"Okay ka na dito?"
Inilapag ni Brian sa kama ang mga gamit na dala ni Regina kanina sa photoshoot.
"Papasok ka na sa kwarto mo?" Tanong n'ya sabay upo sa kama. Sobrang napagod s'ya sa ginawa nila. She's physically, emotionally and mentally drained. Pwera sa pagod sa photoshoot mas napagod s'ya sa kakaisip kay Narda.
Umupo ito sa tabi n'ya sa kama. "Magpapahinga na rin ako. Maaga pa tayo bukas. But before that gusto ko lang magsorry at magthank you sa'yo."
"Hmmm... Para saan?" sa ilang taon nilang pagiging loveteam ngayon lang narealize ni Regina na never pala sila nakapag-usap ng ganito. 'Yong seryoso at kalmado. Madalas silang nagbabangayan kapag nagkikita.
"Sorry sa ginawa ko yesterday. Hindi ko nacontrol 'yong temper ko. Muntik na kitang masaktan."
Saka n'ya naalala ang pagtatanggol sa kanya ni Narda... at ang pagtulak nito palayo sa kanya.
"Wala 'yon. Kalimutan nalang natin." ngumiti s'ya dito.
"Alam mo ba? Sobra akong nag-alangan na magsorry sa'yo dahil baka sabihin mong dahil lang sa trabaho kaya ko gagawin 'yon. Ayaw kong isipin mong hindi bukal sa loob ko ang paghingi ng tawad. Thank you for taking the first move. Akala ko talaga 'di na matutuloy itong photoshoot. Akala ko magbaback out ka na."
"Akala ko nga rin. I almost gave up. Ayaw ko na sana magshowbiz. I did find a reason to quit but s'ya rin ang nagpush sa 'kin para hindi ko na ituloy ang balak ko."
"Si Narda ba?" Nanunudyo ang mga ngiti nito.
"P-paano mo naman nasabi?" Parang biglang nanuyo ang lalamunan n'ya.
"Hmmm. Nahahalata ko lang. The way you stare at each other, talagang iba. I mean normal friends won't look at each other lovingly. 'Yong titigan n'yo laging parang tutunawin n'yo ang isa't isa." Natatawang anito.
Napayuko s'ya para itago ang pamumula.
"Do you think nahahalata din nina Alicia?" Nag-aalalang tanong n'ya.
"I hope they don't. Kaya i'm doing everything I can para hindi madivert ang atensyon nila sa closeness n'yo ni Narda. End na ng team up natin kapag nagkataon. End of my career din maybe. " Huminga ito ng malalim.
"But an end to your drug addiction too which is a good thing."
Nanlaki ang mga matang tinitigan s'ya ni Brian.
"H-how did you know?"
Natawa s'ya. "Para tayong secret keeper ng isa't isa. Pilit tinatago ang mga sekreto at pinagtatakpan ang isa't isa. I saw something on your bag months ago. A packet which I did confirmed as drugs when I showed it to a friend. Kaya ko laging pinagpasyensyahan ang mga kalokohan at unethical behaviors mo kasi alam kong madalas under the influence ka."
"Bakit hindi mo ako sinusumbong?"
"Why would I? Should I? Hmmm. I think I had been too busy with my own problems. Remember my break up with Noah? I got tempted to ask you for drugs a couple of times though."
"Tinatago mo pala sekreto ko tapos ang harsh ko pa sa'yo." Naiiling na sabi pa nito.
"It's okay. Loveteam tayo 'diba? Ayaw ko naman ilaglag ka. Dapat suportahan lagi tayong dalawa."
"Hmmm... Sorry kung pinipilit kita dati na totohanin nalang natin itong lahat."
"Alicia knew about your drug addiction right?"
Napatango naman ito.
"Kaya ka n'ya pinipilit na iwan mo ang girlfriend mo at gawing totohanan 'yong sa'tin para isave ang career mo, 'di ba?"
"Paano mo nalaman 'yan?"
"Actually naisip ko lang din 'yan ngayon ngayon lang. Seems like tama ako. Don't worry hindi kita pababayaan. Lalayag pa rin 'tong love team na 'to. Tayo lang naman na dalawa ang nakakaalam ng totoo eh."
"Pero 'yong ginawa mong 'yon kanina sa harap ng reporter hindi dahil sa gusto mong maglayag pa rin itong love team natin o pagtakpan ang issue tungkol sa pagsundo ng unknown rider sa'yo... kundi ang pagselosin si Narda, 'di ba? I suppose na pati 'yong pakikipagflirt mo sa akin earlier is a part of it. Well effective naman yata. Panaka-naka kong tinitingnan 'yong reactions n'ya. Kinakain s'ya ng selos, Regi."
Napabuntong-hininga s'ya. "Hindi ko naman intensyon talaga na pagselosin s'ya, Brian. Nasaktan lang ako kasi akala ko special din ako sa kanya. 'Yon pala basta-basta n'ya lang akong ipagtatabuyan kasi ayaw n'yang sirain ko ang career ko. Ayaw n'yang tumigil ako sa pag-aartista para sa kanya."
"Stupid immature bitch." Kinaltukan s'ya nito sa ulo.
"Aray naman! Bakit mo ginawa 'yon ha? Close na ba tayo?" Sinamaan n'ya ito ng tingin.
Tinawanan lang s'ya ni Brian at nahiga ito sa kama n'ya.
"You're damn lucky to have her. Konti lang ang taong kayang magsacrifice para sa kapakanan ng mga mahal nila. She's sacrificing, Regina. Can't you see? Pwede naman s'yang omoo nalang eh. Pero naiintindihan ko s'ya. Ayaw n'yang makonsyensya. Parang ginawa mo kasing rason 'yong tao para igive up mo ang career na meron ka. You're famous, you're rich, you're happy. Ayaw ka n'yang maggive up kasi nakikita ka naman n'yang masaya sa ginagawa mo. Sino ba ang sasaya sakaling iwan mo nga ang pag-aartista? Alam n'yang passion mo ang pag-arte kaya malulungkot s'ya sakaling talikuran mo 'to."
Napaisip s'ya sa sinabi nito. May point nga si Brian. Sadyang close minded lang s'ya at nilalamon ng galit at inis kay Narda kaya hindi n'ya naisip 'yon. Tama ngang kinaltukan s'ya nito. Ang tanga n'ya.
Nilingon n'ya si Brian na ngayon ay nakapikit na.
"Sino ang mag-aakalang may utak ka rin pala? Akala ko puro kapal ng mukha ka lang."
Dumilat ito at sinamaan s'ya ng tingin. "Grabe ka naman. Alis na nga ako. Doon na ako sa kabilang kwarto. 'Wag mo lang isara 'yong connecting door para sakaling kailanganin mo ako dito, makakapasok agad ako."
Tumayo na ito at tinungo ang banyo na nagsisilbi ring connecting door sa sarili nitong kwarto sa kabila. Mas gusto nilang isipin ng mga tao na nagsistay sila sa iisang kwarto at natutulog sila sa iisang kama.
"Thank you, Brian."
"Just tell me kung ano ang gagawin natin para lalong pagselosin si Narda. Nag eenjoy ako." Pahabol pa nito bago isara ang pinto.
Napailing s'ya. It was far from what she's thinking right now. Kailangan n'yang mag-explain at bumawi kay Narda.
___________
"Narda?" Kumatok s'ya sa kwarto nito pero walang sumasagot.
"Narda!" Sigaw n'ya sabay pukpok sa pintuan ng kwarto nito.
"Matawagan na nga lang." Dinial n'ya ang number nito pero unattended ito.
"Bakit ba laging nakapatay ang phone n'ya?"
Idinial n'ya ang number ng driver nila baka sakaling alam nito kung nasaan si Narda.
"Manong? Nakita mo po ba si Narda?" Tanong n'ya matapos nitong sagutin ang tawag.
"Opo ma'am. Nagkasalubong kami kanina. May kasama po s'yang babae."
Tumaas ang kilay ni Regina sa narinig.
"Babae?"
"Opo ma'am. Sobrang ganda saka sexy po. Pamilyar nga 'yong mukha eh. Parang nakita ko na yata sa magasin."
Parang biglang sumulak ang dugo sa ulo ni Regina sa inis. Nakapameywang itong nagpalakad-lakad sa hallway. Halatang hindi mapakali.
"Salamat, manong. Sakaling makita mo s'ya ulit pakisabing hinahanap ko s'ya ha?"
"Okay po ma'am."
"Grrr!" Gustong ibato ni Regina ang cellphone dahil sa inis.
"Nakuha n'ya pa talagang mambabae ha?"
"Pinapainit n'ya ang ulo ko!" Napapasabunot na lamang si Regina sa ulo sa sobrang panggigil.
"Paano kung naghahalikan na 'yong mga 'yon? Paano kung nag-aanuhan na 'yong mga 'yon? Paano kung pikutin n'ya si Narda?"
Palakad-lakad s'ya sa hallway habang sinusubukang kontakin ang number nito.
Wala talaga. Unattended. Sinubukan nalang n'ya itong itext.
"Narda! Nasaan ka?"
"Narda, I need you here!"
"Narda, umuwi ka na dito ngayon din!"
Nangalumbaba si Regina sa harap ng kwarto ni Narda at mas piniling hintayin ito.
"Ano kaya kung hanapin ko nalang s'ya? It's getting late pero wala pa rin s'ya. Baka napaano na 'yon." Tumayo s'ya matapos ang isang oras na paghihintay.
Akmang aalis na s'ya para hanapin ito ng mapansin ang dalawang babaeng papalapit sa kinaroroonan n'ya.
Hinintay n'yang medyo makalapit ito sa kinatatayuan n'ya para masigurado kung sino ang paparating. Si Narda nga... at si Elle ang kasama nito.
Lumayo s'ya sa kwarto ni Narda at mabilis na bumalik sa sarili n'yang kwarto bago pa man s'ya makita ng dalawa.
Mas pinili n'yang sumilip na lamang sa siwang ng pinto at makinig sa usapan ng mga ito.
Hindi n'ya talaga maiwasang makaramdam ng selos sa tuwing makikita n'yang kasama ni Narda si Elle.
"I told you, I can manage." Napasandal si Narda sa pinto ng pilit nitong kunin ang kamay na nakaakbay kay Elle.
"Tingnan mo nga kung kaya mo? Ni hindi ka na nga makapaglakad ng maayos d'yan."
"I'm not drunk, Elle. Kaya ko pa."
"Tss! Taas talaga ng pride eh. Anyways I better go. Naghihintay na ang driver ko sa akin. Uuwi na ako ng Manila."
"Can you stay?" Hinawakan ni Narda ang kamay ni Elle.
"I can but you know why I won't. Naiintindihan mo naman, 'di ba?"
Bumuntong-hininga si Narda at hinawakan ang mukha ni Elle. Saka marahan nitong hinila si Elle para mayakap n'ya. "Yeah. I'm sorry for everything. Hindi ko sinasadya."
Halos hindi na maintindihan ni Regina ang sinabing 'yon ni Narda. Ang naiintindihan lang n'ya ay sobra s'yang nginangatngat ng selos dahil sa pagkakalapit ng dalawa.
"I'll be fine. And so are you. Behave ka dito ha? Huwag mong ipahamak ang sarili mo." Paalala ni Elle kay Narda.
"Bye." Kitang-kita ni Regina kung paano hinalikan ni Elle si Narda sa labi bago ito mabilis na tumalilis paalis.
Isinarado ni Regina ang pinto ng kwarto saka sumandal dito. Pinahid n'ya ang luhang kanina pa pala pumapatak ng hindi n'ya namamalayan.
Nasaktan s'ya ng sobra sa nakita. Totoo palang may dapat s'yang ipagselos kay Elle dahil may something nga talaga sa dalawa.
"Mukha akong tangang nagpapaselos at pilit binibigyan ng rason ang pagtulak n'ya sa akin palayo... 'yon pala hindi naman 'yon ang dahilan! Kaya pala ang dali sa kanyang ipagtulakan ako palayo! Dahil pala may Elle s'ya!"
Inis na pinagbabalibag n'ya ang mga unan sa kwarto.
"I need to confront her! Gusto kong malaman n'yang naiinis ako sa kanya!"
Padabog na lumabas s'ya ng kwarto saka tinungo ang kwarto ni Narda. Nakabukas pa ito kaya dire-diretso s'yang pumasok.
"Mag-usap nga tayo, Narda!" Bungad n'ya pero wala ito sa kwarto.
Narinig n'ya ang lagaslas ng tubig kaya sinilip n'ya ito sa shower.
Nakita n'yang nakaupo ito sa sahig habang nakatungo at hinayaan lang na nakabukas ang shower.
"Pwede ba tayong mag-usap, Narda?"
Ipinaalam n'ya rito ang presence n'ya. Halata kasing hindi manlang s'ya nito napapansin.
Umangat ang tingin nito at ngumiti ng mapakla sa kanya.
"Now I think I exist." Nakita n'ya ang pait sa mukha nito.
"Eh ako, Narda? Nag-eexist din ba ako sa buhay mo?" Hindi n'ya mapigilang itanong dito.
"Bakit mo iniwan si Brian sa kwarto n'yo? Bored ka na ba?" Nang-uuyam ang ngiti nito.
"Answer my question, damn it!" Naiinis na lumuhod s'ya sa harap nito at niyugyog si Narda. "Who am I to you? What am I to you, Narda?"
Tumawa ito pero pansin n'ya ang pamumula ng mata nito tanda na kanina pa pala ito umiiyak. Hindi lang n'ya pansin dahil sa lagaslas ng tubig galing sa shower.
"Eh ako, Rej? Who am I to you? What am I to you too? Damn! I tried sacrificing for you and your damn career! Akala ko talaga tama 'yong ginawa ko. I tried saving your career before I can actually ruin it by just being a part of your life!"
She's really hurting. Regina can see that.
"Ignoring me, flirting with Brian and kissing him in public... is that your way of revenge? 'Yan ba 'yong ganti mo dahil mas pinili kong piliin mo 'yong career mo over me? Over us? Well, nagtagumpay ka, Regina! Sobrang sakit. It hurts like hell!"
Kitang kita n'ya sa mga mata nito ang sakit na nararamdaman nito.
Narda tries to control her anger by grabbing on her own jeans. Nanginginig ito sa galit.
Gusto n'yang patahanin at yakapin si Narda pero naalala n'ya ang eksena kaninang kasama nito si Elle.
"Maybe tama lang naman ang ginawa ko, 'di ba? Kayo nga ni Elle naghahalikan... kami lang ba ni Brian? Atleast for publicity lang 'yong sa amin. Eh 'yong sa inyo? You betrayed me, Narda!"
"Si Elle?" Tumawa ito na ikinainis n'ya lalo.
"Elle had been my special friend. May mutual understanding na kami just before you came into my life. Pero ng dumating ka? Hindi ko na alam kung ano ang meron kami ni Elle. I could have been hers! We could have been together until now kung hindi ka dumating. Nasaktan ko s'ya dahil minahal kita, Regina!"
Natigilan s'ya at pilit na inintindi ang sinasabi ni Narda.
"Elle is a good person. Kasama ko s'ya sa saya at sa lungkot. My intention of levelling up our friendship is to make her happy. But I failed. Instead of making her happy I gave her too much sadness and pain. Kasi pinili kita! Pinili ko ang puso ko, Regina. Pero ito pa ginawa mo! Pinapamukha mo sa akin na maling pinili kita over her!"
Natahimik si Regina.
"Ang hirap mo palang mahalin. Parang ngayon palang hindi ko na kaya. I want to retrieve my old self back. But how? Please tell me how!"