جاسر :يعني انتي عايزة تعملي ايه دلوقتي
يمني :لينا تموت و آدم يصدق أنها ماتت فعلا
جاسر بصدمة :ايه بتهزري
يمني :بتكلم بجد طبعا
جاسر :هتروحي تقتليها مثلا
يمني :لا طبعا مش كدا
جاسر :اومال ايه
يمني :حد يتصل بآدم يقوله اختك ماتت و نجيب جثة شبه لينا بس متشوهة وانا هشوف حد يظبطلنا الحوار ده و كمان انا معايا صورتها يوم الحادثة هجيب فستان زي اللي كانت لابساه و نفس السلسلة
جاسر بيضحك :لا ولله مفكرة انتي ان الحوار بالسهولة دي و آدم هيصدق
يمني قعدت جنب جاسر و مسكت ايديه :يا حبيبي ماهو كلو في الاخر لمين ليا انا و آدم و آدم مش هيحوش عني حاجة و انا وانت واحد و لا ايه
جاسر :يمني انا مش بفكر في زفت فلوس انتي عارفة ان انا بحب آدم و قلبي بيتقطع لما بشوفه مقهور علي اخته و حتي لو عملتي كدا اكيد الحوار مش بالسهولة دي و ممكن الدكتور يعرف أنها مش اخته
يمني ضحكت بسخرية :يا بيبي لو بتحب آدم كنت وافقت تكون مع خطيبته من وراه
جاسر بعصبية :عشان بحبك عشان بتنيل علي عيني بحبك
يمني :هششش اسكت الناس بتبص علينا وطي صوتك
جاسر :وافقت اخون صاحبي بسببك كل ده بسبب اني بحبك
يمني :جاسر حبيبي وانا كمان بحبك
جاسر :بس بتحبي فلوس آدم اكتر
يمني :جاسر حبيبي اهدي كدا
جاسر :من الاخر يا يمني لو الحوار ده حصل بجد متزعليش من اللي حصل
يمني :خلاص يا جاسر مش هعمل كدا روق بقا كدا
_______
لينا كانت نايمة و حضنت العروسة بتاعتها و عمر ايجا في خيالها و ابتسمت و غمضت عينيها و نامت
______
تاني يوم
يمني راحت كلية الطب البشري و مراحتش كليتها
يمني قابلت شخص في المبني وقفته
يمني:لو سمحت مكتب الدكتور حسن عبدلله
الشخص :دكتور حسن المعيد في قسم الهندسة الوراثية
يمني :أيوة
الشخص :بصي اخر الطرقة شمال
يمني :ميرسي اوي
الشخص :العفو
__________
عمر كان في مكتبه و محمد دخل عنده
عمر :محمد ازيك
محمد :عاش من شافك يا عم
عمر :ايه يابني ولله باجي اشوف كام حاجة هنا و بمشي
محمد :أخبار لينا ايه
عمر :كويسة الحمدلله
محمد :مالك
عمر :حاسس بالذنب من ناحيتها تفتكر ممكن تسامحني يا محمد لما تفتكر
محمد :ولله يا عمر علي حسب شخصيتها بس ان شاء الله هتسامحك
_____
يمني دخلت لدكتور حسن مكته
دكتور حسن :يمني ازيك
يمني :عامل ايه
حسن :الحمد لله بخير بس ايه سر الزيارة الغربية دي
يمني :وحشتني قولت اجي اشوفك
حسن ضحك :يمني هانم بنفسها انا وحشتها لا جديدة دي
يمني :أنجز يا حسن عشان مش فاضية لسة ورايا مشاوير تانية
حسن :ولله حاسس ان فيه مصلحة و هتنفضيلي زي كل مرة
يمني مسكت ورقة مطبوع عليها صورة لينا:الصورة دي
حسن :مين دي
يمني :مش مهم مين دي المهم عايزة جثة شبهها
حسن :ايه الحوار
يمني بعصبية :حسن هتاخد فلوسك و خلاص
حسن قعد جنبها :يمني حبيبتي انتي عارفة اني مش عايز فلوس
و بصلها من فوق لتحت
يمني فهمت قصده:اه لا يا حسن بعدين ده خلينا في مهمتنا
حسن :يعني افهم ان دي موافقة مبدئية
يمني :اه بس الحوار يتظبط
حسن :مش لما افهم الأول مين دي
يمني :هي اخت خطيبي و اتخطفت في رحلة و اهلها حاسين أنها ماتت و هي فعلا ماتت لكن اللي قتلها اخفي الجثة و مش لاقينيها و انا عايزة اثبتلهم أنها ماتت لان قلبهم اتوجع من كتر ماهو مش عارفين اي حاجة عنها
حسن بشك:وانتي بقا عرفتي منين أنها ماتت فعلا
يمني : ماهو اللي خطفها اتصلت عليه و كان طالب فيديا و للاسف بلغنا البوليس راح قتلها و هو بيكلمني ع الفون لكن اهلها مش مصدقين وانا عايزة اريح قلبهم
حسن :اممممممم و افرضي بقا كان كداب ومش قتلها فعلا و ظهرت بعد كدا
يمني :يا سيدي دي حاجة تفرحهم مش هيدورو مين عمل كدا يلا أنجز يا حسن بقا
حسن :ماشي يا يمني بس صعب نلاقي واحدة شبهها بنفس المواصفات دي
يمني :يا سيدي مش شرط نفس المواصفات يعني نفس حجم جسمها و نفس الشعر او نصبغه ساعتها و الوش بقا نشوهه و كأنها عملت حادثة لما هربت منه أي حاجة
حسن :تمام بس حتي لو لقينا واحدة بنفس المواصفات دي انتي ناسية تحليل DNA
يمني :و هما هيعملو ليه تحليل ده ماهو اللبس و السلسلة هيكونو نسخة من اللي في الصورة
حسن :حتي لو نسخة ممكن جدا يطلبو تحليل DNA يتأكده ان دي بنتهم
يمني : و ده ممكن لو رشيت الدكتور يقول انه التحليل صح و دي بنتهم
حسن بيضحك :مستحيل طبعا انتي واضح انك بتتفرجي علي افلام مصري كتير و اللي هو نجيب واحدة شبهها و وشها متشوه و تكون نفس الجثة لا طبعا مش كدا ده تحليل DNa و اثباتات و مفيش حاجة اسمها ترشي الدكتور دي فيها ظباط و طبيب تشريح و طبيب شرعي و ظابط يسأل و يتأكد و دول مش بتوع فلوس و ساعتها ممكن تروحي في 60 داهية و يقدره يوصلولك عن طريق اللي بلغهم او الحانوتي اللي هيجيبلنا جثة
يمني :يا نهار ابيض كل ده ده انا فاكرة الحوار أسهل من كدا بكتير
حسن :مش بقولك بتتفرجي علي افلام عربي كتير
يمني :و الحل ايه دلوقتي
حسن اشعل سيجارته :مفيش غير حل واحد بس
يمني :الحقني بيه
حسن :بس توافقي علي اللي انا عايزه
يمني :يا سيدي موافقة بس قولي ايه الحل
حسن :اول حاجة هتكلمي حانوتي يشوفلك جثة شبه دي
يمني :ماشي دي سهلة و الحل ايه بقا
حسن و هو بينفخ دخان السيجار :كام خصلة من شعر صاحبتك دي
يمني :نعم و ده أجيبه منين و ليه
حسن :منين دي شغلتك انتي اما ليه هقولك ليه عايز كدا .... بصي يا يويو
انا هاخد من شعرها و استخرج منه DNA المادة الوراثية اللى عليها تفاصيل كل شخص من الشعر اللى هيكون معايا و هعمله استنساخ للحمض النووى الوراثى ده بكمية تنفع تتحقن فى الجثة عشان لو اتعملها تحليل نتيجته تبقى شبه المادة الوراثية اللى فى الشعر ده.... فهمتي يا حلوة
يمني :الماااظ يا حسن دماغك دي الماظ يا بيبي
حسن بيضحك :مش احسن ولا اعلي من دماغك يا روحي
يمني :بس في مشكلة اجيب شعرها منين
حسن :اتصرفي بقا هي مكنتش بتقص شعرها مثلا سايباه في البيت
يمني :للاسف مبتقصش و لما بتقص كل 3 شهور الأطراف بترميهم
حسن :طب و الحل ايه
يمني سرحت لحظات و افتكرت لما كانت
فلاش باك :
يمني كانت قاعدة مع لينا و آدم في الفيلا عند آدم
يمني :بيبي انا نفسي اصبغ شعري زي لون شعر لينا
آدم :يا روحي ما انتي شعرك لونه حلو
يمني :لا يا بيبي انا نفسي اغير و اعمل نيولوك جديد
لينا : اصلا انا مش صابغة شعرها هو لونه كدا
يمني :ماهو بصراحة يا لولي انا عايزة اخد كام خصلة من شعرك
لينا بعصبية :نعم و دي اجيبهالك ازاي
يمني ببرود:تقصيلي كام خصلة عشان الكوافير يعملي زيه
آدم :ايه اللي بتقوليه ده يا يمني
يمني : انا قولت ايه يعني انا بقولها قصيلي كام خصلة
لينا :ما تصوري شعري و روحي للكوافير وهو هيعملك زيه برضو
يمني لنفسها :ايه البت دي يعني مش هعرف اخليها تقص شعرها ولا ايه مش كفاية ان شعرها أطول من شعري
يمني :ما هو بصراحة يا لولي يا حبيبتي الكوافير مش بيعرف يعمل زي الصور لازم لون السعر قدامه ع الطبيعة
آدم :خلاص يا لولي عشان خاطري اديها خصلة واحدة صغيرة
لينا :طيب بس عشان خاطرك يا آدم انا كدا كدا بقص الأطراف كل 3 شهور بس برميهم هديهملك المرة دي هطلع اجيبلك الحافظة اللي فيها الشعر من فوق
باك :
أخرجها من تفكيرها حسن صديقها
حسن :يويو مالك يا بنتي سرحانة في ايه
يمني :حسن انا لازم امشي دلوقتي افتكرت حاجة لو لقيتها هكلمك أتفق معاك
حسن :طب فهميني طيب
يمني :باي
________
يمني رجعت البيت قلبت اوضتها من الكركبة و البحث عن خصل الشعر
حنين اختها دخلت عندها و اتصدمت لما شافت الكركبة دي
حنين :ايه اللي انتي عاملاه ده مين اللي هيروق كل ده حرام عليكي انا لسة مروقة الشقة و أوضتك
يمني بعصبية :انتي طبعا اللي هتروقي بقولك ايه غوري من وشي اعمليلي قهوة
حنين مردتش عليها
يمني :انتي لسة هتنحيلي يلا غوري اعملي
حنين :حاضر
يمني و هي بتبحث شافت حافظة واقعة جنب الدولاب و فيها الشعر
يمني:هييييح بقا و اخيرا لقيتها اما اكلم حسن افرحه
__________
يمني اتصلت علي دكتور حسن
يمني :الو يا سونة
حسن :طالما قولتي سونة يبقا في حاجة حلوة
يمني :انا لقيت الشعر
حسن :بجد طب كويس كدا فاضل الجثة
يمني :اه يارب الاقيها ... هكلمك بعدين طيب لما اشوف الكركبة دي مكان ما دورت
حسن:ماشي سلام
________
تاني يوم بعد ما هاجر رجعت من المدرسة
هاجر :ماما
اميرة :عايزة ايه يا هاجر
هاجر :انا رايحة ل سيرين نذاكر مع بعض
اميرة :قولتي لاخوكي
هاجر :أيوة قولتله قالي قولي لماما
اميرة :طيب روحي
_______
يمني بعد ما خلصت اخر محاضرة راحت لحانوتي
يمني :لو سمحت
الحانوتي:أيوة يا ست هانم
يمني :انا سألت و قالولي انك أكبر و احسن حانوتي في دمياط و مصر كلها كلها
الحانوتي ضحك :أيوة طبعا يا ست هانم
يمني :قاصداك في خدمة و هتاخد اللي تعوزه
الحانوتي :خير
يمني طلعت صورة لينا
يمني :عايزة جثة زي دي شبهها
الحانوتي :ااه يا هانم بس دي هتكلف كتير
يمني :قولتلك اللي انت عايزه هتاخده ها قولت ايه بقا
الحانوتي :هدور و ان شاء الله الاقي زيها
يمني :تمام و ده رقمي وقت ما تكون جاهز كلمني
الحانوتي :ماشي يا هانم نورتي
________
آدم كان قاعد علي السرير و ماسك في ايديه صورة و بيسمع اغنية طمني عليك _محمد فؤاد
من يوم بعدك وانا قلبي مكسوز وحزين
محتار مش عارف الدنيا واخداني لفين
صعبان على قلبي فراقك طب هعمل ايه
جوايا حنين علشانك ازاي اداريه
طمني عليك قول فين الاقيك
مشتاق لعنيك وبموت من شوقي ليك
وازاي انا اعيش لو مش وياك
مش قادر انساك
ايامي بقت من غيرك ماليها الويل
بتعذب كل ما ييجي عليا الليل
وبروح علي صورتك اخدها في حضني وانام
اهي حاجه وبتصبرني علي الأيام
دايماً روحك حواليا وفي كل مكان
بتهون ياما عليا سنين حرمان
طمني عليك قول فين الاقيك
مشتاق لعنيك وبموت من شوقي ليك
وازاي انا اعيش لو مش وياك
مش قادر انساك
_______
يمني دخلت بيت ازياء لمصممة ازياء
المصممة:أيوة يا قمر محتاجة تصميم ايه
يمني مسك صورة فستان لينا و أعطت الصورة للمصممة
يمني :عايزة زي الدريس ده
المصممة :اممم سهل جدا بس في حاجات افضل
يمني :انا عايزة ده و نفس الحجم اللي علي البنت و المقاس
المصممة :اه تمام
يمني :و ده رقمي لما تخلصيه كلميني
المصممة :تحت امرك يا فندم نورتينا
________
في بيت سيرين :
سيرين : اووووه سويتي (جميلتي ) كويس انك جيتي تعالي هوريكي حاجات آميزينج (مدهشة ) بجد
هاجر : بجد ؟؟ ايه هيا ؟
سيرين : بصي انا بكلم واحد ع الفيسبوك بيمووووت فيا بجد واي طلب اطلبه بينفذهولي
هاجر : وانتي مصدقه انه بيحبك اكيد بيضحك عليكي زي ما بتضحكي عليه
سيرين : بقولك بيمووووووووووت فيا وكمان انا مش بكلمه ع الماسنجر بس .. بكلمه على الفون كمان
هاجر: نهارك اسوود يا سيرين بتتكلمو موبايل كمان !!! افرضي بيضحك عليكي
سيرين : ايه نهارك اسود دي ؟؟ خليكي استايل كدا .. ويضحك عليا ايه يا جوجو .. بقولك مش بينام االا لما يسمع صوتي .. مخلي حياتي جنه .. كل اللي نفسي فيه بيجبهولي .. وخلاص اتعودت عليه في حياتي
هاجر : انا متأكده انه بيضحك عليكي
سيرين : دا اصلا عاوز يجي يتقدملي تخيلي .. تخيلي تتجوزي واحد عن قصة حب .. اصلا انتي لو جربتي الكلام ع الفيسبوك هتعرفي انا بتكلم في ايه
هاجر : لالالالا خليني بعيد عن الموضوع دا .. انتي عاوزه عمر اخويا يقتلني
سيرين :وهو هيعرف منين بس يا حبي
هاجر :لا و النبي قفلي ع الموضوع ده
________
يمني دخلت محل جواهرجي
يمني :لو سمحت عايزة اعمل سلسلة زي دي
الجواهرجي: تمام و الاسم ايه
يمني :نفس الاسم و تاريخ الميلاد اصل دي بتاعة اختي و اتكسرت و عايزة اعملها زيها
الجواهرجي:تمام يا فندم
يمني :بس عايزاها في خلال يومين
الجواهرجي :صعب اوي يا فندم و خصوصا انه ورايا شغل كتير
يمني :هديك اللي انت عايزه قولت ايه
الجواهرجي :هشوف حاضر
_____________
بعد مرور اسبوع
شخص اتصل ب يمني
الشخص :الووووو
يمني :ايه الصوت المزعج ده
الشخص:بتقولي حاجة يا ست هانم
يمني :مين حضرتك
الشخص :انا الحانوتي اللي حضرتك طلبتي منه جثة
يمني قاطعته :خلاص انت هتفضحني انجز عملت ايه
الحانوتي:طلبك جاهز يا ست هانم و وشها شوهته زي ما حضرتك امرتي يا ست هانم
يمني :اه اوك
الحانوتي :هتاخديها ازاي و امتي
يمني :هكلمك تاني عشان اشوف عربية
الحانوتي :لو محتاجة عربية انا معايا
يمني :خلاص تمام 5 دقايق و هرجع اكلمك سلام
_________
الجرس رن و لينا قامت تفتح و كانت شمس وخالد
خالد :لينا ازيك
لينا :تمام الحمدلله
شمس :لينا وحستيني (وحشتيني ) اوي
لينا حضنت شمس و شالتها علي ايديها
لينا :وانتي كمان وحشتيني اوي اوي يا شموسة عاملة ايه
شمس :كويسة اومر فين
لينا :انتي جاية عشاني ولا عشان عمر
شمس :عسان اومر و لينا
لينا ضحكت :اومر جوة قاعد في الريسبشن
شمس جريت علي عمر و كان فاتح اللابتوب بيشتغل
خالد بابتسامة :عاملة ايه مصر عجبتك
لينا :اه حلوة اوي
خالد :عشان انتي فيها
لينا اتكسفت :طيب انا داخلة اشوف شمس و عمر
خالد ابتسم علي براءتها و كسوفها و دخل وراها
_________
يمني اتصلت علي حسن
يمني :اايوة يا حسن
حسن :ايه يا يويو
يمني :الحانوتي جاب الجثة
حسن :طب كويس
يمني :دلوقتي انت هتشتغل فين عليها
حسن :عندي في شقتي الخاصة
يمني :تمام عشان انا جبت الدريس و السلسلة كدا مش فاضل غير الموضوع ده بقولك ابعتلي العنوان بتاع الشقة عشان الحانوتي يبعتها علي هناك
حسن :ماشي انا رايح الشقة دلوقتي و هبعتلك العنوان في مسدج
___________________________
شمس كانو قاعدة علي رجل عمر و بتتفرج علي اللابتوب
عمر :بس يا شمس شيلي ايديك من علي الكيبورد
شمس :سيب ده و خليك مع سمس سوية ماسي
عمر:طيب يا حبيبتي هخلص شغل بس
شمس :زحلانة منك يا اومر
عمر :ليه يا روحي
شمس :عسان انت سايب سمس و بتلعب في ده
عمر أغلق اللاب توب و وضعه علي الكنبة
عمر :اهو يا حبيبتي خلاص قفلته
لينا دخلت في اللحظة دي هي و خالد
عمر :خالد ازيك
خالد :تمام يا دكتور الحمدلله
________________
يمني قابلت الحانوتي و راحو عند العمارة اللي فيها دكتور حسن
يمني :يلا طلعها هو في الدور الأول
الحانوتي :حاضر
يمني :لو حد سأل هنقول دي زيارة لدكتور حسن يلا
شال الحانوتي الجثة المتغلفة في هيئة كرتونة كبيرة و دخله العمارة الدور الأول و رن جؤي الشقة و خرج دكتور حسن
حسن :دخلها هنا
الحانوتي :حاضر يا باشا
دخل الحانوتي الجثة الشقة
يمني :اتفضل حسابك اهو
الحانوتي :بس ده قليل برضو يا هانم
يمني :خد دول كمان
الحانوتي :كتر خيرك يا ست هانم
يمني :يلا اتفضل دلوقتي
خرج الحانوتي و حسن فتح الكرتونة و خرج الجثة منها
يمني :اوووف ريحتها وحشة اوي رش بيرفيوم
حسن :البسي الكمامة دي و اسكتي
لبست يمني كمامة و حسن زيها و بدأ يشتغل
و بالفعل اخد الشعر و حقن الجثة و يمني غيرت لون شعر الجثة زي شعر لينا و لبستها السلسلة و الدريس
يمني :كدا تمام مش فاضل غير حاجة واحدة
حسن :ان الجثة تترمي
يمني :أيوة هنروح الغردقة ولا فين
حسن :بفكر تكون هنا في دمياط
يمني :ازاي
حسن :كأنها رجعت من الغردقة و هي جاية لاهلها عملت حادثة و اللي خبطها رماها
يمني :طب و هيتعرفو ع الجثة امتي
حسن :ريحتها هتبان و هنرميها بالقرب من بيت و كأنها كانت متدارية و هما هيبلغو البوليس
يمني :طيب يلا نعمل كدا
_______
لينا كانت قاعدة في اوضتها و حست أنها زهقانة نزلت تحت و كان عمر قاعد في الريسبشن و فاتح اللابتوب لينا قعدت و عمر بصلها و ابتسم
عمر :ازيك يا لينا
لينا :الحمد لله وانت
عمر :تمام الحمدلله
لينا سكتت و بصت في عيونوا و اتكسفت و بصت علي tv
لينا لنفسها : ماتلمي نفسك شووية بتبصيله كدة لييه
________
حسن اخد الجثة هو و يمني و حدفها بالقرب من منزل في الصحراء
_______
تاني يوم
صاحب المنزل و جاره خرجو لعملهم
الشخص 1 :اففف شامم الريحة دي
الشخص 2:أيوة دي جاية منين دي عاملة زي ريحة فار ميت
الشخص 1 :جول 500 فار ميت مش فار واحد
الشخص 2 :طب شوف الريحة دي جاية منين
الشخص 1 : مش عارف بس بص العصافير دي ملمومة علي ايه
ذهبوا ناحية العصافير و بيشيله الغطاء اللي عليها اتصدمو لما شافو الجثة
الشخص 2:يا نهار مش طالع دي جثة
الشخص 1:دي ايه اللي جابها اهنيه تعالي نطلب البوليس دي شكلها من زمان
_______
حبيبة خرجت و راحت الكلية و هاجر راحت المدرسة و أميرة راحت السوبر ماركت تشتري طلبات و عمر كان في اوضته بيسرح شعره و خارج
لينا كانت قاعدة في الأوضة بتفكر في عمر و فتحت البلكونة و الشباك و سمعت صوت العصافير
و بتكلم نفسها :هو اللي انا بحسه من ناحيته ده بجد بحس ان قلبي بيدق جامد كل ما اشوفه ياااه علي الإحساس بجد يا تري ده حب ولا ايه لا فوقي يا لينا انتي اصلا مش عارفة انتي ايه و لا مين اهدي كدا
لينا بصت علي الكوميدينو و شافت عصفورة
شكلها حلوة اووي و صغيرة
لينا كانت هتلمسها لكن العصفور فضلت تطير في الاوضة
وطبعا كأي بنت خافت و صوتت
و صراخ لينا كان عالي و عمر طلع من اوضته يجري يشوف فيه ايه و سمع الصوت جاي من اوضة لينا و خبط علي الباب
لينا :الحقني يا عمر
عمر فتح الباب و اول ما فتح الباب لينا جريت عليه و استخبت ورا ضهره
عمر بقلق : في ايه يا لينا اهدي
لينا بخوف : عصفورة العصفور بتطير في الاوضة
عمر بصوت يطمنها : طب متخافيش خلاص هي خرجت
لينا لسة ماسكة في قميصه جامد
لينا : بجد يعني مشيت
عمر : أيوة ولله ممكن بقا تسيبي القميص اللي اتكرمش ده
لينا لاحظت أنها ماسكة في قميصه جامد و بعدت عنه ببطء و اتكسفت
لينا : احم احم ولله مش كاان قصدي
عمر قاطعها : عارف عارف مش لازم تشرحي يلا انا خارج عشان اتأخرت علي المستشفي
لينا :طيب ماشي
_______________
البوليس ايجا عندهم و كان الناس اللي في المنطقة شبه الصحراء اتجمعو
الظابط :يعني ايه مش عارفين الجثة دي جات منين
الشخص 1:يا باشا ولله كل اللي حكينياه لحضرتك صوح احنا صحينا من النوم لجينا الجثة دي مرمية اهنه
الشخص 2:و بالعجل (بالعقل ) يا باشا احنا ناس علي جد حالنا بالعجل يا باشا هنجتل ازاي و نرمي الجثة جدام بيتنا و الناس دي كلها تشهد
الناس :أيوة صوح يا بيه احنا برضو لجينا معاهم الجثة
الظابط لاحظ وجود سلسلة زي اللي كانو موزعين عليها منشور و نفس الفستان
________
لينا كانت قاعدة هي و حبيبة و أميرة في الريسبشن
عمر :بصي يا لينا انتي بقالك هنا شهر و للاسف اهلك منزلوش صورتك علي النت و كدا معناه ان انتي لازم ترضي بالامر الواقع و تعيشي هنا معانا لحد ما تفتكري
لينا بحزن :يعني ده الحل الوحيد
اميرة:ايه يا حبيبتي زهقتي مننا
لينا :لا خالص يا طنط أميرة
حبيبة :يا حبيبتي خلي عندك امل ان ربنا مش هيضرك و ان شاء الله هترجعيلهم
عمر :انا قررت أن لينا تدخل الجامعة بدل ما تضييع عليها السنة لان نص التيرم عدا
حبيبة :أيوة يا عمر بس لينا اصلا مش معاها شهادات ثانوي ولا إعدادي ولا ابتدائي ولا شهادة ميلاد و بطاقة يعني هي في نظرهم معاها حضانة بس
عمر :كل حاجة هتمشي بالفلوس و انا هتصرف
اميرة :طب و البطاقة يابني
عمر :هستخرجلها بطاقة باسم عمي كرم و كأنها بنته بس للاسف مش هينفع تدخل جامعة حكومة لان اولا التقديم خلاص اتملأ تاني حاجة احنا هنقول أنها شهادتها ضاعت و كدا هقدملها في جامعة خاصة
في اللحظة دي دخلت هاجر الفيلا و سمعت اخر جملة
هاجر :جامعة خاصة ليه ان شاء الله
عمر بعصبية :انا قولت 100 مرة متتدخليش في اللي ملكيش فيه
هاجر :اشمعنا هي تدخل جامعة خاصة وانا لا
حبيبة :وهو انتي لسة خلصتي 2 ثانوي اصلا عشان تدخلي جامعة
هاجر :طيب بس يكون في علمكم لو مجبتش مجموع كبير هدخل خاص
عمر :هاجر اطلعي أوضتك ذاكري و مفيش زفت خاص ليكي لينا عشان ظروفها مفيش قدامنا حل غير كدا
هاجر :طيب
___________
تقي كانت في الفيلا عند آدم و قاعدة معاه
تقي :آدم الساعة دي كانت لينا اشترتها ليك يوم اختفاءها
آدم مسك الساعة و بيتاملها و لبسها في ايديه
آدم :يارب ترجعي يا لينا وحشتيني ولله
تقي :انا اسفة يا آدم بس ولله نسيت خالص اديهالك
آدم :ولا يهمك كفاية أنها هتصبرني عليها لحد ما ترجع
تقي :طيب انا همشي دلوقتي انا قولت اجي اديك الساعة و امشي قبل ما انسي
آدم :خليكي يا تقي
تقي :هاجي بكرة انا و ماما
______________
الظابط اتصل بشخص
الظابط :أيوة يا بني مش وقته رغي .... اه بقولك معاك رقم الرائد علي وحيد. ... طيب ابعته ولا حاول توصله .... ضروري احنا لقينا نفس الجثة اللي بيدور عليها .... يلا سلام
____________
لينا كانت في الاوضة وضعت ايديها ما بين راسها
و ابتدت تعيط لانها حست انها عاجزة انها تفتكر و أنها ترجع لاهلها
حبيبة دخلت عندها في اللحظة دي و من غير ما تسأل لينا عن السبب أخدتها في حضنها و قعدت تطبطب عليها
حبيبة : خلاص بقي وحياتي عندك بطلي عياط ولله هتفتكري بإذن الله
حبيبة مسحت دموعها
لينا :بحبك اوي يا بيبا
حبيبة :وانا بموت فيكي يا لولتي... ايه رأيك نخرج نقعد برا في الجنينه
لينا بابتسامة : اوك
حبيبة : طب يلا بينا
____________________
آدم كان قاعد في الفيلا و معاه جاسر و يوسف و نجوي و يمني رن الجرس و آدم فتح كان الرائد علي
علي:آدم هقولك علي خبر بس لسة مش متأكدين منه
آدم غمض عينيه عشان ميسمعش الخبر اللي خايف منه
نجوي :بنتي جرالها حاجة
يوسف :ما تتكلم يابني
علي :احنا لقينا جثة نفس المواصفات و نفس اللبس و السلسلة
نجوي صرخت :لالالا بنتي
آدم مسك علي من قمصيه :انت انت متأكد يا علي متأكد اكيد مش لينا صح
و صرخ بصوت عالي :اكيد مش لينا يا علي
جاسر في سره و بص علي يمني :برضو عملتيها يا يمني منك لله يا شيخة
يمني اتجاهلت نظراته
جاسر :اهدي يا آدم احنا هنروح و نتأكد يمكن مش هي
آدم :ازاي مش هي بيقولك نفس الفستان و السلسة
يمني :خلاص نروح و نتأكد
جاسر :اكيد مش هي اكيد
علي :يلا عشان نروح تتعرف عليها في المشرحة
يوسف :استني يابني انا جاي معاك
نجوي :منك لله انت السبب انت اللي خلتها تروح
يوسف :مش وقته يا نجوي كفاية اللي احنا فيه
نجوي :يارب ما تطلع هي يارب لا
_______
لينا و حبيبة كانوا بيتمشوا في الجنينه
لينا : ما تيجي نسقي الورد ده
حبيبة : ماشي يا ستي يلا بينا
حبيبة أعطت خرطوم مياه ل لينا و هي كمان اخدت خرطوم مياه وابتدوا يسقوا الزرع والورد
________
ذهب آدم و جاسر و يوسف و نجوي مع علي الي المشرحة
آدم :محدش يدخل ورايا انا اللي هدخل اشوفها بنفسي
دخل آدم و خايف يفتح الثلاجة خايف و مرعوب تطلع اخته فعلا
و اخيرا آدم فتح الثلاجة و بيشوف كانت شبه لينا فعلا لكن وشها متجرح و مش باين ليها ملامح
آدم :لينا ... لينا
دموعه نزلت من عنيه
ادم بيعيط: ايه يا لينا بتخضينى ليه كده .. ماانا قلتلك الاجازه بتاعتي قربت و هخرجك
انت مستحملتيش وعاملة نفسك ميتة .. يلا بقى قومي انتي عارفة مش بحبك كدا بتسيبيني و تمشي يا لينا
ادم مسك ايدها وباسها وبيعيط : متسبنيش يا لولي ..انا مش ليا غيرك انا هعيش ازاى من غيرك ... هتقومي بالسلامه صح بس هما حاطينك في الثلاجة ليه
في اللحظة دي دخل جاسر عنده و شده من ايديه و خرج برة
نجوي :ها يا آدم بنتي قول لا يا آدم
جاسر بعصبية :انا متاكد ان دي مش لينا
آدم :لا هي هي يا جاسر نفس السلسة و شعرها
جاسر :تعالي نعمل تحليل DNA نتأكد
يمني في سرها:يابن الكلب يا جاسر ريح نفسك شوية
يوسف :أيوة صح نعمل التحليل ده يمكن مش هي
يمني :طيب شوفو الدكتور اللي هنا
جاسر بصلها بشك:لا انا هجيب دكتور بنفسي و يكون دكتور شاطر
آدم :يا اخي اي دكتور المهم نتأكد
جاسر طلع يجري و ركب عربيته يشوف دكتور و يجيبه لأنه كان شاكك ان يمني تكون هتدفع للدكتور و يقول أنها بنتهم
________
حبيبة غرقت لينا بالخرطوم
لينا : بقا كدة يعني انا مش هقدر اعملك حاجة
لينا بتجري ورا حبيبة وتغرقها و حبيبة تجري ورا لينا وتغرقها
في اللحظة دي كان عمر خارج يقعد في الجنينة
ضحك علي طفولتهم و هبلهم لكن هما مش اخده بالهم منو
عمر قرب عليهم و لينا كاانت مستخبية من حبيبة و اول ما قرب منها راحت مغرقااه علي اساس انه حبيبة
لينا اتصدمت و ضحكت ضحك هستيري علي منظروا
عمر فضل واقف و بيبص علي ضحكتها
و لقي نفسوا هو كماان بيضحك و بعد كدا اتعصب
عمر بعصبية : ينفع كدة انا لسة مغير هدومي
لينا : والله مكنش قصدي
حبيبة ايجت في اللحظة دي
حبيبة :يا نهار اسود انتي غرقتي عمر
عمر بعصبية :ممكن بقا نبطل شغل الأطفال ده وانتي يا انسة حبيبة
لينا اتضايقت :حاضر انا اسفة
حبيبة :اسفة يا عمر مقصدش
عمر حس أنه لينا اتضايقت راح شادد منها الخرطوم و غرقهم
عمر :اصل انا مش هسيب حقي
حبيبة :و احنا كمان يلا يا لينا
لينا ضحكت :يلا
و هما بيجروا حبيبة استخبت منهم و لينا وقعت علي عمر
عمر فضل باصص ل لينا وشالها الشعر اللي علي عنيها و لينا حست ان قلبها بيدق و جسمها اترعش و عمر اتكسف وكل ده و لينا متنحة لحظات
لينا فاقت و بعدت عنو و طلعت تجري علي الاوضة
_______
يمني:ما تشوف يا آدم أي دكتور من هنا
آدم :لو سمحت
الدكتور :أيوة يا فندم
آدم :حضرتك انا مش متاكد هي اختي ولا لا ممكن دكتور يعمل تحليل DNa
الدكتور :حاضر يا فندم انا هجيب لحضرتك دكتور مجدي يعملها تحليل DNa
________
حبيبة رجعت شافت عمر واقع علي الارض
حبيبة :عمر ايه اللي وقعك كدا و لينا فين
عمر :طلعت فوق
حبيبة :طيب انت وقعت ليه
عمر :اتزحلقت و لينا وقعت و شكلها اتكسفت و جريت على فوق
حبيبة :طيب انا طالعالها
عمر :طيب و قوليلها تنزل عشان نشوف هتدخل كلية ايه
حبيبة :حاضر
_________
دكتور مجدي كان عمل التحليل و في اللحظة دي كان جاسر وصل هو و الدكتور اللي معاه
آدم :ها يا دكتور قول مش هي
يمني كانت قلقانة الدكتور يتأكد و يعرف أنها مش اخته
دكتور مجدي :للاسف هي بنتكو فعلا
نجوي صرخت
جاسر بعصبية :انت دكتور كداب و مش فاهم حاجة اتفضل يا دكتور ماهر شوف شغلك
مجدي :انا لولا اني مقدر حالتكم دي كنت اتاخذت قرار مش كويس و وريني شغل الدكتور اللي جايبه و هي بنتكم يا استاذ التحليل هيكدب ليه
_________
حبيبة دخلت الأوضة عند لينا و شافت لينا قاعدة علي السرير و متضايقة
حبيبة :يا لولو مالك متضايقة ليه
لينا :اتسكفت حتة كسفة هيقول عليا ايه دلوقتي ياربي
حبيبة بتضحك :قصدك وقعتي
لينا :هو قالك
حبيبة :أيوة
لينا :طب زمانه بيقول عليا ايه دلوقني
حبيبة :ابدا قالي لينا اتكسفت و وقعت و جريت على فوق بس مش اكتر
لينا :طيب
حبيبة :طب يلا غيري هدومك و ننزل عشان عمر عايز يعرف هتدخلي كلية ايه
لينا :حاضر
_________
دكتور ماهر كان عمل التحليل و خلصه
جاسر :قول ان مش هي يا دكتور قول
ماهر :للاسف فعلا كلامه صح هي بنتكم
نجوي :لالا بنتي ماتت ازاي ازاي ماتت انت السبب يا يوسف مش كفاية قلبك مش واجعك زيي
يوسف بعصبية :سبحان من صبرني من جوايا بموت ارحميني بقا حرام عليكي
آدم كان مبينطقش كان حاسس ان رجله اتشلت مش قادر يتحرك خطووة ..
لحد ما فضل واقف لحظات وراح مشي يسند علي الحيطة بتاعتة المستشفي و وقع
يمني :آدم الحقنا يا دكتور
________
عمر كان قاعد هو و لينا في الحديقة و بيتكلمو
عمر :ها يا لينا قررتي تدخلي كلية ايه
لينا :مش عارفة بس ممكن
قطع كلامهم بنت جميلة شعرها اسود لنصف ظهرها و عيناها بني في سن 26 عام
البنت :عمر وحشتني
عمر بسعادة كبيرة :مريم وحشتيني اقسم بالله
مريم:انت اكتر جدا
عمر : بس ايه الحلاوة دي كل يوم بتحلوي عن اليوم اللي قبله يعني اقعد شهر مشوفكيش الاقيكي احلي كمان
مريم بتضحك:بكاش يا عمر انت عارف بقا كان لازم اسافر مع بابي
لينا ظهرت علي ملامحها الحزن و الغضب من مريم و لأول مرة تشعر بالغيرة من ناحية عمر
لينا لنفسها :هو انا اتضايقت كدا ليه لا مستحيل مستحيل تكون بغيير ايه الهبل ده فوقي يا لينا ده طلع مرتبط
مريم بصت ل لينا :يووه بقا اخدتني في الكلام و نسيت تعرفني مين دي
عمر :دي لينا يا بنتي
مريم :اااه انتي بقا لينا
لينا باستغراب :اه انتي تعرفيني منين
مريم :عمر اصلا مبيخبيش عني حاجة
لينا :و دي مين بقا يا عمر
عمر بابتسامة:دي مريم و تكون