يـا رُوحـي عفـيه آعٌلَيَجّ طِحًتٌيَ وٌنِهّضتٌيَ
مًحًدٍ وٌکْفُ وٌيَآجّ بًسِ آلَلَهّ وٌآنِتٌيَ
.........
سيف علي:
ولكك شلوون وياك والله اخابرلك حسن يطيح حضك
حجه وهو يصب المشروب بالكاسه: يمه كمت ارجف روح بابا رووح لا تخليني اسبك انت وحسن
كعدت بصفه وهو يشرب والهوه حار يحرك البشره: ولك آدم فهمني عليش الشرب بعدك صغير
رمقني بنضره مستهزءه: المايعيش بدلال اهله مو صغير سيوفي
شمر الكلاص وتناثر الزجاج عل كاع شال البطل بكامله وكام يشرب كأنو مي عاينتله بقرف من وضعه المُزري: ضل هيج ضل بهالطيحان حض واغضب ربك ياكافر
آدم: ديلا عساس رح نعيش بنعيم هياتهم المؤمنين واحدهم دموعه على خده ومامرتاح
_وانت هساع مرتاح؟ هياتك جاي تشرب مرتاح؟
تنهد بحسره: لو احرك روحي بالنفط ماارتاح انه، متعوب اليعيش غريب متعوب
حطيت ايدي على چتفه اواسي رغم مااعرف شبي مايحچيلي: لا تكول هيج احنا اهلك وناسك اصيرلك اخ وتچوه وحسن مامقصر
ابتسم تك خد بستهزاء: متقصرون
وكف على حيله يترنح بمشيته وبيده البطل يشرب منه ويمشي صار صوت تفحيط نزل حسن من سيارته ولابس نضارات شمسيه وبيده عوده هالثخنها لزم ادم من ياخه قميصه وكسر العوده على ايده غمضت عيوني بأالم وادم يضحك بصوت عالي ولا ابالي
حسن: ولك هم سكرت شون وياك انت شوووون؟ شكيتني شك
طبكت ايديناتي وخليتهن يم حلكي بأاستهزاء: السماح هالمره ابويه هههه
حسن: ركعته راشدي ورفعته.... والله العضيم هالمره كسرت العوده بأايدك مره ثانيه اكسرها براااسك حيواااان يلا روووح غسسسل لعبااان نفسسس
اجه كعد يمي وادم شمر روحه بالنهر حتى يصحصح: كواك الله
تنهد بضيق وعصبيه: بزعني هالولد بزعني وتعبني شسويله بعد حيوان مايفتهم ادمن هالسم الياخذه وبعد مايكدر بدونه
_اني بس لو اعرف شبي ارتاح
حسن: مايحجي خبلني مايحجي 9 سنوات تخيل 9 سنوات واني وياه وماحجالي لا اعرف اهله لا اعرف عشيرته كلشي مااعرف عنه غير اسمه وهو مغترب يابه انت يتيم؟ يكلي يتيم واهله عايشين وين اكو هيج حجي
سيف علي: زين خاف اهله ناس مو زينين وهو عايفهم؟
حسن: ماادري ميحجي اي كلمه ميحجي كاضيها يسب بالنسوان ويشرب ويفتر مثل المطي من بار لبار
عاينتله طلع من النهر وهو يمسح على شواربه ولحيته بدل ملابسه واجه كعد يمنه يضحك بعفويه او بالاحرى بطريقه مُستفره حتى يحرك اعصابنا تعودنا عليه
آدم: حسوني جوعان
جاوبه بغضب: اجيبلك سم وزقوم ياعار
عبست: شبيك وياي ترا ازعل؟
حسن: وزعلتهمممم عاااار ابن العاااار موتتني اخويه ماتعبني بكدك
آدم: استاهل التعب حسوني ابو هاشم
حسن: بس احجيلي منو اهلك
آدم: هههههه ومنو كلك انه عندي اهل؟
سيف علي: لتجذب
تربع بالكاع يكرز حب ويذب الكشور بالكاع: اي والله شبيكم اهلي ميتين احتركو بنار الدنيا كبل الاخره
حسن: لو تحلف بالقران مااصدك بيك
آدم: اهووووو شون بيناااا احنااا جوعااان هسه وكلوني سيوفي ابو جيب الثكيل والله اخيك مفلس وربع ماعندي بجيبي غديني والك اجر وثواب
ضحكت واشرتلهم: كوموا اغديكم
كمز من مكانه وصفك: غاااالي بغلاه الروووح وجيبك دومه متروس يبعد عوينات اليكرهوني وعلي عصافير بطني دترافس
دفعه حسن بعصبيه: وعساهن لا شبعن ادبسزز طايح الحظ
اخذتهم للمطعم وتغدينا وآدم عاين على ساعته وصوفر
آدم: اخ اخ اخ شباب تأخرت على استادي لازم اروح لا يكطعني
هرول بسرعه وعبر الشارع واخذله كيه توصله لمكان عمله الي هو كراج سيارات
حسن تنهد بضيق: حاير شسوي ولنبي
_شمالك يخوي؟
_اخويه تعرف حالته عنده فتحه بالقلب وحالته مدهوره يابه عوف الجامعه هسه سنه اللخ كمل مايقبل يكول الا اخلص هالمرحله يلا اسوي عمليه
شربت الچاي وحجيت: اي شكو بيها انتضر يخلص هالمرحله
حسن: حالته مو زينه والتأخير مو من صالحنا هذاك اليوم تخربط
ضحكت وحجيت: هاي معاناه السچاچين اسئلني انه اعرفها مااكدر اعوف يوم واغيب عن الجامعه
ضحك وهو مهموم: الله كريم يلا اني راجع للبيت محتاج شي
_سلامتك يالغالي بوسلي هاشم
دفعت الحساب وطلعت من المطعم تبدلت ملامحي من انسان بشوش لأنسان بارد وهادئ بعد مادخلت للبيت وقابلتني مره ابويه
ورده: هلا ابني اصبلك
_لا شكرا اكلت برا... عفتها ودخلت للغرفه مااكول اكرهها بس هي السبب بكلشي صارلي وبسببها انحرمت من امي واندفنت جوه التراب
بدلت وتمددت وانه استرجع كلشي بذاكرتي للماضي المشؤوم وكت شفت ابويه بعيني وهو يضرب امي مااتت بأايده جنت صغير والمنضر يفوق استيعابي
امي واكعه بالكاع والدم شلال من راسها وابويه يمها يرجف ويحاول يوقف النزيف ليش؟ بسبب ورده.. طفل عمره سبع سنوات يشوف ابو يكتل امه هضيمه اعله شهكاته و ونينه
چا هساع انه بحضن امي ومفتخره بيه وبنجاحي بس تيتمت وشكد صعبه هالكلمه وتجرح
كلبت نومتي عل حايط وسندت كصتي عليه بارد وانه جسمي نار من شمس برا دخلت بغفوه وحلمت بحلم غريب
مكان مقزز وكله زباله مشيت بي وانه مااعرف وين متوجهه لفت نضري سندانه مزروع بيها ورد وجانت تعتليها ورده حمره متفتحه تسر الناضر
غوتني نفسي وسحبتها شلعتها من جذورها بس جانت كلها اشواك حاده نزف ايدي وبقيت شايلها منضرها مُريح وحجيت بسري... اخذها وازرعها ببيتنا وان شاءلله متموت
فزيت على صوت اختي زينه: سيف سيف حبيبي اكعد اكل وياي
رفعت راسي وهي واكفه يم الباب ابتسمتلها بحنيه: تعاي فوتي ليش بالباب
ردت بطفوله: مو امي تكول ميصير تدخلين لغرفه بدون مايكلج صاحبها دخلي
فتحت ايدي واشرتلها: تعاي حبيبتي
ركضت وحضنتني بست شعرها زينه اختي من ابويه هي تصير بت ورده وبعدها صغيره بالابتدائيه
حجت بلهجتها البغداديه وهي تضُم الاحرف _يلا تعال اكُل وياي ماما مسويه دولمه تخبُل وحاااامضه
: زنزون ولله اكلت برا ومامشتهي
عبست: زين بس شويونه ويايه اكُل
ماحبيت اخجلها كمت وكفت وانه گايدها... چا يلا امشي ناكِل
كعدنا بالمطبخ واكلت شويه وضليت اوكلها واسولف وياها قاطعتني وهي تسألني: سيوفي انت ليش متحب ماما؟
نزلت ايدي مستغرب: ماعندي شي وياها
_ماادري بس انت متسولف ويا بابا وماما ليش
غيرت الموضوع وضحكت.... لان بس احب اسولف وياج انتي سوالفج تونسني يلا عم عم اكلي حتى ننام شويه
.....
جانيت
بلعت ريكي من باوع عليه وابتسم وين شايفته هالرجال وين تذكرري جااانيت تذكرري بقيت صافنه بوجهه اريد اتذكر مااكدر دماغي متحجر
بشار: هههه ليش واكفه تعاي تفضلي كعدي
: مشيت بتردد وكعدت عل قنفه الكدامه وهو طابك ايديناته
بشار: اي سولفيلي شونج جانيت احوالج
جانيت: انت منين تعرفني؟
_ههههههه اعرفج عوفي هالشي هسه
رديت بأاصرار: لا الا تكولي منين تعرفني اني احس شايفتك بس ماادري وين
ضحك ومسح على شواربه: تذكرين مره ماادري وين جنتي طالعه مو هسه قبل سنوات وبوكتها جان اكو عسكري دينزف من ايده وكلج انطيني مي وانتي رحتي ركض اشتريتي مي وغسلتيله
شهكت وحطيت ايدي على حلكي: انت هذاك العسكري؟
ضحك وهز راسه: اي اني جنت
ابتسمت: بس وين لكيتني وشذكرك بيه؟
تنهد بأابتسامه: ليش اني ناسيج حتى اتذكرج مارحتي من بالي وتعبت يلا لكيتج بزونه
فركت ايديه بتوتر: يعني؟
: يعني اني احبج وجاي اطلبج على سنه الله ورسوله صارلي سنوات ادور عليج
فركت وجهي بتوتر: ب بس شون حبيتني؟ مابينا كلام وحوار؟ بس هذاك الموقف واصلا مااتذكره ياسنه چان
بشار: انتِ ماتتذكرين اني اتذكر وكلش زين حبيتج من ذاك اليوم ولليوم وكعت بغرام عيونج الغريبه
تشجعت وحجيت بعد ماتذكرت كلام كناري واعوف الفهاوه: شوف اني ماريد اتزوج ماريد اعوف اختي
ضحك وحجه: عادي جيبيها وياج
: دااحجي جَد لتستهزء
عبس ملامحه: واني هم دااحجي جَد ماعندي شي جيبيها خلي تعيش ويانه
حجيت واني اترقب ملامحه: انت تعرف اني يتيمه؟
_اي اعرف كلشي اعرف واعرف ممرتاحه بكعدتج اهنا
_اي فدوه واخاف على اختي هواااي مااكدر اخليها يمهم وباسم ادبسزز
بشار: مثل ماكلت عسى ماتجيبين قبيلتج تعيش وياي هم اقبل المهم انتي ترضين شاريج بروحي وعَلي وتعبت يلا لكيتج لترديني جانيت
_اني تعبت من التفكير
_التعب باليكرهوج
_اخاف من الزواج خاف اطلع مو كد المسؤوليه واتورط
_اساعدج اني ماعوفج
رفعت راسي بعد ماجنت منزلته واحجي: بشار
رد برومانسيه: روحه وعيونه
نزلت راسي بخجل: انت شنو شغلك بالضبط
: حشداوي دوامي اسبوعين بأسبوعين
فركت وجهي بحيره: يصير افكر؟
ابتسم براحه: الج كل الوقت جانيت ومعليج بخالتج البربوك لتخليها تضغط عليج
خزرته وحجيت: ماحب هالالفاظ رجاءا
: احم العفو بس اني اعرف خياستها وجاي انبهج منها
: ميحتاج تنبهني اعرف اوادمي
رد بغموض: متعرفينهم بعدج صغيره
كمت وكفت وهو وكف وياي: اني اترخص
: مرخوصه صغيرونه
طلعت ركض من الاستقبال وكلبي ينبض دمام طبيت للغرفه وكعدت يم كناري كتيتلها الاول والتالي لزمت ايدي بحماس
: اطيح حضج اذا ماقبلتي ولج وليي بعددد طلعي منا
: اني عجبني للصراحه وخاصه طلع هو يحبني بس اخذج وياي
تربعت وتضفر شعرها: دنجبي لا بالنعال شني تاخذيني وياج ماعندي كغامه واجي وياكم والله مااطلع من هالبيت الا اغوح لبيت غجلي
ضربتها وحجيت بحده: انجبييي كناااري لتفكرين بالرجال هسه خلي كل تفكيرج بالدراسه ترا والله اك
طيح حضج
شمرت ضفيرتها ورا: اي اي شبيج هو يا عاغ يقبل بيه
: ليش. شبيج يمه عوره لو طرشه شحلاتج
ابتسمت: الساني كافي اكله هو وامه
ضحكت وجمانه صاحتني
: غوحيلها هالبغبوك هسه الدوده نابشتها نبش
خزرتها وكمت طلع بره: ها ولج بشريني
جانيت: شنو كتله افكر اااخ
ضربتني حيل على راسي: اني موو كتلج كوليله مواافقه خلصيني منج
: اي رح اوافق ارتاحي مني
حطت ايدها على صدرها براحه: هوووف خلصت من وحده ضلت الثانيه
انتفضت برعب: شنووو الثااانيه اني محلفتج بروح خالي لتسويلها شي خلي تكمل دراسه اني رح اتزوج وتخلصين مني عوفيها والله بعدها صغيره
ردت بعدم ضمير: اااي شبييج دوختيني مااسويلها شي شعليه بيها
جانيت: مرت الايام ورديت موافقتي صارت الخطوبه عل سريع وعقدنا سيد لان بشار جان موعد التحاقه ورا يوم... كاعده بفستان ابيض دخل هو واجه وكف كدامي باس راسي ولزم ايديناتي
بشار: رح اكول لروحي مبروك
رفعت راسي بخجل: مبروك
_ههههههه الله يبارك بيج
ردت احجي كناري دفرت الباب وطبت سحبت ايدي من ايده وابتعدت وبشار ضحك
بشار: ياهلا
كناري: مو عبالك اختي ماعدها احد ويهددك تغا بس تضوجها لو تسوي شي اهد عليك بسجينه واطلع مصغانك «مصرانك» واوكلهن للبزازين لعلمك يعني
بشار: حي الله الاخو الزين على راسي جانيت واخوها
كناري: عبالي والله اذا اختي نزلت دموعها اغاويك الامهات شتجيب
بشار: هووب هوووب اهدي على شنو انزل دموعها
كناري: كلشي يصيغ
بشار: لتخافين بعيوني اخليها وان شاءلله مااقصر
كناري: زين
بشار: كوكو العنيفه
جانيت: ضحكت وهو غمزلي
كناري: اي لا عبالك عنيفه دغجه اولى وانصحك لتشوف هذا العنف لان تتأذه
بشار: لا شنو مارايد روحي واوكف بيديج
ابتسمت كناري وردت: اي تمام هيج رجعو كملو قاطعتكم
طلعت وبشار كام يضحك: ولج هاي اختج شنو
ضحكت: اي ديربالك تضوجني ترا عنيفه
كرص خدودي وجرهن حيل: ول اني مامفكر اضوجج ومن شفت اختج لا هاهيه سحبت الفكره غير تلزمني وتدكني بالكاع كوكو العنيفه
......
رواسي
لازمه الموبايل بأايدي ومتوتره كلش الرابط ماجاي يفتح واني وحدي بالبيت جنت محتاجه واحد يهديني ويقلل من توتري بس وين زياد الماعنده احساس دايح وإيلي سوده عليه بدوامه
من التوتر كمت ابجي ولزمت الموبايل شمرته عل جربايه مأيسه ويا شمرتي اله دك ركضت لزمته شفته إيليا رفعته واشهك بالبجي: بااابا النتائج نزلوها
عاط بفرح: وووولج روااااسي نجحتيييي معدلج 86 رفعععه راااس اخوووج
عيطت واني ابجي: عليييك الله إيليااااا تحجييي صدددك يعنيييي هاهييييه نجحتتتت خلصتتتتت
: ههههه اي ايييي خلصتي يبعد روحي اعذريني ماجنت يمج
فتحت الكاميرا واباوع عليه بملابسه ووجهه تراب بست الشاشه وابجي وهو يباوعلي بفخر
: لتبجين يبعد راحتي لتبجين هاهيه خلصتي
: اشتاقيتلك شوكت ترجع
: ان شاءلله هالكم يوم امسحي دموعج وروحي صلي ركعتين شكُر مااكدر اصلي اني
هزيت راسي ورجعت بست الشاشه وهو عيونه يلمعن من الفرحه سمعت واحد حجه وجانت لهجته مو بغداديه
: ول شباب تعالو دحكووو اختت إيليااا نجحت بمعدل عالي
واسمع صوت المباركات واخوي نفخ ريشاته ومبتسم مافرحت بنتيجتي كد مافرحت بي وهو يتباها بيه
واحد منهم حجه: إيليااااا بشرفك خنشوف اختك
ايليا نزع بسطاله وشمره عليه: امشييي لك طاايح الحض
واسمع صوت ضحكهم ومداهرهم والكاميرا مفتوحه على ايليا وميخلي احد يكعد بصفه
: يلا حبيبتي روحي اني عندي شغل
قفلته ورحت صليت ركعتين شكُر لميت السجاده واسمع صوت هلاهل ودكه الباب ركضت فتحت الباب جانت جيرانه ام وسام
طبت حضنتني ورجعت هلهلت ابتسمت بفرح: تفضلي خاله
ام وسام: يمممه حبيبتي الف الف مبروك والله فرحانتلج
طشت عليه جكليت فتحت ايديناتي واني اضحك حضنتها حيل... شكرااا لوجودج خاله تعاي طبي
ام وسام: وسام همينه بالباب اجه يباركلج
مديت راسي من الباب وابتسمتله وسام حيل حباب وجان يساعدني بماده الانكليزي يعني هو درسني هالماده لان اختصاصه
وسام: الف مبروك محاميتنا
: ابتسمت بمرح وفتحت الباب: الله يبارك بيك استاذي ليش بالباب تعال ادخل
دخلو جوه واني رتبت شعري ورفعته ذيل جنت لابسه دشداشه شويه بيها قُصر للعلم اني مو محجبه
طبيت للمطبخ صبيتلهم عصير واخذته كعدت يمهم وهمه يسولفون وياي
وسام: اي رواسي حتقدمين قانون مو
: هزيت راسي فرحانه حيل والبهجه غركت صدري: اي
ام وسام: فخوره بيج بنيتي حققتي حلم اخوج
تنهدت: الحمدلله ربي ماضيع تعبي
وسام: اذا احتاجيتي شي بالتقديم اني موجود مو تترددين
: ههههه لا ابد استاذي والله وكفتك ويايه ماانساها شكرا كلش الكم حتى انتي خاله
ام وسام: ولج مو عيب احنا اهل استحي تتشكرين منه
وكفت مصدومه من صرخ زياد: شنووو هااااي مدخله هذااا السرسررري اهناااا
حجيت بخجله واحس دموعي تجمعت بعيوني من الفشله: شبيييك زيااااد صدُك تحجي؟
اتقدم بأاعصاب وكام يصرخ بوسام لان وسام مو على صلح وياه ومره تعاركو لهذا بينهم عداوه: اطللللععععع ممممن بيتييي
وسام ابتسم بأاستهزاء: ماجاي علمودك جاي ابارك لطالبتي
زياد راد يهجم عليه لزمته حيل من صدره وهمست: بس هالمره لتخجلني زياد
دفعني بدون حنيه وصرخ: اطللععععع ممممن بيتيييي لا العععن والددديك
راد يتلازمون وكفت بنصهم وابجي دفعت زياد بس ماتزحزح ويريد يضرب وسام صرخت بي: زياااااددد كاااافي هذاااا مو بيتك بيت ايلياااا
ضربني راشدي وكعني عل قنفه رفعت راسي وايدي على خدي ودموعي تنزل كاموا يتعاركون وخاله تريد تفارغهم أيست من زياد رحت لزمت وسام وابجي: عوووفه وسااام اطلعععع علييك الله اطلععع
بعد ايدي عنه: هذاااا ماكووو واااحد يرددده ويربييي بس تربيته على ايدييييي... وضربه بوكس
وكفت بنصهم ودفعتهم عن بعض ودموعي تنزل الركبتي من الفشله: وساااام عليك اللله لخاااطرري روووح وانييي اسفه والله
مسح دم خشمه وعافني وطلع وخاله ركضت وراه انداريت على زياد وغاصه بشهكاتي بعدني محاچيه ماحسه غير خنكني ورفعني حيل من ركبتي وكفت على اطراف اصابيعي اشهك ولازمه ايده
حچه بغضب وحاجبه ينزف: موووو شفتينييي طااالع اطببيننننن كواو** لبيتيييي مررره ثااانيه اذاااا شفتج تحاجييين هالكلب اذببببحج عل بلووووعه دااااايحه
كمت اضرب ايديناته واشهك عافني واني وكعت بالكاع واكح احاول التقط انفاسي وفاتحه حلكي رفعت راسي اباوع عليه حجيت بخنكه: لييييشش هيييج سووويت فشلتنييي كدامهم الناااس جااايه تباركلييي
: علىىى شنوووو يباركووولج تزوجتيييي؟ لو انخطبتييي؟ مااستبعد تسويها من ورا ضهري وماحاسبه اكو رجال بالبيت
ابتسمت بقهر: حقك متعرف اليوم نجحت وبمعدل زين شنو من اخ انت يعني عقلي مديستوعب كرهك اليييه لييش هييييج؟ زياااااد ااااانت حقيرررر وحجرررر
عيطت من شالني حيل من شعري ومن كل عقله ضربني بوكس حسيت عيني انطفت ودارت بيه الدنيا تخربطت بمكاني ماادري كم ساعه وشكد
فتحت عيوني واحس رح اموت من وجع عيني وراسي دموعي كامت تنزل باوعت الروحي بعدني بمكاني حتى ماكلف نفسه وشالني او صحاني ماخاف عليه اموت من ضربته
رفعت راسي بثكل أنيت بأالم ورجعت راسي عل كاع بجيت وحجيت بهمس: إيليا وينك بابا راسي موتني ااااخ... كمت اضرب راسي بالكاع احس عيني رح تنقلع من محجرها كد الوجع
خليت ايدي على راسي واصرخ صوتي مله البيت وهو مموجود: يااااربييي حنن كلببببه عليييه ياااربي اخووويه هذااا شون يجي من كلبه هيج يسوي بيه اااخ راااسي رح اموت
كمت وكفت ووكعت مااكدر احس شريان ديدك بدماغي زحفت على ايديناتي للمغسله وكفت وباوعت على روحي صفحه وجهي كلها زركه غسلت وجهي واعيط من الوجع باوعت عل مغسله وكع بيها دم رفعت راسي خشمي دينزف بغزاره
احس رح ارجع اتخربط من الخوف غسلت وبالكوه وكف الدم اخذت ثلج حطيته على عيوني وابجي محتاجه إيليا اريده يحضني وينسيني همي بحنيته
تمددت بالصاله وماادري شون غفيت مدري رجع اغمى عليه حسيت بشي بارد على وجهي اول مافتحت عيوني صارت عل شباك الدنيا نهار الضاهر صار الصبح
سمعت صوت خايف رأسا انداريت جان إيليا بملابسه العسكريه وجنطته مشموره بااهمال اول ماشفته طكيتها بجيه وحضنته حيل وهو يمسح على شعري
إيليا: هشش هششش هاي زياد هيج مسوي بيج والله لأندمه والله كومي بسرعه اخذج للمستشفى كومي
لزمته من قميصه منهاره وارجف: ض ضربني بوووكس ب بابا ضربني بوكس وطرد وسام وخاله من البيت خنكني حيل اذاني كلش
لزم وجهي بقبضه ايده: هششش لتخافين اني اجيت هياتني كدامج كومي يلا
خليت ايدي على راسي واشهك: راسي راسي موتني
عض شفايفه بغضب وشالني بين ايدي وكف يم باب الصاله وسحب البشت لبسنياه على ملابسي ورجع شالني
وكفنا عل شارع العالم واخذ تكسي وصلنا للمستشفى ودخلني غرفه خاصه واجت دكتوره عل سريع لان شافته بملابس عسكريه
فحصت عيني وكالت بي ضرر وكتبتلي قطرات وعصاره وبعدها همستلي: شون هيجي صار بيج؟ هذا رجلج جاي يعنفج؟ اذا هو كوليلي اشتكي عليه لتخافين
همست بنفس طريقه كلامها: لا هذا اخويه اني ممتزوجه وهو معليه بس وكعت السچه مالت البرده على عيني وتأذيت كلش لان حديد
لزمت ايدها بترجي: دكتووره فدوه راسي كلش ديأذيني
خلت ايدها على ايدي: لتخافين حبيبتي هاي بسبب الضربه هسه اكتبلج مسكن واخذي منه
ضمدت عيني وسدته كالت لازم ميتعرض لهوه هالايام حتى ليدخل بي شوائب من الجو
رجعنه للبيت وإيليا احسه صار احمر من العصبيه خابر زياد مايرد
اني كعدت عل قنفه وصارت كدامي عل طاوله كارتونه مال كيك فتحتها ابتسمت مكتوب بيها مبروك النجاح مُحاميتنا
رفعت راسي وباوعت عليه بأابتسامه: شكد احبك اني
ابتسم وهو لازم الموبايل اجه كعد يمي وباس راسي
: اعذريني عل تقصير ماجنت يمج بوكت نجاحج وفرحت وياج
: وجودك كافي بحياتي الله ليحرمني منك ويخليك خيمه على راسي يا كُل هَلي
ضحك وراح جاب سجينه وكعد يمي قطعت الكيكه وهو لازم ايدي طلع موبايله وطكينا صور ضحكت على وضعي: شون صور طالعه عوره اني وعيني
ضحك وباس راسي: والله مااروح هالضربه اله الا اطفي عينه واخلي يجي يبوس ايدج
كعدنا ناكل كيك واني غسلت المواعين وهو اجه حطلي قطاره العيني وانطاني العلاج ورجع لفلياه وراح جاب غده من بره سوده عليه رجع من التحاقه وتلكيته بالمصايب ومخليته حتى يرتاح
طب يسبح واني كاعده اطلع غراضه من الجنطه احس بالامان من هوه موجود
طببت ايدي بالسحاب الصغير صارت بأايدي صوره سحبتها انصدمت من شفت صورتي بالمدرسه اني وجوري هاي صوره جماعيه جانت بس هو كاصها ومبقينا بس احنا ضليت صافنه
شنو هاي؟ معقوله إيليا يحب جوري؟ بس ليش مكلي.. فزيت من انسحبت الصوره من ايدي وهو خازرني
: اني مو كايلج لتفتشين بغراضي؟
حركت حواجبي بخبث وضحكت: هاااي شنو؟ حاط صوره جوري اعترف ههه اعترف إيليييي تحب من ورااايه وسفه
حجه وهو يتهرب بنضراته: رواسي انجبي حاط هاي الصوره علمودج
ضحكت: كتلللي علمووودي؟ جاان كصيت جوري همينه بس بقيتهااا لان تحبهاااا اعتررررف
سحب الجنطه من ايدي: اهووو رواااسي لتلحين كتلج ماحبها
ضحكت وسحبت الجنطه وهو يجرها من ايدي: جوووري جيبيها عاااد
طكيتها بضحكه وهو حط ايده على حلكه: هاااهيه ماكو مفر بعد حتى اسمها بلسانك اعترف يخوي
تربع كدامي وجر حسره: اي شسوي هي معتبرتني اخوها وكل ما حجيت وياها وطكتني بخويه تلصمني على حلكي
ضحكت ولزمت ايديناته: احاجيها اااني ولو مره حجيتها بالشقه وبسطتني بالنعال بس ميخالف يهون لعيونك يووم عيد عندي واشوفك مستقر ومكون عائله لا وبعد ويا صديقه عمري جوري الخبله
ضحك وحجه: هسه هي وينها قبلت حتى بساع اسستي حياتي وياها ماتقبل احساسي ميخيبني
: اهوووو إيلييي لتصير سلبي تفائل بالخير واني اقنعها والله هي حنينه كُلش بس عصبيه وهااا ترا من هسه اذا تزوجتو الا تخليك تسبح بقاصر
ضحك من كل كلبه: هي خل تقبل واذا تريد باليوم ثلاث مرات اسبح ويا كل وجبه
ضحكت بحماس: الله شوووكت تزوج تحمست اريد اصير عمممه
: لتحلمين زايد رورو
: لا ليش جوري عوفها عليه والله اقنعها
: حك شعره متوتر: لتضغطين عليها رواسي الله كريم هسه اذا هي من نصيبي محد يكدر ياخذها
.............
جوري
سحبت اخر خُبزه من التنور وسديته وخرت شالي من وجهي وكعدت اسفط بالخُبز حسبتهن خمسه واربعين خبزه
شلتهن ويا المعجانه وطبيت للمطبخ خليتهن بالثلاجه وكعدت اغسل بالمعجانه طبت سميحه لابسه بس عبايه ونص شعرها طالع حجيت واني اغسل بالمعجانه
: متخافين من ربج بهذيج الدنيا يعلكوج من شعراياتج هيج مطلعتهن
خلت العلاليك بالكاع: ديلاااا يالشيخ لتضلين تفتين براسنا متت من الحر
: نار الدنيا هيج سوت بيج لعد الاخره شون
رحت شلت العلاليك وغسلتهن لان اتنكس من ايد سميحه ومتغسلهن زين
نشفت ايديه وركضت للغرفه اذن اريد اصلي
.. بقيت هواي عل سجاده احس بضياع وتشتت تذكرت الدعاء
سجدت وحجيت بصوت عالي: اللهُم قَربني إليك حتى يدفأ قلبي بذكرك وابلغ من الراحه مااتمنى
رفعت راسي واني اسلم: السلام عليك ايها النبي ورحمه الله وبركاته السلام عليك وعلى عباد الله الصالحين السلام عليكم ورحمه الله وبركاته
لميت السجاده ورجعتها لمكانها نزعت الچاروكه شميت ريحه مطيبه حسيتها خنكتني خنك
لفيت شالي على خشمي وطلعت اباوع بأارجاء البيت اريد اشوف هالريحه منين طالعه واني منضفه البيت تنضيف عميق
مشيت بختله وصلت للممر الي بي الحمام اباوع عليها عالكه شمعه يم باب الحمام وماادري شتهمس احس عقل مضل براسي صرخت بيها وهي فزت
: سميييييحه هاااي شدتسوووين وووولج سحااااره شنوووو هااااااي الله يحركج بنار جهنمممم ياااحقيررره
ردت بأارتباك: شبيج ولج دااحصن البيت
ضربت رجلي بغضب: ووولج ياتحصييين شايفتني غشييمه لو ثوووله هاااي سحوووره يم باب الحمام يممم النكاااسه تعااااي ياادااايحه اليوم اربيج على ايدي
دفعتها وضربت الشمعه برجلي ودسته حيل حتى ينطفي ماحس غير بدفره على خاصرتي نضربت حيل بالمرايه ومن قوه الضربه المرايه انكسرت بضهري بس همزين ماتأذيت
هجمت عليها وتكاتلنه.... وووولج متخااافين الله انتي متخاافين ينكلب عليج ويطيح حضج
دفعتني بغضب وحجت.... ااااااي وخرري معليييج بيييه انتيييي
صرخت باانهياااار تام: المممممن هذاااااا المممممن احجيييي
جاوبتني والحقد نابع بعيونها: الج
ضحكت بهستريه: لووو تصخريلي ملك الجن ميأثر بيه لان محصنه نفسي بأايات الله ولا انتي ولا شعوذتج تكدرون تأثرون بيه وخلي يرجع ابويه اذا ماكتله عليج مااطلع جووري
: هههههههههه والدليل شنو؟ هيج واثقه رح يصدكج
نزلت عيوني وعضيت شفايفي حيل اااخ يابه كاسرلي ضهري: اي طبعا ميصدك اذا انتي تارسه بطنه سحوره هسه معدته صايره مجاري من الخيسه
ماتحملت بعد هجمت عليها وكتلتها كتله غسل ولبس عفتها منبطحه بالكاع ورحت صبيتلي اكل وكعدت اكل بهدوء
غسلت مواعيني وطبيت لغرفتي شويه ودخل ابويه عليه عيونه صايره براسه
: جوووووري شلووون هيج تمدددين ايدج على سميحه
باوعتله وجاوبته بحده: تستاااااهل هاااي وحده سحاااره يااابه صدكني والله مدااجذب وروح امي
طبت سميحه غاصه بدموعها وتحجي: باوع سامر باوع شلون تتهمني ليش اني هيج ماعندي ضمير حتى اسحركم بس الله عل ضالم
ابويه هجم عليه وسفطني عل حايط خنكني حيل وعيونه فاتحهن بقوه كمت ارافس بأايده ودموعي نزلت: ووووالله تجذذب يااابه جانت عالكه شمعه يم الحمام وتحجي طلاسسسم لتصددك بيهاااا هاي حق...
ضربني حيل على حلكي ودفعني عل كاع رفعت راسي ودموعي تنزل صرخت بوجع من رفس بطني
: مرررره ثااانيه تحترمييين سميييحه لا ارااويج الووويل هاااي بمقااام امج العااار
: لتفشرررر على امي
سحبني حيل من شعري عبالك عدوي مو ابويه: والله اااذبحج ومايرفلي جفففن عااايقه
شمرني بالكاع واني لزمت شعري بتقزز واحكه طلعو وسميحه باوعتلي وضحكت بشماته
حكيت شعري بثنين ايديه واعيط بهوووس وخبال احس راسي صار حار ركضت عل باب ادك عليه واتوسل بي يفتحليااه.... ياااابه ابوووس ايدك افتح البااااب افتتتحه رررح امووووت
ركعت راسي بالباب واعيط فردت شعري وكمت اكطع بي وكعت خصله كامله بالكاع اعيط واهلس بشعري اليسمعني عباله داانازع
كمت ارفس الباب برجلي وايديناتي على شعري واحكه حيل بس اريد اغسل...
ماحس غير الباب انفتح عبالك انفتحلي باب الجنه طلعت ركض انضربت حيل بعماد وهو لزمني من عكوس ايدي خبلني بالزايد
باوعلي بدهشه واستغراب: جووري ولج خببله شبيج بعدين هاي شنو شعرج الله شكد حلووو
دفعته واعيط: عوووووفنييييي لتبااااااوووع حقيرررر... ركضت للحمام وفتحت الدوش وكفت جواه وافرك راسي حيل وعكوس ايديناتي ملختهن احس نفسي وصخه
حطيت ايدي على وجهي وكمت اشهك بنهيار شديصيررر شوكت يفتح عيونه عل جاي يصير يابه شوكت تشوف بنيتك
سبحت زين واني استغفر لان عماد شاف شعري قريت كومه ايات على نفسي وعل مي بس حتى احس نفسي نضيفه
سديت الدوش ونشفت زين... ياربي هسه شوون ماجبت اي شي وياي شسوووي صحت سميحه سمعتني ومااجت اضطريت البس نفس الملابس ورجعت للغرفه اخذت ملابس جديده ورجعت سبحت مره ثانيه
كعدت امشط شعري موتني من الوجع لان فركته حيل وفروتي احسها تدك عليه لان سحبت شعري
باوعت عل خصله الي بالكاع وتنهدت والله شعري غالي عليه وحيل احبه ماادري ليش سويت هيج حسبي الله عليج ياسميحه
شلت الخصله بقهر وبستها ذبيتها بالزبل
ضفرت شعري ولفيته لبست حجابي وطلعت شربت مي طبت سميحه وهي تعدل بشعرها الاشقر
: اكلج جوجو
باوعلتها بحقد: هااا شتردين
: ابوج راسه يوجعه روحي جيبيله دوه من الصيدليه رفعتي ضغطه
: اننني؟ كوولي بسحورتج وجعتي راااسه عل عموم رح اروح للصيدليه مو لخاطرج ولا لخاطره بس يبقى ابويه
رحت لبست جواريبي والعبايه وحتى فلوس ماانطوني اخذت من يمي مجمعتلي كم فلس احتاجهن بالعازه
طلعت اتمشى واسحب هوه بكل قوتي مخنوكه كلش بالبيت واحنا اصلا بيتنا صغير حتى حديقه مابي لو كراج شويه واحد يشم هوه بس السطح ومااكدر اصعد من ورا المطيرچيه
طبيت للصيدليه اخذت الدوه واني داارجع وكفني محمد خزرته وحجيت بنتره.... اقسسسم بذات الله اذا مره ثانيه تعرضتلي اكتلك كتله انتفلك شوااااربك مو صاير رجال براسي
محمد: جوريتي بس خلي احاجيج عليج العباس
: سطرك العباااس كووون ولي من وجهي... عفته ومشيت وكفت من حچه
... اليوم نتائج السادس واختي نجحت متجين تباركيلها؟
انداريت عليه واني افكر يعني رواسي طلعت نتيجتها رفعت نضري عليه وحجيت بخزره.... وعلى شنو اباركلها على صخام وجهك اختتتك الادبسزز الي ماخافت من الله ورادت تحبسني يمكم عائله طايح حضها
عفته ومشيت غيرت طريقي ورحت لبيت رواسي فرحانه وادعيلها بلكت يارب معدلها عالي وافتخر بيها... فحطت لحد ماوصلت لبيتهم دكيت الجرس واني الهث وفاتحه حلكي
انفتح الباب واني سديت حلكي بفشله جان إيليا.... سلام عليكم
باوعلي واحس عيونه تلمع شبي هذا: وعليكم السلام تفضلي جوري
: دخلت ولازمه عباتي حيل... بلا زحمه خويه صيحلي رواسي
إيليا: وليش اصيحلها دخلي انتي هي بالصاله وكوليلها اني طالع
هزيت راسي وهو طلع نزلت عباتي على جتافي وشلتها لا تتوصخ ركضت للبيت فرحانه بس اختفت فرحتي من شفت عيونها ملفوفه لزمتها بخوف... رواااسي شبيييج؟
حضنتني بفرح.... ياااااي جوووري والله مشتاقتلج كُلششش طولتي الغيبه
... عوفيج مني شبيها عيونج بسلا زياد العااار والله اطيح حضه
ضحكت بفرح... عوفيج من زياد باركيلي نجحححت بمعدل 86 حققت حلمي
جوري: ابتسمت وحضنتها حيل... يروحي تستاهلين تعبتي والله ماضيع تعبج ان شاءلله يوم التخرج وهسه شبيج احجيلي
كعدت اسولفلها وهي باوعتلي بحده: تقبلين ادعي على اخوج؟
برطمت بزعل... لا جوري عندي حوبتج جبيره خاف اخويه يصير بي شي مهما صار يبقى من لحمي ودمي
هزت راسها بعصبيه... تمام مارح ادعي لخاطرج والا جان طكيته بدعوه خليته ينكلب كلاب هالحقير الماعنده غيره
سمعت صوت ايليا يصيحني وجوري شالت عبايتها وخلتها على راسها طلعت ركض وهو ابتسملي وشايل علاكه
: هاج هاي ضيافه هواي رح يجونا خطار واني مابيه كل ساعه رايح للاسواق ضيفي جوري والباقي ضمي
غمزتله... كتلي للخطار جايب
خزرني وحجه بشقه... لتخليني اطفي عينج الثانيه بلا مسلته
ضحكت واخذت العلاليك من ايده... احاجيها عليك
باوعلي بتوتر وفرك شعره.... ها؟ لا لا عوفي الموضوع
_اهوووو إيلي لشكد تبقه هيج تستسرق نضرات خلي احاجيها ونشوف
جر حسره وتلفت بعيونه عل حديقه... مو اخاف كلبي ينكسر وهي حاده
لزمت ايده... تفائل شبيك تفائل
ضغط على ايدي متوتر... وعلي ترعبني هالبنيه احتشامها وعفتها واسلوبها غصب عني يخوفني
ضحكت وبست ايده: لتخاف ان شاءلله ماتكسر كلبك
ابتسم: يلا روحي
طبيت جوه خليتلها ضيافه ورحت كعدت يمها وطبعا اعرفها متاكل لان تتنكس بس من باب الاداب
حجيت واحاول افتح موضوع: اكوول جوري
: كولي
ضحكت... بشرفج بشرفج مو تعصبين دنسولف حلو
حجت وهي مقلصه عيونها بحذر.. هاا شكو؟
_ماناويه تتزوجين؟
ضربت رجلها بغضب: هممم فتحت هالمووضوع شبيج بنيتي كاعده على كلبج مااتزوج
شلت العصير وشربت منه: لا والله شبيج غير دنسولف يعني كل بنيه لا بُد يجي يوم وتتزوج انتي شلون بيج
باوعتلي بنضرات مُقرفه وحركت ايديها بتقزز: عيع عيييع نفسي تلعب من الزلم ومن الزواج بأاساسه ولج اني اليوم ابويه كتلني ورفسني غير لزم شعري تخبلت ذاك هوه روحي شوفي الزباله مال غرفتي نص شعري بي لان لزمه سبحت مرتين الله وكيلج
_عزااا ليش كتلج شصااار؟
: عادي عادي تعودت المهم سدي مووضوع الزواج
غيرت كعدتي ورحت كعدت يمها: جورري حبابه اريدج لأخويه
انتفضت بنضراتها وخشنت صوتها: رواااسي سددي الموضوع لا بالنعال على حلكج
لزمت ايديها... حبابه بس انطي فرصه يحاجيج
جوري: سحبت ايديه بسرعه وخزرتها... رواسي تعرفيني مو مال هالسوالف اني اجي يمج شويه ارتاح من ابويه ومرته تجين تفتحيلي هالموضوع
عضيت شفتي بقهر: جوري والله يحبج لتكسرين كلب اخويه
انتفضت ووكفت لبست عبايتها وايديها ترجف استغربت حالتها... رواااسي رجاءاااا ماحب الزلم ماحب الزواج تعرفيني اني اتخبل من واحد يلمسني مااتحمل اتقيئ
وكفت وركضت وراها وهي تهرول حتى تطلع من البيت لاكانه إيليا بالكراج ووكف كدامها اشرلي ادخل بس هي اندارت وخزرتني بمعنى لا تروحين بقيت واكفه بمكاني
إيليا: اريد احاجيج جوري
غمضت عيوني بقوه وفتحتهن: اعررفك تحبني واعرفك تكن الي مشاعر من زمان بس صدكني يا إيليا مااحسبك غير اخـ...
خزرني ونتر: والله عليتي كلبي بأاخويه جوري اني مو اخوج متردد كُلش بهالخطوه وصارلي سنين احاول اخطيها بس اعترف خفت كلش خفت من الرفض بقيت واكف بمكاني ومنتضر بس حركه بسيطه منج تحسسني بالامل
جوري: وماشفت مني شي اني ماحب اتزوج ماحب العلاقات ولا احب الحُب
إيليا: عل اقل انطيني فرصه
هزيت راسي: مااكدر إيليا اتمنى تسامحني
إيليا: لتكسريني جوري
رفعت عيوني وباوعت بعيونه مو من طبيعتي اخلي عيني بعين رجال بس ردت اشوف نضراته وياريت ماشفتهن جانت عيونه مدمعه أنبني ضميري حيل وكلبي انعصر بس مااكدر اجبر نفسي على شي مااريده
همست: سامحني خويه
غمض عيونه بحزن: هاهيه اخيتي اعتبري ماصار شي يلا امشي اوصلج
: شكرا ماريد ازحمك
: لا ماكو اي زحمه صار المغرب وميصير تطلعين وحدج وبيتكم بعيد
انداريت باوعت الرواسي واكفه يم المطبخ وتبجي عفتها وطلعت ماردت ابقه اكثر مشينا والسكوت سيد الموقف كلبي ينبض بقوه وادعي انو ميحجي شي ويحرجني اكثر
قربنا نوصل وكسرت الصمت اني: كافي لهنا تعبتك اكمل اني خاف احد يشوفني وماكلتلهم جايه لبيتكم
هز راسه وميخلي عينه بعيني مشيت كم خطوه وصاحني انداريت وهو يتلفت بعيونه لحد مااستقر بنضراته عليه ووجهه محتقن
إيليا: جوري رح ابقى احبج
: نزلت عيوني بقهر وعفته ومشيت بعدت عنه كلش وانداريت شفته بعده واكف ويدخن
طبيت للبيت واحس كلبي ديتمزق من الالم نزلت راسي حطيت ايدي على خدي شفت روحي داابجي على شنو؟ ماادري
سميحه واكفتلي ومتخصره وتهز بخصرها: وووين دزييتج لللصحراااء لو رحتي تديحين
شمرت الدوه بوجهه.... رحت لبيت صديقتي اليوم النتائج
_وانتي تفتررين بكيفج غيررر تكوليلنه وعايفه ابوج يتلوه بوجع راسه
ردت اتعارك وياها مانشوف غير عماد طب للبيت ويعيط وكع بالكاع وايديناته دم
عماد: يممممه كتلتتته يييمه ماااات مااااات
جوري: ولك منو كتلت الله يصخم عيشتك ياادبسزز يامجرم
سميحه: يبووووو وللللك شسوووويت شسووويت....
يتبع... تصويت
#مريم العَلي
#قلائد النار
دُمـتُـم فـي حِـفظَ الـرحـمـٰـن