قلائد النار

بارت 50

مًنِ شُفُتٌکْ وٌحًکْکْ تٌيَهّتٌ دٍربًيَ
مًآکْلَکْ مًتٌتٌ بًسِ آنِخِمًشُ کْلَبًيَ
............

كناري

: علي
جاوبني بلهفه: طيره گلبه

نزلت دموعي واباوع بوجهه بنظرات تايهه: علي
علي: لا تخافين احجييي كلبي رح يوكف
خليت ايدي على وجهي وشهكت

: توعدني ماتكول الأحد؟
: وعد حُر وازين شواربي اذا كلت الأحد بس احجي رح انجلط

طكيت اصابعي بتوتر وركزت بعيونه: علي اني مو بنيه
بهت وجهه وايده وكعت من حضنه مركز بعيوني ومايرمش واني بس دموعي تنزل

حجه بصدمه وصوت يرجف: ش شنو؟

هزيت راسي: ماافيدك صدكني اني قذغه ومو طاهغه تستاهل وحده شغيفه تص...

نزل راشدي قوي على خدي وكعت بالكاع مصدومه رفعت راسي بعصبيه وعيطت: شلووووون تتجغأ وتضغبنيييييي؟؟

كرفص عليه ولزم متوني يهز بيه حيل: اذااااا مره ثااانيه حجيتيييي على روحج بهييج كلااام اطيح حظج حيوااانه

دفعته عني ورجعتله الراشدي: اكسغ ايده اليفكغ يمدها عليييه مو عغفت الحقيقه؟ هااااهيييه فك ياااخه مني

جاوبني بهدوء: نص الحقيقه هاي اريدنها كامله، كملي السالفه كلها
كناري: اني جنت على علاقه ويا حسان

ضحكت متنرفز ومسح وجهه حيل عيونه صارن دم وزع نظراته عل مكان ورجع ركز بعيوني

حجه بصوت يخوف: تقنعيني؟ انه المابيناتنا شي جنتِ تتسودنين اذا لمستج مو حسان الي تبغضي وتكرهي تسلمي روحج لا وتحجيها بكل ثقه ومفتخره

كناري: هاي الحقيقه ومااكدغ انكغها

شهكت من هجم عليه وعصر وجهي حيل: كناااااري لا تطلعيني من طورررري احجييييي

دفعته ووكفت: عليييي لا تتجاوز وعوووفني بحاااالي

ردت امشي سحبني حيل من شعري ورجعني لمكاني ضربته راشدي ثاني وردت اشرد بس لزمني

علي: مو بهالسهوووووله احجييييي كلشييي
كناري: شتغيد بعد؟ كتلك اني سلمت غوحي اله وغضيت بالحغااام

هز راسه بنفي: لا مُستحيل مامصدكج ابددد كناري وعيون امي مااحجي الأي مخلوق بس لا تكسريني وسولفيلي كلشي

نزلت راسي وابجي وهو لازمني حيل من عكس ايدي: عوفني اغيد اغجع للبيت

شهكت من حضني حيل واني ارافس: عووووفنييييي وخخخخغ والله اكوول الشهممم علييييك وخغغغ علي

تقيئت عليه وماعافني مچلب بيه تهسترت بالعياط وخرمشت ركبته حيل اريده بس يعوفني وماوعيت على نفسي واني احجي

: وخغغغغغ حسااااان وخغ والله اجغممم بييييك اموووتك بيديييه عووووفني

ايديناته رخت واني ابتعدت عنه وصافنه ماادري شحجيت ولا شمسلتت بس الاعرفه هوَ مصدوم