قصة مهد

البارت السابع والاربعون

قصص عراقية حقيقة 📜:
الحلقة السابعة والاربعون 47

مهد. ؛،. سديت التلفون ماكدرت ارد ع حجيه اشلون ايكول مااحبه منو عندي بهل دنيا غيره بالحظه حسيت بندم انو كسرته بس الله يعلم بحالي
اريد استجمع روحي كـل قطعه مني بمكان

استيفن. ؛،. خلاص كلشي انتهى مر كم يوم الكل عرف انحسم الامر بينا مجرد طفل بينا يجي بخير وسلامه ونتفاهم
لا عرفت مكانها ولا اخبارها عجزت بس محد يحجي

صرت اشغل روحي بالشغل وبالدراسه وسهر مر اربع اشهور تماما
اعتقد هسه هيه بشهر السادس اكيد عرفت جنس الطفل

رواء. ؛،. انتي غبيه ترى تصرفج ابدا مو حلو كافي عاد مابقى شي وتولدين
مهد. ؛،. رواء ليش مااتواصل وياج بسبب كلامج هذا ترى من زمان سدينه على موضوع استيفن اتفهم انتي ليش متفتهميني

رواء. ؛،. شتفهم يمعزايه لولد غيرمخلي ملح ع جرح وساكت ترى اهله والله ماكليج وشاربيج ويلومون بي على زواجه منج شنو ذنبه ها

مهد. ؛،. بقيت ساكته رواء استيفن بعمرة ماراح ينسه سالفتي ولا ينسه جنت قبل مزوجه عباله الى الان احب المرحوم مصطفى بس حجيتله كلشي ذبني عند اهله ورسن قلب البيت ملهى

رواء. ؛،. هيج مرتاحه انتي يعني
مهد. ؛،. لا حجيتها وبجيت استحي اكول مشتاقتله وكسرت رقمي وحذفت كلشي من برامج حتى ماازيد المشاكل وخلصت من ستار نهائيا

رواء. ؛،. مشتاقتله مو اباوع عليها بجت
احجي وياج اذا ماتحبي ليش تبجين
مهد. ؛،. بعدين نحجي رواء باي سديته منها حطيت ايدي ع بطني بس يتحرك عرفت بيه ولد رجعت اداوم مدرسه اخذت شهادة صرت اسوي تدريب
وي طبيب اسنان

استيفن ؛،. اهلا رواء اشلونج
رواء. ؛،. هلا الحمدالله اسفه اتصلت بيك هسه بوقت شغلك
استيفن. ؛،. لا عادي خير اكو شي كالت لا بس جنت احجي وي مهد كلتلها اممم اشلونها زينه ؟ كالت والله مااعرف شكلك بس حسيتها والله اتحبك بعدها حاول احجي وياها ضحكت انتي صدوك تحجين رواء ؟! ليش هيه مو اصلا غيرت رقمها والبرامج اتغيرت عن اي حب تحجين كالت صح حجيك بس ترى مهد او ما مجروحه منك ترى ماتسوي هيج استيفن

كلتها ،، رواء الكلام بعد مايفيد الي دخلت محاكم وشرطه بينا مالها رجعه وياي خلاص خلي تولد ويصير خير ساعتها
رواء ؛،. اوف منكم واحد اعند من ثاني شجاكم يمعودين احجي وي ذيج تيجي احجي وياك ماتتنازل
استيفن. :،. ليش تيجي هوه هذا الحب هذا الزواج هيج هيه متخيلته اعرف غلطت ويمكن تصرفي غلط جان بس مووووو سهله ترى مال اعرف كلشي بالحظه وحده ومو بس هذي زوج امها ايدزلي شغلات اتشيب الراس

رواء ؛،. حقك والله بس استيفن مهد اصغيرة بالتالي مالها احد غيرك
لو ماحبتك ترى ماتزوجك ولا احتفظت بالطفل

استيفن. ؛،. ايصير خير ان شاء الله نتواصل ان شاء الله الازم اكمل شغلي اعتذر منج
رواء. ؛،. ولايهمك مع السلامه
اوف يا مهد

كملت شغلي رحت البيت اهلي اتصلت امي اروح اتعشه عدهم
صار حتى تواصلي وياهم قليل
ابو سام :،. ليش ماتجي انشوفك بابا على طول مشغول
استيفن. ؛،. شسوي من شغل ع بيت واحظر الجامعه مبقه شي وانتقل منا بس هل يومين
ام سام ؛،. بتوفيق الرب ايكون وياك ابني انتبه ع نفسك هناك
استيفن. ؛،. باوعت ع امي نزلت دموعها ها بعد مارحت ههه كلها ست ساعات ابعد عنكم
ام سام ؛،. حبيبي انت هنا وبالي عندك
ابو سام ؛،. ايزورنا ونزوره هم المهم ايكمل دراسته
مريم. ؛،. ههه واني مبقه غير بس هل سنه والحككك
استيفن. ؛،. هههه انتظرج هناك بكل مكان ممرتاح احس شي ناقص بيه

مهد ؛،. كاعده مطفيه الضوا اذكرت ايام التهريب واشلون هيج اني واستيفن اطورت علاقتنا ضحكت ايام حلوه جانت وجنا اريدها بس اتمر ذيك الايام صرت اشتاق لها حسيت هديت اشويا ارتاح بالي وخوفي من بعدت عن كلشي يااذيني او افكر بي مثل ستار وتهديده او استيفن وخوفي لا اخسرة او اهله لان مااشبهم ولا ايشبهوني وجبر استيفن اعيش وياهم ومن دونه وتأنيب الضمير عن موت مصطفى وهوه راح واني مودينه له بعتذار وحقيقه ماعرفها حياتي وعبرتها كلها اكثر شخص بريئ بيها هوه مصطفى .

واحلى شي حاليا اعيشه هوه مرحلة الحمل واحساس الامومة مااعرف اشلون شكله راح ايكون يشبهني او يشبه ابوة هه ابتسمت ع مخيلاتي بس لا هم يجي عصبي ومتسرع بقراراته اوف استيفن احبه واموت عليه بس قربة يااذيني احس وهل شي سبب مني لان بعده الماضي وياي

مرت الدقايق والساعات والايام مر اسبوع تقريبا جنت بالعيادة حيل تعبت لان بطني نازله عبالك بطريق صايرة
دكتور. ؛،. مهد الازم بعد ماتجين الافضل تاخذين اجازة الامومه
مهد. ؛،. صح اني فكرت بيها من شهر الجاي راح اقدم عليها اخذت الاوراق وطلعت اكمل بيهم برا بالاستعلامات
ماطولت طلعت ع بيت انتهى الدوام واني بالباص فتحت تلفوني مسوية سناب جديد ضايفه اني مريم بس مو بااسمي الحساب شفت ناشرة استيفن وهمه ايودعو وهوه جنطه مال سفر بيده وين رايح كلبي احس نغزني طلعت اتصلت ع رواء انتظر اترد ماكو اوف وين رحتي هسه وصلت ع بيت

ذبيت ملابسي فايرة عود عدنا شتا رجع وثلج اذب مدري من الي شفته هسه انتي شعليج وين رايح
وين جاي فتت ع حمام سبحت

طلعت لكيت مكالمة من رواء اتصلت فتحت خط هلا حبيبتي اشلونج
رواء. ؛،. الحمدالله انتي اشلونج جنت والله اصلي وانتي دكيتي
مهد. ؛،. الله يتقبل شكو ماكو اخباركم
رواء ؛،. ماكو شي بس اذا اسئلتي عن استيفن لكاله مكان بالجامعه وراح
مهد. ؛،. بالعافيه عليه بقيت ساكته
رواء. ؛،. انتي وين راح توصلين لحد مايروح من ايدج ولج مهد والله تصرفج غلط هيانه حتى عماد ايريد يحجي وياج

مهد. ؛،. رواء مااحس لا عماد سلم عليه هلا بيك خويه اشلونك
عماد. ؛،. زين اذا تعتبريني اخوج هل مره اسمعي مني ترى استيفن شاريج لو ايخونج مفكرة جان وي اشكال بنات يطلع ويطب بس والله مو لان صديقي ادفعله بس هوه اجتماعي والي شفتي حجالياه ترى

مهد. ؛،. هوه هيج حجالك
عماد. ؛،. اي والله ايكول ماكو سبب غير هذا الشيء ومن خلاج عند اهله لان حامل وخايف عليج وهوه اغلب وقته بالشغل
مااعرف شكلك عماد بقيت صافنه معقول استيفن مامنطي بيه كدامهم ولا حاجي عن زوج امي والكاميرا الي فتحته كايللهم لان حامل

عماد. ؛،. ارجعي احجي وياه وتفاهموا مهد ترى هل شي مو حلو وانتو كل واحد بمكان
مهد. ؛،. الله كريم خلي ايكمل دراسته هوه هيج هيج رواء كالت انتقل
يعني اسس حياة له
عماد. ؛،. ههه عقل نسوان مايتغير واذا يدرس واذا انتقل هذا ترى مو عذر
يا مهد راح احجي وياه اني شتكولين تحجين وياه

مهد. ؛،. لبسمه ع وجهي متر احسها عزا ع خجل ها لا شنو مااحجي ماكو شي احجي
رواء. ؛،. والله لو يمي اكتلج بالماسحه هوه بكيفج انتي اتخابري اصلا مو هوه ايخابرج
مهد. ؛،. ههه شوف هاي
عماد. ؛،. فكري زين هاج رواء اشرت الرواء تقنعها
رواء. ؛،. مهد هسه تاخذه سويدية احلى مني ومنج وانتي اكعدي عود العمر كله ربي ابنج وحدج وباوعي عليه اشلون عايش وي غيرج ولا هامه

مهد. ؛،. انتي صديقتي عدوتي ليش ماتحسون بيه شايفيني غلطانه بس رواء انتي تعرفين بكلشي حجيتلج كلشي صار
رواء. ؛،. اعرف مهد وياج الحق وانتي شفتي انجوم الظهر ومحد اصلا يتحمل الي صار بس يااختي خلاص فرصه ثانيه ماتأثر الخاطر ابنج
مهد. ؛،. عوفيها مو هسه بس اشوف نفسي اخذت قرار عود

رواء ؛ ماشي نتخابر باليل حب كعد علوش
مهد. ؛،. ماشي بوسي لي باي

استيفن. ؛،. صارلي تقريبا اربع ايام من وصلت ع جامعه وسجلت بالسكن مال طلاب اخذت غرفه وبيها مطبخ اصغير هذا كله يرجع بفضل غالية ساعدتني هوايا البنيه
اتعرفت على شباب وياي بالقسم من اهل الموصل اثنين واحد من ناصرية
بس همه ماخذين بيت مو بالسكن

اقلب ع برامج اشتغلت اغنية نوال الكويتيه اذكرت مهد كلش اتحب هاي الاغنية صوتها حلو مرات اتغنيها خليت الاغنية مشتغله كمت سويت اكل اندك الباب فتحت

محمد ؛،. ها ابو الشباب اشلونك
هلا بيك حمودي فوت خويه وين لعد حمزة
حمزة ؛،. هنا ورا اني دفوت لزكت خل انسلم
استيفن. :،. هههههه كلش اكصير حمزة مايبين بينا فوتوا شباب اتغدو وياي

محمد. ؛،. عفيه شاطر مبين عمي وين اكو من عدنا العراقين هم جمال وهم اخلاق وهم ندارة
حمزة. ؛،. ههههههه بس حض ماكو
استيفن. ؛،. هههه اي والله طفيت تلفوني خليت الاكل الله دزهم الي هل شباب
وين لعد سامر

حمزة. ؛،. عنده اوراق مال لم الشمل كال جايات من المحكمه وراح يركض
استيفن. ؛،. اي كال علمود زوجته واطفاله
محمد. ؛،. اي اجته الموافقه فرحان لو شايفه

مهد. ؛،. طلعت اسوك الجو ايموت من البرد اعظامي اتون عليه والتقلصات فد مره كملت مسواك طلعت اتمشى ع باص يبعد محطتين عن البيت شفت الباص ركضت مااحس له شقلبت ع ظهري من ثلج احس اتكسرت نفسي راح دنيا اليل هسه منو ايكومني اااه الشارع فارغ اريد اكوم مااكدر بس دموعي تنزل طلعت تلفوني عندي رقم استيفن اتصلت عليه دك ماكو رد ملابسي كلها مي اتصلت ع اسعاف طلبتهم كال عشر دقايق

استيفن. ؛،. كاعد وي الشباب انشوف لعبة برشلونة واسبانيا
دخلت اجيب تلفوني شفت رقم متصل عليه منو هذا عفته رجعت اشوف العبة

مهد. ؛،. احس شي ينزل عليه حاولت اكعد بس ظهري احس انشل ايدي توجعني حيل فعلا الغربة مرة اجه واحد ع بايسكل شافني اجه عليه يركض
هل انتي بخير ،، كتله لا مااكدر اتحرك ساعدني
حاول ايكومني كمت اصرخ من الوجع سمعت صوت الاسعاف قريب صار اشويا ونزلوا عليه شالوني واني اشهك من البجي بس لا الطفل بي شي لان وكعتي حيل قوية جانت بعدني بشهر السادس بي عشرين يوم

استيفن. ؛،. راحوا الشباب كعدت ادرس اذكرت الرقم اتصلت اشوف منو اخاف اهلي مهد
اتصلت محد ايجاوب
مهد. ؛،. وصلت ع مستشفى اخذوني ع اشعه وسونر لان انطيتهم معلومات عن حملي بعد مادريت لان انطوني مغذي نمت

كعدت لكيت روحي بغرفه ايدي مجبريها وايرات مال جهاز ع بطني هذا جهاز دكات القلب مال الطفل ملابسي مغيريها ضوا خفيف جريت تلفوني باوعت ساعه 11 و 22 دقيقه يعني صارلي شكد هنا اني اذكر طلعت من بيتي ساعه سبعه مدري سته مر اربع ساعات تقريبا شفت استيفن متصل مره وحده ورواء متصله عليه مرتين كتبتلها ع واتساب كاعده نايمه

حاولت اتحرك ظهري حيل يوجعني من الوجع ردت اصرخ دخلت اللمرضه
هل انتي بخير
مهد. ؛،. اشعر بألم هنا ابني بخير
كالت. ؛،. نبض ضعيف اللاسف سيكون بخير لا تقلقي اتصلت رواء اشرتلي ارد الوو هلا رواء اشلونج دقيقه خليج ع خط

الممرضة ؛،. سبب ألم الظهر الفقرة الاخيرة متضررة بسبب الوقوع وايضا اثر عليها ثقل الحمل لهذا

مهد. ؛،. ايدي ماذا
كالت فصخ خلت راحت ،، ها رواء

رواء. ؛،. ها شنو وين انتي
مهد. ؛،. حجيتلها الي صار
رواء. ؛،. ادري دخابري كولي صدك جذب وهسه اشلونج
مهد ؛،. زينه بس موجوعه وخايفه ع الطفل نبضه ضعيف كالت خنكتني عبرتي بجيت ايصير زين مو

رواء. ؛،. لا تبجين حبيبتي ان شاء الله ماكو شي ايصير زين بس خانس من الوكعه هل طفل راح اتكرههوا بدنيا وهوه بعده ماجاي ههه
مهد. ؛،. هه شفتي ع حضي طالع
رواء. ؛،. دزيلي عنوانج باجر اجي من صبح
مهد. ؛،. ماكو داعي والله ابنج هم اشلون

رواء. ؛،. ددزي العنوان معليج اخلي يم ابوه وعماد هذا يسمع ويسلم عليج
عماد. ؛،. مابيج بس العافيه خويه غير تنتبهين

مهد. ؛،. تسلم ابو علي شسوي بعد ماشي حبيبتي سديته دزيتلها العنوان حاولت ارجع انام بس جوعانه حيل عود طلعت اسوك حتى ارجع اسوي غده لان مااشتهيت اكل الظهر

رواء. ؛،. واكعه بالمستشفى هسه انوب الطفل نبضه ضعيف تبجي خايفه
عماد. ؛،. راح اختبر استيفن لا انوب ايصير شي وايكول ليش ماحجيتوا
رواء. ؛،. خابرة

استيفن. ؛،. هستوني غفيت اتصل عماد الوو حجيت واني مطفي ها عماد
اي والله نايم كول

عماد. ؛،. يابه صحصح عندي لك خبر
استيفن. ؛،. خير ان شاء الله كول كال مهد واكعه طالعه تسوك ومزحلكه واكعه كعدت ع حيلي صدك تحجي لو تشاقه
عماد. ؛،. والله هسه سديناه منها رواء اخذت العنوان منها كلت اكولك حتى مادكول ليش ماحجيتوا

استيفن. ؛،. وشلونها زينه متأذية هيه الطفل
عماد ؛،. والله مااجذب عليك هيه ايدها وظهرها متأذيات والطفل نبضه ضعيف ،، بقيت ساكت ورثت جكارة كمت ع حيلي دزلي العنوان
عماد. ؛،. بداعتي استيفن لا تتصرف بعصبيه قدر وصار شسوي بيدها من وكعت

استيفن. ؛،. امم ماشي ماشي اريد اسب والعن ومااخلي سديته فاير دمي اتصلت على سام ايروح الوو هلا ابو ايليا اشلونك نايم
اكعد احجي وياك كال كول خير اكو شي شبي صوتك كتله عماد هسه خابرني مهد بالمستشفى واكعه مااعرف اريد اتوصل امي يمها نور على مااجي

سام. ؛،. صدك تحجي ماشي دزلي العنوان راح اخلي الاطفال يم خالتهم عدنا وروح لها اشكد تبعد عنا
استيفن. ؛،. ماادري خليك وياي عماد دز العنوان فتحته مو بعيدة تبعد ساعه تقريبا عنكم
كال يلا سده رايحين عود خابرني من توصل سديته منه نفس الرقم الي دزه عماد نفسه الي متصل عليه شغلت الضوا وكعدت اتصلت عليها

مهد. ؛،. اجت اتبدل المغذي اتصل تلفوني جريته استيفن اكيد عماد حجه وياه اريد افتح خط خايفه مدري احساس خلاني اضيع صار فوك الاربع شهور ماسامعه صوته فتحت خط وهاي اتبدل بالكانونه

فتحت خط الوو ضايج وكارهه مااعرف مشتاق لها احجي وياج

مهد. :،. الووو اسمعه يحجي بعصبيه كال احجي وياج اسمعك

استيفن. ؛،. اشلونج ان شاء الله بخير ومرتاحه
مهد. ؛،. زينه انت اشلونك
استيفن. ؛،. بخير بخير شنو هذا الي سمعته خومابيكم شي اقصد الطفل خوما صارله شي
مهد. ؛،. الحمدالله دقيقه ااااخ كلتلها ع كيفج تااذيت
الممرضه ؛،. اسفه حقا سوف انتهي الان
استيفن. ؛،. خير شكو
مهد. ؛،. داتغير الكانونه احس اريد احضن صوته مشتاقتله موت بس خايفه هم ارجع أتأمل ونرجع وترجع المشاكل

استيفن. ؛،. راح يجي سام ونور هسه
مهد. ؛،. لا ليش دنيا اليل مايحتاج ترى الكل يهتم بيه هنا
استيفن. ؛،. هه حتى هذول كرهتيهم سهله يجون يطمنون عن ابني ويرجعون لا اتخافين

مهد. ؛،. ترى مااكرهم بالعكس بس علمود اطفالهم ودنيا اليل وطريق طويل
استيفن. ؛،. اممم خلصت الجكاره سحبت الثانيه بقينا ساكتين اي اشلون هيج صار
مهد. ؛،. وكعت من طلعت اسوك
استيفن. :،. ماشي يلا اخذي راحتج سديته منها

مهد. ؛،. سده بوجهي نزلت دموعي والله تعبت ياربي وتاليتها مو بعد كل ضيق فرج اشوكت تفرج عليه شبعت بجي ورا نص ساعه بكد ماختنكت جهاز نبض الطفل خف الصوت رعبت كمت اصيح احد يجي اشويا فاتن اثنين ايركضن وحده اتهدي بيه والثانيه سوي بالجهاز صوت كلش خفيف مال النبض

اجت وخرت الغطه بعدني انزف تحجي وي الثانيه ركضت اصيح الدكتور

بالحظتها اموت ولا ايكولون صار شي ع ابني اجه الدكتور مدري شيكول من البجي بالي مو يمهم وجع موتني بطني وظهري رجعو خلولي مدري شنو بالمغذي ورفعو رجليه مخده خلو سولي سونو شاف الحبل السري قريب على ركبته كل مايتحرك يضك عليه ويختنك

الدكتور. راح ننتظر الى الصباح لكي نعمل العملية
مهد. ؛،. بس اني ممخلصه السادس ابني راح ايكون بخير هز راسه بحيرة
الدكتور. ؛،. لا استطيع اجاوبك الان الحقيقه نبض جدا ضعيف والحبل السري قريب من عنق البيبي حاولي ان تهدئي عليكي بالهدوء وان تتنفسي بشكل جيد لكي تعطي مساحة اوكسجين اكثر

طلع الدكتور دخل سام ونور شافوني ابجي نور حضنتني خير شكو
الممرضه واكفه يمي
سام ؛،. حمدالله على سلامه اشلونج
مهد. ؛،. حجيتلهم الوضع

استيفن. ؛،. بقيت محتار اروح لو لا هيه ماتريدني اصلا على شنو اروح
اتصل استيفن ها استيفن لا وين يجي النوم بعد اي شكال
سام. ؛،. هسه حجيت وي الدكتور الطفل وضعه خطر منا الصبح ايسون عملية المهد

استيفن. ؛،. الهل درجه الوضع واصل يلا هسه اجي
سام. ؛،. وين بهل اليل اسوق انتظر الصبح وتعال
استيفن. ؛،. ماكو شي لا اتخاف يلا شيصير خابرني
سام. ؛،،. ماشي انتبه ع طريق

نور. ؛،. كافي بجي حبيبتي العذراء تحمي خلي ايمانك قوي
مهد. ؛،. بقت اصبر بيه احس بذنب جبير اذيت ابني احس بس والله مااعرف اشلون زحلكت سام ايباوع عليه ونور

سام. ؛،. حجه استيفن وياج
مهد. ؛،. هزيت راسي اي
نور. ؛،. بطلوا هل عناد يامهد استيفن ايحبج من رحتي الليوم ماعبالك استيفن الي نعرفه على طول عصبي وحده

مهد. ؛،. بقيت ساكته اشلون مرت الساعات مااعرف صارت ساعه 3 نمت ونور نامت ع تخم يمي سام راح ع بيته لان اطفاله عند خالتهم
كل شوية افز ع جهاز اباوع اذا اكو نبض
صارت ساعه سته الصبح دخل استيفن كعدت ع صوت فتحت الباب عبالي اتحلم

استيفن. ؛،. فتحت الباب شفتها حست عليه فتحت عيونها ضعفانه بطنها كبير اشويا دخلت صباح الخير
مهد. ؛،. صباح النور كعدت نور شافتنا كامت سلمت ع استيفن مااجه يمي راح كعد يم نور
كال اجه الدكتور بعد
نور. :،. لا بعد مو مهد
مهد. ؛،. اي بعد مااجه مدنك راسه ولا نطق كلمه بعد
نور ؛،. رايحه اجيب كهوة تشرب وياي
استيفن. ؛،. لا طول الطريق جنت اشرب

نور. ؛،. ماشي
مهد. ؛،. طلعت نور باوع عليه وكال
جاي يتحرك لا
مهد. ؛،. عيوني غوركن كتله لا ماكو حركه صوت النبض انسمعه ضعيف
دخلت الممرضه شالت المغذي القديم وجابت واحد ثاني كالت الدكتور هسه يجي هم خلت السماعه ع بطني رفعت الملابس وجهي نار صار بطني طلعت كلها

استيفن. ؛،. كمت رحت يم الجهاز اشوف اشكد نبض ماجنت هيج متوقعه ضعيف اريد ازهك بيها اطلع نار الي بكلبي باوعت عليها هيج مرتاحه

مهد. :،. درت وجهي منه عبالك متقصده ولا هوه ابني هم دخل الدكتور سلم عليه استيفن وكعد الدكتور يشرح الوضع له كال الازم انسوي عملية الطفل اذا بقه اكثر نخسرة كال هيج اني دموعي صبت وهم ماكو نجاح كبير كبير اذا عاش كونو يعني متوقعين كلشي اعتذر لكن عليه اخباركم

استيفن. ؛،. شكرا لك كاللهم جهزوها اللعملية
دخلت نور ها بشرو اكو تحسن
كلتلها لا نفس الحجي

مهد. ؛،. بالي مو يمهم خوف من العملية وخوفي ع طفل وقهري ع نظرات استيفن
اتصلت رواء ماجاوبت مالي خلك الاحد ولا احجي كلمه
استيفن. ؛،. اباوع عليها وجها اصفر صار واديها ترجف طالع ادخن نور
نور. ؛،. ماشي اتصلت ماما راح تجي هسه
استيفن. ؛،. اي خليت وطلعت برا جاي تمطر

مهد. ؛،. اتمنيت يحضني ايكول كلمة ولا عبالك هوه هم له ذنب بهل موضوع وبالوضع الي وصلتله كل خوفه ع ابنه جهزوني اجوي سحبوا دم مني دخلت خاله وعمو سلمو عليه

ام سام ؛،. اتكومين بالسلامه بنتي خليج قوية لا اتخافين
ابو سام ؛،. ها استيفن بابا اشلونك
استيفن. ؛،. هزيت راسي زين
ام سام :،. لا تنقهر ماما هسه مو وقت المشاكل لا اتفكر غير انو ابنك جاي وراح اتشوفه

استيفن. ؛،. اي ان شاء الله
مهد. ؛،. امه من ورا خشمها تحجي وياي مبين هم ضايجه ماهتميت شسويلهم اجوي اخذوني اللعمليات عيني ع استيفن ودموعي تنزل اجه وكف يم راسي

استيفن. ؛،. كافي بجي مهد ادكومون بالسلامه ان شاء الله
مهد. ؛،. باوعت عليه عيونه حمر هزيت راسي دخلوني الصاله مال العمليات
بعد مااعرف شصار

ابو سام ؛،. وين اخوك
سام. ؛،. برا واكف يم عماد
ام سام ؛،. كله بسببها الي ابني بي هيج احسن الي صار
رواء. ؛،. فورت دمي من وصلت الهسه ادردم ولا عبالك ابنها هم سبب الي مهد بي
نور. :،. ماما المهم هسه مهد والبيبي يطلعون بالسلامه يصالحون اكيد
ام سام ؛،. مستحيل بعد الي سوته يرجعها مااسمح بهل شي

عماد. ؛،. لا اتخاف ان شاء الله هسه يجي بالسلامه
استيفن. ؛،. ان شاء الله ابنك راح يبرد هنا روح اكعد بسيارة احسن
عماد. ؛،. ماشي عود طمنوني اني بسيارة

سام :،. استيفن تعال طلعوا مهد
استيفن. ؛،.

ركضت دخلت باوعت بس مهد ماخذيها ع غرفه نايمه
رواء. ؛،. مهد حبيبتي
ابو سام ؛،. شوف الدكتور اشلونهم الطفل وينه
استيفن. ؛،. طلعت الممرضه طمنيني
كالت هسه يطلع الدكتور ايفهمكم بقينا واكفين نور ورواء راحوا ورا مهد

يتبع ،،،