《》 الحلقة اربعة وثلاثون 34《》
《》 اللكاتبة #بنت_الحجي 《》
《》#مهد 《》
مهد : شنو مات
انتي شتحجين انجبي
ملاك ؛ والله اشبيج مااجذب عليج
راح اسده اجوي عالم
مهد : ذبيت التلفون شنو مات بقيت اردد هل كلمة ولكم روحي هذا عمري وحقيقتي هذا ..
رواء : شنو مهد شبيج شكو
مهد : مات اتكول بس مااصدكها اني ايجذبون عليه حتى مااحجي وياه هاي العبة من ستار هم
رواء : منو هوه شنو الموضوع مهد اكعدي واحجيلي
المرة : خاله شكلها مصدومة شربيها مي
رواء : مهد باوعيلي بس كوليلي شسمعتي شحجولج
مهد : انفجرت بالبجي رواء مصطفى اتكول مات بس جذب والله جذابه هاي ستار يلعب بيه اعرف
ولج اشلون ايموت هوه شبي حتى ايموت شنو انفجر عليه اتكول
رواء : ياااا يعني بالنفجار الصار اليوم من شويا
مهد : وخري مني انتي هم اجذبين مثلهم دفعتها مني يا انفجار اتخبلوني اتريدون
اريد اروح اني ماابقه هنا طلعت ع سريع مااعرف وين بس اريد اروح اللعراق مااكعد ولا انتظر
رواء : يااا ولج مهد وين رايحه ركضت وراها
مهد اوكفي
مهد ؛ دفعت الباب وطلعت واكف عماد ومنو بعد ما ماركزت الدموع بعيوني مغوشة دنيا كدامي
عماد : شكو رواء
رواء : عماد فدوة تعال وياي ركضت وراها
جريتها من ايدها اوكفي بس اسمعيني
مهد : عوفيني اروح رواء ماريد ابقه عوفوني بقيت اصرخ واشلع بشعري
عماد : استهدي بالله شكو احجي انتي
رواء : مااعرف خابرت ع منو وكالولها طليقها مات بالنفجار الصار اليوم بالكرادة
مهد : لا تكوووولين ماتتتتتت جذابين والله جذابين ولكم مايعرفني وبس احجيله راح يجيني بس ستار هوه جذب هل جذبه
عماد : تعاي فوتي خويه جوا وهسه اخابر واتااكد اني
ايجوز مفتهمه غلط
مهد : ماريد افوت فدوة عماد رجعني ابوس اديك اخذني اللعراق
عماد : اي اي ميخالف بس فوتي جوا ونحجي
مهد : رجعوني اللبيت يتخايلي ضحكته وصوته وحجيه وياي وشقاه من اروح فدوة لك
ها رواء عماد خابر عرف شي
رواء : طلع صفحته ع فيس ودخل الواحد من اصدقائة بس مجاوب عليه بعده
بلكت اشويا ويشوف الرسائل جابو اكل ماكدرت اتغدا بلكوا رواء انطتني صمونه اكلت شويا منها
مهد : اشلون بيه مااتحمل والله اموت من دونه لا ياللهي لا تاخذه عوفه واخذني اني كلبي يوجعني مااكدر على هل وجع
النار مسعورة بيه رحمتك ياربي
عماد : رواء صحت عليها
رواء : هسه اجي بس اشوف شكو
مهد : لا اجي وياج
المرة : خاله اكعدي هسه تفتهملج بلكت خبر زين لا تفاولين على ولد بلكت مصاوب
وعايش
رواء : اي صح حجي خاله اكعدي عفتها وطلعت ها عماد
كاعد هوه واستيفن وجوهم اتخوف
عماد : صديقه ايكول من صار الانفجار طالع هوا ايجيب بضاعه من المخزن ومن شايف الانفجار رايح يركض بس مصطفى شايفه ايحاول يطلع ماكادر باقي جوا واكع عليه السكف الثنائي ومن مطفين المكان مايعرفون حتى جثه مالته ياهيه من عدد الي استشهدو
