فراك وجهك ما يفض بالله كريم .
ٕ
ٕ
ٕ
ٕ
غُيَآهّبً آلَغُآنِيَآتٌ
بقلمي
ريـــبـــــال
لاتنسون التصويت والتعليقات بين الفقرات
_____________________________
ٕ
ٕ
ٕ
ٕ
ٕ
ٕ
متمدده واكلب بصوره لاارادي ابتسم من اشوفه شكد حاولت اتخطى وشكد كلت خلصت بس بكل مره ارجع للصفر
سحبت نـفس وهمست
ࢪواء.. حـبيتك واني ادري انك متصير الي وادري تحب واحد ثاني واني اضل مابين احبك مابين احس بالذنب
غوشت عيوني من الدموع حته الصوره مااشوفهة عدل سمعت صوت مُهـــاب يصيح عليه كمزت ومسحت وجهي عله السريع
مُهـــاب.. مو اصيح عليج
ࢪواء.. اي توني سمعتك
صفن عليه عاكد حواجبه
مُهـــاب.. شبيج
ࢪواء.. شبيه
مُهـــاب.. انه ادري غير جاي اسئلج
ࢪواء.. مابيه شي
مُهـــاب.. چا عيونج ليش محومرات
ࢪواء.. يمكن لان نعسانه
مُهـــاب.. كله من هل تليفونات كومي اكويلي ملابسي ونامي
ࢪواء.. اي
عافني وراح غسلت ورحت الغرفته كاعد والناركيله بصفه يدخن ويكلب بتليفونه طلعت بدلته العسکريه ووكفت اكويهة
مُهـــاب.. هم محاجيه افراح
ࢪواء.. لا
مُهـــاب.. اريد اجيب ملك شدكولين
ࢪواء.. بكيفك
مُهـــاب.. راح اجيبهة هيه وامهة ختولي
ࢪواء.. مو عندك شغل
مُهـــاب.. تدبر نشاء الله
ࢪواء.. كملت بعد تريد شي
مُهـــاب.. لا نامي مو تضلين كاعده
هزيت راسي ردت اطلع ونوب رجعت عليه
ࢪواء.. مُهـــاب
مُهـــاب.. ها
ࢪواء.. عادي تبدلي الخط مالتي
ذب تليفونه يباوع عليه شكد اتوتر من هاي نضراته
مُهـــاب.. يا خط
ࢪواء.. السايق الي ياخذني للكليه
مُهـــاب.. ليش تبدلينه شكو
ࢪواء.. احسن
مُهـــاب.. ࢪواااء الاحسن شنو كليلي شصاير
ࢪواء.. والله ماصاير شي بس هو مكروه يعني دومه يطلع حجج ويخلينه مشتولين ننتضره واصلا حته البنات الي ويا مو زينات
سكتت وهو ساكت بس عينه عليه بشك
مُهـــاب.. باجر انه اوصلج واوصي واحد من الولد يجيبج وخط بعد ماكو لا هذا ولاغيره
ࢪواء.. هاهيه بكيفك
مُهـــاب.. يله روحي نامي
رجعت الغرفتي كلبي يدك بسرعه اتوتر من احجي وياهم بس هو مُهـــاب اكثر واحد يفتهم بيهم هذولاك الاثنين يشلعون كلبي اذا مااحجيلهم شي جبير ويسوون مصيبه مايبطلوني منه ويكولون تتعاير
خليت راسي عله المخده اريد انام بس ماكدرت سحبت تليفوني وضليت اكلب بي فتت عله الانستا شفت أسيــد ناشر ستوري ضليت اهفي عله وجهي وهو لايمي ولابكرباي ليش التوتر والرجف ماادري سحبت نفس عميق وفتت عليه
ناشر صور آســر وياهن قصيده
حــاچو بلکت يكعد حاچـو
ࢪواء.. ااخ ياروحي يا أسيــد يارب برد نار كلبه شوكت ينسه ويتقبل مو والله كلبه خلص ياربي
غطيت راسي ابجي ودموعي غركت المخده عليه وعله حالته وحزنه اذكر ضحكاته واذكر وجهة الي انطفه هسه اذكر ملابسه واناقته واذكر ملابسه السود الي مايلبس غيرهن هسه اذكر سوالفه وضحكاته وشقا من يجينه واذكر هسه حته صوته ماينسمع
غفيت واني ابجي ومافزيت بعد اله عله صوت المنبه طفيته ورحت غسلت وحضرت نفسي ونزلت انتضر مُهـــاب ربع ساعه يله نزل فتحت حلكي مصدومه شنو هاي يوصلني بـ هذا شكله
ملابسه العسكريه مال الدوام وسلاحه
مُهـــاب.. يله
ࢪواء.. شنو
مُهـــاب.. مادكومين شبيج غير اوصلج
ࢪواء.. هيج
مُهـــاب.. هاي شمالهة
ࢪواء.. تروح وياي بـ هاي ملابسك وهذا شكلك
مُهـــاب.. اشك حلكج تره ماتحترمين
ࢪواء.. آسفه والله بس
مُهـــاب.. رايح وياج بهدوم مشككه شني كومي كومي عندي شغل اذبج واولي تحركي
ࢪواء.. اي
كمت ويا مطنكره هسه اني شكتله وهيج عصب والله يالله صعدنه بالسياره وصلني للباب ردت انزل وصاح عليه
مُهـــاب.. تفوتين وحدج وهاي الهوسه هنا
ࢪواء.. تره يوميه اجي
مُهـــاب.. الله يطيح حضنه اي والله اوكفي شو
نزل من السياره واجه يمي
مُهـــاب.. امشي خل افوتج واروح
ࢪواء.. ميخلون واحد يفوت
مُهـــاب.. غير تتحرك يا علـــي تشل الحال من الصباحيات
دنكت راسي ومشيت ويا راوه الحرس هويته رأسن فات ناسيه هاي السالفه اني فوتني وكعدني بمكاني يله طلع
من طلع يله سحبت نفس مرتاحه
هبـه.. ها ولج
ࢪواء.. وكعتي كلبي
هبـه.. شسويتلج بخ هيه حجايه شعجب اليوم جايبج اخوج
ࢪواء.. أحسن ماريد الخط
هبـه.. اي عيني تفيكي بي عود ضابط وكذا
ࢪواء.. اني مو هيج تره وماردت يجيبني من وره هاي السوالف
هبـه.. يله هسه شدعوه شكنالج ولاتتحملين شقه
ود.. هلاو بنوتات
حجتهة وكعدت هل بنيه سبحان الله مادري ليش تكرهني كره العمه تشوف دم سنونهة ولاتشوفني والمصيبه صديقه هبـه المقربه وهبـه صديقتي المقربه
.. هله
ود.. استغفر الله تره ونبي ميته قهر
هبـه.. شكو شبيج كالبه الخلقه
ود.. أســودي زعل عليه
حجتهة وهيه تتموع فضيعه قابليه هل بنيه يسولفن واني مالي شغل مسويه نفسي ملتهيه بالكتب
ود.. ࢪواء حباابه
رفعت عيني عليهة عاكده حواجبي تحاجيني ونوب حبابه
ࢪواء.. وياي
ود.. لاويا امي طبعاً وياج منو غيرج ࢪواء هنا
ࢪواء.. تفضلي شنو تردين
ود.. هو مو يصير اخو مره اخوج حبابه خل تحجي ويا لو كليلهة لان اني استحي والله
عكشت وجهي كلشي مافاهمه شجاي تخرط هاي
ࢪواء.. مافتهمت
ود.. اوف شوفي لازم اشرح
هبـه.. هاي شبيج ود حلكج سدي
ود.. اريدهة تساعدنييي
هبـه.. انجبي وكومي وياي احجي وياج
ود.. وخري معليج اصلا راح نصير كرايب بس من بعيد
دفعتهة ورجعت عينهة عليه
ود.. اي حبي
ࢪواء.. شنو
ود.. ءءءممم شوفي والله مستحيه بس يله ميخالف اني اني عله علاقه ويا اخو مره اخوج وهسه تعاركنه اريدج تحاجين اخته حته تتواصل ويايه لو كبل تحجي ويا مااكدر عله زعله وربيي
ࢪواء.. شبيج انتِ تره كلهم مزوجين
ود.. لا حبيبتي حبيبي بعده عن قريب يلا يصير متزوج شنو هاي هم حاسبينهة زواجه عليه
تحجي وتتمضحك حسيت كلبي رجف شجاي تحجي
ࢪواء.. شبيج اليوم
ود.. شبييااا غير دااكولج اخوها الصغير أسيــد يلا ارتاحي فدوه حاجيهةة
ࢪواء.. انتِ انتِ ويه أسيــد
ود.. اممم صح غريبه بس لازم احجي حته اكدر اوصله
ࢪواء.. هههههههه اكيد تشاقين
ود.. لا وربي مااشاقه ترا داكولج تساعديني وين الشقه بالموضوع
ࢪواء.. وين عرفتي
ود.. شعليج انتِ راح تدخلين بينا نوب
ࢪواء.. يعني جذابه روحي هاهيه مستحيل اصدكج
احجي وياهة هيج بس احس كل جزء بيه يرجف
ود.. ليـش مجاي تصدكين
ࢪواء.. لان شي ميتصدك
ود.. هاج تعالي غير اني اجذب شوفي المحادثات شوفي الصور هاج
طلعت تليفونهة بلعت ريك وضليت اباوع بي أسيــد وسوالف وحب شمرته عليهة ارجف
ࢪواء.. وحق الله جذابه
ود.. انتِ شبييج كلسااع وصحتيي جذابه وجذابه لو حقج جنتي متأمله يكلبج موو
ࢪواء.. شتحجيين
ود.. ها حبيبتي اعرفج بروحج نصيحه كل حبج اله الي من طرف واحد شيلي حبابه لان اغاار وعن قريب راح يصير زوجي تمام عيني اجيتج حته تساعديني بس طلعتي صلفه و***
فتحت عيوني مصدومه والرجفه ماراحت مني
ࢪواء.. احترميي نفسج ولاتغلطين
ود.. اوي يماما جاي ارجف انتِ الي لمي كرامتج الي ساحلتها وعوفي أسيــد بحاله كافي تركضين ورا
ࢪواء.. مارااكضه وراا ولابالي اصلااا
ود.. هههههههههههههه حجي يفيدج يروحي اني وانتِ نعرف كلشي صح
حجتهة ودكت عله جتفي دفعتهة واخذت كتبي وطلعت دموعي الوحدهن يوكعن عزت عليه نفسي وكرامتي شلون حبيته وهو مايدري بوجودي حته وتاليهة هيج اتبهذل
هبـه.. اووووكفي ࢪوواء
سرعت بمشيتي وصلت يمي وسحبتني من ايدي
هبـه.. فدوه اسمعيني
ࢪواء.. انتِ الي كتيلهة مو ليش مو وثقت بيج اني هيه هاي جزاتي عوفيني هبـه
هبـه.. والله موقصدي ماادري بيهة راح تسوي هيج والله العظيم
ࢪواء.. عوفينيييي
هبـه.. لججج حته ماادرييي عدهة علاقة بييي
ࢪواء.. عوفينيي عوفيني
فلتت ايدي منهة واخذتلي زاويه وصرت ابجي من كل كلبي طلعت جهازي اريد واحد يجي ياخذني للبيت
ࢪواء.. فدوه تعال رجعني للبيت
حسين.. شبيج ࢪواء
ࢪواء.. بطني تأذيني حيل لاتتأخر
حسين.. جايج
عفته وبقيت اغسل واحاول اسكت بس وين اكدر لحد مااجاني اني روحي طالعه صعدت بسياره وسديت الباب بهدوء
حسين.. جبتيني عله عمه عيوني شجاج
ࢪواء.. مادري كتلك بطني وجعتني ماكدر اكمل
حسين.. هسه شلون صرتي
ࢪواء..احسن
حسين.. وشنو جاهله وتبجين من بطنج لاحول الله عود مُهـــاب كال انه ارجع عليهة بس ماصبرتي
ٕ
طول الطريق يحجي ماسكت واني كلمه اسمعهة وعشره لا اريد بس اوصل وافتك
نزلت بوجهي الغرفتي قفلت الباب وكعدت بالكاع خليت راسي بين رجليه ابجي من كل كلبي واحسه يدكطع
ࢪواء.. ليشش ياربي ليش والله ماجاي اطلب منك تخلي الي بس خلي يطلع من كلبي بس خل اخلص من هل وجع ليشش يوميه مفرفحه من وراا مايحبنييي مايريدنييي موباله ولايدريي بوجودي كللل هل حبب والغيره والقهررر ليششش يا علـــي
ٕ
ٕ
ٕ
ٕ
ٕ
ماسأل عليه ولااجاني ولاشفت حته ابني كرهني صدك كرهني أڪبر مايسأل عليه ولااباله
متمدده وصافنه بالسكف هيه هاي والندم ياكل بيه اكل وروحي يم فهــد وأبو الفهـد الصعب واذا يخلي واحد براسه ياويله
تنهدت وكمت نزلت جوه البيت فارغ بس اني وامي وابوي بي لكيت امي كاعده بالمطبخ كعدت بصفهة
ام مهــيب.. ها يمه اليوم منين طالعه الشمس
ضحى.. احس روحي اتكأبت
ام مهــيب.. طبعاً اذا حابسه روحج بهل حيطان اطلعي شمي هوه شوفي شمس الله
ضحى.. مالي نفس بشي والله ابد
ام مهــيب.. اي دضلي ضلي تفيدج هاي سوالفج
ضحى.. اريد فهـد
ام مهــيب.. لايسمعج ابوج ويحطج ويكتلج
ضحى.. لييييش غير ابنيي
ام مهــيب.. ومافكرتي بـي قبل لاتسوين سوايتج دك دك ويه صاحب الزلمه زين ماذبحج هذا المسودن عود يفيدج كروب
ضحى.. يمه غلطططه غلطت مامعصومه اني شبيكم ويااي
ام مهــيب.. هم لسانج بعده بطول النعال ماتوبين كومي من وجهي
ضحى.. بسيطه هذا ابو خشم اني اعلمه اله اخلي الي ببطني بس الي ونتساوه
صفنت امي عليه وايدهة عله خدهة فجأه ضلت تتلفت ومااحس اله نشمر علية نعال من هذا الاصلي
ضحى.. ااااخ هاي ليش
ام مهــيب.. بـ*** ولاتصيرلج چاره
ندك الباب واحنه نتناكر طلع ابوي يفتحه شويه وفات يباوع عليه دنكت راسي وحسيت عليه خله شي بحضني رفعت راسي ورقه
محمد.. اخذي نتيجه افعالج بويه
عكدت حواحبي واخذتهة فتحت عيوني مصدومه
ضحى.. شـ شنو هاي
عافني ومشه صحت ورا
ضحى.. بااابااا شنوو شنو تجذبون عليييه موو جذبب
ولالتفتلي تقربت عليه امي
ام مهــيب.. ولج شبيج
ضحى.. يريييددد يطلكنيييي يممه وصلتتت ويا هيجج هاج شوفي شوفييي جذااب ادري بي يجذب يريد يحررك كلبي
عفتهة تصيح وراي وصعدت ادك عليه من يوم الي صار واني ادك عليه واحاجي وحاولت بكل صوره بس ماجاوبني بـ ولاحرف
رجعت نزلت اتسحب اخذت تليفون ابوي وصعدت ركض قفلت الباب وكعدت ارجف ادك عليه وادعي يرد اول مااجاني صوته شهكت وغمضت عيوني
أڪبر.. الوو
ضحى.. أڪبريي
أڪبر.. شرايده
عيوني نملن دموع من نبرته بلعت غصتي وكوه طلعت الحجايه
ضحى.. تلمني بحضينك اني وجهالنه
أڪبر.. جهالي اي بس انتِ لا اختاريتي التردينه روحي سوي
ضحى.. شختاريت اني لو يخيروني بين الف شغله وشغله وانت هم راح اختارك
سمعت انفاسه والتدل عله انة جاي يدخن شويه ورجع حجه
أڪبر.. واضحه بويه واضحه روحي عيوني انتِ روحي بعيد خلصت وياج
ضحى.. فدوه اروح لعيونك
أڪبر.. مو صاحيه
ضحى.. مسودنه بيك
أڪبر.. من الاخير الورقه وصلتلج وقعي عليهة بهدوء بدون مشاكل وبدون تطواله
ضحى.. واهون عليك
أڪبر.. مثل ماهنت عليج
ضحى.. غلطه وسبحان المايغلط
أڪبر.. روحي لااجي البيتكم واجنزج لان كلبي محمل منج
ضحى.. لو ماتحبني ماتبقه مهتم الهسه
أڪبر.. لاحول الله شتردين مني
ضحى.. اريدك انت
أڪبر.. ماتلكيني بعد وانه صوج كلبي الگ*** الراح تزوج شلي بهل ورطه هل اكلت خـ** بالفروخ
ضحى.. اني ادير بالي عليهم وعله ابوهم
أڪبر.. نشاء الله مانحتاجج اكو هواي نسوان
ضحى.. أڪبر
أڪبر.. المره ماترضه بيه اله اطلك فـ خلصيني رحمه الوالديج وهسه عندي شغل
حجاهة وسدا ضليت متصنمه بمكاني وحق الله مخبل هذا كلشي يسوي ويروح يزوج بس حته يقهرني يمه شلون بيه
ضحى.. وهاي بنين تدري بكلشي وتضم عليه عزه العزاني
رجعت عله تليفوني وخابرت بنين اريد اطلع حركه كلبي بيهة
ضحى.. بنييين شجاااي يصيير تحجين كلشيي لو اشهركم واخزيكم
بنين.. اسم الله شصاير
ضحى.. عفيييه غشميي نفسسج شنو المسودن العندي يدزلي ورقه طلاك شنيي يكلي المره متقبل بيه اله اطلك شيريد يسسوي
ماحجت ضلت ساكته رجعت عطت
ضحى.. ولجج احجيي
بنين.. شحجي ضحى شتردين مني انتِ ويا
ضحى.. يريد يزوج
بنين.. اي وكال الـ أســـد وتعارك ويا وصارت هوسه من هوسه ونوب اتفقو وخطب ضحى خطب بس البنيه متقبل اذا مايطلك
ضحى.. ومن وره غلطه بسيطه مو بسيطه ميخالف بس غلطه ونسحلت سحل واني اعتذر منه ويريد يعوفني ويتزوج
بنين.. خلي يولي
ضحى.. هو هذا الي راح اسوي لان كلش كافي الي سويته علموده وجهالي اخذهم بالمحاكم واذا زلمه يفك حلكه
بنين.. جنج نسيتي البيده ياخذ عشر جهال من حضنج بدون تعب
ضحى..عنده واسطات عله نفسه مو عليه
بنين.. شسويتي بروحج ضحى خـ** بيج وبعقلج
نزلت دموعي وعله صوتي ابجي وهيه بس تسمعني
ضحى.. ولج يريد يتزوج بنين
بنين.. مخبل مو صاحي
سديت التليفون بدون مااحاجيهة ونمت عله وجهي ابجي واصرخ حركلي كلبي حرك.....
ٕ
ٕ
ٕ
ٕ
ٕ
الأســـد.. شبيج بابا ويامن احجي
بنين.. ها وياي
الأســـد.. شو تعالي
عفت الملابس الي بيدي ورحت كعدت عله الحافه يمه وهو متمدد سحب ايدي باسهة ويحرك اديه عله خدي
الأســـد.. وين صافنه يحيلي
دنكت راسي ورجعت باوعت عليه
بنين.. اني حامل
اباوع عليه وهو بس صافن عليه
الأســـد.. شنو بويه
بنين.. حامل ارتاح سويت البراسك وماعفتني بحالي
الأســـد.. هههههههههههههه وانتِ كالبتلي خلقتج عله هاي خايبه فدوه اروحلج
كام كعد كعده وسحبني الحضنه يبوس شعري
الأســـد.. الف الحمدلله يارب
بنين.. أســـد والله مااريد
الأســـد.. ليش ياحيل أســـد
بنين.. اني كوه كبرت مشمشه وشهـم وهم بعدهم شالعين كلبي نوب ارجع السهر الليل والحليب والحفاضات والقهر أســـد لا ونبي مااكدر
الأســـد.. وانه وين رحت
بنين.. انت ساس البله
الأســـد.. نعمه هاي تدرين العالم تتحسر عله ريحه الطفل وانتِ كاعده تتبطرين عليه
دنكت راسي ضايجه
بنين.. مو اتبطر بس عدنه اثنين كافي
الأســـد.. لو عشره هم احبنهم واريد بعد
بنين.. ليش عود تحب تشلع كلبي
الأســـد.. چؤ لان احب امهم واريد وين ماالتفت الكه من ريحتهة
التسمت وضربته
بنين.. قشمر عليه عفيه
الأســـد.. هههههههه لا وداعه عيونج صدك
متمددين نسولف ولازم ايدي يلعب بيهة ويطك بـ اصابعي وندك الباب
الأســـد.. هذا ياناقص منوو
شهد.. انا بابا
الأســـد.. خايبه شكد احب نبره صوتهة تعالي بابا
وخرني من حضنه وكعد عدل
فتحت الباب وفاتت القزمه شايله دفترهة
الأســـد.. أامرينه بويه
عكدت حوابهة تباوع عليه
شهـد.. ماما انتِ كتيلي اعلمج تكتبين ماعلمتيني
الأســـد.. عدهة واجب حبيبه بابا
ضحكت وهزت راسهة اي
الأســـد.. تعالي شو شعندج
اجت يمه كعدهة بحضنه ويباوع بدفترهة وكلساع بايسهة واني عيني عليهم
بنين.. أســـد لو شكد ماتكبر مشمش تبقه تكعدهة بحضنك هيج وتحبهة
باوعو عليه ثنينهم وهو ضحك حيل وسحبهة يحضنهة اقوه
الأســـد.. روحي معلكه بروحهة
بنين.. احبك
الأســـد..عااشکج ياروحي
شهـد.. بابا انت ليش تحب ماما
الأســـد.. لانهة نعمه من الله يا بابا جمال وسوادين يمي وعقل يم العالم شايلتني انه وبيتي وجهالي وجانت شايله اخوتي وخواتي وين الكه مثل امج انه
شهـد.. يعني ماما لطيفه
الأســـد.. حيل يابويه
سكتت شويه ونوب رجعت رفعت راسهة تحجي ويا
شهـد.. بابا
الأســـد.. كليب بابا
شهـد.. عادي اطلب منك طلب
الأســـد.. تأمريني انتِ
شهـد.. استريلي سنطه ام البسونه
الأســـد.. مال مدرسه
شهـد.. اي
الأســـد.. ليش مو عندج
شهـد.. عندي ام الاميره واني سفت عند بنيه ام بسونه حلوة حيل
الأســـد.. شنو هاي باباتي احنه مو اتفقنه نحمد الله عله الي عدنه ومانباوع عله العالم شنو عدهم
دنكت وهزت راسهة اي
الأســـد.. بدون ضوجه ياحيلي مايصير هيج مو علمتج انه وكتيلي اي شكتلج ها
شهـد.. آسفه بابا
الأســـد.. لاتعتذرين ياروحي تعالي
تقربت حضنته وغمضت يريد يوخرهة ماتقبل
الأســـد.. ولج بابا وخري
شهـد.. اريد انام
الأســـد.. نامي بغرفتج
شهـد.. بحضينك
الأســـد.. فدوه يروحلج حضيني
تمدد وخلاهة بحضنه وايده تتحرك عله شعرهة وهيه مجلبه بي بسرعه غفت
بنين.. أســـد وحق الله احبك
الأســـد.. مو مااريد اضحك البنيه نايمه شعندج اليوم
بنين.. احببببك تدري كلبي شيصير بي من اشوف معاملتك ويه الجهال وبذات مشمش أســـد ياما بنات هسه يتحسرن عله حضن الأب وانت مغركهة بحبك وحنيتك وخليت اخوهة هم ياخذ طبعك ويصير الهة سند ويمليهة حنيه لو اجيب الف بنيه أامن عليهن يمكم
احجي وهو يباوع عليه مبتسم وعيونه تلمع دنك باس شهـد ورجع باوع عليه
الأســـد.. اشوف روحي مقصر وياكم هواي
بنين.. ابد مامقصر لو اضل عمري كله احمد ربي عليك مااوصل شكري لان انطاني ياك ياروحي أســـدي
اشرلي تعالي فتت بحضنه اني بصفحه ومشمش بصفحه......
ٕ
ٕ
كاعده صافنه بالفراغ باجر عمليتي وخايفه حيل فززني من صفنتي صوت شهـم
شهـم.. عمه فغح
فرح.. ها حبيبي
شهـم.. غجلج يغيدج
فرح.. اي جايه
تنهدت وكمت نزلت جوه فتت للصاله لكيته كاعد وهم بس يتصفن حاله حالي
يمــان.. هله بروحي
فرح.. هلو حبي
يمــان.. شبيج عمري شكو
فرح.. ماكو شي
يمــان.. ماريدج تخافين من شي
ابتسمت وباوعت بعيونه
فرح..مااخاف لان راح تجيني بنوته تجنن
يمــان.. ونعيش احله عيشه احنه التلاثه
فرح.. الله يمــاني شكد احبك اريدك توعدني وعد
يمــان.. شنو ياعمري
فرح.. اوعدني اذا صار بيه شي ماتزوج ولاتحب غيري ماتحب غير بنتنه
يمــان.. فرررح اششش انجبي
فرح.. اوعدني ومن صدك مو بس حجي
يمــان.. لج بابه انجبي انجبي لاتحجين هيج نكضي عمرنه سوه نشيب سوه فرحتي
ابتسمت عيوني تلمع وخليت راسي عله جتفه باساني
يمــان.. ياعشكي اليدك بكلبي دك
ضليت كاعده يمه وخلص اليوم هيج ونمت وكعدت ثاني اليوم لـ10 الصبح طلعنه متوجهين للمستشفى
الأســـد.. بنيتي القويه
فرح.. احبك بابا
الأســـد.. ياحيلي يا بابا
فتت الغرفه العمليات واني مبتسمه من اذكرهم واذكر وجودهم يمي وبعدهة فتت بضلام وماحسيت بـ اي شي
ٕ
ٕ
ٕ
ٕ
ٕ
ٕ
ٕ
ٕ
ٕ
ٕ
الأســـد.. طالبهة من علـــي ابن ابي طالب
توتر وخوف وقلق عمليتهة صعبه وخطره بس نقنع نفسنه ونكول مابيهة شي أســـد لازم القرآن رجلهة مكابل الباب وواكف بنين ايدهة عله خدهة وبس تصفن كلساع واني الدعاء ماعاف حلكي
الأســـد.. تعالي اكعدي بابا
تقربت كعدت يمه واهز رجلي متوتره حيل مو بيدي
الأســـد.. بسج هاي شلون شغله
افراح.. تره اختي الي جوه
الأســـد.. وبنيتي الـ جوه ادعيلهة كلشي ميفيد
سحبت نفس وحاولت مااتوتر بس شيفيد بقينه هيج لحد ماطلعت الممرضه وكفنه كلوبنه رايحه من الخوف
يمــان.. شكوو
الممرضه.. المريضه جاي تنزف وصعب نسيطر عليه
يمــان.. شنووووو الصعبببب شغلكممم هناااا شنووو
ضل يصيح عليهة وهيه لتهت تتعارك لسانهة شطوله لحد ماطلعت وحده ثانيه من الغرفه عاطت عليهة يله راحت
يمــان.. مرتي شبيهة
.. مابيهة شي انشاء الله بسيطه
الأســـد.. هيه شني البسيطه يابويه
.. بس ادعولهة وماكو شي
عافتنه ورجعت فاتت اني منا شلون جنت وكالو هيج جيبو الي يسكتني
بنين.. لاتبجين فدوه اسكتي ولج افراح
افراح.. وحق الله مااكدر اخسر بعد كافي
بنين.. ماكو شي نشاء الله لاتفاولين عليهة
افراح.. كله من هذا الحيوان رجلهة
بنين.. يااا الزلمه شعليه
افراح.. اسكتييي بنين اسكتي
بنين.. افراح والعباس ابو فاضل جيتج كلهة غلط بـ غلط
خزرتهة سكتت مني ودارت وجهة الجو توتر فوك ماهو متورتر يمــان الماكعد والف مره تعارك وياهم حته الدكاتره المالهم شغل ماخلصو منه أســـد مابي حيل يسوي شي بس يقره قرآن ولارفع راسه حته
وره كل هاي الهبطات الصارت بينه طلعت الدكتوره ركض عليهة يمــان
يمــان.. هاا مرتي يمعودين
الدكتوره.. الف الحمدلله عله سلامتهة مابيهة شي وهسه تطلع بغرفه واجتك بنوته تجنن
سحب نفس ونتجه عله الحايط رأسن أســـد صدق ونزل سجد بالكاع عيوني غوشن ياربي شسوينه ورزقتنه بي وبحنيته
الأســـد.. الف الحمدالله يارب
ٕ
ٕ
طلعوهة بغرفه وصحت ويمــان مكابلهة وكاعد كلساع أســـد ساحله
يمــان.. ياروحي كلبي مات عليج وحق الله
الأســـد.. شني راح تضل هيج ابتعد شويه
دفعه منهة وسحب ايدهة منه
الأســـد.. حبيبتي بنيتي
فرح.. اريد بنتي
يمــان.. هسه راح اشوفهة
طلع وهيه كاعده ومزوهرة تقربت لزمت ايدهة عصرت ايدي حيل
افراح.. شبيج حبيبتي
فرح.. متوجعه حيل
افراح.. كله منه
فرح.. منو
افراح.. العمليه قابل منو
شويه ورجع يمــان شايل بنته والفرحه مبينه مطيرته طيور تقرب عله فرح باسهة وخله البنيه بـ أيدهة
يمــان.. ثمره عشکنه
افراح.. استقر عيني لايسمعك أســـد
يمــان.. هسة اني شكايل استغفرالله
افراح.. نوب ماعاجبه فوكاهة
قاطع عركتنه أســـد من اخذ البنيه من ايد فرح
الأســـد.. اللهم صلِّ على محمد وآل محمد شسمينهة بابا
فرح.. ميـار
الأســـد ابتسم.. عاشت الاسامي أميرتنه الغاليه بنت الغالية
افراح.. ها أســـد سالمين
الأســـد.. أنتِ بنص الكليب
ٕ
ٕ
ٕ
مر الوكت ورجعنه للبيت ذبحو عله سلامتهة ووزعو عله الفقره وصارت هوسه شكبرهة
ٕ
لتمينه بالصاله وفرح عينهة عله بتهة ومبتسمه كمز أڪبر
أڪبر.. صدك مادرينهة شسمهة
ضحكت فرح وحجت بثقه
فرح.. اسمهة ميـار
أڪبر.. خاف طماطه شني خويه قلت اسماء مسميتهة خيار
فرح.. أسـسسســد
الأســـد.. لاتضوجهةة حيوان عمليتهة تتأذه
أڪبر.. عله راسي ام خيار هاي اذا ضاجت شلون نسوي الزلاطه
فرح.. والله ماااا ماا
الأســـد.. راح اكوملك وحك علــي
خله ايده عله حلكه وهو ميت ضحك كوه سد حلكه
نمــر.. أســـد تره اخوك داز ورقه طلاك المرته
صار هدوء وأڪبر دنك راسه
الأســـد.. انه شكتلك
أڪبر.. أســـد حياتي هاي وانه حر شسوي اسوي وتروح وياي وتخطبلي
الأســـد.. اكوملك اربيك
أڪبر.. خلي نفسك بـ مكاني
الأســـد.. مرتك صغيره وماكو بشر مايغلط نجذبت لهيج امور وكالت خل اجرب شني يعني شيصير بس الدور والباقي عله الثور الغبي الي نشلع كلبه وبـ الف ياعلي اخذهة وهسه جاي يريد يطلكهة وعده طفل وحامل المره يدمر عائله كامله وهو عاشگهة بابا ابني وليدي عوفلي هاي السوالف عصبت وضربتهة ووديتهة الاهلهة كافي تعلمت وبعد ماتغلط رجعهة ولم روحك ولم جهالك وهدي رجفتك عليهة تالي الليل عبالك ماادري بيك تضل تلوب لاتنام ولاتخلينه ننام
أڪبر.. غلطهة مو هين
الأســـد.. وينمسح سبحان ربك هسه بس هيه تسوي غلط خو ما بس هيه
أڪبر.. واسامحهة
الأســـد ابتسم... لخاطر كلبك الجاي يرجف من طاريهة بس
نفخ روحه وطلع جكايره يدخن ويحرك بروحه حرك
أسيــد.. جهال اهنا كوم بره
كام طلع ونوب أســـد ندار عله الثاني
الأســـد.. وانت بويه
أسيــد.. شبيه انه دخيلك ربي
الأســـد.. شوكت تلم روحك عدل
أسيــد.. هسه شمسوي
الأســـد.. مرتك
أسيــد.. مره آســر شيلو من راسكم تصيرلي مره
الأســـد.. ليش بويه
أسيــد.. سنين فاتت صحيح بس ماراح انسا ولاانسه حبه الهة ولاهيه راح تنسه كافي تحاولون اعتقونه
هز راسه وسكت
افراح.. عيني أسيــد كوم وصلني
الأســـد.. وين
افراح.. البيت مُهـــاب
الأســـد.. شعندج
افراح.. هو كالي تعالي وهم ملـك عدهة مدرسه ماتاخذ راحتهة هنا
أسيــد.. شعدنه غير افراح قابل امشي يله
ٕ
ٕ
طلعت ويا واني متعمده اخلي هو ياخذني وصلنه وهم نزلته شايل غراضي ماخليته يروح دكيت الباب وقبلهة اني دازه رساله الࢪواء حته تطلعلي رأسن نفتح الباب هيه
افراح.. تعال حبيبي فوتهن فدوه
أسيــد.. صار
فتحتله الباب فات وهيه واكفه وره الباب بس شافته فتحت عيونهة
أسيــد.. شلونج خويه
ࢪواء.. الحمدلله
فوتهن وهيه رأسن اختفت من كدامنه طلع واني صعدت محروك كلبي منهة
افراح.. وينج هييي
ࢪواء.. شتردين
افراح.. ليش هيج ها اني جايبته علمود حضره جنابج ونوب تعوفينه وتولين
ࢪواء.. ماكتلج جيبي ارحميني فدوه اروحلج
افراح.. هاي شبيج
ࢪواء.. اريييد اكرهةة مااريددد اشوفهةةة ماريييد
افراح.. لججج شبيييج
ࢪواء.. هااج هاج
كمت جبتلهة رقم ود خليت التليفون بـ ايدهة
ࢪواء.. هاج هاي احجي وياهة وانتِ تعرفين شبيية
افراح.. منو هاي
ࢪواء.. حبيبتتته حبيبه اخووووج واجتنييي ترييد اتواااصل حتته يتراضوننن افرااح
افراح.. مستحيل
ࢪواء.. شفت كلشي بعيني
افراح.. چان كالي أسيــد مايضم عليه شي وحته مامبين عليه اخواني واعرفهم عدل من يعشکون
ࢪواء.. هو غبيي ويفضح روحه
افراح.. لا حبيبتي بس هاي بـ*** وجذابه وهسه اروح احاجي وافتهم
ٕ
عفتهة وطلعت كلبي يفور رجعت دكيت عله هذا الخايس
أسيــد.. ها يابه شنسيتي
افراح.. أسيــد افتر ورجعلي
أسيــد.. شكو يطلابتي اليوم
افراح.. ارجع واسكت بسرعه
أسيــد.. جايج عيني افتحيلي الباب
افراح.. يله
سديته ونزلت انتضره اول مادك الباب فتحته اله فوته للاستقبال سديت الباب وكعدت يمه
افراح.. اي عيني
أسيــد.. اي خويه انتِ الجايبتني خلصيني شرايده
افراح.. ود
عكد حواجبه واني سكتت
أسيــد.. راح اصحيج بكفخه احجي
افراح.. وودددد
أسيــد.. هاااي شبييج
افراح.. تعرف بنيه اسمهة ود
صفن شويه ونوب باوع عليه
أسيــد.. لا والعباس
افراح.. أسيـيييـد جيب تليفونك شو
كفخني وشمر التليفون عليه
افراح.. الرمز
أسيــد.. مواليد رويحاتي
كتبت مواليد نور ونواره نفتح انتجيت وضليت اكلب بي كلشي ماكو ولا بنيه بجهازه غيرنه صفنت وسحبت تليفون ࢪواء من يمي وفتت عله الحضر فتحت عيوني مصدومه
افراح.. مو هاااي
أسيــد.. دخيلك يا علـــي
مد راسه وياي وسحب التليفونات من ايدي
أسيــد.. هاي منين تعرفينهة
افراح.. انت الي منين تعرفهة
أسيــد.. هذا مو تليفونج
افراح.. مال ࢪواء
بس كلت هيج باوع عليه فاتح عيونه بشك
أسيــد.. ࢪوااء
افراح.. هسه انت شعليك مالمن هااي شنووو
فرك وجهة وحجه
أسيــد.. وحده ک*** لعبت نفسي من النسوان اطردهة وترجع والف حساب حضرتهة
افراح.. صدك تحجي
أسيــد.. وروح آســر افراح حته صور چؤ استغفرالله ولج دزتلي صورهة وموعاديات الجسمهة ودكلي كلي الك وعادي لاتزوجني
افراح.. عزززه بعيني هاي اليامرحله واصله
أسيــد.. فدوه لعيونج ابتعدو عن هيج شكول
افراح.. مااعرفهة اني هيه تعرف ࢪواء وكايلتلهة انتو بينكم علاقه وهسه زعلان منهة وتريدهة توصلي الحجي حته اصالحكم
أسيــد.. وحك ابو فاضل مو صاحيه هاي الله يكون بعون اهلهة وين اعرفهة انه منين عرفت ࢪواء
افراح.. مادري يمكن صديقات توني عرفتهة اني
أسيــد.. صديقاتيش افراح كليلهة خل تعوفهة من تشوف وجهة تفتر وتروح الغير طريق خووش
افراح.. أسيــد ماعندك علاقه منا منا
أسيــد عاط.. شبيييييج انتييي استغفرالله وخري مني شوو
افراح.. دروح عابتلك
عافني وطلع كمت الـ هاي الثوله شمرت تليفونهة عليهة
افراح.. هاج حبي ومثل ماكتلج وحده جذابه بطلي فهاوة وياهيه التجي تضحك عليج
ࢪواء.. شلون جذابه
افراح.. سولفلي كلشي
نداريت اريد اطلع لزمت ايدي
ࢪواء.. كليلي فدوه
افراح.. ميعرفهة هيه لازكه بي ويكول حضرتهة الف مره وترجعلي وها كال كلي الـ ࢪواء خل تبتعد عنهة لان موزينه
ࢪواء.. هـ هو كال كال اسمي وكال خل تبتعد عنهة
افراح.. والله بيج راشدي اخوج وين
ࢪواء.. بـ شغله قابل وين
افراح... خل اروح احسلي...
ٕ
ٕ
ٕ
ٕ
ٕ
لازمه كتابي وكاعده كلشي ماجاي افتهم بس فاتحه حلكي عليه والجهال يفترون عليه
طيبه.. ولكممم يمه كافي رااسي اكعدو
ولالهم شغل ولاعبالك احجي خليت راسي بنص الكتاب وسديته عليه وغمضت مادري شلون غفيت وحسيت عله صيحه نواره
نواره.. بااااباا
فتحت عيوني وشلت راسي من الكتاب سحبهة الحضنه ويباوعلي ماعاجبه
أسيــد.. ياروح بابا
جابهة كعدهة بحضنه ونور يمه
أسيــد.. نايمه مو
طيبه.. غفيت بليه مادري
أسيــد.. شنو قصتج انتِ انه اكلهة اقري تنام
طيبه.. شسوي والله ماجاي افتهم شي
أسيــد.. اصبريلي انه اعرف شلون اخليج تفتهمين كومي وياي شو
كومني وخله الجهال عله التلفزيون صعدت الغرفتي وهو وراي
أسيــد.. اول شي عندي وياج سالفه
طيبه.. شنو
أسيــد.. اخت مُهـــاب الصغيره
بلعت ريك متوتره وجاوبته
طيبه.. شـبيهة
أسيــد.. شسمهة
طيبه.. ࢪواء شنو قابل متعرفهة
أسيــد.. شكد عمرهة
طيبه.. بالعشرين يمكن 23 هيج
أسيــد.. حلو انه شكد عمري
طيبه.. يااا أسيــد تسئلني عله عمرك شبيك
أسيــد.. دجاوبي هسه
طيبه.. 26 يله
صفن شويه راسه بين اديه وحجه
أسيــد.. البنيه الجنتن تحجن عليهة انتِ وافراح ࢪواء
طيبه.. معليييه أسيــد روح
كمت من يمه سحبني
أسيــد.. اكعدي اكعدي الله يطيح حضجن
طيبه.. شتريد
أسيــد.. عرفتهة انه شسوين انتِ اااااخ يا علـــي مايخلص أسيــد
بقيت كاعده يمه وهو عيونه مدمعه مادري شبي
طيبه.. شبيك أسيــد
أسيــد.. كليلي شسوي تايه انه والله تايه
طيبه.. الي يريحك سوي غير عرفتهة انت هاهيه بعد
أسيــد.. هيه شني الـ هاهيه طيبه لو ماعارفهة احسلي
طيبه.. لـيش مو انت الدكيت حته تعرفهة هل الله جابهة وحطهة كبالك
رفع عيونه خزرني
طيبه.. ها
أسيــد.. لج بوويه مااريد انه كلبي خلصان
طيبه.. ومحد جابرك وكايلك ريد عوفهة البنيه فتره وتنسه وتعيش حياتهة شكو مكبر الموضوع
أسيــد.. شوووف شتحجي شووف
طيبه.. چاا هاااا حيرتني
أسيــد.. صوتج لاترفعينه وانتِ مو عدج دراسه شخلصتي بله
طيبه.. ما شسمه ماخلصت
أسيــد.. عفيه عليج هو هذا الاعرفه انه
طيبه.. ماجاي افتهم شسوي
هز راسه وكام خله بيدي ايباد الجهال
طيبه.. شسوي بي هذا
أسيــد.. مسحت منه كلشي حته نت ماتلكين بي بس نزلتلج المحاضرات وهسه راح اطلع واقفل الباب ويابويه اذا لكيتج نايمه ياطيبه اااخ
عض اصبعه مقهور عكشت وجهي
طيبه.. اهده والله راح احاول
أسيــد.. تنفذيييين مااريد تحاولين يلة
طيبه.. ميخالف
عافني وطلع وقفل الباب ادري هو سجن خو ماسجن اخذت كتبي وكعدت احاول اقره.......
ٕ
ٕ
ٕ
ٕ
ٕ
ٕ
َ
ٕ
جاي امشي اريد اروح للمطبخ مااحس اله ايد سحبتني وكع كلبي
نمــر... تعاااي تعاي
ميس.. يمه وكعت كلبي
نمــر.. اسم الله عله كليبج
ميس.. شتريد وخر
نمــر.. مشتاااقلج ولد الكلب هذول اخذوج من حضني حته نوم تنامين يمهم شنيي
ميس.. هههههههه هسه يكبرون وتمل مني
نمــر.. منا لمن يكبرون انه مبنچر يابويه
فتحت عيوني مصدومه ودفعته شمر روحه عليه يضحك
نمــر.. اعششكنج
ميس.. وخر وخخر
نمــر.. شيسوون همه
ميس.. يردون اكل
نمــر.. دخل يولون
ميس.. لاا نمــر خطيه جوعانين شنو يولون
نمــر.. ام كلب الرچيچ
ميس.. اي دوخر يله خل انطيهم اكل
توه فتح حلكه راد يحجي وندك الباب واني منتجيه عليه هم كمزت نشاليت من كاعي عض اصبعه مقهور وصاح
نمــر.. منوو
ماسه.. انييي بابيي
ضحك ودنك عض خدي
ميس.. اااخ شبييك
نمــر.. بنيتنه ليش هيج جر الحجايه جر
ميس.. قصدك عليه هااا
نمــر.. وحك علــي مامخليه شويه منج وخري شو
وخرني وفتح الباب جيتت عليه حضنته
نمــر.. ياهلا ببنيتي
ماسه.. مااااماا
ميس.. ها ماما ها
ماسه.. اريد اكل
ميس.. صار يروحي دقايق
طلعت من يمهم وهو يخزر بيه ادري اني شعليه فوك ما جهاله
ٕ
ٕ
كملت الاكل ورحت ادور عليهم واجاني صوته من الصاله
نمــر.. تعاالي هناا ماستي
مشيت فتحت الباب لكيته متمدد وماسه عله صدره وآســر وياســر كبال التلفزيون يلعبون بلي
ميس.. شو طالعين من الغرفه
ياســر.. هذا تلفزيون اكبغ
ميس..دتعالو اكلو يله
آســر.. اني ماريد
ميس.. ليش مو انت الخبصتني
آســر.. اي شو شبعت
نمــر.. ماكو طلعه بابا خاف عبالك اذا مااكلت تروح انسه
آســر.. بابا والله البيت عمو بس حته بالباب منطلع
نمــر.. چؤ ماكو حبيبي
دنك مبرطم واخوانه تقربو ياكلون وهو ضل
نمــر.. اكل سبع ابوك آســر
باوع عله ابو ودنه عله الصينيه عفتهم وتقربت عليه
ميس.. حبيبي ليش متودي
نمــر.. عندي شغل انه مااضل هناك وابن أڪبر وكح ويتعاركون
ميس.. مو متصاحبين
نمــر.. دمشي الفطيره بكلشي تصدكين وتردين العالم كلهة مثلج
ميس.. هسه صار صوچي
نمــر.. حبيبتي صوچچ لو صوچي مايروح سديلي السالفه
كلبت وجهي وسكتت اوف يا نمــر من يعاند عله شغله بعد ياهو اليقنعه.......
ٕ
ٕ
ٕ
ٕ
ٕ
ٕ
ٕ
لابسه الفستان الاسود القصير صاير قالب عليه يجنن بعدله شويه ويطك برمت شعري النازل الحد ركباتي وممنوع اكصه حبيته عله حب امي الله يرحمهة اخير شي خطيت الحمره وابتسمت واني اغني
افراح.. انسى العالم كُله انسى من تكون بحضني انسى فكر بيه شلون تحبني وبكل قوتك من تحضني
ٕ
سمعت صوت الباب نداريت مبتسه بس شافني رفع حاجبه ونتجه عله الحايط مجتف اديه ومبتسم يباوعلي من فوك ليجوه
دنيت عليه امشي واتمايل بمشيتي وكفت كباله وحاوطت ركبته بثنين اديه
افراح.. انسى الدنيا وانسى الكون من ويايه انت تكون بس بشفتي وشفتك حير حته البوسه طيبه تصير مااتمنى كنوز الدنيا انت حبيبي الاتمنى
رفع راسه ويضحك حيل رجع حاوط خصري وسحبني عليه وبعده يضحك
مُهـــاب.. ماعرفتج شهل الاغنيه يابه
افراح..اسكت لحد هسة اتذكر من شغلتهة بسياره أســـد مدري شنو جنت احس
مُهـــاب..يابويه تصخمنه
افراح.. والله خنكني خنك
سحبت السويج من ايده خليته عله الميز مديت ايدي ورا واخذت السلاح من خصره هم خليته بمكانه ووكفت افتح دكم القميص
مُهـــاب.. عاشکج
افراح.. حيل احبك يلـ تكبرني بلـ عشرين
دار عينه باوع عله الجربايه ورجع باوع عليه
مُهـــاب.. نايمه بنيتنه
افراح.. اي شلعت كلبي
مُهـــاب.. قره عيني هاي رقيتي بنيه ابوهة
افراح.. مُهـــاب الله عليك لاتفرق بين ملك ورقيه
مُهـــاب.. انه افرق
افراح.. موقصدك ادري بس مرات تطلع حجايه هواي تأثر عله الطفل تره
مُهـــاب.. بعد انتبه ميخالف
افراح.. عفيه حبيبي
صفن بعيوني يضحك وحجه
مُهـــاب..زلمه جافي خيري شري كاره النسوان وكاره الزواج والحب منين طلعتيلي تالي عمري وخليتيني مااندل دربي كليلي
باوعت عليه مضيكه عيني
افراح.. تقنعني يعني كل هل سنين كاعد بدون مره
مُهـــاب.. تره مامزوج منين تجي
افراح.. مُهـــااااب سوالفكم كلهن طاكات جواي تقنعنيييي
فرك وجهة ووخرني راح كعد عله الجربايه
افراح.. ها احجي احجي طلعهن هسه تطلع مخلف واني ماادري
مُهـــاب.. لا مو لهل درجه
افراح.. ححلو احجي حبيبي
مُهـــاب.. لاتنكدين يرحم امج خلينه متونسين
افراح.. ما اريد اعرف كلي
مُهـــاب.. شكلج
افراح.. وين جنت مكضيهة
مُهـــاب.. اكلج بس تنجبين وماتسوين مشاكل
افراح.. اي اكيد يله احجي
باوع عليه شويه ونطق
مُهـــاب.. جنت مزوج بس محد يدري وهااا كبل لاتبدين مو زواج فعلي يعني هيج بس وكت الحاجه
افراح.. مزوج مُهـــاب!!
مُهـــاب.. اي شني
افراح.. منين تعرفهة
مُهـــاب.. منين اعرفهة
افراح.. تروح ملهى مُهـــاب
حك ركبته ودنك راسه وحجه بصوت ناصي
مُهـــاب.. جنت
فجأه رفع راسه عليه خازرني ويعيط
مُهـــاب.. وانتِ شمدريييج ولجج
فريت ايدي ورحت كعدت يمه
افراح.. اخوي من صنفك
مُهـــاب.. لا كفيلج علـــي انه اخذتهة جديده بالباكيت
ضربته حيل عله بطنه ضل يكمز
افراح.. روح روح ارجعلهة
مُهـــاب.. اول ماطلعتلي كبالي عفتهة
افراح.. روح جذاب
مُهـــاب.. وابو فاضل من رحتلهة وتخيلتج عفتهة مااريد اضرج حته بخيالي
افراح.. ايع لعبت نفسي خـ** بيومك
عفته وكمت سحبني من ايدي وكعت بحضنه
افراح.. وخرر عنييي
مُهـــاب.. شهل كيك يولل
افراح.. و خـ ر عـ نـ ي يله حباب ابتعد
مُهـــاب.. احبك يحلو
افراح.. چؤؤ استغفر الله ابتعدد
مُهـــاب.. شبيج عيني
افراح.. عمت عينك نشاء الله وخر
مُهـــاب.. عيني ونضرهة طلكنه خالي بس انت بقيت بشرع الله والكلب
افراح.. وخر الشايب راسك ابيض كرشك شكبره حته شواربك بيهن شيب واني بعدني توني بنيه عشرين شجابني عليك طلكني احسن يلااا
مُهـــاب.. بدينه بكلان الخـ** حلكج سديلي يا حبابه
افراح.. اوففف امداني لو مكمله وداخله كليه واكيد راح الكه واحد من عمري ونتفاهم شبيه استعجلتتت
بس كملتهة سحبني وعضاني حيل فرفحني تفرفح كوه وخر
افراح.. الشااااييييببب ابووو النسوووااان اله اطلكنييييي يلااااااا
مُهـــاب.. ادبسز اششش يلا طكي روحج بالكاع طايحه الحض
افراح.. صاير زلمه ابو النسوان
بس كملتهة خليت ايدي عله حلكي سديته وهو خازرني وجهة مايكصه السيف
مُهـــاب.. انه چم مره كايل متجاوزين افراح
بقيت ساكته وهو نفس ملامحه
مُهـــاب.. روحي من وجهي لاابتلي بيج هسه لو وين تولين اكعدي شو
نتر روحه وطلع هو رأسن غميت روحي
افراح.. غييير ابطللل طففكه وطوللة لسسسان ياربييي
ضليت افتر واغم بروحي اريده يرجع شنيه عيد ميلاده ومسويتله مفاجأة تالي اطلعه بازعه روحه اخذت التليفون وضليت ادك عليه دكيت الف مره ومافتحه اخير شي اجاني صوته يعيط
مُهـــاب.. هاااااااا هااااا جاي احاااجي الواااادم هااا
افراح.. بعد خاف نسيت هاااا منا منا
مُهـــاب.. شتردين يبلوتي
افراح.. وين انت
مُهـــاب.. كاعد بره ابرد راسي
افراح.. دتعال أصعد
مُهـــاب.. روحي عني
افراح.. تعااال حبيبي
مُهـــاب.. شتردين مني لاحول الله
افراح.. يراڰل عايزاا ادللعك أصعد عليك الله
مُهـــاب.. هههههههه استغفر الله غير تعقل يا علـــي
افراح.. يلا منتضرتك
مُهـــاب.. جاي......
ُ
ٕ
ٕ
كاعده واعصر ايد بـ ايد متوتره حيل ومادري شسوي بس سمعت صوت أبوي كمت وكفت واني لابسه ومقرره سحبت نفس وطلعت من الغرفه وكفت بباب الصاله وهو كاعد تعبان بس شافني عكد حواجبه
محمد.. وين موليه
ضحى.. بابا
حجيتهة همس وعيوني مغرغره تنهد واشرلي اروح يمه ركضت كعدت عله ركبي كدامه
محمد.. شتردين
ضحى.. وديني والله كلبي طك عله ابني
محمد.. وين تردين بويه مايريدج
ضحى.. اني الي غلطت ولازم احاول آخر مره هاي والله آخر مره واذا رفضني بعد مااحاول ويا
محمد.. ليش هيج سويتي
دنكت راسي وحجيت بفشله
ضحى.. غبيه
محمد.. سبحان المايغلط
دك عله جتفي وحجه
محمد.. رجلج كلبه رچيچ ونار بنفس الوكت يا بويه وانتِ هيجتي النار
ضحى.. تاخذني
هز راسه اي ضحكت وكمت وكفت
محمد.. بس اوصلج للباب مالي غرض بعد
ضحى.. اي اي
كام وياي ماطولنه وصرت كبال البيت وابوي عافني ومشه كلبي يدك بقوه دكيت الباب برجفه ودكيته ثانيه وثالثه يله نفتح
شهـم.. متنه من الحغ دفوتي
ضحى.. لسانك ضبه عمك موجود
شهـم.. علساس عدي عم واحد ياهو منهم
ضحى.. أڪبببر
ضحك وضل يرفع بحواجبه
شهـم.. غجلج غجلج لا مو هنا فوتي
ضربته وفتنه بعدني بالحوش وشفت فهـد واكف بالباب يتمحجل بالحديده ويضحك فدوه اروحله
شهـم.. فهـدددد
ندار عله الصوت وشافني يم شهـم
فهـد.. ماااامااا
اجاني يركض كعدت وفتحتله اديه فات بحضني حضنته حيل اشم بي
ضحى.. ياروحي يا ماما ياعمري شلونك حبيبي يمه فدوه الحضنك العطرك ياروح امك
شال راسه مني وهو مبرطم وخرت شعره الحلو من عيونه
ضحى.. شبيك ماما
فهـد.. هادا اڪبر دواد(هذا أڪبر ک***)
ضحى.. يا يااا ليش
فهـد..كتله نروح لـ ماما يكلي خلتولي دحاوي ببوك(كتله نروح الـ ماما يكلي خل تولي ضحاوي بـر***)
بعدني مامجاوبته ومدت راسهة بنين
بنين.. تربيه الزييينه لهل الولد ابو لسان واهك بـ أســد سرسري وک***
ضحكت وشلته وهيه ملتهيه تفتر
بنين.. شلون اجيتي وليش اجيتي
ضحى.. والله اليوم لو اني لو ابو النسوان هذا
بنين.. شوف الحض
لتفتت عله الساعه مابقه هواي ويجي شمرت فهـد عله بنين
ضحى.. راح اصعد الغرفتي خلي يمج من تنحل اجي آخذه
بنين.. والله بيج نعال
ضحى.. ديلللة الاخت المن تنراد
غمتني واني صعدت طايره همزين محد من الولد هنا ويفتح وياي تحقيق فتت للغرفه شحالهة جكاير وهدوم وهوسه ولعبان نفس شمرت الشال والصايه وقفلت الباب واستلمتهة جلف طلعتهة جديده
ضحى.. عزززه بـ عينييي راح الوكتتت
فتحت الكنتور وشفت افضح شي عندي اخذته ورحت للحمام سبحت ووكفت اخلي مكياج شلون ماجان ترست روحي عطر وضليت اتسنط عله الباب واكرض اضافيري ميته من الفشله والتوتر
بس سمعت صوته كفخت روحي مادري ليش وفتحت الباب ورحت كعدت عله الجربايه
دقايق ونفتح الباب ضل يباوع عليه مصتك ابتسمت ورفعت حاجبي من شفته طول كمت اتمشه يمه وهو عيونه تروح وتجي عليه سحبته من ايده وقفلت الباب
ضحى.. ما مشتاقلي
بلع ريكه وفرك وجهة وحجه
أڪبر.. شعندج هنا
ضحى.. اجيت لـ حبيبي
تقربت عليه حاوطت ركبته
أڪبر.. وخري ضحى
ضحى.. شبيك ترجف
نزل اديه من عليه وانطاني ضهره
أڪبر.. اطلعي بره
حضنته من ضهره حيل
ضحى.. مكاني هنا مو بره كافي بداعت حبك الي بداعه فهـد بداعه اليي ببطني لاتسوي هيج انت تحبني واني احبك وبيناتنا طفلين ليش تريد تعذبني وتعذب نفسك ها يروحي غلطت والله ادري واعتذرت وندمت وتعاقبت كافي خلي نبده صفحه جديده سامحني مو سامحتك كبل من دريت بيك متزوج هاي الخايسه حوراء ديلا شبيك
صارت ايده عله اديه وخرهن وصارت عيني بـ عينه غمض عيونه دنيت عله اذنه وهمست
ضحى.. تحبني وتسامحني مو
حاوط خصري وحجه بصوت ندمني فوك مااني ندمانه
أڪبر.. ليش هيج سويتي ضحى
ضحى.. والله موقصدي ماادري بي صديقك والله
نبت اصابعه بيه حسيته ينتقم عله كلشي سويته هسه
أڪبر.. عوفييي قنااادر عوفييي
ضحى.. ااخ دوخر
وخرني منه وصارت عيني بعينه دنكت
أڪبر.. جاوبيني ليش هيج سويتي لو انه بمكانج لو انه حاجي ويه بنات ودك سوالف وضحك بيناتنه وشفتيهن انتِ راح ترضين ضحى لو تسويلي عزه
ضحى.. مااقبل
أڪبر.. چاا انننه شلووون
ضحى.. سامحني ياروحي
نلفت ايد وحده عله خصري وسحبني عليه بقوه جلبت بي وهو حاضني حيل
أڪبر.. صلفه بـ*** ک***
ضحى.. لاتغلط
أڪبر.. شفتي ابنج
ضحى.. الخليت روحي تطلع علية اي شفته
أڪبر.. حته بعد متعيدينهة
ضحى.. شبيه خبله واعيدهة
شالني اجيت انجبح جلبت بي حيل وهو رفعني فوك ورجع نزلني
أڪبر.. تعيدينهة بعد
ضحى.. والعباااس لااا اڪبر اخاف نزلني
رجع رفعني مره ثانيه عطت حيل
ضحى.. ونبييييي اخااااف نزلنيييييييي
نزلني كعدت عله الجربايه روحي رايحه
أڪبر.. ادبسز
ضحى.. موكدك
خزرني سكتت
أڪبر.. حضريلي ملابس وغده هلكان
ضحى.. من عيوني ياروحي
فات للحمام واني حضرت ملابسه ونزلت اجيت افوت للمطبخ وشفت بنين حاضنه أســـد وتشكيله مدري منين تنعه رأسن سويت رجوع وفتت للصاله
أسيــد.. لككك لك هاي منو ولج شوكت اجيتي منين طلعتي
ضحى.. شكو
أسيــد.. كمزتيني
ضحى.. تحملنه
أسيــد.. لاصدك شوكت اجيتي وين جنتي خاتله
ضحى.. بغرفتي واجيت قبل شويه
أسيــد.. منور ضلعي
بعدني ماراده عليه وسمعت صوت أســـد الهم متعجب عليه
الأســـد.. يااهلا وسهلا يابه أم الفهــد يمنه ويردون البيت ماينور
أسيــد.. الله يسلمك فرحان اكثر من رجلهة
الأســـد.. انجب انت
أسيــد.. عله راسي
الأســـد.. نحلت بويه
هزيت راسي اي
الأســـد.. الحمدلله ديري بالج عله بيتج رضيتي بالمسودن تتحملينه وتتحملين سوداينه وتلمين فروخج خوش بنيتي
ضحى.. انشاء الله
الأســـد.. عفيه ببنيتنه وينه هو الناقص
ضحى.. يسبح
أسيــد.. بعدج ماجيتي
ضل أســـد يتلفت ونوب شال بطل ماي من عله الميز وشمره عليه عفتهم وطلعت وهمه ضلو يتعاركون...
ٕ
ٕ
ٕ
ٕ
ٕ
ࢪواء.. صباح الخيير
افراح.. هله
ࢪواء.. وينه رجلج مايجي
افراح.. جاي يبدل
ࢪواء.. غير اخلص ياربي والله قهر نخلص من المدرسه نوب علينه الكليه
افراح.. الحمدلله ماجان ببالي شي بوكتهة وصفطت وكعدت
ࢪواء.. انتو الله يسلمكم ماخذينهة وراثه تكملون السادس ودكعدون
افراح.. هههههههههههههه وأســـد يلطم خطيه
ࢪواء.. اوييي ولج ولج هذا احس حنيه العالم كلهة بكلبه
افراح.. يجنن
ࢪواء.. شايفه معاملته ويه شهد ولج هيج اگزگز اريد اكلهم ثنينهم
افراح.. اي عفيه حته بنين تفترسج
ࢪواء.. هههههههه والله موقصدي عزه
سكتنه من نزل مُهـــاب بوجهة كعد عله الصينيه ياكل
افراح.. مُهـــاااب دير بالك عله ملابسك مو يوميه غاسله اني
مُهـــاب.. بـ عيني بس لاتضوجين
افراح.. ديلا لاتتأخر
مُهـــاب.. بطلت مااكل بس لاتضوجين
افراح عطت.. هسسسسسه انييييي شوكتتت ضايجهههه
مُهـــاب.. ها هاا
افراح.. امشيي روح لاتجلطنيي امشي
مُهـــاب.. رايح والله يل نسوان كلشي مايعجبجن امشي بويه امشي
طلعت ويا واني كوه لازمه ضحكتي هو جدي وهيه هم مدري شلون مكضينهة ومتوالمين
مُهـــاب.. يله تفضلي
ࢪواء.. شكراً
نزلت ونزل هو وياي هم وصلني المكاني يله طلع من ذاك اليوم لهل يوم هو هيج
ٕ
ٕ
كملت محاضراتي واحس راسي صار شكبره اخذت غراضي وطلعت اتمشه اريد بس اروح للبيت
ود.. اوكفييي ࢪواااء
غمضت عيوني بقله صبر وهيه صارت بصفي
ود.. شسويتي عله الي كتلج عليه هاي فات كم شهر وكلشي ماشفت منج
ࢪواء.. كتلج مالي علاقه
ود.. ليش هيج تصيرين خبيثه
ࢪواء.. شغلات خاصه شكو ادخل
ود.. موشغلااااات خااااصه بسسس كلببببج محرووك موو
ࢪواء.. ليشش تعيطينن
ود.. انجبييي ام الزلممم شفتييي ضااج منيي وليتي تبوكينههه مووو
فتحت عيوني مصدومه واحتاريت شرد عليهة
ود.. هاا نبلع لساانج موو الحييه
الطلاب ضلت تباوع علينه واني دموعي الوحدهة صارت توكع ولساني نربط ماكدرت احجي شي وهيه مستمره تحجي وتصيح فضحتني فضيحه فجأه نسحبت من ايدي وواحد خلاني وره ضهره فتحت عيوني عله وسعهن
أسيــد.. شموكفج وياهة
ࢪواء.. هيه هيه
هز راسه وندار عليهة
أسيــد.. ها ود كرامه شتردين من البنيه
ود.. وانت شعليك
أسيــد.. هههههههه صرت شعليك شوفي لج انه ماحاجي وياج ولااعرفج صح بس من سحلتي روحج سحل ونوب طلعتي تعرفينهة لاهنا فتهمت سالفتج شني وعرفتج ماتعوفينهة بحالهة اسمعيني زين
ود.. وانتت منوو ودافعلهةة
أسيــد.. اشششش خل احجي اذا وصلتي يمهة بعد وحك الكفل زينب ياود اطلع اهلج من جوه الكاع واخلي كلشي بأيدهم وحته المو الي فتهمتي
ود.. هههههههههههههه خوب اني اكول الاهل هاي الشريفه انت تجيهة لـ هنا
عض اصبعه ميت من القهر بس مامد ايده عليهة
أسيــد.. تشرفج وتشرف راسج وعشيرتج هاي ياعاار الله يساعد اهلج عليج وتردين تحجين ولي احجي عبالج اخاف منج انه نعال متسوين وبناتنه مايمشن ويه سـ***
رجع لتفت عليه واني بس واكفه ورا واشهك حته صوتي مايطلع
أسيــد.. عليمن هاي الدموع هيه تسوه امشي وياي امشي
هزيت راسي لا وبقيت واكفه بمكاني
أسيــد.. ولجج بويه امشييي مااخليج هناا
ࢪواء.. خـ خابر مُهـــاب حـباب
أسيــد.. بس اسكتي لاتبجين لاتبجين هسة هاي راح اخابره
ࢪواء.. لااا لا روح اني اخابره لاتبقه روح
أسيــد.. لاحول الله اوكفيلي شو
طلع تليفونه من جيبه رجعت عطت
ࢪواء.. حباااب لادكله
أسيــد.. خايبه شكله راح اخابر افراح تعالي امشي وياي هنا مااخذج يله
مشيت ويا كعدنه وفضت الهوسه كل واحد راح بدربه فتح السماعه مال التليفون وهو يهز برجله متوتر واني اكثر منه
افراح.. الوو
أسيــد.. ها عيني
افراح.. هله
أسيــد.. باعي اريدج تحليلي سالفه
افراح.. كول خويه شصخمت
أسيــد.. استغفر الله شوفي اني بالكليه مال ࢪواء صارت مشكله ونحلت بس هاي يمي وماتقبل ارجعهة
افراح.. اوكف اوكف وحده وحده وين انت
أسيــد.. مو وكتج كتلج بالصخااام مال ࢪواء اخت مُهـــاب ها عرفتيهة
افراح.. شوداك
أسيــد.. اتونس افراح راح املخج
افراح.. مو مهم ديلا هسه شرايد
أسيــد.. متقبل ترجع وياي وماريدهة تخابر اخوهة
افراح.. ليش يمه
أسيــد.. مكطعه روحهة من البجي وماريد تصيرلهة مشاكل
افراح.. درجعهة انت
أسيــد.. هم راح يسألون شنكللهم
افراح.. دكلهم اجيت بتكسي
أسيــد.. هاه
افراح.. عله مسؤوليتي يمي مُهـــاب وينج انتي الفاهيه ارجعي ويا لااموتج ونبي
ࢪواء.. اخاف
افراح.. شوف حضي أسيــد اسحلهة وجيبهة هاي ماتمشي بالعيني واغاتي
أسيــد.. هههههههههههههه صاار يابه
صفنت عليه شلون رفع راسه وضحك شويه وابتسمت واني بعدني صافنه عليه وبالي كله سرح يمه
أسيــد.. وين رحتي
ࢪواء.. هااا
أسيــد.. دخيل ربج كالو فاهيه بس مو هيج
دنكت راسي منه مستحيه حيل
ࢪواء.. نروح
أسيــد.. چؤ
رجعت رفعت راسي اباوع عليه متعجبه
ࢪواء.. ليش
أسيــد.. بكيفي
ࢪواء.. لعد اني اروح
كمت اريد امشي وصاح عليه
أسيــد.. اكعددي وين ترحين
ࢪواء.. للبيت غير
أسيــد.. دخيييلك ربي صبرني اكعدي انه هسه اوديج للبيت بس اريد احجي وياج
ࢪواء.. تحجي وياي!!
أسيــد.. اي عادي مو
ࢪواء.. براحتك
أسيــد.. شوفي انه گبل فتره وطويله هم مااكلج هسه حجت وياي افراح
بلعت ريك وضليت املخ بالسير مال الجنطه وهو سكت
أسيــد.. حجتلي عله ود كالتلي تعرفهة وعدك علاقه وياهة
ࢪواء.. اي
أسيــد.. وانه كتلهة كلشي كالتلج مو
هزيت راسي اي
أسيــد.. شلون صدكتي بيهة مادري وانه زلمه بركبتي مره اروح ادور هيج سوالف
ࢪواء.. ماعرف اني هيه كالتلي وراوتني محادثات
أسيــد.. تفبرك يمعوده يامسهلهة
ࢪواء.. تـ تبقه حياتك الخاصه
أسيــد.. حياتي الخاصه ها
باوعت عليه ورجعت نزلت راسي بسرعه
ࢪواء.. اي
أسيــد.. من يوم الدريت وانه لا ليلي ليل ولانهاري نهار الافكار تاكل بروحي وكلبي ومادري شسوي ووين اطي وجهي ومافاركت خيالي صورتج
فتحت عيوني عله وسعهن اباوع عليه وكلبي يرجف
ࢪواء.. حباب رجعني للبيت
أسيــد.. عله كيفج بابه شسويتلج اسمعيني هسه خل اكمل
رجعت غصبا عليه ساكته وهو هم سكت طول يله حجه اسمي بنبره فززت كلشي بيه
أسيــد.. ࢪواء
خليت عيني المدمعه بعينه وهمست
ࢪواء.. ها
أسيــد.. ولج احسج بروحي بس خااايف
حجاهة ودنك راسه ضغط عله عيوني واني اصطكيت والدموع تحجرت بعيوني
أسيــد.. آسف
ࢪواء.. عله شنو
أسيــد.. ادري بكلشي صار بيج بسببي
ࢪواء.. عادي واذا انت عرفت بكلشي هذا مو يعني تنجبر بيه أسيــد لاتكسر روحي ولاتكمل
أسيــد.. ولج شنجبر بيج شنجبر شتحجين شدكولين
ࢪواء.. هذا الواقع
أسيــد.. جروحي هواي ولاراح تفهموني
ࢪواء.. اني اكثر وحده فاهمتك
أسيــد.. ااااخ ربي
ࢪواء.. انسى كلشي
أسيــد.. وكلبي الضل يرجف عله طاريج
ࢪواء.. وهم هذا اني ولاابالك
أسيــد.. ليش هيج تحجين
ࢪواء.. هذا الصدك
أسيــد.. غلطانه
ࢪواء.. موغلطانه متأكده أسيــد بعمرك مافكرت بيه شمعنه هسه
أسيــد.. قدر ربج تعترضين لو انه اعترض
ࢪواء.. اوهااام أسيــد اوهام شيلهن من راسك صدكني انت متحبني ولاعندك ذره مشاعر الي انسى الله يخليك ورجعني للبيت
دكيت رجل اريد ارجع وهو عينه عليه والحيره ماكلته هز راسه وكام صعدت ويا وطول الطريق روحي محتركه وكوه لازمه دموعي وهو خنكنه بجكايره وصلني للباب طبيت وهو شخط السياره وطلع
ٕ
افراح.. واخيرا ضل بالي عليج
عبرتهة وفتت وهيه وراي تصيح
افراح.. وياامن احجي يااا
فتت الغرفتي شمرت الجنطه حيل ملخت شالي من راسي كطعت شعري ويا اجت سحبتني من ايدي بقوه
افراح.. شبييييج
ࢪواء.. وخرييي وخري خنكههه هنااا افراح هناا رااح امووت
دكيت عله صدري بقوه واني اشهك احس هوى ماكو
افراح.. ولج شبيج
ࢪواء.. ليش يالله ليشش لييييييش
افراح.. غييير تحجيييي
ࢪواء.. ولجج سنييييين حبيته بس هسه كرهتتته كرهتةةة يشفقققق علييييه لان احببببه
افراح.. بس عله كيفج خل افتهم
ࢪواء.. اخوج جاي يكلي اريدج بس اخاف عباله اني ثوله وراح اصدك
افراح.. أسيــد
هزيت راسي اي
افراح.. كالج يحبج ويريدج
ࢪواء.. جذاب
افراح.. هو كااال
ࢪواء.. اي
افراح.. يممممممه كلبيييي احلفي عليج الله
ࢪواء.. روحي عني افراح
افراح.. بربج عله هل خبر ترديني اروح
ࢪواء.. نكعي وشربي ميه الخبر لان اخوج جذاب
افراح.. اهوو لايحبج راضيه ولايعوفج راضيه شتردين انتِ
دنكت راسي وحواجبي معكوده
ࢪواء.. مادري
افراح.. ليش حته يجذب عليج
ࢪواء.. حس بذنب
افراح.. اخوي واعرفه
ࢪواء.. اريد انام
هزت راسهة وطلعت واني تلفلفت بفراشي ودموعي تجري....
ً
ٕ
ٕ
ٕ
ٕ
يتبع...
ٕ
حسابي انستا