السلام عليكم حبايبي
دون أمي ؛
أنا بعيده كل البعد على أن أكون بخير
.
.
.
.
.
.
.
جود: راح امي واخذت كلشي حلو وياها ضلمت الدنيا بعيوني مابيها اي طعم شنو حياتي بدون امي ها
عليش اني عايشه امي وراحت لمن باقيه
مرت ايام الفاتحه احس روحي راحت ابتسامتي راحت ضحكتي فرحتي راحن ويا امي
ماعد يهمني اي شي
كملت الفاتحه اخذني بابر رجعني للبيت واني جسد بدون روح جهالي ولا اعرف وينهم ولا شبيهم اكلو شربو نام كلشي ماعرف عنهم
صعدت لغرفتي سبحت وبدلت تمددت على الجربايه واني اذكر ضحكت امي بتسامتها حنيتها
بجيت الا حسيت صدع راسي بين النايمه والكاعده
طبع بوسه على راسي وراح رجعت نمت حسيت الساعه بال 2بالليل
حيلللل شكد نايمه
كعدت دايخ ومعدتي توجعني
غسلت وصليت قضاء
نزلت طلعتلي موزة اكلتها وصعدت تمددت واني صافنه بالفراغ اكو صوت بداخلي يكلي انتِ عليش عايشه شو امج وماتت انتِ المن عايشه
كمت. من مكاني توجهت للحمام
شفت موس مال حلاقه
اخذته وطلعت وكفت مقابيل المرايه
هههه اييي عليشششش عايشه
ها اشفت من حياتي
شو جبتها تعبت بتعب
وهسه كملتتت امي هاييي امي شون اعيش بدونها
بعدني احجي ويا نفسي
حرفيا جنت فاصله ماحس بالي جاي اسوي
تقيدت انسحب الموس من ايدي بسهوله باوعلته واني ابجي
جود: ليشش عافتني منو الي ها منو يريدني بعدها منو يحن عليه والله احتاجها ماشبعت منها والله
بابر: لميتها بحضني
اني وياج اني امج اني ابوج والله اعوضج على كل هذا التعب جود ماعرفت ايمانج هلكد ضعيف مافكرتي بجهالج منو الهم اذا انتِ رحتي
هااااا حاجيني كلنا لهاذا الطريق بويه شيلي هلافكار من راسج باوعيلي
الدنيا كلها اتميل وتعوفج
الا اني سندج وياج وياج لاتنسيينن بابر مايعوفج
جود: اريدها جيبلي اياها ماريد شي
بابر: استمرت تبجي وتحجيلي. وهيه بحضني شنو ذنبها بعدها صغيره لا اعتراض على حكمك ربي
شويه سكتت حسيتها نامت شلتها ولا كان شايل ام وعدها طفلين لا جنت شايل طفله بيدي خليتها على الجربايه
واني افكر مالازم ابقيها وحدها هلفترة
رحت توضيت وصليت
رجعت لجربايه تمددت واني اباوع عليها
ملامحه طفوليه برائه بوجها تلفت النضر
رموشها كثاف وطوال حلوات عيونها
مادري مافسرت لونهن حيل حلو ومميزه
رصاصي لو اسود مامركز زين بعيونها
عيونها تجذبني اريد اقراهن
حزن بيهن حسرة والباقي ضياع تشتت مادري ماكدر افسر نضراتها الباقي
خدودها منتفخات
شفتها صغيرة بس منفوخه
كصيره صح
جسمها حلو لاهيه سمينه ولا هيه ضعيفه
تعوذت الشيطان شجاني
نمت واني بالي يمها خاف تسوي شي بنفسها
جود: كعدت الصبح الساعه بال 8
نزلت صبحت عليهم واخذت مياسين غسلتلها وبدلتها ورضعتها
خليتها بمكانها علما اكمل مياس وعيسى واجيها
اخذت مياس غسلتله وبدلتله
وخليته يلعب يمها
اخذت عيسى غسلتله وبدلتله
وخليت يمهم يلعبون جبتلهم كيك وعصير
اذا مياسين بجت تعالو نادولي
نزلت عزلت البيت ونضفته دخلت للمطبخ غسلته من فوك ليجوه للساعه 11علما كملته
رجعت سويت غده
طلعت سبحت ونزلت الجهال
اجه بابر
سلم وطلع يبدل وينزل
صبيت الغده وفجيت السفره
انجمعو تفدو غديت مياس
اكلت لكمتين وكمت
خليتهم يم ابوهم
ورح غليت الجاي علما يكمل
لميت المواعين
غسلتهم
ورتبت المطبخ
وصبيتلهم جاي وديته الهم
اخذت الجهال وطلعت انومهم هيج وكت
نومتهم
جنت متمدد بالكاع
افكر
دخل بابر
تربع كبالي
تعدلت كعدت كباله
بابر: شونج
جود: بخير
بابر: شحسب تصرفج مال الفجر
جود: طيش صاعه ضعف
بابر: مو مبرر
وراج اطفال مسؤليه
لاتفكرين هيج ابدد ماريد هلشي ينعاد
اعرفج قويه
جود: هزيتله راسي
مرت الايام مابيها حدث يذكر
علاقي بـ بابر صارت عبالك اب وبنته
يرشدني يعلمني
يونسني مايخليني اضوج كلما شافني ضايجه يطلعني اني والجهال
ابنه ومياس ومياسين
مامفرق بينهم بكد شعرة
وهلشي طمني من هل ناحيه انو جهاله حاسبهم
فد يوم كعد من الصبح بابر وجهه مايبشر بخير
عصبي مايتحاجه
حتى على دوامه ماراح
لبس ملابسه السود وطلع وين مادري
مر اليوم بين الجهال والشغل
صارت الدنيا لليل وهو ماكو يدكون عليه وهو ماكو
خفنا عبالنا بي شي
طلعت خالتي من غرفتها
ام بابر: عوفو هو يجي يتاخر اليوم جرحه نفتخ من جديد
كملت كلامها ودخلت
شنو وشصار مادري
صارت الساعه 10ونص نام الجهال واني مكدرت انام اريد اعرف شبي
ضليت كاعده انتضر لل 2 ايست كلت بعد مايجي
شويه ودخل وضعه مخربط شعره نازل ملابسه كلها تراب
رحت يمه
جود: شبيك شصاير بعدني احجي
حضني حيل بكل قوته
بقيت واكفه وهيه صدمتي
سحبني وهو حاضني مش لجربايه
بابر: بس اليوم ضلي يمي خليهت تطلع من بالي تعبت حيللل
جود: من حجه هيج عرفته يقصد زوجته ام عيسى
مشيت وياه.
تمددت على الجربايه
وهو تمدد
وحضني بقوة
خلاه راسه على صدري واسمعه
يبجي
اي جان يبجي بحركه معقوله هلكد يحبها
لدرجه صارلها اربع لو خمس سنوات من ماتت وهو لهسه يبجي عليها
خليت ايدي على شعر وامسد عليه
الصراحه ماعرف اواسي احد
ضليت هيج يمكن نص ساعه وراها نمتت
كعدت بعده مخلي راسه على صدري
شلت راسه عىى كيفي خليته على المخده
وكمت واني انعل بنفسي
مادري وكتها داهمني احساس انو اني السبب ورا بجيه وحركته يمكن هو وفي وياها بس انجبر يزوجني
كمت واني ماطايقه نفسي غسلت ونزلت سويتلهم ريوك سئلوني عليه كتلهم نايم
من اليوم لازم ابتعد عنه يكفي انو هو سند لجهالي ماريده يتاذة من وراي
يمكن تفكير مراهق حيل
المهم مشه اليوم عادي بين الجهال والشغل
وهو يريد شي اجيبله بدون ماحجي وياه شي ولا اباوع عليه
صارت الدنيا لليل حضرت فراش الي والمياس
فرشتنا ونومت الجهال هو جان طالع
دخل سلم
باوع نايمين بالكاع كال
بابر: ليش يابه نايمين بالكاع
جود: جنا نشوف كارتون ونامو ماحبيت اضوجهم
هز راسه بالموافقه وراح للحمام سبح وتمدد على الجربايه
بابر: اعذريني على تصرف البارحه يابه مجنت بوعيي
جود: ماصار شي
حجيت وكمت طفيت الضو
ورجعت لفراشي
هسه انام وهسه انام
ومانمت سمعت صوت الاذان كمت صليت ودعيت الله يسهل طريقي
نمت وراها ماحسيت الا على صوت ينادي باسمي
جنت حيل بردانه همست غطوني عفيه بردانننه
بابر: مرت ايام عاديه
الا ان صادف ذكرة وفات مرتي ام عيسى
ماكدرت اضم حزني حبي الاولي حياتي جانت حلوة بوجودها
طلعت من الصبح لنجف مارجعت غير لليل
دخلت للبيت الساعه بال 2.لكيتها كاعده
مادري شنو الي خلاني اسوي هيج
مادري جنت فاقد بدون وعي مني
حضنتها
حسيت عليها الصبح من شالت راسي بس ماحبيت تعرف كاعد
مرة اليوم عادي بس حسيتها ضايجه بس ليش مادري يجوز لان حضنتها
بالليل رجعت نايمه ومنومه الجهال بالكاع سئلتها كالت انو يباوعون كارتون ونامو وماحبت تحولهم عرفتها تجذب. سكتت
نمت ثاني يوم كعدت الساعه بال 8وهيه نايمه مو من عوايدها كلت يلا يجوز تعبانه خليتها ونزلت الجهال يم امي صارت بال 10وهيه مانزلت
كمت صعدت اشوفها
صايرة ناررر
ناديت بسمها مرتين ثلاث كالت
غطوني عفيه بردانه
بابر: شغطيج يابه صايرة ناار
بس تهذي مادري شتكول
جبتلها كمادات وسويتلها مايفيد
شلتها ورحت للحمام
خليتها جو الدوش
فتحت نزل عليها المي البارد
شهكت
جود: باررددد طلعنييي سده فدوه
بابر: ميخالف داتنزل حرارتج
ضلت تهذي خليتها فوك الربع ساعه جوه الدوش واني تبللت وياها
حسيتها كامت ترجف
جود
جود يابه اسمعيني
جود: اممم
بابر: راح اجيبلج ملابس بدلي يلا يابه تاتاكلين وانطيج علاج
ضليت احجي وياها الا صحيتها لان مستحيل اني اغير ملابسها غير تنجن براسي
جبتلهم ملابس بدلت وطلعت
جبتلها اكل اكلت وانطيتها علاج ونامت
.......... يتبع
صوتو للقصه وعلقو داتصعد مشاهداتها
تابعوني انستا pio_2004
تابعو حساب جود
joed2_5
بامان الله حبايبي