان حاسس ان كل الصدمات جات ورا بعضها كان حاسس ان حياته وقفت اللي كانت ضحكتها بتحلي حياته راحت و اتكلم بصوت عالي قدامهم
سليم:ليه كل ما احس الدنيا بترضى عليا الاقيها مخبيالى خبطه تموتنى يا ريتها ما كانت راحت الرحلة كانت عايشة حتي لو مرضيتش تتجوزني بس كفاية أنها تكون كويسة ليه يارب كدا ليه
حسام :استغفر الله يابني حرام اللي بتقوله ده حرام
__________
لينا دخلت قعدت هي و شمس يتفرجو علي قناة كوكي علي توم و جيري
و عمر قاعد جنبهم فاتح اللاب توب و بيشتغل علي اللاب و بيكلم الجامعات عشان يشوف ايه متاح ليها
عمر :لينا اعملي حسابك بكرة هتيجي معايا المستشفي مش هطول هناك بس هشوف كام جامعة كدا و خالد هيجيلنا علي هناك عشان هو يعرف ناس برضو هناك
لينا :هو ممكن فعلا ملحقش و امتحن في summer course
عمر :بصي هو مش اكيد بس ده احتمال لو مفيش جامعة قبلتك و العدد اكتمل
لينا :ماشي
و بصت علي شمس و كانت نامت علي كتف لينا
لينا :شمس نامت
في اللحظة دي جرس الباب رن و عمر قام يفتح و كان خالد
خالد :معلش اتأخرت
عمر :شمس نامت
خالد :طب هي فين
عمر :جوة جنب لينا في الريسبشن كانو بيتفرجو علي كرتون و شمس نامت جنبها
خالد :طب يلا عشان الحق اشيلها و نروح
دخل خالد مع عمر و شال شمس علي ايديه و شمس كانت ماسكة في لينا اوي و مش عايزة تسيبها
خالد :شمس فوقي يا حبيبتي عشان نروح و سيبي لينا
شمس بصوت نعسان :عايزة لينا معايا
خالد ضحك :مينفعش يا حبيبتي بكرة نجليها
شمس :لا عايزاها تيجي معايا
خالد :يلا بقا يا شمس عشان نروح عشان بكرة عندنا حضانة
شمس :و هتجيبني تاني بكرة
خالد :و هجيبك يا روحي
و شالها خالد علي ايديه و خرج
__________
تاني يوم الصبح
آدم صحي و بص جنبه شاف جاسر نايم علي الكرسي اللي جنبه و حاول يقوم جاسر حس بيه و صحي
جاسر :آدم انت كويس
آدم:الحمدلله
قام آدم من السرير و خرج و شاف كلو منهار من العياط حتي يمني كانت بتمثل الدموع و البكاء
لغاية ما فضل واقف لحظات وراح مشي يسند علي الحيطة بتاعتة المستشفي .
ادم دخل ل لينا شافهم خرجوها من التلاجة و بيغطوا وشها
آدم بعصبية: انتو بتعملوا ايه قومي يا لينا لا دي اكيد مش لينا اختي مش ماتت انا مش حاسس ان دي اختي مش حاسس
يوسف :اهدي يابني ازاي مش اختك و التحاليل
آدم :لينا مش ماتت صح يا بابا رد عليا
حسام :متغلاش علي اللي خلقها يابني
آدم بصراخ: بصي يا لينا يلا قومي اه صح مش هتعرفي تقومي ..طب انا هشيلك يلا زي ما بعمل معاكي
قومي يا لينا قووومي معاايا يلاا لاااا متسبنيش لوحدي والنبي والله ما هقدر اعيش من غيرك ...والنبي ياااااااااارب يااااارب لاااا قومي
و بيحضن فيها
آدم بيضحك :لينا يلا بقي قومي انا عارف حركاتك دي متهزريش بقا متسبنيش لوحدي والنبي ..احنا متفقين علي كدا صح ...اتفقناا ان انا وانتي هنكبر مع بعض و هكون سند ليكي ..ونموت مع بعض ..ليه انتي بقي رجعتي في كلاامك ..قومي بقي ....لينا عشان خاطري ..طب مين هيقولي يا دومي ومين هيقولي ي رخم غيرك...طب هعيش لمين .. يااريتك ما كنتي روحتي الرحلة ..ليه يااارب ليه
الدكاترة والممرضين و كلهم بيعيطواا ع المنظر لحد ما آدم صرخ جامد و وقع علي الارض
________
لينا كانت بتغير هدومها و جهزت عشان تروح مع عمر
في اللحظة دي حست بوجع جامد قي قلبها و صورة ادم مشوشة بيجي في دماغها و مش قادرة تستوعب ولا تفتكر مين الشخص ده صرخت جامد و حبيبة جريت عليها